بعد وصولي الى شيكاغو وتفاصيل الرحلة

[laser77]

السلام عليكم ياشباب جميعا؟؟؟

اول شي اريد ان اسرد كل التفاصيل من بداية رحلتي ال وصولي الى شيكاغو
 طبعا في مطار بغداد يساعدون الكل في وزن الحقائب بحيث كل حقيبة كانت تزن 25 كيلو  وكانو متعاونين بس اكو شغلة مخلو ولا هاند باك تصعد ويانة بلطيارة بس الابتوب وحقبة للطفل الرضيع فقط بس؟؟؟؟ وسالتهم ليش الهاند باك عادي  كالو تستلمهم بعمان ؟ وبعدين وصلنا في عمان في الساعة الواحدة والنصف ظهرا وبعد مرور ساعتين تم انزالنا الى موقع استلام الحقائب بحيث تفاجى الجميع من ان خمسة من اخوتي المسافرين قد فقدوا احدى من حقائبهم الكبيرة طبعا ؟ وهنا بدت الرشاوي في سبيل ان يجدوا الحقائب بس ماكو شي حصل؟ في قمت في طلب شكوى الى القسم الخاص في الحقائب بصورة رسمية . واحد الاخوان كانت في حقيبته الاوراق الخاصة لل الاس اي في التي تسمح له بلدخول الى الاولايات المتحدة الامريكية . واهنا كبت العيطه .بحيث اشتكى الى مسؤول كبير في المطار حيث تم استدعاء احد ممثلي السفارة الامريكية الذي قام بمساعدة هذا الشخص واعطائه ورقة لمساعدته في دخول الى امريكا .
وهذا ماحصل بلفعل ودخل بسلام الى امريكا.

وبعد دخولي مطار شيكاغو استلموني جماعة ال اي او ام وكملت كل الاوراق الخاصة بلهجرة بسلام
واستلموني اهلي هناك وفي اليوم الثاني قد اتى المسؤول على الكيس مالتى الى بيت اهلي واعطاني شيك ب900 دولار لكل فرد( ويل كم)
وحدد لي موعد مقابلة في المنظمة المسؤولة لاجراء مقابلة ثانية .وتحديد موعد الفحص الطبي لي ولعائلتي بعد العيد (استر).
وقد فاجئني المسؤول بقوله انو جماعة الاس اي في راح يحصلون الجنسية بعد مرور 3 سنوات فقط ؟
وال اي او ام خمسة سنوات ؟

بس اريد من الاخوان اللي قبلنا بسنوات وداخلين عن طريق ال اس اي في (القدامى) ان يتأكدون انو هذا القول صحيح؟؟؟؟ لو لا

وشكرا لكل الاخوة والاخوات

اخوكم laser77

[ســـرى]

الف الحمد لله عالسلامة وسلامة الاهل فرحتنا باخبارك ونتمنى منك التواصل اخونا العزيز

بس ترة شغلة الجنسية هاي لحد هسه ما سمعت هيج خبر وسؤال ثاني: مو كالوا الويلكوم صار 1100؟ يعني الخبر مو صحيح اخونا ليزر؟ يا ريت تتاكد علمود اخوتنا اللي بعدك ان شاء الله

تحياتي مرة ثانية ونتمنى المزيد

[eboo]

الحمد لله على السلامه اخي العزيز وان شاء الله ولاية خير عليكم وموفق بحياتك الجديده

[laser77]

اختي szsz  والله هذا الشخص المسؤول هيجي كلي بلكت الله يكون هو الصحيح لان يفيد هواي ناس
وبلنسبة للويل كم بشكاغو 900 دولار للشخص الواحد بس خير ولايات ما اعرف.

laser77

[vincenzo]

عالخير والبركة صديقي
مال الجنسية اني شخصيا اعرفهه (الخدمة في القواعد الامريكية للمترجمين محسوبة لفترة الجنسية وهذا حجي ضابط رتبته فوك الوسط كالياهه بال2008 بس ما اكدر اكتبهه هنا لان تكب العيطة   ومرة الكاوبوي العراقي هم كالهه ومرة اختي انجي هم كالتهه بس محد عنده تأكيد)

بس رحمة لوالديك تتابعلنه موضوع الجنط المفقودة
شصار بيهه بعدين؟؟؟ ومنو تتوقع الخمطهه؟؟؟ العراقيين بمطار بغداد لو الاردنيين؟؟
حتى اذا هيج منخلي شغلات مهمة وانما المهمات نشحنهه قبل السفر وامرنا لالله لان هواي دتتكرر

[ســـرى]

اخوية العزيز هو المفروض ما يخلون الاوراق مال الاس اي في بجنط الشحن لان انت من توصل مطار نيويورك او شيكاغو راح تدخل على ضابط المطار قبل ما توصل لجنطك مال الشحن وتاخذهن زين من يسألك وين الاوراق مال الهجرة والظرف الاصفر شتكوله؟

اخوية فنجنزو نفس الحالة اوراق الاس اي في والاوراق المهمة كلها بجنطة اللابتوب لان هاي حياتك بيها يعني كل شي يصير وهاي دنيا غير انه الظرف الاصفر والاوراق مال الاس اي في تحتاجها اول ما تدخل بالمطار وتوكف يم الضابط

نصيحة

اختكم
سرى

[IraqiFreedom]

حمدلله على سلامة الوصول،

عيني انتوا صيروا مثلي أحسنلكم، اني أتجول حاملا معي حقيبة ظهر مع حقيبة اللابتوب والثنيتن أصعدهن ويايه بالطيارة، ماكو هيجي راحة بال، ملك زماني، حسين فهمي!!!! حسين أبو علاوي المهم، أنزل من الطيارة بوجهي عالجوازات ومناك على بوابة الخروج مع أبتسامة عريضة ناصعة البياض!!! أستعمل سانسوداين

همه لعد ينلامون الأجانب من يتعجبون عالعرب شكد عدهم جنط من يسافرون, من أجيت لعمان بالطيارة جانت أكو بنيه ويايه خطيه رايحة بوحدها لشيكاغو ساعدتها بالجنط، سوده عليه ست جنط وأحجام مهوله وحدتهن تكفي نفر يكعد مرتاح، كتلها هاي لعد لو جايبه العائلة الكريمة شلون بهالحالة مجان بقالنا مكان بالطيارة، ولو اني كان عندي شك في وقتها أنو العائلة الكريمة جانت موجودة فعلا وياها بس الظاهر ممحصلين فيزا!!!!!!!!

يمعودين تره هناك مو منكطعه يعني هم متوفرة مستلزمات الحياة، وبعدين مصاريف وثكل وروح وتعال وشيل وحط، وشله بهالدوخة الواحد خلونا خفايفي أحسن


تحياتي ومبروك الوصول

[silver_d]

الف ال الف مبرووك ععلى الوصوول وانشالله الموفقيه بي ارض الاحلام
خويه العزيز بالنسبه لشغله الجنط يعني انتو من بدايتها جان تحجون ويا ابو الاي او ام   في بغداد وتكولوله يابه شنو السالفه لان اني الي اعرفه  هذا قانون كل شركات الطيران والمطارات في العالم انو مسمووح الك هاند باك وجنطه الابتوب اتكون وياك في الطياره وهذا الشي رسمي ما اعرف اشون  خليتو هالشي يعبر عليكم
المهم وصلتو بسلامه اخويه العزيز
بالنسبه للويلكم موني قسم من الولايات مواصللها البيان الرسمي لجعل الويلكم موني من 900 الى 1100
لان احد اصدقائي في كالفورينيا استلم 1100 قبل سبوع وراح اتاكد منه اشون صارت وياه
واما بالنسبه للجنسيه فهيه صحيحه انو الي داخل امريكا عن طريق الهجره الخاصه يحصل الجنسيه الامريكيه رسميا والجواز الامريكي خلاال 3 سنوات السبب هوه انو الشخص يعمل مع شركه امريكيه داخل العراق على سبيل المثال للي يجي من امريكا كمترجم الي همه DoD اتكون عدهم الخدمه بالعراق محسوبه لحصوول الجنسيه ميعتبرون انو همه خارج امريكا وهالقانون يكون ويانه نفس التطبيقات لان كل القواعد الامريكيه في العراق ما تعتبر اراضي عراقيه تعتبر اراضي امريكيه
واني هم سامع انو هيه 3 سنوات للهجره الخاصه و5 سنوات للجوئ
تحياتي الكم اخوان

[angie-dawood]

حمدالله على سلامة وصولك اخي انشاءلله تشوف كل الخير ربي يوفقك ويرزقك

[ســـرى]

زين واللي ما مشتغل بالقواعد الامريكية؟ شلون يحسبوها هاي؟

[hamada2]

اخ ليزر مبروك وحمد لله على سلامة الوصول وشكرا على شرحك المهم

اخ silver_d  شكرا لك لتاكيد مبلغ الويلكم موني الي هوة 1100 دولار

تمنياتي للجميع بالموفقية

[laser77]

شكرا شباب
بس اكول للاخ  vincenzo  اكول بفضل الله اليوم وصلت للعنوان اللي انطيته في مطار الاردن وفادت الشكوى وحتى اخواني ليكعون بنفس الخطأ.

وشكرا جزيلا
اخوكم laser77

[اين انا 2]

الف الحمدلله عل سلامة اخونا ليزر77  انشالله بداية خير عليك...وكل عام وانت بخير مقدماا.....

تقبل مروري

ااااااااااااين اااااااااااناااا

Happy Easter

[laser77]

شكرا اخويا اين انا 2

وكل عام وانت بألف خير (هبي استر)

اخوكlaser77

[IraqiFreedom]

عيني،

بالنسبة لموضوع الحدمة وتنحسب لو لا أعتقد مو بالشكل اللي انتوا متصوريه، أتصور اللي يروح وبعدين يرجع كمترجم CAT مثلا أو متطوع عالجيش بذاك الوقت راح تنحسبله المده اللي يقضيها تور خارج أميركا وطبعا راح تقصرله مدة االحصول على الجنسية. اني أعرف جندي ألماني جان يخدم بالجيش الأمريكي على حسب حجيه أنو اللي يتطوع عالجيش بعد سنة يحقله يقدم عالCITIZENSHIP اللي هيه الجنسية عاد ممتأكد صح لو لا لو كل الجنسيات نفس الشي لو لأن هو ألماني هاي ما أعرف بيها.

بس مال شغلة الخدمة تنحسب من الوقت يعني أخذوها بالعقل، أكو ناس عدهم خمس سنين وأكثر خدمة، هذوله يعني شنو أول ميوصلون ياخذون جناسي؟!؟!؟!.


تحياتي.

[vincenzo]

صح
مرة هم جندي مكسيكي سووله حفله لان هو واهله حصلوا جنسية وهو بالعراق ورى سنة وحدة من دخوله للجيش رغم انه هو وعائلته مهاجرين من المكسيك وعايشين بامريكا سنتين بس

بس هاي غير سالفة
الlocal contractors اللي يشتغلون ويحصلون اس اي في يقدمون عالجنسية ورى تلث سنين من وصولهم لامريكا مثل ما همه يحصلون كرين كارد رأسا

اما الCAT2 & 3 فهذولة اصلا ميحصلون هيجي شغل لو مو همه اصلا مواطنين لان كليرانس مو سهل يطلبون منهم والراتب خرافي
لو هذولة يستفادون بموضوع الحصول عالجنسية بسرعة جان الدنيا كلهه قدمت (اقصد المقيمين العرب بامريكا) لان هم جنسية وهم فلوس قوية وهم شغلهم جان بامان نسبي بينما احنا جانوا يذبونا بالموت كل يوم

[vincenzo]

حبيبي ليزر
ادري انت شنو تحسب علينا كلمات وحروف؟؟
يمعود داحجيلي التفاصيل
الجنط وين لكيتوهه؟
 ومنو مضيعهه ودزهه؟
 ولو ما لاكينهه شنو ممكن تسوون ؟
واذا مفقود منهه شي من داخلهه شنو ممكن الواحد يسوي؟؟

سولف يمعود مو دخلتنه بانذار وفلم رعب

[IraqiFreedom]

صحيح أصلا الكاتس ربيع شغلتهم كله أعمال مكتبية وويه الضباط الكبار ولا بترولز ولا هم يتبترلزون!!! وواحدهم على مسمعت ياخذ أكثر من الجندي الأمريكي مره جان أكو واحد من أصل مصري ويانه كونتراكتر الله يذكره بالخير طلع دورية بالصدفة رجع االه شويه ويوكع جان يكون هاي شنو انتوا، كتله أهلا وسهلا.

بس يجوز فعلا الأس اي في الها مميزات بالجنسية مثل ما بالكرين كارد، هسه دخل نوصل أول شي وبعدين عود يحلها الحلال

[مهند هادي]

الحمد لله على السلامة وان شاء الله اني جاي لشيكاغو ونلتقي هناك

[اسيرالروح]

حمدالله على سلامتك وان شاء  الله الموفقيه للجميع


وشكرا

[hani hani]

الحمد لله على سلامتكم اخي
اتمنى لك الموفقية وتحيق كل الاماني والله يسهل على الجميع

[*Sandra*]

 

[غــــــــزل]

حمد الله على السلامة ولو متأخرة

[ام مشمش]

حمد الله على لسلامه بالتوفيق انشاء الله

[المهاجر الجديد]

الحمد لله على السلامه  اتمنالك التوفيق والنجاح والاستقرار  وان شاء الله قدم الخير والسعد عليك  هذه الولايه يارب   تقبل تحياتي                                                                                                                                                                                                                                                                                                                                                                             ابوحارث

[DEFA]

السلام عليكم اخواني واخواتي جميعا
اولا الف الف مبروك اخي العزيز وانشاء الله توصل بالف خير وسلامة
موفق با اذن الله ..........
احب يكون تدخلي لائق بصورة عامة للجميع حيث اني عملت مع الجيش الامريكي بس مو مترجم وانما مدخل بيانات على الحاسوب بتاريخ 17-7-2003 في مركز تطوع البصرة للجيش العراقي الجديد فما هو تصنيفي ..علما اني مقدم على اس اي في ومليت 157 ولحد الان ماكو خبر اسعفوني ارجوكم.......حيث اني قابلت مع عائلتي على الي او ام بتاريخ 28-4-2010 ايضا . والجميع بالتوفيق