بطلت الشعر من يوم شفتها
وماأكتب قصايد وشعار
كلمة هلو طلعت من شفتها
سهم صابني ومشتعل نار
كَلبي المايحب جنت اضنه
من شافها لي فوكَ طار
صعب اكتب بعد وتغزل بحروفي
ميزان الشعر تخربط على الصار
ما اكتب ولا اثر بعدي شي
ياشاعر اليكتب والبال محتار
ترتجف إيدي من افكر بيج
ومو موس اليكصني منشار
وانا جروحي البيه تكفيني
تجيني انتي وتردين انهار
حبيتج بعد والحب بين بيه
ودليلي افكر بيج طول النهار
والكلام الأحجي مو بس كلام
كلامي نابع ويشهد عليه الفخار
انا صح وعدت روحي ماحب
بس اعتبري الوعد صار بخار
كل عمر ماشي وبلا حب ومرتاح
وغركتيني بحبج وانا البحار
لا حبيبتي لا ارضي بل المكتوب
حبيتج بعد والقدر هوه اختار
بقلمي
الشاعر فادي
[/size]
الكاتب
