عاجل عاجل موافقة امنية

[tofe]

السلام عليكم       واخيرا تمت الموافقة الامنية بعد مرور 67 يوم من تاريخ مقابلة المحلف بشهر    4-2-2010   
واني حبيت ابشر للجميع واتنمى الومفقية للجميع       




وشكككراااا

[ســـرى]

الف الف مبروك اخونا العزيز واهلا وسهلا بيك عضو جديد ويانة بالمنتدى وان شاء الله يوم السفر طلب صغير منك انه تكتب لنا وللاعضاء تواريخ تقديمك بالسرة والمقابلات حتى اخوانك ان شاء الله كلهم يستفيدون وانت بيا بلد؟ بالعراق لو خارج العراق

موفق ان شاء الله
اختك
سرى

[ضـاع الوطن]

الف مبروووووووووووووك يارب السفر باقرب وقت

[tofe]

اشكرج اختي على الرد الجميل

اني قدمت من  بغداد
سنة 2008 شهر العاشر
قابلت اول مقابلة شهر العاشر سنة 2009 والمقابلة الثانية المحلفين بشهر الثاني بتاريخ 4/2

وفحص الطبي يوم 11/2   وحصولي على الموافقة الامنية يوم امس بتاريخ 7/4  وشكرا

[Al-Iraqi2010]

السلام عليكم اخواني واخواتي في المنتدى واحب اكول مليون مبروك للاخ توفي بالموافقة الامنية واتمنى الك التوفيق يا ربي
انا قدمت بنفس التاريخ الي قدمت بيه شهر العاشر 2008 على بغداد ومقابلتي الاولى بشهر التاسع 2009 والمحلفين بشهر الثالث 2010 وراح يصير شهر على المحلفين وماكو لا رد ولا حتى فحص طبي علما كثير من الاخوان الي قابلوا وياي محلفين كانوا فاحصين طبي
سؤالي هل ان المنتمي الى حزب البعث السابق يؤخر الموافقة الامنية ام لا؟؟؟؟


وتمنياتي للجميع بالتوفيق


تحياتي
العراقي

[ابو طيبة]

السلام عليكم بنسبه الى الاخ العراقي ماكو هيج شي لئن حته اكو ظباط مقدمين على هذه البرنامج

فيا اخي لا تروح لبعيد كله روتين

[Baguncero]

أخي العراق 2010 السلام عليكم
كل العراقييـــــــــــــــــــــــــــــــــــــــــــــن بعثيين وأن لم ينتموا
هذه الحقيقة تعلم بها الأدارة الأمريكية وليس لها علاقة بسير الأجراءات

أخوك

Baguncero

[مهندس ضياء الشم]

الف مبروك احي توفي وربي يسهلك
بدون زحمه عندي سوال الك
اني قابلت محلفين بشهر 11 بال 2009 ولحد الان ما اعرف اي شي عن الامنيه
ممكن اعرف انت شلون عرفت ان امنيتك طالعه؟؟؟؟؟؟؟؟؟؟
لان اي اوم ام بغداد ما عندهم تلفونات ومن اراسلهم ايدزولي اميل يكولون بي اصبر وصابر
شكرا

[ايات]

الف الف  مبروك وان شاء الله السفر السريع والموفقية ............ايات ...........مصر

[angie-dawood]

الف مبروك انشاءلله السفر والاستقرار لك ولكل الاخوة المنتظرين ربي يوفقكم جميعا ممكن تذكر انت باي بلد والتواريخ المقابلات وبداء التسجيل حتى الاخوة يستفادون

[Mazen Al-Baghdadi]

الف مبروك اخويه العزيز انشاء الله عن قريب ينطوك موعد السفر وترتاح

يوم لكل الاخوه بالمنتدى

[Hanar]

الف الف مبروك ع خير انشالله يوم الي يجيك موعد سفر يارب

و ادعى اليه استلم الموافقة عن قريب لان اني هم من المقابلين المحلف شهر الثاني

موفق انشالله

[maitham70]

يالله على الخير والبركة وانشاء الله السفر القريب

وانشاء الله الاخوان الي ينتظرون الله يسهل امرهم آمين يارب العالمين

[ابو ياسين]

الف مبرزك وان شاء الله يوم السفر والوصول  بالسلامه ويارب يفرجهه على الجميع وتخلص كل موافقاتهم

[عراقي1995]

الف مبروك اخ توفي وان شاءالله يوم السفر
وعندي سؤال لو سمحت
متى استلمت نتيجة المحلف؟ وهل قالوا لك فيها انك مؤجل بانتضار الامنية؟
لان احنا المقابلين شهر 2 لم يستلم احد الموافقة الامنية
ماعدا كم عضو وانا منهم استلمنا البارحة نتيجة محلف وقالوا لنا تاجيل بانتضار الامنية
ياريت تخبرنا متى استلمت نتيجة المحلف وماذا قالوا لك بها؟
وبالنسبة للامنية هل اخبروك بنتيجتها بايميل ام بالهاتف؟
ياريت تجاوبنا ومليون مبروك وان شاءالله يوم السفر يارب للجميع

[silver_d]

الف مبرووووك وانشالله يوم تحديد موعد السفر يا رب والموفقيه
اخوك سلفر

[Al-Iraqi2010]

شكرا للاخوة ابو طيبة و Baguncero لان كنت كلش قلق بخصوص هاي المسألة وتمنياتي للجميع بالتوفيق


اخوكم العراقي

[أبو زيوني]

الف مبروك أخي العزيز وأنشاء الله يوم تسافر وتوصل بالسلامه وسؤالي هو هل كانت الموافقة الأمنية مع موافقة المحلف في نفس اليوم

[مُغترب]

السلام عليكم       واخيرا تمت الموافقة الامنية بعد مرور 67 يوم من تاريخ مقابلة المحلف بشهر    4-2-2010   
واني حبيت ابشر للجميع واتنمى الومفقية للجميع       




وشكككراااا

ماشاء الله
67000000 مبروك حبيبي
شايف كل الخير والتوفيق ويارب بشائر الخير ماتفارك ايامك

تحياتي لك

[Hexo]

أخ توفي الوردة...
ألف مبروك وشايف كل الخير بس عندي سؤال ورجاءا اتمنى ان اشوف الرد من حضرتك....
سؤالي هو انته قلت انه استلمت الامنية اوكي على عيني وراسي بس شنو مكتوب بيها لأن احنا كوليتنا استلمنا رد المحلفين وبالانتظار وكوليتنا نفس الكليشة، اذا انته مستلم موافقة اكيد الكليشة مالتها مختلف فأتمنى لو تحطها كاتاجمنت مثل ما سوو بعض الاخوة وطبعا ارفع اسمك و رقم القضية مالتك علمود احنا كوليتنا ايصير علم عدنا بشكل الامنية من تجي لأن احنا حايرين واتمنى ان تكوللنا شلون اجتك يعني خابروك لو بس ايميل.
اتمنى ان تساعدنا لأن احنا مدا نعرف شلون شكلها لورقة الامنية و شنو الاجابة بالضبط اللي تجي للواحد علمود يعرف بأنه كمل الامنية.

وشكرا
اخوك
هيكسو

[بنت العراق 84]

الف الف مبروك اخ توفي والله يسهل على الجميع ويوم الي تبشرنة بتحديد موعد السفر
بس ممكن سؤال
ورة شكد من ما اتصلو بالكفيل مالتك اجتي الامنية؟؟؟
مع جزيل الشكر
تحياتي

[alazawi]

الف الف مبروك اخي العزيز ... السفر القريب ان شاء الله ... بالموفقية

تحياتي
Alazawi