.. ,,’’,, .. أمنية فتاة عراقية .. ,, ’’ ,,..

[ღ♥ღ LoVely__87ღ♥ღ]

   


.. ,,’’,, ..  أمنية فتاة عراقية   .. ,, ’’ ,,..

اني بنية عراقية ..صبية جميلة بغدادية .. حلوة ؟ اكيد حلوة .. لأن ماكو عراقية ما تملي البيت والعين .. احلم مثل كل البنات .. لا مو مثل كل البنات .. لأني عراقية .. والعراقية ماتشبه اي البنات .. احلم بعريس زين يحمل هواية صفات .. هي صفات بسيطة .. بس كلش مهمة الي كعراقية ؟؟بأختصار اني عروس الها شروط ومتطلبات .. واعتقد هذا مو هواية علية .. لأن باختصار اني عراقية ..


احلم بعريس يحبني اكثر من كل البنات .. واكثر من حوريات السماوات ؟؟ أحلم بعريس مثقف وانيق .. مو لابس بجامة ونعال ومتطوع بالمليشيات .. احلم بعريس ماينتمي لأي حزب او هيئة او تيار .. اريده ينتمي بس لأرض العراق ..احلم بعريس مدرس .. مهندس .. عامل .. بس ماريده بعد دكتور .. احلم بأديب .. شاعر .. كاتب .. بس لا يكتب عن الديمقراطية والأنتخابات .. ولا يكتب عن الاحزاب والفيدرالية ..

اريد بيت على شواطئ الاعظمية .. والذهب من سوق الكاظمية .. اريد بحنة البصرة انقش ايدية .. وبخلاخل الموصل ازين رجلية .. اريد عريس اهله من المذهبين .. واصدقائه تركمان وجيرانه مسيحيين .. وهمينة اكراد وصابئة ويزيديين .. اريد بعرسي تدك فرقة العلم .. وتغني لندا جورج جميلة الكلد والاشوريين ..

اريد عريس يلبس بالعرس قاط واحلى رباط .. ولا يكلي الرباط مو عادتنا .. لأن اني عروسة عراقية مو فارسية ..يلبس دشداشة همينة ميخالف .. بس لا يكصرها عبالك ينافس صبايا لبنان .. لأن اني عروسة عراقية مو سعودية .. اريد اني البس فستان ابيض جميل وأنثر شعري الطويل .. ولا يكلي لبسي حجاب ونقاب .. لأن اني عروسة عراقية مو افغانية .. اريد عرسي يكون عرس عراقي .. مغني وهلاهل وفرح ولا يعزل الجنسين ويكول عرس وزفة شرعية ..لأني اني عروسة عراقية مو يمانية ..

اريد شهر عسل بجبال دهوك ومصايف السليمانية .. بس ليفرشولي سجادة حمرة ويستقبلوني بحرس وفرقة استعراض عسكرية .. لأن اني مثلهم عراقية .. اقصد همة مثلنا عراقيين!!!

اتمنى الله يرزقني بأولاد وبنات حلوين من يسألوني : ماما أحنا سنة لو شيعة .. مسلمين لو مسيحيين .. اكراد لو تركمان .. صابئة لو يزيديين .. أضربهم على حلكهم واكوللهم أنجبوا .. العفو .. نسيت احنا ببلد ديمقراطي .. العنف والسلاح هو ضد القانون .. راح احضنهم بكل حب وحنان واكوللهم (اكسكيوز مي ماي جلدرن) انتو عراقيين وبس ؟؟؟ وهذا هو المهم ...

وصدكوني هذا حلم كل بنية عراقية

,,,,,,,,,,,,,,

لــوفــلي

والله الله ايــكون ابــعونها

تعرفون محبيت اسوي  ضحك بل موضوع لانه حيل  يعجبني وكــيد هاذاحلم الــبنات
هع هع هع هع
 
 
 
 

أكول بس بنات الخارج لتغارون هااا مو عساس  انتوووو بل خارج

اوكـــــــــــــ
وافــتــــهموووو قصدي

يعني  أنتــووو هم راح اتعجزون لـحكووووو عــلي  حــالكم
لووووووووووووووول
 
 
 
 

هع هع هع

[فانيسيا]

.. راح احضنهم بكل حب وحنان واكوللهم (اكسكيوز مي ماي جلدرن) انتو عراقيين وبس ؟؟؟ وهذا هو المهم ...


ههههه يسلموووو ورده

هيه عراقيه عراقيه بالاخير تحجي انكلش ويا اولادها هع هع

[sozy hanna]

شكرا عالموضوع الرائع

[yioryios]

حبيبتي صدك عاشت ايدج على هالموضوع الحلو المليان رقة واحساس صادك نابع من الكلب دلالة على كلبج الرقيق الحنون الي بعده لهسا عنده امل يرجع العراق مثل ما جان وانشاله يرجع واحسن من كبل واله يصبر العروسة الحلوة العراقية الي ما تشبهها عروس بالدنيا كلها وتحياتي الج حبيبتي

[ღ♥ღ LoVely__87ღ♥ღ]

ميرسي  ورود علــ مرور
اي فالي  شفتي
لوووووووووووول

[وردة الربيع]

موضوع رائع عاشت  الايادي ياوردة

[NAHIL_TLKEFE]

شكرا عالموضوع الرائع

[shakar]

بس لوفلي هاي راح تظل تحلم الا اذا لكت الفانوس السحري يتحقق حلمها :D ويسلمووو وردة على الموضوع

[ღ♥ღ LoVely__87ღ♥ღ]

ميرسي عيوني علـ مرور
لووول  شكوره وين راح اتشوفوو يلا احلموو بيه

هع هع

[haigo]

الله لوفلي يخبل كلش حلو موضوعك يسلموا 

[ريكاني]

اريد عريس يلبس بالعرس قاط واحلى رباط .. ولا يكلي الرباط مو عادتنا .. لأن اني عروسة عراقية مو فارسية ..يلبس دشداشة همينة


موضوع رائع عاشت الايادي

[همسة حب]

موضوع رائع عاشت  الايادي ياوردة

[ღ♥ღ LoVely__87ღ♥ღ]

ميرسي  عيوني علــ مرور

نـورتوووو

[njmat_alba7r]

هههههههههه

 شكرا للموضوع  الحلو

[hananamir]

موضوع رائع عاشت  الايادي ياوردة

[ღ♥ღ LoVely__87ღ♥ღ]

هههههه

نورتي نجومه لعيونج

ميرسي ورده علــ مرور حنان