كيـف تستخرج الـ ID (( هويـة الولايـة )) ،،، تجربـة شخصيــة

[راهب الحب]

مرحبا إخواني وخواتي إن شاء الله إنتوا بخيـر وبصحة جيدّة ..
راح أشرحلكـُم شلون إستخرجنـا هويـة الولايـة  ألـ ID
ولو أعتقد هيجي موضوع أكيد إنذكر بالمنتدى مع إنهُ  ما قريت آني بالفترة إللي عاصرت المنتدى هالموضوع يعني طوال 10 شهور تقريباً لحد هسة ولكن كي تعـِم الفائدة للجميع

طبعاً بعـد إستلامك للسوشيال سكيورتي وإللي هي غالباً ما تطلع بعد أكثر من شهر ويصير عندك رقم وطني مدى الحياة تتوجه لدائرة الـ DNV .. وتلگى طابــور طويـل وهي دائرة واحـدة لإستخراج إجازات السوق والهوية وما رافقها من إمور إخرى ..
عندك وقوفك بالطابـور تلگى موظف يفتر بين الواقفين ويوزّعلهم إستمارات صفرة لملئها فمن يوصل يمّك تگوله للـ ID  ... راح ينطيك إستمارة وعليك مليء بياناتها قبل أن توصل إلى الموظف ..
الإستمارة تـكون أسئلتها عامـة وما بيها أي صعوبـة  ..
الإسم / رقم السوشيال / العنوان / الرمز البريدي / ..
لون الشعر / لون العين / الطـول / الوزن / .. ( يعنـي كانهُ رايح تُخطب بنيـّة )
فمن توصل للموظف يقرأها ويجيـّك بياناتك ويدخل بعض المعلومات بالحاسبة .. راح يدزك للموظف المسؤول عن سحب الصور وتروح وتوقع على جهاز إلكتروني  توگف أمام كاميرة وتسحبلك صورة  وهذا توقيعك راح ينزل تحت صورتك بالضبط  وتشوفه من تستلم الهوية  بالبريد ..
وراها تتوجه إلى موظف آخر وتأخذ رقـم وتنتظر يصيحون رقمك حتى تتوجه للموظف الأخير وإللي بدوره يكملك سلسلة الإجراءات وتوقّع على عدة أوراق ومثل السوشيال سكيورتي نفس الحالة راح يشوفلّك بياناتك حتى تجيكـّها .. وراها تدفع الرسِم والبالغ 12 $ فقط .. وراح توصلك الهوية بالبريد بعد عشرة أيـّام بالضبـط ..
طبعاً والدي ووالدتي فوگ الخمسين سنة رسمهـُم كان لكل واحد 9.5 $ فقـط ..

مـُلاحظـة هامــّة ::
في حـال تريـد تطلع إجازة سوق  فإنته ما تحتاج لهاي الهوية مُطلقـاً لأنهُ باللاينسن مذكورة إسم الولاية  وهو كافي  لإثباتك بإنهُ إنته من هاي الولايـة  (( يعني ما تحتاج للإثنين مع بعض أعتقـد يتم سحب الهوية إذا تريد تستخرج اللاينسن  فيمـا بعـد ))
أتمنى أكون قد أضفت فد شيء متواضع لهذا المنتدى الكبير حتى تستفادون منهُ ودُمتـُم  بألـف الـف خيــر .. †







                            أخـوكـُم / وسـام بهنـام داؤد الخابــوري 

[JET]

صباح الخير:
جزيل الشكر الى اخونا وسام على هذا الموضوع الرائع والمفيد ...لكن لم تذكر فائده هويه الولايه خصوصاً ان اغلب الاعتماد يكون على السوشل سكيورتي فاتمنى ان تذكر فائدتها ...
وشكرا الك مرة اخرى خصوصاً وللاخوة الي يساعدون اخوانهم في هذا المنتدى الرائع...
                          وشكراً.............................

[حمودي ابن زيونه]

زين رقم السوشال تحط عادي بالاستماره مو لازم مو لاي احد تنطيه

[Safaa Alkhrkhy]

((( وراح توصلك الهوية بالبريد بعد عشرة أيـّام بالضبـط ..)))

طبعا هاي ارقى شي .. عشرة ايام وبالبريد!!!!
ايباااااااااااااااااااااااااااه شكد فرق بينا وبين امريكا!!
بأمريكا ايعقدون الامور كلش كلش .. بريد ومااعرف شنو وعشرة ايام !!
عمي هنا بالعراق بيان مال ولادة طفل سبعة اشهر ويطلعلك وتستلمة من الشباك بعد ماتنلطعلك كم ساعة بشمس الله واكبر !!! خو الجواز فأنسهة ...... وووووووووووووووووووووووووووووووووو
عجيب غريب امور قضية!!!!

اخوكم   صفاء الكرخي

[sniperpain]

شكرآ جزيلا اخ وسام حقيقة ما قاري اي موضوع قبل من ناحية اصدار الهويات تجربتك فادتني و اخذت كم معلومة منهة انشاللة استفاد منهة اذا وصلت امريكا شكرآ مرة ثانية للاخ وسام وانشاللة تخلينا على اطلاع بأي شي تشوفة جديد و يفيد الاجي و المهاجر
تقبل مروري اخوك sniper pain

[alazawi]

بارك الله بيك اخ راهب

Alazawi

[فداء الروح]

نشكرك اخوية الراهب الرب يباركك ويبارك تعب محبتك

[عكعك التطوى]

مشكور اخي راهب بارك الله بك

تحياتي وتمنياتي لك بالتوفيق

[^Miss Violet ^]

شكرا اخي الكريم على المعلومات القيمة

بس ما كلتلنا بعد شكد تطلع هاي الهوية؟ يعني راسا اول ما تاخذ السوشل؟ لو لازم يمر وقت عليك بالولاية؟ ومثل ما ذكر الأخ شنو تفيد؟ يعني تعتبر تعريف عنك؟ يعني ما تشيل جواز سفر او اي تعريف؟ هاي تصير هويتك؟

[ســـرى]

مشكور أخونا راهب الحب على ذكر التفاصيل وفعلا اللي يريد يطلع إجازة سوق ما يحتاج هوية الولاية بعد

بالنسبة للاخ السائل عن هوية الولاية شنو فرقها عن السوشيال سيكيوريتي نمبر هو انه السوشيال سيكيورتي نمبر هذا يبقى وياك طول العمر بس ما تكدر تاخذه وتشيله وتطلع بيه الا اذا عندك معاملة تحتاجه بيها والا تحفظه بالبيت وما تشيله وياك من تطلع بس لغرض اثبات الهوية في الشارع او اي مكان تحتاج بيه اثبات للهوية راح يكون عندك لو هوية الولاية مثل ما شرحها مشكورا اخونا راهب الحب او يكون عندك الدرايفنغ لايسنس (إجازة السوق) يعني وحدة منهم وهاي اللي ممكن تشيلوها وياكم وين ما تروحون بدل حمل السوشيال سيكيورتي نمبر

تحياتي اخونا العزيز راهب الحب

[ســـرى]

اي نعم اختي مس فايوليت هاي راح تكون هويتك وما تشيلين جوازك بعد لان هاي الهوية التعريفية هي او اجازة السوق

[omaha2]

شكرا اخونا على المعلومة والف مبروك

بس احنا من طلعنا الدرايفنغ لايسنس بعد ما اخذنا الصورة انتظرنا 10 دقائق وانطونا الهوية

اختك اوماها

[angie-dawood]

شكرا اخي راهب على المعلومات اخي حمودي ابن زيونه الرقم مال شوسل نمبر تكدر تنطيه للدوائر الكحومية من تكون موجود نفس الدائرة  - فقط بالتلفون من يخابروك اي شركة ما تنطي كل الرقم بس الارقام الاخير بالشوسل نمبر حتى مرات اذا مثلا انت ما تعرف لغة ويكون شخص يساعدك بالاتصال بس تكون موجود يمه من يخابر نيابتا عنك ما يكدر ينطي اي معلومات عنك الا بموافقتك ويسمعون صوتك تكول نعم اني موافق هو ينطي معلومات عني يلى يكدر يجاوب على اسئلتهم

[حمودي ابن زيونه]

شكرا انجي الوردة

[اسيرالروح]

شكرا اخواني على هاي المعلومات المفيده وان شاءالله الموفقيه للجميع

وشكرا

[IraqiFreedom]

شكرا جزيلا على المعلومات المفيده

[Majid Radhaa]

اخي العزيز وسام
لم تذكر لنا اسم الولاية و المدينة التي كتبت عنها لانه مثل ما تعرف القوانين و المتطلبات تتغير من ولاية الى اخرى. هنا في جاكسنفييل \ فلوريدا يطلب منك ايضا الكارت الابيض (I-94) و كذلك الهوية الخاصة بالسماح بالعمل و الجواز العراقي و اثبات للسكن عدد \2 اضافة الى السوشيل كارت. يتم منح الهوية في نفس الكاتب اللي ذكرتها و ايضا في مكاتب جامع الضرائب mick hogan/ tax collector . شيء اخر نطام العمل يفرق فمجرد الدخول الى المكتب تأخذ رقم من موظف الاستقبال بعد اخباره بنوع المعاملة التي ترغب بانجازها و تنتظر الى ان تتم المناداة على رقمك مع الاسف لا اذكر الاجور الخاصة بالهوية. كذلك هنا لا يجوز الجمع بين الهوية او الاجازة يسمح لك بواحدة منهم فقط. اما موضوع الاستلام بالبريد فهو متبع لمعظم معاملات الحكومية و الغير حكومية. اهمية الهوية انه دائما عند التقديم لاي عمل او مراجعة اي دائرة او بنك يطلب منك هوية رسمية ذات صورة و هذه الصفة غير موجودة في كارت السوشيل و بذلك تستغني عن حمل الجواز. اتمنى انه قدمت اضافة بسيطة للموضوع مع تمنياتي للجميع بالموفقية.
اخوكم ماجد

[راهب الحب]

شكراً إخوانـي على تواصلكم وياية وشكراً للإخت إنجي ملاك المنتدى والإخت سُـرى الغالية إللي دتجاوب بمكاني وآني آسف جداً ..
إللي سأل عن ولايتي آني بمدينة لاس فيغاس / نيفـادا
الإخت الآنسة فيوليت آني كاتب المدّة بالموضوع وهو عشر أيام توصلج بالبريد
ودُمتم بألـف الـف خيــر ... †

[Safaa Alkhrkhy]

اخواني اللي بامريكا اسالكم سؤال الف رحمة لموتاكم :
همين بالدوائر الحكومية او غير الحكومية راح نلكهة مكتوب العبارة السحرية التالية ( المراجعة من الشباك))  وشلون ايترجموهة الامريكان؟؟؟؟؟؟  مع الود الاكيد

[طوطي]

طبعا اني صارلي يومين اركض بهذا الموضوع اني رحتلهم وهناك رادو من عندي هويتين بيهة صور واني ماعندي غير الباسبورت لان الهوية العمل بعدهة ماطالعة  بس شوفتهم ال i49بس احنة مابيهة صورة i49مالتنة وهاي مشكلتي هسة اريد افتح حساب مااكدر كلشي مااكدر اسوي لان هوية ام الصورة ماعندي غير الباسبورت وطبعا عندي السوشيال بس همة عدهم اهم شي هوية بيهة صورة

[ســـرى]

اخوية صفاء الدوائر تختلف بالمراجعات.بس بصورة عامة مثلا دائرة الخدمات الاجتماعية دائما اكو مكان للجلوس على الجهتين واكو طبعا مرافق صحية واكو براد للماء.بعض المكاتب الخاصة بالاطفال راح تشوف حاطين العاب حتى الاطفال يلتهون بيها.بالنسبة للتقديم عالسوشيال نمبر مثلا من دخلنا غرفة صغيرة كلش بس اكو كراسي وبراد وتروح عالحاسبة تدخل اختيارك تريد جديد/تبديل السوشيال/...الخ من تدخل الاختيار عالحاسبة وتكوله OK راح تطبعلك من الطابعة ورقة بيها رقمك.ورة شوية يصيحون الرقم وتروح تقدم مستمسكاتك مرات تكمل معاملتك لهنا مرات يكولولك روح استريح احنا نصيحلك.فد شوية همين يذيعون الرقم وتروح تكمل معاملتك وانت بكامل احترامك تقديرك.

[أبن خير]

معلومات رائعة من الجميع
مشكورين .. تحياتي وتقديري