شنو اسباب تأخير الموافقة الامنية

[غــــــــزل]

مرحبا اخوان اريد اعرف شنو الاسباب الي تأخر الموافقة الامنية وشكد اطول اخر شي وتجي اتمنى الرد

[غــــــــزل]

مشكور اخوي هسة اذا على الاسم اغيرة واكتب اسم ثاني بس خلي تجي المصخمة

[angie-dawood]

انشاءلله تجي عن قريب اختي غزالة يارب يفرجها عليكم وترتاحون من هم الانتظار ربي يسهل كل اموركم وانشاءلله تبشرينا بموعد السفر

[غــــــــزل]

مشكورة اللة يسهل على الجميع

[شجرة الدر]

اختنا العزيزه غزاله احنه صارلنه 11 شهر عدنه تشابه اسماء لابني المراهق وتصوري من طلعنه من العراق ابني عمره 11 سنه وهنا كبر وهم شلعوا كلبنه بتشابه الاسماء ما بقه شي ويصير سنه الله يعينه ويعينكم ويصبرنه يارب ويفرج على كل العراقيين

[غــــــــزل]

هو صحيح الله يصبرنة بس منين نجيب الصبر والله يسهل علينة وعليكم يارب

[الدميره]

اهلا وسهلا بالجميع واحب اعلمك اني استلمت موافقة المحلف في 16 ديسمبر 2009 ولغاية الان انتظر علما بانه في ناس قابلو معاي واستلمو النتيجه مال المحلف بعدي وسافرو  والحمدلله وصلو بالسلامه....

تحياتي لكم

[الدميره]

اهلا وسهلا بالجميع واحب اعلمك اني استلمت موافقة المحلف في 16 ديسمبر 2009 ولغاية الان انتظر علما بانه في ناس قابلو معاي واستلمو النتيجه مال المحلف بعدي وسافرو  والحمدلله وصلو بالسلامه....

تحياتي لكم

[ددوفي]

اولا الله يساعدج اختي شجرة الدر اني عندي صديقي هنا طول سنة بالضبط يلة سافر الله يفرجهة عليج بلكي بعد شهر يا رب

اختنة غزالة اصبري والله يسهل بس معرفنة اختي شكد صارلج انتي تنتظرين الامنية

[كوسوفي]

اخي المتميز العراقي ممكن اعرف شنو هيه الاسباب التي تخلي الوظيفة الحكومية تؤخر الامنية واذا اي واحد عنده معلومات عن هذا الموضوع ارجو ان يساعدنا في الاجابة عن هذا التساؤل
وشكرا لكم

[abo yunes]

|الصبر مفتاح الفرج ابو يونس تركيا

[غــــــــزل]

اخوي دددوفي احنة قابلنة محلف 1/7/2009 وصابرين وية الصابرين

[ددوفي]

الله يصبركم وندعولكم الفرج باقرب وقت لكم وللجميع وادعو جميع الاعضاء الدعاء بالفرج القريب لكم





اخوكم ددوفي

[ستروبري]

اخت غزالة انتي وين بعمان لو بمصر
اني قابلت كبلج بيوم ولي هسة بعدني على حطة ايدج لا دورة تثقيفية ولا اي شي والمشكلة محد ديفهمنة ليش هشكل مأخرينة حتة نرتاح 

[^Miss Violet ^]

اقلكم

بلله عندي سؤال

اني عشت بالعراق فترة قليلة.. وجنت صغيرة بالمدرسة وبعدها جينا لعمان وبالملف بس اني وبنتي صغيرة

هيج تطول الامنية؟؟

شتكولون؟

[حمودي ابن زيونه]

اذا تشابه اسماء فالملف ينذب بالمخزن مال بنتاغون!

[غــــــــزل]

تحية طيبة اخوي احنة بمصر وانتم وين وانت واحد ومتأخرة لو انتم عائلة واللة يسهل للجميع

[غــــــــزل]

اختي انا اكول اذا بس انتي وبنتك بالملف ما طول  الموافقة الامنيةاذا كنتم مو موظفين بس عندي سؤال انتي قابلتي محلفين واذا قابلتي يمتة قابلتي والله يوفقج

[Maroon]

اختي غزالة البصرة السلام عليكم
آحنة قابلنة المحلف 2/7/2009 في مصر ومن ذلك الوقت ولحد الآن دننظر الموافقة الأمنية مال الوالدة ومن شهر 12/2009 كالولنة الآي او ام انه امنية الوالدة بالمرحلة الأخيرة وكالولنة ماكو شي احتمال عندهة تشابه اسماء ولحد هسة كلشي ماكو وحتى الصبر هم نفذ من عدنة وتعبنة من الأنتظار
الله يفرجهة علينا وعلى الجميع

مارون/مصر

[غــــــــزل]

السلام عليكم اخوي مارون واللة احنة نتصل وكالعادة لسة ماكتش ومايكولون وين واصلة ولا شنو السالفة احنة نريد بس يحجون يكولون شنو السالفة وين وصلت شكد وتجي واللة يصبرنة ويصبركم

[ahmedaljumely]

مساء الخير شباب ان شاءالله كلكم بخير اني وين ماروح بكل الدول العربية ياخذوني للمخابرات ههههههههه وكلهم يسئلوني جنت ضابط وليهسة منتظر الموافقة الامنية همينة من السنة الفاتت وداصبر روحي واهلي على باب الطيارة وكلولهم البصمات خلص الاكسباير مالتها يعني شلون وياهم الللله اعلم ومقيم بجمهورية الفراعنة http://

[غــــــــزل]

اخوي الله يصبرك بس شنو تقصد اهلك على باب الطيارة يعني اجوي يسافرون وما خلوهم وانتم يمتى قابلتوا محلفين ارجو الرد

[ahmedaljumely]

غزالة قصدي بان خلص المفروض سفرهم يوم 24 بالشهر الفات كملو كلشي وسقطو الاقامة واستلمو الفيز من الصليب الاحمر وقبل السفر ب5 ايام اتصلو بينا وقالو بان السفر مالتكم اتئجل والله لان الفنكر خلص الاكسباير مالتة شنو رئيج بهيج حظ يعني خصم الحجي المنظمة في مصر جدا تعبانة عكس عمان وسوريا داطلع الناس بسرعة بذيج الدول والتسهيل من الله

[Safaa Alkhrkhy]

داعيكم مقابل محلفين من 4 شباط 2009 ولحد الان الامنية بالطريق!!!!!

حلوة مو؟؟!!