اخي العزيز علي حقي ....
اذا انت تشتغل بشركة امريكية امنية او اي شركة امنية ماخذة عقد من الجيش الامريكي او عقد ثانوي من الجيش الامريكي (كونترات او سب كونتراكت) او اي جهة اخرى (المارينز...الاير فورس...الديبارتمينت اوف ستايتس)....فانت مشمول ببرنامج ال يو اس راب USRAP واللي هوة برنامج اللجوء للعمالين مع القوات الامريكية اللي راعيتة الاي او ام (منضمة الهجرة العالمية) واكو برنامج اخر اسمة الاس اس فيSIV واللي ما اشجعك علي لان المتطلبات مالتة اصعب فاذا انت بعدك دتشتغل وية هاي الشركة مالتكم هاي متطلبات البرنامج الاسهل اليو اس راب
1- فيرفكاشن من اي شخص عامل بالشركة على ان يكون امريكي (حامل باج دي او دي) والفريفيكايشن هية تاييد عمل يعني مو تزكية وانما تكون ليشتهة كالتالي
اؤيد بان السيد علي حقي يعمل لصالح شركة ...اسم الشركة...ولا يزال مستمرا في عملهكتب اسمعة وموقعة الوضيفي والايميل مالتة والتلفون واكيد الكتاب يتضمن اللوكو او العلامة التجارية للشركة بالاعلى.
اذا تحب هذا النص بالانكليزي
I (Name of the amreican dod badge holder)verify that Mr. Ali Haqi is an employee of(..the name of the company)
هذا النص اللي لازم يكون موجود بالكتاب علمود ياخذوب بي واللي يختلف جوهريا عن التزكية فالتزكية مجرد تكول انا ازكي فلان للعمل معكم....وانت لازم تتاكد من استعداد هذا الشخص اللي راح يسويلك الكتاب لان جماعة الاي او ام راح يتصلون بي ورة فترة تتراوح بين اسبوعين الى شهرين او اكثر....والاتصال بي علمود يتاكدون انو هذا الكتاب فعلا هوة كاتبة...واذا مجاوبهم راح يكون وكانما انت ممقدم وهاي صارت بواحد من جماعتنة....اتمنى انو انت تتجنبها.
2- نسخة من الباجات اللي انت عندك من عملك.
3- نسخة من جناسي كل شخص انت تريد تتضمنة ببرنامجك بالاضافة الى المعلموات الاتية عنهم
الاسم الكامل كما مكتوب بالجوازات ان وجدت
المواليد والعمر (لان ميعرفون يحسبون)
الجنس
الحالة الزوجية
الجنسية
رقم الهاتف
الايميل ادريس
وكلها تسويهة بي دي اف فايل واحد وترسلها لبغداد انفو سنتر
BaghdadInfoCenter@iom.intهذولة راح يدزولك الرد الاكتروني بعد كم دقيقة من ارسالك للاي ميل....وهذا انت مو من المفروض ان ترد علي بس تتنتظر فرج الله..
ارجوا ان يكون هل الشرح مفيد اللك ...وبالنسبة للاس اي في فما عندي ذاك الالمام بالبرنامج ممكن انو واحد من الاخوة الاعضاء يساعدك والله يوفقك حبيبي.
واعتقد اذا تسوي بحث على الكوكل عن اليو اس امبسي ببغداد تلكة شرح عن الاس اي في...بس بكل الاحوال التفاصيل قد يساعدك بيهة عضو...
اتمنالك التوفيق مرة اخرى وتحياتي.
