المحرر موضوع: رد: لنتعرف على الاداري " nasir yako" (زيارة 1661 مرات)

nuhra · « **في:** 20:02 08/04/2010 »

تحية طيبة لاحلى اعضاء زاوية الشباب

اليوم نستقبل بموضوع لنتعرف على الاداري

الاداري المميز " nasir yako"

فاهلا وسهلا ناصر منووور الموضوع

اتفضل بالاجابة عن اسئلة الموضوع والاسئلة التي تطرح من قبل الاعضاء

وتمنياتي للجميع بقضاء اوقات ممتعة ومفيدة

اختكم نوهرا

nasir yako · « **رد #1 في:** 11:12 09/04/2010 »

شكرا اختي العزيزه نوهرا على هالموضوع اللي راح يقوي اواصر المحبه بين الاعضاء والمشرفين لان راح تتصافى القلوب.....واي واحد يكون عنده اي مشكله او اي استتفسار من المشرفين يكدر يطرحها وبكل رحابة صدر يجاوب المشرف وانا عن نفسي اكول:::::

1- الاسم (مستعار او حقيقي ):::: الاسم حقيقي حسب مامسجل بسجل النفوس
2-المنتديات التي تشرف عليها ؟::::الاخبار الكنسيه..استراحة الخواطر...سوبر ادمن في دردشة عنكاوه
3-تاريخ تسجيل الاداري في المنتدى كعضو وتاريخ تعيينه كمشرف؟::سجلت بتاريخ 2/8/2004 وكمشرف صدقوني ماتذكر التاريخ بس بيها 3 سنوات يمكن .

4-كيف تعرفت على الموقع ؟:::اني كنت افووت للموقع قبل تسجيلي بهذا الاسم....وتعرفت عليه عن طريق الصدفه..
5-من الذي بلغك بتعينك كاداري في الموقع ؟:::الاخت هيوي بلغتني اذا ماكنت راغبا بالاشراف على استراحة الخواطر

6-ماذا كان شعورك بتعينك اداري في المنتدى؟والله انا قلت بوقتها لهيوي اتشرف انا لان اكون واحد من اللذين يعملون لخدمة موقع عنكاوه....
7-المهنة؟ انا بالعراق مهنتي كانت مرشد زراعي
8-التحصيل الدراسي؟...اعدادية الزراعه

9-اين تقيم؟ استراليا /ميلبورن

اوف الحمد لله بالاسئله ماكو العمر .......هههههههههههههه

وانا حاضر للاجابه عن اي شي يخطر ببال الاعزاء الاعضاء ....

رهام القوشيه · « **رد #2 في:** 17:10 09/04/2010 »

يلا اهلا وسهلا بيك خالو منورنه بطلتك الحلوووة

خالو شنو رايك اني اسال عن عمرك هههه دا اتشاقه

سؤال واحد خالووو انت من وين؟

وراجعيلك بعدين بالكليجه والببسي

njmat_alba7r · « **رد #3 في:** 18:35 09/04/2010 »

منور الموضوع خالو

ღ♥ღ LoVely__87ღ♥ღ · « **رد #4 في:** 14:34 10/04/2010 »

خالوووو اهلن وسهلاً نورتنا ونورت الموضوع
اخاف رهام كاعد اتكول شكد عمرك وبعدين كال كاعد اشاقه فاني اكول لا اريد اعرف
لوووول
لانه انتي يمي واني ماعرف
هع هع
2_خالوووو شنووو رائيك ابــ منتدي عـنمكاوه بصوره خاصــه ؟

ميرسي راجعين بعد منخلص جكاره والوو ما اشرب
لووووول

✪KlaRa ALmaRghi✪ · « **رد #5 في:** 21:40 10/04/2010 »

أهلا وسهلا بيك خالو ناصر نورت الموضوع

ت7ياتي

nasir yako · « **رد #6 في:** 07:02 11/04/2010 »

اهلا وسهلا بيكم ياحلى شباب وباسئلتكم الحلوه والبسيطه ......

خالو رهام انا من شيوز قريبه من سميل وتابعه لمحافظة دهوك....

بس لتزعلين راح اكولج خوالي القوشيين من بيت دمان......

خالو لوفلي انت كنت تشوفني كل احد بالكنيسه شكد تقدر عمري.....هههههه

انا بين 45_50 سنه.

منتدى عنكاوه اعتبره الرئه اللي يتنفس منها شعبنا الكلداني السرياني الاشوري...

شكرا لمروركم الاحلى من العسل خالو نجمة البحر وكلارا مركيثه....وخالو كلارا بس للعلم اني عايش بزاخو كنت واعرف اكثرية المركهيين هناك....

تحياتي للجميع...

ღ♥ღ LoVely__87ღ♥ღ · « **رد #7 في:** 13:29 11/04/2010 »

ههههههه
العمر الطويل خالوووووو

izab25 · « **رد #8 في:** 20:00 12/04/2010 »

هلا بزميلنا الإداري " nasir yako"

سؤال

ايهما اهم شهادتك الجامعية او الزواج بمن تحب

تحياتي
غسان البازي

رهام القوشيه · « **رد #9 في:** 01:06 13/04/2010 »

هاااي خالو
شكرا الك عالاجابه منك

وهسه رجعنه بكم بسؤال...تشرب ببسي بالاول خخخخ

1-أ-النساء يخترعون الحزن ما مدى صحة هذه المقوله ؟؟

ب-ماهو الشيء الذي كلما كثر لدينا غلا وكلما قل رخص ؟ <<< هذا لغز

من هو العضو اللي تتمنى تتعرف عليه معرفة شخصية ويكون قريب منك؟

خاااالو اتحب الحزازير ههههه

نملة تجري ورى اسعاف ليش ؟

في نكتة في السجن ليش ؟

نشاءالله منكون ثكلنه عليك خااالو

ريكاني · « **رد #10 في:** 08:15 13/04/2010 »

أهلا وسهلا بيك خالو ناصر

nasir yako · « **رد #11 في:** 17:52 13/04/2010 »

شكرا يااحلى شباب عالاسئله الحلوه......

عزيزي غسان البازي...بصراحه الاثنان مهمتان ولكن الزواج بمن احب هي الافضل لي لان راح تكون مقابلتني 24 ساعه.......هههههههههههه

مية هله بيج خالو رهام .....انا مشربش الشاي اشرب كازوزه انا.....

الله يستر خالو اذا رادوا شي النسوان ... مو بس يخترعون الحزن ....وانما يلبسون السواد ايضا عليه..

نملة تجري ورى اسعاف ليش ؟ اكيد ماخذين الفيل بالاسعاف ولهذا النمله خطيه دتركض وره الاسعاف...

في نكتة في السجن ليش ؟ اكيد حجوها عالريس......

تحياتي للجميع...

nasir yako · « **رد #12 في:** 17:54 13/04/2010 »

شكرا عزيزي ريكاني .....وبيك اكثر ..

اهلا وسهلا بيك واكثر بالوياك القلب قبل العين صد وتلكاك..

njmat_alba7r · « **رد #13 في:** 18:22 13/04/2010 »

هاااي خالو

اتفضلـــــــ استكان جاي لان اكيد متعبيكـــ بالحزازير والاسيلة

والله يعينك ياخالو على الاسيلة المحضريها الكـــــ

nasir yako · « **رد #14 في:** 18:27 14/04/2010 »

شكرا خالو نجمة البحر اكيد انت المضيفه هنا بزاوية الشباب ولهذا انت جبتي الجاي ....انا الممنون خالو

★M a r t i n a★ · « **رد #15 في:** 00:45 16/04/2010 »

هاااي خالو شلونك خالو مشتاقين

عندي اسئلة كلش كلش بسيطة

1.اهداء شعر من اشعارك ولمن تهديها؟

2.ماهي اخر اشعارك اضفه هنا؟

3.شنو رائك بل اسئلة الاعضاء؟

4.شنو رائك بي اسئلة مالتي؟ هواية مو ؟

والموفقية نشالله

نـور · « **رد #16 في:** 00:52 16/04/2010 »

هاي خالوووو امنور الموضوع

الصراحة الاعضاء نازلين عليك نزل بالاسئلة

اني مراح اسئل مااحب اتعبك بس احب اقدم الك اكلاص شربت وااروح هع

الف الف عافية

nasir yako · « **رد #17 في:** 18:11 16/04/2010 »

شكرا خالو مارتينا ....hannan.s family عالاسئله ولا يهمج خالو شكدمتريدين اسئلي ...وانا حاضلر اجاوب

اهديلج هذا الشعر ......

غازليني احبج واموت عليج من اسمع صوتج وانت د تغازليني.........
عوديني عليج خلينا نتغازل انا وياج واذا ماغازلتج بيوم عاتبيني.........
خلي نتغازل هي الدنيا من غير الغزل شتسوه بس اريدج تفهميني......
خلي نتغازل احنه صرنا واحد ماكو بيناتنا خجل وكلش زين تعرفيني.......
خلي نتغازل اني بس بحبج ولهان وبحبج بس معلك الامــل صدكيني.......
كبرنا انا وياج بالحب سوه درسناه بمدرسه وحده اترجاج لتجويني.......
كل دكه الكلب يسالني عليج يكول مشتاك احضنج وانت حيل احضنيني....

اخر اشعار اللي سويتها هي وعدتيني يا ساره...وتكدرون تشوفوه باليوتيوب عللى الرابط التالي::
http://www.youtube.com/watch?v=ph-As2pdIYY

اسئلة الاعضاء حلوه مثل الاعضاء نفسهم....

شكرا خالو ★IRaQI JEALOUS★ عالشربت ...احلى شربت والله لان مارتينا نشفت ريقي.....

هههههههههههههه

تحياتي للجميع

رهام القوشيه · « **رد #18 في:** 18:19 16/04/2010 »

هااااي خااالو شلونك

خالووو اني همينه اريد منك شعر

خالووو شنو رايك بالحب عالانترنيت؟؟

نـور · « **رد #19 في:** 02:02 17/04/2010 »

خالــو الف الف عافية مو تدلل وهذا الثانـي هم

خالووو اريد اسئلك هم

خالوو شنو رئيك بلناس الي اتغار منـك ؟؟ او الغيرة اصلا شنـو رئيك بيــها ؟؟

وهم ارجع لحضرتك

وعاشت ايدك على الاجوبة الرائعة والحلوة

nasir yako · « **رد #20 في:** 05:19 18/04/2010 »

شكرا خالو رهام تدللين الج اشعار مو شعر واحد......

على كيفج عالقلب الروح منج دتعاني

      عذبني حبج يرهام الله يخليح
ماغبتي عن بالي يابنيه ولو ثواني

      منو بكدي يفديلج عمره ويداريج

حبج ساكن بوسط قلبي وبشرياني

   عذبتيني وخليتيني اسهر الله يهديج

ماساوي بحبج يحلوه لواحد ثاني

   وعد مني يعمري ابد ماعوفج واخليج

افديها بروحي يللي اهواها وتهواني

   اطلبي عيوني بلحظتها تكون يمج وتجيج

مانساج لاوالله حتى لو ذلني زماني

   وعد مني اصون حبج وماخون واوفيج

عشقي الج دايم يكولها لساني

   ريت القصايد بوصف طيبة قلبج تكفيج

ماريد اذكرج بقصايدي واشعاري

      بس اول سطر بالقصيده اللي اكتبها الاكيج

بالنسبه لسؤالج ....انا لااؤمن بالحب عبر الانترنيت.....الاغلب منه يكون حب مصلحه فالكل ابطال والكل احسن

الناس ..والكل ماكو مثلها ولا تستطيعين بحب الانترنيت معرفة عيوب المقابيل......

حبيبي ★IRaQI JEALOUS★ يامحلى الشربت من ايديك الحلوه.....

بالنسبه للسؤال ....الغيره افه من افات المجتمع.....واني ماعندي شي زياده خالو حتى الناس يغارون مني

واللي يغارون ماكول الهم غير ......

قلبها من حجر صار شجاها الناس....لاذمه ولا ضمير بقى عدها ولا احساس

قلوبهم متروسه حقد وانانيه ....وطبعهم صاير طبع الاشراس

وتحياتي للجميع[/size]

رهام القوشيه · « **رد #21 في:** 05:26 18/04/2010 »

شكراا عزيزي خااالو عالشعر الي يخبل,,هسه حبيبي يغار

دا اتشاقه
وشكرا عالاجابه المقنعه منك خاالو

تحياتي

نـور · « **رد #22 في:** 08:20 18/04/2010 »

تسلم خالوووا على الاجوبة الرائعة مثلك والاشعار الرائعة جدا

والف عافية على العصيــر

وتحياتـــي الك بلتوفيق الدائم

nuhra · « **رد #23 في:** 13:29 18/04/2010 »

شكرا جزيلا ناصر على اللقاء الجميل والحضور المميز

وشكرا لكل الاعضاء الكرام منورين الموضوع دائما

تحياتي
اختكم نوهر

nasir yako · « **رد #24 في:** 05:50 20/04/2010 »

تدللون والله ياحلى شباب باحلى زاويه اللي هي زاوية الشباب ......بالعكس اني اشكركم خليتوني اتعرف عليكم اكثر.......

تحياتي للجميع..

الأخبار:

المحرر موضوع: رد: لنتعرف على الاداري " nasir yako" (زيارة 1661 مرات)