ماذا يكتب على الظرف الي يحتوي الملفات وI-360

[confident]

شباب السلام عليكم
اني اسف هسة اشتغل وي مقاول عراقي متعبني حيل والدوام وياه كلش طويل وما ينطيني فرصة اروح للكرادة الحمد لله دبرت عنوان بامريكا على مود ادز اوراقي الى نبراسكا وهم لكيت صديق يشتغل بالخضراء وداخل شركتهم اكو مكتب مال دي اج ال اني ما اعرف هسة شسوي اخلي اوراقي كلها والوثائق وي اوراق الاي 360 والزق الظرف وفوق الظرف اكتب عنوان نبراسكا فقط وانطي الى صديقي مو هيج لو اشلون يا ريت اتنورونا ولو اني مقصر المفروض اروح للكرادة اسال وتحياتي للجميع خصوصا فنزو وسوزي وشبح بغداد والجميع ان شاء الله ينالون مرادهم يا رب

[ســـرى]

هاي ما اكدر اجاوبك عليها انشاء الله الاخوان يساعدونا بالجواب اتصور مثل ما كلت بس هم انتظر جواب الاخوان راح ارفع الموضوع للمساعدة

[GoldenEgle]

اخوي العزيز ...

مثل ماتفضلت تكتب على الظهر عنوان نبراسكا فقط لاغير ... لانه عنوانك اصلا موجود داخل الاستمارة .

وهناك عنوان سريع اللي هو يسموه ( Night )  وعنوان عادي مال نبراسكا .
 تحياتي
النسر الذهبي

[المسكينه]

اللهم صلي على محمد هاي شوكت حصلت على الكوم ابروفال ؟  بالعاقيه عليك يعني بقى بس والدي ماحصل عليهه لحد الان من المنتدى

[ســـرى]

لا عزيزتي المسكينة الأخ وضح سابقا انه هو مقدم من زمان وعباله ما محصل الكوم بس بعدين ورة ما تقصى عرف انه هو محصل الكوم وكمل معاملته عادي يعني مو جديد عالتقديم

[BaghdadGhost]

اخي العزيز ....

اسف للتاخر بالرد ...

بالايميل الي دزولك بي جماعه السفارة ال COM موجودة التعليمات و العنوان كامل مال نبراسكا ,,, اني عندي بس ما اعرف اذا نفسة لو اكو شي جديد لذلك اني افضل ان تستخدم الي دزولكيا بالايميل ,,, و على الاغلب راح يكون عندك عنوانين ,,,,, regular mail و overnight delivery

انته اكتب على الضرف ال overnight delivery مثل ما همه كاتبي بالضبط