ارجو مساعده من الاخوان بسان ديغو رجاءءء

[ام رانيا]

السلام عليكم

 اني عندي سوال محدد

اكم شهر يعطونا للايجار احنا خمس افراد  ورايد اخد شقه 2 غرفه

الي يعطوني ايه يكفي  للايجار
لو لازم اجمل من عندي وني لغة عندي ضعيفة
ولعمل همة يلكونة لو احنة لازم ندور لين احنة ما نكدر ندفع ايجار مال ساعة مو مال شهر فريد افتهم كبل ما اجي


وبارك الله فيكم اخوتي 

وجزاكم الله الف خير

[(بغدادي)]

اختي العزيزة بالنسبة للايجار فطبعا تدفعه المنظمة لمدة 8 اشهر ولكن ضمن مستوى ايجار محدد ويعتمد على عدد الاشخاص..معدل الايجار بسان دييغو ضمن شرق وجنوب سان دييغو تقريبا 1000-1200 دولار شهريا لغرفتين نوم وصالة وكونكم 5 اشخاص فمبلغ الايجار الممنوح من المنظمة راح يكفي وايضا مبلغ الويلكوم شيك راح يساعدكم بدفع النفقات الاضافية من اثاث بسيط ومعدات مطبخ وغيرها وهاي تدبر بارخص الاسعار..
بالنسبة للعمل فالمنظمة "المفروض" تساعدكم في ايجاد فرصة عمل بس بالحقيقة الواحد ميعتمد عالمنظمة يعني لازم هوة شخصيا يدور على شغل بواسطة علاقات ومعارف بس كونكم عائلة واللغة مو قوية فراح تدخلون مدرسة انكليزي من اجل تقوية لغتكم وبنفس الوقت راح تدخلون دورات تدريبية شلون ادورون على شغل وتكتبون الريسومي ومن هالمسائل اللي تساعدكم في بداية خطواتكم هنا..في حال اكو اطفال بالعائلة تحت ال18 سنة فالمساعدات تستمر لمدة 5 سنوات ولكن مع تلبية شروط الويلفير من حضور مدرسة لغة وفي بعض الاحيان ايدزوكم عمل تطوعي حسب خبراتكم مثل ادخال بيانات وغيرها ..

بغدادي

[ام رانيا]

بارك الله بيك 

[ألمــــدرس]

ام رانيا انشالله توصلين بالسلامه وتلكينه كدامج منقصر انشالله
كلام الاخ بغدادي مضبوط.
وبالنسبه للايجار ممكن تلكين غرفتين وصاله ب1200 وممكن ب600 دولار لكن حسب المنطقه والمواصفات.
يعني مثلا شقق الlow incom تلكين شقه غرفتين وصاله ب600 دولار لكن لازم تأخذين ورقه من الكيس منجر مالتج لصاحب المجمع مال الlow incom حتى يقبل ان تسكنين بيه . ويكون المجمع تعبان نسبيا والغرف صغيره جدا وينقصه إما التدفئه أو التبريد ويكون هوسه جدا يعني تلزمين سره على الغسالات والخدمات تكون متهالكه. لكنه خطوه جيده للي يحب يوفر بالبدايه.

بالنسبه لغير مجمعات فحسب المناطق ممكن تلكين ب900 دولار وممكن ب1000 وممكن ب1050 وحسب النظافه والجيران.

وأي سؤال ثانياني حاضر