قصتنا غريبة...اكو احد مثلنا.....انطونا الحل

[IBNELRAFIDAIN]

السلام عليكم جميعا
هذا اللي صار ويانا بالهجرة
تقدمنا انة وعائلتي بطلب للهجرة من 2007 وبعد انتظار قبلونا اي او ام وبعد كل المقابلات والتعب والبهذلة اجانا رفض للطلب الاصلي بس اجت موافقة على ملفي انة بس رغم انو احنا بملف واحد باسم ابوي فرفضوا كل اهلي بالملف الاصلي وقبلوني انة!!!!!!!!!!1
اعترضنا وهم اجانا رفض وتبين بعدين انه المترجمين مخربطين بنقطة قلنالهم اياها ومن وضحناها بالعتراض هم رجع رفض بحجة انكم تجاوزتم فترة تقديم الاعتراض اللي هي شهر رغم انه احنا قدمنا خلال 15 يوم لكن المشكلة ما تقدر تعترض على الاعتراض
يعني النا حق مرة وحدة بس نعترض حتى لو المشكلة تقنية من عدهم
المهم بقى ملفي انة بس  ماشي بامريكا واهلي ووياهم ملفي هم ماشي بالهجرة بعد ما رجع ملفنا هناك وقالوا مايصير نفرق العائلة ودورولنا على دولة ثانية بعد ما عدلوا الغلط اللي بالملف اللي ادى للاسف الى الرفض   وبعد فترة لما سألنا قالوا بريطانيا رفضت الفكرة اصلا شفهيا بدون ما تشوف الملف
اخر شي حولونا على استراليا بعد ما طلبناها وقللولنا انتو طولتوا واقصى فترة للسفر بعد شهرين والشهرين صارت  8 شهور
 ومن حجينا همة مو داريين شنو الشغلة كل واحد يقول شي ومن ذكرناهم باستراليا اتصلوا بيهم وهم شنو تتوقعون صار؟؟؟؟؟؟؟؟؟؟؟؟
اي بالضبط قالوا استراليا هم رافضتكم وما ندري شنو السبب   مع العلم انه انة طلعلي موعد سفر على امريكا ببحدي واهلي 3 مرات انرفضوا!!!!!!!!!
هسة قالوا هم نحاول على دولة ثانية بس كله جذب وراح تصير نفس النتيجة.......
هسة عمرها مرت عليكم انه اصل الملف ينرفض بس جزء منه ينقبل علما انه الكل معتمدين على الملف الرئيسي؟؟؟؟؟
وهل صارت انه واحد انرفض 3 مرات  وبعدين انقبل   بدولة رابعة؟؟؟
لو مثل ما نقول   اييس يا كرييم  وننفض ايدنا من الشغلة
لان بصراحة تدمرنا نفسيا كل مرة ننصدم وما نتحمل بعد صدمات وامل زائف......
هسة فكرنا نحجي ويا السفارة الاسترالية بس ما استلمنا رفض تحريري  فما ندري شنقول وشنسوي ووين نودي وجهنا
يا ريت تفيدونا يا اهل الخبرة شنو الحل
يصير نلغي الملف القديم ونسوي ملف جديد ونقدم على التوطين مرة ثانية
لان بصراحة اللي رفضته 3 دول ما راح تقبله اي دولة
رحمة على والديكم  اذا تقدرون تفيدونا باي معلومة او حل لان والله بيتنا صار فاتحة من كثر الصدمات بعيد عن السامعين ان شالله
وتنصحوني اطلع انة ببحدي لامريكا واعوف اهلي
اتمنى الافادة
مع الشكر الجزيل

[جوني جاك]

احتسب لله رب العالمين وخلي عينك بعين الله
واتوكل على الله ولاتايس اخي ان شاء الله محلولة
اخوك جوني جاك

[omaha2]

الرب ايكون وياك اخونا
لاتيأس من رحمة الله اكيد هو اعلم بمصلحتك
ان شاء الله الاخوة الي ايكدرون ايساعدوك بالاجوبة مراح ايقصرون

اتمنى لك الموفقية اخوية

اختك اوماها

[IBNELRAFIDAIN]

مشكورين اخواني على روحكم الحلوة بس صدق والله مرت عليكم هجي حالة؟؟
اكيد كلشي من الله رحمة ولا اعتراض بس شنو الحل برايكم

[بنت العراق 84]

الله يساعدكم على هال حالة هاي كلش صعبة
بس ممكن سؤال يعني انتو قابلتو محلفين واستلمتو ظرف نتيجة المحلفين انو قبول لو رفض؟؟
لو اجاكم بالظرف قبول وبعدين كلولكم رفض ممكن توضحلنة هالنقطة هاي
والله يكون بالعون
اما عن نصيحتي اني لو اصير بهالمكان انو اتروح انت هسة بما انو اجاك قبول واتسوي لاهلك من توصل سحب احسن منما متروح وتضيعون كل الحلول عليكم
والله يساعدكم والله دنسمع قصص عجيبة غريبة وية هالمنظمة هاي
تحياتي

[ســـرى]

الله يسهل امركم اخونا العزيز بس فعلا انت ممكن من توصل بعدين تسحبهم احسن من انه تبقى وياهم تقبل تحياتي

[Alrwad]

الله يكون في عونك انت واهلك فعلا شغلة تحير وهاي اول مرة اسمع هيجي قضية. بس خليها يم الله سبحانه وتعالى وصدكني الله ميخذلك. عسى ان تكرهوا شيئا وهو خيرا لكم. الله ضاملكم الاحسن منها.

[IBNELRAFIDAIN]

اختي بنت العراق
احنا اجا لاهلي رفض وانة قبول رغم انه احنا الملف الاصلي على الوالد

[IBNELRAFIDAIN]

اخ alrwad حبيبي الله  يسمع منك وان شالله احنا على هالأمل
اخت سرى حبوبة لا تنسيني بالاجوبة على (اسئلة البكلوريا ) على قولتج

يا جماعة بس يا ريت اذا احد يعرف شنو الحل يفيدنا بهالشغلة
وعدكم فكرة عن فتح ملف جديد

[Linda1]

اخي ابن الرافدين,


ممكن بس توضح ليش بريطانيا رفضت الملف مالتكم بلا متقراه اصلا ؟لان انت من يجيك رفض على امريكا من حقك اتقدم على دوله ثانية, اهم نقطة لازم توضحها هي سبب الرفض لانه اذا مشكله امنيه فمراح تكدر اتقدم على اي سفارة ثانيه لان الي يصير وياه مشكلة جبيره بوحده من السفارات بكل بساطه بايميل واحد من وحده من السفارات الاوربيه راح تعمم المشكله ويه هذا الشخص  الى باقي السفارات فلمن اتقدم على غير  سفارة راح يرفضوك بدون ميقرون الملف مالتكم لانه عندهم فكرة مسبقا عن ملفكم, فاذا ملفكم بيه هيجي مشكله فالافضل انه مدوخون نفسكم وتروحون على سفارة لخ , وتبقى  تحاول انه انت تسافر وبعدين تسوي لم شمل لاهلك وتسحبهم , بس نصيحة اخرى لحضرتك اذا ما عندكم اي مشكله امنيه بالفايل مالتكم ابقى حاول على السفارة الاستراليه او غير سفارة اوروبيه فاتحه اللجوء للعراقيين  وقدم لعائلتك ولتياس وانشاء الله صبركم هذا ميضيع والله يعوضكم خير وتفرحون بالحصول على الفيزا.



اختك ليندا

[عراقي هواي]

حبيبي اذا انت مقبول سافر احسن الاهلك من ما تبقى هنا مثل ما كلوا الاخوان وبعدين همه يقدمون لغير دوله لغير برنامج لغير سفارة لا تضيع المشيتين
مو  احسن استغل الفرصه الللي امامك وبعدين فكر باهلك شلون تسحبهم بلم الشمل اانت اذا رحت هناك راح تضمن 50% طلعتهم صحيح.

[غــــــــزل]

تحية طيبة ان شاء الله محلولة بس خليها يم الله بس انت اذا اسافر احسن بلكي وتسحب اهلك وراك

[IBNELRAFIDAIN]

اخي ابن الرافدين,


ممكن بس توضح ليش بريطانيا رفضت الملف مالتكم بلا متقراه اصلا ؟لان انت من يجيك رفض على امريكا من حقك اتقدم على دوله ثانية, اهم نقطة لازم توضحها هي سبب الرفض لانه اذا مشكله امنيه فمراح تكدر اتقدم على اي سفارة ثانيه لان الي يصير وياه مشكلة جبيره بوحده من السفارات بكل بساطه بايميل واحد من وحده من السفارات الاوربيه راح تعمم المشكله ويه هذا الشخص  الى باقي السفارات فلمن اتقدم على غير  سفارة راح يرفضوك بدون ميقرون الملف مالتكم لانه عندهم فكرة مسبقا عن ملفكم, فاذا ملفكم بيه هيجي مشكله فالافضل انه مدوخون نفسكم وتروحون على سفارة لخ , وتبقى  تحاول انه انت تسافر وبعدين تسوي لم شمل لاهلك وتسحبهم , بس نصيحة اخرى لحضرتك اذا ما عندكم اي مشكله امنيه بالفايل مالتكم ابقى حاول على السفارة الاستراليه او غير سفارة اوروبيه فاتحه اللجوء للعراقيين  وقدم لعائلتك ولتياس وانشاء الله صبركم هذا ميضيع والله يعوضكم خير وتفرحون بالحصول على الفيزا.



اختك ليندا

والله يا اخت ليندا هي مو شغلة امنية الحمد لله بس همة مفتهمين شغلة غلط وما عجبتهم فرفضوا بس بريطانيا قلولنا اليو ان انه خاطبناهم شفهي حتى لا ينحسب عليكم رفض ؟؟؟؟؟؟؟؟؟؟؟؟؟؟ وهم رفضوكم
وهسة اخر شي استراليا بس عفية شلون اقدر احاول بعد وياهم يعني شنو بأيدي اسوي؟؟
تحياتي

[IBNELRAFIDAIN]

حبيبي اذا انت مقبول سافر احسن الاهلك من ما تبقى هنا مثل ما كلوا الاخوان وبعدين همه يقدمون لغير دوله لغير برنامج لغير سفارة لا تضيع المشيتين
مو  احسن استغل الفرصه الللي امامك وبعدين فكر باهلك شلون تسحبهم بلم الشمل اانت اذا رحت هناك راح تضمن 50% طلعتهم صحيح.

اذا عندك فكرة عن لم الشمل شلون يا ريت تفيدنا اخي الفاضل
وما يأثر انه همة مرفوضين؟؟؟ بس السبب مو امني
تحياتي

[Linda1]

اخي ابن الرافدين,


اذا انت شغلتك مو امنيه معناتها اكو امل قدم على الاستراليه, اتصل بالسفارة واسالهم واذا ما عندك ايميلهم اني اكدر ادزلكياه, هم عندهم سفارة بالمنطقة الخضراء تكدر اتروحلهم اذا حصلت من عتدهم موعد, وبالنسبة لسؤالك علمود لم الشمل,هاي الاجراءات تبدي بيها من توصل لامريكا اتصور مو هسه بس انت حاول تقدم لاهلك من السفارة الاستراليه او اي سفارة اوروبيه ثانيه فاتحة اللجوء للعراقيين, واذا احتاجيت ايميل اي سفارة اوروبيه بلغني واذا اعرفه راح ادزلكياه وانشاء الله تفرج عليك وعلى اهلك وتسافرون بالسلامه.



اختك ليندا

[like moon]

والله يا اخي ابن عمي نفس حالتك اجاله الاوكي هو ومرته وبناته ثنيناتهم انرفضو بس همه كلوله السبب انو هويات بناته مزورات وما انقبلو بعد نهائيا بعدين قدم عال اس اي في وهو هسه باميركا صارله 15 يوم وبالتوفيق اخويه

[IBNELRAFIDAIN]

اخي ابن الرافدين,


اذا انت شغلتك مو امنيه معناتها اكو امل قدم على الاستراليه, اتصل بالسفارة واسالهم واذا ما عندك ايميلهم اني اكدر ادزلكياه, هم عندهم سفارة بالمنطقة الخضراء تكدر اتروحلهم اذا حصلت من عتدهم موعد, وبالنسبة لسؤالك علمود لم الشمل,هاي الاجراءات تبدي بيها من توصل لامريكا اتصور مو هسه بس انت حاول تقدم لاهلك من السفارة الاستراليه او اي سفارة اوروبيه ثانيه فاتحة اللجوء للعراقيين, واذا احتاجيت ايميل اي سفارة اوروبيه بلغني واذا اعرفه راح ادزلكياه وانشاء الله تفرج عليك وعلى اهلك وتسافرون بالسلامه.

انة بالاردن مو بالعراق
مشكورة

اختك ليندا

[IBNELRAFIDAIN]

والله يا اخي ابن عمي نفس حالتك اجاله الاوكي هو ومرته وبناته ثنيناتهم انرفضو بس همه كلوله السبب انو هويات بناته مزورات وما انقبلو بعد نهائيا بعدين قدم عال اس اي في وهو هسه باميركا صارله 15 يوم وبالتوفيق اخويه

والله اخي احنا لا تزوير ولا شي  بس همة فاهمين القصة غلط
المشكلة انة انقبلت عل ىنفس القصة!!!!!!!!!!!!!!1
تحياتي الك

[سميراميس1960]

مساء الخير على الجميع

من الافضل ان تسافرون كلكم مع بعض , لان اني سافرت مع بناتي وبقوا ولدي والى هسه محد متصل بيهم صارلهم سنه .
اذا انتوا مقدمين من العراق فحاولوا ان تقدمون الى iom الاردن على النت .اما اذا انتوا خارج العراق اما تطلبون منهم اعاده كتابه القصه وتقديمهه من جديد او من يصير وقت تجديد ورقه الحمايه اتصلحون الخطأ اللي صار بالقصه مالتكم.
وبالنسبه الى لم الشمل تكدر ان تسحب امك وابوك واخوتك اللي اعمارهم دون 21 اول متوصل الى امريكا وتحصل على اوراقك الرسميه. واخوتك الكبار يدخلون بملف ابوك ويجون وياهم.
بس ياترى الخطا الذي انرفضوا من اجله مياثر على لم الشمل ؟ ما اعلم بهذا الامر .
اتمنى لكم الموفقيه,(عسى ان تكرهوا شئ وهو خير لكم)

فلوريدا-جاكسنفيل

[IBNELRAFIDAIN]

مساء الخير على الجميع

من الافضل ان تسافرون كلكم مع بعض , لان اني سافرت مع بناتي وبقوا ولدي والى هسه محد متصل بيهم صارلهم سنه .
اذا انتوا مقدمين من العراق فحاولوا ان تقدمون الى iom الاردن على النت .اما اذا انتوا خارج العراق اما تطلبون منهم اعاده كتابه القصه وتقديمهه من جديد او من يصير وقت تجديد ورقه الحمايه اتصلحون الخطأ اللي صار بالقصه مالتكم.
وبالنسبه الى لم الشمل تكدر ان تسحب امك وابوك واخوتك اللي اعمارهم دون 21 اول متوصل الى امريكا وتحصل على اوراقك الرسميه. واخوتك الكبار يدخلون بملف ابوك ويجون وياهم.
بس ياترى الخطا الذي انرفضوا من اجله مياثر على لم الشمل ؟ ما اعلم بهذا الامر .
اتمنى لكم الموفقيه,(عسى ان تكرهوا شئ وهو خير لكم)

فلوريدا-جاكسنفيل

مساء الورد عليك
احنا اصلا بالاردن
عدلنا القصة بالتوطين من رجعونا بس شكلهم اخذوا على الاصل ونسوا التعديل
شنو قصدك كتابة القصة وتقديمها من جديد؟؟
يعني نسوي ملف جديد؟؟
يا ريت توضحلي هالنقطة اذا سمحت
وانة اللي خايف منه انه حتى بلم الشمل يسوون نفس القوانة ويرفضون

[سميراميس1960]

مساء الخير على الجميع

اني قصدت اتصلحوهه .وكولوا الموضف غلط ,احنه شعلينه
او انت تقول ما اسافر من غير عائلتي . لان اكو عائله جائت الى امريكا بس من سوريه همين طلع الى الام واولادها ولم يطلع الى بنتها وزوج بنتها . الام قالت لن اسافر الا اذا سافرت ابنتي لانها تعتني بيه ولن اسافر الا اذا سافرت امي لكي نعتني بها جميعا .فسافرت العائله جميعها البنت وزوجها وابنها في ملف.الام وابنائها اثنان في ملف.والجده والجد في ملف.وجميعهم وصلوا الى امريكا. بفارق اسبوع بين ملف وملف.

[IBNELRAFIDAIN]

والله هذا اللي صار
بس اصلا انريكا رفضت الاعتراض مالنا لان قالو صار اكثر من شهر مع انه احنا سويناه قبل 15 يوم!!!!
وباقي الدول ما ادري بس اتوقع لنفس السبب!!
اما اذا اقلهم ما اروح يقلولي طبك طوب يا هو اللي سائل عني!!!
والمفوضية ستحبة ايدها تقول ما اضمن لك تحصل او لاء!!!
شنو رايك!!

مساء الخير على الجميع

اني قصدت اتصلحوهه .وكولوا الموضف غلط ,احنه شعلينه
او انت تقول ما اسافر من غير عائلتي . لان اكو عائله جائت الى امريكا بس من سوريه همين طلع الى الام واولادها ولم يطلع الى بنتها وزوج بنتها . الام قالت لن اسافر الا اذا سافرت ابنتي لانها تعتني بيه ولن اسافر الا اذا سافرت امي لكي نعتني بها جميعا .فسافرت العائله جميعها البنت وزوجها وابنها في ملف.الام وابنائها اثنان في ملف.والجده والجد في ملف.وجميعهم وصلوا الى امريكا. بفارق اسبوع بين ملف وملف.

[سميراميس1960]

مساء الخير على الجميع

والله هذا كل الذي اعرفه.
اسأل الاعضاء في المنتدى يمكن عدهم معلومات تفيدك اكثر وهمه ميقصرون .