يردون اعوفك ياوطن غصبآ علية
غشمة ومايعرفون مزروع انت بيه
كل ضنهم خايف ومرتعب اني
مايدرون انا الخوف منجرع ميه
وماعوفك ياوطن والله ماعوفك
لو دارة بلعكس الكرة الارضية
شلون تريد اعوفك ياغـــــــــالي
واعرف محتاج بهل محنه انت ليه
مايــــــــــهمني اليكولو ولا اهتم
واذا على الموت روحي الك هديه
انا ميت ياوطن لاتضن صاحي
انا ميت من غمض اخوي على اديه
راح كــــــــــل غالي وعزيز مني
ومحد رحم بس انت الكَلت خطية
بكل سهوله يردون اعوفك وهاجر
واسمع كلام جماعات صايرة خلية
كَلوب ماترحم وعقول متحجرة
حاربو حتى الحيوان الماحملهم اذية
وحشى السامع لبسو العنز ملابس داخلية
وشـــــــــــــنون تريد اعيش بزمن
ماترضة تذكرها حتى الحروف الأبجدية
يمكن اعـــــــــيش اليوم وباجر
وبـــــــــــعدها ينفذون بيه العملية
بس خل تعرف الناس الراح
مو يهودي ولا امريكي عراقي وابن عراقية
....
...
.
بقلمي
الشاعر فادي
[/size]
الكاتب
