استفسار عنSQ APPT LTR (BGH

[National]

صباح/مساء الخير أخواني واخواتي الأعزاء في عين كاوه
أرجو توضيح هذه الرساله الي وصلتني البارحه من NVCInquiry@state.gov وعنوان الرساله
BGHxxxxxxxxxx(SQ APPT LTR (BGH)
الرساله فيها موعد مقابله واسماء جميع افراد العائله هل وصلت هيج رساله الى احد الاعضاء
وتقبلو تحياتي

[Alrwad]

عادةُ المقابلة تجي برسالة رسمية تحتوي على موعد المقابلة التاريخ واليوم والمكان واسماء الاشخاص اللي راح يقابلون بالاضافة الى المستمسكات اللي مطلوبة وطريقة الوصول الى مكان المقابلة. ارجو ان تكون اجابتي وافية.

تحياتي

[ســـرى]

اخونا السائل اذا دتسأل عن الSQ فهاي هي نوع الفيزا بالنسبة للهجرة الخاصة للعاملين مع القوات الامريكية في العراق حيث انه المقدم الرئيسي للطلب من يستلم الفيزا راح يشوف اكو نوع الفيزا عالجواز اللي مختومة هي SQ 1 اما الزوجة فتكون SQ 2 والابن الاول هو SQ 3 وهكذا وان شاء الله من تستلم الفيزا راح تشوفها

بما يعني انه تقديمك عالاس اي في هو تقديمك عالفيزا نوع SQ وان شاء الله يكون الجواب واضح

[BaghdadGhost]

هاي الرسالة موعد مقابلة ,,,,,

SQ  فيزا ال SIV

APPT اختصار لكلمة موعد appointment

LTR اختصار لكلمة letter رسالة

BGH بغداد

[National]

اخواني الاعزاء اشكركم على الردود بس اني الي امدوخني انه هاي الرساله جايه من مو من السفاره جايتني من ال  NVCInquiry@state.gov وهي تحتوي على ملف بي دي اف PDF يحتوي على معلومات عن جميع افراد عائلتي اللي راح ايسافرون بس هو لا امحددلي المستشفى او من منطيني خيارات مثلا مستشفى الشفاء بال IZ او ابن البيطار ولا كايلي على شغلة السكورت لان اني هسه ماعندي IZ Badge or Iraq wide Badge يعني المفروض ايخلي رقم موبايل فد شيء والله عجيبه بس اكو شغله هو كايلي انه راح ايسوي لهاي الرساله فوروورد للسفاره يعني اكو احتمال يجيني هالايام اميل من السفاره بيه توضيحات واكو شغله اخرى هم على بالي انه انته اذا ماعندك باج واتريد تدخل ويه الاسكورت للمنطقه الخضراء بالجيك بوينت راح يطلب منك اتخلي لو الجواز لو الجنسيه يم الاستعلامات الجيك بوينت زين اشلون بهاي الحاله همه ايريدون بالسفاره النسخ الاصليه لازم كلهه وياك واكو سؤال اخر هل الجنسيه هوية الاحوال المدنيه يقبلوهه بدل شهادة الميلاد بالمقابله وخاصة اني دزيتهه لل NVC وقبلوهه بدل شهادة الميلاد واسف على الاطاله

[ســـرى]

((((لا امحددلي المستشفى او من منطيني خيارات مثلا مستشفى الشفاء بال IZ او ابن البيطار ولا كايلي على شغلة السكورت لان اني هسه ماعندي IZ Badge or Iraq wide Badge يعني المفروض ايخلي رقم موبايل فد شيء والله عجيبه بس اكو شغله هو كايلي انه راح ايسوي لهاي الرساله فوروورد للسفاره يعني اكو احتمال يجيني هالايام اميل من السفاره بيه توضيحات))))

اكو هواية من الاعضاء اجاهم ايميل الفحص الطبي بعد هذ الايميل بكم يوم انت شوكت موعد مقابلتك يعني قريب؟

((((واكو شغله اخرى هم على بالي انه انته اذا ماعندك باج واتريد تدخل ويه الاسكورت للمنطقه الخضراء بالجيك بوينت راح يطلب منك اتخلي لو الجواز لو الجنسيه يم الاستعلامات الجيك بوينت زين اشلون بهاي الحاله همه ايريدون بالسفاره النسخ الاصليه لازم كلهه وياك واكو سؤال اخر هل الجنسيه هوية الاحوال المدنيه يقبلوهه بدل شهادة الميلاد بالمقابله وخاصة اني دزيتهه لل NVC وقبلوهه بدل شهادة الميلاد))))

بالنسبة النا احنا هم ما كانت عدنا باجات ورحنا وية الايسكورت وما طلبوا انه يخلون الهوية او الجواز يم الاستعلامات لأن انت راح تحتاجها بالمقابلة والجوازات اصلا ياخذوها منك بالمقابلة (علمود الفيزا) بس الاستعلامات يشوفوها فقط يعني مو يخلوها يمهم

[National]

اشكرج اختنه سرى وماقصرتي بالتوضيح اني جدا ممنو الج وتقبلي تحياتي

[GoldenEgle]

اخوي العزيز ...

 انت لاشيل هم مثل ماكلولك انه هم راح يخابروك من السفارة وبالمناسبة بعد الدخول لاغراض الفحص صار من منطقة الجادرية - قرب البحيرة من جهة فندق بابل والمستوصف اسمه ( WAMAR ) والاطباء هم اغلبهم امريكان ومدة الفحص يومين متتالية .
ثانيا  المشمولين هم SIV & IOM  .
ثالثا اجور الفحص للكبار 170$ وللصغار 85$ ( بالنسبة للا SIV ). اما الاجئين فتكون بدون مبالغ .

هناك ايضا مستوصف الشفاء ولكن المستوصف المعتمد الاكثر هو ( WAMAR ) هو شركة متعاقدة مع الحكومة الامريكية   مسؤولة عن الفحص للمهاجرين واللاجئين والجيش الامريكي والمواطنين الامريكان ايضا .

اما بالنسبة للمقابلة فهي نفس المكان السابق البوابة اللي هي من جهة فندق الرشيد .

تحياتي
النسر الذهبي

[National]

أخويه العزيز  GoldenEgle اشكرك على التوضيح يعني اذا ردت اخل من البوابه رقم واحد او أثنين او قصر المؤتمرات Gate 1 or Gate 2بعد ميصير لأن اني هاي البوابات كلش قريبه عليه واكو باركات مقابل الخارجيه ويم السفاره من جهة الجسر هم اكو باركات تكدر اتخلي بهه السياره بس بالجادريه من جهة المعلق اتظل تفتر ومتحصل بارك وبعدين هسه صارت اجور الايسكورت علينه ياخذون 10 دولارات على النفر حسب ماعرفت وفوكاهه ياخذون بالمستشفى زياده على اجور الفحص تقريبا 30 دولار من كل نفر حسب ماسمعت وغير متأكد من هذا الحجي لأن مثل متعرف بعدني مرحت على العموم هاي شغلة الدخول منين ماكان مومشكله حتى لو من الحله هم ميخالف واشكرك على المشاركه وتقبل تحياتي

[ســـرى]

اخونا العزيز national نتمنى منك اذا سويتوا المقابلة بخير وسلامة وقبلها الفحص تنزل تفاصيلها هنا حتى الاخوة يستفيدون وبارك الله بيك

[National]

الأخت العزيزه سرى اشكرج جدا واني انشاء الله أنزل موضوع جديد بالفحص الطبي والمقابله الفحص الطبي مالتي راح ايكون بهذا الاسبوع أنشاء الله والمقابله يوم 13 بالشهر الخامس الجاي تم تحديدهه بس اني هسه انتظر من السفاره ايميل او تلفون علمود الفحص ولو اني اتصلت بمستشفى الشفاء وكللولي أذا اتريد اسويلك موعد وتجي تفحص يعني اذا الامور مشت بشكل طبيعي الفحص والمقابله ايكون كلمل يوم 13 بالخامس وانشاء الله هم السفره مالتي من بغداد الى عمان ومن عمان بواسطة الملكيه الى ولايتي اللي هسه اني امقرر اروح الى فلوريدا  مدينة تامبا كلهه انزلهه بموضوع اخر ولو اشو طلعتلنه هاي الشغله مالت بقعة الزيت الي يم خليج المكسيك الناجمه عن غرق احدى المنصات النفطيه وطبعا هاي راح أتأثر على لويزيانا وفلوريدا أعتقد هم راح تتأثر لأن تعتمد هوايه على صيد الاسماك والبقع دتمشي عليهم واعذروني لأن طلعت من الموضوع وطبيت ببقعة الزيت اشكر الأخت سرى وتقبلو تحياتي

[GoldenEgle]

اخوان  ...

 الرجاء قراءة الخبر من جديد فقد تم تحديثه ...

  انظر للخبر فوق

  تحياتي
النسر الذهبي

[ســـرى]

اخونا النسر الذهبي يعني هو لي المركز الجديد معتمد اكثر قصدك هم يعترفون بمركز الشفاء بعدهم بس بنفس الوقت يحبذون انه انت تروح عالمركز الجديد؟

[GoldenEgle]

الاخت سرى ...

 لانه العراقيين في مركز الشفا غير مضبوطين في عملية الفحص ولانه يقومون بذلك كشيء روتيني مما يؤدي الى اعادة اللقاحات والفحص في امريكا في حال وصول العراقيين الى امريكا ... اي غير مقتنعين بالفحص مال العراقيين .

  تحياتي
النسر الذهبي

[ســـرى]

اخوية النسر الذهبي ولو تعبتك وياية بس كوللي يعني اذا هم ما يعترفون بيهم شلون لحد الان يخلوهم بسوون الفحص وشلون عرفتوا انه هم ما مضبوطين بدون زحمة عليك

زين سؤال اخر اكو لقاحات ينطوها بالمركز الان في فحص الاس اي في لو لا؟ ومشكور عالاجابة مقدما

[GoldenEgle]

الاخت سرى ...

 في الحقيقة هم هناك كلوله هذا المكان معتمد اكثر وانه الشفا على اساس الاطباء العراقيين مايقومون بالفحص بالشكل الصحيح والمطلوب منهم حسب التعليمات الامريكية لذلك خلوا يفحص في هذا المكان الجديد .
 
بخصوص اللقاحات نعم يلقحوهم ويفحصون الدم مالهم وبالنسبة للاطفال اكيد لازم تاخذون الدفتر الصحي مال اللقاحات .
وبالنسبة للنتيجة لاتعطي باليد وانما هم يرسلوها الى السفارة .

 تحياتي
النسر الذهبي