السياقة وأهميتها للعمل في أمريكا


المحرر موضوع: السياقة وأهميتها للعمل في أمريكا  (زيارة 19007 مرات)

0 الأعضاء و 1 ضيف يشاهدون هذا الموضوع.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مرحبا شباب

حبيت اكتب هذا الموضوع بعدين انزل غير موضوع ابشركم بيه بشارة.

طبعا الموضوع بديهي للكل ان السياقة مهمه جدا في أمريكا وذلك لبعد المسافات بين الاماكن .يعني من البيت لأي مجمع محلات ممكن توصل الى 20 دقيقه سياقه وانتو احسبوها شكد بالباص أو مشي.
لكن راح اتكلم عن نوحي اخرى منها اهمية السياقه,إجازة السوق والسيارة في أميركيا
الكثير من اصحاب المحلات او اماكن العمل يطلب من المتقدم للعمل ان يكون لديه سيارة واجازة سوق نافذة وذلك لكي يتخلص صاحب العمل من الحجج التي قد يستخدمها العامل عند حاجة العمل اليه للبقاء متأخرا او الحضور مبكرا(أي ان لا يكون متقيدا بالمواصلات العامة).وايضا كي لا يزيد ضغط استعمال السيارة المخصصة للمحل من قبل الموظفين لا سباب شخصيه.

الكثير من الاماكن تطلب منك رقم اجازة سوق كهويه تعريفيه اساسية وهنالك من لا يترك لك خيار كتاب رقم هوية الولاية.
كما ان هنالك الكثير من المحلات تحسب حساب المستقبل في حال احتاج المحل الى سائق فمن الممكن الاستفادة من الموظفين بدل تعيين شخص جديد لمعرفته بالسياقة فقط. لذلك فهم يطلبون من المتقدم للعمل ان يكون لديه اجازة سوق.
القصد انه لغه بدون سيارة  مراح تفيدك هواي.وسيارة بدون لغة هم مراح تفيدك هواي.
فنصيحتي للي ميعرف لغه خلي يتعلم قبل ميجي واللي ميعرف يسوق هم خلي يتعلم قبل ميجي.
هسه نجي للي وصلوا ويريدون يعرفون عن السياقة والسيارات.

اريد ان اشرح بعض الاشياء للاجئين والمهاجرين الجدد واعتبروها نصيحه حتى متضيعون بالإشاعات مال جماعتنه وتتأخرون بحياتكم بعدين تكتشفون ان المسألة أسهل بكثير.

شراء السيارة
السيارات في امريكا ارخص نسبيا من اي مكان. يعني المستعمل الامريكي موديل 1990-2000 تقريبا من 1500 دولار الى 3000 دولار. واكو ارخص بس بيه شويه مشاكل. والسيارة الأمريكية سيارة قويه جدا والادوات الاحتياطية متوفرة الهه بإعتبار انك في البلد المصنع وخاصة في الجنك يارد وهيه ساحات التفصيخ تلكى سيارة كامله كدامك شتريد فصخ منهه واخذ من دولار الى 200 دولار للمحرك اللي مماشي هواي و1000 مكسيكي يشتغلكياهه ب50دولار.
بالنسبة لا سعار السيارات الياباني فالنظيفة من 2500 دولار وفوك للموديل القديم وماشيه وهواي.

قصه قصيره
رحت ويه اصدقاء للجنك يارد للبحث عن (دعاميه)سيارة دودج فان 97. وكان ويايه صديق عنده مارسدس 94يدورلهه على دعاميه. سألنه على الدعاميه مال المارسدس اصلا مموجوده.ودعامية الدودج ب50 دولار فقط مع التركيب.وبالنسبه للياباني غراضه نار عبالك مستورديه من المريخ.

اماكن البحث عن سيارة:
- المعارض وصاحب المعرض يسمى (Dealer) وتنلفظ (ديلر).وهذا يكون غالي نسبيا.(وقفاص) احيانا.
- الاصدقاء والجيران.وهذوله يكونون حيل غالين وكللللللش قفاصين(دائما).
- ممكن تشوف سيارات على الشارع عليهه ورقه مكتوب عليهه (For Sale)وممكن تلكى تفاصيل السيارة والسعر ورقم هاتف البائع.
- موجودة جرائد ومجلات لبيع السيارات.
- منجم السيارات هو ال Craiglist  وهو موقع تكتب بيه ولايتك ومدينتك ومنطقتك وتختار شنو اللي تدور عليه وبالسعر والمواصفات اللي تطلبهه وهو www.craiglist.com
- ممكن تزور المزادات وتسمى هنانه (Auction)وتنلفظ (اوكشن) يكون سعرهه ارخص بس انته وحظك.


ألتأمين
شركات التأمين متعدده وتختلف اسعارها لكنها مقاربه ولن اعطي اليوم اسعار تقريبيه لحين تأكدي منها.
لكن تعتمد الاسعار على :
- نوع التأمين: هل هو شامل أم جزئي.
- عمر السائق,متزوج ام لا,نوع استعمال السيارة.
- خبرة السائق بالسياقة و عدد الحوادث والمخالفات.

اجازة السوق:
اجازة السوق اللي هيه نفسهه ال Driver License   وتستخرجهه من دائرة المركبات اللي اسمهه D.M.V وتقرأ (دي . أم . في) كل حرف على صفحه.ولازم تقرأ تعليمات السياقه في ولايتك وتروح تمتحن نظري يعني بالورقه تدفع مبلغ معين مو اكثر من  30 دولار وتستلم النتيجه بعد الامتحان بدقائق وينطوك تصريح مشروط للسياقة يعني تسوق سيارة بشرط وجود شخص اخر لديه اجازة سوق نافذه لتوجيهك واسم هذه الاجازه هو (PERMIT) بس جماعتنه يسموهه اجازه مؤقته.
بعد ان تأخذ هذه الاجازة ممكن تسوق أو تتعلم سياقه بمرافقه اي شخص عنده اجازة سوق عاديه. وبعدهه تأخذ موعد للامتحان العملي اللي تروح بيه لإمتحان السياقة اللي يركب وياك شخص يفحص معلوماتك وخبرتك بالسياقة.بعدهه تستلم اجازة السوق.

تعلم السياقة :
لازم تحصل ال (PERMIT) قبل سياقة السيارة كي تتجنب مشاكل لاحصر لها في مستقبلك في اميريكا.بعدهه ممكن تطلب من صديق شريف ان يعلمك سياقه لازم يكون عنده اجازة سوق أمريكية .أو تروح لمكاتب تعليم السياقة اللي تعلمك على السياقة وتنطيك محاظرات عن الطريق والسياقه وتأهلك للامتحان النظري والعملي وتكون اسعارهه من 150 دولار الى 350 دولار لكل شئ حتى حصولك على الاجازة.أو تأخذ ساعات تعليم من مكاتب بمعدل 35دولار للساعه الواحدة وتكون السيارة مجهزة ببريك خاص في الجهه الثانيه كي يتحكم المدرب ايضا في حال الخطورة.

انتبه :
- اذا كانت جامه السيارة الامامية مفطورة فطر كبير فلازم تبدلهه أو تحصل انذار عليهه.
- انتبه ايضا الى ان السيارة مدفوعة الضريبة او لا وذلك بالانتباه الى الارقام اللي ملزوكه فوك لوحة ارقام السيارة واللي مكتوب بيهه مثلا may 2010 هذا يعني انه السيارة مدفوعة الضريبة لغاية شهر الخامس سنة 2010 وبعدهذا التأريخ انته لازم تروح تدفع عليهه مبلغ حسب نوع السيارة وموديلهه.
- لازم السيارة تخضع لاختبار اسمه SMOG  وهذا الاختبار لمعرفة هل ان محرك السيارة يحتوي على عطل او خلل يؤجي الى التلوث البيئي مثل تسريب زيت أو وقود والكثير من الاشياء.وبدون هذا الفحص لا يمكنك تسجيل السيارة.
- يجب الانتباه عند شراء السيارة الى كونها بسجل نظيف او سجل حوادث وهذا مايصطلح عليه ب Clean Title)) اي سجل نظيف أ سيارة بسجل حادث وهذا مايصطلح عليه ب(Salvage Title)وهذا يؤثر كثيرا على سعر السيارة وسعر التأمين ايضا.حيث قد تفرق في السعر الى 1000 دولار بين سيارة ذات سجل نظيف او ذات سجل حوادث.
- كذلك الانتباه الى عداد المسافه في السيارة ويسموه هنانه Mileage وينلفظ (مايلج)  وبمعدل
اقل من 140.000 ميل للسيارة الامريكي.
أقل من 160.000 ميل للسيارة الياباني.
فوك هذه المسافات تتعب السيارة وهم مو قاعده لكل السيارات.


يمكن الموضوع مخربط بس خبرتي لازالت قليله بهذا المجال واتمنى من الاخوان ان يساعدوني او يصححولي.
هذا كل اللي حبيت اكوله وانشالله اكمل عن السيارات والاعمال اللي تتطلب وجود سيارة.
غسان الاشقر
سان دييغو -كاليفورنيا

لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html


غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
بارك الله بك اخي ونشكرك


غير متصل alazawi

  • مبدع قسم الهجرة
  • عضو مميز جدا
  • *
  • مشاركة: 2757
  • الجنس: ذكر
    • مشاهدة الملف الشخصي
شكرا على هذه المعلومات المفيدة والقيمة في نفس الوقت


تحياتي
Alazawi



Most people walk in and out of your life, but only FRIENDS
 leave footprints in your heart

غير متصل ددوفي

  • مبدع قسم الهجرة
  • عضو مميز
  • *
  • مشاركة: 1255
  • خــــير الــــكلام مــــا قـــل ودل
    • مشاهدة الملف الشخصي
    • البريد الالكتروني
عاشت ايدك على التفصيل الحلو والمرتب

اعتقد ماكو هيجي موضوع بالمنتدى اتمنى ان الادارة تقوم بتثبيته للاهمية


اخوكم ددوفي

اخــــوكم ددوفـــــــــــــــــــــــــــــــــــــــــــــــــــــــــــــــــــــــــــي

غير متصل sniperpain

  • عضو فعال جدا
  • ***
  • مشاركة: 132
  • رجل حر لا آنظر الى آلاسفل لإلتقاط ما سقط من عيني
    • مشاهدة الملف الشخصي
    • البريد الالكتروني

مليون عاشت ايدك الاشقر خوية و ننتظر منك المزيد


غير متصل مالايكي

  • مبدع قسم الهجرة
  • عضو مميز
  • *
  • مشاركة: 1190
  • الجنس: ذكر
    • مشاهدة الملف الشخصي
.
مكن الموضوع مخربط بس خبرتي لازالت قليله بهذا المجال

اذا خبرتك قليله وهيج!!!!!!!



شكرا اخويه غسان ننتظر منك المزيد


غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مشكورين اخواني على الردود وانشالله ارتب هذا الموضوع اكثر

اقتباس
عاشت ايدك على التفصيل الحلو والمرتب

اعتقد ماكو هيجي موضوع بالمنتدى اتمنى ان الادارة تقوم بتثبيته للاهمية

مستحيييييييييييييييييييييييل

لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
يعني صدك لو كالوا
اسمه بالحصاد ومنجله مكسور
و نت افتهمني غسان !!!!!!!!!!!!!!!!!!


غير متصل ابو شموس

  • عضو فعال جدا
  • ***
  • مشاركة: 204
  • الجنس: ذكر
    • مشاهدة الملف الشخصي
يابه والله العظيم مرتب

اخويه غسان عاشت ايدك على الموضوع
بس احنه طماعين ونريد بعد معلومات


ملاحظه: يمكن سعر السياره اليابانية بيه صفر زايد؟؟؟؟

اخوك ابو شموس



غير متصل Hanar

  • عضو فعال جدا
  • ***
  • مشاركة: 470
  • الجنس: أنثى
  • Give your child enough space to express himself
    • مشاهدة الملف الشخصي
عاشت الايادي اخويه غسان انت صاير موسوعه :) اكولك على فكرة! افتحلك مكتب استشاري للاجئين وشوف شكد راح تكسب !


تحياتي
اختك هنار


غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
حمدالله على السلامه اخويه غسان وين هاي الغيبه منور
ومشكور على الموضوع بارك الله بيك

تحياتي لك



غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
عاشت ايدك يا وردة على هالمعلومات اللي فعلا تفيد

وصحيح يمكن السيارة الياباني قصدك 2500 مو صحيح؟

زين اخي غسان عندي استفسار.. يعني اذا اني ماعندي احد بس اني وبنتي رايحين و عندي اجازة سوق عراقية واردنية وردت اشتري سيارة اكدر استعين بأحد وانطيه فلوس مثلا حتى يقيملي وضع السيارة؟ يعني اكو هيجي ناس تشتغل؟ لو كلها قفاصة؟



I am here to EXPRESS, not to IMPRESS

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
مس فيولن خلي اني اجاوبج على هذا السؤال ومن رخصه غسان

الج الله خيتي


غير متصل ابو راشد

  • عضو فعال جدا
  • ***
  • مشاركة: 396
  • الجنس: ذكر
    • مشاهدة الملف الشخصي
الف شكر اخونا غسان على المعلومات الرائعة عن السيارات

ابو راشد

اخوكم
ابو راشـــــــــــــــــــد

غير متصل أبــو دجـــلة

  • نجم منتدى الهجرة و اللاجئين
  • عضو مميز
  • *
  • مشاركة: 1057
  • الجنس: ذكر
  • دع شيبك يسفر يتألق .. والله أحبــــــك لا تقلق
    • مشاهدة الملف الشخصي
السلام عليكم

أغاتي الكريم .. غسان الأشقر

تحياتي .. موضوع جميل ومفيد وقد رسمت فيه الواقع بحروف الكلمات
جهد لطيف ومعلومات واقعية وضرورية لنا .. أسلوب محترف ولغة سلسة
معلومات من الواقع المعاش .. أحييك وأشد على يديك مبهوراً
مع تقديري

أخوكم .. أبـــو دجــــلة

**



angie-dawood

  • زائر
مبدع بكل مواضيعك اخي غسان عاشت ايدك على اي موضوع تكتبة عشت


غير متصل Iron_man

  • عضو فعال جدا
  • ***
  • مشاركة: 428
    • مشاهدة الملف الشخصي
شكرا اخي العزيز غسان الوردة

دومك مبدع وتنطي معلومات حلوة وملخصة .....


بس مكتلنه شنو البشارة ؟؟؟؟ ;D ;D


Iron_man


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7971
  • الجنس: أنثى
    • مشاهدة الملف الشخصي
تحياتي اخوية العزيز غسان والله يوفقك بكل اللي تقدمه لأخوانك
اختك
سرى


غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
إضافة

فحص الSMOG اللي ذكرته يتم قبل شراء السيارة وبعد الاتفاق عليها.وتكون قيمة الفحص من 15 دولار الى 50 حسب المحل وتكون التكلفه على المشتري اذا نجحت السيارة في الاختبار .و تكون التكلفه على البائع في حالة عدم نجاحها. أو يمكن الاتفاق على هذا بين البائع والشاري.
في بعض الحالات تكون السيارة مجهزة بورقة فحص بتأريخ حديث مثلا (قبل يومين أو اسبوع)وهذا يغني عن فحص جديد.

ملاحظة:سبب كتابتي للموضوع لانني من دخلت امريكا كنت ولاطكه بالسيارات ولحد هسه مو كلش وهاي كل معلوماتي.. وظليت أسأل واستفسر وأتعلم وظلوا هواي ناس يتعيقلون عليه وناس شافوني محتاج المعلومه صاروا يظموهه وميعلمون وحتى لو معلومه تافهه.فحبيت ان اكتب اللي اعرفه حتى الناس اللي يجون وميعرفون ميستصعبوهه والناس اللي همه خبرة بهذا المجال يأخذون فكرة.


الردود
ابو عبد الله التكساسي
هههه توقع مثلا بعد كم يوم اكتب موضوع غسان الاشقر فتح مكتب تعليم سياقة.
وهذا الفلم لو تشوفه على الblu-ray أو بالسينما يختلف اختلاف كلي عن اللي شفناه بالحاسبه من ناحية التصوير والوضوع وتفاصيل دقيقه تخبل واختاروه فلم احسن صورة بالافلام مال هسه.


عيني ابو شموس
يابه والله العظيم مرتب

اقتباس
اخويه غسان عاشت ايدك على الموضوع
بس احنه طماعين ونريد بعد معلومات
ملاحظه: يمكن سعر السياره اليابانية بيه صفر زايد؟؟؟؟


عيوني انشالله اكتب بهذا الموضوع كل اللي اعرفة او اتذكره
ومشكور على الملاحظة وتم التعديل


الاخت هنار

صدكيني لو بكل منظمة انسانيه يعينون واحد بس يعلم هاي الشغلات البسيطه صدكيني اهم من كل اللي ديسووه لان المنظمات صايرة متشتغل ومتشغل احد هم.


عكعك التطوى
يمعود عكعك منور الموضوع ومشكور على الرد ويوميه اكتبلك موضوع وتتدلل.ويارب تتسهل شغلتك.


أخي تايه
اقتباس
اني عندي اجازة محلية عراقية و قريت بدليل المهاجرين ممكن مقايضتها بامريكية
زين شنو اجراءات الحصول على اجازة اذا عندك انت اجازة


اجازتك العراقية لازم توديهه للDMV بمنطقتك حتى يوافقولك (أو ميوافقولك) ان تسوق بيهه والمده هي 10 ايام فقط تسوق بيهه وبعدين تضظر ان تقدم على اجازة سوق خاصه بالولايه.وهاي ال10 ايام يعتبروك بيهه سائح وممكن تسوق بإجازتك لكن بشرط ان تكون مدتهه ممنتهيه. ولازم تروح لل DMV وتأخذ منهم موافقه مكتوبه بورقه حتى متتورط ويه شرطي لان هنانه كل واحد يفتهم القانون بكيفه وورطه.
بالنسبه للاجراءات اني ذاكرهه بالموضوع لكن راح اضيفهه بالتفاصيل لاحقا.


Miss Violet
اختي طبعا ابو عبدالله جاوبج جواب ما اكدر ازيد عليه شئ. بس انشالله يطلعلج ابن حلال بمنطقتج.
وصدكيني اثنين هنانه بالمنتدى يفيدوج بالسيارات همه بغدادي وابو عبدالله التكساسي لان معلوماتهم بهذا المجال معلومات سنين مو يوم ويومين.
وصراحه لو مدير المنتدى امير المالح يجاوبني و اتفاهم وياه على بعض النقاط. وارتاح من ناحيه حذف الاداريين الصغار لمواضيعي او نقلهه. كان فتحت موضوع خاص بتقييم السيارات على ارض الواقع والعضو هو يصير خبير بالشغله ماعدا بعض الشغلات الفنية اللي تتطلب فحص خبير.


أبو دجله
عمو نورت الموضوع وانشالله دائما اكون عند حسن ضنك


انجي
 مشكورة على الرد . بس انشالله مينحذف الموضوع بحجه انه (لاعلاقة له بقسم الهجره) او ينقل لقسم السيارات وانتي متدرين.


Iron_man
ياهلا
البشارة راح اكتبهه بموضوع منفص هاي الايام انشالله.

سرى
ابد ردودج مكانت بس مال شكرا وهاي هيه.



لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7971
  • الجنس: أنثى
    • مشاهدة الملف الشخصي
الاخ الغالي غسان مو اني هم مثلك ولا طكة بالسيارات فما اكدر ازيد بس اللي اشوفه من تجارب زوجي ممكن انقله الكم تقبل تحياتي وان شاء الله من اخذ اجازة السوق اسولفلك عالموضوع اكيد


غير متصل *Sandra*

  • عضو مميز
  • ****
  • مشاركة: 1468
    • مشاهدة الملف الشخصي
اخوية غسان الله يبارك بيك وعاشت ايديك على هذه المواضيع الاكثر من رائعة 
الله يطول بعمرك ويخليك ذخر لمنتدى عنكاوا


عندما تكتنف حياتك الظلمات ... وتشتد وطأتها عليك ... صل على محمد وأل محمد ... وأبحث في قلبك ستجد نورهم عليهم السلام هاديا ودليلا ...

                              

غير متصل ابو الحسن

  • مبدع قسم الهجرة
  • عضو مميز
  • *
  • مشاركة: 1118
  • الجنس: ذكر
    • مشاهدة الملف الشخصي
والله عمي انته بطل وشلون مواضيع ملبلبة عاشت ايديك والله يسهل عليكم
تستاهل لقب شاهين المنتدى ( عمي خاف تزعلون من كلمة شاهين وهو نوع افخر انواع الصقور)
الله يسهل عليك وعلى الجميع ويكفيكم شر بني ادم
ابو الحسن

ولايتي لامير النحل تكفيني
عند الممات وتغسيلي وتكفيني
وطينتي عجنت من قبل تكويني
بحب حــيــدر كيف النار تكويني؟

angie-dawood

  • زائر
انجي
 مشكورة على الرد . بس انشالله مينحذف الموضوع بحجه انه (لاعلاقة له بقسم الهجره) او ينقل لقسم السيارات وانتي متدرين.  !!!!!!!



غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
اقتباس
انجي
 مشكورة على الرد . بس انشالله مينحذف الموضوع بحجه انه (لاعلاقة له بقسم الهجره) او ينقل لقسم السيارات وانتي متدرين.  !!!!!!!

هلو انجي لتزعلين بس قصدي الادارة العليا.
مثل اللي صار بموضوعي مال المقترحات للادارة انمسح ولحد هسه محد يعرف منو مسحه.
وانتي لتزعلين مني وانتي تعرفين شنو اني شنو قصدي بكتابتي

لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
مشكور اخ غسان عالموضوع وراح اورد طريقة تقييم السيارة عن طريق صفحة كيلي بلو بوك:

http://www.kbb.com/

- USED CARS "Year, Make & Model
-تحديد السنة, الشركة, الموديل
- ولنفرض اختاريتة هوندا , اكورد, 2000
- اختيار الزبكوود
- اختيار PRIVAT PARTY VALUE
- اختيار اي موديل ضمن سلسلة ACCORD مثلا  Honda Accord LX Sedan 4D
- اختيار مواصفات السيارة ونوع المحرك وناقل السرعة وعدد الاميال
- اختيار وضع السيارة العام بين excellent,good, fair, poor
- بعدها راح يطلع تقييم السيارة  ضمن المواصفات اللي دخلتوهة وضمن منطقتكم او المنطقة اللي حددتوها وعلى هالاساس من اي شخص ايريد يشتري اي سيارة لازم ياخذ فكرة عن تقييمها الاصلي قبل ميشتري ويعامل..

ملاحظة بسيطة بالنسبة للاجازات العراقية او اي اجازة اجنبية فضمن قانون كاليفورنيا يحق لصاحبها استخدامها في حالة كونه سائح او زائر للولاية او طالب وبعد استصدار وثيقة تثبت ذلك من الدي ام في اما وضع المقيم فيجب عليه التقدم للحصول على اجازة السياقة الخاصة بولاية كاليفورنيا وهذا مثبت في california driver handbook

اي شخص طالعتله كاليفورنيا ويريد يستفاد من الوقت يكدر يقرا california driver handbook اونلاين وهو بسيط جدا ويسوي بعض الاختبارات اونلاين من نفس الصفحة Regular Driver (Class C License)
http://www.dmv.ca.gov/pubs/interactive/tdrive/exam.htm

بغدادي


عضو فرقة سان دييغو للحزب تنظيم الرفيق ابراهام لنكن

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7971
  • الجنس: أنثى
    • مشاهدة الملف الشخصي
تسلم بغدادي عالمعلومات الحلوة بارك الله بيك


غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
تدللين اخت سرى وبالخدمة..

اكو شغلة مهمة جدا هسة ذكرني بيهة الاخ غسان مسالة تسجيل السيارة. راح امشي وية المثال مال اخ غسان اللي هية سيارة لوحة الارقام مثبت عليهة ان رسوم التسجيل مدفوعة لغاية May 2010
هذا التاريخ May 2010 يسموه car's birthday واللي يشير الى انو اول شهر اتسجلت بيه السيارة بعد تصنيعهة هو May لهذا كل شخص يشتري السيارة راح يكون ملزم بدفع اجور التسجيل ونقل الملكية وهنا تصير المفارقة لان اذا اشتريت هالسيارة بشهر january فرسوم التسجيل راح تندفع مال سنة كاملة ولكن للاربع اشهر اللي باقية  ;D يعني كل شخص عباله راح ايروح يدفع اجور تسجيل سنة "ولمدة سنة" وهذا مو صحيح والصحيح هو راح يدفعهة الى موعد ال car's birthday ويرجع يدفعهة مرة ثانية ب May او مسموح قبل شهرين اذا جنت مستعجل وبهالحالة راح تدفعهة مرتين..كل شخص يشتري سيارة لازم يحسب شهرين قبل موعد نهاية التسجيل وبهالحالة راح يدفع الرسوم لمرة واحدة والا فراح تندفع مرتين..

بغدادي


عضو فرقة سان دييغو للحزب تنظيم الرفيق ابراهام لنكن

غير متصل مالايكي

  • مبدع قسم الهجرة
  • عضو مميز
  • *
  • مشاركة: 1190
  • الجنس: ذكر
    • مشاهدة الملف الشخصي
اخوي غسان اسف على الاقتياس بس مثل ماتلاحظ ردي كنت احاول اخذ اقتباس منك لمن انت كلت (مكن الموضوع مخربط بس خبرتي لازالت قليله بهذا المجال )
 

بس الاقتباس ماصار مضبوط  على العموم موضوعك حلو ...

ما اعرف اذا احد افتهمني خطأ.....ف اني اسف اني كلش متفاجئ بمواضيعك اخويه وشكرا مره ثانيه ....

ما اعرف ابو عبد الله شمرلك بسمار ((((بس لو قصده عليه) هههههه

رامي


غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
الف شكر اخي بغدادي على الاضافه الرائعه والموضوع كان بحاجه الى لمسة مختص بهذا المجال.

رامي البابلي
ههههههههههههه
يمعود واضحه انت مقتبس و البسمار مو يمك ومو بسببك. الشغله غير شغله.

الاخت الكريمه انجي
كرم اخلاقك سمح لي بطلب ابقاء الموضوع في منتدى الهجرة ووافقتي مشكورة . لكن بما ان الموضوع قد تمت مشاهدته كثيرا فلك حرية تقرير مكان الموضوع في هذا المنتدى او منتدى السيارات والمحركات.
مع التقدير الكبير لشخصك وقدرتك الادارية وتفهمك.

مع التقدير
أخوكم غسان الاشقر

لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل مــــان

  • عضو مميز جدا
  • *****
  • مشاركة: 4316
  • الجنس: ذكر
  • لا استطيع الكتابة في المنتدى
    • مشاهدة الملف الشخصي
موضوع جدا رائع عاشت ايدك اخوية

لا استطيع الكتابة و ارسال الرسائل في المنتدى بسبب الحظر

غير متصل cry_moon

  • عضو فعال جدا
  • ***
  • مشاركة: 85
  • الجنس: أنثى
    • مشاهدة الملف الشخصي
السلام عليكم ورحمة الله وبركاتة
ارجوا الافادة فى الاتى :
1_ سيارة موديل
1994  Nissan Quest
XE
دى الموديل بالصور والتفاصيل
http://www.edmunds.com/nissan/quest/1994/
مطلوب فيها 1700 دولار ؟؟
هل هذا السعر جيد لها ام لا ؟
عيوبها هناك شرخ واضح فى الزجاج امام مكان السائق ؟

2- هل ثمنها جيد ام لا ؟
وللعلم عاملة 186 ميل

3_أذا تم شرائها ما هى الاجرائات التى تتبع بعد الاتفاق على شرائها مع المالك ؟
ارجو ذكر الخطوات بالترتيب 1 و 2 و3 ... هكذا

الولاية التى اسكن بها كاليفورنيا

مع الشكر لكم

هنا كل مواضع الاخ الفاضل"ابو قمر" لكل من يبحث عن مواضيعة
http://www.ankawa.com/forum/index.php/topic,552279.0.html

كل مواضيع الاخ الفاضل "المدرس" هنا فى اللينك أسفل توقيعى:
http://www.ankawa.com/forum/index.php/topic,472378.0.html
أستحلفكم بالله لاتنسونى بالدعاء الصالح لانى أحتاجة بشدة

غير متصل ابـو عـلي

  • عضو فعال جدا
  • ***
  • مشاركة: 314
  • الجنس: ذكر
  • رب اشرح لي صدري ويسر لي امري
    • مشاهدة الملف الشخصي
    • البريد الالكتروني
احسنت النشر بارك الله فيك يا ورد