اخوان هذا سبب رفضي ممكن اتساعدوني

[big_ez]

اخوان راح اكتبلكم سبب رفضي ممكن اتفهموني شنو قضيتي لانه دخت والله العضيم  after  a review of all evidence concerning your case    including your testimony supporting documentation,background checks country conditions and other aviailable information as a matter of discretion your application for refuge resettlement under section 207 of the immigration  and  nationality act INA has been deniedيعني شنو قضيتي ما اعرف ممكن مساعدتكم 

[ابو عبد الله التكساسي]

اخي ما كايلين سبب
بس الي ذاكريه انه
تم رفظ القضيه بعد الاستناد الى الافاده المقدمه منك والمستندات الخطيه والحاله الوضعيه للبلد
بس اعتقد صاير تضارب بين كلامك وبين القصه المكتوبه او الوثائق الي انت مقدمهه

[بنت العراق 84]

بالبداية اقدم اسفي على رفضك ومثل مكال الاخ ابو عبدا لله التكساسي السبب هو اختلاف بالاوليات الي مقدمها
بس هاي شنو شوكت اجاك الرفض يعني من استلمت الظرف مال المحلفين لو شوكت؟؟؟
اكرر اسفي على رفضك وحاول مرة ثانية لان اعرف ناس انرفضو ورجعو قدموا انقبلوا
تحياتي

[kunda]

بس اخوية ماعرفنا انتا وين باي دولة ووين مقدم على اي برنامج واشكد صارلك وهل هذا هو الرفض الاول لو لا؟ممكن توضح حتى نفهم الموضوع اذا مقدم من العراق شنو المستندات المقدمها

[big_ez]

اخوان اني امقدم من بغداد صار سنتين ومقابل محلفين بشهر الثاني واستلمت موافقة المحلف وراها اجاني الرفض  اني كنت مترجم اربع سنوات او قبل سنه سويت سكريننك مال باج يعني اجراء عادي كل 6 اشهر لازم انسوي سكريننك او صارت مشكلة بيني او بين ام السكريننك فد وحدة حقيرة وراها انطردت لانه ما اعرف اشكتبت علية هاي قصتي زين هسة ما ذاكرين شنو سبب رفضي غير اعرف السبب علمود اقدم استئناف اشو منطيني ما اعرف شنو السبب هاي صايرة كبل ممكن اتفيدوني ترة والله تعبت

[silver_d]

اخويه العزيز اسف لسماع هكذا خبر
اخويه صاحب الموضوع
انته كل الي عليك اتسويه ان تستفسر عن حالتك
واتقدم استئناف  وجدا طبيعي وانشالله ينضرون بموضوعك مره ثانيهولتشيل هم ابن عمي
وانشالله الموفقيه
تحياتي الك
اخوك سلفر

[ام مشمش]

الرفض انه اكو وثائق معارضه وضعك وكلامك قدم استئناف واذكر الله وانشاء لل يقضي حاجتك وتنحل

[لورنس السفاح]

قدم استئناف اخ عزت والله كريم
والله معلوماتي ضعيفة بهيج حالات كنت اتمنى اساعدك
الله يسهل عليك
وبالتوفيق الك