ردا على بعض الاعضاء

[hassan W]

الى الاخوه الاعزاء في المنتدى
قرأت مواضيع تتحدث عن العراقيين القدامى وانهم يحاولون احباط معنويات العراقيين الجدد
لا اعرف ماالمقصود بالعراقيين القدامى لكن الذي اعرفه الناس تعرضو الى الاضطهاد والهجره خارج العراق
خوفا من الموت المحتوم بالعراق..
منذ دخولي الى امريكا حتى الان
لم ارى شخص من العراقيين القدامى احبط معنويات اخوه العراقي الجديد
بالعكس فهم يقفون معهم ويساعدهم بما يستطيعون لكن هنالك ناس قليلين جدا يقفون وقفة المتفرج
الشخص الذي ياتي الى امريكا لا يستطيع احد ان يحبط معنوياته
لانه سوف يرى بعينه لان امريكا مفتوحه للجميع ومن يريد ان يثبت جدارته
سوف يصل الى مايريد.. والذي يستمع الى كلام الناس سيبقى على الهامش
ارجو عدم الاسائه في مواضيعكم الى العراقين القدامى لانني واحد منهم
انا لم ارى العراق منذ 20 سنه وماشاهدته هنا في العراق
يدعو الى الاحباط والموت البطيء
الاحباط داخل العراق وليس خارج العراق
تقبلو  تحياتي اخوكم المغترب حســـــــــن

[ابو راشد]

في كل مكان هناك اناس جيدون واخرون سيئون وانه من الصعب جدا تعميم حالة شاذه على الجميع

مع التقدير

ابو راشد

[angie-dawood]

اذ خليت قلبت

[ســـرى]

صحيح كلامك اخي العزيز واني من رأيي انه اكو ناس يمكن ما يريدون يكولون لأحد تعال خوفا من انه راح يتعب بالبداية هواية واحتمال يلومهم على نصيحتهم اله بالمجئ وغير ذلك هذا لا يعني انه ماكو ناس هم فعلا ما يريدون يلتزمون بأقاربهم على الاقل معنويا وبكل مكان اكو الزين واكو الموزين.

تقبل تحياتي
سرى

[kunda]

لا اخي مع احتراماتي لرأي الجميع بس هذا المصطلح موجود وانتشر بالفترة الاخيرة \العراقيين الجدد والقدامى
اني اهلي بامريكا ومن العراقيين الجدد ويتعرضون لعداء ومضايقات وازعاجات من اليسمون نفسهم عراقيين قدماء وهذولة القدماء واكيد مو كلهم يسمونا جماعة اليو ان في اشارة الى ان العراقيين الجدد انقبلوا على اليو ان وسافروا ويعتبروهم من المحظوظين الغير مستحقين لشرف الوصول الى ارض الاحلام وهاي الظاهرة منتشرة بكاليفورنيا وبمشيكان بس لاتنسى اني قلت البعض من اخواننا العراقيين القدامى وليس كلهم  يقومون بهذه التصرفات المشينة

[ددوفي]

اخوية ما سامع اصابيع ايدك مو سوية
وعلى كولة اخت انجي لو خليت قلبت

[swan_mo]

اخي مع الاحترام الشديد لشخصك الكريم ولكل عراقي غيور ترة أكو بعض العراقيين المتواجدين في امريكا من سنوات طويلة غير متعاونين ابدا أكرر بعض وليس الكل وهذا مالمسناه منهم -- تحياتي واحترامي

[دكتور فالدس]

السلام عليكم
اعتقد ان الذين ينطبق عليهم هذا الكلام قليلين جدا اذا ما قارناهم باهل الخير الي مستعدين يفدون نفسهم لاخوانهم و اهلهم العراقيين اينما وجدوا.....تحية لكل عراقي اينما كان و كيفما كان.

[^Miss Violet ^]

يا جماعة مو بس العراقيين.. كل بلد من يكون اله جالية بمكان بيهم الزين والموزين.. اللي يساعد يم ربه واللي ميساعد و يأذي الناس مردوده عليه.. واحجيلكم حجاية الزبد.. ترا محد اله فضل على احد هناك.. صدكوني اللي يريد هو يعرف ويوصل ويصير.. بس فضل الله سبحانه وتعالى.. فاللي يساعد مشكور و خلف الله عليه.. واللي ميساعد الله وياه ودربه اخضر.. لا جديد ولا قديم.. هي نفسيات بشرية اذا عراقيين واذا غيرهم.. كل انسان ونفسيته.. واذا اكو ناس صارت لئيمة و متحب الخير للناس هم نكول ميخالف معذورين الحروب اللي مرينا بيها خلت هواية ناس تفقد توازنها ومنطقها الفكري.. والا العراقيين وين ما راحوا همه اهل الخير والنخوة.

[الدكتور هندسه]

الاخوة الاعزاء قدامه وجدد لان ما كو فرق مثل ما تفضل الاخوة في تعليقاتهم ما اكو قاعدة ولكن من اصعب الحالات ان يعاديك من كان لك كفيلا وهذه موجودة بحيث الكفيل ينقلب عدو مؤذي يحاول  وبكل الوسائل النيل من اللاجئين الجدد لانهم لم يمشو حسب ارادته ورغبته من خلال الاتصال بالاشخاص الذين كانوا سبب في الهجرة من العراق وتقديم ارقام الهواتف لهم والعنوان لاغراض المضايقه والاستفزاز والتهديد بالنيل من اقاربهم من هم في العراق
ما رايكم بهذه الحالة الواقعية الموحودة الان؟؟؟؟؟؟؟؟؟؟؟؟؟؟؟؟
علما ان الكفيل جديد ايضا يعني واصل قبل سنه ونص من المكفولين

[IraqiFreedom]

أعزائي،

تعليقا على الموضوع أحب أضيف أنو كل شخص أله نفسيه وسلوك معين بغض النظر عن جنسيته أو دينه أو أو أو

قصدي من الموضوع هو أنو لا كل قديم موزين ولا كل جديد زين، والعكس بالعكس...طبعا اني لحد الان مواصل أميركا بس هم أسمع عن أشخاص مروا بمواقف، واني بنفسي تنقلت بأكثر من دوله وشفت بعيني فد نماذج غريبه! ماكول بس عراقيين، من جنسيات متعدده، وليش نروح بعيد أكو موقف مريت بيه من فتره واللي هو عباره عن نقاش مع شخص أردني سافر قبل كم سنه لأمريكا وهو معدم تماما نقلا عن كلامه هو شخصيا وعلى حسب قوله اللي ما أعرف هل هو حقيقي أم مبالغه منه أنو ببداية الأمر كان يطبخ طبخه ياكل منها أسبوعين! المهم ماطول عليكم هسه رجع وأشترى عمارات وبيوت وفتح شركه هنا بالأردن، من يسمع عن فكرة الهجره يستشيط من الموضوع كأنما ماسه هو شخصيا لدرجة أنو فضح نفسه وكال بكل أنفعال أنو مو لأنو اني رحت وبنيت نفسي لازم كل واحد يسوي مثلي!!

فيا أعزائي كل شخص أله تفكيره وتره اللي يكول لتجون مو شرط يكون حاقد ميريد الخير بس أكو ناس تخاف من اللوم اللي ممكن يجي، أكو اللي هو أساسا ممرتاح بمكانه وصدكوني شوف عين بدون مبالغه اللي ممرتاح يشوف أكل المك دونالدز مطيب والبحر خنكه! فالناس عادة يميلون لنقل الأمور مثل ما همه شايفيها.

وبالنهايه تره هناك محد راح يعوز الثاني, والفرص موجوده للي هو فعلا رايدها، وشلون متكون في نظري أحسن من سفينه بلا ربان في بحر هائج.

اسف على الأطاله.


تحياتي

[Alawi]

حجاية حلوة هاي " الاعتماد على التفس"

بالفعل محد يسويني الا انه.. والرب اكيد .....

وياجماعه اعتمدو على نفسكم وشوفو لوين راح توصلون

اخوكم
علاوي

[ابو عبد الله التكساسي]

زين هسه السؤال الي يطرح نفسه هو
منو الاحسن القديم لو الجديد
وشسوا الجديد للجديد علمود الجديد ينتضر فد شي من القديم وبالعكس
انتوا حلوها

[ام مشمش]

 طبعا وشياكيد اكو عراقيين طيبين ولو خليت قلبت بس العراقيين اقل جاليات تتساعد بينها

[انديانا]

السلام عليكم
قال رسول الله ص(خير الناس من نفع الناس)صدق رسول الله
ويكول المثل الشعبي(الشجره الي ماتفي على اهله احسلنه نكصه)
ولكن نبقى نكول ليش الانسان يعتمد على غيره ليش ميكون هو سيد نفسه ويشق طريقه بيده ويسعى ورب العالمين موجود مينسى عبده(مايكلف الله نفسا الا وسعها)
ودمتم بخير

[ألمــــدرس]

اصلا في سان دييغو القدماء حاقدين على اللي جايين جدد . مع العلم انه هسه همه عايشين براسنه.

ومع هذا هواي اكو اعضاء بالمنتدى وصلو قبلي لامريكا وخابصين نفسهم ونساعد وتتدللون وشتريدون ندليكم وهاي كلهه بس مواضيع بالمنتدى بس من وصلنه بالجذب محد شال تلفون او حاول يسلم مع العلم المسافه مو اكثر من فرع واحد .

وبالنسبه لصاحب الموضوع انته بامريكا لو بالعراق.
طيب صارلك عشرين سنه مشايف العراق لعد وين كنت متغرب.

اتمى تجاوبني لان دخت.

[سميراميس1960]

مساء الخير على الجميع

يا اعزائي الناس اجناس , لابالقديم ولا بالجديد . اني جديده وصلت قبل سنه وبعدي بشهرين جاءت بنت اني واسرتي احتضنته وصارت تاكل وتنام بيتي , كنت اقول خطيه بنت الوحدهه اهلهه مو وياهه , بعد متعلمت الطرق وتعرفت على الناس انقطعت عنه , قلت انها مشغوله بمتاعب الحياة , بعد فتره من الزمن سمعت من ناس ثقه انها تتكلم علينا الى درجه انها تطعن في شرفنا .
ما الذي فعلناه لها غير الخير ( الا جزاء الاحسان غير الاحسان )
وهناك بعض القدماء مصوا دماء الجدد
فالموضوع لابالقديم ولا بالجديد ( كل شخص وحسب ضميره )

[engineermech]

كلامك اخي ابو عباس فيه جانب من الصحة ولكن ليس الكل
صدقني هناك كثير من العراقيين القدماء المتواجدين في امريكا يحبون ان يخدمو ويساعدون الوافدون الجدد في نفس الوقت يوجد من فيهم يكره ذلك لانه منظاره لحياه جدا ضيق وينظر لمصلحته قبل مصلحة العامة وينسى الحديث الذي يروى عن النبي صلى الله عليه واله احب لاخيك ما تحب نفسك كان هذا الوافد الجديد سوف يشارك العراقي القديم في عيشته
والكلام ينطبق على الوافد الجديد ايضا
لهذا يا ابوعباس صدقني تبقى طبيعة تربية هذه الانسان هي حلقة الوصل بين هذين الحالتين
ودمتم
اخوك انجنير ميك

[^Miss Violet ^]

ونسينا شغلة مهمة

الرزق من رب العالمين.. لو يلتمون كل القديمين والجدد.. على واحد ميمنعون رزقته اللي سعالهة و كسبها بكده وتعبه.. لتنطون بال لأحد.. لعد هو بس بامريكا تعالوا شوفوا بعمان.. فد يوم اتصلوا كير بابوية رجال كبير وكالوله تعال استلم مساعات عائلتك.. ابوية خطية خابر عمي الاصغر منه بهوااااااااااااية واللي يكدر يشتغل اي شي ويعيش عائلته بس بابا كال خلي اخابره يجي وياية بلكي يسووله مساعدات.. من راحوا اجه بابا وجهة اسود يكول البنية كالت لعمي انت اخي الشهر اللي فات استلمت مساعدات من عين الباشا ودتستلم بانتظام ليش اجيت هنا للاستقلال.. يكول وجهة صار اصفر وانحرج عباله اذا بغير منطقة ميعرفون انه يستلم.. وتخيلوا راح سوه راتب ومساعدات وحصة ويكول لابوية العيشة صعبة و مينطونه شي ول يدلي بابا خطية وين يروح.. هذا وهو اخو ابوية شقيقه من امه وابوه.. لتعتبون على اي احد ابد.. رجال اللي يخلي بالسكله ركي.

[hassan W]

اصلا في سان دييغو القدماء حاقدين على اللي جايين جدد . مع العلم انه هسه همه عايشين براسنه.

ومع هذا هواي اكو اعضاء بالمنتدى وصلو قبلي لامريكا وخابصين نفسهم ونساعد وتتدللون وشتريدون ندليكم وهاي كلهه بس مواضيع بالمنتدى بس من وصلنه بالجذب محد شال تلفون او حاول يسلم مع العلم المسافه مو اكثر من فرع واحد .

وبالنسبه لصاحب الموضوع انته بامريكا لو بالعراق.
طيب صارلك عشرين سنه مشايف العراق لعد وين كنت متغرب.

اتمى تجاوبني لان دخت.

اخويه اني 15 سنه بامريكا و5 سنوات بالسعوديه

والان زياره للعراق اكمل معالمة زوجتي
مع العلم منظمة الاي او ام موجوده من سنه 1990واي قابلت عليها

[لورنس السفاح]

والله اخت Miss Violet ^  الموضوع والاعضاء بكفة وسالفة عمك بكفة اخرى
طيب اريد افتهم هذا اذا اخوه من الام والاب وهيج سوى ؟ لعد لو بس من الاب كان شسوى؟؟
بالنسبة للاخوة المختلفين القدامى والجدد
اكو خوش جملة كالها احمد عز بفلم الرهينة لاصدقائه من اتعاركوا وهمه بالغربه((( الــــــــــــــــــله  ,,,,,,, مش كده يا اخوانا العرب ))))))[/size]

[^Miss Violet ^]

هههههههههههههههههههههههههههههههههه

لورنس ذكرتني باحمد عز بالرهينة.. تكله انا اعرف ولاد البلد كدعان يكلها لااااااااااااااااا دنتي قديمة ولاد البلد تغيروا ههههههههههههههه

[ابو عبد الله التكساسي]

اي احسلنا ان نسولف بالافلام
خيولي الموضوع شتكولون
البارحه رحت دا اشوف ايرون مان بس البطايق كلهه مبيوعه ولا وحده
الله كريم اشوفه هالويك اند احسلي

[(COBRA)]

اخوان الي ايده بلنار مو مثل الي ايده بلثلج ..تهون وتصير سوالف.. وابو المثل يكول عيش وشووووووف  اليميسوكه  مرضعه درب العصا ما ينفعه
والسلام

[silver_d]

اخويه العزيز صاحب الموضوع
هسه اني راح اكلك شنو الفرق بين الجديد الي رايح واشون تعامله والقديم الي رايح اشون تعامله وبالعكس
اخويه العزيز اني احجيلك قصتي وللشباب للاطلاع
اخويه العزيز صاحب الموضوع
اني عندي من اقارب في ولايه مشكان مدينه ديترويت تقريبا 7 من العمام والخلات
ومعدا اولاد العمام الي متزوجين وكلهم من الثمانينات والسبعينات في امريكا
واني الي اعرفه انو مطلبت  منهم شي بس كفاله معنويه ومحد مقبل يسويها الي طبعا عرف بالاخير انو اصلا ميصير ارووح ديترويت لان الكفاله مو من الدرجى الاولى بس حته لو اتصير مجان سووها الي كالو منتحمل مسؤليتك  والحجج الباقيه
وبينما اني خالي في ولايه كالفورينيا بس كتله اريد كفيل منك انو اتصير كفيلي المعنوي لا اكثر بس حته يخلوني قريب من يمك
الشخص معرف اشون يدزلي العوان ويووم الي خابروه على توقيع الاوراق مالتي مناك خابرني كالي وقعت اوراقك
وبنفس الوقت اتصلت بان خالي الثاني كتله اريد منك اتوقع اوراقي كفاله ومن هالحجي
كالي اني ما اكدر واعذرني وما اتحمل مسؤليتك
فيعني شوفو الجديد والقديم مو زين ومرات القديم ويا الجديد زين مو كلها سويه
فالناس مو سويه شباب
الامريكي الي سوه الاوراق مالتي الي سوالي الركمنديشن اعتبره احسن من عمامي الي بديترويت لان وكفلي وسوالي كلشي اكثر مما سوها الي اهلي واقاربي
تحياتي

[عراقي هواي]

والله يا خوان كل القصص صايرة ومعقوله والناس اشكال ناس صعدوا على اكتافنا وصلوا الى امريكا ومصارلهم اشهر وهسه من تسألهم على بس يدلوك او تسالهم المعيشه او العمل على اعتبار انهم هناك في تماس مع الحياة من يحجوللك تكول امريكا مال الخلفوهم .اي هاي هيه بس ارجع واكول كلمن يعمل باصله واهل الخير والنخوة ميرادلهم رايه لو اعلان .