مستجدات بخصوص عنوان ومكان الفحص الطبي في بغداد لاغراض المقابلة

[GoldenEgle]

اخوان ...

 لغرض الفحص والدخول الى المنطقة الخضراء فقد اصبحت مستجدات لهذا الامر ..

 1- الدخول يكون من منطقة الجادرية - قرب بحيرة الجادرية بالقرب من فندق بابل مع اسكورد منهم امريكي هو اللي راح يدخلكم واعتقد هو عراقي متجنس .
 2- الفحص في مستوصف اسمه ( WAMAR )  الاطباء المشرفين اغلبهم امريكان وكذلك يوجد مستوصف الشفاء ولكن يعتبر ( WAMAR ) متعاقدين مع الحكومة الامريكية لفحص المهاجرين واللاجئين .
 3- مدة الفحص يومان .. اليوم الاول فحص دم واشعة ولقاحات واليوم الثاني هناك طبيب يجلس مع كل شخص يستفسر ويشوفه .
 4- اجور الفحص للمهاجر البالغ ( 170$ ) اما الصغير ( 85$ ) اما اللاجئ فبدون مبالغ .
 5- النتيجة لاتسلم باليد وانما ترسل للسفارة .
6- بالنسبة للمقابلات فهي في المكان السابق من جهة فندق الرشيد .
 
هذا الامر حدث منذ يوم Apr-26--2010 الاثنين الماضي .

  تحياتي
النسر الذهبي

[Safaa Alkhrkhy]

خوش خبر همة المنظمة يومية الهم راي!!

[ســـرى]

اخوية النسر الذهبي ما حددت هاي اي او ام لو اس اي في؟ لأن حسب علمي حضرتك على الاس اي في ومشكور عالمعلومة الف شكر

[GoldenEgle]

الاخت العزيزة  szsz ...

حقيقة هذا الفحص تم لاصحاب ال SIV ولا اعرف اذا كان اصحاب ال IOM  مشمولين .

  تحياتي
النسر الذهبي

[ســـرى]

هو هذا اللي قصدته اخوية العزيز بس لو من فضلك تضيف كلمة SIV حتى يكون واضح للاخوان وجزيل الشكر الك

[ابو هبه]

اخي العزيز النسر الذهبي
تحيه طيبه
اخي لو تفضلت علينا بتفاصيل اكثر وضوحا بمعنى اخر هل حضرتك اللي قابلت؟؟والامريكي  اللي نأتي معه منين أنجيبه؟؟؟ زين نقطة الدخول وين بالضبط ؟؟تقصد جسر المعلق؟؟وكم كلفة الفحص الطبي ؟؟هل هي حسب العمر ام تغيرت التعليمات؟؟لان تدري الجماعه يوميه برأي!!!!
ناخذ تقارير طبيه للحالات المرضيه  معنا؟؟؟
واكون ممنون من اجابتك واذا اكو اي اضافة
اخوك اللي صارله منتظر موعد مقابله 3 اشهر

مع خالص الشكر والتقدير

اخوك ابو هبه

[ســـرى]

اخوية العزيز ابو هبة راح اجاوبك على جزء من السؤال لازم تاخذ اي تقارير طبية وياك وللاطفال دفتر اللقاحات طبعا هاي اذا ما طلبوا منك اللقاحات اللي انت ماخذها همين على حد موضوع احد الاخوان اللي نزله قبل شهر وبعد ما رجعلنا جواب

المبلغ اللي تدفعه راح يجي وية التوجيهات مال السفارة لمن يذكرولك مكان الفحص

والباقي يجاوبك عليه اخونا النسر الذهبي

[*Sandra*]

على ما اعتقد اخوان الي امقدمين عن طريق ال IOM   يفحصون في مستشفى ابن البيطار 
وعلى حساب المنظمة

[GoldenEgle]

اخوان  ...

 الرجاء قراءة الخبر من جديد فقد تم تحديثه ...

  انظر للخبر فوق

  تحياتي
النسر الذهبي

[ســـرى]

اخونا النسر الذهبي يعني تقصد الفحص كان سابقا اما مركز الشفاء او مركز ابن البيطار والان اصبح اما مركز الشفاء او هذا المركز الجديد wamar مو صحيح؟

[GoldenEgle]

الاخت سرى ....

  نعم اما هذا او ذاك ولكن اللي افتهمت انه مستوصف الشفاء غير معتمدين عليه كليا بسبب عدم التزامهم بالفحوصات الصحيحة المطلوبة من الامريكان .

والدليل على ذلك اي واحد يروح لامريكا يعيدون الفحص مالته لذلك يريدون يختصرون الوقت من العراق قبل لايروح لامريكا .
   تحياتي
النسر الذهبي

[ســـرى]

زين اخوية العزيز انت قابلت؟ لو بعد؟ يعني انت رحت لهذا المستوصف؟

[Karadi]

اخوية العزيز

شكرا على موضوعك

بس اني حاب استفسر منك انت تندل المستوصف وين؟؟


WAMAR ؟؟؟

هذة شركة وموقعهم مقابيل السفراة البرطانية قبل الفلكة مال باب التشريع

ومستوصف الشفاء يصير بالمجمع القادسية

وثاني شي ماكو باب لدخول الناس من جة الجادرية هذا باب 18 لسيارات الحمل

مع تحياتي

كـــــرادي

[GoldenEgle]

اخوان ....

 في الحقيقة لي صديق هو اللي سوى الفحص الطبي ووصفي المكان ولكون مقابلة قريبة جدا تصادف يوم 9 من الشهر القادم .
 اما الشركة فهم متعاقدين مع الامريكان بخصوص الفحص وغيره .
 
  تحياتي
النسر الذهبي

[ســـرى]

زين اخونا النسر الذهبي مشكور علة نقل المعلومة والتوضيح بس سؤالي انه لازالوا يعتمدون فحص مركز الشفاء مو صحيح؟ زين شلون عرف صديقك انه هم ما مقتنعين بالفحص مال الشفاء؟ ولو زحمة عليك وادري تعبتك بأسئلتي بس تحملني شوية ومشكور مقدما

[GoldenEgle]

اخت العزيزة سرى ...
 
في الحقيقة هم هناك كلوله لانه هو كان حاير وين يسوي الفحص  .. لانه المعروف انه في مستوصف الشفا عراقيين هم اللي يفحصون ... بس هم كالوا هذا المكان معتمد اكثر وانه الشفا على اساس الاطباء العراقيين مايقومون بالفحص بالشكل الصحيح والمطلوب منهم حسب التعليمات الامريكية .
لذلك خلوا يفحص في هذا المكان الجديد .

 وتدللين اختي العزيزة سرى وماكو اي زحمة بالعكس احنا هنا نحب واحد يساعد الاخر في نقل اي معلومة جديدة وايضاحها لكل الموجودين في هذا الموقع .

  تحياتي
النسر الذهبي

[عراقي هواي]

السلام عليكم الاخ قصد بوابه المعلق ومكان الفحص بالضبط صاير بجانب كراج او شركه لتصليح السيارات اسمه ليمون واكو مكان تابع لشركه الامكو قريب عليهم هي اعتقد عيادة وعيادة كلش جبيرة جانت بصفهم شركه للمقاولات اسمه ليكشور وطبعا هذا المكان صاير بوسط الفروع مو على الشارع العام مثل ما كلو الجاعه مقابل السفارة البريطانيه الفرع اللي يروح عليهم مقابل السياج الجانبي للسفارة وعلى حد علمي ما متأكد الفحص للكبار 130$وللاطفال 90$ وتقبلوا مروري اخوكم

[ســـرى]

مشكور اخوية النسر الذهبي على صبرك وعلى روح التعاون الف شكر بس والله احنا فحصنا بوقتها بالشفاء والحقيقة كانوا مضبوطين جدا وماكو اي استثناء من الفحص السريري او الاشعة او التحاليل يعني احنا كلنا الموجودين خضعنا للاختبارات فلذلك سألتك ننتظر منك اخر الاخبار من تروح للفحص والمقابلة وتمنياتي بالتوفيق

[GoldenEgle]

 الاخت سرى ....
 
في الحقيقة هذا اللي نقل صديقي حرفيا لي .... واكيد من راح افحص واقابل حتكون جميع التفاصيل هنا ..

 وتدللون ... وشكرا لامنياتي لنا .

 تحياتي
النسر الذهبي

[vincenzo]

اذا حجي اخونا عراقي كلش هواي مضبوط فهذا خوش مكان جديد وشوية ارخص
وطبعا الاسكورت عليهم...مو؟؟

[ســـرى]

الاسكورت عليهم والدفع عليك!

[National]

أخونه العزيز مشكور على هذا الموضوع المهم والمفيدىبس اشلون نكدر نتصل بالأيسكورت مالتهم او المستشفى  WAMAR أكو ايميل رقم موبايل وتقبل تحياتي

[ســـرى]

اخوية ناشينال لا تشيل هم يجيك ايميل السفارة وبيه كل العلومات وافضل انه تاخذها من ايميل السفارة لأن هو المضبوط وبيه الlatest version

[National]

أشكرج أختنه العزيزه سرى على التوضيح بس اني يوميه أكلب بالأميل انتظر أيميل من  السفاره وبعد ليهسه ماأجى بس همه ال NVC كاتبيلي بالرساله مالت ال SQ-APPT-BGH اللي بيهه  موعد المقابله

Instructions regarding the required medical examination and
getting access to Baghdad's International Zone will be sent to you in a separate email.

وتقبلي تحياتي

[ســـرى]

انتظر ايميلهم ان شاء الله يجيك لأن خلي ببالك الموظفين مال المراكز مال الفحص مو ناس يظلون طول العمر يعني قابلين للتغيير وكذلك ارقام الهاتف اضافة الى ضوابط دخولك لغرض الفحص فانتظر ايميلهم افضل شي. والله يسهل عليكم ويوم تبشرونا بالفيزا ان شاء الله.