اذا كنت تملك الغرين كارد وانت ابو الكيس هل تستطيع زوجتك طلب اهلها؟

[رونن العراقي]

السلام عليكم اخواني واخواتي بالمنتدى عندي سؤال اذا كانت زوجتي تملك الغرين كارد وانا صاحب الكيس هل تستطيع طلب اهلها كاخوانها واخواتها ووالديها

[ام مشمش]

اخي اكيد تكدر

[omaha2]

اخي العزيز ابعث ايميل للمنظمة وأسالهم
في حالتي انا صاحبة الكيس وزوجي ايضا لديه الكرين كارد و من راد يسحب والدته اخبرتنا المنظمة انه لايستطيع الا بعد ان يعمل ويقدم ورقة من مكان عمله كدليل انه لديه القدرة المادية لمساعدة والدته في حال قدومها
وهذا الشي كان قبل سنة وكم شهر ما ادري اذا صار اي شي جديد الان

اخوية اني دا احجي على الاس اي في مو اللجوء
الرب معكم
اختك اوماها

[angie-dawood]

تكدر تطلبهم بمعاملة لوحدها يعني هما يقدمون على UN او معاملة لم الشمل فقط وما عنده علاقة بيك بس صاحب الكيس يكدر يعمل معامله لاهله مو لاهل الزوجة اهل الزوجة من يقدمون على برنامج UN يكدرون يذكرون اسمها بصفتها كفيل واهلها فقط ومعاملة لم الشمل نفس الحالة

[رونن العراقي]

اذا سحبت اهلي وانا ابو الكيس يجون لجوء لو هجره ؟

[ســـرى]

لجوء اخوية رونن عالاي او ام

[angie-dawood]

اخي رونن العراقي يجون لجوء مو هجرة الهجرة بس جماعة SIV 

   

[hamada2]

زين لعد بالمنظمة المسؤل على ملفي سالنا سؤال عدكم احد من عائلتكم يريد يجي لامريكا

جوابناه نعم . كال بعد مدة 3 اشهر تكدرون تسون لاي شخص من افراد عائلتكم دعوة زيارة

يعني هل الزيارة تختلف عن اللجوء لباقي افراد العائلة

لان افراد عائلتنا يملكون الجواز الاردني والجنسية الاردنيةونريد انجيبهم زيارة لامريكا هل الجواز والجنسية الاردنية تسهل

عليهم المجيء زيارة باقرب وقت ممكن؟؟؟؟؟؟؟؟؟؟

يعني نريدهم يجون فقط زيارة مو هجرة ولا لجوء فقط زيارة لمدة معينة لاتستغرق اكثر من شهر

وبعدها يرجعون للاردن؟؟؟؟؟؟؟؟؟؟

ارجوا من يملك الجواب الاكيد ان يجاوبنة حسب تجربة واقعية وشكرا مقدما

[angie-dawood]

خلي يروحون يسالون السفارة الامريكية بعمان اكو هناك سفارة لو انتظر باجر اسال محامي الهجرة هنا