مساء الخير اخوان...استفسار عن معادلة الشهادة الجامعية في امريكا!؟؟

[desperado]

مساء الخير اخواني

اذا امكن اريد اعرف كيفية معادلة الشهاده الجامعية في امريكا ..علما باني خريج جامعه بغداد ..وان شاء الله مقابلتي الاخيرة في الاي او ام قريبه جدا  ( ادعولي لي ) ..المهم  كلت خلي امشي بالمعاملة بنفسي مازال عندي وقت ولا اعرف من اين ابدأ...فياريت اذا احد عنده معلومات موثوقه يدليني من اين ابدأ؟!!!

وشكرا لكم مقدما

[ســـرى]

اخي العزيز ممكن تذكرلنا شنو شهادتك من جامعة بغداد؟ حتى نجيبلك الموضوع اللي يفيدك

[^Miss Violet ^]

اخي ممكن هاي المواضيع تفيدك

كل ما يخص الدراسة ومعادلة الشهادة ****((((ملف متكامل لجميع المواضيع المختصة بالدراسة ومعادلة الشهادة)))****
http://www.ankawa.com/forum/index.php/topic,394701.0.html

استفسار حول معادلة الشهادة و الامور المترتبه عليها
http://www.ankawa.com/forum/index.php/topic,331462.0.html

[ســـرى]

عزيزتي فايوليت الوردة الرابط الاول هذا موضوع محذوف يعني ما موجود الان ومن زمان تقبلي تحياتي عزيزتي ومشكورة عالمجهود

[ســـرى]

اضافة لما تفضلت به اختنا العزيزة فايوليت شوف المواضيع التالية

http://www.ankawa.com/forum/index.php/topic,391774.0.html

وهذا جدا مفيد

http://www.ankawa.com/forum/index.php/topic,403502.0.html

بس اخونا رجاء اخوي اقرا المواضيع اللي خلينالكياها زين وهم الافضل انه تذكر انت شمخلص يعني هندسة؟ ترجمة؟ حاسبات؟ طبية؟ لأن الجواب يكون محدد اكثر اذا عرفنا شهادتك والاخوة يكدرون يفيدوك ان شاء الله

[desperado]

شكرا الكم اخواني على تفاعلكم بالموضوع

اني خريج كليه اللغات - القسم الاسباني

[(بغدادي)]

حبيب قلبي انته اذا تجي لكاليفورنيا عليها السلام فامورك تكون ميسرة اكثر من اي شخص كون الاسبانية هية اللغة المفضلة هنا واكيد تعرف انكليزي وتقويهة فمسالة عملك تكون سهلة..

- كونك خريج لغات "يعني علوم انسانية" فماكو اي مشكلة بس جيب وياك ال syllabus موقع ومختوم ومصدق من العمادة والخارجية.
- تسجل وتسويلك صفحة على هالمعهد http://www.ece.org/main/HomePage?OpenForm&SubSite=1&LeftNav=1
- اتبع الخطوات اول باول وامليء الاستمارات المطلوبة واطبعها ووقعها بعد ان تختار نوع المعادلة اذا للعمل لو لاكمال الدراسات العليا وياهة صك بالمبلغ والنسخ الاصلية مال شهادة وورة 3 اسابيع تجيك المعادلة..

كولي اذا تحتاج اي معلومات اضافية..

بغدادي

[jack_of_arabia]

حبيبي desperado  اذا تريد احد يفيدك بشغلة معادلة الشهادة فأعتقد اكثر شخص يفيدك بهذا الموضوع هو الاخ غسان الاشقر ولا قصور بالجماعة اللي ردوا عليك وخصوصا الاخت سُرى , وعليك ان تبحث عن مواضيع الأخ غسان الاشقر واذا تريد تراسله فأعتقد ايميله الشخصي موجود بمشاركته .تحياتي ... جاك

[ســـرى]

عاشت ايدك اخوية بغدادي ما قصرت

[Iron_man]

اخي صاحب الموضوع .. مسألة معادلة الشهادة طرحت بأكثر من مكان ... يعني كان لو بس مسويلك فرة صغيرة بين مواضيع المنتدى جان شوية اطلعت على امور تخص موضوعك

بس مع هذا انته تمون علينه 

اخي اول شي من توصل بالسلامة راح تتوضح لك هالمسألة هواية وراح تشوف هناك عراقيين طيبين هم يكفولك بهالشغلة ...

اني بالنسبة الي عادلت شهادتي على مكتب  Career Consulting International  ومطولت الشغلة ... بس خلي في بالك انه يعتمد من ولاية الى ولاية اخرى ... يعني مرات اكو ولاية متعترف بالمعادلة مال شهادة الولاية الثانية وهكذا ... فقبل لا تعادل أسال ابو المكتب ....

اما المعادلة من المنظور الثاني تعني انه يجب ان تعادل المواد التي درستها في العراق ويتطلب ذلك دراسة بعض او كل المواد من جديد ... 

اكو مكتب اخر اسمه  WES وهذا هم عالمي بس يتأخر لانه لازم تخلي شخص بالعراق يتبعلك بالموضوع لمن يرسلوها الى جامعة بغداد ويسوون الـــ Confirmation  على الدرجات والمعلومات  ...


وختاما ... اقول ... اتمنالك التوفيق

Iron_man

[allawe]

اخواني الاعزاء بهاي المناسبة وبهذا الموضوع الجيد اود مساعدتكم بخصوص معادلة شهادتي حيث تخرجت من الجامعة المستنصرية كلية الاداب بكالوريوس في اللغة العربية واريد اعادل شهادتي فلا اعرف من اين ابدا في معادلة شهادتي فانا اعيش في كاليفورنيا وسؤالي ايضا هل يطلبون مني كارد تصريح العمل لانه لحد الان لم استلمه واطلب من جماعة كاليفونيا ان يزودوني بمواقع تخص العمل كمدرس لغة عربية ولكم جزيل الشكر

[(بغدادي)]

الاخ allawe

الغرض من المعادلة هو اكمال الدراسة لو العمل؟ لان كل وحدة الهة متطلباتهة خصوصا اذا كنت اتريد اتكمل ماستر لان بهالحالة لازم اتراجع المكتب الاستشاري بالجامعة حتى يخبرك اي معهد معادلة يعترفون بيه واذا بس لاغراض العمل فبامكانك راسا ادزهة للنك اللي دزيته للاخ صاحب الموضوع واذا عندك اي استفسار راسلني عالخاص..

بغدادي

[desperado]

شكرا لكم اخواني على تفاعلكم بالموضوع
واخوي البغدادي اذا امكن ايميلك وايميل غسان الاشقر

[(بغدادي)]

اخي العزيز ارسلتلك ايميلي عالخاص..

بغدادي