اذا كنت مسافر الى ايران بجواز الاس يصير اذكرة في الاستمارة

[ايناس سعيد]

تحية طيبة

انا كنت مسافر بجواز نوع اس الى دولة ايران واني راح اقدم جواز نوع جي الى المنظمة يعني ما بيه فيزة ايران
بهاي الحالة لازم اذكر في الاستمارة دي اس 157 انه اني سافرت لا يران

[angie-dawood]

ما انصح تذكروها بالنسبة لسفركم لايران سابقا

[الفريدو]

انا اتفق مع الاخت انجي

احذري ان تجيبين اسم ايران لان ايران مشبوهه في جميع الدول
هذا ياثر على ملفك وحاولي ان تبتعدي عن هاي السيره




تقبلي مروري


اخوك : الفريدو

[عراقي هواي]

لا ايران ولا سوريا خصوصا الاس اي في

[jack_of_arabia]

السلام عليكم ... اختي العزيزة إيناس انت سافرتي بجوازك نوع (S) الى إيران وحاليا لديك جواز نوع (G) فماكو ايّ داعي تذكريني انكي سافرتي الى إيران , ونصحية اخوية دير بالك تذكرين ذلك .

كذلك في برنامج SIV يردون فقط امّا جواز (G) او جواز (A) , فلا تورطين حالك وتذكرين ايّ شيء لان معاملتك راح تتأخر هواي .

[silver_d]

تحيه عطره من سماء بغداد الغاليه
العزيزه ايناس سعيد
راح اشرحلج شكم شغله واتمنه تستفادين منها ورده
بالنسبه للعراقيين العالين مع القواة الامريكيه او الشركات المدنيه الامريكيه
اثناء العمل لا يسمح لهم للسفر الى ايران وسوريا بأعتبارها دزلتين سانده للارهاب
يعني مقصد الكلام هوه شنو
انو اذا اي شخص قبل العمل مع الشركات الامريكيه اكو سكرين الواحد من يدخل للسكرين راح ينسئل شكم سؤال ومن ضمنها شكم دوله زائر في السنوات الماضيه
اذا انتي مذاكرتها بالسكرين انو انتي مسافره ايران فلتذكريها بالفورم اساسه
واكو شغله ثانيه في هذا الوقت الي يسافر سوريا وايران بالحدود اكو امريكان على سبيل المثال في معبر الحدودي في الربيعه بين الحدود العراقيه السوريه ومعبر الحدودي ما بين العراق وايران مثلا معبر منذريه
هناك ياخذون بصمات العين وبصمات الاصابع
وراح يدخل بالسستم
فأنتي اذا ماخذين بصمات اصابعج بالحدود الايرانه فلتفكرين انو تخفين هالشي عنهم لان راح تنرفضين ميه ميه
واذا انتي ذاكره انو انتي مسافرهه على ايران قبل العمل مع القواة الامريكيه او الشركات بالسكرين فلازم اتذكريها بالفورموم DS-157 ولتخفين هالشي ابد
واذا مذاكره اي شي باي سكرين او تحقيق انو مسافره اي دوله وبالذات ايران اصلا ماكو داعي
تكتبين انو انتي مسافره ايران
 
واكو شغله ثانيه بالنسبه لجواز ال S
ممطلوب اثناء المقابله واصلا لتجيبين اسمه
تحياتي الج ورده
وانشالله الموفقيه واي شي تحتاجين بالخدمه

سلفر الكمش

[silver_d]

اعتقد يحتاج شرح ولا صغرا بس اكو ناس محتاجه تفهم السبب
تحياتي الج جورجيا

[Linda1]

الاخت العزيزة ايناس,


الافضل انه متذكرين انتي مسافرة لايران, لانه كل شخص يعرف من قبل وهسه طبعا هوايه زادت سوء العلاقه بين ايران وامريكا بالذات بعد التهديدات مال ايران بخصوص سلاحها النووي الي دتهدد بيه امريكا ودول اوربيه ثانيه,فايران تعتبر دوله ارهابيه بنظر الامريكان ومعروف ايضا انه اغلب العمليات الارهابيه والانفجارات بالعراق هي من تدبير ايران واغلب العبوات الناسفه يكتشفون بعد انفجارها انه كانت من صنع ايران, احنه منريد ندخل بقضايا سياسيه ونذكر هوايه تفاصيل واغلبها معروفه للكل وتنذكر بالخبار يوميا.

نصيحتج الج اختي العزيزة انه تقدمين جوازج الجديد ومتذكرين اي شي عن جوازج الاس , اذا انتي ما عندج اي مشاكل مراح يدورون وراج ويعرفون انتي مسافرة قبل لايران او لا بجواز ثاني,اتطيج حاله صارت ويه ناس اعرفهم جانوا مسافرين بجوازهم الاس لايران وهسه مقدمين اس اي في بس بجواز الA ومعاملتهم مشت وقابلوا بالسفارة بس منتظرين الفيزا. بس هم نهائيا مذاكرين اي شي عن سفرهم لايران سابقا لا بمقابلة او باي فورم ترسوه وقدموه بالمعامله مال الاس اي في.


اتمنالج الموفقية اختي العزيزة

ليندا

[Safaa Alkhrkhy]

يعني شنو اللي كان يشتغل وية الحكومة الامريكية بالعراق وسافر الى سوريا كم مرة اثناء عملهة راح ينرفض؟؟!!!!!!!!

[Linda1]

لا اخ صفاء مينرفض لانه اني مسافرة سوريا كم مرة بس مو اكثر من 6 اشهر, الامريكان يعرفون انه اغلب العراقيين سافروا لسوريا بسبب سوء الوضع الامني بالعراق واني اعرف هوايه مترجمين مقدمين على الاس اي في وجانوا مسافرين لسوريا بس لفترة اقل من 6 اشهر وانقبلت فيزتهم زهسه هم بامريكا  ومترجمين هوايه مقدمين من سوريا وسافروا لامريكا عن طريق الاس اي في بس الموضوع ويه ايران فرق جبير احتمال تنرفض اذا كايللهم انت رايح لايران.






اختك ليندا

[ايناس سعيد]

الف الف الف شكر وتقدير لكل الاخوة الاعزاء الذين شاركوني باجاباتهم الوافية واتمنى لكم النجاح والتوفيق

ايناس سعيد

[ام مشمش]

هذا الكلام غيرصحيح العاملين مع الامريكان كان بمقدورهم الذهاب الى سوريا و دلاله على ذلك عدد كبير من اعاملين مع الامريكان ذهبوامن سوريا الى امريكا اضافه الىان  االمحلف راح يسالك الى اي دول سافرتي

[عكعك التطوى]

اخي اذا ذكرتها او مذكرتها مراح تاثر عليك

لان امريكا تقبل لحد الان لاجئين من ايران ومن افغانستان وغيرها ويمكن الاخوه في امريكا يعرفون
بهذا الشي واعدادهم كثيره هناك والشغله الثانيه اكو عدد من العراقيين سافرو الى امريكا عن
طريق تقديمهم منun ايران

[GoldenEgle]

 كلام الاخ  silver_d ....

                                                مليون بالمية صحيح .

 
   تحياتي
النسر الذهبي

[suzie83]

اختي  الحبيبة  اني  قدمت  لل اس  اي  في   ذكرت اني  مسافرة ايران   ومن راح يسالوج  كولي  للعلاج  لا  تضمين  شي عليهم   كوني  صادقة  احسن

[National]

أختنه العزيزه اذا انتي تعرفين انه همه ماعدهم معلومات او شيء يثبت سفرج الى ايران لتذكريهه ولا اتجيبين سيرة ايران لأن هسه الأمور كلش متأزمه وهمه قلقين من الخلايا الي عدهه ارتباط مع الحرس الثوري او يعتقدون هذا الشخص الي كان في ايران اتلقى دورات اقل شيء تحريضيه ولو اشو هيه ماشاء الله اشو حكومتنه الرشيده اثلث ارباعهه ساكنين بالجاره ايران  مو امسافرين هههههه على كل حال معلينه بالسياسه وانتي ادرى بمصلحتج بس هايه نصيحتنه وتقبلي مروري

[snoopy]

على كلام الاخوان الي فوك لازم الي مسافر للسعودية هم ينرفض لأن هي بلوعة الانتحاريين و كذلك اليمن و انتوا تدرون بسالفة الي سافر ممن اليمن و راد يفجر بامريكا و غيرهه و باكستان و افغانستان

اختي هم ديقبلون ايرانيين للسفر بامريكا يعني ما راح يقبلون عراقي سافر لأيران ؟!!

اختي العلاقات بين الحكومة الامريكية و الحكومة الايرانية ما الهه علاقة مطلقا باللجوء و الدليل انه اكوناس تقدم من ال UN بايران

تحياتي الج و لا تخافين و ان شاء الله مقبولة حتى لو مسافرة لقندهار

[National]

snoopy أولا من اتريد اترد او تكتب اتعلم تكتب بأدب وأحترام والا ملازم اشلون توصف الأرض اللي بيه مكه المكرمه والمدينه بأنها بلوعه أذا اتريد تحجي على الأرهابيين أو الحكام شتريد تحجي أحجي أني ميهمني بس توصف الأرض الي بيهه المقدسات بأنها بلوعه هذا قمة الجهل والأستهتار لو صعدت عندك الغيره على أيران أحنه محد بينه حجه لاعلى ايران ولا على شغب ايران ولا وصفناهه بلوعه ولا سبتتنك لكن كل ماهنالك كلنه اكو مشكله بين ايران وامريكا واذا هايه ضوجتك يابه ماكو مشكله بيناتهم همه دهن ودبس  ياله ارتاحيت والايرانيين اللي ايريد يطلعون من ايران صحيح الهم حق ايقدمون وطلعو لأمريكا وكذلك الأفغان وغيرهم بس العراقي اذا كان في ايران او افغانستان او حتى اليمن راح اهوايه يستفسرون وشغلته احتمال تتعطل او احتمال متصير او احتمال اتصير بس من باب الاحسن والاسهل وحتى نتجنب هاي الاشكاليه انطينه هاي الحلول وأعتذر من الاخوه الاعضاء والقراء على هذا السجال

[jack_of_arabia]

السلام عليكم ... أختي العزيزة إيناس المسألة كلش بسيطة شلون ...

1- اذا انتِ ذكرتي ب (Screening) انكِ سافرتي الى إيران فلا بد ان تذكرين في الفورم (DS-157 ) انكِ سافرتي إلى إيران وهذا شيء مهم ...

2- انتِ من سافرتي لإيران اكيد الجماعة الامريكان ما اخذوا بصمة مالت عين لكِ لأن الجماعة يأخذون بصمات مال عين بس للرجال حسب اعتقادي وببرنامج (siv) يحتاجون امّا جواز (G) او جواز (A) فلا تذكرين انكِ سافرتي لإيران لان معاملتك راح تطول او لا سامح الله تنرفضين . تحياتي ... جاك

[kunda]

حسب معلوماتي والعلم عند الله انه الجواز فئة اس ليس جواز رقمي (الكتروني)مااعرف شنو التسمية انه جواز عادي الجوازات الالكترونية بالعراق هي فقط جي و اي وهذه لاتتزور وتدخل معلوماتها الى شبكة دولية لذلك الافضل ان لاتذكر سفرك الى ايران لانه قد يؤئر سلبا على سفرك يسبب لك تأخير ليس الا هذا من وجهة نظري