ارجاع العراقيون الموجودين بولاية اريزونا

[ابو يويو]

طبعا سمعنا من اشخاص بولاية اريزونا بان العراقين الذين لم يحصلوا على الكرين كارد سيتم ارجاعهم وحبيت استفسر عن هذا الموضوع وياريت الي عنده خبر يكلنا اياه
يعني شنو العراقين الي وصلوا قبل شهر او شهرين وماعرف بالضبط علمود الاقتصاد تعبان ياريت الي عنده شي مفيد يكتبة ولكم جزيل الشكر



اخوكم ابو يويو

[Vet2009]

ابو يويو ... السلام عليكم

  سيدي، ماذا تقصد بارجاع العراقيين ؟!! هل تقصد العودة الطوعية للعراقيين بناء على طلبهم ؟ من خلال اطلاعي المحدود بالمنتدى و من خلال المعلومات التي حصلت عليها من اهلي المتواجدين في الولايات المتحدة. انه معظم العوائل التي لم تجد فرصة عمل و التي لم يكن لديها تقاعد بنوعيه للمسنين او لذوي الاحتياجات الخاصة فانه المساعدات النقدية و العينية لا تكفيهم خلال السنوات الثلاثة الاولى ( قبل الحصول على البيوت الحكومية ) . في حين الذي يجد فرصة عمل فانه يمكن ان يسد احتياجات عائلته و لكن لا يوفر ... ماعدا بعض الحالات للاشخاص الذين يجدون فرصة عمل باجر متوسط او مرتفع ( المنخفض العادي يتراوح بين 7 - 11 دولار ، عمل جزئي اي 20 ساعة اسبوعيا او اقل ) و هذا يعتمد على اللغة و التاهيل الدراسي ، فضلا انه في بعض العوائل قد يحصل الزوجين على فرص العمل و قد يضاف لهم دخل ابنائهم العاملين.

vet2009

[احمد سلطان]

البارحة حجيت وى جماعة فى اريزونا ماكو هيج حجى اشاعة

[Safaa Alkhrkhy]

عمي صاحب الموضوع ... اشو خليتهة سكتة .. لاحس ولاخبر!!!
دشوفلنة شنو الفلم رحمة لابوك

[marhan]

اني الي سمعته ان الحاكمه مال ولايه اريزونا رح اشدد قوانين الهجره علمود شغله المكسيك قريبه منهم هذا الخبر سمعته بالتلفزيون

[طائرالخليج]

اخوان احنه العراقيين منجوز نموت عله الاشاعات ونسنع الخبر بطريقه غريبه ادري همه لاجئين وامريكا موافقه عليهم شلون ترجعهم والقضيه تره تخص المهاجرين المكسيكين الغير الشرعيين تحياتي

[Alice Paul]

لا اخي
هذا القانون مو بس للعراقيين و انما للكل, بس هوة لترجيع اللاجئين الغير شرعيين فقط.

[جورجيا]

هذا الموضوع قديم مال تشديد العمل على المهاجرين الغير شرعين فقط . و هسه يلا صادقوا عليه وراح يصبح ساري المفعول
وهو تجريم الهجره غير الشرعيه لولاية اريزونا مو الشرعيه
وبلعكس هذا القرار مفيد جدا للاجئ الشرعي تدرون ليش؟
لان هوايه من فرص العمل راح تتوفر وباجر جيد لان المكسيكين مثل الهنود ابدول الخليج كلشي يشتغلون وبابخس الاجور الشيء الي يائثر هوايه على بقيه العاملين.وادعوا هذا القرار يطبق ابكل الولايات 
ودمتم
جورجيا

[ابو شموس]

The new Arizona law mirrors federal law, which already requires aliens (non-citizens) to register and carry their documents with them (8 USC 1304(e) and 8 USC 1306(a)). The new Arizona law simply states that violating federal immigration law is now a state crime as well. Because illegal immigrants are by definition in violation of federal immigration laws, they can now be arrested by local law enforcement in Arizona.

The law only allows police to ask about immigration status in the normal course of "lawful contact" with a person, such as a traffic stop or if they have committed a crime.

اخواني الاعزاء
هذا قسم من القرار ارجوا القراءة وعدم سماع الاشاعات
ومثل ما تفضلت بيه الاخت جورجيا هذا القرار بصالح المهاجرين الشرعين
واتمنه يطبق بكل الولايات


اخوكم ابو شموس

[queen777]

احواني انة في اريزونا و الشغلة بعيدة كل البعد عن العراقيين و ماكو هيجي حجي

مصطفى

[hussein5582]

illegal immigrants

[Vet2009]

اعضاء المنتدى ... السلام عليكم

  الان وضحت المسألة بعدما كتبت الردود المنطقية من اعضاء المنتدى مع احترامي للجميع. مما لا شك فيه ان هنالك مهاجرين غير شرعيين في الولايات المتحدة الامريكية غالبيتهم من المكسيكيين القادمين من دولة ذات اقتصاد منهار ( لو تتذكرون افلاس المكسيك اثناء الازمة المالية في عام 1997 ، مما اضطر صندوق النقد الدولي لانقاذ الموقف ، عندما سحب المستثمرون اموالهم ، كما حدث ذلك في اندنوسيا و بعض دول الاسيان و تداعياتها الاقتصادية الاجتماعية على تلك البلدان ).
   فالذي يهم المهاجرين الجدد و منهم العراقيين هو الحصول على فرص عمل ذات اجور معقولة و مقبولة ، و ان المكسيكيين المهاجرين غير الشرعين ليست لديهم وثائق و بالتالي ليست لديهم مساعدات مالية او عينة و بالتالي اثر ذلك فعلا على مستواهم المعاشي ، مما اضطرهم للعمل غير الشرعي ( العمل بالاسود ) و بالتالي فانهم يقبلون بادنى الاجور مما يؤثر سلبا على المهاجرين الشرعين لاسيما اصحاب العوائل ... و هذه المشكلة تكبر في الولايات التي تقع جنوب الولايات المتحدة بالدرجة و الاولى و الولايات التي تقع في شرق الولايات المتحدة بالدرجة الثانية.
   و بالتالي فهو اجراء شرعي تقوم به السلطات الامريكية ، لاعادة المهاجرين الى بلدانهم. كما هو حاصل الان مع العراقيين المتواجدين في الدنيمارك ، السويد و هولندا و بلدان اوربية اخرى الذين لم يتم منحهم اللجوء و بالتالي لم يمنحوا الاقامات.

vet2009

[3booda]

العراقيين مع الاسف عبالهم بعدهم بسوريا لو الاردن لو احد دول الجرب حشاكم عل غفلة يطردوهم حتو لوعدهم اقامة قانونية

اخوان هاي اميركا وانته قانوني محد يكدر يمسك الا اذا انته تدور مشاكل

تحياتي

[ابو ياسين]

اخواني الاعزاء هذا قانون توقع في ولاية اريزونا غيروا قوانيين الهجره وقصدهم على المهاجريين الغير شرعيين مو العراقيين بالعكس راح يستفادون العراقيين لان راح يتوفر شغل وصادق عليه حاكم الولايه وصار قانون والبارحه بدوا كانو لازمين مجموعه كبيره وراح يسفروهم طلعوهه بالتلفزيون وهاي صار فتره ويوميه تابعوا الاخبار راح تشوفون الجديد بالموضوع  بس ارجع واعيد مالهه شغله بالعراقيين يخص المهاجرين الغير شرعيين

[eng_ammar]

يا اخوان هذا القرار صحيح اني بامريكا وعلنوا بالتلفزيون

بس موووو للعراقيييين


هسة اكو مشكلة جبيرة بالنسبة للمكسيكان الداخلين للولاية بصورة غير شرعية(تهريب) وسكنو صارلهم سنين هسة الحاكم طلع قرار طردهم للماعندة كررين كارد وعالكة ومضاهرات واعتصامات


كل من يحمل بطاقة I-94  نافذة وهية مدتها سنة وراها رح يحقلة التقديم على الكرين كارد فوضعه قانوني 100%

[ام احمد العبيدي]

السلام عليكم .احب اوضح للاخ العزيز انو موضوع ارزونا فقط للاجئين الذين يدخلون الولايات المتحده الامريكيه بطريقه غير شرعيه.لانو انا كنت قبل شهر في ارزونا وتحولت الى كلفورنيا ولى يحب اي معلومه عن ارزوناحاضره