اخوة الاعضاء في اريزونا و المنضمة اللوثرية.........استفسار؟؟؟؟؟

[sniperpain]

السلام عليكم جميعآ اخوان اني استلمت الفيزا قبل 20 يوم تقريبا وقدمت عالبنفتس لان اني اس اي في و هسة اتصلو بكفيلي علمود يجي يوقع الاوراق و المنضمة المسئولة عني هية المنضمة الاثورية او اللوثرية حقيقة ممتأكد اناشد الاخوان و الاخوات في اريزونا فينكس اذا عدهم اي معلومات عن هاي المنضمة و شونة تعاملهة وياكم
و كنت اتسأل عن طبيعة السكن لان اني اعزب قصدي راح يخلوني وي شخص ثاني لو شون؟
و فرص الدراسة لان انشاللة اني ناوي اكمل جامعة هناك علمآ اني خريج سادس علمي و عمري 19 سنة فوك الموديل مو ؟     ههههههه
تحيلتي الكم و اتمنى ردودكم بأقرب وقت يا ورود

[angie-dawood]

اخي باريزونا وين باي مدينة

[sniperpain]

اختي انجي ولاية اريزونا المنطقة هية فينكس مثل ما ذاكر بالاعلى

[^Miss Violet ^]

موفق اخي

انشالله يجاوبوك جماعة فينيكس

[sniperpain]

شكرا جزيلا مس فايولت وانشاللة ننتضر الاخوة الي بفينكس

[queen777]

اخي الكريم انشاء الله تجي بالسلامة و بالنسبة للمنطمة فهي شوية تعبانة و لا تتامل الكثير و اعتمد على نفسك و راح تشق طريقك بصورة ممنازة و لانك شاب و وحدك كمل دراسة و حاول تحصل على التوفل قبل لا تجي حتى تباشر دراسة ورة فترة قصيرة و راح يسكنوك مع شخص او اثنين ربما و اذا ما شافلك كفيلك مكان زين راح يحطوك بمكان موزين

التوفيق
مصطفى

[sniperpain]

شكرا جزيلا اخوية مصطفى على مرورك بس بالنسبة للمنضمة كلهن تعبانات لو هية هية المنضمة اللوثرية تحديدآ تعبانة هاي شغلة
شغلة التوفل منين اكدر اطلعهة بالعراق
راح ادزلك ايميلي عالخاص وانشاللة اتعرف بيك اكثر تحياتي الك يا وردة

[queen777]

جبيبي المنظمات في اريزونا بس اثنين و كلاهما تعبانات و السبب ان اغلب الموظفين عراقيين و عرب و كذب تقبض خير من العرب بشكل عام الا من رحم ربي و اما التوفل اتحصلهة من جامعة بغداد و بعدبن صدق الشهادة من السفارة الامريكية

هلا بيك

مصطفى

[sniperpain]

اخوية مصطفى و لو تعبتك وياية شلون اخلي كفيلي يلكالي مكان سكن زين؟
(دزيتلك ايميلي عالخاص)

[queen777]

حبيبي انشاء الله ارد على الخاص بس كفيلك اكيد يعرف الاماكن المريحة وين و يجوز يعرف خوش ولد يخليك وياه و تكدر اتجيك وياه و الله يسهل الك

مصطفى

[angie-dawood]

http://www.ankawa.com/forum/index.php/topic,398904.0.html

اخي هاي الرابطة موضوع اخونا العزيز مازولا  في ولاية اريزونا

[sniperpain]

شكرآ جزيلا اخت انجي و اخ مصطفى ع مساعدتكم