مضى اسبوع على ارسال الاوراق ولم اتلقى اي ايميل من نبراسكا

[confident]

لقد ارسلت اوراقي الى نبراسكا منذ اكثر من اسبوع من مكتب بالعراصت وقد اخبرني انه سيصل خلال اسبوع الى نبراسكا وقد وضعت عنوان اوفر نايت الخاص بنبراسكا ولكني لحد هذه اللحظة لم اجد اي جواب من نبراسكا خصوصا اني قد وضعت عنوان في الجزء الاول من اوراق 360 لصديق لي في داخل امريكا,في الحقيقة اذا لم يصل خلال هذه الفترة ساحاول ان ارسل اوراقي مرة اخرى من اي مكتب مجرب من قبل الاخوان والمتاكدين من وصول اوراقهم خلال فترة اقل من اسبوع وكم مني جزيل الشكر والتقدير

[sniperpain]

اخوية دزلهة ايميل و اذكر بي اسمك الكامل و الكيس نمبر و شوف وصلتهم لو لا واللة كريم

[ابو عبد الله التكساسي]

اخي شنو قصدك مكتب بالعرصات

[Karadi]

لقد ارسلت اوراقي الى نبراسكا منذ اكثر من اسبوع من مكتب بالعراصت وقد اخبرني انه سيصل خلال اسبوع الى نبراسكا وقد وضعت عنوان اوفر نايت الخاص بنبراسكا ولكني لحد هذه اللحظة لم اجد اي جواب من نبراسكا خصوصا اني قد وضعت عنوان في الجزء الاول من اوراق 360 لصديق لي في داخل امريكا,في الحقيقة اذا لم يصل خلال هذه الفترة ساحاول ان ارسل اوراقي مرة اخرى من اي مكتب مجرب من قبل الاخوان والمتاكدين من وصول اوراقهم خلال فترة اقل من اسبوع وكم مني جزيل الشكر والتقدير

اخوية العزيز

شغلة نبراسكا ما اطول انشاالله اكثر شي شهر!!!

بل نسبة ا تريد تعرف اوراقك وصلت لو لا... تكدر تعرف من الوصل الي يمك مال شحن؟؟ يعني انت دزيت على DHL OR FedEx
ادخل على موقع الشركة واكتب رقم الوصل هسة تشوف خط رحلة الشحنة مالتك (طرد)

والشغلة الثانيا مال نبراسكا ...اول ما يستلمون الطرد مالتك راح يدزون وصل استلام الى الشخص الي باميركا

وطبعا وصل الاستلام بية رقم معاملتك الجديد الي في نبراسكا...حتى تكدر اتجيك معاملتك وين وصلت يمهم

لا دز اوراقك مرة ثانية لان يرادلها صبر بحدود ثلاث اسابيع من ارسال اوراقك يلة تبين الشغلة


اتمنى ان اكون فتك

سلام

كـــــرادي

[confident]

شكرا الكم اني دزيت اوراقي دي اج ال من مكتب بالعرصات اخذ 60 دولار وكلي خلال 4 يوم او اسبوع توصل وماكو شي او اي موقع مال الشركة
اجيك على الايميل وشكرا

[Karadi]

عزيزي شنو ماكو شي من الموقع؟؟

اكتب رقم الشحنة مالتك المكون من 10 ارقام ...راح يطلعلك خريطة شحنتك شوكت طلعت من بغداد وين راحت وين نزلت وشوكت وصلت؟؟؟

http://www.dhl.com/en/express/tracking.html

http://www.dhl.com/en/express/tracking/shippers_reference.html

Good luck

Karadi

[confident]

ممنون يا كرادي
اتبعت الشحنة وشفتها واصلة من يوم 5 من شهر مايس الى امريكا مدينة اوماهه وبعدين حرفين ان واي واتوقع نبراسكا وموقعة من قبل  شخص هل هذا معناة انه هي واصلة اذن بعد الجماعة ايجيكوها وبعدين ايدزن لصديقي بامريكا خبر وصولها وبعدين ايدزون ايميل الي ومشكور يا ورد

[Karadi]

اي هسة تمام ...

مادام وصلت ...هاي هية بعد لاتلح...

هسة المفروض دزوا ورقة استلام لصديقك الي باميركا  بيها رقم معاملتك حتى تجيك معاملتك وين وصلت بنبراسكا...توصلة بحدود كم يوم لا يدزوها على بريد البري

نصيحة ....ابقى هادئ...لان وراك nvc وما ادراك مال nvc


سلام حب

كـــــرادي

[confident]

مشكور اخوية كرادي
هسة اشوية احجيلي عن الان في سي شنو هاي مراجعة امنية واشكد اطول وهسة اني شنو المطلوب مني اسوي عدم محكومية وبيان ولادة لو شنو وتقريبا هاي الاجراءات مال الان في سي اشكد اطول حتى احصل على فيزة ومشكور

[ســـرى]

اخوية واثق لا تستعجل على رزقك. تقبل تحياتي وعاشت ايدك كرادي.

[Karadi]

قبل اشوية دا اكلك لا تلح ...لا المعاملة تعكس وياك

على العموم للمعلومات باختصار اذا اني كدرت اختصر

شغلة نبراسكا كلها روتينية اطول بحدود الاسبوعين الى شهر على ماتطلع منهم وتروح دايركت الى nvc

الباقي انت وحظك؟؟ راح يجاوبك مباشرا جماعة nvc ?? لو راح ينامون بحدود الشهر واكثر مرات

بعد ماتوصل معاملتك ال nvc راح يدزولك اميل ونسخة منة الى مسؤالك الامريكي وشركتك اذا انت موظف او مقاول؟

الاميل مكتوب بية ان همة استلموا معاملتك وباشروا باجراء معاملة الفيزة ويريدون منك

استمارة ds-230
استمارة ds-157
استمارة ds-234

باجاتك مال عمل ان وجدت؟
هوية احوال المدنية وشهادة الجنسية وشهادة الولادة ان وجدت ؟؟ نسخة من صورة القيد 57 هذني كلهن اترجمهن وتاخذهن اسكان وتحولها  ملف pdf

بقى عندك الصور مال فيزة ...روح لاي مصور كلة اريد صورة مال فيزة ...ولاتنسة تاخذ نسخة من الصور على فلاش مموري حتى بعدين تحولها pdf

بعد شنو؟؟

ها اذا انت مسافر خارج البلد اكثر من 6 اشهر راح يطلبون منك عدم محكومية من البلد الي الاقامة

وبل نسبة للعراق اعتقد بعد مايريدوها لان جنايات انضربت الي بساحة التحريات ...بقت يمك اسال واستفسر من الاعضاء اذا اكو بناية بديلة او سدوها؟؟؟؟

اما المراجعة الامنية انت وحظك...

عموما يتوقف التجيك على مكان عملك والسنة ؟؟؟ يعني هسة بالجديد ديجيكون كلش على الباجات خصوصا

 الباجات الاراكي وايد وهذا نوعا ما تجيك امني عليك ويختصرلك اشوية من التجيك الامني من قبل nvc ولا

تنسى مكان عملك؟؟ اذا بية حظ اكيد يكون مجيكين عليك قبل ومراح اطول لا  اما اذا كنت مكان حساس

راح تنام عليك طابوكة مال اوادم الله لا يكولها

انشالله شهرين بالزايد وتطلع من nvc


كافي تعبتني بعدين انسولف

سلام حب


كــــرادي

[silver_d]

تحيه عطره من سماء بغداد الغاليه
اخويه العزيز صاحب الموضوع
بالنسبه للباكج من يرووح على نبراسكا صح يجوز يوصل بالمده المعينه الي ذكروها الك مده سبوع
بس عندك شغله ثانيه يرادلها سبوعين تجيك اقل شي على االاوراق ... وبعد 5 اسابيع اقل شي يله تتحول اوراقك من نبراسكا الى ال NVC ويجيلك كيس نمبر
فلتدز اوراقك مره ثانيه ولا اتعب نفسك ابد انتضر والله كريم
تحباتي الك اخوك سلفر

[azal]

مرحبا

شكرا اخي صاحب الموضوع لان كان نفس الاستفسار عندي

اشكر الاخ كرادي شكر جزيييييييييييييييييييييل على المعلومات الي ذكرها لان جنت اريد اعرفها   

واشكر الاخ سلفر ايضا على معلوماته الي  قدمها

ربي يوفق الكل

يعني هذا المنتدى الراقي صدك لاهله


تقبلوا مروري اختكم ازل
 

[confident]

ممنون اخوي كرادي
اني طبعا اشكرك شكر جزيل بس اريد اعرف شي واحد همة جماعة الان في سي ليش ايخاطبون مديري هم ايطلبون من عندة معلومات اضافية لو لا وليش يردون من عندي الاستمارة 157 وشكرا

[confident]

هلوا شباب
اشو اليوم 12 بشهر الخامس ودزيت الهم ايميلين وما جاي ايجاوبون ومعاملتي واصلة الى نبراسكا من يوم 5 بالشهر والي اعرفه ومتاكد من عندة انه اول ما يستلمون المعاملة راح ايدزون اشعار الى العنوان الي مكتوب بالجزء الاول ومن توصل اوراقك الى جماعة الان في سي راح ايدزولك ايميل وصدقوني محتار وحصلت ارقام تليفوناتهم بعد البحث عن النت وماكو احد ايجاوب والله كريم

[sniperpain]

اخوية ماكو حاجة تتصل بيهم لان  جماعة نبراسكا تكدر تراسلهم عالايميل مثل ما صار بية شهر واصلتهم معاملتي وما ردو علية لحد ما اني راسلتهم وايمليهم هو

sivtranslator.nsc@dhs.gov
واني بخدمتك وبالتوفيق انشاللة

[confident]

vشكرا
استاد راسلتهم بس ما يجاوبون وشكرا الك يا وردة

[Karadi]

سرى و ازل

شكرا" جزيلا واني ماكتبت غير الواجب...

عزيزي كونفدينت

طبعا مراح يجاوبك  هسة على لاقل يرادلهم فد ثلاث ايام على مايجاوبك هاي اذا جاوبوك

كسر بجمع...عووووووووووووف السالفة لان دا اشوفك كلش ملهوف على المعاملة

نصيحة البس الوضعية وانشالله اسمع اخبارك الحلوة

هذا كلة روتين بروتين وحـــــــــــــــــــــــــــــــــظ يلعب دور مو طبيعي

ابسط مثال اخوك نايمة معاملتة ب nvc صار 6 اشهر بالضبط منتظر موعد الفحص والمقابلة

ما اريد اخوفك..بس دا ازيدك علم (العفو) لان دا اشوفك انت بنبراسكا معاملتك وهيج متابع لعد ب nvc

شراح اتسوي؟؟؟

الله يعينك ويسهل امورك

اخوك كــــــرادي

ملاحظة ضفتك على ماسنجر

[confident]

lممنون اخوي كرادي الله يعينك على الصبر مال الان في سي اشو صديقي خلال شهر ونص دزوا علي مقابلةواني شغلتي خاصة وان شاء الله من اصير نستفاد منها  اني البارحة اتبعت الدي اج وطلعت من الموقع حتى ورقة استلام الباكج مالتي من قبل الدي اج ال بس مو وصل استلام نبراسكا وطبعته وهاي اني صابر والله كريم يا ورد بس اريد اعرف انه كل الي دزوا اوراقهم الى نبراسكا عبر الدي اج ال نفس الشخص يستخدمها وممنون منك يا ورد

[confident]

الحمد لله جماعة نبراسكا دازيين وصل استلام الى صديقي بنبراسكا من يوم 10 مايس اي بعد وصول اوراقي اليهم في 5 مايس وهو استلمها يوم 13 والحمد لله لكن ما زالت اوراقي تحت التدقيق في نبراكسا متى تذهب الى الان في سي الله اعلم

[saif_godfather]

مرحبا شباب اني هم دزيت اوراقي لنبراسكا بال DHL قبل فتره وطلعلي بالتراكر مال دي اج ال انه استلموها جماعه نبراسكا وموجود هذا الحجي بالبرنت سكرين اللي مرفق ويه هذا الرد تكدرون اتجيكوه

وشكرا للاخوان لان كتبولنا شراح يصير وره هايه الخطوه وسلامي للجميع

سيف

[confident]

سيف صديقي
معاملتك واصلة الى نبراسكا والحمد لله هسة همة بعد اصور يوم 8 بالشهر راح يصدر منهم كتاب او وصل استلام بي رقم يوصل الى عنوان موجود بي اي بو او لشخص عايش في امريكا اذا انت مثبته والحمد لله

[saif_godfather]

اي صديقي واصله لنبراسكا من يوم 3 وماكو اي شي
علما انه العنوان اللي اني خاله هوه اي بي او بس بالعراق