ܐܬܪܐ ܚܠܝܐ ..
ܒܝܕ / ܡܓ̰ܝܕ ܐܝ̣ܠܝ̣ܐ
ܥܝ̣ܪܩ ܝܐ ܐܬܪܝ̣ ܚܠܝܐ
ܡܢܝ̣ ܡܟ̣ܝܠܗܝ ܥܝܢܐ ܐܠ ܫܘܦܪܐ ܕܢܗܪܘܬܟ̣
ܡܢܝ̣ ܒܐܝܠܗܝ ܩܠܒ ܐܝ̣ܡܡܟ̣ ܐܠ ܠܠܝܐ
ܡܢܝ̣ ܡܫܚܠܦܠܗܝ ܫܘܦܪܟ̣ ܡܢ ܝܪܘܩܐ ܐܠ ܟܘܡܐ
ܡܢܝ̣ ܒܐܝܠܗܝ ܕܡܟܣܗܝ ܫܡܫܟ̣ ܘ ܨܝܗܪܟ̣
ܕܠܐ ܕܠܡܐ ܐܝ̣ܠܗܝ ܛܘܝ̣ܟ̣ܐ ܘ ܡܚܝܐ ܠܐܠܗܐ..
ܐܬܪܝ̣ ܝܐ ܒܫ ܚܠܝܐ ܡܢ ܟܘܠܐ ܐܬܪܘܬܐ
ܝܐ ܐܬܪܐ ܕܒܪܝܠܗܝ ܒܓܘܗܝ ܟܘܠ ܡܢܕܝ̣ ܚܠܘܝܐ ܘܫܦܝ̣ܪܐ
ܠܐ ܬܟ̣ܡܢ ܒܘܕ ܐܬܗܝ ܝܘܡܐ ܕ ܣܪܘܝ̣ܠܘܟ̣ ܝܠܘܕܘܟ̣
ܘ ܐܘ ܢܫܐ ܕ ܣܪܘܠܘܟ̣ ܕܠܐ ܕܠܡܐ ܠܝܠܗܝ ܫܬܝܐ ܡܢ ܡܝܐܟ̣
ܘܠܝܠܗܝ ܣܘܝ̣ܥܐ ܡܢ ܠܚܡܐܟ̣
ܐܬܪܝ̣ ܐܢ̄ܬ ܕܡܚܘܡܝܠܘܟ̣ ܕܩܠܬ ܘ ܦܘܪܬ
ܘܐܢ̄ܬ ܕܡܫܬܝܠܘܟ̣ ܟܘܠ ܚܩܠܬܐ ܘ ܙܪܥܗܝ
ܡܒܗܪ ܒܕܡ ܠܒܝ̣ ܘܗܘܢܝ̣ ܬܕ ܩܝܡܢ ܒܘܠܝܝܐ ܕܝ̣ܝܘܟ̣
ܘ ܕܪܥܫܝܢ ܐܝ̣ܘܝܢ ܚܕ̄ܐ ܡܢ ܝܠܘܕܘܟ̣
ܐܬܪܝ̣ ܚܠܝܐ ܗܡܢ ܒܕ ܐܬܗܝ ܝܘܡܐ ܒܘܕ ܪܝܡ ܫܡܘܟ̣ ܥܠܘܝܐ
ܘܒܕ ܕܥܪܐ ܦܨܚܘܬܐ ܐܠ ܨܠܡܘܟ̣
ܘܒܕ ܕܥܪܐ ܫܡܫܘܟ̣ ܠܙܪܩܐ
ܐܬܪܝ̣ ܚܒܝ̣ܘܐ
ܠܐ ܙܕܥܬ ܐܢ ܪܚܩܠܝ̣ ܡܢܘܟ̣
ܘ ܝܘܩܪܝ̣ ܡܚܘܠܩܠܝ̣ ܐܠܘܟ̣
ܒܟ̣ܪܬܐ ܕܠܐ ܕܠܡܐ ܒܕ ܕܥܪܢ ܐܠܘܟ̣
ܘܒܕ ܡܝܬܢ ܐܠ ܐܘܦܪܘܟ̣
ܘܥܝܢܝ̣ ܒܕ ܗܘܝܐ ܫܪܫܝ̣ܬܐ ܐܠܫܘܦܪܘܟ̣ ..
