اذا غيرت الولايه بعد سته اشهر او اربعه اشهر على سبيل المثال هل تقطع المساعدات ام لا؟

[رونن العراقي]

سلام عليكم اخواني واخواتي الاعزاء اليوم سالني صديق وقال لي انا اريد اغير الولايه بس صار لي شهرين اهنا شلون اكدر اغير الولايه واذا غيرت الولايه يقطعون المساعدات لولا وشنو المده المحدده اللي لازم ابقى باول ولايه استقبلتي بيها المنظمه ؟ واذا غيرت الولايه هل تبقى المساعدات او تنقطع ؟ ارجو لاجابه بالتفصيل على هذا الموضوع شكرا جزيلا 

[ســـرى]

اخي رونن صديقك على منظمة؟ لو جاي اس اي في على حسابه؟

[رونن العراقي]

صديقي اس اي افي وجاي على منظمه الوثرين سرفس وعنده عائلته وياه

[ســـرى]

متأسفة هاي ما اكدر اجاوبك بيها لان ما اعرف بالنسبة للايجار في الولاية الثانية راح يقبلون يدفعوله او لا. اللي اعرفه انه الفودستامب والتأمين الصحي والWIC للاطفال دون ال5 سنوات هذا كله اوكي وماشي يعني ممكن بنفسه يقدم عليه بس ممكن يسألهم للمنظمة اذا انتقل شنو اجراءاتهم. وان شاء الله الاخوة اصحاب التجربة يجاوبوك اكثر مني تقبل تحياتي اخي رونن.


شاركونا في الاستفتاء بنعم او كلا
http://www.ankawa.com/forum/index.php/topic,411306.0.html

[رونن العراقي]

شكرا على المرور ...........

تحياتي

[ܥܲܒܼܕܝܼܫܘܿܥ ܝܘܚܢܢ]

عزيزي عند تغير محل الاقامة من ولاية الى اخرى يجب اخبار المنظمة بالامر وبالتاكيد سوف
تنقطع المساعدات لان لكل ولاية لها قوانينها الخاصة وليست كل الولايات على نظام واحد

[كراميلا]

عزيزي
من تغير الولايه الموضوع كلش بسيط ومثل ما يقول المثل اسأل مجرب
اني غيرت الولايه الي وصلت الها بعد خمسه اشهر وهسه اشرحلك بالتفصيل
اولا رحت للولايه الي ناويه ان اروحلها وشفت الاوضاع وشنو فرص العمل الي هناك ورحت على المنظمه المهم قابلت ابو الكيس وشرحلي اذا اجيت لهذي الولايه شنو راح يقدملي
ورجعت لولايتي حتى انهي متعلقاتي بيها وهي لازم تكنسل الفود ستامب والتامين الصحي بهذيج الولايه واخذ ورقه تثبت هالشي  وانطي خبر للمنظمه واخذ منهم ورقه تثبت انه انته انقفل الكيس مالك يمهم
حتى من تروح للولايه الي انته ناوي عليها تشوف شنو الي يصرفلك تقدم على الفود ستامب عن طريق منظمه او مباشرة الهم  بالحالتين تحتاج لأوراق تثبت انه انته انهيت كلشي بهذيج الولايه
وهاي هيه
واي سؤال اني حاضرة
كراميلا

[angie-dawood]

خطوات تغير من ولاية الى ولاية

1- اخبار المنظمة المسؤولة عنك بداية دخولك للولايات المتحدة حتى تكمل لك اجراءات النقل

2- الذهاب الى دائرة البريد واخذ ورقة منهم لتغير العنوان من ولاية لولاية ثانية تكتب بالاستمارة عنوانك
الحالي وثم عنوانك الذي سوف تنتقل اليه بولاية ثانية اذا ليس لك عنوان تستطيع ان تضع عنوان اي صديق او اقرباء لحين ايجاد سكن لك وثم تغير العنوان مرة اخرى للمكان الذي تستاجر سوى شقة او بيت واسترجاعها لهم حتى يتم تغير العنوان من قبلهم

3- في حالة انت على مساعدات الولفر دائرة  Department   of   Human  Services  DHS  

ضروري الذهاب اليهم ومقابلة الكيس وركر المسؤولة عليك حتى تعطي لك اوراق النقل الى نفس الدائرة لغير ولاية وهم سوف يعرفون كم شهر تستحق


5- في حالة انتهاء مدة المساعدات لك الحق التقديم مرة اخرى بالنسبة لاصحاب العوائل
في حالة لم تجد عملا اثناء تسليمك المساعدات التي كانت حق كل لاجي فور وصوله للولايات المتحدة لك الحق التقديم مرة اخرى

ملاحظة جدا مهمة للذين يستلمون المساعدات من دائرة الولفر
في حالة ارسلت لكم الكيس وركر اي ورقة بالبريد ومعها الظرف مثلا طلب اي معلومات منكم اذا لم تردون عليها وارسالها مرة اخر لها سوف تقطع عنكم المساعدات فورا بدون سابق انذار  يجب اتباع بريدكم دوما والرد على اي معلومة تحتاجها الكيس وركر من الذي يستلم المساعدات  

[رونن العراقي]

زين بهاي الحاله لازم ايكنسل الفود ستامب والمدكيد من هاي الولايه وياخذ ورقه منهم الى المنظمه الاخرى الموجوده بالولايه الثانيه لو يبقى الفود ستامب والمدكيد وياه لو شلون ؟وشلون ايقدم على الفود ستامب مباشره لو المنظمه الجديده هي اللي راح اتسويله هذا الشي ؟ هل اكووقت محدد للبقاء في الولايه الاولى عند دخولك الى امريكا ام لا؟

[angie-dawood]

اخي رونن هو من راح يكول الهم راح انتقل لغير ولاية اذا كان عنده عنوان ينطيهم العنوان واذا ما عنده عنوان ينطي اي عنوان دائرة المساعدات الي تكون داخل المدينة للولاية الي راح ينتقل الها واذا هو بعده على نظام المنظمة المنظمة هي المسؤولة لنقل الاوراق لغير ولاية 

[ســـرى]

اخي رونن من ينتقل الى ولاية اخرى يغلقون الكيس مالته اللي بالولاية الاولى ومن يروح للولاية الثانية وبالاتفاق مع المنظمة المسؤولة عنه يقدم عالفودستامب والميديكيد وهم يحددوله شكد يستحق مساعدات وشكد الفترة.

[رونن العراقي]

شلون يصير التنسيق للنقل الى ولايه اخرى عن طريق المنظمه ؟ اسف لكثره السؤال بسبب الولد ابو المنظمه من حجينه وياه قال راح انت تفقد البنفت مالتك مال برنامج الماشنغ غرانت بس الفود ستامب والمدكيد يمشي بس لازم تغير المدكيد الى مدكيد الولايه نفسها وقال هاي تاخذ اجراءات المنظمه  باريكم اخواني واصحاب الخبره شكد تاخذ وقت للتغيير وهل المنظمه الثانيه اتكمل البرنامج مال الماشنغ غرانت وياه لولا 

وشلون ايجروله مكان لو يخلونه لوحده لان هو هسه ياخذ ايجار من المنظمه وهذا الشهر الثالث وبعد المنظمه قالتله انت هسه بس عندك مساعدات الماشنغ غرانت للي هي 303 دولار كل شهر لمده سته اشهر وبالشهر السادس يعطونه البونس مالته والبالغ 1488 دولار تقريبا ؟ وهل اذاراح على نفس المنظمه الموجوده بغير ولايه على نفس النظام تبقى مساعداته لو تنقطع؟

[angie-dawood]

اخي انت من تنقل من ولاية الى ولاية شعليك بالمنظمة بعد المنظمة بس تنطيك اوراق النقل انت تروح تقدم على المساعدات الحكومية اذا ما مستلم منهم اي شي من الولاية السابقة راح تقدم وتاخذ حقوقك من الولاية الي انتقلت واذا مستلم من تروح تكمل الباقي وهاي هي

[رونن العراقي]

اختي انجي العزيزه الولد ابو المنظمه ظلمها بوجهنا يقول لا من تنتقل الى ولايه اخرى تقطع عنك جميع المساعدات حتى المنظمه الموجوده بغير ولايه ماكملك المساعدات انا ناقشته كتله مثلا المنظمه الموجوده بغير ولايه عدها نفس البرنامج الموجود عدكم والولد ماخذ منكم مساعدات ثلاثه اشهر مو المفروض ياخذ مساعداته مناك من المنظمه الثانيه؟؟؟؟؟؟ على نفس البرنامج؟؟؟؟؟ اقصد المساعده الماديه

لان حسب مافتهمت منا بالنسبه للفود ستامب والمدكيد تكنسله من هاي الولايه وتقدم عليه من جديد بالولايه الثانيه

شكرا جزيلا

اخوكم رونن العراقي

[ســـرى]

اخي رونن المساعدات الحكومية من فودستامب وميديكيد وبرنامج الوك للاطفال والحوامل هذا ممكن يقدم عليه وماكو مشكلة بيه بس تبقى شغلة الكاش والايجار وهاي يم المنظمة. اما المساعدات المالية واللي هي برنامج التانف عادة TANF والموجود باغلب الولايات وممكن يكون اسمه يختلف المهم هذا ممكن يقدم عليه بدون منظمة بس لازم يروح للولاية الثانية او يحاول يتصل بمكتب المساعدات مالتهم هناك ويحجي وياهم يشوف شنو مستحقاته اذا المنظمة راح يشيلون ايدهم منه.

[angie-dawood]

اختي انجي العزيزه الولد ابو المنظمه ظلمها بوجهنا يقول لا من تنتقل الى ولايه اخرى تقطع عنك جميع المساعدات حتى المنظمه الموجوده بغير ولايه ماكملك المساعدات انا ناقشته كتله مثلا المنظمه الموجوده بغير ولايه عدها نفس البرنامج الموجود عدكم والولد ماخذ منكم مساعدات ثلاثه اشهر مو المفروض ياخذ مساعداته مناك من المنظمه الثانيه؟؟؟؟؟؟ على نفس البرنامج؟؟؟؟؟ اقصد المساعده الماديه

لان حسب مافتهمت منا بالنسبه للفود ستامب والمدكيد تكنسله من هاي الولايه وتقدم عليه من جديد بالولايه الثانيه

شكرا جزيلا

اخوكم رونن العراقي

اخي العزيز مثل ما فهمتك انت من تنتقل من ولاية الى ولاية اذا كنت على برنامج المنظمة وتخلص المساعدات منهم وحتى اذا ما خلصت تكمل على نفس البرنامج بغير ولاية معليك بالي يكوله ابو المنظمة احنا هم من رادت  بنت عمتي تنتقل  من مشكن الى شكاغوه   ابو المنظمة  كال  اذا تنقلين غير ولاية المنظمة ما راح تصرف الك اي مساعدات اشو هي راحت وقدمت وكلشي انطوها من مساعدات الحكومة مو من المنظمة  انت هم من تتحول لغير  ولاية روح قدم على برنامج المساعدات الحكومية الدائرة الي هي    Department   of   Human  Services  DHS  اذا انت ما مقدم عليها سابقا