قالت الفنانة اللبنانية نيكول سابا أنها تمر بحالة حب في هذه الفترة وتعتزم الإعلان عن شريك حياتها لجمهورها في وقت قريب.
وطلبت سابا من جمهورها الدعاء لها بالتوفيق في حياتها المقبلة فيما عبرت عن خوفها من تجربة الزواج.
وتحدثت سابا عبر مدونتها الشخصية على شبكة الانترنت عن شريك حياتها وعن صفاته باستفاضة :"اليوم سوف أكشف لكم عن مواصفات حبيبي ومواصفاتي بدون مجامله لأنه تمام زى ما قلت في عنوان الموضوع " قمر 14 " ،فهو في الحقيقة جميل الوجه ووسيم جدا لدرجه اننى بخاف جدا يحسدوني علية وبخاف العين تصيبنا لأننا قريبين في الشبه جدا وتخيلوا كنت بشتغل معاه من سنين طويلة وهو كمان كان في الوقت ده في بداية مشواره أصل هو من الوسط الفني لكن الظروف فرقتنا عن بعض لسنوات طويلة لكن إرادة ربنا جمعتنا تانى، وبقول يارب منفترقش باقي العمر وطبعا انتم أول ناس هبلغكم بمجرد ما أقرر أعلن لجمهوري مين هو حبيبي.
وبطلب منكم تدعولى ربنا يوفقنى في شغلي وفى حياتي الجديدة لأني خايفه جدا من تجربة الزواج لكنى متاكده أنى مستحيل هكون زوجه مقصرة لسبب بسيط هو أنى من أنصار الالتزام بالحياة الأسرية وحقوق الزوج.
وعن حبيبي هو بقى بيحبنى جدا وبيخاف عليا من الهوا الطاير ولازم يكلمني كل يوم ويطمأن عليا عملت أيه طول اليوم ولو حس أنى متضايقة شويه مش ممكن يسيبنى الا وأنا تركت المشكلة اللي مضيقانى خلفى ...أنا بصراحة حسيت أن ربنا بيحبنى لما رزقني بهذا الشخص لأن مشاعره الجميلة والصادقة والطيبة من أهم مميزاته."
http://www.akhbarak.net/articleview.php?id=1900359
الكاتب
