الى الاعزاء اصدقائي
من الصعب على الانسان ان يكون الارض الصالحه لينمو بها الخير والاخرين لا يقدمو افعال متساويه
شعبنا المسيحي واخواننا وابنائنا واصدقائنا يعانون........ وقفة صلاة صغيره لنجاتهم من ايادي الغدر
يسوع معهم ومعنا
الى كل الطلبه الذين استشهدو والى كل شهداء المسيح
تسري ويه دمنه الطيبه والمحبه سمعتنه
ضحينه اهوايه للي نحبهم وماضحو يوم النه
معاتب كضينه العمر كله
وشنعتب على الغمس ايده بزادنه وذبحنه
طبع الغدر ماغيره التابوت والجفن عدنه
عدنه ..ورجعنه وعاد التاريخ مقابر اهلنه
خلينه نسال الزمان والزمان مايوم جذبنه
تاريخ كله قتل ورهاب وتهجير وبزعنه
والله الزمن من عدنه خجلان شكد تعبنه
عله متون الضيم مشينه وقهر حملنه
مصايبنه حته الغريب السمع بيه كرهنه
بل البدايه كالو راح ذاك الوكت وهذا جديد عهدنه
ديمقراطيه وحريه وحقوق انسان جبنالكم
يكفي ثريد مو حته من تشريبكم فاهي بزعنه
النه حقوق والاراضي هاي كله ملكنه
البيت بيتنه والدار دارنه وملكنه
وانت من الوطن كله تريد تطردنه
حته الصغير البل.. مهد فز وكال هذا حقنه
يكفي الاعايب وطبخ ومهزله
حته الاطفال عرفو الاعيبكم ضدنه
استقلال وقطعت ارض لميتونه بيه
واليوم سهل الحصاد بينه تحصدون ذرتنه
ابد مايتغير التاريخ لا وحق الله وعيسه
حراميه وصارت شرطه وين اليدلينه وجهتنه
طلابنه تذبحت واطفالنه تشردة
ورهبانه اختيلات وتهجير يوميه عدنه
حاجيني اذا تكدر كل سنه اكول اخذ وكتك
وكل سنه نكول بلكن تصير احسن واتفرج المحنه
قصتنه طويله يامحبوب والعنوان مبين بسالفتنه
واضح .........................مغرة قصتنه
والعنوان واضح ملينه بعد نحجي بهاي شدتنه
والعنوان واضح تبقه متعلقه ..........قصتنه
من كتاباتي ومن قلمي اكتب وليس من اقتباس
الكاتب والملحن وسام بجوكا
