اخواني الاعزاء سئوال واريد اجابة مشكوريين مقدما

[ethan texas]

 السلام عليكم اخواني

عندي سئوال ويارييت تنطوني الجواب
اعرفكم مرح تقبلون ع هلسئوال بس صدكوني الشي مو با ايد احد بايد صاحب السئوال وهوة مصمم على الي ديريد ايسوية

خالتي اتريد ترجع لمصر وهية صارلهة 8 اشهر هنا
اشون تكدر ترجع لمصر ؟؟ وتحجز منا على جوزاهة العراقي وبالنسبة للمبلغ مال الطيارة اذا مدفعتة تكدر تطلع من امريكا ؟؟؟  لان هية متريد ترجع بعد لا امريكا

شون اكدر اججزلها ؟؟

اخوكم جوزيف

[hussein5582]

اي تكدر و محد راح يساله عليه ,, لانوا صديقي قب كم شهر رجع و عاف كلشي مدفع منه و محد ساله ,, بس اذا هيه عده كرين كارت وناويه ترجع لامريكا راح تكون مطالبه تدفع المبلغ

[Karadi]

عزيزي جوزيف

اذا خالتك صدك بعد متريد ترجع وقافلة ؟؟ تكدر تحجز من اميركا وتروح لمصر ولا اكو احد يسالة وين فلوس الطيارة؟؟

لاكن قانونيا هية موقعة على تعهد انوا لازم ترجع الفلوس تكت الطيارة...يعني اذا هية فلتت يمكن راح يجلبون بيك

سلام

كــــرادي

[ســـرى]

اخي جوزيف الافضل انه تتصلون بالمنظمة والكفيل اللي كفلها قبل ما تسافر تجنبا لأي تبعات قانونية. وان شاء الله اهل الخبرة ما يقصرون تقبل مروري.

[queen777]

اخي صاحب الموضوع خالتك اذا ما ناوية ترجع لامريكا تسافر لمصر و خلاص تكدر ما تدفع فلوس الطائرة بس تحلم بعد تحصل فيزة لامريكا او اي معاملة مع الحكومة الامريكية او شركاتها و لكن اذا دفعت فلوس الطائرة و غادرت بموافقة فبامكانها العودة بعد ستة اشهر او سنة حسب التصريح بشكل طبيعي و اذا كانت هية صاحبة الكيس فان القانون بلاحقها فقط و ما عليه باي شخص احر حتى لو قريبه

مصطفى

[احمد سلطان]

اخوية جوزيف هبطت معنوياتنة شنو معقولة  مصر احسن من امريكا حتى ترجع خالتك

[ســـرى]

اخي احمد سلطان كل شخص وعنده ظروفه وهمومه فالافضل كل واحد يسوي الشي المقتنع بيه ماكو واحد يدري بظروف الثاني فخلونا نكون واقعيين تقبل نصيحتي الك اخي العزيز مثل ما اكو وظيفة تعجبك وما تعجب غيرك يجوز او ما تلاءمه، اللجوء والغربة هم نفس الشي، تقبل نصيحتي اخوية ومن رخصة الاخ جوزيف.

[ethan texas]

اخواني الاعزاء شكرا جزيلا وماقصرتو بس اخوية العزيز مصطفى اشون تكدر تغادر وترجع ورة سنة او ستة اشهر ؟؟؟ وهية ماعدها كرين كارت ؟؟

ممكن اتوضحلي

اخوية العزيز احمد سلطان خالتي متعرف تحجي انكليزي  وماعدها قابلية تتعلم  ومتكدر تشتغل ابدا بحياتهة ممشتغلة نهائيا فة صعبة تشتغل بمعمل او 8 ساعات جرة وحدة وباصات وسيارات 

هذة من ناحية ناحية اخرى ماعدهة اي تقبل او  صبر انو تتحمل غربة  وهية عدها شقتها بمصر رح ترجع الها 

اني كدامك موجود با امريكا وافتح بيت وحدي  اهلي مو وياية  واشتغلت وبطلت وهسة هم دا ادور على شغل واتعلمت ليش لان عندي قابلية فة محد يكدر ايقيس شخص على الثاني
اخوك جوزيف

اختي العزيزة سرى شكرا على مرورج ياوردة

[queen777]

تكدر تطلع ترفل دوكيومنت و تسافر

مصطفى

[صوفيا]

اخوية العزيز
اذا خالتك تريد تسافر لمصر وترجع ورة فترة لامريكا فلازم تملي استمارة I-131 واللي هيه Travel Document وبهاي الحالة تكدر ترجع بعد ستة اشهر او سنه لامريكا اما اذا متريد ترجع لامريكا فمتحتاج ان تملي هاي الاستمارة بس لازم تحجز وتسافر
هذا اللنك راح يفيدك ويشرحلك التفاصيل بالكامل
http://www.uscis.gov/USCIS/New%20Structure/3rd%20Level%20(Left%20Nav%20Children)/Resources-3rd%20level/How%20Do%20I%20Guides/D4en.pdf

من الرب التوفيق
صوفيا