ممكن مساعدة من الاخوان SIV او اي واحد مقابل بالسفارة ببغداد يوم 29/4/2010

[عراقي77]

السلام عليكم اخوان ان شاء الله بخير وعافيه
اخوان اني عائلتي قابلت يوم 29/4 ولحد الان مجاني لا رسالة ولا جواب مع انو اني استلمت الجواز ويه الفيزة بعد 14 يوم من مقابلتي بلا زحمه عليكم هذا الامر عادي لو الشغله لح اطول اشهر
وللعلم انو اني راسلت السفارة البارحه وكالتلي معاملةولدك ومرتك قيد المعالجه الاداريه بلا زحمه طمنوني الامور اوكي لو لح اطول وجزاكم الله الف خير مقدما
اخيرا ولدي واحد عمرة سنه ونص والخ اربع تشهر
السلام عليكم

[ســـرى]

اخوية اللي افتهمته منك انه انت اس اي في ومقابل اول شي بدون اهلك وهسه هم قابلوا وراك مو صحيح؟

بكل الاحوال اخوية هاي مو فترة طويلة كلش عادي ولا تتوقع يومية انه بلكي اليوم وباجر خليها على الله وانتظر واكو هواية من الاخوة تأخرت عليهم الفيزا شهر وشهرين واكو اخوان لحد الان صارلهم اشهر ورة مقابلة السفارة (طبعا الحالة الاخيرة مو هواية ولكن واردة) فانتظر وما بيدك غير شي ولا تلح عليهم بالسؤال يعني بالشهر مرة دز ايميل تستفسر تقبل تحياتي. اختك/سرى


شاركونا الاستفتاء بنعم او كلا
http://www.ankawa.com/forum/index.php/topic,411306.0.html

[عراقي77]

السلام عليكم
جزاج الله خير اختي بس تعرفين احنه العراقين ما عدنه صبر وعلى كلا طبعا ما عدنه غير الصبر بس اني من سالت بس حبيت اعرف بالعادة والامور العادي شكد اتطول بس مو اكثر وتسلمين على ردج السريع
شكرا
اخوج

[ســـرى]

اخوية انطيك مثال اكو اخ عزيز بالمنتدى اخذ الفيزا ورة 3 ايام وطبعا هاي حالة نادرة وعندك اني وزوجي وطفل اخذناها ورة 10 ايام بس اتضح انه الفيزا من قبل 6 ايام صادرة بس التعطيل بالدي اتش ال واكو احد الاخوة هنا ورة 4 اشهر استلمها مع العلم ما عنده عسكرية ولا شي يعطل واكو عدنا همين اختنا عزيزة صارلها من شهر ال9 مقابلة ولحد الان فليش اكوللك محد يكدر ينطيك موعد بس انت انطيهم مجال شوية فد اسبوعين الى شهر وشوف شنو النتيجة وموفقين ان شاء الله.



شاركونا في الاستفتاء بنعم او كلا
http://www.ankawa.com/forum/index.php/topic,411306.0.html

[عراقي77]

السلام عليكم
والله اختي ما اعرف شكلج يمكن الموضع صدك بيد الله سبحانه وتعاله بس اكلج الله يجزيج بالف خير ويبارك بيج ويطيج على نيتج الطيبه يارب بس حتين تعرفين ليش اني مستعجل لان زوجتي مقابلة لان جانت حامل واجاني ابني محمد ولحد الان ما شايفه هسه عرفتي ليش اني مستعجل بس على كولتج نخليها على الله وان شاء الله الله كريم بس ها لتحرمينه من دعائج انتي والي تعرفيهم والي يقرون الموضوع الله يجمعني وبولدي وزوجتي لان الغربه صعبه وصعبه حيل وما اوصيج الله الله بالدعاء وجزاج الله الف خير وانطاج على كيد نيتج الطيبه
اخوج حامد

[ســـرى]

دعاءنا الك اخونا العزيز وان شاء الله يجمع شملكم يارب وتنسون هاي الايام وتصير سوالف.