سكان ولاية الاسكا من العراقيين

[سيد زيان]

ارجو من سكان الاسكا من العراقيين الرد اولا انتم اشكد عددكم واشلون اموركم بهاي الولايه

[(بغدادي)]

مع الاسف بعده الحزب ما فتح فرقة بذيج المنطقة لان كلهة تفلت من يسمعون ايفادهم لهناك بس انشاءالله نلكفلنه واحد ونجنده..حبيبي اتشاقة وياك بس انشاءالله الاخوان هناك ايردون ولو اني صارلي سنة ونص بالمنتدى ما شفت واحد هناك كاعد..

بغدادي

[طيوب 121975]

بغدادي حبي افتح فرقه هناك وسوي بدل اشتراكات تره استفاده وانو اخوك عضو متدرب الز الحسابات هههههههههههههه وتره  خويه الاسكا مالك والبرد الله يعينك والعراقيين ما يفضلوها هوايه قبل فتره شفت ولد بالمنتدى يسال عنها بس ماذكره دور الارشيف  تلكاه

[Safaa Alkhrkhy]

والله خويي اني المنظمة ببغداد قبل كم شهر طلعولي لجوء بالاسكا بس اني طلبت تغييرها لانه اجاني باص من اكثر من مكان انه هاي الولاية (بالمنكطعة) يعني بعبارة اخرى (انت وربك ياموسى!!) وتم تغييرها والحمد لله !!!

[علي النعيمي]

اخي العزيز هاي ولاية تقع بصف كندا قرب القطب الشمالي واشترتهة امريكا من كندا وصارت ولاية امريكية وبيهة نفط وسكانهة يمكن كلش قليل يمكن بالالف نسمة وانطيك الخبر الصحيح بعدين حاول تكساس احسلك واكو اخت طلعلهة لجوء وحولت غير ولاية  وتقبل تحياتي وحجيبلك معلومات اكثر اذا تريد بس بارددددددددددددددددددددددددددددددددددة

[سيد زيان]

يا جماعه انا افكر اسكن الاسكا لان يقولون بيها خوش شقل لان باكثر الولايات ما بيها شقل وبعدين بالاسكا الواحد ما يحتاج سياره بس يحتاج عربانه وجلبين يسحبونها الله يكرمكم احسن من البانزين ودوخت الراس ونصدر ثلج للعراق خووووووووووووووووش شقل هههههههههههههههههههههههههه بس ما معقوله ان هاي الولايه ما بيها عراقيين انا سامع ان بيها عراقيين ساكنين

[ســـرى]

يجوز ما عدهم انترنيت ويدخلون للمنتدى من البرررررد!!!! تحياتي اخي العزيز وبلكي اكو احد يطلعلك بالاسكا.

[freeman2]

اخي العزيز

التوطين بداخل الولايات المتحدة في جميع الولايات ضمن القارة الامريكية (امريكا الشمالية كما يسميها الامريكان) عدا ولايتي الاسكا و هاواي لا يوجد فيها توطين ابدا

شكرا

ابوهدى

[بغداد بقلبي]

يايابه حتى بالاسكا اكو عراقيين هههههههههههههههههههههههههههههه هاي احنا عمي يمكن فد 50 سنة يظهر  رئيس اميريكي من اصل عراقي او باوربا يالله عمي الاسكا مو كلها تنسكن بس منطقه بسيطة وعايشين على سمك السردين لا اخوان تره اتشاقه والله تقبل مروري اخويه بس فكرت تصدير الثلج للعراق رهيبه ودك فلوس

[Ali from baghdad]

اضافه بسيطه بخصوص الاسكا ، حاليا بعد ان اقر الكونغرس صلاحيه التنقيب المحدود في بعض مناطق الاسكا بشرط المحافظه على البيئه ، شركات النفط مثل هاليبرتون وغيرها بدأت بالتوظيف في الاسكا ، ولكن في كل مره كان التوظيف في البقاع النائيه يكون لصالح الموظفين الغير مهره او بدون خبره عاليه ، ولكن الغريب هنا ان التوظيف بدأ باعلى الخبرات ولا زال مقتصرا عليهم ، طبعا مع رواتب مناسبه .
هذي المعلومات كانت من قبل بعض الاشخاص الامريكان ممن لهم اخوان وازواج يعملون في الاسكا .

شكرا

[(بغدادي)]

الاخ طيوب اتبرع يفتح فرع للحزب هناك وياجر كم دب قطبي ونشغلهن على الخط من علاوي الاسكا للفرقة واول 6 اشهر ماكو اشتراكات وراهة الاشتراك جولة كل راس شهر..اخي العزيز كلامك صحيح بخصوص الشغل واكثره بحقول النفط بس معلوماتي قليلة بهالموضوع..

بغدادي

[lionofiraq]

  خطية هسة تلقاهم متجمدين كلهم ههههههههههههههههههه