اخي دوف
اني هم قابلت اولى وثانية بشهر الرابع وانتظر محلفين
اخي فعلا انت ماطول قابلت لا تغير بالقصة بعد.. انت ممكن تضيف شي وتكول ما سألوني عليه لكن معلومات مساعدة مو جوهرية.. يعني اذا بمقابلة المحلفين تكول اني متهدد و مكايل بالثانية ترا مو خوش.. فانت التزم بكلامك بالثانية
واكو شي كلته قبل.. يا اخوان مرة موظفة اليو ان كالتلي.. اعادة التوطين يشمل كل عراقي تضرر بطريقة مباشرة وغير مباشرة بالحرب.. يعني مباشرة كأن يكون تهدد او تعرض للخطف او اي شي من هذا القبيل.. غير مباشرة هي الحالات الانسانية اللي نتجت عن الحرب.. مثلا اني محد مهددني بالعراق يعني احزاب و سنة وشيعة.. لا.. لكن طليقي مهددني ياخذ بنتي.. وهنا بالاردن نتيجة الحرب صار العراقي مينجرع وين متكول عراقية لو عباله مو خوش وحده لو لا عيني منشغل عراقيين
فاني منين يعني اعيش اني وبنتي.. هذا غير انه اني من تخلص المشن مال الامم شلون ابقى؟ لا اقامة ولا حتى اوراق وجواز سفر لبنتي.. فتوكل على الله اخي بس خليك متماسك وصادق وسوي مثلي.. اقرا موضوع الاخ الكريم عكعك عن المحلفين و اخذ فرة بالمنتدى شوف الاخوة شصار وياهم بيوم المحلفين.. وهمين مرة الكابتن علي (الله يحفظه) >> عبالك الريس ههههههههههه المهم نصحني ان اكتب قصتي على ورقة وابقى اراجع بيها.. وانقل التواريخ من الجوازات بالتسلسل واحفظها.. وهذا الكلام كاله الاخ عكعك ايضا وراح يفيدنا هواية.. همه المحلفين ممكن يعذرون كبار السن اذا نسوا التواريخ بس خاف احنا ميعذرونا لذلك الاحسن نحفظها.. وسبحان الله اللي روايته صحيحة ماكو صعوبة لان هي على البال و احداث حقيقية
موفق اخي وانشالله يخابرونا باقرب وقت على المحلفين
