مات قلبي

[احسان عبدعلي]

مات قلبي وبعده يتنفس هواك
وانت قلبك ما انكسر لمن بجيت
مات قلبي وبعده يسألني عليك
واعترف لك بس الك اني انحيت
اني ورقة وطايرة بأعالي الرياح
ومن طحت بيدك حبيبي تمزكيت
قلبي كاروكك صبح ليل ونهار
عده عمري وانت نايم ماصحيت
عيني صلفه مابجت صدكني مره
لاكن بساعة اختنك قلبي وبجيت
من شفتني واني اجيتك من بعيد
اجيتك اركض واني بدموعي... انعميت
ولن انت مغطي عيونك بالجفوف
ورحت عني واني كلي اتحطميت
ورده خدك باللمس تتعب اكيد
واني شاطر لكن بقربك فهيت
شريد اسوي وانت ايه من الجمال
ردت اصير وكح لكني استحيت
اعطشت مره وردت ابوسك واستراح
والهث بشوكي اجيتك واعتنيت
من وصلت يمك وردت ابوسك
شفت غيري باس خدك وانتهيت
 

[اسعد الزبيدي]

الله حيو احسان     عاشت ايدك   

[بابا عابـــــد]

 الأخ العزيز @ إحســان عبد علي @
     سلامة قلبكم !
        تحاتنا الخالصــــة ...