المقابلة الثالثة في اسطنبول وتفاصيلها؟

[كابوس]

يا اخواني الطيبين... انا سويت مقابلتين الاولى والثانية بالشهر السابق وهسة منتظر المقابلة الثالثة وية الوفد الامريكي... وبصراحة اكو هواية ناس اهنا بأسطنبول حجولي عالمقابلة الثالثة وخلوني اعيش مرعوووب... يعني سهر وبدون نوم.... فأرجوكم اذا كان اي واحد مسوي المقابلة الثالثة وخاصة بهذا الشهر ان يكتب شوية عن تفاصيلها؟

اخوكم

كابــــــــــــــــــــــــــوس

[Turkish_Girl]

احنا سوينا المقابلة الثالثة بهذا الشهر قبل  اقل من اسبوع و كانت سهلة كلش و ابد لتخاف مقابلة عادية اسهل من الثانية اني حاولو يغلطوني بالتواريخ الي تخص القضية مالتي مثلا انتِ هيجي كلتي باليو ان اشو هسه هيجي دتكولين  كلتلهم لا اني مكايله هيجي كال المحقق اوكي و يسألون  اذا انت داخل لغير بلد و مقدم على اليو ان او مقدم على فيزا او داخل سفارة امريكية او مشترك بحزب او تدعم جماعات مسلحة و ياخذون البصمات مالتك و ياخذولك صورة و يسألوك على عنوان الكفيل اكتب معلومات الكفيل مالتك و رقم الموبايل بورقة حتى من تروح تنطيها الهم  و يسألوك اذا انقبلت على امريكا رح تحترم القانون الامريكي
اهم شي لتخاف و لتفكر صدكني كلش بسيطة اهم شي تركز على الاسئلة و اذا متفتهم شي كول للمترجم يعيد السؤال عليك و بالنسبة للدين اني مسألوني شي و يسألون المنطقة مالتك شنو غالبيتها
و اذا عندك سؤال اني موجودة
و بالتوفيق

[كابوس]

شكراً تركش كيرل والرب يباركج.... وانشاء الله يكون سفركم قريب جداً....


اخوج

كابـــــــــــــــــوس

[Turkish_Girl]

اجمعين ان شاء الله

[ام مشمش]

طبعا اكو موضوع الاخ عكعك
ثاني شي اني قابلت والله العظيم المقابله اسهل شي مع اني جنت منهارة ومرعوبه
اتوكل على الله ولتخاف

[كابوس]

شكراً اخت ام مشمش على الرد الكريم...

تحياتي


كابـــــــــوس