*** عراقي ومشكلتي حنين***

[hani sabah]

         *** عراقي ومشكلتي حنين***


عراقي     ومشكلتي   الوحيدة      أني      حنين
ذايب    بحب   الوطن   وشايلة     بطرف     العين
  
وين   مارحت    الناس    بأول    نظرة     كرهوني
عندي   جواز   قديم    وما   معترف   بيه   قانوني

لااكدر   اسافر   مكان   ولااكدر   ادخل    مطارات
قبل   مايعرفوني   عراقي  يكولولي  اقبح  العبارات


هذا حال  العراقيين  وين  مانروح  يسدوها  البيبان
والله  لا  احنا  جماعة  صدام  ولا  جماعة   طالبان

بس  كولولي  لشوكت  نتحمل  مو  دمرتنا  الحروب
والله  احنا   صبرنا   صبر   اجاوز   من   صبر    ايوب
 
دخلونا  بحصار  والحصار  طول علينا   عشر   سنين
وشنوا ذنب هذا  الشعب  راحو  من  عنده  الملاين

شنو الي استفادينة من  النفط  والكل  طمعان  بينا
ياريت  لوماعدنا  النفط  جان  هسى  والله   ارتاحينا

احتلونا بحجة نظام السابق رادو  من  عنده  يحررونا
وهاي مرت سبع سنين والشعب جاع واتفرغ ماعونا

والله اول  ما   دخلوا   علينا  حسيت   الوطن   ضاع
وعرفت راح يجي  يوم  البشر  بأرخص  الثمن   ينباع

سوها   الاوغاد  وزرعوا    بيناتنا   الحقد   والكراهية
بعد ماجنا شعب  واحد  مسيحي  ومسلم  ويزيدية...




                  مع تحيات هاني العراقي

[/b][/color]

[haigo]

عشت على كلماتك والله كلامك جوهره


تحياتي واحتراماتي

[البغديدي]

مشكلتك اسهل من عدها ماكو
جوازك القديم يتبدل وانت ماكو
بس ورق بالاخضر وانت ماكو
يوصلك جواز جديد وانت ماكو

مودتي الفائقة لهاني صباح

[نادر البغـــدادي]

     خاطرة رائعــــــة !!!
        تسلم الأيادي ,
           تحياتنا القلبيـــة ...

[نورس من مانكيش]

كلمات وتعابير تلوك بكل مواطن عراقي سواء كان بلغربة او بلوطن ...لان براي ماكو فرق حتى العراق المتواجد بلوطن هو متغرب...عاشت الايادي..
تقبل مروري وتحياتي
دمت بحفظ الرب

[MUNIR_QUTTA54]

 عايش بالغربه 00 وهاي سنين وعشته بعد ماانطيت للوطن احل ايام عمري وسنينه وشفت الماشاف

 من الضيم ترابه اني هم وبعدها لاحتني الفركه لاكن صدكوا يناس يابشر بكل ارجاء هل المعموره

 من قبل ولابعد راح اشوف مثل العراق والعراقي الي انحكم عليه بالداخل وان انحكم عليه وهو بالخارج

 لازم التاريخ يلغي منه كل اسم تسمة بالوطنيه ويأرخ أبمكانها اولا ألأم العراقيه والبنت والاخت والجده

 والجد وكل اب شهيد انطه روحه لاجل اتراب العراق محافظ بيه اعلى شرفه وسمعة وطنه ومااصدك

 ولااصدك يوم راح يجي مثل هذا الانسان راح ينسى خبزة التنور والاستكان الجاي وجلمة الله يساعدك

يابه الله ابخير اي لسه الله ابخير ولابد خير راح يعم علينه كلنه وبلايا شاهد وكفيل ينراد بعد النه غير هم

 يضل يصيحون دخيلكوم انتم الصابرين اصبر من صبر ايوب مانريد منكم بس تردون السلام علينه 00

             وعليكم السلام يااحلى انسان الي كلك محبه ومحنه ومن الله اجتنه لانه الله محبه


        سلام الرب معك



   منير قطا

[سمث كارلو]

عااااااشت الايااااااااااااااااااااااااااااااادي .............................

[شقلاويه]

روووووووووووووووووووعه

[سمث كارلو]

اهنيك على روحك الجميله