ܪܚܡܬ ܠܥܕܙ ܣܘܪ̈ܝܝܐ
ܟܡܐ ܪܚܝܡ ܐܢ̱ܬ ܠܥܙܢ ܣܘܪܝܝܐ
ܕܡܢܟ ܪܝܚܐ ܕܚܝ̈ܐ ܢܣܘܩ
ܕܐܢ̱ܬ ܗ̱ܘ ܣܓܘܠܢ ܡܪܢܝܐ
ܘܡܢܟ ܚܠܝܘܬ ܫܘܒܚܢ ܢܡܬܘܩ
ܐܢ̱ܬ ܗ̱ܘ ܓܙܐ ܕܟܠ ܚܟܡ̈ܬܢ
ܘܥܘܬܪܐ ܪܚܝܡܐ ܕܐܒܗ̈ܬܢ
ܐܢ̱ܬ ܗ̱ܘ ܚܒܝܒ ܠܒ̈ܘܬܢ
ܒܟ ܗ̱ܘ ܕܒܝ̈ܩܢ ܢܦܫ̈ܬܢ
ܣܡܐ ܠܠܒ̈ܘܬܢ ܐܝܬܝܟ
ܘܢܘܗܪܐ ܠܥܝ̈ܢܐ ܘܠܒܒ̈ܬܐ
ܘܫܘܦܪܐ ܕܚܝ̈ܐ ܩܕ̈ܡܐ ܐܝܬܝܟ
ܘܡܥܝܢܐ ܕܟܠܗܝܢ ܛܒ̈ܬܐ
ܡܢܟ ܝܢܩܝܢܢ ܚܠܝܘܬܐ
ܗܳܝ ܕܫܒܩܘ ܠܢ ܐܒܗ̈ܬܐ
ܕܒܟ ܗ̱ܘ ܚܡܝ̈ܠܢ ܟܠ ܝܕ̈ܥܬܐ
ܕܐܢܗܪ̈ܝ ܗ̱ܘ̈ܝ ܟܠܗܝܢ ܦܢܝ̈ܬܐ
ܐܦܪܝܡ ܪܒܐ ܒܟ ܗ̱ܘ ܡܠܠ
ܘܒܟ ܣܡ ܡܕܪ̈ܫܐ ܘܣܘܓܝ̈ܬܐ
ܘܝܥܩܘܒ ܕܣܪܘܓ ܒܟ ܗ̱ܘ ܗܠܠ
ܡܐ̣ܡܪ̈ܐ ܬܡܝ̈ܗܐ ܘܟܠ ܥܘܢܝ̈ܬܐ
ܦܝܠܘܟܣܝܢܘܣ ܗܰܘ ܢܨܝܚܐ
ܒܟ ܐܒܥ ܠܢ ܟܠ ܝܕ̈ܥܬܐ
ܘܒܪ ܥܒܪܝܐ ܛܪܩܐ ܫܒܝܚܐ
ܒܟ ܐܟܬܒ ܠܢ ܟܠ ܚܟܡ̈ܬܐ
ܐܢ̱ܬܘܢ ܐܘ ܒܢܝ̈ ܣܘܪܝܝܘܬܐ
ܗܘܘ ܠܗ̇ ܣܒܪܐ ܕܚܝ̈ܐ ܠܐܘܡܬܐ
ܕܟܒܪ ܬܩܢܐ ܒܟܘܢ ܚܐܪܘܬܐ
ܘܚܘܒܐ ܕܟܝܐ ܘܗܝܡܢܘܬܐ.
ܡܪܝ ܦܘܠܣ ܒܗܢܐܡ
المطران بولس بهنام
من كتاب أضواء على أدبنا السرياني الحديث
بقلم الشماس أوكين منوفر برصوم
اعداد: حزائيل داوود
