قجق من تركيا وملزوم شنو موقفة من SIV , IOm

[swah]

السلام عليكم اخواني واخواتي الطيبين
اني قبل 3 سنوات طلعت من تركيا الى اليونان قجق و انلزمت بتركيا واخذولي بصمات وصور سؤالي بالنسبة للهجرة و اللجوء اذا كلتلهم اني رايح التركيا راح يعرفون بهذا الشي لو لا لان كلش مدوخني هذا الموضوع ومدا انام الليل من ورا بلكي اي احد عندة معلومات على هذا الشي واكون حيل ممنون والمشكلة بالمقابلة الاولى كلتلهم اني رايح  لتركيا وهسة عندي مقابلة ثانية بداية الشهر الجاي



اخوكم سواح

[Linda1]

اخي سواح,


انت موجود بالجواز مالتك انه رايح لتركيا لو لا؟  اذا موجود بالجواز مالتك  لازم تكلهم انت رايح لتركيا , واذا انت بالمقابله الاوله كلتلهم مسافر لتركيا لازم بالمقابله الثانيه تكول نفس الحجي , وهذ اهم شي بالمقابله ويه الاي او ام  , يعني تطابق كلامك بالمقابلتين ,  وبالنسبه للبصمات مالتك, هم ميدققون وراك هلكد اذا ما عندك مشاكل امنيه ...وبالتوفيق.

تقبل مروري

Linda

[swah]

شكرا اخت ليندا على الجواب اني بالجواز حاليا ما موجود انه رايح التركيا بس المشكلة انو اني لزمونة بتركيا على الحدود واخذو بصماتنة وصور بس اريد اعرف انه بالتجيك الامني راح يعرفون هذا الشي لو لا لان الشغلة ما خالتني انام الليل وما اعرق شسوي

اخوكم سواح

[عكعك التطوى]

اخي بالاضافه على كلام اختي لندا المساله متحتاج الى هذا القلق حتى لو عرفو بهذا الشي
فليس له تاثير على قضيتك وهناك العديد مثل حالتك واعرف ولد انلزم 3 مرات بتركيا
وبماليزيا وانسجن فتره بماليزيا وهسه بامريكا وولد رجعوا من السويد بعد ان حصلوا على
الرفض وقدمو وسافرو وذكرو كل التفاصيل فلا تقلق من الموضوع

تحياتي

[swah]

والله اخوية عكعك رحم الله والديك على هذا الرد الحلو الي بي امل بس والله تعرف اني ما كتلهم انه انلزمت لان هو سالني كلي هل انت معتقل سابقا او محبوس كتلة لا اخاف اذا عرفو هذا الشي راح يكون سلبي والله ما اعرف شسوي اني لو ما كايللهم مو احسن


اخوك سواح

[Linda1]

  اخي صاحب الموضوع,

  تكدر تكللهم انت مسافر لتركيا بجواز قديم وانتهى, مثل متفضل الاخ عكعك الشغله متسوه كل هذا القلق ونصيحه لتكللهم انت انلزمت او اعتقلوك سابقا لان راح تصير قضيه طويله وانت ممسوي شي ,فليش  تفتح باب على نفسك وصدكني هم ميجيكون وراك هلكد يعني استمر بمعاملتك ولتفكر اصلا بهالشي اعتبرها
رحت سفرة عاديه لتركيا بجواز سابق وهسه تشوف معاملتك تمشي وتكمل وماكو شي انشاء الله بس الخير
ويوم الي تحصل الفيزا يا رب.

تحياتي الك

Linda

[swah]

مشضكورة اخت ليندا ورحمة الله والديج على رفع المعنويات والله يسهل على الجميع بتحقيق جميع الحاجات
اخوكم سواح

[وطني العراق]

السلام وعليكم

اخي العزيز انشاء الله ما يأثر على ملف توطينك لان انا مثلك ذهبت لتركيا وماصارت الطلعه مناك فرجعت لسوريا وقابلت وكتلهم انا كنت مسافر لتركيا لاجل الهجره بس ماصرت وهما ما سألو بس ماكتلهم عندي بصمات لان البصمات بتركيا ماتظهر عدهم وهذه المعلمومات عن تجربه شخصيه وانا هسه بامريكا ومأثرت علي بشي والله يوفقك انشاء الله تتوطن بغير بلد وترتاح

اخوك ابو طارق

[kunda]

حبي اني نفس موضوعك همينة فايت على بلدين قجغ وذاكر هذا الشي ولحد الان مامستلم كوم والله يستر اني هم خايف مثلك 
بالمناسبة يسموها قجغ    مو قجق ههههههه لان اني خبير بيها

[swah]

والله خوية عاشت ايدك على التعديل بالاسم ولو هي اذا على التسمية جان احنة بخير هههههههههه
على كل حال الله اليستر ويجعل ما بين ايديهم سدا ومن خلفهم سدا ويعميهم ونعبر بسلامة


تخوك سواح

[swah]

اخوية عراقي سابقا اشكرك جزيل الشكر على الرد الوافي وما قصرت بس والله هي شغلة تحير حيل اني راح اكللهم اني رايح الى تركيا والسلام وبقت هي يم الله ويمهم اذا رادو يسهلوهه لو لا



تحياتي ومشكور مرة ثانية
اخوك سواح