اللاجئين العراقيين في لبنان

[alisalam2010]

السلام عليكم اخوتي  واخواتي في كل مكان ارجو من كل العراقيين المتواجدين في لبنان الانضمام لي للمشاركة في التجارب التي نمر بها لنفيد بعضنا وافادة غيرنا لانني لم اجد منتدى خاص باللاجئين العراقيين في لبنان .
عن نفسي انا قدمت للبنان لاول مرة في بداية 2008 وكنت متزوجا حديثا وسجلنا لدى المفوضية السامية لشؤون اللاجئين في بيروت وفي احداث ايار ساء وضع زوجتي الصحي ووضع لبنان الامني وتحت الحاح من جميع الاهل والاصدقاء بان الوضع الامني اصبح مستقرا في العراق عدت في ايار وبعد فترة اتضح ان الاستقرار الامني كان مجرد وهم وان الشر لم يزل بل اختبأ ليبدأ بالظهور تدريجيا حتى اضطررت لمغادرة العراق في ايلول 2009 ومعي زوجتي وابنتي البالغة من العمر 6 اشهر انذاك وفي الشهر 10 2009 سجلت ابنتي وجددت ورقة الحماية وقابلت مقابلة توطين في شهر 12 2009 ثم مقابلة اي سي ام سي في 10 اذار 2010 واخيرا الوفد الامريكي في 5 ايار 2010 اي قبل اسبوعين تقريبا وبانتظار النتيجة والفرج باذن الله الاسبوع القادم مع تمنياتي للجميع بالتوفيق
ارجو مشاركتكم خصوصا انتم الذين في لبنان
وشكرا لادارة المنتدى ولجميع الاخوة خصوصا الاخ عكعك الذي استفدت من مقالاته كثيرا في مقابلتي الاخيرة مع الوفد الامريكي
 

[دكتور عراقي]

الأخ العزيز علي سلام..
شكرا لك على الموضوع..
طبعا أنا من اللاجئيــــــــــــــــــــــــــن في لبنان
وأنتظر أيضا نتيجة الوفد حيث أني قابلت الوفد من أسبوع تقريبا
سمعت أنه الوفود كثيرة هذه الفترة حتى الوفود الأوربية الله يسهل انشالله على الجميع
أتمنى من أخواننــــــــــــــا في لبنان يشاركونا أيضا
وشكرا

[green card]

مساء الخير اذا كان مساءا  .. صباح الخير اذا كان صباحا

تحياتي لاخوي العزيز (( عراقي بلبنان ))

طبعا مقدما يجوز اني اطلع اعرفك بس ناسيك او شايفك بفد مكان .. المهم

اني صارلي سنة وستة اشهر هنا بلبنان وخلصت كل شيء من الامم كل المقابلات والفحص والدورة التثقيفية كملتها من تاريخ 32-1-2010  ولحد هسة كاعد انتظر والله متت من الانتظار وما اكو شيء

نكول الله كريم والصبر مفتاح الفرج بس طولت هوااااااااااااااااااااااااااي

كل جماعتي سافروا واني بقيت هنا

الله يسهل للجميع

[kunda]

السلام عليكم ماعتقد اكو واحد عندة ملف اقدم مني بلبنان اني انرفضت سنة 1999 وقدمت استئناف هم اجاني رفض سنة 2000 وقدمت استرحام (جان على زماننا)وهمينة اجاني كالعادة رفض ههههه شبعت رفوضات من العزيزة لبنان وطبعا حافظ الموظفين مال يو ان واحد واحد ووحدة وحدة والله لو اشوفهم بالعراق هسه اوييييلي شسوي بيهم

[alisalam2010]

الظاهر جماعة لبنان مشغولين بلشغل وبظروف لبنان الصعبة وماعدهم وكت يتصفحون النت والمنتدى او حتى لو دخلوا المنتدى مثل ماجنت انة محد يعلق او يشارك لان ماكو وكت ومزاج ...اخوية  كوند انتة شنو هسة بلعراق؟ واخي كرين كارد ليش هلتأخير بملفك وجماعتك كلهم سافروا؟ راح ادزلك رقمي علخاص اذا تحب او انتة دزلي رقمك خلي نتعارف ونستفاد من بعض

[دكتور عراقي]

اخويا كرين كارد أنت من جماعة الملف الأمني؟؟ وليش تأخرت هلكد شنو السبب؟؟
وأخويا كوندا أنت حاليا بلعراق؟؟؟وليش رجعت؟؟شنو عفت اللجوء؟؟ شعجب شنو يأست
الله يوفق الجميع
بلكي تطلع نتائجنا ويا الاردن يوم 29
تحياتـــــــــــــــــــــــــي

[عكعك التطوى]

الله يسهل عليك وتفرحنا بموافقتك عن قريب ان شاء الله

تمنياتي لك بالتوفيق

[alisalam2010]

شكرا لمرورك اخي عكعك الله يوفقك انا من اشد المعجبين بمقالتك حول المقابلة مع المحلف ونفذت تعليماتك بحذافيرها وكانت مجدية جدا رغم ان مقابلتنا اسهل بكثير مما صورته لنا ولكن رغم هذا لو لم ادرس ما كتبته انت لصارت حتى هذه السهلة صعبة اشكرك جدا واتمنى ان نلتقى سوية مع كافة اخوتنا في امريكا ونؤسس مدينة زغيرونة هناك ونسميها ليتل عين كاوا اوف ايراك هههه تحياتي

[alisalam2010]

اخواني واخواتي العراقيين في لبنان ارجو المشاركة حتة لو بس السلام عليكم او هلو حتة علاقل اعرف اكو ناس بلبنان متابعة ويانة بالمنتدى وواحد يكدر يفيد الثاني

[الفهد السباح]

حبيبي الغالي اني كنت في لبنان وسافرت منها الى امريكا - ميشكان وبقيت في لبنان سنة وشهر واي سؤال اني حاضر وتأمرني

[alisalam2010]

شكرا من القلب اخي الفهد السباح وياريت تبقى متواصل ويانة وياريت باقي الاخوة والاخوات اللي بلبنان او كانوا في لبنان يشاركونا ترة الغربة مررررة وتواصلنة مع بعض يساعد هواي وينطي صبر... اخوية العزيز بداية باي سنة سافرت ؟ وكيف سارت معك الامور يعني مشت عدل لو صار استئناف او اعادة مقابلات ؟ واشكرك مرة ثانية على مرورك

[علي ياسين]

اتمنى ان يكون الجميع بخير
قدمت على اليو ان في 4/12/2009ونطوني موعد اول مقابلة في3/3/2010وفعلان قابلت اول مقابلة وحولوني الى اعادة التوطين والموعد في 4/8/2010واني هس منتظر الموعد وما اعرف اشراح يصير وانشاء الله اخبركم كل شي يصير ويايه
واذا احد عنده سأل على المراحل التي مريت بها اني حاضر

تحياتي للجميع

[alisalam2010]

الاخ علي ياسين بارك الله بيك واهلا وسهلا بيك وانشالله ربنا يسهلها عليك وتفرج بسرعة واي سؤال تحتاج جواب عليه راح احاول وراح يحاول الاخوة الموجودين بالمنتدى الرد عليه بما تمكنا عليه واكيد تعرف انه في مقابلة التوطين  راح يحددولك الدولة الثالثة والله كريم الباقي وبالتوفيق انشالله

[علي ياسين]

الله يسلمك حبيبي
 والتوفيق للجميع

[kunda]

السلام عليكم اي نعم اخي العزيز اني بالعراق حاليا ومقدم أو بالاحرى (ضاحك على نفسي )وعود مقدم اس اي في ووكذلك اي او ام وماكو اي نتيجة الظاهر راح يصير بيا مثل ماكان يصير ويايا بلبنان والاردن ومصر من كل مرة اقدم واخذ رفض يأخي الظاهر هالناس أكتشفوا بيا شي اني مااعرفة يريدوني ابقى بالعراق العظيم يمكن اني المختار اللي راح اصفي الوضع وأسوي العراق جنة واخلي كل اللي انقبلوا (اللي جنت اغار منهم واحسدهم) اخليهم يغارون من العراق هههههههه
وبالنسبة لسؤالك ليش رجعت احب اوضحلك انه اني مارجعت بكيفي  همه مسكوني ورجعوني بالقوة لانه بوقتنا ماكو عراقي يفوت قانوني الى لبنان او عندة اقامة ((الا الذين امنوا وعملوا الصالحات))
ومن الجدير بالذكر انه اكثر من نص عشيرتي انقبلوا وسافروا من لبنان بضمنهم عائلتي وهسه بالخارج فرحانين ومكيفين ومتونسين وسعيدين ومتفائلين وبشوشين .
وعليهم

[alisalam2010]

الاخ كوندا خليهة ابالك " ليس المهم ان نحقق مانريد وانما المهم انك قد حاولت بافضل ما عندك " عندها لن يحاسبك الله "الم تكن بلاد الله واسعة فتهاجروا فيها" ولا ضميرك ولا احد لانك قمت بافضل ما عندك وهذا هو المهم اما الباقي فعلى الله وعليه فليتوكل المتوكلون وعسى ان تكرهوا شيئا وهو خير لكم بس يا اخي لازم دائما يبقى عندك امل وتفاؤل وكن مستعدا دائما عندما تاتيك الفرصة المناسبة باذن الله ان تستغلها

[الفهد السباح]

السلام عليكم

تحية طيبة الى كل اعضاء عنكاوا الطيبين

قدمت لليو ان في لبنان يوم 30-3-2009  وانطوني موعد اول مقابلة بعد مرور شهرين والحمد لله مرة بسلام وبنفس اليوم انطوني موعد مقابلة اعادة توطين باقل من شهرين وايضا كانت سهلة والتوفيق من الله وكلي موظف التوطين راح احول ملفك icmc وبعد مرور 70 يوم اتصلو بينا icmcوحددوا موعد للمقابلةبعد مرور اسبوع طبعاا  المقابلة كانت كلش سهلة ومتعاونين كلش ويانة وهم كالت راح احول ملفكم للسفارة الامريكيةوبعد مرور 3 اشهر اتصلو بينا على مقابلة الوفد الامريكي وبالنسبة الي كانت اسهل مقابلة وبعد مرور 10 ايام اتصلو بينا للفحص الطبي والدورة التثقيفية يعني ورة مقابلة الوفد الامريكي ب4 اشهر انطونا موعد للسفر والحمد لله وصلنا الى امريكا وكانت المده شي على شي سنة وشهر وبدون عراقيل بس هم الواحد خلال هذه الفترة يمر بقلق...وتحياتي للجميع بالتوفيق والنجاح

[alisalam2010]

اخوية العزيز الفهد السباح شكرا جزيلا لمشاركتك لان اخوتنا العراقيين في لبنان محد ديشاركنة ..انة بالنسبة الي نفس سالفتك تقريباقابلت يو ان 4-10-2009 ووراها بشهرين توطين ووراها بتلث اشهر اي سي ام سي ووراها بشهرين ونص وية الوفد واسهل مقابلة وكانت 5-5-2010 اي قبل 3 اسابيع تقريبا ولحد الان لا فحص ولا دورة ولا خبر بس حبيت اعرف ورة مقابلتك للوفد بشكد حصلت النتيجة؟ مع تمنياتي بالتوفيق 

[الفهد السباح]

 اخي العزيز علي

يعني ورة مقابلة الوفد تقريبا 10 ايام اتصلو بخصوص الفحص الطبي ويعتبر الفحص الطبي هو موافقة المحلف بيك وتقريبا وره 20 يوم من مقابلةالمحلف استلمنا الظرف وبنفس الوقت حددو النا موعد للدورة التثقيفية..واي سؤال اني حاضر. سلام الرب معك

[alisalam2010]

شهر  حزيران بداية البداية او بداية النهاية لا اعرف ولكن خلال اول اسبوع المفروض نعرف راسنة من رجلينة وهية بيهة احتمالات : اما قبول والحمد لله   او  قيد الدراسة يعني علشحن او رفض ووراها لو نحول لغير دولة لو نستأنف 
واخر شي وهاي المودة الجديدة "لا قرار " وحسب ما فهمت انها خليط بين قيد الدراسة وقبول ورفض يعني زلاطة ...المهم نحن قابلون بما يكتبه الله لنا من نصيب فلن يصيبنا الا ما كتب الله لنا واننا قد سعينا في امرنا والباقي على الله وهو احكم الحاكمين وليس لنا الان الا الدعاء والتأمل والترقب والتوفيق للجميع

[علي ياسين]

اتمنى ان يكون الجميع بخير

هل يمكن التقديم iomمن لبنان بدون المرور un.....وشلون

تحياتي للجميع

[alisalam2010]

الاخ علي ياسين العزيز حسب علمي في لبنان لايوجد طريق للتقديم على اللجوء غير اليو ان اللي يحولوك الى اي سي ام سي في حالة الملف على امريكا او وفود من غير امريكا مباشرة واحب اكللكم اليوم الظهر خابروني اي سي ام سي كالولي تجون الجمعة الوحدة ونص الظهر تستلمون النتيجة وراد يحدد موعد دورة تثقيفية بس واحد يمة كللة لا همة يجون ونكللهم التفاصيل وما ادري خاف كلله مرفوضين ومايصيرلهم دورة وهلشي الخايف منة او لا بس مجرد اجراء روتيني المهم رغم شكد توسلت بيه كللي ما اعرف نتيجتك انتة تجي تشوفهة ...الله كريم وليس لنا الا الدعاء من الله الفرج والخير للجميع

[علي ياسين]

حبيبي انتظر منك الجمعة بعد الظهر اتفرحنا انشاء الله .....

[alisalam2010]

السلام عليكم اخوكم يومية لازم يكتبلة شغلة لان صار مدمن على عين كاوا طبعا البارحة واليوم خابرت قسم من الجماعة اللي قابلوا الوفد وياي وبنفس الفترة ولا واحد مخابريه "حسب ادعاء الكل " مدري صدك مدري "يطردون عين " لان العراقيين اكثر ناس تخاف من العين المهم انة خايف انه انة من القلة المرفوضة والبقية اللي محد خابروهم همة المقبولين ...انشالله كلنا مقبولين ...مابقى شي عكبة نشوف ...دعواتكم الله يخليكم وربنا يوفق الجميع...اخوكم ابو فطومة

[alisalam2010]

ليس لي مكان لافض عن مشاعري ولا منبر لاحكي ما يجول في نفسي غير عنكاوا.... غدا يوم قد يكون اهم يوم في حياتي اهم من يوم ميلادي اهم من يوم دخولي في كلية الطب ومن تخرجي منها اهم من يوم زواجي ولكن لا يمكن ان يكون اسوأ يوم في حياتي فانا لا ازال انعم بنعم الله علي واولها انني لازلت حيا ارزق والناس اللي احبهم لايزالون بخير والحمد لله على كل حال وما يصيبنا فمن عند الله وعسى ان نحب شيئا وهو شر لنا ...تحياتي لكم جميعا وربنا يوفقنا اجمعين

[علي ياسين]

حبيبي اني مستمر بدعاء لك ومتحمس ان اسمع من خبر يفرحنا
ياربي يوفقك ....يالله...يالله...يالله

[alisalam2010]

شكرا اخوية علي ياسين على دعائك اللي ما خاب اليوم استلمت النتيجة في الساعة الثانية الا ربع ظهرا وكانت قبول مبدئي الف الحمد لله بس الفرحة مكتملت لان اخوية ووالدي ووالدتي لا قرار ونطونة ورقة بيهة مأشرين على اول مربع بعلامة صح 
وهيfurther review for your eligibility to resettle to usa انا واخي  وورقة مواعيد الدورة الثقيفية واماكنها في 10 و11 و12 من هلشهر والفحص الطبي 30 نهاية الشهر بس انة طلعتلي مشاكل كنت غافل عنها واهمها انه مرتي حامل وانة ما كنت داير بال لهلشغلة وتأثيرها علسفر هية هسة دخلت بشهرها الرابع يعني بعدلي بس 5 اشهر  للولادة الموظف كال لو صار عندك طفل جديد لازم تقابل الوفد من جديد حتة تضيف الطفل ويتأخر سفرك وايضا الموافقة المبدأية مو معناها مية بالمية قبول حسب ما كال الموظف ...المشكلة الثانية ام فطومة تكول شنو صارت صدك يعني متخليني اروح اشوف اهلي...ههههه...الله يخليكم لو واحد مرت وياه نفس المشكلة وية مرتة خلي يكللي شلون حلهة ...وشنو رأيكم يعني شكد احتمال هلطفل الجاي يخربط السفر لو انلحك نخلفة بامريكا والله لو خربطهة الا اسميه تطوة سواء كان ولد او بنية ...وشكرا اخوية علي ياسين ويوم اللي الك انشالله ولكل الاخوة والاخوات ولاهلي والقبول السريع للجميع

[علي ياسين]

حبيبي الف مبروووووووووووووووك
انشاء الله سلامة ام فطومة وهذا المهم ....واذا كانت الولادة هنا فهي مسئلة تأخير وقت لا غير
ونشاء الله ما تأخر موافقة الباقين

[شالان العراقي]

شلونكم شباب اني البارحة سويت مقابلة اولى هنا بلبنان وانطوني موعد بعد 5 اشهر وكالو مقابلتك الثانية توطين شنو يعني ماعرف مع العلم اني مسوي فورمات لاستراليا وفورماتي وصلت للسفارة بلبنان قبل مقابلتي ب 3 ايام هل من المعقول ان الامم عرفت باني مسوي فورمات من هيجي شتلوني 5 اشهر مع العلم كل الناس ينطوهم 3 اشهر
زين كل الناس من تسوي اول مقابلة ينطوهم الثانية توطين لو غير شي ترة اخوكم اطرش بالزفة واني ماريد اروح لامريكا لان ماعرف احد هناك ممكن واحد يفهمني ليش انطوني خمسة اشهر

[alisalam2010]

خوية شالان اهلا بيك بلبنان وبعنكاوا اول شي اكو احتمال انو السفارة الاسترالية عدها اتصال مع الامم المتحدة في شؤون اللاجئين فعلاكثر يعرفون انت مقدم او لا عدهم وبالعكس ثانيا ما اتصور انهم انطوك خمسة اشهر بدل تلاثة لهلسبب بس يمكن يكون عدهم ازدحام وماكو مجال غير الموعد اللي انطوكياه وهلشي عادي حسب علمي لبنان اسرع دولة في المقابلات من سوريا والاردن وبعد شي احنة مقدمين علة امريكا وهمينة منعرف احد هناك اطلاقا بس امريكا اكثر تقبل طلبات الاستيطان من استراليا وكندا واوربا اجمعين فلهلسبب هية احسن للتقديم علة لجوء لو كنت مابدك تطول هون بلبنان واي شي انة حاضر وبخدمة الطيبين ...اخوكم ابو فطم 

[علي ياسين]

حبيبي شيلان اني قابلت يوم 3/3/2010 وانطوني موعد بعد حمسة اشهر في 4/8/2010
وكل الموجودين بالمقابلة معي انطوهم موعد توطين بعد خمسة اشهر ما عدى شخص كالوا له نحن نخابرك
حبيبي عطائك موعد لتوطين مرحلة مهمة انت قطعتها فهذا يعني ان الشخص الذي قابلك اقتنع بضرورة توطينك ببلد ثالث
الف مبروك وبتوفيق

[شالان العراقي]

شكرا شباب على الردود المهمة وعاشت ايديكم اخوان

[دكتور عراقي]

السلام عليكم شباب
شلونكم بس حبيت أثبت حضوري لاني من اللاجئين في لبنان
واي شي أحنا بالخدمــــــــــــــــــــــــــــــــة
 

[علي ياسين]

هلا بيك دكتور نورة

[شالان العراقي]

نورتنا دكتور نتشرف بيك ويانا

[R.Z.B.R]

اخوانى اشلونكم انشاللة بخير اخوكم عايش بلبنان ومقبول على كندا انشاللة ومنتضر الفرج وانشاللة الفرج القريب لكل الاخوة بكل الدول العربية

[شالان العراقي]

مبروك اخوية وان شاء الله توصل بسرعة وترتاح منا

[alisalam2010]

اهلا بيك ومبروك علة كندا يوم النة وللجميع انشالله

[razak]

شلونكم شلع
اخوان اني عندي شغله في بيروت بس ما اعرف وين ابات او شغلتي يم مركز الحازميه الطبي الي هم ما اندله بلكي العنوان وعنوان فد فندق ينطلع بيه لو شقه نص ردن
تحياتي

[alisalam2010]

اعرف فندق واحد زين ورخيص (يمكن ارخص شي) بالحمرا شارع جان دارك قرب الجامعة الامريكية اسمة ويست هاوس ريزيدينت ثري الليلة 50 اف ليرة يعني تقريبا ثلاثين دولار ...اخوك ابو فطايم حاضر باي شي

[alisalam2010]

اما هلمرطز اكيد من اسمه مكانة بالحازمية توصلله من الفندق بسرفيس مو تكسي للكولا بالفين ليرة ومن الكولا لو بسيارات بعلبك تكول للسايق مالت الكية نزلني بهلعنوان او تروح تكسي بس مو تكلله تكسي لان يطلع غالي عليك يمكن 20 دولار كوللة سريفيسات اثنين لهلعنوان او كبل تكسي من الحمرا للحازمية بتقريبا 30-40 دولار

[alisalam2010]

عفوا مو مرطز....مركز.... هههههههه

[alisalam2010]

السلام عليكم اخواني واخواتي العراقيين في عنكاوا : سأوافيكم باخر المستجدات في لبنان وارجو من الاخ علي ياسين الاطلاع للأستفادة :
في ما يخصني :
دخلت لبنان لأول مرة مع زوجتي وابنتي وامي في 21 ديسمبر 2007 وكان اخي هناك من شهر ايلول وقدمنا على الامم المتحدة في مارس 2008 للحصول على ورقة الحماية ووضعونا في ملفين انا وزوجتي في ملف واخي وامي وابي في ملف وفي ابريل 2008 قمنا سوية بمقابلات التوطين وفي مايو حصلت حرب صغيرة داخلية وبسبب ظروف صحية والحاح الاهل في البصرة بالعودة لأن الوضع بعد صولة الفرسان اصبح امان عدنا في 16 ايار 2008 وبعد تدهور الوضع مرة اخرى عدنا للبنان في اكتوبر 2009 واصبحت لدي طفلة وراجعت الامم المتحدة لتسجيل الطفلة وطلبت مقابلة توطين  وبالفعل حددولي بعد شهرين اي في ديسمبر 2009 وقابلت وبعدها في يوم 10 مارس 2010 قابلت اي سي ام سي وبعدها في 5 مايو 2010 قابلت الوفد الامريكي (فترة المقابلات من 2-20 مايو ) وفي كل يوم تقريبا 30 شخص يعني كان قد قابل تقريبا 450 شخص خلال 3 اسابيع وقابل اهلي في يوم 20 مايو وكان اخي قد انفصل عن والدي لأنه اصبح عمره 21 عاما وبعها في 4 يونيو اتصلوا بنا لأستلام النتيجة وكانت القبول المبدئي لي و "لا قرار " بالنسبة لأخي ولوالدي واستلمنا كل واحد ورقة مكتوب بها -ترجمة للعربية- :قد تم تأجيل القرار بشأنك للأسباب التالية : تحتاج المزيد من المراجعة للتأكد من اهليتك للتوطين كلاجيء في الولايات المتحدة او اسباب اخرى وكنا جميعا مؤشر على المربع الاول
ولكنني استلمت مواعيد دورة التوجيه الثقافي في ايام 10-11-12 يونيو في كاريتاس الاجانب-سن الفيل والفحص الطبي في 30 يونيو-الحمرا وبعد الاتصال بمن قابلوا معي الوفد الامريكي :
احدهم اتصل بهم قالوا له لم تظهر النتيجة بعد وبعد يوم راح لمقر الامم وتوسل بيهم انطوه نفس الورقة وكللولة لا قرار واخر اتصلوا به بعد اسبوع هو واخرين قالوا له مبروك انتة مقبول مبدئيا تعال باجر استلم مواعيد الدورة والفحص وعندما راحوا كللولهم اسفين انتوا صرتو لاقرار لان وكالة السفر كالت قبط واخر استلم الورقة نفسهة بس مؤشر على المربع الثاني وكللولة انتة قيد الدراسة والسبب مكتوب في الورقة امام الاختيار الثاني وواحد مرفوض استلم ورقة مختلفة عن اوراقنا وفيها سبب الرفض
انهيت الدورة ام 3 ايام  كل يوم من الساعة 9 صباحا للثالثة ظهرا وكل واحد استلم شهادة وكراسة وكتاب دليل والان ننتظر الفحص الطبي ...المشكلة الوحيدة هو ان زوجتي حامل في الشهر الرابع وقد تؤخر السفر وان اهلي لايزالون لاقرار ...الله كريم وهو ارحم الراحمين   

[alisalam2010]

ملاحظة هامة : يقال ان عدد موظفي الامم المتحدة وشؤون اللاجئين والايسي ام سي والكاريتاس جميعا تم تقليص عددهم - تسريع عمليات التوطين لأنهم يريدون "يصفونهة" بحيث بعد مقابلة الحماية اكو ناس مباشرة يقابلون اي سي ام سي بدون مقابلة توطين -الوفود متواصلة اكثر من قبل بكثير -لأن احتمال يردون يسدون مكتب شؤون اللاجئين في لبنان في اواسط او اواخر 2011

[R.Z.B.R]

 مرحبا اخوان انشاللة الجميع بخير اني بلبنان اني سمعت مثل هذا الكلام على اليو ان على اساس بس تنسحب القوات الامريكية من العراق بس اللة اعلم صحيح مو صحيح واكو تسريع معاملات وخاصة امريكا

[alisalam2010]

ملاحظة هامة جدا: هلتقسيم والتحليل لا يعبر سوى عن تفسيري انا وبعض الاخوة للردود التي استلمها كل من قابل الوفد الامريكي في مايو 2010 بيروت ولم نجد تفسيرا اقرب للمنطق غير  هلكلام ...وارجو تصحيح الخطأ ان وجد مع التعليل
معلومات عرفتها من اخوتنا اللي قابلوا الوفد وانتو فسرو بطريقة منطقية بالاضافة الى ما كتبته مسبقا:
كلنا استلمنا نتيجة الوفد وهنا انقسمنا قسمين :
1-القسم الاول (الغالبية) كانت ورقة تقول مترجمة للغة العربية :تم تأجيل القرار في امرك لأحد الاسباب التالية وفيها مربعين الاول ترجمته بالعربي :المزيد من الاجراءات مطلوبة للتأكد من احقيتكم بالتوطين كلاجئين في الولايات المتحدة والمربع الثاني اسباب اخرى  وهنا ننقسم قسمين:
ا)الغالبية مؤشر على المربع الاول وغالبيتهم قيل لهم انتم لاقرار والباقين مقبولين مبدئيا واعرف 25 شخص اتصلوا بهم وقيل لهم مبروك انتم مقبولين تعالوا غدا لاستلام مواعيد الدورة والفحص وفي اليوم التالي فوجئوا بالاي سي ام سي يخبرونهم بانهم اسفون وانهم غير مقبولين بل لاقرار "لأن وكالة السفر كالت قبطنا"!!!!
ب)قلة مؤشر على المربع الثاني ومكتوب سبب معين مثلا احدهم قيل له انك لم تجلب معك المستندات المطلوبة لأثبات قضيتك وهؤلاء قيل لهم انكم قيد الدراسة
2- قلة استلموا ورقة تختلف عن الورقة اللي استلمها الاغلبية وقيل لهم انهم مرفوضون وموجود سبب الرفض في الورقة واحد منهم اعرفة كللهم ابوي كان مترجم وقتلوه في اليوم الفلاني ودزوا عليه بعد ايام من مقابلته وقالوا له لايوجد مترجم بأسم ابيك ولم يقتل اي مترجم في اليوم اللي تدعيه واستلم مثل هاي الورقة

وانتوا فسرولي....اخوكم المحتار

[alisalam2010]

ملاحظة هامة جدا: هلتقسيم والتحليل لا يعبر سوى عن تفسيري انا وبعض الاخوة للردود التي استلمها كل من قابل الوفد الامريكي في مايو 2010 بيروت ولم نجد تفسيرا اقرب للمنطق غير  هلكلام ...وارجو تصحيح الخطأ ان وجد مع التعليل
معلومات عرفتها من اخوتنا اللي قابلوا الوفد وانتو فسرو بطريقة منطقية بالاضافة الى ما كتبته مسبقا:
كلنا استلمنا نتيجة الوفد وهنا انقسمنا قسمين :
1-القسم الاول (الغالبية) كانت ورقة تقول مترجمة للغة العربية :تم تأجيل القرار في امرك لأحد الاسباب التالية وفيها مربعين الاول ترجمته بالعربي :المزيد من الاجراءات مطلوبة للتأكد من احقيتكم بالتوطين كلاجئين في الولايات المتحدة والمربع الثاني اسباب اخرى  وهنا ننقسم قسمين:
ا)الغالبية مؤشر على المربع الاول وغالبيتهم قيل لهم انتم لاقرار والباقين مقبولين مبدئيا واعرف 25 شخص اتصلوا بهم وقيل لهم مبروك انتم مقبولين تعالوا غدا لاستلام مواعيد الدورة والفحص وفي اليوم التالي فوجئوا بالاي سي ام سي يخبرونهم بانهم اسفون وانهم غير مقبولين بل لاقرار "لأن وكالة السفر كالت قبطنا"!!!!
ب)قلة مؤشر على المربع الثاني ومكتوب سبب معين مثلا احدهم قيل له انك لم تجلب معك المستندات المطلوبة لأثبات قضيتك وهؤلاء قيل لهم انكم قيد الدراسة
2- قلة استلموا ورقة تختلف عن الورقة اللي استلمها الاغلبية وقيل لهم انهم مرفوضون وموجود سبب الرفض في الورقة واحد منهم اعرفة كللهم ابوي كان مترجم وقتلوه في اليوم الفلاني ودزوا عليه بعد ايام من مقابلته وقالوا له لايوجد مترجم بأسم ابيك ولم يقتل اي مترجم في اليوم اللي تدعيه واستلم مثل هاي الورقة

وانتوا فسرولي....اخوكم المحتار

[alisalam2010]

اسف على التكرار

[علي ياسين]

تسلم وتعيش ياوردة على هذا الجهد الكبير

[alisalam2010]

انة بالخدمة اخوية العزيز

[عباس الطائي]

اشلونكم اخواني
شكرا على هذا  الموضوع  الجميل
و اني  اخوكم اريد اسافر  الي لبنان بس كولشي ما اعرف
عندي كم  سؤال هسه  اكو تقديم على الامم المتحدة و شنو الاخبار سريعة لو تتئخر

اكو شغل في لبنان  يعني شاب  مستعد  كولشي اشتغل

اشلون  اسعار الايجارات و منو ارخص منقطة في لبنان للعراقيين و كون  بية شغل

اني رحت للخطوط الجوية العراقية و سئلتهم عن الفيزة و الطيارة  السعر الفيزة ام السنة 533 دولار هاي تبقة بية سنه  في لبنان هيه و التكت تو وي
و عدهم ام  الشهر اب 230 دولار هم تو وي
اخواني  ممكن الرد  الله ايخليكم اخوكم حاير

[/size]

[** يدكو **]

مرحبا يااخواني اني عندي جواز سفر من نوع اس اي (s) مقبول بي السفر حاليا ارجو الاجابة بسرعة وبالتفصيل ولكم مني جزيل الشكر والتقدير علما اني بلبنان حاليا

[alisalam2010]

اهلا اخوتي الاعزاء
الاخ عباس نعم هناك تقديم على اليو ان بس يرادلة شوية صبر وتكدر تحصل شغل بس بمشقة ويراد تدور وتطول خلك وتحصل شغل بعد ان تحتك باللبنانيين من جماعة حزب معين حسب طائفتك وهمة يلكولك شغل وبالنسبة ارخص مكان وبيه عراقيين هواية هو حي السلم -الضاحية الجنوبية لبيروت او سد البوشرية بيه عراقيين اكثر بس حي السلم ارخص من عندة وهناك مكاتب لمنظمات انسانية وشخصيات سياسية ودينية تساعد العراقيين في لبنان يمكنك ان تعرفها عندما تأتي للبنان
الاخ يدكو حسب علمي جواز اس بعده صالح للسفر ويمكنك ان تأتي به للبنان ومن يسقط تكدر تجدده من السفارة بجواز اي وبخمسة وعشرين دولار وبأقل من شهر
تحياتي لكم...اخوكم ابو فطم

[green card]

مرحبا يا اخواني

طبعا ملفي هو فكر من اول يوم او بالاحرى اني فكر من اول يوم انولدت بيه لانه مواليدي 1980 يعني حرب ايران واستمرت مسلسلات الفكر عندي من الحروب والمآسي

يعني حالي من حال العراقيين الي شافوا بس الظيم والقهر

المهم
طبعا بعد مقتل اخي بسبب الاوضاع الطائفية في بغداد منطقة البياع رجعوا داهموا بيتنا الامريكان بسبب وشاية على اخوي الاكبر مني اخذوه واخذوني وياه . بقيت بالسجن تقريبا 10 ايام وبعدها اطلقوا صراحي
اما اخوي بقى تقريبا شهرين او اكثر وطلع يعني هم ماعنده اي شيء مجرد وشاية
بعدها بكم يوم طلعت من العراق واجيت هنا الى لبنان قدمت على الامم في شهر 12  2008 ومشت معاملتي عادي كل شيء مشى عادي لحد ما كملت الدورة التثقيفية  في شهر الواحد 2010
بعدها نسوني ولا احد اتصل علية راجعت الامم قبل كم يوم انطوني موعد مقابلة وبالمقابلة بلغوني بالرفض

طبعا سبب الرفض هو الاعتقال

زين اني طلبت اسوي استأناف كلولي قدم الاستأناف بس راح تكون نسبة النجاح اقل من 1 بالمائة هذا على لسان الموظفة بالامم

اخوان اريد نصائحكم بخصوص الاستأناف
شلون اقدمه يعني اكو شيء مميز اسويه يعود علية بالنفع لو لا ؟؟؟

علما انه الاستأناف لازم يكون مترجم

ارجوا ان تنصحوني

[alisalam2010]

اخي العزيز اهلا بيك اولا ...ثانيا كلنا مواليد الثمانينات علة حجايتك معناها فكر ومواليد التسعينات والالفين هوة ليش العراق يمتة كان مابيه مشاكل ....
ثالثا عندما تم رفضك لازم يسلمونك ورقة بيها سبب الرفض ولو كان سبب الرفض انك داخل سجن ونتة بريء تكدر تستأنف بهلحجة انو انتة بريء ودخلت سجن والدليل طلعوك بعد 10 ايام وهي هاي قضيتك اما لو كان الرفض لسبب اخر لايمكنك دحضه الامم المتحدة مسؤولة لتحويل ملفك الى دولة اخرى ولازم انتة تطلب منهم التحويل وكلة يعتمد علة سبب الرفض...انتظر منك جواب شنو مكتوب بورقة الرفض
والله يوفق الجميع

[alisalam2010]

اخي العزيز اهلا بيك اولا ...ثانيا كلنا مواليد الثمانينات علة حجايتك معناها فكر ومواليد التسعينات والالفين هوة ليش العراق يمتة كان مابيه مشاكل ....
ثالثا عندما تم رفضك لازم يسلمونك ورقة بيها سبب الرفض ولو كان سبب الرفض انك داخل سجن ونتة بريء تكدر تستأنف بهلحجة انو انتة بريء ودخلت سجن والدليل طلعوك بعد 10 ايام وهي هاي قضيتك اما لو كان الرفض لسبب اخر لايمكنك دحضه الامم المتحدة مسؤولة لتحويل ملفك الى دولة اخرى ولازم انتة تطلب منهم التحويل وكلة يعتمد علة سبب الرفض...انتظر منك جواب شنو مكتوب بورقة الرفض
والله يوفق الجميع

[green card]

اخوي الغالي ...

طبعا ما اكو شيء اخبيه ابدا

سبب الرفض هو التوقيف وليس الاعتقال لانه اني اصلا ما اخذوني للسجون لا بس توقيف ومدة التوقيف جانت تقريبا 7 ايام فقط وثلاثة ايام هاي تأخير بسبب الاجرائآت الي هي ارجاعي للمكان الي اجيت منه لانهم يخافون يتركوني بالشارع حسب قولهم

اما بالورقة فمكتوب انه background chicks
يعني تجييك الخلفية الامنية

هذا هو الموضوع

[عباس الطائي]

شكرا على الرد ولكن باقي سؤال واحد  اشكد  اتكفيني افلوس يعني اشكد  اجيب وياي اعرف راح اتكولون هاي غربية اشكد  عندك جيب  بس لا اريد  اعرف ال تقريبنا  اشكد اتكفيني

[alisalam2010]

اخي العزيز اول شي الورقة اللي استلمتها بيها مربعين لو اكثر وال background check مكتوبة بخط ايد لو مطبوعة كدام المربع الثاني other
وبالنسبة للفلوس قصدك بلبنان؟ ليش انتة مو كلت انتة بلبنان ؟
بلنسبة للبنان اعتقد لو تكعد بمنطقة مثل حي السلم لوحدك يعني مو وياك عائلة وية الايجار والاقامة والاكل والشرب والكهرباء والماي ومصرف تكفيك 500 دولار شهريا بس لازم بلبداية تصرف اكثر حتة تأثث ومن هلسوالف
انتظر منك رد تفاصيل الورقة لأن لحد الان فهمت منك انك مو مرفوض بل قيد الدراسة للتجييك الامني

[alisalam2010]

سامحوني اخوان ترة خلطت بالجواب للاخ كرين كارد والاخ عباس جنت دايخ ...علعموم بس تكدرون تعرفون الجواب لكل واحد صح؟؟ موفقين انشالله
الاخ كرين كارد :خي العزيز اول شي الورقة اللي استلمتها بيها مربعين لو اكثر وال background check مكتوبة بخط ايد لو مطبوعة كدام المربع الثاني other  انتظر منك رد تفاصيل الورقة لأن لحد الان فهمت منك انك مو مرفوض بل قيد الدراسة للتجييك الامني
الاخ عباس بلنسبة للبنان اعتقد لو تكعد بمنطقة مثل حي السلم لوحدك يعني مو وياك عائلة وية الايجار والاقامة والاكل والشرب والكهرباء والماي ومصرف تكفيك 500 دولار شهريا بس لازم بلبداية تصرف اكثر حتة تأثث ومن هلسوالف

[alisalam2010]

الاخ يدكو متى قابلتوا الوفد ومتى سويتوا الدورة التثقيفية؟
بالنسبة لي قابلت الوفد يوم 5-5  والدورة يوم 10-11-12
ارجو الرد

[green card]

اخوي العزيز صحيح محطوط المؤشر على others بس الورقتين الي اطونياهن هن يبينن سبب الرفض

وهاي الامريكية كاعدة ساعة دتتعذر وتكول انه هي اسفه لانه طلع رفض الي

بس اسأل سؤال هو تحويل الملف على وفد اخر شنو الي اني اسويه ؟؟

بس اروح واكل الهم اني اريد اغير الملف ؟؟

لو اكو شيء اسويه ثبل هذا

[green card]

اخواني الاعزاء

رجاءا لاصحاب الخبرة اني بعد ما انرفضت اريد اغير الود بس شنو الدول الي ممكن تقبل مثل حالتي

يعني استراليا لو دول اوربية .. واذا دول اوربية مثل اي دول؟؟؟ هولندا او نيوزيلندا  لانه اني ما اعرف شيء عن هذه الدول

الرجاء الاجابة على مثل هذه الحالات

علما انه انا حاليا في لبنان . ومرفوض من الوفد الامريكي

[alisalam2010]

اخي العزيز اعتقد انه احسن واحد يجاوبك هو موظف من الامم المتحدة...روح وقدم طلب استفسار ومقابلة مع موظف في قسم اعادة التوطين للبحث في الامر و ببساطة كوللهم :شنو الخيارات اللي عندي وبشنو تنصحوني ؟
بالمناسبة بعد ما استلمنا في اول يوم قبول مبدئي ورانة جماعة باسبوع استلموا لاقرار والغالبية اتصلوا بيهم راح يستلمون الرفض يوم الاثنين فأنصحك تروح الاثنين وتشوف شنو راح يكولون للمرفوضين من الوفد الامريكي وشنو خياراتهم 

[alisalam2010]

حلاصة واخر اخبار المقابلين وفد في لبنان شهر مايو
1- المقبولين مبدئيا استلمو النتيجة يوم 4-6 وقسموهم على وجبات للفحص الطبي والدورة التثقيفية وكلهم كملوا الدورة بس بقة الفحص الطبي
2- جماعة "لاقرار" : استلموا نتيجتهم يوم 11-6 وكللولهم الله كريم
3- جماعة الرفض : الامس 18-6 الجمعة خابروهم حتة يستلمون الرفض واسبابه الاثنين 21-6

[alisalam2010]

انا اتكلم عن المقابلين وفد امريكي من 1-20 مايو 2010

[alisalam2010]

البارحة اتصلت باحد الاخوة اللي قابلوا الوفد المريكي في 10 اذار 2010 واستلم لاقرار ولحد الان كلشي ماكووووووو ...الله كريم

[alisalam2010]

الوجبة الاخيرة للذين لم يستلموا جواب الوفد استلموا رفضا وسلموهم اوراق وبها اسباب الرفض
احد الاخوة اللي قابلوا الوفد في مايو وكان معي في الدورة التثقيفية اتصلوا بكفيله وملأ الاوراق المطلوبة فقام بالاتصال بالاي سي ام سي وسألهم عن ملفه فاخبروه ان الامنيات واصلة وباقي الاجراءات الادارية ولكنه لم يعرف هل امنيته هو فقط واصلة ام كل الامنيات؟؟؟
بالنسبة لي سأتصل بهم يوم الاثنين لأستفسر لان ليس لدي كفيل
امنياتي بالتوفيق للجميع
اخوكم ابو فطم

[عباس الطائي]

ممكن سؤال احنه 3 نفرات كل واحد عنده عشرين ورقة يعني 2000 دولار اشكد اتكفينه  في لبنان
ممكن  الجواب

[alisalam2010]

اذا تأجرون شقة سوة 50 دولار علشخص والاكل والشرب ومصرف جيب 300 دولار بالشهر 50 دولار شغلات مو علبال يعني تكفيكم سنة بس تأثيث الشقة شلون؟ ثلاجة تلفزيون جرابي...الخ هاي ما حسبتهة

[** يدكو **]

اخي الله يصبرك

[** يدكو **]

alisalam2010 اخي دزيتلي رقمك واني دزيتلك على الخاص رسالة بيها معلومات اني خلصت الفحص

[alisalam2010]

شكرا اخي يدكو بس لو دازلي الرقم علخاص خاف وحدة تشوف رقمك وتظل تدك عليك وتسويلك مشاكل وية المدام ...هههه...انة راح اتصل بيك ونشالله نلتقي قريبا بس يصيرلنا مجال
اليوم اتصلنا انا وبعض الاصدقاء من الدورة التثقيفية بالاي سي ام سي وقالوا اجت وخلصت موافقاتكم الامنية وانتم الان في مرحلة الاجراءات الادارية واللي وراها مرحلة تفاصيل السفر واعداداته ووراها مرحلة الاي او ام ووراها مرحلة تحديد موعد السفر ...سألته شكد تطول لأن مرتي حامل فاجاب ما اكدر اكولك شكد تطول بس اذا مرتك جابت خبرنا حتى نضيف الولد (وهنا اعتقد انها بس اضافة يعني مو مثل ما نعتقد يعيدون كل المقابلات اذا المرة جابت...انشالله اعتقادي صحيح ) غدا الفحص الطبي والله كريم ....ربنا يوفق الجميع

[alisalam2010]

اليوم الثلاثين من يونيو انهينا الفحص الطبي اللي اسمه : الفحص الطبي الروتيني الخاص بتأشيرة دخول الولايات المتحدة الاميركية ...ولم نكن نحن اللاجئين العراقيين فقط من يعمل هذا الفحص بل الكثير اللبنانيين الراغبين للسفر للولايات المتحدة الاميركية لأغراض مختلفة ....بالنسبة للحامل :
لايتم عمل اشعة لها ....ولاسونار ...ويتم احتساب الحمل من المعلومات اللي ننطيها للدكتور (يعني علثقة وكدرنة شوية نتلاعب بيالتواريخ بشكل معقول ) وسألت الدكتور :الى حد متى يمكن للحامل السفر؟؟؟
كان الجواب :32 اسبوع يعني لحد شهر ثمانية من الحمل ...طيب شلون يعرفون؟؟؟؟
فأجابني :قبل السفر تجيب ورقة من اي طبيب او طبيبة لبنانيين تؤكد بان حاملة الورقة بامكانها السفر جوا دون حدوث مضاعفات ....فاجرينا فحص دم واشعة صدر وبسسسس وسألنا عن فيما اذا كنا قد عملنا عمليات جراحية في السابق او لدينا امراض مزمنة او زهرية او نتناول ادوية معينة ...ثم قام بسماع الصدر (كاللي انتة تدخن؟؟ مبين من صدرك!!!) وفحص البطن وضغط الدم (كال:ضغطك شوية صاعد 140 علة 80!!!) وفحص النظر (طلع عندي قصر نظر قوي ويرادلي نظارات) ....وكالوا "همة يخابروكم لمن تجي نتيجة الفحوصات"... الله كريم 

[** يدكو **]

اخي alisalam مبروك الفحص الطبي وان شاء الله السفر القريب اخي بس انت سويت فحص الاشعة لان مايصير المرأة الحامل تسوي الاشعة لانه يضر بالطفل وشكالولك بعد شكد بعد راح يتصلو بشان الامنيات بالامن العام بشان الغلسة وينطوك موعد السفر وماعندك فكرة داينطون مواعيد للدورة التثقيفية من جديد لاني مامسوي بعد

             وبالتوفيق

[alisalam2010]

اهلا اخي يدكو ...حسب علمي بعد مايوصل الملف للاي او ام همة يبلغونة باجراءات التسوية مع الامن العام اللبناني وبالنسبة للدورة التثقيفية ماعندي علم لأن اللي وياي كلهم مسوين دورة بس اتصور بعد مايخلصون من الفحص الطبي لكل الوجبة اللي قابلت الوفد راح يرتبون دورة تثقيفية للي ماسووهة بعدهم والدورة مالهة علاقة بمجريات الملف يعني ممكن من توصل الشغلة للاي او ام يسوولكياها وممكن قبلها بس اليوم سمعت اشاعة ولكيت هلاشاعة بلمنتدى انه ماكو سفر منا لشهر التاسع من ورة المونديال!!!! بس انة ما جاي اصدك...

[** يدكو **]

اخي اشكرك على كل شي واتمنى الموفقية لك واي شي جديد تعرفه او اني اعرفه نكتبه حتى يستفاد الجميع

[alisalam2010]

الأخ يدكو عاشت ايدك علموضوع مال منظمات اللي تساعد العراقيين في لبنان راح اضيفه هنانة لفائدة الجميع اكثر
http://www.ankawa.com/forum/index.php/topic,424455.0.html

[alisalam2010]

تابع

[** يدكو **]

اوكي اخي الكريم عاشت ايدك راحت من بالي شونك بعد

       وان شاء الله يستفادو الاخوة في لبنان اكثر عن هذا الموضوع

[** يدكو **]

مرحبا بكم يااخواني وخواتي
وانا دافكر اجى هالموضوع بالي وكلت خليني انزلوا  بلكي يساعد اللاجئ العراقي بلبنان وخاصا بهذه الضروف الصعبة في لبنان عسا ولعلى ياتي بالفائدة ///////////

   وارجو منكم الردود لمن يقراه ...............

      ان المجلس الدنماركي بدأ ومنذ فترة بتوزيع المساعدات للاجئيين العراقيين في لبنان
وانا واحد من هؤلاء الناس الي استلمت المواد وساعدوني والحمدلله وراح انطيكم نبذه ..........

 يرجى لكل من لديه الارقام ادناه ولم يتصل اولم يستلم اي مواد او عنده موعد سفر قريب ولم يستلم فلوس الغلسة لنفر واحد يرجى الاتصال

المحلس الدنماركي /ارضي/من داخل لبنان/ الرقم الاول/01736987
الرقم الثاني/  01738289
التفاصيل
1- لمن لم يتصل ويرغب بالاتصال لاول مرة فعند اتصالك باحد الارقام اما يطلع عليك المجيب الالي ويقول لك اختر الارقام الخاصة باللاجئيين العراقيين او يتحدث واحد لك / ويجب عليك ان تقول /اني لاجئ عراق وحاب تزوروني وعندي ورقة اللاجوء اذا طلب منك الورقة تقول عندي
2- سوف يقوم باخذ معلومات منك رقم هاتفك والسكن وعدد الافراد الخ
وبعد ايام سيزورونك علما انك لاتعرف ماهي المدة التي سوف ياتون
3- عندما ياتون لزيارتك سوف يسجلون الاشياء التي تحتاجها انت بالبيت حسب رايهم ولكن انت حضر نفسك وشاور العائلة وحضرو الاشياء او الاغراض الي تريدوها قبل مايجو ن
4- سوف يعطوك 3 اغراض منزلية مثلا ثلاجة وطباخ ومروحة واذا عندك ثلاجة قديمة خبيها او قول تابعا لاقربائي حتى مايتحججون
اما بالنسبة الي مقبلين على السفر فالمجلس يتكفل بدفع نفر واحد فقط من الغلسة

وان حاضر لاي سوال
وسوف اكتب القسم الثاني في وقت لاحق

[** يدكو **]

وارجوا الانتباه الي ماخذ اغراض من المجلس الدنماركي راح ينطون نص النفر مال غلسة اي 225 $

[alisalam2010]

عاشت ايدك اخي يدكو بارك الله بك ووفقك على هلمواضيع الهامة

[** يدكو **]

تدلل اخي ونتمنى من الاخوة في لبنان الي عنه اي موضوع ينزلو حتى يستفاد الجميع

[علي ياسين]

اتمنى ان يكون الجميع بخير
وتحية حب الى الاخ alisalam

في بداية الشهر الثامن عندي موعد توطين في un لبنان
ماهي المراحل اللاحقة وكم تستغرق كل مرحلة وما هي نصائحكم
تحياتي للجميع

[alisalam2010]

اهلا اخي العزير علي ياسين طولت غيبتك عن المنتدى
بالضبط مثل ماكال الاخ يدكو
بعد مقابلة التوطين "اللي تعيد بيهة نفس الحجي" يتحول ملفك الى لجنة التوطين وتستغرق عملية دراسة الملف لمدة لاتزيد عن 3 اشهر يعني اذا فاتت 3 اشهر وماخابروك تمرلهم وتكوللهم "شنو السالفة" بس بالعادة يخابروك قبل انقضاء ال3 اشهر ويكللولك "احنة الاي سي ام سي عندك باجر مقابلة الساعة الفلانية "
تروح تقابل الايسي ام سي وتنتظر قبل مرور 3 اشهر يخابروك يحددولك موعد مقابلة الوفد الاميركي بعد اسبوع في السفارة الاميركية في منطقة عوكل
بعد مقابلة الوفد الاميركي بشهر او اقل تطلع النتيجة
في حالة الموافقة يتنطوك موعدة دورة تثقيفية وموعد فحص طبي خلال شهر من استلام النتيجة "في بعض الحالات بس فحص والدورة بعدين مثل ما صار وية الاخ يدكو" ووراها خلال شهر تخابلرهم راح يكللولك "وصلت الامنية "ويقت الاجراءات الادارية واجراءات السفر ...والله كريم ....هذا ماحصل لي وللجماعة اللي وياي قابلو الوفد في الشهر الخامس
وانة بالخدمة

[** يدكو **]

alisalam2010 شلونك اخي اشو ماكو مفتقديك اني دانتضر الدورة التثقيفية والبارحة جانو منطين مواعيد سفر  بشهر ال8 الي مقابلين المحلف بشهر ال3
 واي شي جديد اذكرو اخي

وبالتوفيق

[علي ياسين]

اخون اني اشكركم اهواية

الاخ alisalam فعلان اني امضيع دفتر الخدمة العسكرية واني ما لابس عسكرية لاني دافع بدل ولم ارتبط باى جهة حكومية او حزبية بحياتي
اشلون راح اثبت هذا......ما ادري

[** يدكو **]

اخي انت يا مواليد علمود اكدر اجاوبك وهل انتا خريج اولا الشرح رجاء حتى اكدر اساعدك اكثر

[علي ياسين]

حبيبي اني مواليد1971
وخريج كلية الهندسة سنة 1995
واشكر مساعدتك حبيبي

[** يدكو **]

اخي مرحبا بك
1- اذا كان عندك اي مستمسك عن البدل العسكري وجان وياك شوفو عادي
2- مادام انت خريج شغلتك كلش بسيطة ان شاء الله حضر شهادات التحرج وقدمها لانها سوف تسهل من ملفك وخاصا اذا كانت مصدقة من الخارجية
3-ان شاء الله اذا اشوف اي تفاصيل راح اساعدك اكثر ولاترتبك بالمقابلة الجاية وكن قوي واطلب من الرب المساعدة وهو يسهلك

بالتوفيق

[علي ياسين]

تسلم وتعيش حبيبي

[** يدكو **]

بالخدمة عيني احنا هنا حتى نخدم بعضنا البعض

[alisalam2010]

اعذروني اخوان بس انطفت الكهرباء هسة جابهة ابو المولد
كلام الاخ يدكو مضبوط وهمة يعرفون اكو هواي مضيعين دفتر الخدمة
بس اخي يدكو هاذة الخبر كللللش قوي مال مواعيد سفر بشهر الثامن ....وانتة اخيرا انطوك موعد دورة مبرووووك بس كللي يمتة موعد الدورة؟
وبعد بس سؤال :انتة محدد ولاية وكفيل؟

[alisalam2010]

الاخ علي ياسين انتة عندك اثبات عن البدل؟

[** يدكو **]

لااخي alisalam2010 بعد ماانطوني موعد الدورة دانتضر اني محدد الولاية وعندي كفيل

[alisalam2010]

لعد مثل ماكتلك سابقا احتمال من توصل للاي او ام تاخذ الدورة
 

[** يدكو **]

الله كريم ننتضر رحمة من الله

[علي ياسين]

لا والله حبيبي ما عندي اى اثبات

[alisalam2010]

بهلحالة راح يعتمدون على اقوالك وبس  وراح تدعم الشغلة بالوثائق و الشهادات الدراسية ....

[** يدكو **]

مثل ماكال اخي alisalam2010 ولكن اهمشي يكون الك شهادات التخرج



وبالموفقية لك ان شاء الله

[شمري للابد]

مرحبا
عندي كم سؤال بدون زحمه واتمنى اتساعدوني بي..
اني مقيم بسوريا..وعندي وصل معامله اقامه..وعندي هويه غرفه تجاره بغداد مع كتاب..واريد اجي للبنان حتى اقدم عل يو ان..
سؤال :
1- اني مسجل على اليو ان مال سوريا..شسوي..ابقي ملفي مفتوج وافتح الاخر بلبنان..لو انقله من سوريا للبنان ؟؟؟
مع العلم ان ملفي قيد الدراسه ما شاء الله من زمااان..من ال 2007 ليهسه..اتظاهر ماكو واحد يكدر يقراه لانه بلغه اهل المريخ مكتوب...!!!!
2-اني عندي بنات 2 اطفال-الجبيره ديما- لازم تسجل مدرسه السنه الي جايه وحاير ودايخ شلون لانه اول وحده هيه رح اسجلها ..بيا منطقه اسجلها؟؟المصاريف شلون؟؟رح ينكونه اقامه على المدرسه ؟؟ لو اصلا ماكو اقامه ؟؟
3-دخولي للبنان شتعرفون عنه ..شنو المتطلبات مالته ..طبعا عن طريق البر..لان كل واحد يحجي شكل..
4-اكدر ارجع لسوريا وكت ما اريد لو ما اكدر؟؟
5-من ناحيه الشغل.اني خريج علوم ببحوث وعمليات -يعني حاسبات تقريبا - اكدر احصل شغل ؟؟ مع العلم انه اني زين بالانكليزي..بس مو حابب اشتغل بالعراق..تعرفون يعني شنو وليش..
6-المساعدات المقدمه في لبنان شلونها؟؟ انواعها ؟؟
7-المعاملات مال يو ان شكد تتاخر بالزايد؟؟

يا ريت لو تساعدوني بالرد..
شاكر الكم وكفتكم الطبيه

[alisalam2010]

اخي شمري للأبد : اول شي اذا انتة واصل لمرحلة قيد الدراسة وتجي للبنان احتمال جبير يعيدون مقابلاتك من قسم التوطين الى ما وصلت اليه ... لبنان مابيهة شغل "همة اللبنانيين ما لاكين شغل " ....لبنان اغلى من سوريا والاقامة اصعب من سوريا لذلك اغلب العراقيين هنا بلا اقامة بس اتصور اذا احد الاطفال يسجل مدرسة ينطوكم عليه اقامة بس تدفع رسوم سنوية اغو كل ست اشهر حسب رأي الامن العام واللي اصلا مينطوك اقامة اذا ميعرفون من وين راح تصرف علة روحك "رصيد بالبنك .. حوالات مالية ...واذا اشتغلت تدفع رسوم اجازة عمل لازم " .... بس علعموم لبنان "حسب رأيي " احسن بلد للعراقيين من ناحية العيشة "الناس هنا يموتوووون علعراقيين وتكدر تعيش مثل مايعجبك لأن اكو مناطق مثل مدينة الثورة والحرية واكو مثل الكرادة والمنصور " ومن ناحية الامم المتحدة اعتقد احسن من سوريا " بسبب الفرق الشاسع في عدد العراقيين بين لبنان وسوريا " ...الامم المتحدة تساعد في اقساط الدراسة للاطفال وتساعد للذين ليس لديهم تأمين صحي في الحالات الطارئة وايضا تساعد في بعض الحالات القانوية في مايخص المشاكل مع الامن العام اللبناني بس بالنسبة للمساعدات الغذائية " 30دولار كل 6 اشهر للشخص ومرات ماكو " وهاي ال30 دولار تكفيك بلبنان تشتري دبة زيت  بس اكو منظمات انسانية موجودة اسماؤها وعناوينها وتلفوناتها في هذا الموضوع من المنتدى تساعد العراقيين طبعا تبقى ااحسن المنظمات هي كاريتاس ...وهناك الكنائس والجوامع والحسينيات ومكاتب السياسيين والمراجع الدينية ...الخ تقدم مساعدات بس افضل واحدة وحتى احسن من الامم المتحدة هي كاريتاس الله يخليهة
تمنياتي لك بالتوفيق ...اخوك ابو فطم

[alisalam2010]

عاشت ايدك اخ يدكو على هلمعلومات اللي قسم من عدهم بصراحة ماكنت اعرفها ...انة اول البارحة استلمت بونات من كاريتاس
وخوش خبر مال الوفد ...بس خوية احنة شلون بينة ماكو خبر علسفر ...انة خابرتهم اليوم كللولي بعدة الملف بالاجراءات الادارية
بس حسب المعلومة اللي زودتنا بيهة "جماعة الثالث حددولهم موعد سفر بالثامن " يعني على احسن الاحوال جماعة الرابع بالتاسع واحنة بالعاشر هاي اذا ما طلعولنة سالفة تأخر واعوذ بالله ... ياريت يكبسونة كلنة بطيارة وحدة احنة وجماعة الرابع 

[alisalam2010]

رد لاحد الاخوة عن دخول لبنان
المفروض هاي السالفة مال الفين دولار بطلوا من عدهة اللبنانيين هاي كانت بس بلبداية من انفتح الطيران بغداد بيروت ...هسة مايحتاج تراويلهم فلوس حتة يدخلوك بيروت بالمطار ...وهذا اللي صار وياية ووية هواية عراقيين التقيت بيهم اجو للبنان
وبالنسبة لقبل كان لازم كل شخص عنده 2000 دولار حتة يفوتوه وليس بس رب الاسرة
الاهم من الفلوس الحجز الفندقي او شخص عايش بلبنان لازم عندك رقم تلفونة حتة يخابرونة الامن ويتأكدون منة

[alisalam2010]

اكو اشاعة قديمة وقوية عن نشوب حرب بين اسرائيل وحزب الله هذا العام
في حالة حصول حرب في لبنان-لاسامح الله- ماذا تفعل؟؟؟؟
حسب اقوال العراقيين اللي شهدوا حرب اسرائيل الاخيرة :
اذا كنت في منطقة ساخنة " المتواجد فيها حزب الله كالضاحية -صور - خلدة ....الخ" انت في خطر اما في المناطق الاخرى لاتخاف
يمكنك بكل بساطة ان تعرف المنطقة التي انت فيها ساكن خطرة ام لا بحسب تواجد مقرات حزب الله فيها والتي تكون اهداف للطيران الحربي الاسرائيلي ويمكنك ان تسأل السكان المحليين عن امان المنطقة او خطورتها ومابيهة شي همة راح يجاوبوك الصراحة
في حال انت في منطقة خطرة وعند شعورك بالخطر عندك 3خيارات
1-الذهاب للسفارة العراقية التي ستوفر لك وسيلة نقل على حسابها للذهاب الى سوريا (وهاي ما انصح بيهة )
2- الذهاب الى الامم المتحدة
3- الذهاب الى اقرب مركز كاريتاس (وهاي انصح بيهة ) وستوفر لكم منزلا مؤقتا في مكان امن داخل لبنان وطعام وماء طوال فترة الحرب
في فترة الحرب تزداد اسعار كل شيء الطعام الماء الغاز وتقلل من توافرها واذا شفت اللبنانيين جاي يشترون ويخزنون فخلي ابالك احتمال راح تصير حرب وكون مستعد الهة نفسيا ومعنويا ...ولكن رغم هذا تبقى لبنان حتى في ظل الحرب اكثر امانا واسهل  عيشة من اقل اضطراب امني يحصل في العراق
الحرب لاسامح الله اذا صارت تؤخر سير الملفات في عملية التوطين
اللهم لا اسألك رد القضاء ولكني اسألك اللطف فيه

[** يدكو **]

والله اخي حجيك كله ذهب بس ان شاء الله يسافروك قبل هاي الفترة
وهاي حلوة منك مال يكبسونة  فد طياره هههههههههههه والله كلما تجي بالي داضحك
وبالنسبة لفلوس الي بالطيارة راح احجيك على الجديد اني عديلي قبل شهر ونص اجى كالولى شكد عندك فلوس كاللهم 70 ورقة وهو عنده 3 اطفال كال ابو الامن العام بالمطار حبيبي هاي ماتكفيك الفلوس اطبك على صفحة كاله ليش اطبك كال عيني فلوسك ماتكفي 15 يوم هاي شلون سياحه جاي ب7000 دولار المهم هو جان وياه ابو وامه واخو وكال للضابط اني اهلي وياي اذا اعتاز اخذ منهم على كلن ماريد اطول الضابط انقهر علي وهم توسلو بي كال لعديلي لو مو على خاطر طفلك الصغير والي كا عندو شهر ونص جان رجعتك بنفس الطيارة وكالى الضابط انتو العراقيين كلكم ماتحجون الصدك واني ادري انت جاي علمود السفر مو السياحة ومخلص الحجي الي يريد يجي لبنان خلي يكون بعلمو انه على الاقل يكون بجيبه 2000دولار تحسبا لاي طارء
وعندي فد سوال اخوان

الي ماماخذ قبل شهريين اي شي فيرجى مراجعه الكاريتاس الي بسن الفيل لان دايوزعزن تايت ومعقم وحفاضات الي عندو اطفال او الاتصال
وهذه ارقامهم 01502550وللخط الساخن 03310471والي جايين جديد داينطون شراشف
هاي بالنسبة الي مسجلين بسن الفيل

وبالتوفيق للجميع

[alisalam2010]

عفية بيك خوية يدكو وهاي خوش فكرة خليتهة انتة ابالي : ارقام تلفونات مهمة في لبنان :
كاريتاس المريجة : 01466470 المريجة -الليلكي قرب مدرسة الصادق
الخط الساخن لكاريتاس : 70157789
طواريء امم متحدة: 71264143
اي سي ام سي : 01849213
القنصلية العراقية 05403340     05403314
ارقام الطوارئ في لبنان :

قوى الأمن الداخلي : 112 

  الصليب الأحمر : 140

الدفاع المدني 125

  الكهرباء 1707

[** يدكو **]

هذا من واجبي لمساعدة اي اخ او اخت عراقي


وشكرا لك على الارقام

[alisalam2010]

ملخص الاخوة في لبنان  الان او كانو في لبنان -بعد رخصتهم-
الاخ يدكو "خلص كلشي عدا الدورة التثقيفية "
الاخ علي ياسين "لديه مقابلة توطين في اغسطس القادم "
الاخ دكتور عراقي "بعده لاقرار من الوفد الاميركي "
الاخ كرين كارد "حصل على رفض ولم نعرف بعد شنو سوة"  
الاخ كوندا " الان مقدم من بغداد وبعده ينتظر"
 الاخ  الفهد السباح  "الان في امريكا " ملخص ما مر به :قدمت لليو ان في لبنان يوم 30-3-2009  وانطوني موعد اول مقابلة بعد مرور شهرين والحمد لله مرة بسلام وبنفس اليوم انطوني موعد مقابلة اعادة توطين باقل من شهرين وايضا كانت سهلة والتوفيق من الله وكلي موظف التوطين راح احول ملفك icmc وبعد مرور 70 يوم اتصلو بينا icmcوحددوا موعد للمقابلةبعد مرور اسبوع طبعاا  المقابلة كانت كلش سهلة ومتعاونين كلش ويانة وهم كالت راح احول ملفكم للسفارة الامريكيةوبعد مرور 3 اشهر اتصلو بينا على مقابلة الوفد الامريكي وبالنسبة الي كانت اسهل مقابلة وبعد مرور 10 ايام اتصلو بينا للفحص الطبي والدورة التثقيفية يعني ورة مقابلة الوفد الامريكي ب4 اشهر انطونا موعد للسفر والحمد لله وصلنا الى امريكا وكانت المده شي على شي سنة وشهر "
الاخ  شالان العراقي "لديه موعد توطين في نوفمبر القادم "
 الاخ R.Z.B.R. "الان في كندا وهنا ملخص المراحل اللي مر بيهة " تحويل ملفي للتوطين بشهر 1\2009 وقبولي على كندا  بشهر 3\2009  وتعبئة الفورمات بشهر 5\2009  ومقابلة بالسفارة 20\1\2010  وبنفس اليوم وقعت على القرض االفحوصات وتكت الطائرة  ويوم الجمعة 25\6\2010  الاتصال على تسليم الجوازات وانشاللة هاي الفرحة للجميع "
http://www.ankawa.com/forum/index.php?action=profile;u=88558;sa=showPosts
 والاخ وسام "الان في اميركا وهنا ملخص المراحل اللي مر بيهة: "مقابله المحلف  9-11-2009 الفحوصات 25-11-2009
استلام الضرف 5-12-2009 الاتصال بالكفيل 31-12-2009 توقيع الكفيل 4-1-2010 الدوره الثقافيه 21-22-23-1-2010
السفر 16-3-2010
http://www.ankawa.com/forum/index.php?action=profile;u=76681;sa=showPosts
الاخ قلب القوش وهو الان في اميركا وهنا ملخص ما مر به"  اني هسا بلبنان وسوينا فحوصات 26/11/2009----باركولي  واخيرا موعد السفر انطونا 2/2 وسوينا الدورة التثقيفية وخلصنا كل شي تمناتي لكم بالموفقية وانشاء الله  تجيلكم اخبار حلوة تحياتي-------------اخوي ستار مثل مكال الاخ وسام صحيح  واحب اضيف شغلة همين الي دايتاخرون هنا يعني الي عدهم 3 او4 سنين فاكو داتجيلهم الموافقة على امريكا ودايرفضوها لان يريدون استراليا ها هم سبب اخر للي دايتاخرون  بس صدق اسرع المعاملات داتصير من لبنان وداسمع من تركيا همين  
 http://www.ankawa.com/forum/index.php?action=profile;u=75941;sa=showPosts
الاخت جوهرة بغداد الان في امريكا وهذا ملخص ما مرت به "اخواني واخواتي احب ابشركم انو تم تحديد موعد السفر يوم 10\2\2010 -تفاصيل المقابلات كالاتي مقابلة اولى 27\10 \2007 المقابلة الثانية 6\3 \2008 المقابلة الثالثة 28 \5\2009 مقابلة الوفد 25\6\2009  استلام الضرف 14 \7\2009 طبعا النتيجة كانت قيد الدراسة الى 29\10\2009 الموافقة ومن ثم تحديد موعد الفحوصات والدورة يوم 9و10و11 و13 \11 واتصال بالكفيل 29 \12 واخيرا السفر الى ولاية كالفورنيا انشالله الموافقة للجميع والسفر القريب للجميع لان ماكو اصعب من الانتضار لان طالت علينا واني هم طولتها عليكم اختكم جوهرة بغداد" http://www.ankawa.com/forum/index.php?action=profile;u=78872;sa=showPosts
 والاخ ALYATEM ,AHM والهداف والشذر وباسل بلالو "لا اعرف شنو صار وياهم "
تمنياتي لهم جميعا بالموفقية
وهنا روابط تخص لبنان في عينكاوا
http://www.ankawa.com/forum/index.php/topic,379149.msg4402168.html#msg4402168
http://www.ankawa.com/forum/index.php/topic,309061.msg3938520.html#msg3938520
http://www.ankawa.com/forum/index.php/topic,383291.msg4431797.html#msg4431797
http://www.ankawa.com/forum/index.php/topic,383101.msg4431811.html#msg4431811
http://www.ankawa.com/forum/index.php/topic,329769.msg4064969.html#msg4064969
http://www.ankawa.com/forum/index.php/topic,410383.msg4582961.html#msg4582961
http://www.ankawa.com/forum/index.php/topic,418423.msg4637421.html#msg4637421
http://www.ankawa.com/forum/index.php/topic,432823.0.html
اما انا فملخصي في التوقيع ادناه
وشكرا لحسن المتابعة وتمنياتي للجميع بالتوفيق

[** يدكو **]

اخي العزيز اشكرك على المعلومات الي ذكرتها وان شاء الله تعود بالنفع والفائدة للاخوة الجدد والموجوديين في لبنان

واتمنى من كل واحد موجود بلبنان ويدخل للمنتدى يكتب اي شيء جديد او نبذه عن تقديمه الى اليو ان او عن الحياة في لبنان او التعريف بلبنان والخ
 
وبالتوفيق للجميع

[علي ياسين]

اتمنى ان يكون الجميع بخير
هل يمكن التقديم في لبنان على الاي او ام مباشرة للذين يعملون سابقا مع الحكومة الامريكية في العراق حيث ان جواب الاي او ام في بغداد يجب عليك الاتصال  مكتب المفوضيةالمحلية لشؤون الاجئين UNHCR من أجل الحصول على معلومات حول إعادة توطين اللاجئين اوالاتصال بالسفارة الامريكية للحصول على معلومات عن التأشيرات المتاحة
اخوان مشكورين اريد احد يوظحلي اشلون اتصل UNHCR

[atoor]

السلام عليكم
 عندي سؤال  صغير  احنة  قدمنا على اليو ان  بشهر السابع 2009 و كملنا المقابلات بال يو ان و حولونا  على السفارة الاسترالية بشهر 12 , قابلنا  بالسفارة  و بعدها ب 10 ايام  خابرونا   نطونا موعد للفحص الطبي  بس رجعوا عادوا الفحص لوالدي لانه  عنده شلل نصفي  يعني كملنا كلشي بشهر الثاني و لحد الان  ما اتصلوا بينا   ,
 محد ميعرف شكد اتطول  لحد ما تجي الفيزة   ؟؟؟؟؟؟؟؟؟؟؟ صارلنا سنة  بلبنان

[y.a.r.a]

اخوان اذا ممكن استفسار عن عنوان ال يو ان في لبنان
رجاااااااءا

[green card]

اولا مرحبا

ثانيا نرحب بيج بالمنتدى

سألتي عن عنوان الاي او ام في لبنان

العنوان هو : بيروت - منطقة الجناح - سبنس

مجرد انه تكولين لصاحب التكسي سبنس على الجناح  الامم المتحدة صايرة وراه مباشرة




وبالموفقية

اي شيء تحتاجين احنا حاضرين

jemmy_202031@yahoo.com

[** يدكو **]

اخي atoor كن مطمأن اني عندي صديقي وكرايبي هنا بلبنان صارلهم اكثر من 8 اشهر هاي شي طبيعي ولاتخاف وان شاء الله  يخابروكم بهالفترة على موعد الطيران

[** يدكو **]

مرحبا اختي وهذا العنوان الكامل مثل ماكال اخي green card

الرملة البيضاء - بناية خاطر- شارع الدكتور فيليب - بيروت لبنان

اما اذا رغبت الذهاب بس تكولي مبنى الامم المتحدة بالرملة البيضاء خلف سوبر ماركت سبينس

[alisalam2010]

عنوان الاي او ام IOM:
الحمرا قرب مستشفى الجامعة الاميركية -شارع كليمنصور -مركز جفينور- بلوك ب -ط2
International Organization for Migration
St. Clemenceau, Gevinor Center
Block B 2nd floor
Beirut
Tel:   +96.1 175 21 18
Fax:   +96.1 175 21 08 ext 20
http://www.iom.int/jahia/Jahia/lebanon
اما الامم المتحدة فكما ذكر الاخوة الطيبين

[** يدكو **]

شكرا اخيalisalam2010 على المعلومة بصراحة ماكنت اعرف وين موقعها

بالتوفيق

[علي ياسين]

تسلم حبيبي alisalam2010
ما هي الشروط لتقديم اها مباشرة

[alisalam2010]

انة ما اعرف شنو الشروط للتقديم المباشر بس اعتقد المفروض نفسهة الشروط للي يقدمون مباشرة من اي مكان مثل بغداد يعني المشتغلين وية الاميركان بس الافضل واحد يخابرهم ويسألهم احسن

[atoor]

مرحبا

 ممكن  تكلولنا  شوكت الكريتاس  راح ينطون الكبونات  احنى بعيدين عن البوشرية  و مدى نعرف شوكت دا ينطون الكبونات او المساعدات 

[** يدكو **]

اخي العزيز انت اول شي وين مسجل بالبوشرية او سن الفيل او وين

وحاليا ماكو كابونات بسن الفيل الي اني مسجل فيها وقبل 10 ايام رحت استلمت فقط كابون الحفاضات للطفل ومواد التنطيف واي شي
جديد راح اشرح في هذا القسم واذكره

بالتوفيق

[** يدكو **]

اما حاليا اكو خبر حلو للاجئيين العراقيين في لبنان لان داينطون مواعيد للطيران الي مسويين موعد المقابلة مع المحلف في الشهر الثالث

وارجو ممن انطو موعد مشاركتنا لكي نبارك كل من اخذ الموعد

وبالتوفيق وان شاء الله الكل تسافر


 

[atoor]

شكرا  على الرد 
 اني مسجل بالبوشرية  بس مدى اعرف شنو نظامهم بالضبط شنو  ينطون مواد تنظيف همين ؟؟؟؟؟؟

اخي العزيز انت اول شي وين مسجل بالبوشرية او سن الفيل او وين

وحاليا ماكو كابونات بسن الفيل الي اني مسجل فيها وقبل 10 ايام رحت استلمت فقط كابون الحفاضات للطفل ومواد التنطيف واي شي
جديد راح اشرح في هذا القسم واذكره

بالتوفيق

[** يدكو **]

اخي اطلب منك ان تراجعهم بين كل فترة وفترة لان بل بوشرية ينطون مواد اكثر من سن الفيل الي اني مسجل فيها فقبل فتره صديقي استلم صك ابو ال50 $ وصك ابو المئه الف ليرة ملابس الطفل اذا عندك طفل وفي حال انت مامستلم شراشف روح باجر ونفس الحالة الى المساحيق

بالتوفيق

[** يدكو **]

مرحبا بجميع الاخوة الاعضاء والقادميين الجدد الى لبنان بالنسبه الكم ماكو شي جديد اذا اكو ذكروا حتى يستفاد اكثر عدد من الجاليه سواء من ناحيه المساعدات اوالتجربه او اي شي

اما انا فالبارحه كنت عند الاصدقاء وكالولي لحد 20-8 انطو مواعيد سفر فاذا اكو اي واحد اخذ موعد خلال هالفترة يذكر اما
بالنسبه الي فخابرو كفيلي بامريكا وكالوله تعال وقع على اوراق الكفاله

والله كريم داننتضر وان شاء الله السفر القريب للجميع

[ابو عز الدين]

السلام عليكم اخواني اني في لبنان  2005 اني وامي لبنانية وكان اخوية وياي اخوية كتلة انتة قدم بوحدك انتة ومرتك
 احسن
 قدم واني قدمت هو سافر  واني بقيت علمود امي لبنانية ميصر  لان هية امي لو مرتي عادي كال لو تفصلة لو تنتضر انتضرت سنة وشوية وماكو شي كلتلي افصل ملفي فصلتة مشت الامور وقابلت  وفد  شهر 12 السنة الماضية كملت كل شي  شهر الواحدوالامنية والادارية رحت عليهم شهر 3 كاملات المشكلة اني عندي محل المهم اصدقائي كلهم يخابروني الي كانو معي بلوفد والدورة والفحص ويكولون عصام يعرف يخابروني والله العظيم اكو ناس يخابروني يكول عنة شغلة بلعراق راحو ويخابروني واجوي كتلة اني اخوكم حافظهم حسب الخبرة يعني ودعنة هواية عزاز منا المهم يخابروني كتلهم كولو يالله ولتخلون الامر يصيطر عليكم نفسيا انسوهااني ناسيه من ورة مشاكلي بلحياة فكلت اتبشر خير بشهر سابع والله كتلهم هل شهر خير والله وفعلن خابروهم وخذو مواعيد سفر واني لا هههه خابرت افهم شكو كالو مكمل كلشي انتة وماعندك اي شي انتضر اي او ام يخابروك وارجو منكم الدعاء والله يوفقكم يارب واي شي احد يحتاجة او استفسار اني جاهز او خدة

[** يدكو **]

ان شاء الله اخي الكريم يخابروك وتروح وترتاح وبعدين تكتبلنا باركولي انطولي موعد سفر

بالتوفيق والسفر القريب ان شاء الله لك وللجميع

[شالان العراقي]

اي شباب شنو اخر اخبار السفر من لبنان ؟؟؟

[** يدكو **]

حسب ماسمعت اخر شي انطو مواعيد للعوائل واخر موعد للسفر سمعته هو يوم 18/8 وان شاء الله السفر القريب لجميع الاخوه


مع تمنياتي لكم بالموفقيه 

[alisalam2010]

اهلا اخوتي الاعزاء ...الله يبشرك بالخير اخ يدكو على هلخبر بس هذولة اللي قابلوا الوفد بشهر الثالث مو؟؟
زين اكو قابلوا الوفد بشهر الرابع لو لا؟؟
وانة سمعت اكو مواعيد سفر هلشهر ايام 27 و28
ومبروك اخ يدكو على الاتصال بالكفيل وربنا انشالله ييسر ولايعسر
انا عذروني على الانقطاع بس هنا في خلدا الوضعية كللللللش تعبانة الكهرباء موزينة وضعيفة وابو المولد مايجيبهة دائما والجو جددددا حار ورطب والماء ينقطع بين حين واخر والانترنت اذا اكو فيكطع.... الله ييسر ولايعسر ومابعد الضيق الا الفرج

[alisalam2010]

بالنسبة لجماعة لا قرار في لبنان اكو اشاعة يطلع القرار بالعاشر

[** يدكو **]

اخ علي ان شاء الله السفر القريب الك ولكل العراقيين الله يوفقك من كل قلبي نعم الي انطوهم مواعيد هم جماعة الي قابلو الوفد في الشهر الثالث
اما بالنسبه للوفد بالشهر الرابع اخي ماجان اكو وفد الوفد اجا بدايه شهر 3 واجا بدايه الخامس 5/2 وان شاء الله راح يجي بالثامن حسب ماسمعت الله كريم
بالنسبه للمواعيد 27 و28 ماعندي علم بيها الله يجعل احنا شنريد اخوي غير نريد ينطون لجماعه الثالث حتى بعدين ينطون النا جماعه الخامس مو اخوي

اشكرك اخي العزيز ان شاء الله يوم الك وتبشرني بيوم مخابره كفيلك صدك انت على الكفيل لو المنظمة

اخي العزيز بالنسبه للكهرباء احنا يمنا كلش زينه ماتنقطع غير 3 ساعات باليوم اذا تريد اخوي مدلك خط من عندي تدلل اني باشرفيه

[alisalam2010]

شكرا اخي على الرد الجميل
اي والله ياريت تمدلي خط حتة لو بس 5 امبير ....   اي طبعا اهل بيروت مدللين قابل مثل اهل الضواحي 
انا علمنظمة وماعندي كفيل ...الليلة احساسي جميل لاجيء وماعندي كفيل
الله يوفق الجميع

[** يدكو **]

هههههههههه تدلل جيب كيبل ومد ولا يهمك الله كريم اخي ان شاء الله يتصلو بيك وتفرحنا بس اريد اذكرك بشي ان شاء الله بس ينطوك موعد للسفر تكدر تتصل بالمجلس الدنماركي وهما يدفعوك نفر غلسه هاي اذا ماماخذ مواد واذا كنت مستلم مواد منهم راح يدفعو نص نفر وراح اشرحلك التفاصيل بس اتصل بيهم بالجايات لان من استلمت مواد كالولي طبقا من الي ذكرتو هسا الك

[ابو عز الدين]

السلام عليكم اخواني اخواتي

الحمد لله
 عطوني موعد سفر يوم 10/8 واتمنى للكل السفر الانتظار صعب جدا ومن الله التوفيق

[** يدكو **]

اخي ابو عز الدين الف مبروك عليك وان شاء الله الوصول بالسلامه صبرت واجاك الفرج فهنيأ لك اخي  بس احب تشرحلنا شوكت قابلت المحلف وبأي ولايه راح تروح اذا ماكو زحمه واتمناك كل التوفيق

[alisalam2010]

الاخ ابو عز الدين الف مبروك ...ماشاء الله ماصارلك هواي من شاركتنا بالمنتدى واجالك الفرج انشالله كصتنا خير عليك
ممكن تنطينا ملخص عن مقابلاتك كي تعطي لأخوتك الامل والف مبروك مرة اخرى

[** يدكو **]

وبالنسبه الى جماعات الي كان عدهم امنيات اليوم خابرو اخو صديقي وصارله 8 اشهر منتضر امنيات وانطو موعد سفر 18/8

ان شاء الله للجميع

[ابو عز الدين]

اخواني اشكركم واتمنا لكم الموفقية
اني قابلت  الوفد  يوم 11/3/2010 وكملت الفحص والدورة بنفس الشهر اني وجماعتي وسافر الي قبلنة واحنة بعدنة لانة كنا شباب اغلبيتنا اخواني  اي شي غير اني بلخدمة اني رايح الى  ولاية ايداهو عندي اخوية هناك هو كفيلي

[** يدكو **]

بالسلامه توصل  اخي العزيز بس توصل بعون الله اشرحلنا تجربتك من السفر  من لبنان ولغايه وصولك بعون الله بالموفقيه منتضرين وصولك ان شاء الله  

[alisalam2010]

توصل بالسلامة انشالله .... انتم السابقون ...ونحن اللاحقون بأذن الله

[alisalam2010]

معلومات قد تحتاجها في لبنان
موقع مطار رفيق الحريري الدولي  www.beirutairport.gov.lb/
موقع الخطوط الجوية العراقية  http://www.iq-airways.com/AirqAirways/lebanon.php
موقع طيران الشرق الاوسط http://www.mea.com.lb/English/Pages/default.aspx

الملحق الثقافي والسفارة العراقية تقع خلفه
 المستشار الثقافي : الاستاذ الدكتور إنعام موسى صادق
- الهاتف النقال:     0096170816782
- الهاتف الارضي:  009615453314
- رقم الفاكس:       009615453340
- البريد الالكتروني:   Beirutculturaloffice@yahoo.com  Beirutculturaloffice@gmail.com
- عنوان الدائرة الثقافية  :  لبنان / بيروت /الحازمية / طريق الشام / بناية بنك عودة / ط3


موقع عناوين وهواتف الوزارات اللبنانية http://www.mye-branch.com/ftgstore/p_ministries.aspx

http://arabic.lebanon.usembassy.gov/
سفارة الولايات المتحدة
تجاه بلدية عوكر
بيروت – لبنان
صندوق البريد840-70
هاتف: 542600-4-961
فاكس: 544136-4-961
عبر البريد الالكتروني:

خدمات الفيزا لغير الهجرة BeirutNIV@state.gov
خدمات الفيزا للهجرة BeirutIV@state.gov
خدمات لحاملي الجنسية الأميركية BeirutACS@state.gov
قسم الدبلوماسية العامة BeirutPD@state.gov
أوقات العمل في السفارة هي من الساعة 8:00 صباحا" حتى الساعة 4:30 مساء من يوم الأثنين حتى يوم الجمعة

[** يدكو **]

شكرا اخي علي على المعلومات ان شاء الله تعود بالفائده لكل اخ واخت في لبنان او الجدد القادميين الى لبنان

معلومات اكيد مفيده عاشت ايدك بالتوفيق وبارك الله فيك 

[alisalam2010]

الاخ يدكو تحية طيبة
سمعت اليوم "ليس كل من قابل الوفد الاميركي في الشهر الثالث اعطوهم مواعيد للسفر "
يعني احنة جماعة الخامس لعد يمتة؟؟؟؟

[** يدكو **]

اي اخي اني همينا سمعت بس حسب ماسمعت 45 فيزه  انطو واحنا ان شاء الله على الاكثر نهايه التاسع او بدايه العاشر
حسب ماسمعت بس مو اكيده الله كريم واي شيء جديد يصير راح اذكرلك اياه شونك ويا الكهرباء

[alisalam2010]

هههههه
هسة علمولد ساعة 12 تجي الوطنية
هاي احنة بين يوم ويوم يوم انام بالليل ويوم انام الصبح لأن الجو رطب ولازم سبلت لعد ليش انة كاتل روحي علسفر  مو طلعت روحي من الانتظار ومن الظروف التعبانة يعني مامرتاحين وحتة دورت علة شقة ايجار داخل بيروت بس لفترة الصيف غالية الاسعار وخيالية
الله كريم الله يفرجها فما ضاقت الا فرجت

[alisalam2010]

بس بعد سؤالين:
انتة همينة خابرتهم وكللولك الامنية كاملة؟
وهذولة اللي مقابلين بالثالث وماطلعلهم سفر لحد الان هل بسبب الامنية ؟؟
وتقصد بداية العاشر نهاية التاسع السفر لو يخابرونة علسفر؟؟؟

[** يدكو **]

لا اني مامخابرهم لاني بعد مامسوي بصمات لان يوم الي قابلنه المحلف كبله بيوم عطل الجهاز واني ادري لو اخابرهم يكولولي بس يجي الوفد نخابرك على البصمات اما الامنيه فما سال عليها احتمال اي واحتمال لا  اي على جماعه الثالث هما بكيفهم يمشون من الامم

حسب ماسمعت من جماعه كبل كم يوم كالو جماعه الخامس لو بالتاسع او العشر سفرهم ولكني مئيس من السفر حاليا لان مرتي باقيلها فد اقل من شهر وتولد وتعال اشبع قهر وعيد المقابلات والاضافه دخت والله بس الله كريم

[alisalam2010]

اهم شي سلامة مرتك والطفل وما اتصور اكو بعد اعادة مقابلات لأن موظف الايسي امسي سألته علة هيجي حالة كال :
في حال مرتك جابت جيب بيان الولادة واحنة نقوم بالاجراءات اللازمة
الله يوفق الجميع انه لطيف بالعباد

[** يدكو **]

اشكرك اخي اي اخي صح تحجي ولكن يتم التسجيل بالبدايه عند مكتب ال un  وبعدها هما يحولو الى لجنه التوطيين يقابلوك مع وشغله عاديه وماطول 10 دقائق وتوقع بانو طفلك وراها يحولو الى icmc ونفس الحاله اضافه انو ياخذو صور للطفل ويرفقوها ويا ملفك وبعد ذلك يتحول الى الوفد وتقابلهم ونفس الاسئله الي طرحوها بالتوطين وال اي سي ام سي يطرحوها بالاضافه الى الحلفان باليمين بانه طفلك مع البصم ومجرد روتينيات لااكثر ولااقل وهاي كلتلك اياها عن تجربه لصديقي بالتوفيق عزيزي

[كاسـ الحنون ـبر]

مساء الخير حبايب
بله زحمه عليكم اللي يعرف ايميل
الامم المتحده في لبنان يكتبليا هنا او برساله خاصه
واكون ممنون الكم تحياتي وشكري ويارب الموفقيه للجميع

[** يدكو **]

تصفح بالصفحه الاولى موجود

[كاسـ الحنون ـبر]

يدكو الغالي صارلي ساعه افتر لحد منحولت تكدر
تكتبليا  بالرد والف شكر الك واسف اذاا ازعجتك
وزحمت عليك وممنون الك

[alisalam2010]

الاخ كاسبر اعتذر عن التأخر بالرد وبعد رخصة الاخ يدكو والاخ جامبو هذا موقع لبنان مفوضية سامية لشؤون اللاجئين :
http://www.un.org.lb/  ولكنه حاليا قيد الانشاء ويمكنك ان تجرب التالي
http://www.unhcr.org/cgi-bin/texis/vtx/page?page=49e486676
http://www.un.org.lb/Library/Files/About/UNHCR%20Fact%20Sheet%20-%20March%202009%20Lebanon.pdf


مكتب المنسق المقيم لأنشطة الأمم المتحدة في لبنان
العنوان: شارع المصارف - مبنى البنك العربي الافريقي الدولي
 
 رقم الهاتف 01/ 981 107
 رقم الفاكس 01/ 985 932
 رمز البريد 11 - 3216 - Beyrouth
 البريد الإلكتروني  registry@undp.org.lb
 العنوان على شبكةالإنترنت  http://www.un.org.lb


اللجنة الدولية للصليب الأحمر
 
العنوان الحمراء - شارع السادات - مبنى منصور
 رقم الهاتف 01/ 739 297 - 8 - 9
 رقم الفاكس  01/ 740 087
 رمز البريد 11-7188 Riad el-Solh
 البريد الإلكتروني  beyrouth.bey@cicr.org
 العنوان على شبكةالإنترنت www.icrc.org

 
مفوضية الأمم المتحدة لشؤون اللاجئين

Tel: 961-1-849201
Fax: 961-1-849211
البريد الالكتروني: lebbe@unhcr.org

[** يدكو **]

عاشت ايدك اخي معلومات وافيه بالتوفيق تحياتي

[كاسـ الحنون ـبر]

شكري وامتناني اليكم احبائي
والموفقيه للجميع يارب

[alisalam2010]

الاخبار جاءت اخيررررررررررررررررررررا
اثنان من رفاقي في الدورة التثقيفية احدهما خابره الكفيل مالته وكال : وقعت اوراق الكفالة البارحة والثاني خابره الكفيل وكال : باجر راح اوقع اوراق الكفالة ....واليوم 28 تموز كان موعد سفر لبعض العوائل ممن قابلوا قبلنا
الله يوفق الجميع ....انشالله الفرج القريب للجميع

[** يدكو **]

شكرا على الاخبار المفرحه اخي وان شاء الله يوم الك والنا وللجميع بالموفقيه يارب

[علي ياسين]

اتمنى ان يكون الجميع بخير
يوم 10/8/2010مقابلة اعادة التوطين .......................
ادعولي وشنو نصيحتكم لي

[razak]

فد سؤال للحبابيين

واحد طلع من العراق قجق ودخل لبنان قجق يعني جوازه فارغ
اذا ايقدم للمفوضيه عليه مساله
بالنسبه اهنا في عمان اني سالت الموظفه كالت انبلغ السلطات الي اتقوم بترحيله
وكالت كل بلد اله ارتباطاته بالمفوضيه
يعني ابلبنان شنو اخباره ابحيج موضوع

[alisalam2010]

اخوتي الاعزاء انا اسف لغيابي عن المنتدى لكن صارت مسألة طارئة اضطرتني للانشغال
الاخ علي ياسين انشالله مقابلة موفقة ومن تدخل علمقابلة قل "رب ادخلني مدخل صدق واخرجني مخرج صدق واجعل لي من لدنك سلطانا نصيرا " والقصة مثل ما اخبرتهم بها واذا عندك كفيل جيب معلومات الاتصال عنه بالكامل
الاخ يدكو يمتة تبشرنا بالمولود الجديد وانشالله السلامة والصحة التامة يارب
اما اخبار التوطين للمقابلين الوفد في ايار 2010 فاللي اعرفهم وعدهم كفيل خابروا على كفلائهم وبعد اللي ماعندة كفيل باقي على حالة يمتة تتوقعون يخابرون على موعد السفر بعد توقيع الكفيل الاوراق المطلوبة؟؟
اما انا فخابرت الايسي امسي ونفس الحجي "الامنية انتهت ولهلأ بعدك بالاجراءات الادارية "
تمنياني لكم جميعا بالتوفيق

[** يدكو **]

اخي alisalam2010 وينك يمعود خابروني علمود البصمات يوم 23 بهالشهر لاني بيوم الي سويت
السفير عطل الجهاز مال البصمات الله كريم اكلك خابرو كفيلك لو ماعندك كفيل بالتوفيق 

[alisalam2010]

اخي العزيز مبرووووووووووووووووووووووووووووووووووووووووووووووووووووووووووووووووووووووووك اخيرا الفرج انشاللله للجميع
والدتي تمرضت ودخلناها بمستشفى الجامعة الاميركية والبارحة يلله طلعت ويرادلهة علاج لمدة شهر فاجرنا شقة بالحمرا قرب المستشفى لأن خلدا متعبة وبعيدة عن الجامعة
هسة الكهرباء اوكي بس الوالدة مريضة يعني لازم عندي هم ياريت يرجع هم الكهرباء والوالدة تصير زينة
 وبعدني ماجار انترنت بالشقة الجديدة لذلك انة هسة بمركز انترنت
لا انة ماعندي كفيل ...تقريبا ورة شكد المفروض يخابرون لأن اللي عدهم كفلاء الوياي بالدورة التثقيفية كلهم خابروا كفلائهم

[ahm]

اخي الغالي سلامات والحمد لله على سلامة والدتك ومااتشوف شر والله ايعينك ويارب السلامة للجميع

[** يدكو **]

الله كريم اخي ان شاء الله تخلص وترتاح وان شاء الله الوالده تصير زينه وحمد لله على سلامتها تحياتي لك

[علي ياسين]

حبيبيalisalam2010سلامة الوالدة عدها عافية واذا اى شي تحتاج  فاني بالخدمة احنه اهنا بغربة كنا اخوة
واشكرك على نصيحتك القيمة
والمهم طمنا على الوالدة

[alisalam2010]

اشكركم اخوتي على مؤاساتكم ومؤازتكم وكلماتكم الطيبة ...
كل يوم ادخل مركز النت وافتح عنكاوا دوت كوم وما اكدر اطول لأن وراي مشاغل ...ادخل وما ادري شكتب وشكول ادخل  بلكي اشوف شي ينطيني امل ودفعة وقوة صبر
بلكي الاخ يدكو يبشرنة بشي ويارب تكوم مرتة بالسلامة والمولود الجديد ويكمل الاجراءات  والاخ علي ياسين يبشرنة بشي ويكمل مقابلة التوطين  والاخوة الاعزاء جميعا
كلنا في طابور الانتظار الرهيب المميت ومشاغل الحياة في لبنان
بين يوم ويوم اخابر واحد من جماعة الدورة التثقيفية ....والجواب كالعادة "والله صافية دافية " او اركض متلهف علتلفون من واحد منهم يدك بلكي خابروه الاي او ام يطلع هوة جاي يسألني "شكو ماكو ؟" وكل ما امر من امام مركز جفينور (مقر الاي او ام ) الدمعة بعيني واكول يمتة الخلاص
حبيت افض عن ما في داخلي واضوجكم وياي لأن انا وحيييد بمعنى الكلمة واشعر بوحدة مطلقة رغم وجود اهلي بقربي ولكن لايوجد صديق ... لا الوقت ولا الظرف يسمحان باللقاء بصديق نتسامر ونشكو لبعض
منذ الصباح حتى اخر الليل الوقت مشغول ولا توجد فرصة الا صغيرة بس شسوي بيهة ؟؟؟ ماكو بس عنكاوا وانتو نجوم عنكاوا
الله يصبرنا ....واسف اذا ضوجتكم وياي
رب اشرح لي صدري ويسر لي امري
السلام  

[alisalam2010]

اضيف هنا رد الاخ يدكو لأحد الاخوة للفائدة وياريت يضيفلنة ارقام الدلالين
"سد البوشريه ويوجد بيها الجاليه العراقيه بكثره واكثر الايجارات فيها مايتعدى 350$  ايجار الشقه
الشياح ويتواجد فيها ايضا الجاليه العراقيه وخاصا المناطق القريبه من بنايه الامن العام مااعرف الاسعار ولكن اعرفها منطقه رخيصه
سن الفيل نفس الشي لكن الاسعار مختلفه فيوجد 350 و400 الخ حسب نوع الشقه ونظافتها
الدكوانه قريبه من سد البوشريه وفيها الاسعار مختلفه من مكان الى اخر ولكنها تمتاز مع سد البوشريه بوجود سوبر ماركت التابع الى لي شاركاتي عون والذي اغلب العراقيين يذهبون اليه وذلك لان الاسعار تكون ارخص من بيقيه المناطق ويصير بيه عروضات اي مثلاً اذا سعر طبقه البيض بغير مناطق ب5000 ليره فانت اذا تروحله ايام السبت والاحد تلكاه ب3500 على الاكثر"
في الرابط http://www.ankawa.com/forum/index.php/topic,432823.0.html
وهناك اضافة في رد "معلومات قد تحتاجها في لبنان " عن موقع مطار رفيق الحريري الدولي وموقع الخطوط الجوية العراقية وطيران الشرق الاوسط لمعرفة مواعيد الرحلات واتجاهاتها واسعار التذاكر...الخ

[** يدكو **]

اشكرك اخي alisalam2010 على مشاعرك وكلماتك وبالمناسبه اخوك حاضر لاي شي تحتاجه وان شاء الله مااقصر اذا اكدر عليه
اما بالنسبه لشغله الدلالين فان شاء الله باجر او بعد باجر اروح واستلم بعض من ارقام الموبايلات عندي بالاشرفيه وراح انزلها مباشرهً والله اخي ان شاء الله بهالايام تبشرنا بشي يفرحنا وراح تبقى كلها ذكريات نكول الاخ علي بفلان ولايه واني بفلان ولايه
وهكذا وراح نطب على المنتدى ونساعد الاخوه الي بلبنان على تجربتنا والله كريم اصبر اخي ماضل شي ان شاء الله السفر القريب
للجميع ربي يوفقك ويوفق الجميع تحياتي وفائق تقديري

[alisalam2010]

آمين اخي يدكو آمين .... ضاقت ثم ضاقت فلما اكملت حلقتها انفرجت ....
انشالله ربنا يفرجها فانه لايكلف نفسا الا وسعها وجعل مع العسر يسرا
واحد من اصدقائي في الدورة البارحة خابره كفيلة -وهو موقع اوراق الكفالة قبل اسبوع -  وحسب قوله انه وكالة التوطين اخبروه يوم 20-8 راح يخابروه على موعد للسفر لكي يجهز اموره ويستقبلهم بالمطار ويحضرلهم سكن ورغم هذا خابر اليسي امسي يسألهم عن ملفه وين وصل وكان الجواب :الملف الامني خلص وهلأ بعدك بالاجراءات الادارية !!!
بالنسبة للي ماعنده كفيل يتأخر عن اللي عندة كفيل لو مالهة علاقة عندة او ماعندة كفيل ؟؟؟؟

[** يدكو **]

اخي العزيز ..

مو بالضروره الي ماعنده كفيل يتاخر اكثر من الي عنده ولكن الكفيل يقلل الكثير من شغلات الي تقوم بها المنظمه كتاجير شقه
والذهاب للمعاملات والى اخره تحياتي لك وبالتوفيق

[علي ياسين]

مرحبة شباب
اتمنى ان يكون الجميع بخير
اليوم قابلة توطين
الموضفة كانت مستعجلة ومو حيل حبابة المهم اني رحت بثمانية دخلت للمقابلة بالعشرة وطلعت بالعشرة وعشرين دقيقة....
وفي نهايتة المقابة كالتلي روحو واحنا نتصل بيكم بعد داراسة الملف خلال ثلاثة اشهر....والغريب ما قبلة تاخذ عنوان الكفيل لانه صديق وليس احد اقاربي (حسب ما هي كالت).
اخوان هل ما حدث معي طبيعي؟؟؟؟؟؟؟؟؟
مع حبي وشكري للجميع

[alisalam2010]

اخي علي ياسين مبروك لأنهائك المقابلة اولا وثانيا هذا اللي صار وياك يمكن لأحد سببين
اما القصة لم تتطلب وقت اكثر من اللي ذكرتة او انها الاجراءات الجديدة بسبب المحاولة في الاسراع بالمعاملات وعدم التعقيد في الاجراءات كما كان في السابق وقلة عدد الموظفين
وبالنسبة للكفيل انة قدمتلهم عنوان وتلفون وحدة امريكية تعرفت عليهة بالانترنت وقبلوا حتى الوفد قبلها ككفيل بس انة لغيتهة لأنها مشغولة جدا مو مال تتفرغلي يجوز هاي من ضمن الاجراءات الجديدة لجعل الملفات حرة لعدم التقيد بولاية محددة للأسراع بالتوطين والله اعلم
اكثر من الدعاء والتفاؤل وانشالله خير...امنياتي لك بالفرج العاجل
اخوك ابو فطم

[ahmadaliraqi1]

مرحباا شباب متندي عنكاوا

شباب خلوكم ويايه لان اني جديد بلبنان و جديد علي اللجوء (يعني كلشي ما افتهم )

حاليا اني في بيروت صارلي اسبوع جاي و اجرت شقة موقته اني و اخويه الي ان أجر شقه بمكان احسن تكفي لعائلة تتكون من ام و اب و اخوين (4 اشخاص)...

سؤالي الاول: حاليا اني و اخويه بس اجينه الي لبنان و امي و ابي في بغداد و بعد شهر رمضان يجون الي لبنان حتي نقدم لجوء علي امم المتحده ,  سؤالي هو اقدر هسه اني اروح للامم امتحدة و اقدم علي مقابله و اخذ وقت ؟؟؟ يعني بدون حظور امي و ابي ؟؟؟ لو لازم انتظر اهلي يجون و نقدم كلتنه سويه ؟؟

سوال الثاني : مثل ما ذكرت اني صارلي اسبوع داخل و اقامتي شهر , الي كم شهر اقدر امدد اقامتي ؟

اني فكرتي اظل امدد اقامتي الي ان اهلي يجون و نقدم علي الامم و ناخذ توطين أو اقامة علي اساس الامم المتحده ,


شكرا انتظر ردودكم

[علي ياسين]

تسلم وتعيش حبي علاوي الوردة....ريحت كلبي

[علي ياسين]

تسلم وتعيش حبي علاوي الوردة ....
ما هي المدة النتوقعة للاتصال  بعد مقابلة التوطين وهل هذا الاجراء متبع مع الجميع

[علي ياسين]

تسلم وتعيش حبي على هذه المعلومات القيمة

[ahmadaliraqi1]

مرحبا

شكرا أخي العزيز يدكو جزيل الشكر علي المعلومات
راح اتوكل علي الامم ان شاءالله , أهم شي مال اقامة جانت مدوختني هوايه , بس هسه ارتاحيت

[** يدكو **]

تدلل اخي واي سوال او استفسار ماتعرفه حاول تطرحه حتى ننطيك اني والاخوه الصحيح والي يفيدك اتمناك التوفيق

[علي ياسين]

اخوان البدل جان مليون ونص لو مليونين
صدكوني اني دفع بدل 1995 بس ما اذكر زين

[alisalam2010]

اخي العزيز يدكو انا لم يتصلوا بي ...بل خابروني الايسي امسي  يوم 1-6 وكالوا تعال استلم نتيجة مقابلة الوفد يوم 4-6 انطوني ورقة القبول المبدأي وورقة فيها مواعيد وعناوين الدورة التثقيفية والفحص الطبي ومن ذاك اليوم الايسي امسي لاخابروني ولاشي
انة اللي كمت اخابرهم وكللولي ملفك الامني خلص هسة انتة بالاجراءات الادارية

[** يدكو **]

مشكور اخي alisalam2010 على الاجابه على سؤالي اما انا فاليوم خابرت الاي سي ام سي علمود ينطوني موعد على الدوره التثقيفيه كالولي لحد الان مامخلين اسمك على القائمه بس يجينا اسمك ونخابرك ...

اما بالنسبه الى الاخوه الجدد والي دايستفسرون عن الشقق فجبت رقم ابو المكتب الي بالاشرفيه ويكدر يامن شقق بنفس اليوم وللمناطق (الاشرفيه . الساسيين . جعيتاوي ) فقط اما بقيه المناطق فبعدي ماحصلت الارقام

رقم صاحب المكتب هو ..03740951 واسمه الياس

[علي ياسين]

عندي سؤال
شنو نسبة القبول والرفض وعدم القرار في مقايلات الوفود الامريكة الاخير
وما هي اكثر التي تسبب الرفض

[alisalam2010]

اخواني الاعزاء شلونكم انشالله تكونون بخير
اشو صافية دافية؟؟ البارحة اتصلت بأخوانا و اخواتنا من الدورة التثقيفية اللي عدهم كفلاء : كلهم وقع الكفيل الاوراق قبل اسبوعين ومن خابروا الايسي امسي يكللولهم : الامنية خلصت بقت الادارية ووراها اجراءات السفر ووراها ينرفع الملف للاي او ام  اللي يحددون موعد للسفر
الامنية خلصانة من منتصف السادس والادارية بعدها شنو هاي الادارية انة الي اعرفة الامنية تطول بس اشو هنا الامنية بساع خلصت باقل من شهر وهاي الادارية راح يصيرلهة شهري وكلشي ماكو  ...ارجو من لديه فكرة عن السالفة ينورني واكون ممنون
تحياتي للجميع وتمنياتي لكم بالتوفيق
اخوكم ابو فطم

[** يدكو **]

احنا بخير ان شاء الله تكون بخير ......

والله ماكو شي ان شاء الله يجي الفرج بالايام القادمه بالتوفيق للجميع والسفر القريب

[alisalam2010]

الدراسة في لبنان للعراقيين بشكل مبسط وحسب خبرتي
بالنسبة للجامعات هناك جامعتان تقبل العراقيين وفيها عراقيين وبكثرة طلاب بكلوريوس ودراسات عليا وبمختلف الفروع  قسم على نفقة الدولة والاخرين على نفقتهم الخاصة
الاولي جامعة بيروت العربية وهي من الجامعات الرصينة وفيها كافة الكليات والاقسام - انا ادرس دبلوم عالي طب وجراحة العيون فيها - والتقيت فيها عراقيين طلاب ماجستير اقتصاد وتاريخ واداب ...الخ  واجور الدراسة لا اعرف بالنسبة لباقي الكليات لكن بالنسبة لكلية الطب دفتر بالسنة للبكلوريوس وللدراسات العليا وباقي الكليات اقل من هذا المبلغ
شروط التقديم هناك امتحان مفاضلة وبالامكان التقديم ايضا بشكل مباشر دون امتحان في بعض الحالات -كما حصل معي- والاهم ان تكون وثيقة الاعدادية وغيرها مصدقة من الخارجية العراقية والسفارة العراقية الكائنة في الحازمية -الملحق الثقافي
والموقع الالكتروني لها www.bau.edu.lb
الجامعة الثانية هي الجامعة الاسلامية -سميت بالاسلامية لأنها ممولة من قبل جمعية اسلامية وليس لأنها اسلامية - وتقع في خلدا وفيها مختلف الاختصاصات بكلوريوس ودراسات عليا وفيها عراقيين كثيرين يدرسون هناك قسم على نفقة الدولة والاخرين على نفقتهم الخاصة ولكنها لاتحوي على كليات المجموعة الطبية واجور الدراسة اقل بكثير
الجامعة الاميركية واللبنانية صعبات للقبول بالنسبة للعراقيين
الدراسة في لبنان سهلة جدا جدا ومحد يرسب ومستوى التعليم جيد وبمجرد كونك طالب تحصل على اقامة سنوية مقابل 200 دولار سنويا ولاعلاقة للدراسة في موضوع اللجوء
هناك معاهد تقنية كللللش هواي والقبول فيها لايتطلب سوى شهادة متوسطة وفيها كافة الاختصاصات -مصور شعاعي معاون صيدلي معاون طبيب تصليح موبايل حلاقة ....الخ يعني كلشي ومدة الدراسة 6اشهر-2 سنة واجور الدراسة 10-20 ورقة بالسنة
سأحاول تجميع معلومات اخرى لأضافتها للموضوع

[ahmadaliraqi1]

اشكرك اخي علي سلام علي المعلومات حول الدراسة في لبنان

عندك معلومات حول كلية الطب ؟ اني حسب اللي افتهمته من الموقع الرسمي لجامعة بيروت بأن للحصول علي درجة البكالوريوس يتطلب دراسة 12 فصل بس مفتهمت شنو يقصد بلفصل ..

المدة الاجمالية شكد للحصول علي درجة البكالوريوس؟


شكرا

[alisalam2010]

الفصلين يعني سنة يعني 6 سنوات مثل ما بالعراق بس هسة غيروا النظام بس ماذكروا بالموقع صار نظام وحدات بس المحصلة تبقى 6 سنوات والسنوات الثلاثة الاخيرة التدريب في مصر مستشفى الاسكندرية العام وتذاكر السفر والفندق في مصر  على حساب الجامعة كما ويوجد قسم داخلي للطلاب
موقع الجامعة الرئيسي في الكولا -طريق الجديدة ولها فرع بالدبية واخر في طرابلس لبعض الاقسام مثل الهندسة المعماري

[alisalam2010]

احد الاخوة اللي قابلوا الوفد وياي في5-5-2010 وطلعلة لاقرار خابروه الايسي امسي يوم الخميس حتة يستلم قرار الوفد يوم الجمعة وكانت النتيجة رفض والسبب الاختيار السابع اللي ماكدرت حتى الموظفة مال ايسي امسي تفسيره:
after a review off all evidence concerning your case including your testimony supporting documentation background checks country conditions and other available information as a matter of discretion your application for refugee resettlement under section 207 of the immigration and ntionality act INA has been
 ومانصحتة يستأنف ووعدتة بمفاتحة الوفد الكندي لتحويلب ملفه الى كندا ....الله يكون بعونننا جميعا

[** يدكو **]

مرحبا اخي الله يبعد كل واحد عن الا قرار والرفض ان شاء الله الكل تسافر

وهسا الي داينرفضون دايحولوهم على الوفد الهولندي ... حسب ماسمعت مؤخرا ولكن اخي علي الكنديه هوايا تطول الله كريم والله يوفق صديقك

عندي سؤال اخي ..اكو واحد من الاخوه كان يسالني عن الدراسه عندك معلومات شكد تكلف

هو مخلص سادس علمي ويريد يكمل علوم حياه  

[رواسي]

السلام عليكم جميعاً

انا عندي استفسر بخصوص اللاجئين في لبنان لان اهلي امروض يسافرون لى لبنان ويقدمون على ال يو ان

اول اسالتي بخصوص الاقامة شنو هي اجرائاتها وهل وجودك ينحسب على ال يو ان لو لازم تدفع حق الاقامة للحكومة اللبنانية؟
معاملة اللجوء بحد ذاتها شكد تاخذ وقت ؟ وانا كفيلة لاهلي في اميركا هل كفالتي تشكل فرق بالوقت لو نفس الشي؟
اسعار الايجارات شكد تتراوح لغرفتين وصالة او غرفة وصالة ؟
الاطفال مكن يدرسون هناك لو لا ؟
واذا اكو شي ما ذكرته ياريت تذكرو الي
مع الشكر

[alisalam2010]

اخي العزيز يدكو مساك الله بالخير
انا اجبت في رد سابق عن تكلفة كلية الطب "دفتر بالسنة " بالنسبة لجامعة بيروت العربية اما بالنسبة لعلوم الحياة فالارجح اقل من هذا المبلغ بالنسبة لجامعة بيروت العربية وبالنسبة للجامعة الاسلامية بعد اقل (4000-8000 دولار سنويا ) يمكن مراسلة الجامعة من خلال التلفونات المذكورة في موقعها www.bau.edu.lb
وبالنسبة للجامعة الاسلامية www.iul.edu.lb

[alisalam2010]

بالنسبة لأخبار التوطين التقيت بشخص مقابل وفد بشهر الثالث ومحدديدلة موعد سفر 18-8 وبعدين مؤجلين السفر الى ا-9 .....لعد احنة يمتة ؟؟؟؟؟؟ كل رفاقي من الدورة اللي عندة كفيل والكفيل وقع والماعندة كلهم كلهم يخابرون الاي سي ام سي والجواب "بعدك بالادارية" ما طلعت هاي الادارية يعني الامنية المدوخة العالم خلصت وطلعتلنة طركاعة اسمهة الادارية بس لا هاي اسم جديد للأمنية
شلون دوخة الله يعيننا ويعينكم جميعا

[** يدكو **]

شكرا اخي على الاجابه واني عندي صديقي نفس الحاله مقابل الوفد بال3 وموعد سفره 1-9 الله كريم اخي يجي دورنا اتمناك التوفيق والسفر القريب للجميع

[alisalam2010]

للفائدة اضيف مواقع لخريطة بيروت
http://www.placesonline.com/asia/lebanon/beirut/map.asp
http://travel.maktoob.com/vb//redirectLink.php?link=http%3A%2F%2Fwikimapia.org%2Fbeta%2F%23lat%3D33.889468%26lon%3D35.4707122%26z%3D17%26l%3D0%26m%3Db%26v%3D1

[ahmadaliraqi1]

شكرا علي الخرائط و أحب اضيف ايضا موقع العالمي wikimapia

http://wikimapia.org/#lat=33.8869297&lon=35.5260515&z=16&l=10&m=b&search=%D9%83%D8%B1%D9%85%20%D8%A7%D9%84%D8%B2%D9%8A%D8%AA%D9%88%D9%86

[alisalam2010]

عاشت ايدك اخوية احمد الموقع رهيب ومفصل وواضح
ما ادري ليش خلال هاي الثلاث ايام الراحت جماعتي اللي بالبصرة  اللي صارلهم سنة واكثر ما حاجي وياهم او متصل بيهم 6 منعدهم همة وعوائلهم اتصلوا بية يردون يغادرون العراق ويجون للبنان ويقدمون لجووووووووء اخر شي سألت واحد منهم "كتلة شكو اشو صايرة هجرة جماعية شنو صاير؟" جاوبني "ابو حسين الوضع لايطاق ومن اوصل يمك احجيلك " لاحول ولاقوة الا بالله

اخواني اليوم من اسوأ ايام حياتي ...الوالدة طلع بيهة سرطان والله ارحم الراحمين فوك كل هلقهر اجالي قهر ماكو منة ابد ابد خلاني تايه وضايع ولحد الان انا في حالة صدمة ونكران واحاول انسى الموضوع ....  لم يتم تشخيصها من زمان بالعراق لسوء التجهيزات والمعدات والمستشفيات وادارتها واللوم يقع  اخر شي :علحكومة
دعائكم لها ارجوكم ان تشفى واذا صار سفر ما اكدر اعوفهة ....اللهم لا اسألك رد القضاء ولكني اسألك اللطف فيه  وانت ارحم الراحمين

[** يدكو **]

والله اخي سطرتني بصراحه الله يشفيها من المرض ان شاء الله تتحسن اخي كول شتحتاج اكدر اساعدك بيه ان شاء الله مااقصر
ياربي ادعو لك ان تكوم بسلامه وتشفيها وتكون بجنب اولادها كولو امين اخواني اخي اتمناك التوفيق وان شاء الله السفر القريب اخي اذا تكدر تبلغ الامم بلكي يعجلون ملفك وامك تعالج هناك على الاقل اكو اكثر اهتمام دمت بخير 

[alisalam2010]

اخي يدكو اقدر مشاعرك واشكرك على مواساتاتك وادري بيك ابد متقصر بس المسألة اعقد ... انا مقبول وهية وابي واخي لاقرار لحد الان ومرتي اقتربت من ولادتهة -واريد اشوف شيصير وياك وية الولادة حتة استفاد بالمستقبل - ومرض امي لايجعلها قادرة على السفر اطلاقا هي مقعدة الان لاتستطيع حتى ان تقلب روحها بالفراش يعني مثل الشلل
الله يعيننا ويعينكم

[** يدكو **]

والله اخي اقدر ضروفك بس شكو بيدنا نسوي الله كريم ماكو بيدنا الى الدعاء اخي اي شي راح يصير ابلغك عل موبايل ان شاء الله مرتك ومرتي يكومون بسلامه الله كريم دمت بخير

[علي ياسين]

حبيبي علاوي الله ابد ما ينسى عبادة
ونشاء الله ياربي الشفاء العاجل وزوال هاي الغمة
حبيبي والله كلبنا معك ومع كل اخوانا العراقين الذين ظلمهم الزمان هواية بس انشاء الله احن ايمانا برب العالمين كبير
اخي العزيز اتمنى اكدر اساعد باى طريقة فا اى شي تحتاج اني حاضر احسبني واحد من اخوتك(الله يخليهم)
تحياتي ودعائي للوالدة

[رواسي]

اشكرك اخي على الرد بس عندي بعد كم سؤال

لو العراقي اشترى ملك شقه او ارض او بيت في لبنان ممكن على ضوءه يأخذ الاقامة؟ وشلون يكون وضع هالنوع من الاقامات؟
وانت متأكد من موضوع فلوس الاقامه السنوي لان احنه حسب ما كالو لنا ان الاقامه تكلف 800 دولار بالسنه للشخص!
على العموم انتظر ردك واشكرك جزيل الشكر على المتابعه والرد

[alisalam2010]

اخي العزيز علي ياسين اشكرك واعرف بيك ماتقصر اذا احتاجك اخ بالغربة بس الموضوع مو بأيد احدبس رب العالمين ومانكدر نسوي شي غير الدعاء والترقب ... اهلنا بالبصرة يكولولي :خاف التشخيص غلط ... كلتلهم بس الله مايغلط بس هاي مو مستشفيات البصرة اللي كل يوم تشخيص هاذولة بهيجي شغلات مايغلطون وياريت يطلعون غلطانين بس للأسف ماكو احتمال الا معجزة من رب العالمين ... يبقى الله ارحم الراحمين
بالنسبة للأخت رد على سؤالك وبعد رخصة الاخ يدكو انا اخي يمتلك شقة باسمه بلبنان وبعدة لايزال يحتاج يراجع الامن العام لتجديد الاقامة ولوما هوة طالب جامعي مينطوه ابد اقامة حتى لو عندة عمارة
بس اكو طريقة تحصلين بيهة اقامة سنوية وهو وضع 8 دفاتر او 10 دفاتر اخر شي سمعتة باحد بنوك لبنان والاقامة الدائمة في لبنان بوضع نصف مليون دولار يعني 50 دفتر باحد البنوك بشكل حساب ثابت وليس جاري وهاي مسويهة شباب ثنين من اهل البصرة كاعدين بجونيه
والطريقة الثانية ان تدرسين باحد الجامعات او المعاهد واللي تتراوح اسعار الدراسة فيها من 1000 دولار بالنسبة للمعاهد المهنية الى 10 الاف دولار بالنسبة لكلية الطب بالسنة

[ahmadaliraqi1]

سلام عليكم

ولله بصراحه متستاهل أخويه علي , يعني من قريت الخبر علي الوالده قلبي اشتعل نار لان احنه مرينا بهاي الازمة و الي الان , و والدتي ايضا اصيبت بهذه المرض قبل خمس سنوات ولكن الي الان تعاني من عوارض هذه المرض بس شنسوي يا أخي ماعدنه غير الدعاء و الصبر...

و اسئل الله بحق هذه الشهر الكريم بأن يشفيها 

[** يدكو **]

شكر ا اخي alisalam2010 على المعلومات الي ضفتها على رد الاخت دمت بخير

[علي ياسين]

اخوان بخصوص الاقامة السنوية فان الوديعة المطلوبة مائة مليون ليرة لبنانية اي تقريبا ستة وستون الف دولار فقط وهذا اسرع واسهل طريقة
وتوجد طرق اخر تخص الاستثمار ولكن تحتاج الى رأس مال اكبر ومكلفة اكثر

علاوي دعائنا الى الوالدة مستمر وانشاء الله يشفيها

[alisalam2010]

مشكور اخي علي ياسين والاخ احمد الله يعيننا ويعينكم هذا قضاء رب العالمين شنسوي
اضيف قانون لبناني حول تملك العقاري : يجوز لأي اجنبي او عربي -عدا الفلسطينيين - تملك شقة او بيت او ارض ضمن مساحة محددة لاتتجاوز الـ500 متر مربع ويحق له ان يمتلك السند الاخضر وهو طابو العقار

[alisalam2010]

البارحة خابرت الايس امسي جاوبوني نفس الجواب المعتاد ورزلوني بنزاكة "انتة مو خابرتنة قبل يومين ؟؟؟ ارجوك لاكليوم تخابر احنة اذا اكو شي نخابرك وورا شهر اذا ماخابرناك عود خابرنا " كلتلهم "يعطيكم العافية" 

[** يدكو **]

هههههههههههه

يمعود خوي صدكني مايحتاج تخابرهم الى بعد شهر هما يضوجون ادري بيهم لان هيجي صار وياي من خابرتهم قبل 10 ايام هاي قانونهم اني الاثنين عندي بصمات بالسفاره وراح استفسر من جماعه

الاي سي ام سي عن المعاملات

شون صارت الوالده سلملي عليها ربي يشافيها

[ahmadaliraqi1]

مرحبااا الي كل الحبايب في لبنان و خصوصا الاخ علي و يدكو

مطلوب ارقام مكاتب عقارية أو سمسار في المناطق (الحمرا.رملة البيضاء,فردان,عين التينه,تلة الخياط)و مناطق مجاوره

شكراااا

[** يدكو **]

مرحبا اخي نزلت هذا الرقم رقم صاحب المكتب هو ..03740951 واسمه الياس وهو دلال الاشرفيه وساسيين وجعيتاوي

وتكدر تستفسر منه بلكي ينطيك ارقام الي داتسال عليها واذا حصلتها انزلها الك وللاخوه للفائده وتدلل

[alisalam2010]

http://lebanon.aqar-estate.com/Offices.htm?SearchType=
http://www.sooqelaqarat.com/realestate_country.php?country=16&name=lebanon
http://www.al-waseet.org/search/?submitted=true&newspaper_country=lb&page=2

هذان موقعان للعقارات وموقع جريدة الوسيط في لبنان يمكن تفيدك اخي احمد

[** يدكو **]

شكرا اخي علاوي فعلا الوسيط وجريده الهدف بيها هاي الشغلات واني عندي جريده الوسيط راحت من بالي هاي راح اشوفها وانزلها باجر ان شاء الله

[** يدكو **]

ارقام مكاتب العقارات في لبنان

الشمال ...03814484
المتن الجنوبي .......... 03277166

المتن الشمالي ...........03660088

جبيل ................ 03203080


كسروان  ...........03808508

الاشرفيه ..........71505665

البقاع ..............01818325


الجنوب ...........03885201


الشوف ...............71374723

الحازميه ..........03362009

بيروت .........03921786

اتمنالكم التوفيق


اخوكم يدكو .........بيروت

[ahmadaliraqi1]

اشكرك حبيبي يدكو

بلنسبه لابو الاشرفيه 03740951 الياس ماعنده حاليا شقه

اما عن الارقام اللي نزلتهم
المتن الشمالي ...........03660088 هذه مو مكتب عقار و انما عنده بيت بلمنصوريه 400 متر للايجار

الاشرفيه ..........71505665  هذه ماعنده شي حاليا

بيروت .........03921786 هذه الرقم غلط لا مكتب عقار ولا عنده شقه للايجار

اما باقي المناطق بلنسبه النه بعيده , شنو هذه حظي 
ما متوقع ابد ما الاقي شقه حتي اخذت جريدة الوسيط يعني لو غاليه لو بعيده بلضواحي و اكثر الشقق مال اسبوع الماضي مسوين اعلان مرة ثانيه

اللي افتهمته هنا بلبنان لازم عندك معارف لو تروح تمشي مشي تسال تهري رجلك هري

اجدد شكري مرة ثانيه للأخ يدكو علي المجهود
ادعولي الاكي شقة 

[** يدكو **]

صدكني اخي هاي بعد المجهود يلا كدرت انزلها ولكن ان شاء الله بس الكي ارقام اكيده انزلها الكم وتدلل
وان شاء تلكى شقه بالمكان الي تريدا

[** يدكو **]

اخواني اليوم سمعت اخبار اكيده 90% اجت قوائم ومواعيد سفر للي مقابلي الوفد الامريكي في الشهر الخامس ارجو ممن طلعلو موعد سفر يذكرلنا وان شاء الله الكل تسافر

اخوك يدكو

[alisalam2010]

الله يسمع منك وتكون الاخبار صحيحة اخونا الغالي والعزيز يدكو مع خالص تمنياتي لك بالتوفيق

[** يدكو **]

مرحبا اخواني كان من المقرر ان يصرفو لكل فرد مبلغ 40 الف ليره عيديه للاجئيين العراقيين هذا الشهر  ولكن اخر ماسمعنا به بان تلك المساعدات تحولت الى باكستان الله كريم والي عندا اي خبر نتمنى يكتبه حتى يستفاد الجميع

[عمر خطاب]

اخي يدكو منين عرفت جاية قوائم شهر الخامس الله يخليك ياريت توضح اكثر لان اني من اللي قابلو يوم 18 - 5
واني ممنون الك

[** يدكو **]

اخي العزيز الي مقابلين الوفد الامريكي بشهر الخامس هاي سمعتهه من ولد صديق يوم الاحد الي راح وهو خابرهم يوم الجمعه وسالهم عن ملفه كالولا خابرنا يوم الاثنين حتى نشوف اسمك ضمن القائمه لو لا ولحد الان ماعندي اي خبر ومااعرف شصاير بس اذا انت مكمل كلشي خابرهم وشوف شصاير من ملفك علما هاي بس للوفد الامريكي فقط ماالها اي علاقه بالوفود الاخرى

[** يدكو **]

اخوان البارحه جايه لجنه مال مهجرين من العراق ودايوزعون 200 $ فهم دزو الرسائل للناس وكل واحد وحضه فالي اجته رساله من الامم ومكتوب عليها ( UNHCR) اي المرسل يطلعلكم الاحرف الي كتبته بدون رقم يرجى ذهابكم الى مصرف الرافدين في الحمر بقرب من تعاونيات الحمرا ...علما اني مااجتي الرساله بس اجت اليوم لصديقي وهو كالي واليوم استلم 200$ بس يكول واحد يكتل الثاني هوسه وطربكه هههههههههههه و8 ساعات يلا استلم

[alisalam2010]

اليوم خابرت الايسي امسي الواحدة وربع ظهرا والنتيجة "تحول ملفك للاي او ام وتم وضعك على جداول السفر "
بعدها خابروني رقم 01752118 كالو احنة اي او ام موعد سفرك 16 -9 وراح نخابرك على الاجراءات قريبا
يوم للجميع انشالله

[** يدكو **]

مرحبا اخي يدكو وسلام لكل الموجودين بالمنتدى
بس اريد اسالك على خبرتك اني كنت مقابل سفارة شهر حزيران 2009 وخلص الموافقة الامنية مالتي شهر شباط 2010
لكن زوجتي وابني كانو بعمان ومعاملتهم نايمة فرفضت السفر وجبتهم لهنا الى لبنان وقابلنة سفارة امريكية شهر الخامس 2010  ولحد الان ماكو شي وعادولي الاجراءات الامنية تتوقع تتاخر اكثر
فيدنا الله يسهل امرك

اخي اضافه الملف تتاخر من شهر الى سته اشهر ولكل ملف الى خصوصيه عند الامم وبما انه انت عملت المقابله مع الوفد الامريكي بشهر الخامس ان شاء الله مراح تتاخر ارجو ان تذكرلي هل عملت الدوره التثقيفيه والفحوصات ام لا ... لك مني كل الموفقيه ..ودنا اللامحدود

[** يدكو **]

اليوم خابرت الايسي امسي الواحدة وربع ظهرا والنتيجة "تحول ملفك للاي او ام وتم وضعك على جداول السفر "
بعدها خابروني رقم 01752118 كالو احنة اي او ام موعد سفرك 16 -9 وراح نخابرك على الاجراءات قريبا
يوم للجميع انشالله

الف الف مبروك وان شاء الله الوصول بالسلامه اتمناك كل التوفيق ..فائق التحيات ...ودنا اللامحدود

[~simon~]

شلون الشباب
اني بلبنان وباقي مقابله الوفد بس
شنو النصاح المهمه والمفيده تخدومني بيها بلمناسبه مرفوضين سابقا من استراليا سوينا مقابله وفد استرالي ورفض
وهسه متعقد من الوفد 

[علي ياسين]

الف مبروووووووووووووووووووووووووك علاوي بتوفيق والنجاح
حبي انت اشوكت قابلت المحلفين وبعد كم يوم استلمت النتيجة

[** يدكو **]

نعم اخي يدكو انا سنة 2009 كملت الفحص الطبي والدورة الثقافية بشهر تموز 2009
وعادولي الفحص الطبي مع زوجتي وابني بشهر حزيران 2010 وكملت الدورة الثقافية زوجتي ايضا
------------------------- والف مبروك للاخ علي سلام عالموعد والله يوفقك ويفتحها بوجهك امين يارب العالمين والشفاء العاجل للوالدة ان شاءالله

اخي العزيز ان شاء الله مضلك شي مدام مخلص كلشي موفق وان شاء الله تبشرنا بموعد سفرك عن قريب

[atoor]

اخي العزيز ممكن تذكرلنا بالتفصيل  شغلتك  بالتقديم للسفارة الاسترالية  و كيف و ليش كان الرفض ؟؟؟؟؟؟؟

موفق انشاء  الله

شلون الشباب
اني بلبنان وباقي مقابله الوفد بس
شنو النصاح المهمه والمفيده تخدومني بيها بلمناسبه مرفوضين سابقا من استراليا سوينا مقابله وفد استرالي ورفض
وهسه متعقد من الوفد 

[alisalam2010]

شكرا للاخوة الطيبين يوم لالكم قريب انشالله وهاي حجاية الاخ يدكو ماكالهة لاحد الا سفرة "وان شاء الله تبشرنا بموعد سفرك عن قريب" ونشالله هوة يبشرنة بسفره عن قريب
انا قابلت يوم 5-5 واستلمت النتيجة 4-6

[** يدكو **]

اخي يدكو اني ممنون لدعائك الي والله يوفقك ياربي  ان شاءالله
لكن تتوقع الموافقة الامنية تجي بسرعة بع ان عادوها لاني ضفت زوجتي وابني
واني اتمنالك التوفيق والسفر العاجل ياغالي

ان شاء الله اخي ماتتاخر تفائل بالخير تجده ربي يوفقك وتسافر عن قريب ودنا اللامحدود

[ahmadaliraqi1]

مرحبااا جميعااا

اولا الف مبروك اخويه ابو فاطمة علي السفر و ثانيا التوفيق للجميع و يارب الكل يبشرنا بسفره ...

و يارب الشفاء العاجل للوالده أخويه ابو فاطمة , اتوكل علي الله و سافر و احنه كلنه ويه الوالده لا تشيل هم شي ...

[ahmadaliraqi1]

شلونكم شباب؟

ماكو مشاركات هلأيام الظاهر صافيه دافيه ...

اني راح تخلص اقامتي اللي دخلت بيها الي لبنان و اللي هي لمدة شهر , و هسه اريد امدد الاقامه لشهر ثاني لان عندي شغلات حكومية و لازم اقامة ...

اول شي شكد تكلف تمديد الاقامة لشهر ثاني
 ثاني شي العنوان مال التمديد اذا امكن ..

و شكرا و تحياتي لجميع الاخوه

[ابو مينا 2003]

مساء الخير اخواني

هذه هي مشاركتي الاولى بالمنتدى اتمنى من الاخ يدكو ان يرد على رسالتي الي بعثتها على الخاص

مع تحياتي للجميع

[ahmadaliraqi1]

يا هلا ب ابو مينا بمنتدي عين كاوه و ان شاءالله الاخوه ما يقصرون وياك...

بس اليوم ما اعرف وين رايحين ولا واحد اونلاين كلها طافره 

[ابو مينا 2003]

مشكور اخ احمد عالترحيب

يا جماعة الاخ يدكو محد شافة ؟ اشو مختفي !!!!!

تحياتي للجميع

[ahm]

الى الاخوة الاعزاء انقل لكم هذا الموضوع   عن الاخ فائز القرقوشي الاخ يسال هل خبر اغلاق مكتب اليوان في لبنان صحيح ام غير صحيح واتمنى ان يكون الخبر غير صحيح لان الخبر خربط احوالي وانا والاخ نحب نتاكد من هذا الخبر المرعب :::::::::::::::::::::
الرجاء الرجاء مع التوسل ان تردوا علينا وتسعفونا لان اني راح اسافر الى لبنان عن قريب جدا من اجل التقديم على اللجوء ::::::::::::   اخوان لاتنسونا بالردود السريعة والمنقذة

[علي ياسين]

لا حبيبي ahm اطمأن مكتب اليو ان مفتوح واني قابلة مقابلة توطين يوم 10/8/2010 وقبل ثلاثة ايام الاخahmadaliraqi1راح للمكتب والمكتب كان مفتوح وكان مزدحم جدا

ماكو هيج حجي حبي اطمأن

[ahm]

حبيب قلبي اخوي العزيز علي ياسين تسلم على الرد المنقذ وشكرا جزيلا لك
تقبل تحياتي 

[علي ياسين]

تدلل حبيبي وحنة بخدمة

[ZORO.ROMANTIC]

شباب بس سؤال الله ايخليكم
اني دزيت الوثايق والمستمسكات كلهه مالتي او مالت اهلي بفايل pdf واحد يعني حولت الجناسي لو ملفات الوورد كلهه pdf واحد عادي لو لازم كل فرد من افراد العائلة اخلي بملف بي دي  اف وحدة

[ahmadaliraqi1]

لا حبي منين هذه الخبر؟ اني قبل قدمت قبل مدة و انطوني موعد علي شهر العاشر...

يعني معقوله انغلق من دون خبر أو شي ؟؟

اكو هوايه ناس مقدمين و منتظرين معقوله يسدون المفوضية من دون اعلان سابق؟؟

خلي الأخوه يجون يأكدون الخبر

[يمت تفرج]

مرحبا اني مشتركة جديدة اتمنى تتقبلون مروري

[ahmadaliraqi1]

يا أهلا و سهلا "يمت تفرج" بمنتدي الاجئين العراقيين في لبنان ...

أي شي احنه بلخدمه و ما نقصر , و يارب نفيد بعضنا و ان شاءالله الفرج للجميع...

 

[ام كمال]

السلام عليكم جميعا اني اختكم ام كمال عضوة جديده هنا وحاليا اسكن لبنان قدمت عاليو ان  واخذت ورقه حمايه  يعني بعدني باول الطريق .
عندي سؤال لو سمحتم اتجاوبوني عليه  سؤالي هو اني عندي سفره  الى تركيا قبل سنه والصراحه كنا طالعين اني وعائلتي بفيزة سياحه بس حاولنا نطلع لاوربا  تهريب ولزمونا الاتراك واتبهذلنا هوايه الله لا يراويها لاحد واعطيناهم اسماء غير اسمائنا بس بصمونا كلنا . سؤالي هو هل تظهر بصماتنا اثناء التجييك الا مني لان بعض الاخوان العراقيين هنا كالولي انو التجييك الامني يشمل البصمات بكل الدول الى تم زيارتها بالجواز .
 ياريت اتجاوبوني لان والله دخت من سمعت هالكلام

[يمت تفرج]

شكراااا اخوية اني اعرف انتو متقصرون بس اني عندي سؤال بلا زحمة

اني وعائلتي سونة وفد بشهر الخامس 3 بالشهر و سوينة فحوصات و سوينة دورة تثقيفية

23 24 25 بشهر الثامن بس ليهسة مخابرون لموعد الطيارة ليش؟؟؟؟ اتمنى تساعدوني

[ام كمال]

عيني الله يسلمكم اشو محد جاوب عالسؤال

[alisalam2010]

الاخوة والاخوات الاعزاء اهلا بيكم وعذروني لغيابي بسبب ظروف صعبة يعرفها بعضكم والاخ يدكو همينة مشغول وماكو نت بالبيت لاعندي ولاعندة
اولا ماكو اي خبر لاعن قريب ولابعيد عن اغلاق مكتب اليو ان في لبنان
ثانيا الاخت ام كمال اهلا وسهلا بيج  نعم ستظهر البصمات بعد التدقيق الامني ولكن برأيي هذا ليس سببا للرفض لأنكم حاولتوا الهروب باي طريقة للنجاة بحياتكم وليس اخذوا بصماتكم بسبب جريمة سرقة او قتل او عمل ارهابي وحاولو في المقابلة تبرير ذلك بانكم كان عندكم خيارين فقط  وقتها اي حل سوى التهريب او الموت في العراق في حال البقاء وحضروا جواب لسؤال :ليش مابقيتوا بتركيا او رحتوا لسوريا اوالاردن او لبنان بدل التهريب والتقديم عليو ان ؟؟؟
الاخت يمت تفرج اهلا وسهلا بيج  لو احد يعرف ليش جان جاوبج يجوز تدقيقات امنية او بسبب الزخم وهواي ناس حتة الامنية مالتهم طالعة ومامحدديلهم موعد سفر في حين اخرين وياهم بالدورة حددولهم موعد سفر ومحد يعرف ليش بس الله والامريكان والمنظمات المعنية
الاخ زورو اهلا بيك بس مافهمت سؤالك هاي بلبنان لو وين؟ يعني بالايميل؟
الاخ ابو مينا اهلا وسهلا بيك بس حسب علمي الاخ يدكو مشغول وفصل النت من البيت بس متأكد مايكطع عن المنتدى وراح يتواجد باسرع وكت ممكن
الاخوة علي ياسين وahm و ahmedaliraqi1 وعمر خطاب وatoor والاخرين تحياتي لكم والله يوفقكم
اخوكم ابو فطومة  

[ام كمال]

مشكور خويه العزيز عالاجابه و لو هبطتني بس احب اعرف شنو الافضل اني اكوللهم من نفسي لو اخليها لما تطلع البصمات بالتجييك الامني ؟
 رحم الله والديك وموفق انشالله

[يمت تفرج]

شكرااا اخوية على الرد

بس احنة الامنية مالتنة خلصت و خابرو الكفيل و الكفيل راح وقع بس بقة موعد الطيارة بس ماكو اي اخبار

[** يدكو **]

مساء الخير اخواني
8هعههغعههعغههعغ
هذه هي مشاركتي الاولى بالمنتدى اتمنى من الاخ يدكو ان يرد على رسالتي الي بعثتها على الخاص

مع تحياتي للجميع

اخي العزيز  اسف على التاخير بس دزيلك عل الخاص ولو باختصار

[** يدكو **]

اخواني الي عندا اطفال يروح يستلم الصكوك مال ملابس والدراسه اما من كاريتاس الاجانب او مجلس الكنائس واعتقد الكل عرف بيها لان دزو رسائل للكل

اما بالنسبه لل 200$ عيديه العيد فكالو احتمال بهال اسبوع راح يكملو التوزيع ويدزو sms على الموبايل اتمنى الكل يطلعله هال شي  وانبهو لموبايلاتكم ولا تقفلوها

[ام كمال]

شكرا للاخ علي والاخ يدكو عالاجابه الله يوفقكم ويسهل امركم

[ابو مينا 2003]

شكر جزيل للأخ علي سالم على الرد

الاخ يدكو مشكور وصلني الرد والله يوفقك

تحياتي للجميع

[يمت تفرج]

شكراا اخوية يدكو على الرد

تقبل مروري

[ahm]

 هاي شباب شلونكم  شني السالفة صافية دافية محد ؟؟؟؟؟؟؟؟
اتمنى ان تكونوا بخير جميعا     

[ahmadaliraqi1]

أولا احب اعايد كل الأداريين و الأعضاء و زوار هذه المنتدي و كل عام و انتو بخير و ينعاد علي الجميع بلخير و العافية ...

حبيبي ahm الكل زينيين بس ظروف الحياة متخلي مجال لتصفح الانترنت ان شاءالله خير ...

تحياتي

[ahm]

شلونكم شباب شخباركم اتمنى ان تكونوا في خير صحة وسلامة .

[** يدكو **]

شونكم ياجماعه شاخباركم ماكو مستجدات الاخ علي وينك اشو ماكو طمني وين وصلت ان شاء الله توصل بالسلامه

[ام كمال]

مرحبا اخواني
بلازحمه عليكم شكد الفتره بين المقابله الاولى باليو ان ومقابله التوطين . هل تختلف من واحد للثاني لو الكل نفس الشي؟
جزاكم الله خير

[عمر خطاب]

مرحبا اختي ام كمال
مو شرط يكون نفس المدة بين كل اللاجئين واكو احتمال انو المقابلة الاولى هية نفسها مقابلة توطين
وهذا الشي صار وياية  ومع اكثر الناس
وان شاءالله الله يسهل طريقكم
احنه مخلصين كلشي من شهر الخامس ولحد الان كل منتصل ماكو شي الاجراءات على ما هو عليه
والله يسهل للجميع

[ahmadaliraqi1]

بسم الله الرحمن الرحيم
ياأيتها النفس المطمئنة ارجعي الى ربك راضية مرضية  فادخلي في عبادي وادخلي جنتي    ...
صدق الله العظيم

وَبَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمْ الْمُهْتَدُونَ

ننعي المرحومة والدة ابو فاطمة الذي رحلت الي جوار ربها و الي دار الحق ونحن اعضاء هذا المنتدي الذي جمعنا علي أساس الصداقة و الاخوه و فتح لنا المجال للتعارف و تبادل الاراء نتقدم إلى تعزية والدة الاخ ابو فاطمة و عائلته  سائلين المولى أن يتغـمدها بالرحمة والمغفرة ويدخلها وسيع جنته إنه سميع مجيب

ولا حول ولا قوة  إلا بالله

الله يصبرك

[ام كمال]

انا لله و انا اليه راجعون . الله يرحمها و يجعل مثواها الجنه . الله يصبرك اخونا العزيز على مصابك

[ام كمال]

شكرا جزيل الشكر لاخويه العزيز عموري عالجواب السريع . جزاك الله خير

[ام كمال]

مرحبا اخواني عندي سؤال ياريت تتفضلون وتردون علي
بالنسبه للعائله اللي عدها طفل معاق هل صحيح انو امريكا ما تقبلهم واحتمال يودوهم لاوربا  لان اتعرفنا بعائله عراقيين هنا ابلبنان  عدهم طفل معوق وهمه جدد هنا سامعين من بعض العراقيين اللي هنا انو امريكا متقبلهم . هل هذا الكلام صحيح وهل هناك وسيله حتى الامم المتحده تاخذ حاله الولد بعين الاعتبار و يسرعون معاملتهم .
 شكرا الكم وجزاكم الله خير

[عمر خطاب]

ام كمال ماكو اي شي من هذا الكلام بلبنان وانصحج تروحين على مجلس الكنائس بشارع الحمرا والرعاية الاجتماعية اللي بمجلس الكنائس يسرعون بالملف والسفر
وهذا احسن شي الج
وصديقي نفس الحالة وراح لمجلس الكنائس وكانت مقابلته بمجلس الكنائس بالاتفاق مع الامم المتحدة وبعد هذي المقابلة مباشرة تحول الى ال  icmc   وحاليا منتظر بس يقابل الوفد الامريكي ويسافر ان شاءالله
فماكو داعي يجون ناس يهبطون معنوياتج
مع احترامي للي سمعتي منهم هذا الكلام

[ام كمال]

خويه عموري رحم الله والديك . الله يجازيك الجنه انشالله , الجماعه راحو عالكنائس و كالولهم انتو مسجلين بالكريتاس وهمه فعلا عدهم ملف بالكريتاس فكالولهم ما نكدر انساعدكم باي شي . فشيسوون بهالحاله اكو احد يساعدهم  ؟ لان الكريتاس كالو احنا شغلنا ماله علاقه باليو ان وما نكدر ناثر عليهم .

[عمر خطاب]

ام كمال
خلي يروحون الى الامم المتحدة اما على باسم او على منال
وياخذون اي اوراق تتعلق بالشخص المعني  وخلي يبين وضعهم انو همة يومية بمكان ومتبهذلين
هذا صديقي اللي راح مخلو يتاخر وراسا بدون مقابلة توطين قابل مقابلة بمجلس الكنائس وراها رأسا على ال  icmc
بما انو همة ماعدهم ملف بمجلس الكنائس لازم يروحون على المفوضية باسم او منال
بس اللي متاكد منه انو ماكو رفض لان يكون اللاجئ معوق او بي شي
يعني يطمئنون ماكو هيجي شي

[ام كمال]

خويه عمر الله يوفقك ويفتحها بوجهك وين ما تروح . ممنونه جدا

[عمر خطاب]

جماعة لبنان شو  مختفين وينكم ماكو ولا نفس
اللي يعرف خبر على اخونا علي سلام اللي سافر يوم 16  -  9  الى اميركا خلي يطمنا
والموفقية لباقي الاعضاء

[** يدكو **]

مرحبا الى كل الاخوه شلونكم اخباركم ان شاء الله الكل تكون بخير قبل يومين انطو مواعيد الي مقابلين الوفد الامريكي بشهر الخامس ومنهم صديقي انطو 12 بشهر العاشر موعد سفر ان شاء الله يوم النا والسفر القريب للجميع

[bishkoo]

السلام عليكم

شلونكم شباب

اني عندي سؤال و رايد رأيكم  بي .....

اول شي اني مقيم بسوريا و مقدم على اليو ان الي بسوريا من سنة ال 2006 و طبعا لحد الشهر 4 من هاي السنة اني فصلت ملفي لان ازوجت و للعلم اني لحد ما فصلت الملف مالتي محد من اليو ان مسويلي مس كول يعني ماكو شي ...
رحت راجعت على دائرة التوطين الي بكفر سوسة كالولي راجع ورة سنة طبعا هاي بالنسبة للملف الجديد مالتي و الملف القديم كالولي مرفوض لان الملف بأسم والدي و ابوية رايح جاي للعراق ....
موضوعي انه اني زوجتي لبنانية يعني مو موجودة وياية بالملف اهنا بسورية ....
فأريد نصيحة انه ابقى اني بسوريا لو اجي للبنان طبعا مسالة الدخول مو صعبة عندي لان على زوجتي و الاقامة كذلك .....
اتمنى اتفيدوني


و شكرا الكم

[/size] [/size] [/font]

[علي ياسين]

حبيبي bishkoo اني مزوج من لبنانية ومقدم على اليو ان في بيروت يعني انشاء الله اكدر افيدك

حبيبي انت شتريد بالضبط.... اسئل واني حاضر

[bishkoo]

حبيبي علاوي .....
اول شي اشكرك على التواصل وياية و الرد......

حبي اني بس حبيت اسأل اذا هذا الموضوع انه اني مزوج لبنانية يمنع او يسبب تأخير للمعاملة طبعا اذا اني كنت ابيروت هاي اولا .....و ثانيا حبيت اعرف اذا اني اكدر اكايش على شغل اهناك بلبنان بما انه اني مزوج لبنانية يعني هل اكو افضلية او شي من هذا القبيل ؟

و مشكور سلفا

[/b]

[علي ياسين]

حبيبي bishkoo
بخصوص اليو ان ماكو اي مشكلة لانك انت صاحب الكيس وهذا ماصار معي لم احس باي فرق عن الاخرين
وبخصوص العمل اولا من شروط حصولك على اقامة هو تقديم تعهد بعدم العمل مصدق من كاتب عدل وثانيا يمكن فرص العمل في لبنان قليلة

واني حاضر لاي شي

[michael_iraq]

 السلام عليكم اخوان محتاج مساعدتكم بسؤال اني واهلي ساكنين امريكا من مده10سنوات   واخويه باقي بالعراق ورايد يجي لامريكا عنده كيس نمبر بس يريد حاليا يترك العراق ويسكن بلد عربي ياريت اخواني تكولولي الاوضاع اللي بلبنان  والمعيشه  والايجار والله يجازيكم كل خير

[علي ياسين]

حبيبي تكدر ترجع لرسائل بفس هذا الموظوع راح تلكي تفاصيل هواية

[alisalam2010]

الاخوة الاعزاء السلام عليكم احدثكم من نيومكسيكو بعد سفر فظيع وتنفسنا الصعداء وضيعنا جنطة وعربانة فطومة وفي الوقت نفسه لايزال حزن وفاة الوالدة شديد الاثر -الشكر لكم وخاصة الاخ احمد العراقي 1 على العزاء- ووصلنا الحمد لله بس للأسف الان افكر بتغيير الولاية الى ولاية مين لان محد يمي هنا ماكو عراقيين بس مكسيكان حتة عرب ماكو والمنظمة تعبانة يكللولي لاشغل ولادراسة ونتة تحتار بالاجار بعد 4 اشهر حتة لوماعندك شغل صديقي حجيت وياه من ولاية مين والله كريم

[علي ياسين]

الف مليون مليار الحمد الله على السلامة
والله يصبرك على مصينتك بالوالدة وانشاء الله خاتمة الاحزان
حبيبي انت سبع ومراح اتشوف بس الخير بأذن الله ترى هي صعبة بس بابداية
تحياتي لاختي ام فطومة وبوسلي فطومة

[ام كمال]

الحمد لله على السلامه و اتمنالك الموفقيه وين ما تروح الله يسهل امرك .

[alisalam2010]

اشكرك من كل قلبي اخي علي ياسين وعمر خطاب واحمد العراقي وبدكو انشالله اشوفكم هنا وشكرا الاخت ام كمال وكافة الاخوة والاخوات الفرج القريب انشالله للجميع

[ahm]

اخي علي اول شي الحمد لله على سلامتك وبالتوفيق اخوية الغالي احب ان اقول شي للتذكير اني من سمعت بخبر وفاة والدتك{ الله يرحمها } سويت صفحة بالمنتدى خاصة لتقديم التعازي لك ولعائلتك وتقدر تتصفح المنتدى وتشوف العنوان الاتي {خبر مفجع ومحزن يخص والدة الاخ alisalam2010 }  وطبعا هذا واجب وحبيت اذكر هذا الشيء حتى لاتقول انا نسيتك صدكني اخي العزيز شمااسوي ماراح اقدر اجازيك على مواقفك الرائعة ومساعدتك الي . اشكرك دائما وابدا فانت انسان نبيل بكل معنى الكلمة تحياتي الك وامنياتي بالتوفيق لك بحياتك الجديدة في ارض الاحلام .
اخوك المخلص احمد ابن البصرة الجريحة   

[alisalam2010]

اخي الغالي ما دريت بهاذة الموضوع انتة اخ عزيز وانة اسف لعدم التواصل لأن بعدني مامستقر لحد الان انا اشكرك من القلب واتمنى ان نجتمع ليس بعد وقت طويل بل عاجلا ....اخاك اخاك فمن لا اخ له كساع الى الهيجا بغير سلاح

[عمر خطاب]

وين جماعة لبنان الكل مختفين
اليوم خابرت على ال icmc  ومثل المعتاد انتظار الموافقة الامنية والله الصبر خلص من ورة الموافقة الامنية
الله يعين المنتظرين

[alisalam2010]

الاخوة والاخوات الاعزاء السلام عليكم وصلنا اخيرا الى بورتلاند ولاية ماين والاخوة العراقيين ماقصروا ويانة وهسة انة في بيت اخ عزيزغالي لحدما تنتهي العطلة المنظمة تسجلني عدهم ويشوفولي سكن الحمد لله على كل شيء
خلاصة الرحلة الساعة 11 ليلا في يوم 15 ايلول تجمعنا في مطار الحريري وكان عددنا 35 شخص وتسلمنا اكياس الاي او ام وجوازات سفر لبنانية صالحة لمدة شهرين والساعة 3 ليلا انطلقنا الى مطار فرانكفورت المانيا وبعد 4 ساعات وصلنا الساعة 6 صباحا بتوقيت المانيا الساعة 11 صباحا انطلقنا الى نيويورك وبعد 10ساعات وصلنا الساعة 1 وربع  ظهرا بتوقيت نيويورك الساعة 3 ونص انطلقنا الى مطار دالاس لنصل بعد 4 ساعات ومن ثم الساعة 10 ليلا الى مطار البوكيركي لنصل الواحدة ليلا
بقينا في البوكيركي اسبوع بلا تلفون بلاتلفزيون بلا انترنت بلا جيران غير المكسيكانوالكيس ووركر عراقي كال الاجار ندفعة بس 4 اشهر ووراها انتو تدفعون 700دولاار شهريا او يطردوكم بالشارع ومالنة شغل بيك لكيت اومالكيت عمل
بغدما لحيت وشتريت انترنت لكيت احد الاخوة الاعزاء صار ويا معاملة سيئة في نيو جيرسي فراح الى بورتلاندماين والوضع هناك غير شكلوشجعني هوة واللي وياه اجيلهموبعد اتخاذ القرار بلغت الكيس ووركر بتصفية اموري مع المنظمة وحجز رحلة يوم 24 ايلول انطلقنا الى المطار ال6 صباحا لتنطلق الطائرة الى مطار دنفر بعد ساعة ونصف ومن ثم الساعة 11 الى مطار فيلادلفيا بعد 4 ساعات ونصف لنصل الرابعة عصرا بالتوقيت الشرقيومن ثم انطلقنا الى مطار بورتلاند الساعة 7 نصف وبعد ساعةونصفوصلناووجد الاخوة العراقيين اللي جاؤوا معي من لبنان ومعهماخرين استقبلوني خير استقبال واخذوني الى منزل كبيرهم واكرمهم لاجد اخرين باستقبالي ومحضريلي عزيمة على شرف حضورنا الله يخليهم ويبارك بيهم وهسة يلله اكول انة بخير ومنتظر الاثنين اقوم بباقي الاجراءات من سكن وتامين صحي وفودستامبوسوشيال سكيورتي
وانتظر الفرج على والدي واخي اللي بقوا بلبنان ولحد الان لاقرار راح يراجعون الامم المتحدة لاخبارهم برحيل الوالدة الغالية الى رحمة الرحمن الرحيم والحمد لله على كل شيء
تمنياتي لكم جميعا بالتوفيق ...اخوكم ابو فطم

 

[ahm]

مبروك عليك اخي الوصول بالسلامة    والاستقرار يارب باقرب وقت انت تستاهل كل خير
 وصل سلامي الى اختي العزيزة ام فاطمة وقول الها  خلي تنسى شي اسمه البصرة
ترى بس تذكرها تجيكم غيوم الشرجي والرطوبة
 
اخي العزيز بالنسبة الي  سفري  راح يكون بعد ايام قليلة ارجو منك ان تندعيلي بتسهيل الامور
 لان بصراحة هاي المرحلة مهمة بالنسبة الي
 واخيرا سلامي لك واجدد التهنئة لكم  واتمنى لكم حياة سعيدة
 
اخوك احمد

[محمدالضاحي]

مرحبااخوي ابوحسين اني صار7شهورواصل من لبنان لامريكا هم مثل وضعك جنت بلبنان الحمدللة اللةعبرنةمن ضفةالى ضفةالامان واتمنالك وادري بيك راح تجي وراي انشاللةلان الحكومةالامريكيةتساعدالعراقي هواي الي اريدةمنك بس تصبرترى وراالصبرفرج انشاللة واني مستعد لاي مساعدة وسلامي لسفاح مشيغان @محمدابوزين مشيغان

[** يدكو **]

اخي العزيز علي توني فتحت النت بالمكتب لان تعرف ماعندي نت بالبيت وكل احد يلا اكدر افتح النت لارتباطي بشغلي ومع كل الاسف تلقيت نبا وفاه الوالده الذي احزنني كثيرا ولكن لايسعني الا ان اقول الله يرحمها ويعطيكم الصبر والسلوان والبقيه بحياتكم اخي العزيز على احب ان اباركك بوصولك الى امريكا وان شاء الله الاستقرار والنجاح واتمناك كل الموفقيه في حياتك الجديد ربي يوفقك وينجحك ويكون وياك في مشوارك الجديد اما من ناحيتي فزوجتي ولدت الحمد لله يوم الي تكوم مرتك بسلامه ان شاء الله ورحت ضفت الطفل بالامم وانطوني موعد 30 بشهر التاسع مقابله الاضافه الله كريم 

[عمر خطاب]

ام بكر بالنسبة للموعد من المقابلة الاولى للتوطين اربع اشهر كلش زين
وبالنسبة للطفل المريض اذا انتي ممسجلة بالكاريتاس روحي لمجلس الكنائس واخذي كل المرفقات والاوراق اللي تخص الطفل وصدكيني رح يساعدوج هواية بالاتفاق بين الامم ومجلس الكنائس

[عمر خطاب]

مبروك اخي يدكو على المولود الجديد ويارب ان شاءالله يكون وجهه خير عليكم وتسافرون بسرعة وتشوفون كل الخير

[ام بكر]

اشكرك جزيل الشكر اخي العزيز عمر رحم الله والديك

[alisalam2010]

السلام عليكم اخوتي الاغزاء اسف لغيابي واعذروني انشالله بس استقر ما اقطع ابدا
مبروك الاخ يدكو علمولود والحمد لله على سلامةالاهل والطفل
اشكرك ahm وبشرنا باخبارك عند وصولك لبنان وربنا يوفقك ويسهل امورك
والاخ محمد اهلابيك ونعم الصبر ثم الصبر واشكرك علنصيحة
الاخ عمر خطاب واحمد العراقي والاخ علي ياسين وكافة الاخوة الله يبارك بيكم جميعا وياريت تفرج بساع وتجون يمي
ملخص اللي مر بيه هنا
اول شي الجواز اللي انطونياه الامن العام اللبناني صالح لمدة شهرين وسلموني الاي 94 والفيزا بالجيس مال اي او ام وجان اكو تقرير حول امكانية سفر ام فاطمة وعدم تأثير السفر علحمل والجواز اللبناني والفيزا وال94 هي وثائقي الرسمية الوحيدات المعترف بها هنا في امريكا
اول شي راجعت منظمة كاثوليك جاريتيز في ماين واخبرتهم انه تم اغلاق الكيس في نيومكسيكو واخبروني انهم سيتأكدون من الموضوع لاحقا وفتحولنة كيس عدهم ... اما الويلكم 1100 للشخص يعني المجموع 3300 فقد بقى منه بس 500 دولار بسبب الاجار وغرامة فسخ عقد الاجار وماتم صرفه على الاكل وتذاكر الطيارات من نيومكسيكو الى ماين
ثم اتجهنا الى دائرة السوشيال سكيوريتي وقدمنا عليها ووعدونا بعد اسبوغين علساس يطلع
ومن ثم الى دائرة الخدمات الاجتماعية  ووضعونا على برامج ماينكير الطبي- فود ستامب الغذائي والتنف الغذائي
دورنا على شقة لمدة 6 اشهر صالحة للمعونات العامة من البلدية ثم راجعنا البلدية ليقوموا بتسديد الاجار
صديقي العزيز اللي كاعدين عد عائلته هسة اللي وانة ما كنت اعرفة ولاهوة يعرفني الا هنا هو متكفل بكل شي بدون اي مقابل ما اعرف شلون اردلة الجميل هو من ساعدني بكل شيء
ابي واخي في لبنان راجعوا الامم المتحدة وغيرولهم ورقة الحماية بعد رفع اسم الوالدة رحمها الله من الملف واخبروا ابي انه سيعيد المقابلة تفصيلا مع الايسي امسي والوفد الاميركي وامنيتي الاخيرة ان يلتم شملنا من جديد
بقية اللي قابلوا شهر الخامس وسووا دورة انطوهم مواعيد سفر 11 و14 من الشهر العاشر
تمنياتي لكم جميعا بالتوفيق
اخوكم ابو فطم

[alisalam2010]

جماعة لبنان اصدقائي واخوتي وينكم ؟؟  شنو عطل الانترنت بلبنان؟؟ شنو اخباركم كل واحد منكم؟
احمد وصلت للبنان؟؟؟ يدكو رحت ضفت الطفل؟؟ علي ياسين ماخابروك؟؟ عمر خطاب شنو صار وياك؟؟ احمد العراقي شنو اخباركم  واخبار الاهل؟؟

[عمر خطاب]

اخوية الغالي علي سلام
اتمنى تكون بخير  واشكرك على سؤالك علينة
بالنسبة الي بعدني انتظر رحمة الله على الموافقة الامنية وغير هذا الشي ماكو اي جديد
وان شاءالله تتسهل على الجميع

[دكتور عراقي]

الاخ الكريم علي سلام
الف مبرووك على الوصول
اعذرني بس هستوني اشتركت بلنت
.................
الى كافة الاخوة والاخوات بلبنان تعرفون اذا اكو هسة وفد؟؟لو يمتى رح يجي؟؟

[** يدكو **]

شكرا اخي عمر واخي علي السلام على التهنئه واطلب من ربي ان يوفقكم ...

اما بالنسبه لسؤالك اخي علي بالنسبه للطفل اي سجلتو عند الامم وراح اعيد المقابلات من جدا وجديد اي من البدايه وهسا سويت اضافه اي  اول مقابله باقيلي التوطين والاي اس ام اس والسفير حتى اخلص الله كريم نصبر والله كريم

[** يدكو **]

اخي علي شونك  بس اريد اسالك سوال شتقصد بالجواز اللبناني اول مره اسمع بي لان الي اعرفه الواحد من يسافر بالورقه i94مو بس تكدر تشرحلي ختمو جوازك العراقي بالامن العام لو بالمطار  لو شلون موفق

[alisalam2010]

اخي يدكو كيف حالك انشالله بخير
نعم من توصل للمطار يسلمونك جوازات لبنانية صالحة لمدة شهرين لونهن جوزي لكل فرد  من العائلة وبيهن المعلومات كاملة
يختمون عليهن بالمطارات مال لبنان والمانيا ونيويورك ورا نيو يورك تمشي بال ناينتي فور والفيزا بس يبقى الجواز اللبنانيهو جواز سفرك ووثيقة رسمية مهمة الى ان تطلع سوشيال سكيوريتي بامريكا
اما الجواز العراقي ...اكو ناس بلاجواز عراقي وصلت لامريكا بجوازات لبنانية وبس  ومحد راح يطلب الجواز العراقي منك ابددددا وكانه غيرموجود حتى من تريد تسافر من امريكا ماتحتاجة تسافر بترافل دوكومنت وهو يشبه الجواز الاميركي وشفت ناس رايحين للعراق بيه والحلو دائرة العرب والاجانبمال العراق شيختمون علترافلدوكومنت
الاسم الكامل :فلان ابن فلان
تاريخ ومحل الولادة :العراق......الخ
 الجنسية :اميركي
تاريخ دخول العراق:............
تقبل تحياتي وتمنياتي بالتوفيق

[** يدكو **]

شكرا على التوضيح اخي علي بشرنا شونك ويا الوضع الجديد بس عندي سؤال يعني هسا جوازنا مايختمو بالمطار اي الجواز العراقي

[alisalam2010]

لا الجواز  العراقي مالة وجود لا يختمون علية ولايشوفوه

[احمدو87]

مرحبا يا اخوان بدي حدا يساعدني انا فلسطيني وبدي اطلع لعمل صاححلي بالعراق وانا ما بقدر اقدم لفيزا عمل لانهم برفضوها ما بقدر الى فيزا زياره بدي اسأل اقصى مده للفيزا زيارة على لبنان اكم موعدهاا اقصى موعد وبقدر اجدد من هناك ولا لا جد يا اخوان ضرووووري تجاوبوني بليز

[احمدو87]

مرحبا يا اخوان بدي منكم مساعده ضروري اتردولي عليها شباب انا فلسطيني وصاححلي عمل بلبنان واحنا الفلسطينيه ما بيزبط نقدم لفيزا عمل بلبنان ما بقبلو مشان هيك مضطر اقدم لفيزا زيارة بدي اسال اكم اقصى مده بقدر اخدها لفيزا علبنان وهل يمكن ان اجدد من هناك او لا بدي اغلبكم اخواني ردولي باقصى وقت ممكن
وشكرا لكم جميعا

[** يدكو **]

شكرا علاوي على الاجابه بارك الله فيك

اخ احمد والله ماعندي فكره عن سؤالك انتضر الاخوه بلكي عدهم جواب

[** يدكو **]

شونكم جماعه لبنان وينكم اشو صافيه دافيه

[عمر خطاب]

شلونك اخي يدكو بس اريد اعرف شكد تطول فترة الاضافة فترة اضافة المولود الجديد من اليو ان الى مقابلة الوفد
يعني مثل المعتاد لو اضافة الطفل سريعة
وياريت تتركلي رقمك عالخاص
واني الممنون

[** يدكو **]

مو شرط تبقى انت وحظك ووكذلك تتوقف على الفتره الي راح يجي بيها الوفد اما المقابلات تكون بس على الطفل اي اين ولد وبيا يوم وبيا مستشفى الخ وتكون سريعه وماتتاخر ربع ساعه

[** يدكو **]

شلونكم اخواني جماعه لبنان اشو صافيه دافيه شكو شماكو اخبار جديده ان شاء الله الكل يكونو بخير

[mahmod87]

السلام عليكم ماعتقد اكو واحد عندة ملف اقدم مني بلبنان اني انرفضت سنة 1999 وقدمت استئناف هم اجاني رفض سنة 2000 وقدمت استرحام (جان على زماننا)وهمينة اجاني كالعادة رفض ههههه شبعت رفوضات من العزيزة لبنان وطبعا حافظ الموظفين مال يو ان واحد واحد ووحدة وحدة والله لو اشوفهم بالعراق هسه اوييييلي شسوي بيهم

حيل لعد شكد انته قديم كوندا طلعت احد العشرة المبشرين بالفلتة ههههههههههههه يارب تسهل امورك وتسافر باقرب وقت

تحياتي الكم

[عمر خطاب]

والله يا اخي يدكو موبس صافية دافية هم متغطي باللحاف من برد الموافقة الامنية

[** يدكو **]

الله كريم اخي عمر ان شاء الله تبشرنا بهالايام وتكوللنا اجت موافقتك

[شالان العراقي]

هلو شبابنا شلونكم اني عندي توطين بشهر ال 11 ونشوف شراح يصير صارلي 7 اشهر هنا اذا واحد منكم مسوي توطين يكدر يساعدنا بنوع الاسئلة وهل شغلات يعني وشكد يتاخر الواحد ورة التوطين من يخابرو على السي ام سي وغيرها ؟؟؟
تحياتي للجميع مشتاقين

[** يدكو **]

مرحبا بك اخونا العزيز وان شاء الله تكون سهله ويوفقك ربي راح اجاوبك ...

الاسئله المحتمله ..
1- اسئله عن بلدك ومنطقه تواجدك بالعراق
2- اسئله عن المدرسه او الكليه ومااذا كنت خريج الخ
3- اسئله عن الخدمه العسكريه ويجب ان يتوفر لديك دفتر خدمه عسكريه ضروري
4- اسباب خروجك من العراق ..واذا عندك اي شيء يدعم ملفك
5- اسم الكفيل
6- اسئله عن حياتك
هذه الاسئله المحتمله ...ان شاء اكون قد افدتك بشيء

تقبل مروري

[محمد الضاحي]

السلام عليكم اخ يدكو اريد اسئلك عن اخبار اللذين قابلو معك شو صار معاهم وصلت الموافقة الامنية لو بعد وسلامي للجميع

[** يدكو **]

اي نعم اخي ..محمد ..وصلت الامنيات ليش انت كنت ويانا بالوفد

[محمد الضاحي]

اي نعم اخي يدكو اني ابو احمد اريد اعرف اتصلو باحد علشان موعد السفر لو لأ

[alisalam2010]

السلام  عليكم اخوتي العزاء الاحباب انشالله تكونون بخير
محد يعرف يمتة الوفد الجاي؟ اخي وابي بعدهم بلبنان واعادوا مقابلة الامم والتوطين بعدلهم الايسي امسي والوفد

[** يدكو **]

اخي ابو احمد  ..اتمنى منك ان تخابر جماعه ال icmc لان جماعتنا خابروهم وطلعولهم امنيات خابرهم وان شاء الله يصير خير

اخي علي السلام الوفد جاي من زمان ويوم 15 بهذا الشهر سوو اول مقابلاتهم  وراح يبقو لحد 5/11 ان شاء الله يخلصو الاي سي ام سي والوفد الامريكي بالتوفيق لكمن جميعا

[شالان العراقي]

شكرا اخوية يدكو متقصر والله .. اني دفتر الخدمة مالتي ضايع وهويتي العسكرية سلمتها بايام بريمر حالي حال كل المكلفين تتذكر يمكن اذا جنت بوكتها ابغداد ؟

زين اكلك اخوية اني عندي كرايب باستراليا ومسويلي فورمات وصارلها الفورمات من الشهر السابع قيد الدراسة على اساس اكمل 4 اشهر يالله يخابرني السفير موافقة او رفض فشتكول اكللهم اني مسوي فورمات لو لا

تحياتي الك اخوية يدكو

[** يدكو **]

لا اخويه شالان لاتكللهم بانه انت مسوي فورمات مايحتاج ... لانه اذا كانت معاملتك الفورم ماشيه الامم مباشراً تعرف لان عدهم موظفين يروحون ويجون على السفاره الاستراليه بيروت واكيد يكون الهم علم بالمعاملات الي داتمشي والموظفين بالسفاره الاستراليه ينطوهم المعلومات الكافيه ... اخي العزيز بالسبه للفورمات مثل ماكلت 4 اشهر وتخلص المده ولازم يجي رد للكفيل اذا عندك كفيل اما القبول او الرفض واذا ماعندك كفيل اكيد انت منطي عنوان بالفورم حتى يدزوك الرد مال فورم

[** يدكو **]

اخواني واخواتي منو مسوي بهالايام مقابله مع الوفد الامريكي

[salim_noman2003]

اخواني الاعزاء

ارجو المساعدة في الاجابة عن تساؤلي
انوي السفر انا وعائلتي الى لبنان والتقديم على اليو ان
كم احتاج من النقود حسب خبرتكم للبقاء هناك لمدة سنة على الأقل وكم هو الوقت الي تستغرق المعاملة وهل اكو ناس حصلو رفوضات وما العمل في حالة الرفض، هل توجد فرصة عمل علما اني مهندس حاسبات ولدي خبرة عمل جيدة ، لدي ثلاثة اطفال بنات 13 و 11 و 4 سنوات هل يمكن ان اسجلهم في المدرسة الابتدائية والمتوسطة هناك وماهي الاوراق المطلوبة للتسجيل لكي اجهزها من العراق قبل السفر الى لبنان والتقديم على اليو ان

ارجو المساعدة رجاء اخواني

[salim_noman2003]

الاخ العزيز يدكو

اني ممنون جدا جدا من ردك الجميل الشافي والوافي الله يطول عمرك ويوفقك ويحفظك برعايته
اني اعرف عن شغلات اللجوء لان كنت طالب لجوء بالسويد نهاية 2007 واخذت رفوضات ورجعت الى العراق في شهر الثالث 2009
الشغلة تحتاج صبر اني اعرف هذا ومستعد اله بس بالي مشغول لان اكدر ادبر دفتر عشرة الاف دولار هل يكفيني وعائلتي لحين الحصول على قبول اللجوء والسفر ؟
هل سعر الشقة الذي ذكرته هو مفروشة ام فارغة. واذا كانت فارغة هل هي ارخص من المفروشة وكم يحتاج لها فلوس للتأثيث تقريبا؟
ما نوع الاعمال الحرة التي تقصدها وهل ممكن الحصول عليها بسهولة ام فرص العمل ضئيلة وشاقة؟
ما هو الاحسن ان يتم تقديم قضية من الطرفين اقصد الزوج والزوجة ام ان قضية واحدة تكفي من طرف واحد والبقية سوف يكونون معه بنفس الملف؟
ماهي الورقة الحمرا معرفت شنو هيه؟
هل من الضروري تجهيز وثائق دراسية للاطفال البنات لغرض التسجيل في المدارس كل حسب ام صفه ام انهم سوف يضعوهم في صفوف اعتمادا على عمرهم ؟
تحياتي القلبية وشكرا جزيلا لردك واهتمامك
اخوكم سالم

[salim_noman2003]

اشكرك مرة اخرى اخي العزيز الطيب يدكو لمعلوماتك القيمة

سؤال اخير ولو ضوجتك بالاسئلة مالتي بس شسوي وين اروح ومنو اسئل غير اخوانه العراقيين المتغربين ومنتدى عين كاوة
اذا كانت القضية تخص الزوجة هل اقدم انا الملف واسجله باسمي واحكي قصتها ام الافضل ان تقدمه هي وتكون هي صاحبة الطلب والعائلة تسجل بنفس الملف معها

قرأت هذا الخبر على موقع  iraqi-refugees.org وما اعرف مدى صحة الخبر ارجو الافادة اخي العزيز حول مدى صحة الخبر لانه بصراحة يثير القلق

أشار الأمين العام للمركز اللبناني لحقوق الانسان ان لاجئين عراقيين يرغمون على التوقيع بالموافقة على قرارا ترحيلهم من لبنان بسبب الظروف السيئة التي يعيشونها في سجن الأمن العام اللبناني والقابع تحت الأرض.

ويقول وديع الأسمر أنه كان هناك اتفاق ضمني داخل الحكومة اللبنانية بعدم ترحيل اللاجئين ولكن للأسف هناك ممارسة ضغط نفسي على اللاجئين المعتقلين في سجن الامن العام اللبناني لإرغامهم على التوقيع على قرار الترحيل، معتبرا ذلك تحايلا على القانون.

واضاف ان الظروف السيئة التي يعيشها العراقي مع انعدام الأمل بالخروج من السجن يبقى أمله الوحيد الموافقة على الترحيل وتفضيل الموت في بلاده على الظروف السيئة التي يعيشها" بغض النظر عن ارادة الدولة في تغيير مكان الاعتقال.

وحول أرقام اللاجئين، قال لا وجود لأرقام تشير الى عدد اللاجئين المعتقلين من عراقيين وغيرهم، الا اننا تلقينا اتصالات عدة من عراقيين مسجونين يشكون ألينا الظروف النفسية التي يتعرضون لها.

واشار الى انه ومنذ مدة تم ترحيل من بين 10 و12 عراقي وعلمنا بالأمر بعد حدوثه. واسف الاسمر لعدم اهتمام المفوضية العليا لشؤون اللاجئين بموضوع اللاجئين في لبنان، نافيا وجود أية متابعة جدية للموضوع.

واشار الى تشكيل لجنة نيابة تتابع موضوع اللاجئين و لجنة وزارية تشكلت برئاسية رئيس الحكومة سعد الدين الحريري والتي تبنت خطة مقدمة من وزير الداخلية زياد بارود جاء فيها عدم ترحيل اللاجئين، مضيفا أن هناك تحايلا على هذه الفقرة من خلال إجبار اللاجئين على التوقيع بالموافقة على قرار الترحيل.

[شالان العراقي]

شكرا اخوية يدكو اني عندي كفيل ابن عمي مسويلي الفورمات وبنفس يوم موعد التوطين لازم يجاوبوني شلون صدفة بس ممعتمد عليها لان هوايا اجاهم رفض ممعقولة اني يجيني قبول هههههههه
بالنسبة للاخ السائل ... يدكو كلشي شرحلك وكلامه كله صح ودقيق مختصر مفيد هنا انت عندك عائلة جبيرة وهنا تكفيك بالشهر 700 الى 800 دولار صافي ايجار وكهرباء ومصرف بيت حسب انت وقابليتك بالصرف وحسب ايجارك بشكد راح تأجر

[** يدكو **]

اخي شالان اذا سألوك بالمقابله التوطين مسوي فورم كول اي ولاتنكر ولو هذا بعيد لان مايسالوك بس حاول ان تتصل باقربائك باستراليا وشوف وين وصلت قصه الفورم وافقو او لا

[salim_noman2003]

مراحب اخوانة العراقيين بلبنان
شنو اخر اخباركم ووين وصلت قضاياكم اكو بعد عراقيين بلبنان لو كلهم طلعوا
تحياتي القلبية لكم جميعا
اخوكم سالم ابو شمس

[** يدكو **]

والله اخونا سالم اكو بعد هوايا بلبنان واكو سافرو واحنا ننتضر فرج الله الله كريم ...نتمنى من كل الاخوه اذا عدهم تجارب يكتبولنا او الي مسويين مقابلات ويا الوفد او ال اي سي ام سي يذكرولنا شون جانت المقابلات والله كريم ان شاء الله الكل تسافر باقرب وقت ممكن

[ahm]

سؤال مهم جدا الى الاخوة الخبراء في لبنان وارجو الاجابة  بوضوح :  هل يمكن التجديد للاقامة مرة واحدة من دائرة الامن العام اللبناني ولمدة شهرين   بعد انتهاء مدة الاقامة   اللتي تمنح بالمطار والبالغة شهر واحد ؟ 

[محمد الضاحي]

السلام عليكم اخي ahm جواب على سؤالك الي تفضلت بي
نعم تستطيع ان تقدم للامن العام الاوراق المطلوبة ومبلغ 2000 دولار يراهم المنتسب وبعد ذلك ياخذ منك
الجواز ويسلمك ورقة خضراء عليهة صورتك وبعداسبوع تراجع يعطوك الجواز عليه تاشيرة شهرين مع تحياتي....

[دكتور عراقي]

السلام عليكم
الأخوة والأخوات ...الله يساعدكم
أذا ممكن أحد يساعدني عندي سؤال مهم جدا
هل تغيرت المقابلة مال الوفد وكامو يسووها بمبنى الامم المتحدة مو بلسفارة لو بس اني انطوني موعد مال الوفد وكالولي المقابلة رح تصير يمهم بمبنى الامم..فأريد اعرف بس اني هيج لو هي تغيرت بلبنان الاجراءات وجزيل الشكر الكم

[** يدكو **]

نعم اخي العزيز مو شرط بالسفاره تسوي المقابله مال وفد الامريكي لان اني من سويت المقابله بال5 جان اكو ناس سوو بالامم وحتى جهاز مال بصمات جانو جايبينه للامم شغله عاديه اخي العزيز بعد احسنلك  على فكره انت يايوم عند مقابله مال وفد الامريكي
بالتوفيق

[دكتور عراقي]

حبيبي الغالي يدكو
اولا شكرا جزيلا أخي العزيز على الجواب
ثانيا انا مقابلتي وياك نفس اليوم
ثالثا أنا أعرفك , أنا اخو علي سلام الي سافر بأميركا وهو كلي أسئلك وسلم عليك هواي وانطاني رقمك
حبيبي انشالله نتشاوف بلمقابلة
اخوك مصطفى

[** يدكو **]

مرحبا بك اخوي مصطفى وان شاء الله نتشاوف سلامي لك وللاخ علي واني حاضر لاي شي بالتوفيق

[salim_noman2003]

مرحبا اخواني الاعزاء عندي سؤال ياريت تعرفون اجابته
هل يمكن للشخص الي مقدم عاليو ان كفرد او عائلة ان يختار بلد التوطين مثلا طلعتله امريكا هل ممكن ان يرفضها وينتظر دولة اخرى او لا وعلى شنو تعتمد اختيار الدولة لاعادة التوطين منو الي يقرر هذا الشي
شكرا لكم ولتعاونكم وهذا المنتدى الجميل
اخوكم ابو شمس

[salim_noman2003]

اخوانة الاعزاء المحترمون

ممكن تفهمونة تسلسل الاحداث والاجراءات المتبعة من اول يوم المقابلة في اليو ان لحين السفر وشنو هاية شغلة الكفيل ومنظمة اي سي ام سي شنو دورها كذلك كيف ممكن ترتيب شغلة تجاوز الاقامة من قبل السطات اللبنانية وكيف يتم التعامل معها هل تجددون الاقامة كلما تخلص لو عايشين بالقلق من احتمال تلزمون ويرحلوكم شلون تترتب الامور من تجي ساعة السفر وانتو متجاوزين مدة الاقامة هل تدفعون غرامات لو شلون.
حبي واحترامي لكم جميعا

اخوكم ابو شمس

[** يدكو **]

مرحبتي احبتي ...شكو شماكو اخباركم ان شاء الله الكل يكون بخير

[** يدكو **]

up

[عمر خطاب]

والله يا اخي يدكو الظاهر بس اني وانته بقينه بلبنان
لان كل المنتظرين السفر نكول ان شاءالله سافرو

[** يدكو **]

الله كريم اخي عمر ان شاء الله هم احنا نسافر كول يالله ..يجي دورنا

[salim_noman2003]

انشالله انشالله تطلعون ادعيلكم من كل كلبي الله يوفقكم ويخلص همكم وعذابكم وتتنعمون بالحياة الهائنة السعيدة بعيدا عن أجواء الهم والقلق.

زين انتو شعجب لحد الان باقين ليش متأخرين شكد صارلكم مقدمين عال يو ان وشنو أسباب التأخير مالتكم؟؟؟
اخوكم ابو شمس

[** يدكو **]

اني صارلي سنه وشهريين وسبب تاخيري سويت اضافه ملف لان رزقت بمولوده

[white heart]

اخونة العزيز يدكو

يعني افتهم من كلامك لو ما جايتك طفلة جان انت هسه بأمريكا
ليش ما صبرت وسويت الطفلة هناك مو جان احسنلك

تحياتي القلبية لك وللجميع

اخوكم ابو ميس

[** يدكو **]

ههههههههههههه قدرنا هيجي ..

[Inamorata King‏]

 ال ســــلأم ع ــــــليكم
انا عضو جديد بالمنتدى و صارلي اسبوعين بلبنان و عندي اسشارة على موضوع الاقامة صحيح اللي يسوي اقامة مو بصالحة وممكن يتأخر سفرة ارجو الرد لانه متحير و خايف اضرب الاقامة
 تحياتي للجميع

[alisalam2010]

وعليكم السلام
اخي العزيز ماكو هيجي حجي
انة وزوجتي وبنتي طلعنا لامريكا واحنة مقيمين بصورة شرعية بلبنان حتى لم ادفع فلوس للامن اللبناني قبل السفر كونني مقيم بصورة قانونية وماطولت بلبنان غير سنة الا اسبوعين

[alisalam2010]

سلام خااااص جدا للاخوة يدكو وعلي ياسين واحمد العراقي
كيف حالكم
اخي يدكو انشالله السفر السريع

[** يدكو **]

ان شاء الله اخوي علي مبروك على المولود الجديد ويتربى بعزكم ادعيلنا بالسفر القريب لي وللجميع ربي يوفقك ويوفق اهلك
وهمينا يسافرون ويلم شملكم

[شالان العراقي]

مرحبا اخواني وخواتي في المنتدى شلونكم يارب كلكم بخير
اني 2-11 سويت مقابلة توطين وكلولي روح عل تلفون احنا نخابرك ووقعنا اني وزوجتي بعد ماخلصنا المقابلة هل هذا يعني هما اقتنعوا بينا وبقصتنا لو لا ؟
واريد اسال اذا امريكا شوكت لازم يخابرونا السي ام سي وشوكت اكدر اراجعهم واسال على ملفي لان كلشي مكلولي لان ام المقابلة جانت مستعجلة ومطولت مقابلتي اقل من نص ساعة بس كالت وقعوا هنا وروحو واحنا نخابركم على اي دولة تصيرون ؟؟؟؟
تحياتي الكم اخوان يارب تفرج عل جميع

[** يدكو **]

يعني كبل ماتوقع ماكلتلكم على يادوله ..
اذا ماكالت يا دوله معناها احتمال ملفك يتحول الى الدول الاوربيه وخاصا هولندا ..
ولك حق ان تخابرهم بعد شهر حسب ماقريت بالتعليمات بالامم ..
راح يدرسون ملفك وهم يقررون .. على العلم من راح يخابروك منظمه ال ICMC تخابرك ..

[white heart]

وعليكم السلام
اخي العزيز ماكو هيجي حجي
انة وزوجتي وبنتي طلعنا لامريكا واحنة مقيمين بصورة شرعية بلبنان حتى لم ادفع فلوس للامن اللبناني قبل السفر كونني مقيم بصورة قانونية وماطولت بلبنان غير سنة الا اسبوعين

اخونة العزيز علي سلام

ارجو ان تخبرنا للفائدة العامة كيف كنت مقيم بصورة شرعية وقانونية في لبنان

تحياتي وامنياتي لجميع الاخوان

اخوكم ابو ميس

[علي ياسين]

الف مبروك حبيبي علاوي انشاء الله تفرح بزواج ابنه
واتمنى ان تكون بخير ومرتاح

[alisalam2010]

انا كنت طالب ادرس في جامعة بيروت العربية وكنا نستلم حوالات من العراق وعندما تبين للامن اللبناني انك في لبنان لغرض مثل الدراسة وانك لاتعمل لقاء اجر بل تعيش على اموالك الخاصة يعطونك اقامة لك ولعائلتك

[** يدكو **]

علاوي شونك خبرني عن بيت اهلك كانو وياي شسوو

اي علاوي شونها امريكا شويه احجيلنه عنها ولو باختصار صدكني ملينا من لبنان وماضل صبر الله يصبرنا

[alisalam2010]

اخوية العزيز يدكو الله  يفرجها عاجلا  عليكم وعلى اهلي والعراقيين جميعا ...الاهل استلموا الموافقة ومنتظرين ينطوهم مواعيد دورة وفحص
باختصار امريكا هي مكان احسن من لبنان والعراق وامامك فرص كثيرة لتعيش حياة اقرب الى التي تتمناها وتطمح اليها اكثر من اي مكان اخر وعندما تصل هنا لاتنسى تحمد الله على نعمته وتدعو لاخواننا واخواتنا في العراق وفي كل مكان ان ينعم عليهم كما انعم علينا   

[michael_iraq]

اخي العزيز مبرووووووووووووووووووووووووووووووووووووووووووووووووووووووووووووووووووووووووك اخيرا الفرج انشاللله للجميع
والدتي تمرضت ودخلناها بمستشفى الجامعة الاميركية والبارحة يلله طلعت ويرادلهة علاج لمدة شهر فاجرنا شقة بالحمرا قرب المستشفى لأن خلدا متعبة وبعيدة عن الجامعة
هسة الكهرباء اوكي بس الوالدة مريضة يعني لازم عندي هم ياريت يرجع هم الكهرباء والوالدة تصير زينة
 وبعدني ماجار انترنت بالشقة الجديدة لذلك انة هسة بمركز انترنت
لا انة ماعندي كفيل ...تقريبا ورة شكد المفروض يخابرون لأن اللي عدهم كفلاء الوياي بالدورة التثقيفية كلهم خابروا كفلائهم

اخب اذا تحتاج  كفيل اني برسم الخدمه وبالتوفيق انشاء الله

[** يدكو **]

اخوية العزيز يدكو الله  يفرجها عاجلا  عليكم وعلى اهلي والعراقيين جميعا ...الاهل استلموا الموافقة ومنتظرين ينطوهم مواعيد دورة وفحص
باختصار امريكا هي مكان احسن من لبنان والعراق وامامك فرص كثيرة لتعيش حياة اقرب الى التي تتمناها وتطمح اليها اكثر من اي مكان اخر وعندما تصل هنا لاتنسى تحمد الله على نعمته وتدعو لاخواننا واخواتنا في العراق وفي كل مكان ان ينعم عليهم كما انعم علينا   

الله يبارك بيك اخوي علوي على كلماتك التي تذخل الى القلب وتخلينا مطمئنين من ناحيه وجهتنا المقبله ان شاء الله ربي يسهل امورنا بالسفر القريب موفق اخي بولايتك ومن نجاح الى نجاح

[** يدكو **]

michael_iraq

اخوي العزيز ممكن تذكرلنا انت بيا ولايه وتعطينا المعلومات اذا حدا من الاخوان راد كفيل وجزاك الله كل الخير

[شالان العراقي]

شكرا اخوية يدكو على تواصلك ويانا واجابتك السريعة لاسئلتنا تسلم خون
اي اخوية من وقعنا مكالت كلشي وين ما وين بس كالت هسة تكدرون تطلعون واحنا نخابركم وخلاص .
زين اكلك اخوية بالنسبة لل سي ام سي يكولون هاي المنظمة من تخابرك يعني فايلك تحول لامريكا ماعرف بعد هيجي سامع واني ماعندي محد باوربا كلها بس ابن خالي بالمانيا وانطيتهم بالمقابلة الاولى وية المعلومات اسمه وعنوانة وتلفونة وابن عمي باستراليا هم لان هو مسويلي فورمات  عبرت 4 اشهر وممجاوبيني عليها يكلي بعد على كلن احنا نكيف على اوروبا .
زين اذا هولندا اني ماعرف محد هناك معقولة يسفروني هناك وماعندي كفيل ؟
اشكرك هوايا اخوية على تواصلك ويانا والله يفتحها بوجهك وللجميع

[** يدكو **]

شالان العراقي

من راح يخابرون السي ام سي معناها ملفكم قبلو للتوطيين بس اني مستغرب شلون ماحددولكم بالتوطين دوله على كلن السي ام سي مهمتها هي التمهيد لدوله التوطين اي يحضرون اوراقكم لاحدى الوفود دول التوطين ..


اي مو شرط عندك كفيل بهولندا عمتي قبل شهر راحت لهولندا من لبنان وماعدها كفيل عادي

[شالان العراقي]

اخوية يدكو شلونك ولو دنضوجك بس يمكن مكلتلي بيا دولة لان ممكن انرفض ومو اكيدة اكون مقبول كلشي يصير بس جماعة كلولي مدام وقعت بالاخير يعني اقتنعوا على كلن راح انتضر شهر واراجع والله كريم احنا هنا صار الشهر يمنا زلاطة هلكد ميشتلون بينا هههههه
تحياتي الك

[** يدكو **]

كول يالله اخي العزيز ان شاء الله ماكو رفض وتتوفق ..
أخي مثل ماكتلك مادام ماحددولك كل الاحتمالات وارده وراح يعرضون ملفك حسب مااضن على الوفود وانت وحضك شوف منو يختارك..
بالمناسبه هسا التوطين دايتاخر لان عندي صديقي صارله 2ونص ولحد الان مامخابري ..

[الطائر الحائر]

السلام عليكم اخواني واخواتي العراقيين
انا احد العراقيين الموجودين في لبنان مع عائلتي ارجوا ان اطرح سؤال واطلب الاجابة من الاخوان والاخوات اجابه عليه
انا وعائلتي دخلنا الى لبنان بصورة شرعية وبعد انتهاء الويزة عملت على تجديدها لمدة شهرين اخرين حيث ذهبت الى الامن العام مع كتاب من المختار يحدد فيه مكان سكني و الان عند انتهاء الشهريين لا استطيع الحصول على الاقامة بسبب الظروف المادية ولحد الان لم اقابل فيه الامم المتحدة وانا الان في قلق بسبب معرفة الامن بمكان سكني ولا استطيع تغير السكن بسبب دفعي للايجار لمدة 6 اشهر  فهل ممكن اواجه مشكلة مع الامن العام بسبب معرفتهم مكان سكني حيث ما قلت انا صاحب عائلة وقلق في هذا الامر
ولكم جزيل الشكر والامتنان

[Inamorata King‏]

وعليكم السلام
اخي العزيز ماكو هيجي حجي
انة وزوجتي وبنتي طلعنا لامريكا واحنة مقيمين بصورة شرعية بلبنان حتى لم ادفع فلوس للامن اللبناني قبل السفر كونني مقيم بصورة قانونية وماطولت بلبنان غير سنة الا اسبوعين

 اخي alisalam  احب اشكرك و اشكر كل الاخوان على المعلومات المفيده و ربي يوفق الجميع انشاءالله   

[Inamorata King‏]

اخواني اخواتي الاعزاء الباحثين عن عمل
 اللي يجيد العمل على الكمبيوتر بشكل ممتاز او المحاسبين او اي شخص عنده اي مهنه اكو اهوايه اعلانات في جريدة الوسيط او الهدف جربو اتصلو اني واحد من الناس كنت اقرا 24 ساعة بالجريده واتصل بالشركات و المكاتب اللي طالبين موظفين و اخيرا الحمدلله والشكر حصلت وظيفة على الكمبيوتر في احد الشركات اللبنانيه و ماطلبو من عندي اي شي لاجواز ولا سئلوني يابه عندك اقامه ما عندك كل شي ماكو بكل بساطة وظفوني و معاملتهم زينه ويايه احس بانه يرغبون للعراقيين الله اعلم يمكن يشوفونه احسن من باقي الشعوب زين اذا احنه احسن من باقي الشعوب ليش وضعيتنه مخربطة بالعراق و ليش خير بلدنه الغيرنه على العموم خلونه ( ) خارج السياسةاكيد  وجعت راسكم هسه اتكولون اشبي هذه غير من الضيم الشفنا بالعراق
  صدكوني اني احب العراق اموت على العراق و دائما اوصي اخوتي اصدقائي اكلهم دير بالكم عل وطن
 تحياتي للجميع

[ام كمال]

السلام عليكم وكل عام والجميع بالف خير
يا جماعه بعد ايام معدوده عدنا مقابله توطين وهاي اول مره بس اشو الجماعه العراقيين هنا خوفونا منها وكالوللنا مديقبلون احد هسه و مو اي واحد يطلعله توطين في بلد ثالث مع العلم احنه مصارلنا هوايه هنا بلبنان . شنو رايكم بهالكلام  رجاءا اخواني الاعضاء اتمنى لو تنصحوني شلون اتصرف و تعرفوني شنو هي المقابله  وشنو اسالتها لان الصراحه اختكم حيييييل خايفه وشايله هم  منورة هالمقابله ما ادري ليش .
 
شكرا للجميع اختكم ام كمال

[علي ياسين]

اختي ام كمال اطمئني احتمال توطينج في بلد ثالث كبير جدا ماكو داعي للقلق......اني قابلت توطين قبل  107 يوم وعرف قبل اربعة ايام ان النتيجة ايجابية وتحول فايلي الى icmc
المهم اني تكونين دقيقة في سرد قصتك وان لا يوجد اى اختلاف في القصة بين مقابلة واخرى
وكل عام وانتي بالف خير وتحقيق الاماني

[ام كمال]

رحم الله والديك خويه العزيز  على الجواب الحلو  طمنتني الله يريح بالك . بس بدون زحمه  عندي سؤال لاخ ولو اعذبك وياي سمعت من بعض الاخوة انو اذا اكو طفل معاق بالعائله رح يكون هناك احتمال  ينرفضون  لان مو كل الدول اللي فاتحه لجوء تقبل مرضى هل هذا الكلام صحيح ؟
 
شكرا الك وجزاكم الله خير

[علي ياسين]

والله اختي ما عندي معلومات دقيقة ولكني اتوقع عكس ما سمعتي

[ام كمال]

جزاك الله خير  . الله يسمع منك

[علي ياسين]

مرحبة شباب
اشو ماكو احد من جماعة لبنان
ماكو اخبار جديدة .... شنو اخبار الوفد الامريكي
لش ما دنسمع احد دا يقابل وافد او دا يسافر

[شالان العراقي]

شلونكم شباب يارب بخير اني سمعت خابرو ا همايا على السي ام سي  من القدامى والي لا قرار هم مخابري  بس شنو سالفة المانيا هل اكو من لبنان وفد الماني جاي او فد شي يريد لاجئيين لالمانيا لان رادو 2500 لاجئ عدنا حصة بلبنان لو لا هههههه الي يعرف شي خلي يكوله لتعم الاستفاده للجميع

تحياتي للجميع

[ساره الاثوريه]

مرحبا ممكن تساعدوني بسؤال
احنا من بغداد عائله مسيحيه متكونه من 5 افراد بسبب الظروف الي صارت حاليا نريد نجي لبنان ونقدم وكالو لازم يكون عدكم قصه صحيح هذا الحجي وشلون المعيشه اهناك ايجار الشقه والمصرف اي شي تعرفو احجو
والله يفرجها علجميع اختكم ساره

[** يدكو **]

مرحبا ممكن تساعدوني بسؤال
احنا من بغداد عائله مسيحيه متكونه من 5 افراد بسبب الظروف الي صارت حاليا نريد نجي لبنان ونقدم وكالو لازم يكون عدكم قصه صحيح هذا الحجي وشلون المعيشه اهناك ايجار الشقه والمصرف اي شي تعرفو احجو
والله يفرجها علجميع اختكم ساره

مرحبا بك اخت ساره اي نعم لازم يكون الكم قصه من تقدمون لان من تقدمون اكو فقره يطلب فيها  القصه اي اسباب ترك العراق

وتكدريين تتصفحي في الصفحه ال2 او ال 3 من نفس الموضوع اي اللاجئيين العراقيين في لبنان واني كاتب كلشي عن السكن والمعيشه والايجارات الخ .......

واي شيء يصعب عليك ...اني راح اساعدك واكيد الاخوه همينا مراح يقصرو باي استفسار 

[ساره الاثوريه]

شكرااا الك

[** يدكو **]

شلونكم شباب يارب بخير اني سمعت خابرو ا همايا على السي ام سي  من القدامى والي لا قرار هم مخابري  بس شنو سالفة المانيا هل اكو من لبنان وفد الماني جاي او فد شي يريد لاجئيين لالمانيا لان رادو 2500 لاجئ عدنا حصة بلبنان لو لا هههههه الي يعرف شي خلي يكوله لتعم الاستفاده للجميع

تحياتي للجميع

اي نعم اني سمعت خابرو لناس علمود سي ام سي والي لا قرار ...

اما بالنسبه الى المانيا فما سمعت عنها ان شاء الله يكون الخبر صحيح بالتوفيق

[علي ياسين]

اخوان اتصلوا icmc ثالث يوم العيد ساعة الخامسة عصرا واطوني موعد مقابلة الاسبوع القادم....للعلم اني قابلت توطين يوم 10/8/2010 يعني هذا اول مقابلة مع icmc

بس اريد اخليكم بجو وخصوصا يدكو لافادة الجميع

[علي ياسين]

اتمنى ان يكون الجميع بخير
بعد 103 يوم على مقابة التوطين قايلة اليوم icmcوكانت المقابة سهلة وكانت الموضفة لطيفة جدا .....وبعد ان اخذة كل المستمسكات الاصلية واخذة صور لكل العائلة وعادة القصة التهديد بالكامل ابلغتني بانهم سوف يتصلون بنا لمقابلة الوفد وقالة انها تتوقع الوفد القادم يكون في الشهر الثالث او الرابع

علما ان قاعة اليو ان كان مزدحمة بشكل غير طبيعي وكان عدد كبير من اخواننا وحبايبنا من شعبنا مسحين العراق 

اتمنى ان يستفاد اخواننا العراقين الموجودين في لبنان من الموظوع
 

[شالان العراقي]

شكرا اخوية علاوي ومبروك عل سي ام سي وان شاء تفرج عليكم باسرع وقت
اني سويت مقابلة توطين بتاريخ 2-11 -2010  واشوف شوكت يخابروني عل سي ام سي منتضر بفارغ الصبر صارلي 9 اشهر هنا والله كريم

[علي ياسين]

اشكرك اخوية شيلان
اتمنى لك مقابلة باسرع وقت ....حبيبي اتوقع مقابلتك تكون بشهر الثاني انشاء الله

اريد اعرف شنو اخبار الوفود الامريكية واكو احد ديسافر بهذي الايام

[** يدكو **]

مبروك علـــــــ سي ام سي علاوي ويوم الوفد  ان شاء الله ............ بالنسبه الى المواعيد مال سفر ماسامع لحد الان ان شاء الله
بلكي بهالايام ينطون .....

بالتوفيق للجميع 

[شالان العراقي]

مرحبا شباب اني سمعت عائلة انطوها موعد طيارة بنهاية ال12 بس ماتذكر اي يوم بالظبط بس هل يومين دينطون ظروف للي قابلوا سفير واعرف كم واحد انطوهم موافقة مبدئية شنو يعني ماعرف ؟؟؟؟؟؟؟؟؟

تحياتي الكم

[علي ياسين]

تسلم حبيبي يدكو
وياريت اي معلومة عن الوفد او السفر

[** يدكو **]

مرحبا شباب اني سمعت عائلة انطوها موعد طيارة بنهاية ال12 بس ماتذكر اي يوم بالظبط بس هل يومين دينطون ظروف للي قابلوا سفير واعرف كم واحد انطوهم موافقة مبدئية شنو يعني ماعرف ؟؟؟؟؟؟؟؟؟

تحياتي الكم

الموافقه المبدئيه يعني وافق الوفد عليه مبدئيا ويكون بانتضار الموافقه النهائيه ... لكي تكتمل اجرأت السفر

ان شاء الله بلكي نسمع اخبار عن مواعيد للسفر قريبا ...تمنياتي بالخير والسفر القريب للجميع

[ساره الاثوريه]

مساء الخير
شلونكم اخواني واخواتي  اريد اتجاوبيني على السؤال اريد اعراف راح تنسد الun بلعيد ولي شوكت تبقة مسدودة وشوكت نفتفح لئن اريد اجي لي لبنان واقدم على الun وتسوون فضل لو اتجاوبوني بسرعة

[عمر خطاب]

مرحبا سارة
اليو ان تنسد يوم 24 / 12 / 2010  الى  1 / 1 / 2011
يعني ممكن تجون فورا الى لبنان لان اكيد هسة اذا قدمتو رح ينطوكم موعد بعد شهرين او اقل للمقابلة
يعني حضوركم الى لبنان قبل راس السنة واعياد الميلاد افضل من بعدها
واي سؤال اني حاضر

[علي ياسين]

الله يبشرك يالخير ويسمع منك

حبيبي يدكو انت مقابل وفد لو بعد

[ساره الاثوريه]

شكرا جزيلا وكثر الله من امثالك يدكو
عندي سؤال اخر اخوية مواليد 1994=17الة3اشهر يكدر وحدة يجي لي بلنان لو بلمطار يرجعو لئن هوة انريد اندزة كبلنا
واحنة بعدين نجي ورا من انصفي اهنا ممكن خدمة منك تسئالني ولو داضوجك واكون ممنونة الك واجازيك بلخير

[** يدكو **]

يمعود علاوي اني 3 مرات قابلت الوفد الامريكي هسا تكول ليش لان بالخامس قابلت الوفد بس جهاز مال بصمت كان عاطل وانتضرت للثامن حتى سويت بصمات وبعدين اجاني طفل وهم سويت اضافه بشهر ال11 وهم قابلت الوفد انلاصت مو ههههههه
يلا الله كريم ... وهسا منتضر رحمه الله ...الله كريم ...

[** يدكو **]

شكرا جزيلا وكثر الله من امثالك يدكو
عندي سؤال اخر اخوية مواليد 1994=17الة3اشهر يكدر وحدة يجي لي بلنان لو بلمطار يرجعو لئن هوة انريد اندزة كبلنا
واحنة بعدين نجي ورا من انصفي اهنا ممكن خدمة منك تسئالني ولو داضوجك واكون ممنونة الك واجازيك بلخير

اختي الي معروف به في كل الدول والمطارات العربيه اذا لم يتجاوز الشخص سن القانوني اي اكثر من 18 سنه فاحتمال مايوافقون على دخوله ... الا اذا كان معه من هو مسؤول عنه ..وانتضري هم رد الاخوه بهذا الخصوص

[علي ياسين]

حبيبي الله يسهلك ياربي ونشاء السفر قريبا

[علي ياسين]

حبايبنا في لبنان اشو ماكو احد

[الامل 2]

للرفع

[شالان العراقي]

والله ماكو شي جديد بالنسبة الي خلصت 35 يوم ومنتضر ال سي ام سي بس اكو طيارة لامريكة يوم 10 و 12 و 15 بشهر ال12 ونتمنى الموفقية للجميع

[** يدكو **]

والله ماكو شي جديد بالنسبة الي خلصت 35 يوم ومنتضر ال سي ام سي بس اكو طيارة لامريكة يوم 10 و 12 و 15 بشهر ال12 ونتمنى الموفقية للجميع

بالاضافه الى ذلك اكو طيران الى امريكا يوم 13 و14 وناس اعرفهم ان شاء الله يوم النا وللجميع ربي يوفق الجميع

[علي ياسين]

انشاء الله السلامة لكل المسافرين ويوم السفر لكل الصابرين

[** يدكو **]

للرفع ..........

 للي محتاج الى اي مساعده اني حاضر .. وبالخدمه

[white heart]

مرحبا اخواني واخواتي جماعة لبنان

ماهي الاخبار الجديدة عن اليو ان في لبنان وهل هناك اي مستجدات ، هل تقلصت الفترة الزمنية للتوطين وهل هناك توطين في بلاد اخرى غير امريكا

الرجاء التواصل والمشاركة

تحياتي للجميع

اخوكم ابو ميس

[اوريليوس]

شباب شلونكم شخبار اليوان  شنو اكو جديد؟

[علي ياسين]

مرحبا شباب لبنان شلونكم على هذه العاصفة
هطا تمرين على جو امريكا ههههههههههه

[** يدكو **]

عمي ياسين ليش بس عاصفه هال امطار بعمري ماشيف مثلها بالعراق ان شاء الله تنهال علينا جميعا مواعيد الطيران والمقابلات

مثل المطر بالايام الجايه ..


تحياتي لكم جميعا ...يدكو

[شالان العراقي]

شباب شلونكم مشتاقين اكو خبر يمكن بعضكم سمعه او لا وهو انه الامم المتحدة خصصت لكل عائلة مسجلة بالامم وحسب الارقام مبلغ مالي وقدره 200 دولار عيدانية للعيد والشرط يكون عندك اطفال ويتم التوزيع حسب ارقام ورقة اللجوء واي استفسار ممكن تراجع اقرب مركز للكاريتاس عندكم واي مساعدة اني حاضر مع العلم من اليوم الاثنين بداو بالتوزيع وتستمر الى يوم الجمعة طبعا حسب ارقام ورقة الامم  ((  ام الصورة ))

تحياتي الكم

[white heart]

اخواني اخواتي الاحباء
عندي سؤال وارجو الاجابة عنه ان امكن من خلال معلوماتكم القيمة
اختي وزوجها سافرو الى لبنان لغرض العلاج وقد سكنوا في شقة مفروشة في منطقة اسمها الكاثوليك بمبلغ 900 دولار لمدة شهر واحد
هل هذه هي الاسعار في لبنان للشقق المفروشة أم أن هناك شي غير طبيعي ، حيث ان اغلب كلام الاخوة في لبنان يؤكد ان سعر الشقة المفروشة لا يتجاوز 300 دولار
افتونا رجاء
شكرا لكم وتحياتي للجميع

[** يدكو **]

لااخي بصراحه ماسامع بهيجي مبلغ 900$ مو معقوله يعني اغلى منطقه في بيروت وحسب علمي الحمرا ماتتجاوز فيها الشقه
المفروشه 500 دولار ... اما منطقه الي ذكرتها الكاثوليك اول مره اسمع بيها هاي وين في بيروت لو وين ...

[atoor]

لا اخي الاسعار غالية في لبنان  اقل شقة مفروشة في جل الديب ب 600 دولار بالشهر و اكو 900 و اكو 1200  دولار بالشهر هي تعتمد على المنطقة و نظافة الشقة و كبرها

[white heart]

شكرا احبائي للردود السريعة
والله صراحة المنطقة حسب ما اخبرتني هي في بيروت وهي منطقة اغلب سكانها من اخوانة المسيحيين
خلي اسئل واتأكد وارجعلكم الخبر اليقين

شكرا للتواصل

[** يدكو **]

اخي اكو هوايا مناطق ارخص وشقق مؤثثه ماتزيد عن 500 دولار في كل من سد البوشريه وسن الفيل والدكوانه بس لازم تسال
واكو دلال اذا تريد اسمه هاني بالقرب من كاريتاس الزعتريه تروح وتساله او اكو مكتب للموبايلات همينا فوق الكاريتاس مباشره
وهمينا يشوفون شقق للعراقيين ..تحياتي

[شالان العراقي]

اخوية اكو ايجارات غالية واكو هم ب 500 او 600 مفروشة وفارغة شوية ارخص بس تشتريها مثل السرقفلية يعني ومثل مكال اخوية يدكو اكو دلاليين وهما يدورولك واضيف عليهم ناشر الدلال وهاي الي كال عليها فوك الكاريتاس اسمها ام روي
تحياتي للجميع

اخوية يدكو عبرت 40 يوم ومخابروني على ال سي ام سي شتكول اخابرهم واسال عل فايل لو اخليها بعدين ؟؟؟؟؟؟؟؟؟

[** يدكو **]

بكيفك عيني شالان هو انت عندك حق كل شهر تخابرهم وتستفسر عن ملفك

[** يدكو **]

صدك اخوان لاتنسو الي عندا اطفال خلي يخابر الكاريتاس علمود يستلم ال200$ على ان لايزيدو عن 18 سنه واخر يوم هو الجمعه

وراح انزلها على العام في الهجره احتمال اكو ناس بلبنان وما يعرفون واكيد الاستلام حسب الارقام مال ملفات الامم مثل ماشرح الاخ شالان

[محيسن]

يدكووو  هوا   خبير في شؤن العراقيين في  لبنان

[** يدكو **]

هههههههههههههههه محيسن هم هنانا لحكتني ..شكرا لك على هذا الوصف

تحياتي

[اوريليوس]

اخوان  هل  يمكن  التقديم  بعد  عطلة  اليوان ؟ يعني على السنة الجديدة   عادي 

[علي ياسين]

هلو اخوان
اتمنى ان يكون الجميع بخير
هل اليو ان هسة عدهم عطلة وكم يوم العطلة
مع الشكر

[abosi]

السلام عليكم
شلونكم اخواني

اني قابلة الوفد و انقبلت قبول اولي و هسه سويت الفحص و عندي دورة بشهر الواحد
بعد هاي شكو ؟؟ اريد افتهم لآن بصراحة اني هسه تايه مدا اعرف شنو صار من حالتي

رجائا يلي عدهم تجارب سابقة بالبنان ينطينا خبرته

تحياتي

[محيسن]

يدكووو  جعجع   اي  شي  تريدون  يدكووو  كلشي  يقدر يسوي  مرش  قوي  في لبنان  واي  سؤال   

على طول برنت  يجيك 

بونجور  يدكووو  الناقد الرياضي  العراقي  في  لبنان


محيسن  ابو جوجووو

[** يدكو **]

السلام عليكم
شلونكم اخواني

اني قابلة الوفد و انقبلت قبول اولي و هسه سويت الفحص و عندي دورة بشهر الواحد
بعد هاي شكو ؟؟ اريد افتهم لآن بصراحة اني هسه تايه مدا اعرف شنو صار من حالتي

رجائا يلي عدهم تجارب سابقة بالبنان ينطينا خبرته

تحياتي

اخي اخذت الموافقه النهائيه اذا اي بس تنتظر مو السفر ان شاء الله

[abosi]

حبيبي ممنون على ردك السريع
والله بس الموافقة الاولية و سويت فحص طبي و هسه عندي دورة ثقافية

[** يدكو **]

ان شاء الله بس تخلص الدوره ينطوك الموافقه النهائيه وياه موعد السفر هذا بالجديد صاير قبل مكان اكو هيجي اي قبل 6 اشهر

بالتوفيق

[الرسام1973]

ربى يسهل امركم

[abosi]

يدكو صديقي
شكرا جزيلا
بس انت وين صرت لتكلي بعدك بالبنان ؟؟

[** يدكو **]

اي عمي بعدني بلبنان ان شاء الله مبقالي شي وراح اسافر طولت اني لان سويت اضافه طفل هنا بلبنان كما شرحت سابقا اعلاه

تحياتي لك وللجميع

[abosi]

حبيبي يدكو
ان شاء الله قريبا و اتمنى نكون سوى

تحياتي الك و يربه بعزك الطفل

[محيسن]

صباحوو  يدكوو

[علي ياسين]

حوين شنو الخبار
اني باقي انتظر مقابلة الوفد وصبر خلص اني مقدمة قبل 13 شهر ويرادلي بعد شهرين على مقابلة الوفد يعني انتظار 15-16شهر انتظار وخايف وبعدها رفض....يعني اقوى بوري بحياتي والله يستر
ما اخفي عليكم اني جدا قلق 
اكو اخبار عن الوفود وشنو التطورات الاخير وصحيح دا يسرعون بسفر

[محيسن]

يدكوو بيروت

[علي ياسين]

حلوين......ماكو اخبار جديدة

[abosi]

خابروااا كفيلي وبعدين ؟؟؟

[** يدكو **]

خابروااا كفيلي وبعدين ؟؟؟

خطوه جيده جدا اخي وين واصل بالمعاملات مخلص الوفد والفحص اكيد مو ان شاء الله يبقالك موعد سفر بالتوفيق

[علي ياسين]

حبيبي عبوسي (abosi) بخير وانشاء الله الفر قريبا
حبي شوكت قابلة الوفد

[abosi]

شكرا شباب على ردكم السريع
نعم قابلة الوفد و اجاني القبول الاولي و سويت الفحص الطبي و هسه عندي دورة الثقافية اسبوع الجاي

اخوية العزيز قابلت الوفد بوم 29-10

[abosi]

عمي اشو ماكو احد جفاف اكو شي جديد ؟؟

[شالان العراقي]

شباب سمعت السي ام سي انلغت من لبنان سمعتو هل خبر لو كذب

[abosi]

هاي شنو والله اني ما سمعت هيج شي
بس اذا لغوها يعني احنا تابعين المن فا ما اتوقع اكو هيج شي

[ام بكر]

صباح الخير اخواني الاعزاء شلونكم انشالله بخير
عندي استفسار يخص الوضع بلبنان حاليا سؤالي هو اذا لا قدر الله وصار شي هنا احنا العراقيين شنسوي ؟ يعني نكعد ببيوتنا لو نطلع من لبنان لو شلون زين اذا طلعنا من لبنان هل ياثر على وضعنا باليو ان ؟ افيدونا جزاكم الله خير

[شالان العراقي]

لا كالو يعني صارت مثل تركيا من التوطين كبل للسفير متسوي مقابلة سي ام سي والله اعلم

[abosi]

ام بكر
اذا حضرتج واصل ملفج للاي او ام همه يحيرون بينا
اما اذا اي سي ام سي حالنا حال هل الاوادم ننتظر تخلص الحرب او المشاكل
بالنسبة للطلعة بالحالات العادية ما يفضل السفر لآن يصير علامة استفهام عليج

[ام بكر]

شكرا اخي العزيز abosi جزاك الله خير

[محيسن]

 

[علي ياسين]

مرحبة شباب
شنون اخبار ليو ان ....صحيح متوقفين حاليا بسبب الضروف السياسية
يعني ماكو وفد هسة ؟؟؟؟؟
نبقى على الشحن والله كريم

[شالان العراقي]

والله اخوية اعرف كرايب الي اليوم راحو للامم سوو توطين وجان اكو هوايا ناس هناك واني صارلي 3 اشهر مسوي توطين وممخابريني على السي ام سي ماعرف شنو السالفة من اعرف شي راح ابلغك الله كريم اخوية النا الله

[علي ياسين]

حبيبي شيلان اني قابلتicmcبعد 110 فلا تقلق ....... انشاء الله يخابروك خلال اسبوع
معندك معلومات على الوفد الامريكي 

[شالان العراقي]

والله اخوية ماعندي اي اخبار عن الوفد بس هو يمكن اجى ببداية الشهر وسوو كم مقابلة بس يكولون بشهر الثالث خوش حملة اكو مال وفد ماعرف بعد واليوم هوايا بالامم مسوين icmc وكم واحد مسوي توطين الله كريم اخوية اي شي جديد نعرفه راح نتشارك بي هنا

تحياتي الك

[علي ياسين]

تسلم وتعيش حبيبي
واتمنى التوفيق للجميع
شلون اعرف اكو وفد هسة لو لا؟؟؟؟؟

[علي ياسين]

شنو اخبار الوفد المريكي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حلوين محد يعرف شي عن الوفد

[abosi]

شنو اخبار مواعيد السفر احد انطوه موعد موافقات شي اشو ماكو احد؟؟

[الرسام1973]

انشاء الله الفرج قريب ....

[majroo7in]

هلوووووووو شباب شونكم والله منورين المنتدى صدك تخبلون اني عراقي بلبنان.بس اريد افتهم اني صارلي سته اشهر ناطر اي سي ام سي شنو السالفه خووما اكو شي ؟؟؟ وقبل فتره خابروني 3 مرات رجعت خابرتهم كالولي انو اذا نريد شي نخابرك ؟؟؟؟ مادري اكو احد مطول هيجي مده ينطر السي ام سي؟؟؟ واني من المتابعييين للمنتدى

[علي ياسين]

حبيبي majroo7in اني قابلت التوطين في 3/8/2010 وبعدها 110 يوم(23/11/2010) قابلنا icmc وهسة دا انتظر الوفد على نار هادئة
حبيبي خابرهم وسألهم هل حصلة موافقة من icmc

وتوفيق للجميع

[majroo7in]

حبي علاووووي مشكور كبد ع رد . اذا انته مقابل 3-8 اني هماتين مقابل لعد اني وانته قابلنه سويه. من هذاك اليوم الى اليوم ماقابلت سي ام سي بس قبل فتره خابرني سي امسي وماجنت موجود 3مرات خابرني . خابرتهم كالو اي مخابريك شنردون كالو لا ماكو شي اذا نريد شي نحنا نخابرك. هليوم رحتلهم كلولي نفس الحجي. والله كريم الحمد لله ع كل حال

[جون سينا 2009]

السلام عليكم

الله كريم اخوان انشاء تسهل اموركم وتسافرون بسرع وقت

مع تحياتي

♥♥♥ جوووووون سينا 2009 ♥♥♥

[جون سينا 2009]

مبرووووووووووووك الصفحه 4

[علي ياسين]

حبيبي اي اكيد مشاوفين اني كانت وياية زوجتي وبنتي عمرها كان اقل من سنة
حبيبي الضاهر عدهم ازدحام
شلون الوضع اليوم باليو ان
شنو الخبار ماسمعت شي على الوفد؟؟؟؟؟؟؟

[majroo7in]

حبي علاوي اي يمكن شايفك ما ادري لا صارلي هواي ما رايح ع يو ان ع عموووم هليوم جانت اليو ان فارغه ماكو هوايه ناس بس اغلبهم من اخوانا المسيحيين وعوائل ماكو شباب بس جم واحد .الله كريم يارب يوم الينسافر كلنه والتوفيق للجميع. علي انته ليش شكد صارلك ناطر الوفد ؟؟؟ ها صح ع حجي يكلون انو اكو وفوود بس من وين مادري .... تحياتي للجميع

[علي ياسين]

حبيبي اني صارلي تقريبا شهرين ونص انتظر الوفد

[majroo7in]

الله كريم هي ينرادلها شويه صبر والله يفرجها علينا . ونسافر كلنه .. ومبرووووووووووووك الصفحه 4 يارب تكووون خير ويتصلون بالكل

[شالان العراقي]

اي والله اخوان دياخرون هوايا هل فترة اني صارلي 100 يوم منتضر سي ام سي وماكو شي
اخوية علاوي ان شاء الله يخابروك بالثالث لان اكو وفد جاي لان مدة انتضار الوفد من شهر الى 3 وان شاء الله خير

[علي ياسين]

تسلم حبيبي شيلان
حبيبي شيلان انشاء الله التلفون قريبا خلال اسبوع لا اكثر

[علي ياسين]

حبايبي الطيبين العراقين في لبنان
شنو الاخبار اشو سكتة
مكو شي جديد

[شالان العراقي]

اي والله اخوية ماكو شي جديد وهل ايام جانت عطلة مثل متعرف نشوف هل اسبوع شيصير ميصير
تحياتي الك

[علي ياسين]

يالله ....انشاء الله يخابوك ويخابروني ....ونشوف منو يزف البشرى قبل

[هرمز بنيامين]

السلام عليكم اخواني وخواتي شلونكم ان شاء الله بخير

احنا كملنا مقابلة السفير بالشهر العاشر 2010 بلبنان طبعا وكملنا الفحوصات الطبية والجلسة التثقيفية وما عدنا غير يتصلون ع الفيزة
بس انشلع قلبنا من الانتظار كل يوم نكول اليوم وماكو شي و100 حسبة تاخذنا و100 حسبة تجيبناإإ
محد بيكم سامع عن مواعيد رحلات باذار؟؟

وسلامي للكل والله يسهل اموركم.

[علي ياسين]

حبيبي هرمز
اني هم اعرف جماعة وياكم وبعدهم ينتظرون .....
حبيبي المهم انتو مكملين كلشي انشاء الله ماباقي شي مسئلة وقت وعن قيريب يحددوكم موعد السفر
بس انت كون جاهز لان الموعد يكون مفاجء

[هرمز بنيامين]

الله يسمع منك حبيبي علي
والله يفرجها ع الجميع

[علي ياسين]

حبيبي هرمز
انتو كم واحد تقريبا كنتم في الدور التثقفية
حبيبي ومندي كم سؤال
وين الدورات التثقيفية وكم يوم وكل يوم كم ساعة
وين الفحص الصحي وكم يوم وشكد اطول
واذا عند تفاصيل اخرى

اشكر حبيبي

[هرمز بنيامين]

حبيبي علي
الدورة التثقيفية بكاريتاس الاجانب بسن الفيل يم جسر الباشا وعدد الافراد تقريبا 25 نفر
والمدة 3 ايام من 9:30 صباحا الى 2 ظهرا تتضمن استراحة لمدة ساعة ونصف مع وجبات اكل
والفحص الطبي بالحمرة يخلص بيوم واحد
اكو فحص جسدي عند دكتور مخيبر وبعدين اشعة وفحص دم بمستشفى الجامعة الامريكية
وطبعا احنا اخذنا مواعيد فحوصات ودورة تثقيفية وية الموافقة الاولية الي اجت بعد شهر من مقابلتنا للمحلف.


واذا عندك اي سؤوال ثاني اني جاهز للاجابة... انت وين واصل بمعاملتك؟؟

[شالان العراقي]

ان شاء الله اخوية علاوي الله يسمع منك
اخويةهرمز شكرا على المعلومات القيمة والمهمة وان شاء الله ببداية الثالث يخابروك وبنفس الشهر تسافر لاتدير بال لان يمكن اكو حملة بالثالث من المقابلات والسفر لاتدير بال مثل مكال اخوية علاوي حضر امورك وان شاء الله خير خون

[هرمز بنيامين]

اشكركم اخواني ع التفاعل مع الموضوع
وان شاء الله تتسهل اموركم كلكم
يا ريت لو اكو اي جديد بخصوص المقابلات او الرحلات ما تبخلون علينا مثل عادتكم

اني حاضر لاي خدمة واي سؤال عن المقابلات وحتى الاضافة لان اني سويت اضافة طفل قبل مقابلة (ICMC)

[علي ياسين]

تسلم حبيبي هرمز
تسلم حبيبي شيلان
انشاء الله السفر والتوفيق ومستقبل مزدهر للجميع

[abosi]

هرمز انشلع قلبي و قلبك سوه حبيبي
اني حالتي بالويل مبطل جامعة و احدق مني ماكو كله على مود السفر
وربك صايره حياتي بالمكلوب و مدا افتهم شي من حياتي

ان شاء الله سفرنا سوه و قريبا و بصراحة املي بشهر الثالث
ولو انزرع هذا الامل على لا شيئ و انشاء الله تكون قريبا
و اني هم اخواني اي شي تحتاجون عن المقابلات او عن ال ICMC في لبنان ان شاء الله ما انقصر
تحياتي

[ام بكر]

صباح الخير عليكم جميعا
كولولي شكد المده بين مقابله التوطين و icmc . ما ادري كل الناس نايمه عليها الطابوكه لو بس حضره جنابي 
 
وشكرا

[شالان العراقي]

والله ام بكر اني صارلي من 2-11 مسوي توطين راح اكمل 4 اشهر وكلشي ماكو على حضنا كامة ياخرون السي ام سي كبل جانت 40
انتي شوكت سويتي توطين اختي ؟؟؟؟؟؟؟؟

[علي ياسين]

اختي ام بكر
اني قابلة توطين في 3/8/2010 وقابلة icmc في 23/11/2010  بعد 110 يوم

وهسة اني دا انتظر مقابلة وفد

اني اتوقع سبب التأخير هو اعياد كرسمس ويمكن راح يكون التأخير مو اكثر من شهر مقارنة مع ما قبل اعياد كرسمس

عموما اني اول مرة رحت بيها الى un في 3/12/2010 يعني صالي سنة وثلاثة اشهر اناضل

حبيبي اخ هرمز الوردة واخ عبوسي الحلو اعرف دوخنكم ويانا..... بس اريد اعرف وين مقابلة الوفد....واذا تحجينا على المقابلة شوية واذا هواية احسن ههههههههههههههههههه

[ام بكر]

مشكورين اخواني الاعزاء عالردود السريعه خويه شالان اني قابلت توطين يوم 20/12/2010

[هرمز بنيامين]

هههههههههههه عبوسي
اني حاليا دا اشتغل مساعد كاعد ههههههههه
يعني انظميت لحزب العاطلين عن العمل

وبموضوع ال (ICMC) ما اعرف شبيهم هاي الفترة لان هواي ناس منتظرين مقابلة (ICMC) من كم شهر وماكو شي قبل كانت اكثر شي 3 اشهر بعد مقابلة التوطين ويتصلون بيك... ان شاء الله يتصلون بيكم كلكم ولو هي مقابلة ال (ICMC) مو فد شي هي بس تحضير لمقابلة الوفد.
ومنظمة ال (ICMC) مجرد وسيط بين اليو ان و السفارة الامريكية والمقابلة سهلة جدا بس لازم تروحون محضرين كلشي من تفاصيل القصة واوراقكم واهم شي لا تخافون ولا ترتبكون والاسئلة الي رح يسألكم هي نفس الاسئلة الي سألوها بالتوطين طبق الاصل!! يمكن سؤال لو سؤالين زيادة.

اما مقابلة الوفد يا علاوي الورد فهي بالسفارة الامريكية الي صايرة فوق منطقة جل الديب، طبعا انت تروح لليوان ومناك ياخذك كوستر للسفارة واتوقع انك تظل نهار كامل هناك ترجع بعد ساعة 10 بليل يمكن بعد ال 12 نص الليل... بس طبعا انت بهاي الاثناء تكون قاعد بقاعة الانتظار الي بيها مي تشرب ومرتاح ويجيبولك اكل وجبتين  ومقابلة الوفد حسب الشخص لان اني الي قابلت وياي كانت نسبيا زينة بس الي قابلت ويه عباس كانت لابسة الجنكو عليه

اما عن وقت المقابلة تقريبا ساعة ونص (الوقت الطبيعي) يمكن مرات يطول اكثر حسب الحيثيات والشخص الي يقابلك والاسئلة هي قسمين
القسم الاول هي اسئلة سيرة ذاتية يعني اسمك وسنك وعنوانك ومنين جيت وشنو مسوي مكسرات بحياتك وعن العسكرية والقسم الثاني هو عن القصة عن منو هددك وليش وشلون وشوكت واسئلة الشق الثاني هم ترجع نفس اسئلة مقابلة ال (ICMC) بس انت اهم شي حافظ على اقوالك لا تغيير اقوالك بين المقابلات لان هذا شي مو بصالحك.

واخيرا، الرجعة ابو الكوستر يوصلك اقرب نقطة لبيتك على الاوتوستراد.

وتددلون واذا اكو غير شي نسيتة كولو عليه ومن عيوني اجاوبكم


سلاااااااااام

[هرمز بنيامين]

هرمز انشلع قلبي و قلبك سوه حبيبي
اني حالتي بالويل مبطل جامعة و احدق مني ماكو كله على مود السفر
وربك صايره حياتي بالمكلوب و مدا افتهم شي من حياتي

ان شاء الله سفرنا سوه و قريبا و بصراحة املي بشهر الثالث
ولو انزرع هذا الامل على لا شيئ و انشاء الله تكون قريبا
و اني هم اخواني اي شي تحتاجون عن المقابلات او عن ال ICMC في لبنان ان شاء الله ما انقصر
تحياتي

والله حبيبي عبوسي منطقيا وعلى الورق لازم نروح بالشهر الثالث وهذا املك مو مزروع على لا شئ لان صدق اكو ناس من مجموعتنا سافروا قبل كم يوم والمفروض احنا هم نروح بس هذا التأخير قاتل مااعرف شنو السبب!!! صرت محلل اني قد ما احاول احلل اسباب التاخير... يااااااااااااااااااااااا رب تبيين بهاي الايام حتى نعرف وين احنة لو بالهدف لو بالنجف مثل ما يكولون

[علي ياسين]

تسلم حبيبي هرمز الورد
ونشاء الله السفر القريب

[علي ياسين]

الخ شيلان الاخت ام بكر
بخصوص مقابلة ICMC .....المهم التأكيد على جميع المعلومات والتواريخ وتصحيح اى شيء فيه خطء او اختلف ومصارحتهم على اى اشكال في المعلومات او التواريخ واطلبوا النصح منهم بدون تردد

ICMC مثل ما كال اخوي هرمز هي منضمة واجبها مساعدة اللاجئين وترتيب الطلبات لتسهيل قبولهم اى انهم معنا وليس علينا

والتوفيق لكل عراقي على وجه الارض

[majroo7in]

[/b]

منورين يااحلى جمعيه؟؟؟؟؟؟ منور شالان ام بكر هرمز علاوي عبوسي؟؟؟؟؟  معودين ماكو احد عنده مقابله عنده سفر عنده دوره عنده فحص معودين والله حتى نبقى متفائللللين حتى شويه ننسى هموووم الي ع راسنه لان التفكير دمرنه ؟؟؟؟؟؟ يارب تكون هاي الايام الجايه خير علينه.... لان اني طكيت صارلي سبع اشهر ناطر اي سي ام سي ونكول يارب الله يفرجها بعد هذا الصبر الطوووووووووووووووويل على كل العراقييين . مثل ميكول ابو المثل (لاحظت برجيلها ولاخذت داخل حسن)

[هرمز بنيامين]

كل الهلا وردة majroo7in

والله منتظرين يوم الاثنين من يرجعون ع الشغل ونشوف يمكن يخابرون... حالنا حال والله كاعدين ومقابلين التلفون اني حتى حطيتلهم نغمة حتى اعرفهم اذا اتصلو

[abosi]

هرمز والله ضحكتني هههههههههههه
حاطلهم نغمة لعد اني حالي شويه احسن اني حطيتلهم صورة العلم الامريكي   

والله يا اخوان مقابلة السفارة سهله على الكل عدا اني

الناس كلها خلصة بساعة ونص نحنا ساعتين و شوية و فوت واحد و اطلع واحد

انشاء الله الايام الجاية خير على الكل

تحياتي للرفيق الغالي هرمز

مساعد اول عاطل 

[هرمز بنيامين]

ههههههههههههه شنسوي يا عبوسي ما تكلي!!

والله ذاك اليوم دك التلفون بالتسعة بليل فزيت من مكاني قلت بس لا همة بعدين قلت ويا حالي شبيك هرمز حششت وين اكو يو ان بالتسعة بالليل من ورة هاي الحالة حطيتلهم نغمة هههههههههههه صرنا نكتة والله... بس على الله تطلع امريكا تسوة هذا القهر!!

طبعا احلى شغلة مال مساعد كاعد صارلي زمان ما مجربه هههههه

الله يوفقكم كلكم

[abosi]

لا شغلة معدلة
وداعتك اضل كاعد لل 7 الصبح و انام لل 5 العصر و هاكذا و ربك تحديق من المستوى العالي
الله يفرجها علينا و عليكم جميعا

[علي ياسين]

حبيبي majroo7in منورة بيك وبكل حبايبنا الطيبين

ويا ربي تنفتح علينا كنا ونشوف هذا السبوع ما اعتقد اطول اكثر

[ام بكر]

اخونا العزيز ( مجروحين) يمعود شنو صارلك سبع  اشهر تنتظر icmc ؟؟؟؟؟؟؟ اويلي هبطت معنوياتي

[ام كمال]

صباحو .... على كوله اللبنانيين
 عيني اليوم خابرونا من اليو ان وكالو اتحولتو icmc من يوم 18/2/2011 زين على هالحجي شوكت ايخابرونا عالمقابله ؟ وشلون نعرف وين رح ايودونا ؟ يعني قصدي يا بلد رح يطلعلنا ؟
  شكرا الكم

[علي ياسين]

مبروك اختي ام كمال وهذي خطوة مهمة  جدا
 
اختي icmc يعني امريكا فاذا عندج احد بامريكا حضري اسمه وعنوانه وسيكون سفرج الى نفس مدينة الكفيل 

[شالان العراقي]

اي اختي يعني حولوج عل امريكية خالتي هم خابروها اليوم ونفس الحجي ونفس التاريخ انطوها

[محمد سعد محمد]

اخواني الاعزاء
اني اخوكم موجود بمصر صار سنين ومقدم عاليو ن وماكو اي شي غير انو اعترفو بي كلاجئ وقدمت عالتوطين وماكو شي لحد الان يعني اذا احول الملف الى لبنان شكد ممكن تطول فترة واتوطن الى بلد ثالث لآن مثل ماتعرفون الاوضاع هنا بمصر اصبحت غير مستقرة والظاهر ماكو امل بشي جديد ارجو التوضيح والنصيحة

[ام كمال]

اهااااااا ...امريكا .. فليكن اذا" .. بس ياجماعه تره ما عندي كفيل . برايكم شوكت ابدي اجدي من المنتدى ؟ 
مشكورين جدا اخواني شالان و على ياسين الله ييسر اموركم ويفتحها عليكم وعالجميع .

[علي ياسين]

اختي ام كمال
اذا ما عنج كفيل عادي هم يختارولج ولاية واذا تريدين كفيل من المنتدى المهم اختاري الولاية

والتوفيق للجميع

[ام كمال]

مشكور خويه علي عالاجابه جزاك الله خير

[علي ياسين]

تدللين اختي واى استفسار اني حاضر

[ام كمال]

رحم الله والديك اخويه العزيز على ياسين
 يا جماعه اليوم خابرنا icmc وسالناهم عن موعد المقابله مالهم كالو انتظرو من التاريخ اللي اعطيناكم اياه 18/2 لمده تتراوح من 3 الى 6 اشهر حتى اتقابلون icmc !!!!
 يا جماعه شنو رايكم بهالكلام . مو طويله شويه

[علي ياسين]

الظاهر لبنان صارت صعب من كل دول الجوار الباقية
اني ايضا صار اكثر من ثلاثة اشهر انتظر الوفد وخابرت قبل يومين والجواب كان ان الوفد ذهب قبل ايام وعليك ان تنتظر الوف القادم في الفصل القادم اذا كنت من ضمن العدد الذي سوف يقابله الوفد يعني لو بعد ثلاثة اشهر او ستة اشهر

اختي ام كمال شوكت قابلتي التوطين

[ام كمال]

عيني اني قابلت  توطين يوم 20/12/2010

[هرمز بنيامين]

مرحبا احبابي
شلونكم ان شاء الله بخير
طبعا ماكو جديد بموضوعنا بس شفت حركة بالجمعية وكلت اسجل حضور

الله يسهل اموركم كلكم

[abosi]

اني بصراحة دا افكر افتح شنبر احسنلي

[ام كمال]

السلام عليكم جميعا
ياجماعه بخصوص الاقامه مال لبنان واجراءاتها يعني شنو طلب استرحام من الامن العامه وشكد ينطون مده اذا وافقو عليه ؟