اللاجئين العراقيين في لبنان

[ام بكر]

عاشت ايدك اخونا المهاجر الابيات جدا حلوه

[شالان العراقي]

هلو اخوان شلونكم اليوم صديقي خابروا وانطو موعد سفر الى امريكا بنهاية شهر ال7 وهو كمل كلشي بتاريخ 10-2-2011 مع العلم هو عزابي ههههههه

[Ashurram]

هلو اخوان شلونكم اليوم صديقي خابروا وانطو موعد سفر الى امريكا بنهاية شهر ال7 وهو كمل كلشي بتاريخ 10-2-2011 مع العلم هو عزابي ههههههه

[quote author

يالله بيها الخير... ممكن تكلنا صديقك شوكت قابل وفد؟


عاشت ايدك اخوية المهـــــــاجر شعر حلو ويعبر عن حالنا والله

[علي ياسين]

عاشة يدك حبيبي على هذا الشعر الحلو
وانشاء الله نسمع بخبر سفرك قريبا

[المهــــاجــر]

شــكراً للأعـــزاء
ام بكــر
شالان العراقــي
quote author
Ashurram
علي ياســين
اخـــوان شنســوي ماكو اخبار جديدة نكوم نكتب شعــر ونعبر عن مشاعرنا ..وحتى ما تصير صفحتنا الجميلــة بالصفحة الثانيــة
نكتب عسا ان بس نسلم عليكم ..اذا الأمم نسونــا على الأقــل القــراء والمستركيتـن ما ينســـونــــا .. بخصوص السفر اكو دينطون مواعيد بس قليلة المهم ان الســــفر ما يتوقـــف ..
مــع تمنياتـــي للجميـــع بالسفر القريـــب

[kunda]

مرحبا شباب لبنان بس حبيت انوه الى انه الجماعة اقاربي اللي كان موعد سفرهم يوم 23 حزيران تأجلوا الى اول البارحة وهسه همه واصلين امريكا من البارحة بالليل وقبل شوية دزولنا مسج يارب تفرج على الجميع وتسافرون

[علي ياسين]

مرحبة شباب
اتمنى ان يكون الجميع بخير وبمعنويات عالية
اليوم كملنا الدورة التثقيفية
الدورة كانت مفيدة جدا وطريقة موضف icmc كلش حلوة وكان صبور هواية وفعلا من اول دقيقة تحس وكأنما هو صديقك من سنين
وعطانا دفعة معنوية ونبهنا على الكثير من الامور المهمة ....واحلى شي بعد شرح موظوع محبط مباشرة يرجع يرفع معنوياتنا ....
وطرح احد الاخوان موظوع ابو شعر وجوابه وكأنما انسر مشين (نفس الجواب للكل) ...واحد الاخوات في الدورة قالت اني اتصل به مرتين بالاسبوع وشخص قال اني اتصل به مرة كل اسبوع...فكان جواب موضف  icmc  لذلك هو لايستطيع الاطالة بالاجابة عن الاسألة التي تتكرر كثيرا وهو يحاول استغلال الوقت للاجابة وتقديم الايضاحات على الاسئلة المهم والتي تؤثر على سير الملف...وكان كلامه مقنع جدا لي وللكثير وخاصة اني مرتين من اسأل ابو شعر على حالة خاصة في ملفي يجاوبني بشكل تفصيلي ومطول ....
اعرف لمكملين دورة تثقيفية ما راح يهمهم الموظوع بس الي ما مكملين راح يهمهم

واي سؤال اني حاضر

[Ashurram]

مبروك اخوية علي على اتمام الدورة التثقيفية وان شاء الله يوم السفر.

سؤال/ ما كالو شي بالدورة التثقيفية عن وضع السفر الحالي؟

[ام بكر]

الف مبروك اخويه على ياسين ويارب نسمع خبر السفر وتسولفلنا على الرحله من لبنان لامريكا
تحياتي للجميع

[Ashurram]

مرحبا شباب

ان شاء الله هذا الاسبوع يصير خير وينطون مواعيد

[علي ياسين]

امين يارب العالمين

[بسيم ماموكا]

ان شاءالله الكل يسافرون
البارحه طارت طياره من لبنان

اخوان دينطون مواعيد الدوره التقنيه

[ابو فله]

مساء الخير حبايبي
شلون الاخوه والاخوات
انشالله ابخير
اخوان صارلي تقريبا اسبوعين مفاتح النت وبالذات موقع عينكاوه بسبب السغل اولا
وبسبب التقليص من المصاريف ههههههههههههه
فالكم وحشه اخواني والله
شكو ماكو اخوان اشو سنطه
اما عن اخباري يا شباب ( نفس الطاسه ونفس الحمام )ههههههههه
بالنسبه لاهلي انطوهم موعد icmc وسووها ثاني يوم
ومبروك للنطوه موعد وانشالله الكل
اخوان القاكم الثلاثاء القادم ههههههههههههه لان عطلتي من الشغل

ابو فله

[** يدكو **]

مبروك اخي علاوي وان شاء الله ينطوك اقرب موعد للسفر وترتاح انت وجميع الاخوه بلبنان بالتوفيق اخوي في المراحل الجايه

اخوك .. يدكو

كاليفورنيا

[A.S.A.D]

مساء الخير شباب
اشلون الصحة ان شاء الله الكل بخير
تمنياتي للجميع السفر

[Ashurram]

والله طلعت روحنا والسالفة صارت حيل بلا ملح... ما ظل بعد طعم للسفر!!

انوب فوق الحمل حلاوة... ابو الايجار يريد يغلي الايجار

اذا واحد يعرف عن شقة فارغة بسد البوشرية والمناطق المحيطة ما يبخل على اخوكم.


سلامي

[مايكل اندريه85]

مرحبا .... شلونكم شباب وصبايا ؟؟؟؟

[علي ياسين]

مرحبة يا احلى لاجئين
اعرف المعنويات صفر بس عدنا الله ....والله ابد ما ينسى عبادة

انشاء الله نسمع منكم اخبار حلوة قريبا

[فائز القرقوشي]

ملينا الى متى نبقى هيج مبهدلين بالدول العربية مشريدين واليو ان جماله دياخرون ما عدنا غير الله

[ام بكر]

اللهم لا سهل الا ما جعلته سهلا وانت تجعل الحزن اذا شئت سهلا
عليكم بالدعاء .. الله سبحانه وتعالى اذا اراد شيئا قال له كن فيكون

[samieraliraqi]

اللهم امين
رحمة الله والديج اختي الكريمة ام بكر نوصيكم بلدعاء لانه هذا الشي الوحيد الي بقة النه
انشاء الله يا ربي السفر لكل الاعضاء
كولوا امين
اخوكم سمير العراقي

[A.S.A.D]

امين يارب
ان شاء الله تتسهل امور الجميع

[ام بكر]

ووالديك خويه سمير . شنسوي يا خويه ما بيدنا غير الدعاء والله كريم

[Illusionist]

خبر لرفع المعنويات أكو موعد سفر بآخر هذا الشهر أعتقد بـ 29 من الشهر السابع

[علي ياسين]

صدقائي          اشو سكتة

[A.S.A.D]

شلونكم شباب
اكو واحد من جماعة وفد الشهر الرابع البارحة متصلين بالكفيل ماله ورايح موقع على الاوراق وكايليله اتحضر راح يجيك
بلكي ان شاء الله يسرعون الاجراءات ونخلص

[حسين علاء]

لا حبي مو كل العراقين الى امريكا

في لبنان : امريكا واستراليا وكندا وهولندا

واني انشاالله سفري الى هولندا على شهر 12 

وبلنسبه الى سوالك : تكدر تطلع من امريكا بعد استلام الكرين كارد : تقريبا سنو او سنه و 4 اشهر : تكدر تروح الى اي دوله في العالم
 
وانشاالله التوفيق الى الجميع 

[/color][/font][/size]

[حسين علاء]

حبيبي ميصير
انت يحقلك بعد استلام الكرين كارد تروح الى اي بلد في العالم
بس متكدر تحول : الى اي بلد انت توطينك على امريكا خلاص يبقى 
ومن تروح الى بلد ثاني كل سنه لازم ترجع الى امريكا

يعني متكدر تحول الى اي بلد غير بلد التوطين

[/color][/size]

[حسين علاء]

لا حبي مو كل العراقين الى امريكا

في لبنان : امريكا واستراليا وكندا وهولندا

واني انشاالله سفري الى هولندا على شهر 12 

وبلنسبه الى سوالك : تكدر تطلع من امريكا بعد استلام الكرين كارد : تقريبا سنو او سنه و 4 اشهر : تكدر تروح الى اي دوله في العالم
 
وانشاالله التوفيق الى الجميع 

[/color][/font][/size]

lمرحبا
شكرا اخ حسين على الاجابة ولكن ايضا لم تعطيني توضيح كامل بعد اذنك حيث كان سؤالي انه ما دام الواحد يكدر يحول من دولة الى اخرى شنو هي خطوات التحويل يعني اذا انا طلع لي امريكا مثلا وردت احول الى كندا بالتحديد فبعد ما استلم الكرين كارت من امريكا اكدر اروح الى كندا فكيف البقاء بصورة دائمة في كندا وما اريد ارجع الى امريكا اي ماذا افعل حتى ابقى بصورة دائمة في كندا هاي النقطة اريد لها توضيح ومع الشكر

حبيبي متكدر  تحول الى غير بلد
بعد استلام الكرين كارد
تكدر تروح الى اي بلد في العالم
بس اجباري كل سنه ترجع الى امريكا
 
يعني متكدر تحول من بلد التوطين الى بلد ثاني

انت متوطن على هذا البلد خلاص  مافيك تحول الى بلد ثاني

وانا في الخدمه اخي الى اي سوال
وانشاالله الموفقيه للجميع

[/color][/size]

[samieraliraqi]

اول شي احب اسلم على الشباب في ملتقى العراقيين في لبنان واحبك اكللكم شلونكم شباب اتمنة معنوياتكم عالية بعلو جبال العراق , احب اوجه سؤالي الى الاشخاص الي سوو فحص بشهر السادس انو ابو شعر كاللنه انه دورة التلفزيون مالتنة تبلش بشهر السابع اكو هواية جماعة من الي اعرفهم والي جانو ويانة كملو الدورة مع العلم انه همة فحصو بتاريخ 15-06-2011 واحنة الي فحصنة قبلهم بعد ليهسة محد خابرنة اكو احد منتظر الدورة مال شهر السابع وبعد ما خابروه؟
معقولة هاذا ابو الشعر ما راح يخابر ؟؟؟؟؟؟؟؟؟

[علي ياسين]

اخوية العزيز الدورة الخامسة كانت الاسبوع الماضي حسب علمي.. وكل دورة الايتجاوز 15 ملف واحنة استلمنا النتيجة يوم 20/5 وكان عدد 76 ملف  وهذا يوم واحد واني عندي معلومات عدد ملفات المقبولة لوفد الشهر الرابع اكثر 120 ملف وسبوعيا دورة واحدة  .....لذلك ابد لا تقلق

وللعلم الدروة التثقيفية مو شرط تاخذها قبل السفر وممكن تاخذها من توصل هناك بامريكا وهذه الحالة اتصير هواية وخاصة مع جماعة عمان وبتحديد احد اقربائي واحد اصدقائي

فماكو داعي للقلق اطلاقا

[الامل 2]

up          up                up

[مايكل اندريه85]

شلووووووووونكم  شباب شخباركم ؟؟؟؟؟

[بسيم ماموكا]

iهاي شلونكم
ياجماعه عبرنا صفحه 8 وماكو شي جديد الله يصبرنا جميعا
يارب تكون صــ 8 خير للجميع امين

[A.S.A.D]

الله كريم
تفرج ان شاء الله

[بسيم ماموكا]

شلونكم اخواننا في لبنان اشوف ماكو ولا واحد
اخوان جماعه الي جانو ويايا بالسفير والفحوصات كلهم خابروهم على الدوره التقنيه وكملو الدوره بس اني مخابروني شنو السبب

[علي ياسين]

تحية لكل العراقين الطيبين في لبنان

اني ما عندي اخبار              انتو ما سامعين شي

[علي ياسين]

مرحبة يا اطيب لاجئين
اني ما عندي اخبار جديدة
بس شفت ولد قابل معنا في وفد الشهر الرابع يكول خابرو icmc وكلوله انت كملت الموافقة الامنية المرحلة الاولى والاداريات وباقي عندك الامنية المرحلة الثانية وعند حصولك عليها سوف نتصل بك لتبليغك بموعد السفر.          اكو هيجي شي !!!!!!!!!
احد سامع مثل هيجي حالة قبل؟؟؟؟؟؟

اتمنى ان نسمع منك اخبار حلوة

[المهــــاجــر]

شلونكم اخوان انشاء الله بالف خير
شنو القصة ماكو اخبار جديدة؟؟ اشو سكنة بسكتة ..
اليوم عندي خبر لجماعة الأمنيات ..البارحة واليوم ديوزعون استمارات لجماعة الأمنيا ت بكريتاس فنار او بزعيترية يكولون اكو جمعية امريكية تهتم بأمور تخص اللي عندا امنيات حتى توصل وجهات نظرهم وعن وضعهم التعبان الى اميركا ..هاي الأستمارة تتكون من 4 نسخ مكتوبة بالأنكليزي لازم نترسها ونرجعها الى الكاريتاس فأي واحد ما اخذ خلي يروح يراجع ويسوي المطلوب عسا ولعل ان نستفاد منها بصورة او بأخرى والغركان يجلب بقشايا !!!! شنسوي اخوان نعمل اللي علينا والباقي على الله هو قادر على كل شيء.. مع تمنياتــــــي للجميــــع بالسفــر القريب..

[A.S.A.D]

شلونكم شباب
ماكو اخبار اشو سكتة صار اسبوع موضوعنا راجع 3صفحات
ان شاء الله خير

[علي ياسين]

حبيبي A.S.A.D تعرف والله ملينا الانتظار نخلص شغلة تطلع شغلة جديدة وصدقني كانا مليننننننننننننننننننننننا

[علي ياسين]

لاجئين لبنان الحلون
اشو لا حس ولا خبر

[Ashurram]

اهديلكم اغنية طلعت روحي ومليت لهيثم يوسف هههههههه

[samieraliraqi]

السلام عليكم
احلة عراقيين بلبنان شلونكم
الله يعوض صبرنة وصبركم بخير كولو امين
هاية الصفحة  الثامنة وانشاء الله اخر صفحة نكتب بيهه تعليق. ماكو اخبار تفرحونة بيهه ؟؟؟؟بخصوص الدورة اني سويت فحوصات طبية 10/6/2011 وليهسة ماكو خبر عن الدورة و قبل اسبوع رحت لل يو ان سألته للشفية علة مود هذا التأخير جاوبني كال جدا عادي اصلا لانه العدد المقبول جدا جبير فأحتمال بلثامن او التاسع
اتمنالكم الموفقية جميعا
اخوكم سمير العراقي

[ابو فله]

السلام عليكم اخواني واخواتي
شلونكم ؟ انشالله بالف خير 
اني بعدني ستاند باي
بس ردت ابشركم اخويا الاصغر هوا وعائلته خلصت الامنيات مالتهم واجت الموافقه الاداريه
والي[وم راجع الامم وكالله ابو الشعر الطويل الله يطول ابعمره  خلال 45  يوم يسافرون
علما ان  اللذين كانو هناك 15 عائله كملو الامنيات
علما ان اخي من جماعه الوفد الشهر الواحد
علما اني واخي اكو ارتباط بملفاتنه لاكن هو طلعت الامنيه مالته قبل
وانشالله الكل تخلص الامنيه مالتهم size=30pt][

                           اخوكم ابو فله /size]

[علي ياسين]

الف مبروك ويوم الك ولكل الاخوان
حبيبي ابو فلة اكو احد من وفد شهر الرابع ....وخابروهم على الموافقة الامنية المرحلة الاولى قبل استلام الموافقة النهائية وشوكت خابروهم
اشكرك حبيبي

[علي ياسين]

حبيبي khawla الكفيل لا يأثر على سير اعادة التوطين اطلاقا فقط يكون السكن بقرب من سكن الكفيل
واصلا وهو وسيط وليس كفيل
واني حاضر لاي سوأل

[المهــــاجــر]

شلونكم اخوان اتمنى ان تكونو بالف خير
الأخبار يعني لا بأس بها دينطون مواعيد سفر المهم انو اكو حركة طيران .وقسم من جماعة الأمنيات هم خابروهم اما لأعادة الفحص الطبي او اعادة البصمات.. ومن الشغلات الغريبة اللي صارت .خابرو عائلة كان عدهم امنيات على الأم ومن راحوا اخذو الظرف بالموافقة النهائيـة       الها  تفاجأ ابنها اللي كان ماخذ الموافقة المبدئية من وفــد الشهر الخامس عام 2010  وبقى ينتظر امه حتى يسافرون سوا كلولا انت هسا طبيت الأمنيات الثانية .يا حسرا على الفرحة اللي ما تمت ..
والحالة الغريبة الثانية هي  رب العائلة توفى الله يرحمه وبعد ايام اهله راجعو الأمم علمود بلكت يساعدوهم بالسفر هما من  الوفد العاشر .شنو كان جواب الأمم؟؟؟ كلولهم راح ترجعون الى مقابلة الـ سي ام سي  وبعدين تعيدون السفيــــر !!!!!!!!!
شي ما يسبه شي اخوان .. وتمنياتي للجميع بالموفقيـــة والســـفر القريـــــــــــــــــــــــــــــــــب .. 

[المهــــاجــر]

شلونك اخــويه علي ياســين ؟؟؟ شنو اخر اخبارك الحلوى بحصوص السفر؟؟ سمعنا كثير من جماعتكم انطوهم انتهاء الآمنيات وقسم موعد الطيارة على اساس. تحياتي لكم ..

[علي ياسين]

الله يسلمك حبيبي مهاجر والله لحد الان ماكو شي

[Illusionist]

والحالة الغريبة الثانية هي  رب العائلة توفى الله يرحمه وبعد ايام اهله راجعو الأمم علمود بلكت يساعدوهم بالسفر هما من  الوفد العاشر .شنو كان جواب الأمم؟؟؟ كلولهم راح ترجعون الى مقابلة الـ سي ام سي  وبعدين تعيدون السفيــــر

عزيزي المهاجر لقد حصل مع أخي نفس الحالة، نحنا قدمنا عل يو أن كعائلة، ولكن بما انو أني و أختي كنا فوق 21 عاما حطونا بملف منفصل (اني ملف و اختي ملف)، أما أخي كان عمره اقل من 21 فتم ضم ملفه تحت إسم الوالد وكانت نتيجة الوالد "لا قرار"، ولكن الوالد توفي منذ حوالي 11 شهر، وأبلغنا الأمم المتحدة بذلك، فطلبوا من أخي أن يعيد المقابلات كله وذلك لفتح ملف خاص به، مجرد إجراءات، و حتى أنه قابل السفير في الخامس عشر من الشهر السابع. وما زال ينتظر النتيجة.

المهم يبدو أن ما حصل مع العائلة التي ذكرتها، و ما حدث مع عائلتي، هو أمر عادي جداً، "إجراء روتيني آخر" ههههههه


أنا من وفد شهر واحد و إلى حد الآن لم يتم إبلاغي بشأن الأمنيات... هل يجب أن أتصل بمكتب الICMC؟

[علي ياسين]

حبيبي khawla
ما تطلب منه المنظمة اى شي ودوره فقط معنوي مثلا يدليك على الاماكن التي تحتاجها مثل الاسواق والمكتبة والمستشفى والبريد ....ولا يتحمل اى شيء... وماكو اى مشكلة اذا انسحب قبل او بعد ما توصل الى امريكا ...وما يسألو عليك ابدا بس يسألو مستعد يساعدك مساعدة معنوية وحتى اذا رفض ماكو اى مشكلة المنظمة هي اتوفرلك بديل

حبيبي شغلة الكفيل متأثر على ملفك او على الكفيل....الكفيل هو وسيط بينك وبين المنظمة للمساعدتك في تأقلمك في المجتمع الامريكا لا اكثر

واني حاضر لاى سوأل

[علي ياسين]

والله حبيبي khawla ما عندي معلومات دقيقة بخصوص المساعدات والمعلومات عندي متظاربة

واتمنى من الاخوة يساعدوك

[علي ياسين]

والله ياحبيبي ما اعرف بس اني متأكد ما اى مشكلة وهذا حسب كلام موظف ICMC من استلامنا نتيجة الوفد

حبيبي اذا انت قلق اتصل  بلICMC وسألهم ولا تخاف ما كو اى مشكلة

[kyoto1880]

السلام عليكم ورحمة الله وبركاته
الى الاخوان اللاجئين تحية عطرة وبعذ اخوان محتاج مساندتكم ومساعدتكم .
اني اريد اسوي كفالة كتائسية وعندي عنوان كنيسة راح تتكفلني بكندا واتصلت بالقس وكالي لازم تروح للبنان حتى نبدي باجراءات الكفالة الكنائسية ، اخوان اريد اعرف بعض الامور
1-------- كيف لي الحصول على اقامة في لبنان وماذا افعل .
2-------- من لديه علم بهكذا نوع من الكفالات ارجو ان يفيدنا ورحمه الله والدي .
3-------- الاسعار في لبنان من ايجار وماكل ومواصلات واي المدن تكون ارخص وهل بالامكان ان اسكن في مدينة وافدم اوراقي في بيروت .
4-------- الاوضاع الامنية شلونها بلبنان هم شغلة سنة وشيعة وعالكة .
5-------- اني لا من جماعة iom ولا isv يعني مامشتغل وية الامريكان ولا الحكومة . شتنصحوني .

[/color][/size]

[علي ياسين]

والله حبيبي حجيك صحيح اني صار سنتين وكضيتها بالانتظار والهبطات والقلق والخوف

[علي ياسين]

حبيبي المهم اقولك اتكون دقيقة بكل المقابلات لان الاختلاف في الكلام من مقابلة الى اخرى يضرك بشكل كبير ....انصحك بان تكتب تفاصيل مقابلة مع اليو ان بدقة لتعود اليها قبل المقابلات القادمة وان تركز على التواريخ وكل التفاصيل الاخرى
وبخصوص موضفين التوطين وicmc كلش حبابين ومتعاوينين وهم يساعدوك اهواية بس انت كون انت دقيق بكل كلمة تقولها والمهم تكون صادق معهم

[علي ياسين]

حبيبي كلتلك الفترة بين مقابلة ومقابلة محد يكدر يحددها اطلاقا
وبخصوص المحامي حاول انت ما خسران شي
وتدلل حبيبي

[علي ياسين]

لا حبيبي تدلل واني بالخدمة

[Illusionist]

سلام للجميع

شو ما في أخبار جديدة؟

[Ashurram]

الاخبار هواي والله اخوي
لكن احنا بعدنا مو مشمولين!!

وصلت هواي امنيات خلال الاسبوعين الماضيين اكو طيارتين هذا الشهر اذا مو اكثر


منتظرين يجينا الدور هم احنا ونخلص منا

[Illusionist]

هاي أخبار ترفع الآمال، و برأيك هل يجب أن أتصل بالـ ICMC وأسأل عن حال ملفي إذا خلصت الامنيات؟

لأن آخر مرة إتصلبت بيهم قالوت لي : " إنت ما تتصل نحنا نتصل بيك"

فأنا الآن في موقع المتردد هههههههههههه

[ابو فله]

السلام عليكم اخواني واخواتي
شلونكم ؟
ها اخواني اشوماكو اخبار ؟ شنو اكو احد من جماعه جمعيه الامنيات مخابريه ؟ اشو سكته؟
اما بالنسبه الي ماكو اي شي
بس اخويه انطوه موعد يوم 25/8 هوا و23 عائله جانو وياه وانشالله كم يوم ويطيرون
وانشالله يوم كولنا انطير هههههههههههههه
 



                            اخوكم ابو فله

[الامل 2]

اخي ابو فله مبروك لاخوك موعد سفر بس ياريت تذكرلنه  موعد مقابلته محلفين

اخي Illusionist  انت لاتتصل ارسلهم ايميل هم يدكون عليك او يرسلون اليك ايميل

[Illusionist]

عزيزي أبو فله مبروك سفر أخوك، و إنشاء الله السفر قريب للجميع
أرجو منكم تزويدي بالبريد الإلكتروني لكي أستفسر عن وضع ملفي

[الامل 2]

اخي احنا تابعين ل اي سي ام سي تركيا  انتم تابعين لتركيا لو عندكم مكتب اي سي ام سي لبنان

[Illusionist]

اخي احنا تابعين ل اي سي ام سي تركيا  انتم تابعين لتركيا لو عندكم مكتب اي سي ام سي لبنان

أنا وأعتقد أبو فله تابعين ل أي سي أم سي لبنان إلا إذا كا الإي سي أم سي في لبنان تابع لتركيا ههههههههه

[فائز القرقوشي]

مرحبا اخوان ارجو ان تكونو بالف خير .. الموضوع هل هناك مساعدات مالية للاجئين العراقيين في بيروت ومنو استلم... لان قريت بالصفحة الرئيسة هذا الموضوع... ارجو الرد واذا ما مستلمين واحد كيف يسجل او من وين ياخها اذا اكو و ما مخموطه ... هذا هو الموضوع ..
ستة ملايين دولار لمساعدة العراقيين في لبنان والاردن وأيران

الخبر منقول من موقع : www.babnews.com

بغداد (بابنيوز) : أعلن وزير الهجرة والمهجرين، ديندار دوسكي، عن قرار مجلس الوزراء  العراقي برئاسة نوري المالكي تخصيص 6 ملايين دولار أميركي لمساعدة العوائل العراقية  اللاجئة في لبنان والأردن وإيران.

وأوضح أن “مجلس الوزراء قرر بشكل رسمي تخصيص 6 ملايين دولار أميركي (ما يعادل 7 مليارات و200 مليون دينار عراقي) لمساعدة العوائل العراقية اللاجئة في لبنان والأردن وإيران”، لافتا الى أن “الوزارة باشرت بالفعل منح ما يقدر بـ400 دولار لكل عائلة عراقية لاجئة في لبنان”.
 
وأضاف دوسكي أن “وفدا من الوزارة توجه الى الأردن للمباشرة بتوزيع المنح المالية على العوائل العراقية اللاجئة هناك”، مشيرا الى أن “وفدا مماثلا سيتوجه خلال الأيام القليلة المقبلة الى إيران لتقديم المساعدات المالية المقررة لنحو 4 آلاف عائلة عراقية لاجئة هناك”.

وأوضح الوزير أن “رئاسة مجلس الوزراء وافقت على تقديم مساعدات غذائية للعوائل النازحة من القرى الحدودية في إقليم كردستان جراء القصف الإيراني للمنطقة”. مؤكدا على أنه “سيتم المباشرة بتوزيع تلك المساعدات في الأيام القليلة المقبلة”. منوها الى أن “عدد العوائل النازحة جراء القصف الإيراني لتلك القرى والمسجلة لدى الهجرة والمهجرين الإتحادية بلغ نحو 900 عائلة”.   

[شالان العراقي]

شباب اليوم رحت استلمت الضرف الوفد وانطوني لاقرار ؟؟؟ شسوي هسة هذا بوري معدل وفكرت اسد ملفي من امريكا واحوله على استراليا يصير هيجي شي لو لا شتنصحوني اسوي ترة كلش تعبت واذا حولت ملفي على استراليا يصير لو لا اوف اوف رضينا بالهم والهم مرضه بينا

[ام بكر]

مو خوش خبر خويه شالان والله قهرتني  ميخالف عيني لا تنقهر  الله يفرجها وييسرها عليك وتصير مثل ما تريد

[علي ياسين]

حبيبي شيلان  ابد لا تقلق ....صدقني اني اخذت نتيجة الوفد قبول مبدئي وشخص معي بوفد اخذ قبول نهائئئئئئئي واخر اخذ لا قرار.....اصدق ان  ابو  لا قرار انطو السبوع الماضي موعد سفر في بداية الشهر التاسع وابو القبول النهائي ماكو شي ليهسة واني هم ماكو شي ليهسة
ابد لضوج ولا تقطع الامل

[ام بكر]

اخويه على بدون زحمه عليك يعني شنو قبول مبدئي وقبول نهائي شنو الفرق بيناتهم

[سرمد 1212]

مرحبا شباب ... انشاء الله تكونون بخير .. شباب اريد اجي الى لبنان اقدم لجوء .. واريد احد هناك يساعدني يعرفني بالمكان لان عمري 18 سنه وكلشي ما اعرف .. وبالنسبه للمصاريف الحمد لله متمكن يعني بس اريده يعلمني
 هذا ايميلي sms_sms5574@yahoo.com]

[سرمد 1212]

مرحبا شباب ... اني عراقي اريد اجي اقدم لجوء  بلبنان ...وماعرف اي شي بلبنان واني بوحدي اتمنى واحد عراقي اسكن وياه او اسكن قريب عليه حته يفهمني بالمنطقه ويساعدني وبالنسبه للمصاريف انشاء الله ما اقصر اني ولايهتم من هذا الموضوع .. هذا ايميلي واتمنى  تردون عليه  sms_sms5574@yahoo.com

[majroo7in]

السلام عليكم يا احلى عراقيييين لبنان رمضان كريم عليكم جميعا يارب ينعاد عليكم بالخير والصحه والكل مسافرين .. اسف على الانقطاع وربي مشتاق هوايه الكم . علي ياسين حبي شونك  شصار وياك وين وصلت طمني بقيه الشباب طمنوني عنكم . اريد ارفع معنوياتكم  البارحه واحد صاحبي هو وعائلته جان ويايه بوفد شهر الرابع انطوه موعد طياره مع 22 عائله بشهر التاسع يارب كلنه نساااافر ونخلص وتقبلو تحياتي اخوكم

[IMMIGRANT2]

السلام عليكم

الاخت ام بكر والاخ هرمز بنامين شنو اخباركم وين صرتوا شو ماكو ؟..يمكن الاخ هرمز بنيامين سافر ؟؟؟


 ان شاء الله تكونون بخير ..

[Illusionist]

ألف مبروك للمسافرين من الوفد الأول والرابع على أمل ان يأتي دورنا

أعزائي عندي سؤال وفد الشهر الرابع من أي سنة؟؟ 2010 لو 2011؟

و إذا كانو من وفد الشهر الرابع 2011، زين أني من وفد الأول معقولة نسيوني الجماعة ههههههههه أو هل هو الأمر عشوائي بحت أم حسب الأولويات؟؟

وسؤالي الآخر إذا الكفيل رفض إستقبالي هل ئؤثر ذلك على سرعة إنجاز المعاملات؟ أي يتأخر السفر بسبب أن المنظمة التي ستستقبلني ما زالت تبحث عن مكان للسكن وبهذه الحاله أبحث عن كفيل آخر يستقبلني لربما ذالك يسرّع من عملية السفر؟؟؟ أو ان هذا الأمر لا علاقة له بتاتاً؟

سؤال مجازي: إلى متى الإنتظار؟ هاي شغلة ينطون مواعيد نحو المجهول (مفتوحة الأمد/ حتى إشعار آخر) تلعب بأعصاب الانسان

يا الله، انشاء الله السفر قريب للجميع
و تفرج على الجميع

[ام بكر]

مرحبا عليكم جميعا اخويه العزيز IMMIGRANT2 اني موجوده وبعدني مكانك راوح مشكور عالسؤال بس اخونا العزيز هرمز صدك ماكو هالايام عسى ان يكون المانع خير
اخونا العزيز majroo7in  رمضان مبارك عليك ويارب ينعاد عليك وعلينا بالخير والبركه وانشالله رمضان الجاي كلنا مسافرين ومستقرين
 الله ييسرها علينا ويفرجها ويرحمنا من الانتضار القاتل

[IMMIGRANT2]

الحمد لله  على السلامه اختي ام بكر ورمضان كريم ان شاء الله.ان شاء الله يكون العيد فرحة و اخبار زينه والكل يسافر ويستقر بعد هذا التعب والمعاناة .بلكي يكون الاخ هرمز بنامين سافر ان شاء الله

[Ashurram]

حبيبي امكرانت هرمز بعده هنا  

شكرا عالسؤال

[ام بكر]

اللهم لاكرب وانت الرب . اللهم لا سهل الا ما جعلته سهلا وانت تجعل الحزن اذا شئت سهلا
 الله يسلمك خويه IMMIGRANT2  . الله يفرجها علينا جميعا

[ابو فله]

السلام عليكم اخواني واخواتي شلونكم؟
شخباركم؟بعدكم ابلبنان لو ضليت وحدي هههههههههههه
شكرا الك اخويا ILLUISIONIST وللاخت الامل 2
وبخصوص اخويا سوه مقابله الوفد 14 /1 واني هم وياه
لاكن امنياته خلصت قبلي وانشالله يوم الخميس العصر يوصل ميشيكان
وانشالله الكل يسافر







     اخوكم ابو فله

[Illusionist]

ولله يا أبوفله ما زلنا صامدون في لبنان  ههههههه
قمت اليوم بالاتصال بالـ ICMC وسألتهم عن حال ملفي، قالولي أنو بعد ما في شي جديد،
و عرفت أنو الكفيل رفض يستقبلني عنده بالبيت، فصار ملفي طلب حر ههههههه
إنشاء الله خير

ولكن من الناحية الاجابية، إتصل موظف الإي سي أم سي بأخي و طلبو منه ان يراجعهم غداً لاستلام النتيجة، و انشاء الله تكون النتيجة قبول إدعوله


إنشاء الله كلنا نسمع أخبار حلوة قريباً

[kyoto1880]

السلام عليكم
اخت خولة ماعرف والله ليش خصص لبنان بالذات لان صديقي اتصل بي من باريس . والله العنوان ماعندي بس رقم التليفون لان اخت انجي انطتنيا . وطلبت من هدا العنوان الكامل لي هسة ماجابتة بس اسم الكنيسة ( العائلة المقدسة ) وصايرة بونزر . بس ماعندي العنوان بالكامل . بس لي هسة ما جاوبتيني او محد جاوبني عن الاسئلة الخاصة بلبنان .

[Illusionist]

السلام عليكم

من يومين إتصل مكتب الأي سي أم سي بأهي و طلبو منه أن يأتي لاستلام النتيجة، والحمد الله طلعت النتيجة قبول مبدئي له وللأخوة العراقيين اللذين كانوا معه في الدفعة ، ما عدا واحد أجا رفض ولله حرام حزنت عليه

على كل حال حبيت أشاركم هذا الخبر المفرح على أمل أن يرفع المعنويات، كا باقيلة غير الفحص الطبي والتوجيه الثقافي، و الأمنيات(وحش الليالي هههههههههه)

[kyoto1880]

السلام عليكم
شكرا جزيلا اختي وبارك الله بيج اختي ، اني اتصلت بصديق من طرابلس وكالي على الاسعار بطرابلس من سكن ومواصلات والوضع الامني وكال ارخص من بيروت ، بس اذا على احجايتج مكتب الامم المتحدة الي بلبنان صار يمشي بالدفرات ، درب تركيا لعد ولو هم غالية بس شنسوي امرنا لا الله . نشوفلنا مدينة بعيدة شوية عن انقرة .
       


                    اوف ياربي لا بالحياة مرتاحين ولا بالاحلام مرتاحين
                     اسافر لدولة حتى الجىء لدولة وحتى اكدر ابني
                      حياتي بدولة ثالثة بعد خمس سنوات وهو العمر
                                   شكد بقئ بي

[ابو فله]

السلام عليكم اخواني واخواتي الكرام
اخي العزيز علي ياسين شلون شخبارك
اخي illusionistمبروك لاهلك وانشالله يوم تخلص الامنيه
اما عن اخباري ماكو شي لاكن اخويا وصل البارحه لاميركا
واتمنالكم التوفيق

اخوكم ابو فله

[A.S.A.D]

مساءالخير شباب
اشلون الصحة ان شاء الله تكونو بخير مع تمنياتي بالسفر القريب لكل العراقيين الموجودين بلبنان
عندي سؤال اذا احد يعرف وينطيني جواب
اني حددولي موعد سفر ووقعت عالاوراق بالiomممكن ااجل السفر
واكون ممنون للي يكدر يساعدني

[Illusionist]

عزيزي A.S.A.D

أولاً ألف مبروك عالسفر وانشاء الله موعد سفرنا وسفر الأخوة العراقيين

ثانياً
 حسب ما أعرف أنه ليس بإمكانك تأجيل السفر، إلا في الحالات القصوى، و هي وفاة أحد الأقارب لا سمح الله، و إذا أجلت مرة أخرى بعد المرة الأولى يشطب إسمك من لائحة المسافرين

وعفواً عن سؤالي، لماذا تريد تأجيل السفر؟ عزيزي نصيحة من أخ لأخوه إطلع من لبنان و شوف مستقبلك في أمريكا.

وسؤال آخر إذا أمكن بأي تاريخ أجريت المقابلة مع الوفد في السفارة و بأي سنة؟

[ام بكر]

مبروك اخويه Illusionist على الموافقه  ومبروك لاخويه ابو فله على وصول اخوك لامريكا يوم النا انشالله
ومبروك لاخويه  A.S.A.D على موعد السفر الله يوفقك وييسر امرك .

[ابو فله]

تسلمين اخت ام بكر انشالله للكل يا رب
مبروك اخي a.s.a.d بس الف رحمه على والديك لتجرب اتاجل لان
اكو احتمال كولش كبير ينومولك المعامله

[ام بكر]

عيدكم مبارك وكل عام وانتو بالف خير اخواني الاعزاء . الله يجعله عيد سعيد عليكم وعلى عوائلكم وينعاد عليكم بالخير والصحه والعافيه . والله يوفق اللي سافرو . واللي بعدهم مسافرو يارب افرجها علينا جميعا عاجلا غير اجل ونسافر كلنا قبل العيد الكبير باذن واحد احد .
تحياتي وسلامي للجميع

[Illusionist]

آمين

ولله تعبنة هههههه

كل عام وأنتم بخير

[ابو فله]

السلام عليكم اخواني واخواتي


                ايامك سعيده وكل عام والكل ابخير




         اخوكم ابو فله

[Ashurram]

كل عـــــــــــــــــام وانتم بألف خير يارب تكون سنة خير للجميــــــــــــــع..

[مايكل اندريه85]

مرحبا شلونكم وكل عام وانتم بالف خير

[ابو فله]

السلام عليكم اخواني واخواتي
شلونكم؟
اشو سنطه شنو السالفه ؟
اكو اخبار ماكو؟
بالنسبه اليه ماكو اخبار جديده ابلبنان
بس يكولون وهذا الحجي صحيح ميه بالميه انو ما شاء الله وبدون حسد وصلت عوائل خيرات الله الميشيكان هالشهر لاكن
من جميع الدول  يعني حتى مكانات للايجار صايره قليله بهالايام بسم مو معناتها ماكو .........اكو لاكن تحتاج واحد يصبر ويدور زين
على مكانات مناسبه


وانشالله السفر القريب





 اخوكم ابو فله  

[علي ياسين]

كل عام وانتم بالف خير وتحقيق الاماني والسفر السريع ومستقبل زاهر انشاء الله

اشكرك اختي خولة وجميع الخوة الطيبين

[حسون941]

كل عام وانتم بألف الف خير وانشاء الله الصحه والسلامة والسفر القريب لكل الاعضاء وبالتوفيق يارب

[ابو فله]

[ color=blue][/color]يابه اخواني سالمين
اشو سنطه ؟
والله اني يمي هم سنطه
وماكو شي جديد بس شفت موضوعنه صاير بالاخير
الله يسهللكم

اخوكم ابو فله

[علي ياسين]

شلونكم حلوين
اليوم اكو طيارة من بيروت وبيها احد اصدقائنا بهذي الصفحة
ادعو له بسلامة وبتوفيق وانشاء الله لجميع منتظرين السفر

[ام بكر]

يا الله خوش خبر الله يوفقه ويوصل بالسلامه انشالله ويوم النا انشالله

[ام بكر]

يا جماعه اللي عنده اطفال بالمدارس بدو الكاريتاس يوزعزن الحصص الخاصه بيهم . اليوم اجتنا رساله من الامم تكول روحو استلمو الحصه

[ابو فله]

السلام عليكم
اخواني باركولي الله يبارك بيكم
اليوم اتصلو بيه الاي او ام ونطوني موعد سفر 27/9
وانشالله الكل ينطوه موعد


اخوكم ابو فله

[Illusionist]

ألف ألف مبروك عزيزي أبو فلة

[علي ياسين]

الف مبروك حبيبي ابو فلا وبتوفيق والسلامة انشاء الله

[ام بكر]

1000000000000 مبروك لاخونا العزيو ابو فله توصل بالسلامه وموفق باذن الله ويوم النا انشالله

[ابو فله]

حبايبي اشكركم ويوم الالكم انشالله
وراح ادعيلكم اباب الطياره

[Ashurram]

الـــــــ1000ـــف مبروك اخويا العزيز ابو فلة ان شاء الله توصلون بالسلامة,بس كولي خابروك كالولك الامنية خلصت لو ما خابروك؟؟ مع تمنياتي بالسفر للجميـــــــــــــع.

[** يدكو **]

بالتوفيق ابو فله والف مبروك وان شاء الله توصل بالسلامه على يا ولايه رايح ان شاء الله ..  ويا سفير كنت بلا زحمه اخي

درب السلامه اخي

يدكو .. كاليفورنيا

[علي ياسين]

حبيبي ابو فلا الوردة عدنا كم سؤال اتهم الجميع
انت باي وفد ؟
وشوكت خابروك على الموافقة الامنية ؟
وشوكت استلمت النتيجة النهائة من icmc
حبيبي اني اسف على ازعاجك

[حسون941]

الف الف الف مبروك عزيزي ابو فله والله فرحتنا بهذا الخبر انشاء الله توصلون بالسلامة والله يسهل امركم وبالتوفيق يا رب





اخوك حسون

[ابو فله]

(حبيبي حسون شيل النون)
صباح الخير اخواني واخواتي الحلوين
حبيبي حسون اشكرك هوايه من الاعماق وانشالله يوم الالالك ولكل الاخوه والاخوات
وانشالله عن قريب لاني حاسس ومتفائل هوايه انو راح ينصلون بيكم عن قريب


اشكركم هوايه شاركتوني فرحتي
اخوكم ابو فله

[ابو فله]

السلام عليكم اخواني واخواتي الاعزاء
بالنسبه للمعلومات الي طالبهه الاخ علي ياسين فهي
اني سويت مقابله الوفد في 14/1/2011
والICMC ممتصلين بيه ليهسه
والي اجاني فقط اتصال من منضمه الهجره الدوليه ال IOM وتحديد موعد السفر يوم 27/9/2011
ومراجعه مكتبهم  في الحمرا يوم 19/9/2011
يعني مقصد الحجي (الزبده) لااني ليهسه ممستلم الضرف من الاي سي ام سي
فاريد تعليقاتكم شاسوي ؟ اخابرهم ؟ لو انتضر ؟

اخوكم ابو فله

[المهــــاجــر]

الف مبروووووووووووووووووك ابو فلــة على موعــد الطيارة يا رب توصل بالسلآمة انت وجميع اللي معك ..
وانشلءالله الدور على الباقي اللي دينتضرون السفر..
اخوان اللي عدهم امنيــات اكو اخبار جيدة بهذا الخصوص ..البارحة مخابرين جماعة الأمنيات الوفد الشهر الخامس 2010 وانطوهم موعد اعادة الفحصوصات وكالولهم ان الأمنيات مالتهم خصلت..وقبل فترة هم مخابرين غير جماعة وبلغوهم بأنتهاء الأمنيات..
تمنياتي للجميـــع بالســفر القريب يا رب.. 

[ام بكر]

مرحبا عليكم
والله هذا خوش خبر اخويه المهاجر عاشت ايدك
وعيوني ابو فله خابرهم وافتهم منهم احسن حتى تتطمئن
تحياتي للجميع

[Illusionist]

عزيزي أبو فله لماذا تريد أن تتصل باإي سي أم سي؟
طالما اجاك إتصال من المنظمة الدولية للهجرة فهذا يعني أن الإجراءات الأمنية خلصت، هذا رأي: والله أعلم، ولإزالة الشك اتصل بيهم،
واستفسر يكون أفضل... البارحة الخميس اتصل الأي سي أم سي بالأهل و قالوا لهم أنو عندهم موعد للفحص الطبي اليوم(الجمعة)

مرة أخرى ألف مبروك أبو فله قول الله و شد الهمة و حضر حالك و أغراضك 

[مايكل اندريه85]

الف الف مبروك اخي ابوفله وتستاهل كل خير ويارب الوصول بالسلامة والامان الى بلد الاحلام ........

[ابو فله]

حبايبي اخواني واخواتي كولكم الله يخليكم يارب وانشالله عن قريب راح اشاركم فرحتكم مثل ما شاركتوني فرحتي وينطوكم مواعيد سفر قريبا واني متفائل بهالشي

اما بالنسبه القضيتي  مكدرت اتحمل الانتضار بس صارت بالوحده الا ثانيه وحده يعني 12:59:59اتصلت  بالموضف (الله يخليه) ههههههه  كان كلش لطيف معي لاكن كان مصدوم وكال هل انته متاكد؟
كتله اكيد
فكال اي معلومه معندي
بس راح اجيك الوضع وادزلك خبر علما اخذ الرقم مال كيس
بعد ساعتن هوا اتصل  وكالي ابكل لطف انته محضوظ!!!!!!!!!!!!!!!!!!!!!!!! وكال مبروك انته اول واحد ياخذ اسرع موعد سفر
بس داخل بنفسي ضحكت وكلت ابنفسي انسمط ابو ابويا وتكولي محضوظ هههههههه فكال انته موعدك مضبوط اتاكدت منه واني راح اخابرك حتى تجي
والحمدالله ارتاحيت
ويوم الانتو هم ترتاحون حبايبي




   اخوكم ابو فله  

[ابو فله]

مساء الخير اخوتي واخواتي
شلونكم ؟ انشالله ابخير
ماكو شي جديد بس حبيت اقدم الموضوع ليكدام لان شفته بالصفحه الثانيه لا
مع تمنياتي الكم بالسفر العاجل




     اخوكم ابو فله

[علي ياسين]

اتمنى ان يكون الجميع بخير
حبيبي ابو فلا شلون اخبارك انشاء الله المعنويات عالية قبل السفر
والله حبيبي شوية سكتة هذي الايام واخير خبر حلو جان منك

[ابو فله]

السلام عليكم اخواني واخواتي
الاعزاء على قلبي
شلونك اخي علاوي ؟
اخواني اصبرو  والله كريم , احنه دائما نتمنى هوايه شغلات لاكن كولشي ابيد الله واكيد ضامنه الافضل
فلحد لييأس لان رحمه الله واسعه
والله مناسيكم ابدعائي وصلاتي وانشالله الله يجعل كل ايامكم فرح وسعاده واستقرار
اما بالنسبه لاخباري راجعت الامم واستلمت النتيجه الي كانت بيهه الامنيات خلصانه من يوم
29/7لاكن هسه بلغوني وكذالك اتصلو بالكفيل مالتي ابمشيكان وبلغوه كذالك
لاكن الشي الضايج منه انو ماكو احد ويايه ليهسه مو علمود شي لان لغتي الانكليزيه مضبوطه
لاكن عالاقل نتسلى بالطريق




انشالله يوم الالكم ونتشاوف اهناك ونتعرف على بعض اكثر







اخوكم ابو فله

[علي ياسين]

حبيبي ابو فلا انت عازبة لو عائلة
وأكيد انت مو وحدك

[ابو فله]

تسلمين اخت خولى وانشالله يوم الالج ولكل الاخوه والاخوات يا رب
اخي علي اني عائله

[samieraliraqi]

السلام عليكم اخواني و اخواتي
احب اول شي اقدم الى ابو فلة الاخ العزيز غالي علينة صارلة فترة طويلة يآزرنة بهاي الصفحة و اكولة
كلللللللللللللللللللللللوووووووووووووووووووووووووووششششششششششششششششش
مبروك اخوية العزيز و الله فرحتلك من كل قلبي و لله الله شاهد علية كاعد طافرة روحي كلت خلي افوت بلمنتدى اشوف الشباب اسلم عليهم لانه ولله صارلي هواية مفاتح فاتني الكثير بسبب ضروف
ابو فلة اريد اطلب منك طلبين اني قابلت وفد بشهر الرابع و النتيجة بلخامس و فحص طبي بلسادس وليهسة مخابروني على تلفزيون حتة قربت أيأس طكت روحي لانه كلي الي اعرفهم استلمو نتيجة وياية سوو التلفزيون شتكول انت شنو رأيك ؟
شغلة القانية من تسافر و توصل بلسلامة انشاء الله يا رب لكل العراقيين بلبنان مو تكطع بينه انت عيونه الي راح تروح الامريكا نحب نبقة نتواصل وياك و نسمع اخبارك
اخوك سمير العراقي

[علي ياسين]

الله يسلمج اختي العزيزة خوالة والله بعدني انتظر والله كريم  وانشاء الله الكل بخير

[ابو فله]

السلام عليكم اخواني واخواتي
حبيبي واخي سمير حجيك خجلني والله
ولو ما اعرفك شخصيا من قبل لاكن ابحجيخ خليتني احس انته معرفه وصديق اعرفه من زمان
واني ناوي بس اقابل اي مسؤول لهناك اشرحله عن وضعنه الي عشناه ابلبنان والمعاناة الي اصابتنا ولا زالت تصيب العراقيين
اخي سمير وبقيه الاخوه والاخوات اني اشكركم على مشاركتكم لفرحتي وانشالله يوم اشاركمم فرحتكم وعن قريب انشالله
واود ان اشكر اخوتي واخواتي بهالصفحه لانكم افدتموني وشاركتموني بارأكم القيمه
اخي العزيز سمير اني استلمت النتيجه يوم الاثنين الماضي لاكن بالاصل هيه صادره بتاريخ 29/7 يعني اخذت 6  اشهر والموافقه الاداريه اخذت تقريبا شهر وشويه
فانته اخويا اتصل بال ICMC وكوللهم اكيد ناسييك لان احنه ورا شهر تقريبا اتصلو بينه على التلفزيون لان المواعيد جانت مقبطه
تحياتي للكل وانشالله اكيد راح ما انسى اخوتي واخواتي الي ساندوني ورفعو معنوياتي عندما كنت يأس
انشالله تفرحوني ابيوم سفركم عن قريب انشالله





       اخوكم ابو فله

[ام بكر]

مرحبا عليكم جميعا
اختي خوله جاويت على الخاص انشالله من تدخلين المنتدى المره الجايه تستلمين الرسائل

[علي ياسين]

شلونكم حلوين
ماكو اخبار جديدة

[ام بكر]

صافيه دافيه ولله الحمد

[علي ياسين]

شلونكم يا احلى ناس
اليوم سمعت ناطين موعد سفر يوم 10/10/2011

[علي ياسين]

يامين يارب العالمين

[samieraliraqi]

اي يا الله هبلكي تفرج على الجميع انشاء الله كولو آمين...........

[samieraliraqi]

اي يا الله هذا خوش خبر بلكي تفرج على الجميع انشاء الله كولو آمين...........

[ابو فله]

مساء الخير اخواني واخواتي الاعزاء
اتمنى ان تكونون ابصحه جيده
طبعا راح اكتبلكم اخر التطورات لان يمن اليوم او باجر راح ينكطع الانترنت يمي ومتسوى اشترك لان باقي 4 ايام او 5
طبعا رحت استلمت النتيجه قبل كم يوم والبارحه استلمت خط الرحله وكان ويايه 6 اشخاص طبعا عزاب ومن ضمنهم 2 سودانيين  وراح تكون رحلتنه اولا الى المانيا مطار فرانكفورت ومن ثم الي بوابه الولايات المتحده(نيويورك)
وبعد ذالك راح نتفرق كل واحد الى ولايته
زاليوم رحت دفعت الغرامات وبلشت بالتحضيرات
وانشالله يوم الالكم
وعذروني لان مراح اكدر اتابع اخباركم بس انشالله اوصل ابخير وسلامه راح نتواصل


اخوكم ابو فله

[علي ياسين]

توصل بسلامة حبيبي ابو فلا وانشاء الله التوفيق والصحة وراحة البال

[samieraliraqi]

السلام عليكم اخوان و اخواتي العراقيين
مبروك مرة ثانية الاخونة ابو فلة واكولة توصل بلسلامة انشاء الله وتتحقق كل امانيك و احلامك والله يفرجهه عليك من اوسع ابوابة الك والكل العراقيين الموجودين بلبنان والعالم وتهون اخون وتصير سوالف
اخوك سمير العراقي

[ابو فله]

تسلم خونا سمير ربي ناطيروخ
وممنونك اخي علي ياسين وانشالله يوم الالكم ولجميع الاخوه والاخوات
انشالله الله يسهلها عليكم ونسمع منكم اخبار السفر


     اخوكم ابو فله

[شالان العراقي]

مبروك اخوية ابو فلة اسف اجتي متاخرة لان اخوك منطي لاقرار والكابة فول ان شاء الله توصل بالسلامة انت والعائلة

[dlan]

http://[tt][move][/move][/tt]

اخواني عندي استفسار لاصحاب الخبرة
انا اخدت الموافقة النهائية قبل 4 اسابيع وهذا المعود بو كفشة  قاللي 6 اسابيع وتسافر وللحين ماكو رد  خوش نسوى ولا نذالة
المهم اخواني الموعد رح يخلص وللحين ما انطوني موعد
1- تتوقعون اكو موعد هذي الايام
2- اذا ماكو موعد شنو اسوي
خوش انا افكر اقتله واريح الناس من بلاويه[/glow]

[علي ياسين]

حبيبي dlan خابر  icmc وشرحاهم الموظوع والقانون الجديد ينص على ان يكون السفر خلال ستة اسابع بعد صدور القبول النهائي

[Illusionist]

ولله انا صارلي من 22 نيسان مخلص التوجيه الثقافي (التلفزيون) و إلى حد الآن ما زالت في لبنان.... هل هذا غريب؟ أو شي عادي؟؟؟

[علي ياسين]

حبيبي Illusionist يعني انت مقابل بوفد شهر الاول ......لا تخاف الموظوع جدا عادي ونشاء الله يتصلون بيك عن قريب

[علي ياسين]

شنو الاخبار شباب اشو صنة
وين اخباركم الحلوة

[Illusionist]

عزيزي علي، صحيح أنا سويت المقابلة مع وفدالشهر الأول،
اما بالنسبة للأخبار لحد الآن انا ما سامع شي،
إنشاء الله خير

[** يدكو **]

مرحبا اخواني شلونكم ان شاء الله الجميع بخير واني كنت احس بنفس المعاناه من كنت بلبنان ولكن الله فرجها عليه ان شاء الله يفرجها عليكم جميعا باقرب وقت وتمنياتي لكم بالسفر القريب ان شاء الله ..
على فكره اخواني منو عنده فكره او اي اخبار عن الاخ على السلام  صاحب هذا الموضوع اعرف هو بامريكا بس اخباره مقطوعه من زمان من بعد ماوصل لامريكا ان شاء الله يكون بخير تحياتي لكم

يدكو ... كاليفورنيا

[علي ياسين]

حبيبي يدكو علي سالم موجودة في امريكا وتخابرنا قبل ستة اشهر تقريبا واليوم انشاء الله اخابره وسلملك عليه

[samieraliraqi]

السلام عليكم اخواني و اخواتي العراقيين و العراقيات
اول شي احب اكول الابو فلة رسالة من يوصل الامريكا بخير و سلامة الحمد لله على سلامتك اخونة العزيز يوم 26/9/2011 ودعت صديق عراقي عايش بالدورة هوة و عائلتة وأظاهر بالصدفة جان وياك بنفس الطيارة فنقلت الك سلام مني حملتة للولد سلام خاص الك.
اخواني العراقيين انشاء الله يوم السفركم كلكم اجمعين و اني اخركم.
 انكول هانت انشاء الله ونتمنة من الاخوان الموجودين بهذا الكروب ان نسمع منهم اخبار طيبة تفرحنة لانه الفرحة هنا صارت نادرة و الضحكة صارت اشبه ان تكون معدومة الوضع صعب هنا وكلنة نعرف هذا الشي بس والله من نسمع احد استلم موافقة او موعد طيارة نفرحلة كأنما احنة استلمنة موعد الطيارة اتمنة انو نتشارك اخواني و اخواتي ونكون قلب واحد و ايد وحدة ترة كلنة هنا متغربين عن وطنه وكلنه هنا دنمر بضروف صعبة احنة نكدر نهونهه بأن نتشارك بأخبارنة الحلوة انشاء الله ومواعيد سفرنة القريبة ان شاء الله .
وانشاء الله شهر العاشر كل اسبوع طيارتين

ماكو شعي صعب على رب العالمين

والسلام عليكم و رحمة الله وبركاته
اخوكم
سمير العراقي

[قنبر]

السلام عليكم
اخواني اني مقدم من بغداد على البرنامجين ال اس اي في وهذا مئيس منه وال اي او ام وهذا بعدني ممقابل ولا مقابلة بيه مع العلم ان لدي عائلة من 9 افراد 3 منهم من ذوي الاحتياجات الخاصة و 3 اطفال اكبر واحد بيهم 6 سنوات . والوضع بدا يخوف هنا واحنا ولله الحمد امة محمد كلها تعرف انو اني واخويه جنا نشتغل ويا الجماعة .
وهنا سوالي هاي المنظمة الي اسمها icmc بعدهم يقبلون طلبات اللجوء لو انسدت واذا التقديم مفتوح شتنصحوني اجي اللبنان اني وهاي العائلة الجبيرة مع العلم امكانياتي لا تتعدى 15000 دولار فشكد تكفيني اني وعائلتي اذا ردت اجي واكو شغل هناك؟؟
مع تامنياتي للجميع بالتوفيق 

[Illusionist]

عزيزي قنبر،
الحياة في لبنان ليست بالرخيصة، وخاصة في العاصمة بيروت

وللصراحة أنا لا خبرة لدي عن المدن و المناطق الأخرى في لبنان، فقد سكنت  طول حياتي في العاصمة بيروت،
فمثلا بيروت إيجار البيت يتراوح من 400$ إلى 1200$ شهرياً و حسب المنطقة، هاي غير فاتورة الكهرباء التي قد تصل إلى 60$ شهرياً، وبعد ما حسبت الأكل و الشرب (نحنا بالبيت أربع أشخاص نحتاج إلى ما يعادل 15$ للأكل والشرب يومياً خاصة أن الغلاء في بيروت وصل إلى حد غير طبيعي) ، و غير المدارس (إذا كانت مدارس رسمية ما راح تكلفك الكثير، بس الخاصة مكلفة جداً حوالي 1500$ و قد تصل إلى 3000$ في بعض المدارس الخاصة،

و إذا لح تجي إلى لبنان خلسة فهاي قد تسببلك مشكلة، أما إذا عن طريق فيزا و تحصيل إقامة، فالإقامة ممكن تكلفك حوالي 300$ أعتقد ويمكن أكثر، أنا إقامتي مجانية وذلك لأن والدتي لبنانية، فالأمور ميسورة من هذه الناحية.

و تقديري ستحتاج إلى ما يقارب 1560$ شهرياً في بيروت، وانت بعد ما سويت شي غير أجار البيت، وأكلك و شربك. وإذا ما سجلت الأولاد بالمدارس.ولح تكزن المعيشة صعبة من ناحية المصاريف، و لازم ما تصرف إلا على الأمور الضرورية. و أن ت تجد عمل في لبنان أمر صعب جداً للمغتربين، مثلا أني دارس في لبنان وخلصت جامعة منذ سنتين علوم كمبيوتر، و أحكي اللهجة اللبنانية بطلاقة، وأتقن الإنكليزية بطلاقة، إلا أنه من الصعب أن أجد وظيفة أو راتب يليق بشهادتي. معظم الأعمال التي أجدها تتراوح رةاتبها بين 300$ و 500$، بس الحمد الله و الشكر، المهم بعد بينا نفس و عايشين.

هاي واقع الحياة في العاصمة بيروت، و أرجو أن تعلم أنه ليس من هدفي أن احبط معنوياتك، ولكن هذه حقيقة لبنان، بالإضافة إلى ، والنفسيات الزبالة، والإستغلال من ناحية الأشغال.

وتوقع أن تجد الحياة صعبة في لبنان و خاصة أن لديك 3 أفراد من ذوي الإحتياجات الخاصة، والخدمات الطبية أو تلك الخدات التي تختص بذوي الأحتياجات الخاصة في لبنان ليست مجانية و مكلفة. ولكن يوجد بعض المؤسسات الخيرية التي تساعد بما تقدر عليه.

مع تمنياتي إلك بالتوفيق عزيزي

ملاحظة أرجو من الأخوان الكرام توفي معلومات إضافية للأخ قنبر، حول المعيشة في لبنان، سواء كانت في بيروت أو المناطق الأخرى التي قد تكون أرخص بكثير من بيروت.

[قنبر]

تحية طيبة
الاخ  العزيز  lllusionist  والاخت خولة شكرا جزيلا على مروركم الكريم واجاينتكم الوافية , بس هسه الواحد وين ينطي وجه جماعة مصر يقولون ديربالك تجي تنام عليكم الطابوكة وانتم نفس الشي ( مع العلم انو متاكدين انو هذا من حرصكم علينا ومقدرين هذا الشي غاية التقدير )
بسه والله يااخوان العراق بعد مينراد بالنسبة للانسان الي ماعندا شي فكيف بينه احنا .
مرة ثانية اشكركم و امنياتي للجميع بالتوفيق

[alisalam2010]

اخواني الاعزاء علي ياسين ويدكو وجميع الاخوة السلام والف سلام عليكم ... اعذروني لغيابي الطويل بسبب الانشغال بالدراسة والحياة بشكل عام ....
انا حاليا في ولاية ماين وجاي ادرس للقبول في الماجستير في جامعة ماين الجنوبية ... والدي واخي حاليا وياي ... نهاية امتحاناتي بشهر ال11 ووراها احتمال ننتقل لغير مدينة السكن ارخص هناك subsidized housing فراح اكون مشغول لنهاية شهر ال12 ( الامتحانات النهائية)....ووراها راح ابقى متواصل وياكم انشالله ... قدمت على الكرين كارد قبل اسبوع .... والحمد لله علة كل شيء وانشالله السفر العاجل للجميع ....
اخوكم للابد
علي سلام 

[A.S.A.D]

شلونكم شباب وصبايا ان شاء الله كلكم بخير واعذروني لعدم التواصل هاي الفترة لان اني وصلت لنيوميكسيو مدينة البوكركي بيوم 8/9 وانشغلت بشغلة السكن والاوراق اتمنى ان يكون الجميع بخير والسفر العاجل للكل
وتحية خاصة لاخي علي ياسين وجميع الاخوة والاخوات وان شاء الله ادعو بالموفقية الكم جميعا
واي سؤال او استفسار او خدمة اني اخوكم وحاضر

[** يدكو **]

شلونك اخي علي السلام اخبارك تتذكر ايام الكنا بلبنان شون ايام كانت انتظار والحمد لله وصلنا واستقرينا ياربي يفرجها على اهلنا واخواننا العراقيين ويسافرون باقرب وقت اتمنالك الموفقيه والنجاح في حياتك وسلام خاص لاخوك مصطفى

اخوك
يدكو ..سان دييغو

[ام بكر]

مرحبا عليكم جميعا
اخويه علي سلام الف هلا بيك موفق انشالله
اخونا العزيز asad الف الحمد لله على سلامه الوصول مبروك عليك يارب تستقر باقرب وقت
اخونا يدكو مشكور عالدعوه الحلوه الله يتقبل منك
اكلكم ياجماعه اعتقد اليوم طياره اخونا ابو فله نتمناله يوصل بالسلامه ويوم النا انشالله

[ام بكر]

هلو حبيبتي خوله شلونكم

[حسون941]

الف مبروك اخوناA.S.A.D على سلامة الوصول ونتمنى لكم  الاستقرار والتوفيق انشاء الله
الف الف مبروك

[samieraliraqi]

صباح الخير
شلونكم اخواني و اخواتي العراقيين بلبنان وبكل مكان بالعالم اتمنة تكونون بخير .

[samieraliraqi]

الف الف الف مبروك اخونة A S A D  على السلامة نتمنة الاستقرار والموفقية الك وكل الاخوة .

[samieraliraqi]

اخوني الاعزاء عندي استفسار ... اني سويت فحص طبي 10/6/2011 ليهسة دا انتظر الدورة التثقيفية !!!! اكو هيج شي معقولة انو الدورة تطول 4 شهور  يالله يخابرون عليهه اكو هيج شي حالة صايرة بس علمود الدورة؟؟؟ رجاءا اخوان لانه دا احس ماكو امل اخابرهم يجاوبني المحروس ابو الشعرر الطويل الله يحفضه يكلي احنة نرجع نتصل بيك يمكن تطول سنة هم هاي الدورة هيج الامنيات لعد شلون؟؟؟ مدا اعرف
اخوكم سمير العراقي

[Illusionist]

شي عادي جدا عزيزي... أنا مخلص الدورة التثقيفية ومازلت منتظر الأمنية وموعد السفر و صارلي 5 أشهر مخلص كل شي.. و راح يصير 6 أشهر ههههههه

[علي ياسين]

حبيبي samieraliraqi روح راجعهم وشوف الموظوع خاف اكو خطاء التلفون موكافي

حبيبي Illusionist يعني انت ويانا بوفد شهر الرابع .....حبيبي خابروك على الموافقة الامنية الاولية لو بعد ....وتعرف احد من جماعتنا سافر

[Illusionist]

عزيزي علي ياسين أنا من وفد الشهر الأول، و إلى حد الآن لم يتصل بي أحد منذ أن انتهيت من الدورة التثقيفية... غريب خلصت الدورة بتاريخ 22 نيسان 2011

[samieraliraqi]

السلام عليكم
اخوية علي ياسين اني خابرت اكثر من مرة ابو الشعر كال ماكو اي خطأ كلتله اكو احد اتصلتو بيه علمود الدورة وجان تليفونة خارج الخدمة او محد رد عليكم ؟ كال احنة كل الي اتصلنة بيهم ماكو واحد منهم جان تليفونة مغلق او مجاوب على تليفونة يعني كل الي اتصلنة بيهم جاوبونة كال يمكن الدورة مالتك بلعاشر يمكن 11 يمكن بعد سنة اكو هيج سالفة؟؟؟؟ اني مخلص وفد بشهر الرابع جانت المقابلة مالتي 19/4/2011 ونتيجتي استلمتهه 25/5/2011 ما ادري شكوللكم ...........

[علي ياسين]

حبيبي samieraliraqi لا تقلق الدورة التثقيفية ما تأثر على سير الملف ....ممكن تاخذ الدورة في امريكا من توصل انشاء الله

[samieraliraqi]

ممنونك اني يا خيي و الله يسمع منك لأنه فد نوب الكآبة صاعدة عندي فووووووووووول

[Illusionist]

ايه صرنا بالصفحة التاسعة و بالشهر العاشر و ما زلنا في لبنان

[علي ياسين]

واالله حبيبي شكلنا باقين لصفحة 1000000000 والله كريم

[samieraliraqi]

صباح الخير شباب
اول شي تفائلو عمي انشاء الله بصفحة ال550226778992 راح نطلع الامريكا.
ثاني شي سمعنة مبنى الامم المتحدة بلبنان سدوه مؤقتا" صدك اكو هيج شي و موكفين اي أجراءات
تمنياتنة بلموفقية شباب

[علي ياسين]

لا اخوان ماكو هيجي خبر اليوم اليوم اتصلوا ونطو مواعيد اعادة مقابلة الوفد

[المهــــاجــر]

شلونك اخويا   علي ياســـين  شلونكم اخواني الأعزاء في المنتدي
اليوم خبرونا احنا جماعة الوفد الشهر الخامس 2010 جماعة الأمنيات بأعادة السفير  يلا مو مشكلة المهم انو تحرك  الملف
وحسب اعتقادي راح يبدون من 13 /10 والى ما ادري بس احنا    26\10
ادعونا اخوان نخلص بسلام  ونوكف بالسرة مرة الخ لمواعيد الطيارة
تمنياتي للكل بالسفر القريب

[حسون941]

شلونك اخي المهاجر انشاء الله خير ومثل ما كلت اهم شي تحرك الملف احسن ما يبقى الواحد ينتظر وماكو شي
الله يسهل امرك والسفر القريب بعون الله

تحياتي

[ام بكر]

مرحبا
اخويه المهاجر بدون زحمه عليك حضرتك تكول اعاده محلف لجماعه شهر 5- 2010 بس اريد اعرف  انتو بالمقابله الاولى مع المحلف اجاكم موافقه لو لا قرار لو شنو؟؟؟
تحياتي للجميع

[** يدكو **]

ان شاء الله اخي المهاجر تسافر عن قريب وبالفعل مادام انطوك اعاده سفير معناها اكو تحريك بالملف ان شاء الله يكون خير الك وللجميع
تمنياتي لك بالموفقيه والسفر القريب

يدكو .. سان دييغو

[samieraliraqi]

هاي ليش اخوية سمير العراقي  هسه احنا ناكصين قهر
بالله عليكم اخوان اكو هيج اشاعة الي يعرف خلي يجاوبنا

السلام عليكم
اول شي اختي خولة ولله اني سمعت هيج حجي وحبيت استفسر اذا اكو هيج شي او لا ؟ علواه اذا ماكو شي هوة بلا هاي وكلبنة خلصان
اخوية المهاجر بلكي هاي معناهه تحرك ملفكم شوية يا الله بلكي يمشوكم ولله نتمنالكم كل الخير يلله انشاء الله يمشي حالكم وتخلصون منا

[علي ياسين]

حبيبي مهاجر الف مبروك ونشاء الله السفر السريع

اختي ام بكر ولكل اخوانا الطيبين حتى لا يدوخ احد... حسب النضام الجديد فان نتيجة الموافقة الامنية واحدة من اربعة نتائج
1- موافقة
2- اعادة مقابلة الوفد
3- لا قرار
4- رفض

وهذا حسب ما شرح موضف icmc (ابو شعر)عند استلام نتيجة الوفد

[Ashurram]

مرحبا شباب وشابات شلونكم

مبروك اخوية المهاجر
واليوم هم اتصلو بناس من الشهر الخامس 2010  وانطوهم موعد يوم 28/10

اني شخصيا فرحت لان هسة عرفت انه الملفات مو منسيه وانه اكو متابعة للملفات القديمة (الي اني منهم)


ان شاء الله هذا الشي يكون فاتحة خير لان انشلع قلبنا وخلص صبرنا

[المهــــاجــر]

اشكر الجميع على تعليقاتكم المشجعة ربي يفرجها علينا كلنا مع تمنياتي للجميع بالسفر القريب
الاخت العزيزة ام بكر احنا كلنا اللي انطونا اعادة سفير ماخذين قبول مبدئي.....بس حسب علمي اللي ماخذين لا قرار ما مخابريهم لحد الان .

[samieraliraqi]

السلام عليكم
اخونة المهاجر اريد اكلك شي " الله لا يضيع صبرك انت و كل العراقيين " انت صبرت وانشاء الله عاقبة صبرك خير و فرج وللجميع انشاء الله
اخوية Ashurram ممنونك على هلخبر الحلو عن جد اثلجت قلبنة ولله يارب فرجهة على العراقيين بلبنان و بكل مكان كولو امين

[Illusionist]

السلام عليكم

اليوم اتصلوا بأختي وأعطوها موعد لإعادة مقابلة السفير هذا الشهر

حبيت أبلغكم أيضاً كما فعل الأخوة من قبلي

[علي ياسين]

حبيبي Illusionist اختك شوكت قابلة الوفد اول مرة

[ام بكر]

مشكورين اخواني الاعزاء عالاجابه
صعد عندي مستوى الاحباط ولله الحمد

[Illusionist]

عزيزي علي ياسين، العائلة قابلت الوفد في الشهر الرابع أو الخامس 2010
أما أنا فقابلت الوفد في الشهر الأول 2011

[ام بكر]

امين
مشكوره اختي خوله

[علي ياسين]

حبيبي Illusionist تسلم على الاجابة
وتمنى لك والى العائلة التوفيق

[المهــــاجــر]

شكرا اخويا samieraliraqi  صدكني مللينا من هالوضعية التعبانة ..صارنا سنتين وشهرين هنا والحبل عالجرار تعال ارجع سوي سفير وبصمات وبعد          و ضرف فحوصات   ووووووو هاي عبرنا راس السنة  ليش هيجي ديعذبونا شعدنا احنا العراقيين  صدكني ماكو داعي كل هاي الخباثة ويانا  ..
يلا احنا تحملنا كل هاي الفترة واكيد راح نتحمل الباقي وما عدنا غير الصبر ..ونطلب من الله ان يساعدنا ويفرجها علينا كلنا احنا العراقيين تاج راسهم احنا
 احنا معروفين بصبرنا اللأمحدود  عدنا مناعة نتحمل كلشي وانشاءالله كلها راح تصير سوالف ...
تمنياتي للجميـــــع بالسفر القريب.....

[samieraliraqi]

السلام عليكم و رحمة الله و بركاته
تحياتي الى كل الاخوة و الاخوات , اخوية المهاجر صحيح ولله احنة العراقيين معروفين بكثرة بلوانا وبصبرنة الامحدود . ما اتصور اكو شعب بالدنيا تعذب بكدنة و لا اكو عالم صبرت بكدنة شنسوي انكول هاي الدنيا الله سبحانه يختبرنة بيهه يختبر صبرنة و تحملنه و انشاء الله الفرج قريب . اخوية المهاجر والله اسمع منني مو كلمات علمود اهونهه عليك اوارفع معنوياتك انشالله معنوياتك من غير كلامي هية تنرفع اني خابرو صديقي قبل يومين كلي على اساس كالولة اعادة سفير هوة هم من جماعة 2010 والله دا تتحرك ملفاتكم بلكي من الله انو كلكم راح تكونون انتو الوجبة التالية الي يبلشون ينطوهم مواعييد سفر واحنة من بعدكم بأذن الله واتمنة كل العراقيين الي بلبنان الله ينظر الهم بعطفه و رحمته و يفرجهه على الكل انشاء الله
الله كريم اخوان اصبرو ما ضل شي انشاء الله

[Ashurram]

مرحبا اخواني واخواتي
اعذروني على مشاركاتي القليلة لكني متابع وياكم.

بخصوص الاخوة الي خابروهم على اعادة المقابلة اعتقد هذا الشي بصالحهم وبصالح الكل واني اعتقادي الشخصي هو انه امريكا بعد ما شافت انه الملفات المعلقة تكدست وزادت باعداد كبيرة وصلت الى اكثر من 20000 فايل قرروا يمشون هاي الملفات و يبتون القرار بيها لان ما يصير تظل هاي الملفات تتكدس واعتقادي هو انه كل كم شهر رح تصير موجة من اعادة المقابلات وبهاي الطريقة رح شوية شوية يمشون الملفات القديمة سوة ويه الملفات الجديدة.

ترقبوا ورة كم شهر رح يتصلون بجماعة الشهر الثامن 2010

هذا الكلام كله هو تحليل شخصي ويمكن يطلع كلة خريــط ههههههه

[ابو فله]

صباح الخير  اخواني واخواتي  المحترمين
شلونكم؟
 اسف عالانقطاع
اني الحمدالله وصلت لمشيكان بدون اي مشاكل او عراقيل لاكن السفر جان كولش متعب وخاصه بالنسبه للاطفال
لاكن لحد الان ممستقر  لان ابكل بدايه اكو صعوبه ومعاناه
اخباركم شنو اخواني؟ الكم وحشه والله
مبروك لجميع الاخوه الي سافرو  والي انطوهم مواعيد
وانشالله السفر القريب للكل


اخوكم ابو فله

[ام بكر]

صباح النور عيني ابو فله
الف الف  الحمد لله على سلامتكم وانشالله ترتاحون وتستقرون باقرب وقت والتعب مو مشكله  اهم وصلتو بالسلامه
تحياتنا الك وللاهل

[samieraliraqi]

السلام عليكم ورحمة الله وبركاته
شلونك  اخوية ابو فلة الحمد لله علة سلامت وصولك الى امريكا انشاء الله تستقر وتحقق كل احلامك. صحيح انو بأول الطريق لازم اكو عراقيل لكن انشاء الله تصبر ةتتخطاهه لانه انت الايام الصعبة بلبنان الله خلصك منهه انريدك تحجيلنة شوية شلون شفت امريكا اول ما وصلت لي حد الان بس تتفرغ شوية سولفلنة كل شي اوكي حب بلمناسبة دزيتلك سلام وية ولد جان وياكم نفس اليوم طار وصلك؟؟؟ بلصدفة شفته قبل يوم من طيارتكم
اخوك
سمير العراقي

[حسون941]

الحمد لله على سلامة وصولكم عزيزي ابو فله وانشاء الله تستقرون وترتاحون وموفقين يا رب
اكيد طريق السفر طويل ومتعب خاصة بالنسبة للاطفال لكن الحمد لله والشكر على كل شي وبالتوفيق
تحياتي اخوك حسون

[علي ياسين]

الف الحمد الله على السلامة حبيبي ابو فلة الوردة
بتوفيق وتحقيق الاماني

[المهــــاجــر]

السلام عليكم اخواني الأعــــزاء
الف مبروووووووك اخويــــا ابوفلــــة والحمدلله على سلامة وصولك ..وانشاءالله يوم لألنا كلنا انتم السابقوووووون ونحن اللأحقوووووووون  هههههههه

الأخ اشورام ... انا اشاطرك الرأي انا هم اتوقع كل سفير يخابرون جماعة امنيات السفير القديم  ..اكيد كل فترة يطلعون فيكــة جديدة..

اليوم سمعت اكو قسم من الجماعة اللي كانو ويانا لا قرار  هم خبروهم

اخوان مو عنده علم يا يوم يبدي السفير بالمقابلات؟؟؟؟؟

تمنياتي للكل بالسفر القريب ..

[فائز القرقوشي]

مرحبا اخوان خوات انشالله الكل بخير
عفوا لدي سؤال بالنسبة لي هو مهم جدا بهاي الايام راح يصير عندي بيبي وهو الاول .. ما اعرف ما هو المطلوب مني من قبل ال يو ان ماذا اعمل وماذا يريدون هل احد منكم حدث له مثل هذه الحالة ارجو المساعدة ... يعني بالعامية شيريدون مني اوراق شيء او من السفارة العراقية بلبنان . وشكري للكل


                                                                  اخوكم  فائز

[شالان العراقي]

اخوية فائز روح عل كاريتاس قبل متجيب زوجتك وهما يفهموك كلشي وان شاء الله تكوم بالسلامة

[ام بكر]

مرحبا اخونا فائز  مثل ما كال  شالان اتصل بالكاريتاس او مجلس الكنائس حسب ملفك لان المفروض همه يدفعون تكاليف الولاده وبعدين تروح للسفاره  حتى تسجل الطفل 0 اتمنى الصحه والعافيه لزوجتك و الطفل و الف الف مبروك

[فائز القرقوشي]

شكرا لكل من جاوب على اسئلتي .. انا اعرف بمساعدة الكاريتاس بالنسبة تكاليف المستشفى ولكن قصدي لل يو ان مثلا اخذ ورقة من مستشفى واوديها ل يو ان حتى يسجلو المولود الجديد او للسفارة العراقية شلون. هذا قصدي  وشكرا

                                                       

                                                               اخوكم فائز

[علي ياسين]

حبيبي فائز نصيحتي الك روح ليو ان وسألهم  وشوف كل التفاصيل ....
والف مبروك واتمنى السلامة للام والطفل

[شالان العراقي]

اي اخوية تريد روح للامم واسال او من تجيب مرتك بالسلامة تاخذ من المستشفى شهادة الولادة وتوديها للمختار وهو ينطيك تاييد المختار من نفس منطقة المستشفى يعني مو من منطقتك الي عايش بيها وتوديهم للامم وهما يحددولك مقابلة اضافة طفل بعد ما يطلع من الاربعين وخلاص بالسلامة ان شاء الله

[علي ياسين]

حبيبي كلام اخوية شيلان ضحيح روح انت هسة حتى تفتهم الاجرائات وتستغل الوقت

[samieraliraqi]

السلام عليكم خوان و اخواتي بلمنتدى
اتمنة الكل يكونون بخير
خبيت اكللكم اليوم خابرو صديقي ونطوه موعد مقابلة سفير 19/10/2011 و هواية خابروهم اليوم و نطوهم مواعيد بين سفر و بين موعد سفير والله هماتي اليوم اكو هواية استلموا موافقات مبدأية
والله فرحت اليوم بهاي الاخبار الي تفرح والله وتبشر بخير  الله كريم شباب هانت والله ما ضل شي دتتحرك الملفات و انشاء الله خير انشالله
اكو ولد راح يطلعون يوم الثنين يتجمعون كدام الامم المتحدة علمود يشوفون حل لوضعيتنة لانه شباب والله سمعت اليوم من ولد صاحبنة هنا انو جاي وفد من اربع دول منهن استراليا و سويسرا خصيصا علمود وضعية اللاجئين العراقيين و ملفاتهم والله العظيم ادعوا من الله العزيز القوي ان يسهل امر كل العراقيين الي بلبنان وبكل مكان
و انشاء الله هانت و ما ضل شي وأقتربت نهاية معاناتنا بلبنان
ملاحظة شباب يوم الثنين راح يحتجون شباب و عوائل عراقية  كدام مبنى الامم المتحدة (احتجاج جماعي)و حتة قناة الجديد اللبنانية  راح تجي تغطي الحدث لذا ارجو مساعدتنه شباب كلنة لازم نصير ايد وحدة لانه مثل ما كل ابو المثل كوم التعاونت ما ذلت
والله الموفق

اخوكم سمير العراقي

[علي ياسين]

حبيبي سمير
بخصوص مواعيد سفر اذا تعرف من اي وفد وناطيهم موافقة نهائية لو مباشرة موعد سفر

مع الشكر

[ام بكر]

مشكور اخويه سمير عالاخبار وهاي شغله التجمع كلش زينه اذا العراقيين هنا يسووها من صدك ويطلعون 0
الله كريم ويفرجها علينا جميعا

[** يدكو **]

فائز القرقوشي
مرحبا اخوان خوات انشالله الكل بخير
عفوا لدي سؤال بالنسبة لي هو مهم جدا بهاي الايام راح يصير عندي بيبي وهو الاول .. ما اعرف ما هو المطلوب مني من قبل ال يو ان ماذا اعمل وماذا يريدون هل احد منكم حدث له مثل هذه الحالة ارجو المساعدة ... يعني بالعامية شيريدون مني اوراق شيء او من السفارة العراقية بلبنان . وشكري للكل


اخي العزيز حسب ماصار وياي من اجاني طفل بلبنان ان شاء الله بس تكوم مرتك بسلامه بنفس اليوم اخذ ورقه بيان الولاده من المستشفى وبعدها تأخذها الى اقرب مختار وتودي جوازاتك وياك وهو يختملك ورقه بيها كامل معلوماتك وتوديها مباشره الى مكتب الامم المتحده حتى ينطوك موعد اضافه الطفل الى ملفك واذا  تولد مرتك في مستشفى كرنتينه الحكومي اكو مختار يصير بعد الحاجز العسكري مباشره اسال استعلامات المستشفى وهما ينطوك عنونه بالكامل ان شاء الله تكوم مرتك بسلامه ..تحياتي لك

اخوك .. يدكو .. كاليفورنيا

[samieraliraqi]

حبيبي سمير
بخصوص مواعيد سفر اذا تعرف من اي وفد وناطيهم موافقة نهائية لو مباشرة موعد سفر

مع الشكر

اخوية علي ياسي الورد بلنسبة المواعيد سفرهم 19/11 وهمة على الوفد الامريكي بس صارلهم فترة هواية نايمين حسب ما اعرف لا مباشرة موعد سفر بس هواااااااااااااااااااااااااااااااية نطوهم موافقات مبدأية

[samieraliraqi]

نشكرك اخوية samieraliraqi والله فرحتنا بهاي الاخبار الحلوة لانه اعصابنا تلفت والله العظيم وان شاء الله يا ربي الله يسهل للجميع بسرعة ومثل ما تكول لازم الاغلبية يروح يحتج يم اليو ان علمود يحسون بالمعاناة مالتنا .

مرة اخرى نشكرك اخوية على اخبارك الحلوة والله كريم الله يفرج على الجميع

                                                                                                             اختك خولة

الاخت العزيزة خولة وكل الاخوة و الاخوات الاعزاء
تحية طيبة اليوم رحنة لمبنى الامم المتحدة ووكفنة معتصمين من ساعة 8 صبح ليساعة 2 ظهر ورافعين لافتات وبقينة ايد وحدة و ما تحركنة ولو عددنه مجان هواية جنة حوالي 26 واحد بس قمنة بواجبنة تجاه قضيتنة وتمسكنة بيهه الى اخر لحظة الى ان نزلت وحدة من المكتب مال المدير النة و اخذت منة طلباتنة بأن يدققون بملفاتنة من اول  و جديد ونشوف ليش تاركيهه مهمولة وكتبنة اسمائنة و ارقام ملفاتنة ب ورقة وكالولنة راح نتصل بيكم هل اسبوعين الحمد لله و الشكر ولو و  لله جنة نتأمل ان يحضر كافة العراقيين حتة نصير ايد وحدة لانه الظاهر اذا مو هيج مراح يسوولنة شي
اخوان قررنة احنة الي اتظاهرنة انو نتجمع مرة ثانية يوم 3/11/2011 اكرر يوم 3/11/2011 نتمنة انو الكل يشاركونة اخوان كافي خمول والله اذا منتحرك ونسوي اعتصام مراح نحصل شي فلتنسون الله يخليكم و هاي دعوة الى كل العراقيين والكم رجاءا اخوان الي يكدر يجي ليقصر ترة هاي مردودهة النة بلفائدة ولله اكو نتيجة و احنة لمسناهه اليوم اخوان اي واحد تعرفةه كلولة كل العراقيين الي بلضاحية و الدكوانة و الجديدة اتفقنة يوم 3/11/2011 راح نكون كدام مبنى اللامم المتحدة
ومن الله التوفيق
اخوكم سمير العراقي[/size][/color]

[samieraliraqi]

مشكور اخويه سمير عالاخبار وهاي شغله التجمع كلش زينه اذا العراقيين هنا يسووها من صدك ويطلعون 0
الله كريم ويفرجها علينا جميعا

اختي ام بكر
تحية معطرة
التجمع الجاي نطلب منكم انتو اخواتنة ايضا تشاركونا و الله الكم دور و تأثير جبير ونريدكم تساندونة انتو امهاتنا وخالاتنة و اخواتنا تكونون ويانة ايد وحدة حتة نخلي حد لمسألة التأخير واللا مبالاة بموضوع ملفاتنة هوة يوم واحد مراح تجون كل الاسبوع يوم 3/11/2011 بلكي الله يستعجلون بتمشية معاملاتنة ترة ولله التأخير مو من امريكا الظاهر وحسب ما شفناه اليوم انو التأخير منهم و صوتنة مدا يوصل الامريكا و لا للمسؤوليين هناك
ويتصورونة انو احنة عايشين احسن عيشة يعيشهه لاجء ميدرون بحجم معاناتنا ولله اليوم لو عددنه كان متجاوز ال 50 شخص جان اتصلنة بقناة فضائية حتة نوضع حد لمهزلة التأخير و اللامبالاة من المفوضية بس نتمنة يشاركنة عدد اكبر يوم 3/11 ونتمنة مشاركتكم الي والله صدكونييييييييييييييييييييييييييييييييييي الهه دور فعال
خلص ملييييييييييييييييييييييييييييييييييييييييييييييييييييييييييييينه ولله[/b]

[علي ياسين]

تسلم حبيبي سمير

[samieraliraqi]

تسلم حبيبي سمير

بخدمتك اخوية علاوي الورد وخدمة كل العراقيين الي موجودين بلمنتدى و بكل مكان بالعالم

[علي ياسين]

مرحبة ياطيبين
اتمنى ان يكون الجميع بخير

يكولون هوابة ناطين مواعيد سفر......احد عنده معلومات عن هذه الملفات

[Illusionist]

ولله لحد الآن من جهتي ما سامع شي، ولحد الآن كل اللذي أعرفه إنو إجراءات الكفيل مالتي خلصت، مع العلم إنو الكفيل اللي أني حاطة تخلى عني هههههههههههه، بس صارلي 6 أشهر ناطر الموعد المجهول

إنشاء الله تفرج على الجميع قريباً

[samieraliraqi]

الى الاخوان العراقيين الكرام
نود ان نعلمكم بأنه في يوم الخميس المصادف 3-11-2011 سوف نقوم نحن اخوانكم العراقيين بمظاهرة سلمية امام مبنى الامم المتحدة لشؤون اللاجئين على من يهمه الامر منكم بلمشاركة معنا في المظاهرة و الاعتصام الحظور الى مبنى الامم المتحدة الساعة 9 صباح يوم الخميس 3-11-2011
والله الموفق

[علي ياسين]

ندعي سوه و احنه بهل الشدة ... ربي كل باب حزن مفتوح رده ... و كل تدفق دم يا ربي سده ... و كافي ياموت سيفك كاعد اتحده .... مو صبرنا بصبر ايوب و جده ... و صبرنه سنين تره وصل حده ... مد يا فرح شوي فراشك مده ... شو امكطع اخيوطك وجم عكدة و عكدة ... اخ شكد جثث بعد تحملين يا سده ... و شكد يا فرات شوكك لدجله ... حزني جبير و ما واصل حزن كده ... و اذا في يوم الدمع نكر خده ... و اذا في يوم البحر نكر مده ... و اذا في يوم الشتا نكر برده ... و الصيف صار الثلج عنده ... ما انسى العراق و لا انسى شمته ... يكلولي بس الموت هذا العراق عنده ... اموت بحظنك يا عراق تره ماكو وطن بعده ... لا ولله ماكو وطن بعده.


شوية ردت اغير الجو
انشاء الله يعجبكم

[ابو فله]

السلام عليكم اخواني واخواتي الاحباء
مشكورين على دعواتكم وتبريكاتكم وانشالله يوم الكل يسافر عن قريب انشالله
طبعا ماريد ادوخكم بهمومي  لان همكم يكفيكم
طبعا سبب انقطاعي هو الشقه الي مخليت مكان مدورت بيه
والكل يردون كفيل يطلع راتب من 1900 الى 2200$ في حال مدفعت اني طبعا راح هوه يدفع
وطبعا محد ميثق بواحد جاي جديد ميعرف عنه كولشي
المهم اكو مجمع لاخ متفقه  وياه المنضمه الي تستلمك انو ميردون كفيل
وقدمت هناك ونشااله بهاليومين راح اوقع العقد
وانشالله بس انقل عالشقه راح ابلش بال اجازه مال سوق
حبيت قبل لا انسى ان اجاوب احد اخوه الاعزاء عن سواله عن امريكا وشلون شفتها ؟
اميركا بلد حلو  ويسوده القانون والانسان هناك محترم ولاحضت فد شي لفت انتباهي خلال اليام الاولى هناك انو اي واحد ميعرف اويغلط بشي محد ميضحك عليه عكس قسم من جماعتنه   ينصب ويقلد ويصنف عبالك من جابته امه يعرف كل شي وطبعا مو الكل ينطبق عليه هاذا الحجي  اكو ناس عراقيين وعرب رحبو ا بينه وعرضو المساعده وطبعا الكيس ووركر ماقصر  ويانه
واخيرا سامحوني على التاخير بالرد  على قسم من تساولات بعض الاخوه وانشالله بس استقر مراح اقصر
وانشالله السفر القريب للكل



                 اخوك ابو فيليب (ابو فله)

[علي ياسين]

يا طيبين ليش صنطة

[Ashurram]

مرحبا خواتي و اخواني
رجاءا اللي عندة معلومات عن اعادة المقابلات الجارية الان في لبنان ان يشاركنا بيها لان سمعنا اخبار متناقضة,ناس تكول انه المقابلات سهلة و سريعة و ناس تكول بالعكس!!
تحــــــــــــــــــــــــــــياتي

[علي ياسين]

بشرفك هذا شلون قهر...الناس المنتظر سفر رجعوا يسولفون بمقابلة صعبة لو سهلة
وفففففففففففففففففففففففففففففف

[المهــــاجــر]

مرحبا اخوان
اخي اشورام ..انا سألت شخصين من اللي سوو اعادة مقابلة السفير وكان جوابهم ان المقابلة كانت سهلـــــة..
والأسئلة اللي سؤلوها كانت الأسئلة اللي يسألوها للعائلة في بداية المقابلة اذا تتذكرها من كانت الأجابة بنعم او لا ..
مثل هل تشتغل بالمخدرات؟؟ هل تساعد الأرهاب؟؟ هل اعطيت الفدية للأرهابيين؟؟ هاي الأسئلة اللي سألوها لكل العائلة
هذا ما كالوا الجماعة بعد ما اعرف اذا كان حجيهم صحيح لو لا؟؟ويمكن سؤال اخر توضيحي عن سبب تأخيرك كأشتباه بأسمك او
ان اسمك في ورقة الأمم وهسا يختلف صار اسمك واسم الأب واللفب..بس حنا لازم نأخذ كل احتياطاتنا لكل سؤال يفاجأنا بيه..
انت حضر نفسك كأنك دتسوي مقابلة لأول مرة   الأحتياط واجب اخواني ..مو بعد سنة ونص ننتظر نكوم نغلط بالأجابة وتصيرنا مشكلة
احنا بغنى عنها ..مع تمنياتي بالسفر القريب للكل بأسرع وقت..

[سوالين]

شلونكم اخــــوان؟؟؟ شنو القصة اشو صفحتنا رايحة للصفحة الثانيـــة

شكرا يا مهاجـــر على هذا الرد  كلامـــك صحيـــح ..

[علي ياسين]

اتمنى ان يكون الجميع بخير
يوم 19/10 يعنيي قبل خمسة ايام اربعة عزاب استلموا نتيجة نهائة .....وابلغوهم ان السفر خلال 12 اسبوع
طبعا قبل كان السفر بعد 6  اسابيع بعد النتيجة النهائة

ودعائي للاخ مهاجر ان تكون المقابلة سهلة وسفر القريب انشاء الله

تحياتي للجميع

[مايكل اندريه85]

شلونكم اخواننا الصابرين الطيبين  في لبنان ....... اتمنى ان تكونوا بالف الف خير

[علي ياسين]

اخواني الطيبين الصابرين
الاخ الذي اخذ نتيجة نهائية يوم 19/10  انطوا موعد سفر يوم 10/11 يا ربي يوصل بسلامة وبتوفيق

[المهــــاجــر]

شلونكم اخوان الطيبين الصابرين اشاءالله بالف خير يا رب
شكرا اخ علي ياسين دعائك وصل وكانت المقابلة اسهل مما كنا نتصور والف الحمدلله
تمنياتي للجميـــع بالأخبار الســـارة ...
الف مبرووووووك للأخ الذي اخذ الموعــد اشاء الله هم السابقون ونحن اللاحقون

[المهــــاجــر]

شــكراً أخــت خولـــة  ربي يسعدك بأخبـــار حلوة ومفرحــة مثل ما تفرحين لغيرج
انشاءالله تفرج علينـــا كلنـــا يــــــــــــــــــــــا رب..

[علي ياسين]

حبيبي مهاجر الف مبروك والسفر القريب انشاء الله

[Ashurram]

ما شاء الله صايرة حركة قوية بالمنتدى خوما دا يوزعون مساعدات؟!! هههههههههه

الف مبروك للي اخذو مواعيد... هم اني هنا سمعت جماعة ماخذين مواعيد سفر ليوم 10/11

والله يسهل طريقك اخوية المهاجر وتهاجر من صدك وتخلص

كلنا امل انه يجي دوركم ودورنا فد يوم حتى نوصل ونستقر ونخلص من حياة الترحال الي استهلكت هواي من طاقتنا وعمرنا وصبرنا.


اشكرك اخوي المهاجر على ردك الشافي والوافي على مداخلتي السابقة وتعذرني لان ما صار عندي مجال اجاوبك يوقته... نتمنى كل المقابلات تصير سهله على الجميع ولو يلغون المقابلات من الاصل بعد احلى تصير يعني بس روح سجل وهم ينطوك موعد سفر ههههههههههههه هاي حتى بالاحلام ما تصير


تحيـــــــــــــــــــــــــــاتي 

[مايكل اندريه85]

 الاخ الغالي المهاجر الف الف مبروك ويارب السفر القريب وتستاهل كل خير ياطيب ......

[المهــــاجــر]

ندعي سوه و احنه بهل الشدة ... ربي كل باب حزن مفتوح رده ... و كل تدفق دم يا ربي سده ... و كافي ياموت سيفك كاعد اتحده .... مو صبرنا بصبر ايوب و جده ... و صبرنه سنين تره وصل حده ... مد يا فرح شوي فراشك مده ... شو امكطع اخيوطك وجم عكدة و عكدة ... اخ شكد جثث بعد تحملين يا سده ... و شكد يا فرات شوكك لدجله ... حزني جبير و ما واصل حزن كده ... و اذا في يوم الدمع نكر خده ... و اذا في يوم البحر نكر مده ... و اذا في يوم الشتا نكر برده ... و الصيف صار الثلج عنده ... ما انسى العراق و لا انسى شمته ... يكلولي بس الموت هذا العراق عنده ... اموت بحظنك يا عراق تره ماكو وطن بعده ... لا ولله ماكو وطن بعده.


شوية ردت اغير الجو
انشاء الله يعجبكم

عاشت ايدك على هذه الكلمات الحلوة يا اخ علي ياسين واسمحولي ان اقدملكم هدية هذه الأبيات الشعرية عن العراق ..بقلمي

[/sizeعراقنا أحلــــى وطن
ليش يا عراق تبقى هيــجي دوم مجـــروح
وأحـنا الخليناك بنص الكَلب وأعز من الـروح
لا تخلي أحبـابك  تســـافـــــــــر وتـــــروح
أحضنهم يا وطن وداوي كل الجــــــــــروح
وطنّا أحلى وطن وطنّا ما نلكَا مثله وين ما نروح
لا تــتــغـــــرب يــــا عــــراقـــــــــي
تَرى بغربتـــك تبقى دومك ذليـــــل
وكلما تخلي راســك على المخـــــدة
وتتذكر اهلك دموعــك تسيــــــل
وطــنّا احلى وطن وطــنّا أصيــــل
إبقى شامخ يا عــــراق لا تميـــــل
دماء العراقيين دفاعاً عن الحرية بعدها تسيــل
يا عراق أنت أحلى وطن وبيك أطيــب ناس
وراح تبقى تاج العرب وعكَــال فوكَ الراس
صعـــب نودعك يا عـــــــراق
وصعب علينـــــا الفــــــراق
أجبرونا على الهجرة..بس نبقى على بلدنا عشاق
الطائفية هي سبب كل الدماء والدموع التي تراق
 

بس وين ما رحنا راح نــبقى على بلدنا نشتاق
فحصراتنا ما تنتهي.. تخرج من الأعمــــاق
فطعامنا بعـــيداً عن يا عراق بلا مــــــذاق
راح يبقى دمـــــنا عــــــراقـي
ووين ما رحنا يبـــقى العراق بكَلوبنا باقـي

     المهاجـــر

http://youtu.be/9DOYipVnM4I

http://www.ankawa.com/forum/index.php/topic,431592.0.html[/color][/size][/color][/size]

[المهــــاجــر]

شلونكم اخوان انشاءالله بخير يا رب
الأخ  ماركوس القيصر
الأخ اشورام
اشكركم على مشاعركم  الطيبة وانشاءالله السفر القريب للجميــــع حتى نرتاح وتزول هاي الشدة وانشاءالله راح تصير كلها سوالف
بس تعارفنا وصداقتنا تبقى دووووووم حتى لو سافرنـــــا  نبقى نتواصــل مع بعضنا..
تمنياتي للجميع بالســـفر القريـــب...

[مايكل اندريه85]

عاشت ايدك اخي المهاجر على الكلمات الرائعة دومك مبدع

 تحياتي لحضرتك

 وتحياتي للاخ علي ياسين 

[Ashurram]

مادام صار بالموضوع شعر وقصايد احب اشارككم بهاي القصيدة الي اعتز بيها وعندي من سنين... مو بقلمي طبعا

 
بعد ما ريد فيزه ولا لجوء انـسان ............ .. عمت عين الاقامه الدنست صـيتي
واشكر كل صديق وكل خوي وكل جار ............ .. قـفل بابه ورفض يـقبل عراقيتي
خلف الله عليكم والوكـت دولاب ............ .. لا بد يوم يـنزل بيكم ارضيتي
لان اول امس كل البشر خـدام ............. .. جانوا للـعراق واكلـوا ابيتـي
جان الضيف عندي مكرم ومهـيوب ............. .. فوگ الراس اشـيله وهاي تربيتي
ما داعي اسولف وانه ابو النـهرين ............ .. ياهو الـما سمع اخـبار حنيتي
بعد بصـمات اديهم والطبع موجود ............. .. من جانوا جياع بوسط صيـنيتي
يـا دنـيه حرام ومـنكر ومـكروه ............ ... اذا ابـن الـعراق الـيوم وطيتي
معـقوله نسيتي اسم الـعراق بساع ............. .. لـو مثل الـبشر همّن تـناسيتي
مـيفيد الحچي ولا تـنفع الـچـلـمات .............. .. راجع يا وطن لترابـك الزيـتي
راجـع يـا حـبـيبة گـلبي يـا بغداد .............. .. وادرى بكـثر ما ونـيت ونيـتي
وادري لو وحّدج عفناج صار سنين ............ .. وادرى من الحزن تابوت سويتي
جيب الاغتراب وحـطه بالـتابوت ............ .. يا غربه الـعراق شكثر اذيتي
ما اعيـش ابّحر مالح طـعم يا ناس ............ .. انه بسجن الـفرات وفقط حريتي
وترابي ذهـب والگاع من ياقـوت ............ .. ومن ثوب الكرامه البسهه بيريتي
واذا گالوا لترجع والوضع مو زين ............ .. اگول اني الوضع والزين تاليـتي
وميهمني بعد ليصير خلي يصير ............ .. طعم الموت اشرف من هجر بيتي
أموت بوسط خوتي ويا حلاة الموت ............. .. من اجمع اهلـنه واكتب وصيتي
وصيتي لو متت لتچفنوني بچفان ............ .. لفوني بعلمنه وهاي امـنيتي
واذا تردون اليه بهالگبر ارتاح ............ .. امانة الله دفنوا وياي جنسيتي

[المهــــاجــر]

عاشـــت ايدك اخ اشورام على هاي الكلمـــات الجميلــة ..
شكرا اخ العزيز ماركوس القيصر انشاءالله يوم اللي تسافر كل العراقيين ويرتاحون ويستقرون هنــــــــــــــــــــــــــــــــــــــــــــــــــــــــــــــــــــــــاك

[علي ياسين]

شلونك شباب
شنو السالفة ليش ماكو احد
اني معنوياتي تحت الصفر والكئابة مليون والملل مليار
اتمنى انت اتكونون احسن مني وسمعونا اخباركم الحلوة

[ام بكر]

والله اخويه علي حالنا من حالك
يا رب افرجها علينا

[حسون941]

عيدكم مبارك وايامكم سعيدة اعادها الله على العراقيين جميعا بالخير والامان والاستقرار والسلام

[ام بكر]

كل عام وانت بالف خير اخونا حسون وكل اخواننا وخواتنا هنا بلبنان ينعاد عالجميع بالصحه والعافيه والفرج

[Ashurram]

عيد مبـــــــــارك عليكم جميعا ينعاد عليكم بالصحة والعافية وانشالله السفر القريب..

[مايكل اندريه85]

مرحبا شلونكم شخباركم ..... كل عام وانتم بالف الف خير وصحة وعافية وسلامة   واتمنالكم تحقيق الاماني والسفر باقرب وقت .....

[علي ياسين]

كل عام وانتم بالف خير ويعم السلام والحب ببلد الخير والطيب عراقنا الحبيب وكل أهله الطيبين

[سوالين]

كل عام والجميــع بالف خير تمنياتي للجميع بالسفر القريب

[المهــــاجــر]

مساء الخيــــر اخــوان
اتمنى عيــد سعيــد وكل عــام وانتــم بألف خيـــــــر لكل الأخوات والأخوات في المنتدى وما أنسى جميع القــراء كذلك
وانشاءاللــه اللـــه كلنا راح نوصل الى البلدان اللي مسوين عليها التوطين في العيد القادم اقصد راح نكون مسافرين الى ذلك الوقت والرب قادر على كل شيء ..وكل شيء يأتي في الوقت المناسب كما هو مخطط لنا من اللــــه ..

واطلب منكم ان تدعوا للمهاجــر ان يهاجــر الى المهجـــر ....ههههههه
اخـــــــوكم المهاجـــر

[شالان العراقي]

اخوية يدكو شاخبار كاليفورنيا مكتبتلنا شي بيها شغل لا شلون اوضاع العراقيين هناك امورهم شلون ديكضوها اتمنى ان تسويلنا تقرير مبسط حتى نستفيد من خبراتكم ؟

[Ashurram]

ها شالان شو صاير تسال على الشغل بكاليفورنيا اكيييييييييييييييد انطوك فيزة هههههههههههه... دا اتشاقة وياك حبيبي
 

[شالان العراقي]

هلو اخوية لاصدك ماكو شي اني اصلا مقدم على ديترويت ومنتضر موعد طيارة صارلي اسبوع ههههه بعدني جديد عل سفر

[Illusionist]

وين الأخوة الكرام؟

شو ما في سفر؟؟

وشنو أخبار أبو فلة؟ ولله إلك وحشة أخونا

[** يدكو **]

اخوية يدكو شاخبار كاليفورنيا مكتبتلنا شي بيها شغل لا شلون اوضاع العراقيين هناك امورهم شلون ديكضوها اتمنى ان تسويلنا تقرير مبسط حتى نستفيد من خبراتكم ؟

تدلل راح اكتب موضوع مفصل عن كاليفورنيا بالتوفيق للجميع بالسفر القريب

[Illusionist]

أحد عندة فكرة عن تكساس؟

[علي ياسين]

حبيبي شالان انت استلمت نتيجة نهائية

[شالان العراقي]

لا اخوية مو كلتلك بعدني جديد قبل اسبوعين كملت دورة وكالو احنا نخابرك عل امنيات مالتك ونشوف بيا مرحلة انتقلت نكلك وانت ماكو داعي تخابر يعني مغذي اصلي مال 6 اشهر وفوك ههههه

[المهــــاجــر]

مرحبا اخوان شلونكم؟؟
كان المفروض ان ينطونا نتائج المقابلة اعادة السفير حسب ما كالونا من12/1الى 12/15 ولكن من هسا انطونا النتيجة بعد احسن .
هذا الأسبوع خابروا كم عائلة من بينهم احنا اليوم خابرونا .شي زين انو اسرعوا بالمخابرة قبل الوقت المقرر  بس المو زين هو كالوا ان امنياتكم بعدها ما خلصت
بعدها بالمرحلة الأولى ..هم نكول الله كريم ..اخوان منو مخابريه بعد وشكالولكم؟؟ اكو من انطوا مثلاً موعد فحوصات لو لا؟؟ اللي عندا اي خبر
خلي ينشرا حتى يكون عدنا علم بما يجري ...ونطلب من الرب ان يفرجها علينا كلنا بأسرع وقت...
تمنياتي للجميع بالسفر القريــــب....

[Illusionist]

عزيزي المهاجر مبروك الموافقه
أرجو منك الإجابة متى كان موعد إعادة مقابلة المحلف؟؟
هل يجب أن أتصل لاستفسر عن ملف أختي ؟
أم هم سيتصلون؟ لان هي أعادت المقابلة الشهر الفائت

[المهــــاجــر]

Illusionist
شكرا اخي العزيز ..موعد مقابلتنا كان يوم 10/26 ...واذا  ما خابروكم بهذا الأسبوع انتو خابروهم ولو هما كالونا بوكتها ننطيكم النتيجة بشهر 12
بس انا اعتقد يخابروكم خلال يومين...تمنياتي لكم بالموافقة النهائية..وللجميع بالسفر القريب..

[علي ياسين]

الف مبروك حبيبي مهاجر والسفر القريب انشاء الله

[Ashurram]

الف مبروك اخويا العزيز المهاجر ...تمنياتي لجميع الاخوات و الاخوة بالسفر العاجل..

[عمر خطاب]

اخي المهاجر وكل الاخوان اللي موجودين بلبنان
اني كان عندي اعادة مقابلة بشهر ال  9  اللي راح
والمقابلة الاولى كانت سنة 2009
وخابروني ال ICMC يوم  1   بهذا الشهر  ال  11
وبلغوني بنتيجة اعادة المقابلة اني مقبول وبانتظار انتهاء الاجراءات الامنية
وان شاءالله الخير والسفر القريب للجميع

[ام بكر]

مبروك لاخواني  المهاجر وعمر خطاب الف مبروك ويوم نسمع خبر السفر انشالله
اخونا المهاجر من هسه محضر الجنط شنو لازم مليت من لبنان هههههه

[Abo doraied]

مبروك شباب عليكم
شباب اذا نقلت الكيس مالتي من بغداد لبيروت راح اتمتع بخدمات اليو ان يعني مدارس او ضمان صحي و اقامه وامور اخرى ؟

شكرا لكم

[علي ياسين]

حبيبي ابو دريد
اني ما انصحك بنقل ملف الى لبنان ...حسب علمي لبنان اصعب بلد من كل النواحي
واتمنى من باقي الاخوى ينطوك رأيهم

[عمر خطاب]

اشكركم جزيل الشكر الاخوات ام بكر وخولة
واتمنالكم السفر قريبا باذن الله ولجميع المنتظرين ان شاءالله

[** يدكو **]

الف مبروك اخواني المهاجر وعمر الخطاب ان شاء الله يوم لتفرحونا بموعد سفركم مع تمنياتي لجميع الاخوه بالسفر القريب

[المهــــاجــر]

شكرا لجميع الأخوان والأخوات اللي باركولي على القبول مع اعتزازي بجميع الأسماء ما شاءالله كثيرة هههههه واتمنالكم السفر والموفقية في حياتكم جميعاً ... ياIllusionis... علي ياسين ....اشورام... خولة....عمر الخطاب وام بكر ويدكو
الأخ عمر الخطاب ..الف مبروووك وانشاءالله يوم السفر القريب...
الأخت ام بكر ..هههههههه اي مو من حقي احضر الجنط مو صارلي تقريباً سنتين ونص !!! والحبل عالجرارررررررررر ..متكلولي شسوي دأشجع نفسي وأرفع من معنوياتي وأهيء نفسي بكم بيت شعر وحظرت الجنط  هههههه ومثل ما يكول المثل {تفائلوا بالخير تجدوه} ادعولي يا أخواني وأخواتي بأن ينطوني الفحوصات لأن سمعت اليوم اكو جماعة انطوهم فحوصات يجوز هذا دليل على قرب السفر يارب   هههههههه
مع تمنياتي للجميع بالســــــفر القريب ...

[مايكل اندريه85]

الف الف مبروك للاخ العزيز المهاجر وبالتوفيق ويوم لموعد السفر في القريب العاجل  .....

[ام بكر]

الصراحه  طفرت روحنا والله هو العالم بالحال .. اني هسه لو يكولولي سافري حتى جنطه ما اشيل اجي بطرك روحي

[حسون941]

الف مبرووووك للأخوان المهاجر وعمر خطاب ونتمنى لهم كل التوفيق والسفر القريب لهم وللجميع انشاء الله

[عمر خطاب]

اشكرك اخي الغالي يدكو
واتمنالك كل الخير بحياتك وربي يوفقك دائما وابدا



اخوك ابو خطاب

[عمر خطاب]

الاخ المحترم حسون 941
اشكرك جزيل الشكر واتمنالك الخير والموفقية الك و للجميع



اخوك ابو خطاب

[المهــــاجــر]

مرحبا اخوان شلونكم انشاء الله بالف خير ومعنوياتكم زينة يارب .. شنو القصة اشو صفحتنا رايحـة  بعيـــــــــــد ..ليش محد عندا اخبار جديدة؟؟؟
اخر اخبار اعادة السفير ...ومثل ما كلت وتوقعت انو راح يخابرون جماعة السفير الشهر الثامن 2010 للوفد القادم فــعــلاً البارحــة خابروا جماعة من اللي مسووين مقابلة الوفد لأعادة المقابلة مرة اخرى وانطوهــم  مواعيــد قسم 12/5 وقسم 12/8 هذولا جماعة اعرفهم شخصيــاً ..ونتمنالهم  الموفقيــة بالمقابلة مالتهم وانشاءلله تكون بسيطة وســهلة والله يوفقهم جميعــاً...

الخبر الثاني  قسم من جماعتنا اللي مسوين اعادة السفير انطوهم اعادة فحوصات وسووها وهسا بأنتضار موعد السفر ..انشاءالله قريبة يارب..

شكرا  لـ  ماركوس القيصــر
وخولــة
وام بكر ...وحســـون .. وتمنياتي لكم ولجميــع القراء بالســــفر القـريـــــــب يــــــــــارب..

[ام بكر]

الله كريم يارب افرجها علينا وسهل امرنا .. مشكور خويه المهاجر عالاخبار الحلوه

[عمر خطاب]

الله يبشرك بالخير اخي المهاجر
والله يسهل امرك وامر الجميع وامرنه
بالقريب العاجل
امييييييييييييييييييييييييييييييييييين يارب العالمين

[Ashurram]

مرحبا اخواني واخواتي شلونكم

تأكيدا لكلام اخي المهاجر اليوم خابرو جارنه لاعادة مقابلة الوفد وهم طبعا من جماعة اب 2010.

بس عندي سؤال،  اكو مقابلات جديدة وية الوفد لو المقابلات كلها اعادة؟




سلامي للجميع

[شالان العراقي]

والله يا اخوان هذولا ديضحكون علينا شنو يكملون مقابلات و فحوصات وتلفزيون وبعدين يسوولهم اعادة سفير ويقبلوهم ووووو شنو هل خرابيط زين ليش بتركيا ماكو هل افلام الهندية والكلاوات ليش بس بلبنان ؟؟؟؟؟
يعني حتى الي يخلص كلشي تضل خوفة بكلبة وممرتاح اووووووف اووووووف كل هاي البهدله والعذاب ونوصل لامريكا نبدي نتعذب من جديد ونبلش من الصفر ادري شوكت راح نعبره هل صفر ماعرف

[Illusionist]

السلام عليكم

ما كو طيارات  تطلع من لبنان؟؟؟؟
كل اللي اسمعه هو من الأردن و تركيا و مصر،

باقيلي شهر و تصير الموافقة إكسباير، انا قابلت ب 19 كانون الثاني 2011، يبدو أنني سأنتظر مقابلة لإعادة المحلف قريباً ههههههههه

الله يستر و يسهل أمورنا

تحياتي للجميع

[ام نورااااا]

السلام عليكم
ابني السنه الماضيه قدم لليو ان بلبنان وانطوه موعد مقابله
بس لظروف قاهره رجع للعراق
يكدر يرجع هسه يقدم من جديد وشكد المده اللي هسه دينطوها بلبنان
الله يفتحها بوجهكم وتسافرون وترتاحون
ارجو اجابتي اذا امكن
تحياتي

[المبشر]

سلام

ياريت تعطوني معلومات حول اسعار الايجارات للشقق في لبنان . . وهل السفر منها عن طريق الكفالة سهل . .

شكراً

[المهــــاجــر]

مرحبا اخوان يسرني ان انشر هذا الخبر الحلو حتى نرفع شويا من معنوياتكم هههههههه         
البارحـة خابروا قسم من العراقيين من السفارة العراقية لأستلام منحة وزارة الهجرة والمهجرين البالغة { 400 دولار}  وانا رحت وياهم كلت بلكت الله يرتبها وينطوني حتى لو ما مخابريني .بالبداية كالوا بس اللي خابرناهم يستلمون واذا ما مخابرينهم اذا اسمائهم موجوة بالقوائم راح ننطيه ..انتظرت كثير ولحد ما اجا دوري بالسرة وطبيت الحمدلله دك اسمي بالحاسبة اسمي طلع استلمت الـ {400 دولار} ...         
والمامسجل بالسفارة قبل 5 او 6 اشهر بالظبط بشهر رمضان  سجلوا اسمائهم وتلفوناتهم وعلى اساس  يوم الخميس يخابروهم ..

والعنوان هــو    الضاحية الجنوبية/ اوستراد  ســيد هادي / مطعم الهادي
واتمنى الكل يستلم ...  ملاحظـة :   علماً ان فترة الأستلام والتسجيل هي خمســة ايـــام ..اخر يوم الخميس..

[ام بكر]

مشكور خويه المهاجر عالخبر ... بس احنا محد خابر علينا
خل نشوف شنو القصه

[علي ياسين]

تسلم وتعيش اخوي مهاجر فعلان اني اليوم رحت والله سهلها وستلمت

اختي خولة حتى اذا ما امسجلة روحي وانشاء الله خير اني هم جنت ممسجل والحمد الله استلمت

[كلي امل]

مساء الخير اخواني بلبنان ، شونج اختي خوله اريد اسألكم اذا تعرفون اكو اصدار جوازات من السفاره العراقيه بلبنان لولا عفيه اذا سمعتو احد مقدم او مفتوح التقديم ياريت تجاوبوني لان بسوريا بعدهة عاطله وسمعت بلبنان اكو تقديم وشكرا مقدما

[شالان العراقي]

والله اليوم راحو جماعة وصارت مشاكل وعراك وتكسير جامات واجوي الدرك وكالو راح نغير المكان ونبلغكم يمكن راح تنعلس الفلوس

[علي ياسين]

الاخت خولة وجميع الاخوة التسجيل بعده مفترح بسفارة والتسجيل سهل جدا وبسرعة والمفروض الاستلام بسرعة يعني خلال يومين

[ايه احمد]

الى الاخوه الموجودين في لبنان .... ارجو ان تساعدوني  بالرد على سوالي وهو اني الان مقيمه في سوريا واريد اجي لبنان اشلون اجي ومنين احصل فيزا لدخولي لبنان واي منطقه بلبنان بيها عراقيين هوايا وتكون رخيصه ارجو من المقيمين بلبنان مساعدتي ولهم الاجر والثواب

[علي ياسين]

اخي العزيز الدخول لازم يكون من المطار ولازم يكون عندك حجز فندق وبطاقة عودة والفين دولار لك شخص وبما ان ماكو طيارة من سوريا الى لبنان فلازم تروح للاردن ومناك للبنان وهذا حصل مع صاحبي في السنة الماضية
اما بخصوص السكن فمعلوماتي قليلة واتمنى من الاخوى مساعدتك او ارجع الى الصفحات السابقة من الموظوع وستجد الكثير عن الحياة في لبنان بشكل عام

[كلي امل]

الف شكر حبيبتي خوله باجر اخابرهم

[المهــــاجــر]

الف عافية على اللي استلم المبلغ   لأن سمعت من جيرانا انه صارت هوسه وتعاركوا الجماعة مع اللجنة الموزعة ووزعوا نص ساعة بس كم واحد وراحوا
انهزموا !! ربما باجر راح يشوفون غير مكان أئمن من المطعم اللي كالوا ضاج حيل صاحبو ..
خولة   ... اللي سجلوا اسمائهم على اساس يأخذون الموافقة عليهم من العراق بصرفهم المنحة ويخابروهم اخر يوم  على اساس الخميس يستلمون ..وانتو ليش ما مسجلين ؟؟من شهر رمضان احنا مسجلين على اساس هي اكرامية العيد  بس هسا يلا وصلت !! خافوا لا نصرفها بذك الوكت ههههههه فأخروها لحد الآن ..
كثير من الجماعة اليوم راحوا وما حصلو شي بعد الهوسة ..المشكلة جماعتنا هم ما يلتزمون بالنظام وكلمن يريد لنفسا ومالا علاقة بغيرا ما يكوفون بالسرة اكيد تصير مشاكل .ياجماعة البارحة اول يوم وقليل موجودين بس هم كوة التزمو بالسرة كلمن يجي ويطب وهو ستوا جاي واحنا رايحين من ساعة 8 الصبح ..
الأخ علي ياسين ..الف مبروووووك على الأستلام انشاءالله يوم النستلم فيـــــــــــــز الســـــفر ...هههههاي 

[samieraliraqi]

السلام عليكم اخوان و اخوات العراقيين
انشاء الله الكل بخير
والله المعنويات زفت و الحمد لله اريد اسأل سؤال اكو احد طولت الفترة بين فحص الدم والتلفزيون 6 شهور ؟؟؟؟؟ اكو احد من جماعة وفد شهر الرابع 2011 وليحد هسة ما مسوي تلفزيون لو بس حظي الكاعد ؟؟؟ شباب الي عندة معلومة يرفع بيهه معنوياتي الصكط ليبخل علية
اخوكم
سمير العراقي

[كلي امل]

حبيبتي خولة خابرتهة لسفاره طبعاوره مخلصولي 3كارتات جاوبو والحمدلله اكو تقديم جوازات بلبنان وحاليا دادور على طريقة الفيزا الى لبنان الف الف شكر اختي

[كلي امل]

اختي ايه احمد اني سألت على طريقه لدخول لبنان من سوريا ولكيت شركات النقليات تودي سفرات سياحيه الى لبنان والسعر 160دولار للشخص الواحد من ضمنهاالاقامة لمده 3ايام في فندق والطعام والشراب والفيزا وكروه الطريق ذهاب وعوده يعني انتي معليج بكلشي بس تدفعين 160 اني انشالله حروح الاحد اقدم علجواز وارجع انشاءلله ماكو عطل الاحد والثنين بلبنان ويروح تعبي بلاش - واسفه دوختكم اليوم اخواني بلبنان

[Ashurram]

اختي ايه احمد اني سألت على طريقه لدخول لبنان من سوريا ولكيت شركات النقليات تودي سفرات سياحيه الى لبنان والسعر 160دولار للشخص الواحد من ضمنهاالاقامة لمده 3ايام في فندق والطعام والشراب والفيزا وكروه الطريق ذهاب وعوده يعني انتي معليج بكلشي بس تدفعين 160 اني انشالله حروح الاحد اقدم علجواز وارجع انشاءلله ماكو عطل الاحد والثنين بلبنان ويروح تعبي بلاش - واسفه دوختكم اليوم اخواني بلبنان

 ولو ما اعرف شنو موضوعك لكن حبيت انبهك انه بلبنان عطلة نهاية الاسبوع هي يوم الاحد وليس الجمعة

[كلي امل]

والله عاجزه عن شكركم اخواني اشورم وخوله لان نبهتوني علاحد يعني الاثنين دوام غير والثلاثاء عطله واحد محرم صحيح هيج الترتيب يعني الثنين عندي مجال

[jack black]

   الاخوه والاخوات في لبنان الله يسهل اموركم 

[Ashurram]

مرحبا شباب
اليوم بعد مراجعتي للسفارة العراقية في بيروت زال كل شك كان عندي بقراري لترك العراق! واليوم اني ما عندي ادنى شك انه قرارنا كان صحيح 100% لما قررنا نترك  العراق.

يعني شي عجيب والله شنو هذا التخلف، العالم وين وصل واحنا موضفينا بعدهم بنفس الروتين والبيروقراطية التافهة الى اقصى الحدود وبعدهم يمشون المعاملات بنفس الاسلوب مال قبل 30 سنة!!

طبعا وصلت هناك ساعة 8:30 الصبح وشفت تجمع هائل للناس وبعد السؤال عن كيف سير الاجرائات كالولي روح شوف اسمك طالع بالقائمة لو لا (اذا طالع جيب التسلسل مالتك وتعال واذا ماكو لازم تسجل اسمك) وطبعا القائمة حاطيها بمكان بعيـــــــــــــــــد عن مكان التوزيع وطبعا ما لقيت اسمي هناك ف رحت وقفت بالسرة حتى اسجل اسمي (وما احجيلكم هذا السرة بي هواي تفرعات وخطوط كل واحد يكول احنا السرة الاصلي من عدا الي يظربون السرة والموظف الكريم الي يسجل اسماء كل شوية يزعل ويوقف التسجيل) وبعد عناء سجلت اسمي ورجعت لمكان التوزيع وكان التوزيع متوقف (محد يعرف ليش) وبعد انتظار ساعة بدون جدوى رجعت للبيت ورحت لشغلي.
 وبعدين عرفت انه التوزيع بدأ ساعة 2 الظهر واكو ناس (من بينهم جاري) كان هناك من ساعة 8 الصبح الى ساعة 7 بالمساء حتى استلم.

والله ما اعرف شنو هاي العقلية الي مو راضيه تتطور وتتغير وشنو هاي الاستهانة بكرامة الناس... ما عندي شي اكولة غير بس الله لايجبرني فد يوم وارجع للعراق الي يريد يزعل مني على هاي الحجاية خل يزعل. 

[ام بكر]

خويه Ashurram لعد احنا شجابرنا نتحمل هالبهذله والغربه وعدم الاستقرار  غير الوضع التعيس بالعراق ؟؟ وهاي شوفت عينك ابسط شي السفاره على اساس بعثه دبلوماسيه وشوف تعاملهم وي العالم عبالك كاعدين بدائرة التقاعد ... بالله بضميركم  شايفين واحد يوزع منح من الحكومه لشعبه وهو كاعد بمطعم ؟؟؟ هاي وين صايره
صدك اتمنى  الله سبحانه وتعالى ميجبرنا نرجع للعراق

[** يدكو **]

ان شاء الله يجي يوم وتستقرون وتخلصون من هاي البهدله الي بلبنان لان اني تذوقت مرارتها

[حبيب الحزين]

اخوان الي يريد  مساعدهعن اي ما يتعلق ب امريكا اني حاضر لين اني هم جنت بلبنان وجنت اقرا مواضيعكم
واني كلش استفاديت منها وشكرا اخوكم حبيب الحزين

[حبيب الحزين]

اخوان طلع اسمي 400 دولار بس المشكله اني ب امريكا شلون ههههههههههههه

[فائز القرقوشي]

مرحبا اخوان خوات انا البارحة وصلت للسفارة الموقرة ساعة 11 الصبح وكانت السفارة كانه اكو مهرجان ناس تفوت وناس تطلع هوسة فد مرة ومسبات وعركات المهم جاهدنا في سبيل نحصل المبلغ المقرر الي ممسجلين اسمائهم والمهم اتبهدلنا كثير بالبرد وانا استلمت 200 دولار بعد معانات . وكانت الساعة 11 ليلا . وكان اكو وراي اكثر من 100 شخص بعد وصلت للبيت ساعة 12 بالليل ..
 وثانيا يوم 9 / 12 / 2011 عندي موعد اضافة طفل .

[Ashurram]

واني هم كنت بالسفارة البارحة والوضع كان مزري جدا والله الكلام ما يوصفه

بدأ التوزيع ساعه 3:30!! بعد ما كانت اعداد الناس تتكدس من ساعة 7 صباحا  وانتو اتخيلو الهوسة والغضب الي كان بالناس وحدثت مشادات كلامية كثيرة بين حرس السفارة والناس المتجمعين ممى ادى الى استدعاء قوة دعم عسكرية اعتدت على العراقيين بالضرب اكثر من مرة.

عانينا من البرد والتدافع والجوع حيث انا كنت هناك من ساعة 10 صباحا ولم اكل اي شي وسبب هذا كله هو حقارة ودنائة واستهتار اللجنة الي كانت توزع المساعدات لان كان حاطين شخص واحد نعم شخص واحد فقـــــط يمشي هذولة الناس كلهم الي كانت اعدادهم تقارب 500 شخص وسير الطابور كان بطيء جدا جدا جدا.

المهم اني دخلت بالطابور الي كان داخل السفارة ساعة 6:30 مساءا و بعد مرور ساعتين اي ساعة 8:30 مساءا نظرت الى الوراء (صدق او لا تصدق) شفت اني ما تحركت 2 متر الى الامام (الي ما يعرف بالامتار 2 متر هي اقل من عرض اي غرفة عادية) وكان بعد امامي اكثر من 150 شخص وكانت المنحة قد تقلصت الى 200$  وبسبب التعب الشديد والجوع والبرد طلعت من السرة ساعة 9 ليلا ورجعت للبيت وصلت ساعة 10:30.
صدقوني الكلام يعجز عن وصف شعوري تجاه الي صار وتجاه اللجنة لكن هذوله عينه طبق الاصل عن باقي المسؤولين بالعراق... الله يكون بعون الشعب العراقي

[Ashurram]

اهديلكم هاي الاغنية للمبدع حسام الرسام، تتكلم عن حالنا ووضعنا

http://www.youtube.com/watch?feature=player_embedded&v=m83ijSkVLGE

[ام بكر]

مرحبا اخواني وخواتي شلونكم
اكو عضوه عالعام كاتبه موضوع يهم اخواننا اللاجئين بسوريا اسمها برنسيسه قريت الموضوع شفتها حاطه عنوان لمسؤوله امريكيه  مختصه بموضوع الهجره والبنيه كالت خل نراسلها ونتحرك عليها بلكي يسوون جاره لملفاتنا النايمه والايميل هو Barbara.Strack@dhs.gov
واكو عنوان عالفيس بوك هم يخص البيت الابيض http://www.facebook.com/homelandsecurity كاتبه اخونا المتفائل  ليش منراسله بلكي يحسون بينا شويه
هي محاوله وخل نسويها مثل اخواننا اللي بسوريا والله كريم
تحياتي للجميع

[علي ياسين]

اتمنى ان يكون الجميع بخير

اشو سكتة....شنو اخبار السفر والمقابلات ...ماكو خبار شوية ترفع معنوياتنا

[المهــــاجــر]

مرحبا اخوان شلونكم؟؟
شنو تفسيركم على الأجراء الجديد للأمم واللي لغوا بيه اعادة السفير لجماعة الشهر الثامن من سنة 2010 ..
هل هو شي طبيعي ؟؟لو انو مثلاً يكولون هاي المقابلات ما بيها داعي وروتينية وانو براس السنة كلنا ماشين انشاءالله وخاصة اللي مخلص كلشي من زمان  واقصد على المفاجأة السارة للعراقيين اللي دنسمعها هاي الأيام وبكثرة منتشرة بين العراقيين ..
انا هذا رأي .. ونريد نسمع ارائكم بهذا الموضوع .اكيد كلمن عندا رأي بهالموضوع..
تحياتي للجميع بالسفر القريب.....
مساء الخيــر اخـــوان
اليوم عندي مشاركة شعرية عن وضعنا التعبان بالأمم وعن هذا ابو الشعر الطويـــل اللي دمرنــــــا ..اتمنى ان تعجبــكــــــم...

الــى مـتــــى؟؟؟؟؟
                       
الى متـى ياعراقيون تبـقــون تنـتـضــرون المــقـــابــــلات ؟؟
                             والى متــى تبقــون في دول العالـم متـفــرقـــون؟؟
الى متـــى ننــــتــــهـــي مـــن المـــقــابــلات؟والأمنيـــات؟؟
                             والــى متـــــى نــبـــــقـــــى هــنــــا متــعبــــون؟؟
الى متى ننتهي مــن ابو الشعـر الطويل وابو الترجيــــات؟؟
                           والى متى ننتهي من المغثة والقهر ونبقى هنا معذبون؟؟
أيـــن أصبــحــــت ضــمـــائـــــر الأمــم والحـــــكــومـات؟؟
                             والعــراقيـــون في دول الجــــوار ينتـظـــــرون؟؟
أيـــن أصبــحــــت أنســـــــانيـــــــة المـــنــظـــمـــــات؟؟
                             ليس لنـــا ســـوى الرب وعليـه نبقــى متوكــلون
يــــا رب أنت مــن يــــزيــــــل كـــل الصـعـــوبـــــات
                            وكـــلـنــــــا بــــذلــــــك مــــــؤمــنـــــــــــــــون
كــم مــن الوقــت ننـتضــر ونـصبـــر من الســـنــوات؟؟
                            لكي يلتم شملنــا ونجتـمـــع ولـكـــن؟؟؟ متــغــربــون
نحن كنا أصل البلــد في بلـدنـــا ايها العراقيون والعراقيات
                            والآن نحـــــن فــــي بلد الأغـــراب  مهجرون مشتتون 
                              أخوكــــم  المــهــــاجـــر                     

[** يدكو **]

عاشت اناملك اخوي المهاجر ان شاء الله باقرب فتره تسافر انت وكل الاخوه الاعزاء في لبنان وتخلصون من البهدله الي انتو بيها بلبنان

تحياتي

[علي ياسين]

عاشة ايدك اخوية مهاجر

[حبيب الحزين]

اخوان اشو مسويها سكته ماكو مواعيد سفر لو انتو مليتو من هاي المواضيع لان اني اهلي بلبنان علما احنه اجينه سويه اني سافرت وهمه بعدهم شنو الفلم ماعرف

[علي ياسين]

شلونكم حلوين

ليش ماكو احد

اتركو السفر ...اقلها احجونا اشلونكم على هذا البرد هههههههههههههههههههه

[المهــــاجــر]

صباح الخير اخوان
هههههههههههه ماكو شي بس حبيت اسلم عليكم
واخلي صفحتنا بالواجهة شفتها تايهة ما ادري وين؟؟
تحياتي للجميــع

[علي ياسين]

الله يسلمك حبيبي مهاجر
فعلا ماكو احد من الاخوى لان هذي الفترة ماكو شي

[فائز القرقوشي]

هاي للكل اشو سكته ماك اخبار جديدة لازم .. المهم انا جان عندي اضافة طفل على ملفي  قبل كم يوم  والحمدلله ما طولنا ربع ساعة وخلصنا وعملولنا اوراق جديدة مال يو ان هاي الي بها صور . وسالتهم شنو المطلوب مني للسفارة العراقية بيروت كالو تعمل اورقه او ما تعمل ما تاثر على ملفكم . وانا هم مرايح للسفارة .    اتمنىالموفقية للجميع

[** يدكو **]

هاي للكل اشو سكته ماك اخبار جديدة لازم .. المهم انا جان عندي اضافة طفل على ملفي  قبل كم يوم  والحمدلله ما طولنا ربع ساعة وخلصنا وعملولنا اوراق جديدة مال يو ان هاي الي بها صور . وسالتهم شنو المطلوب مني للسفارة العراقية بيروت كالو تعمل اورقه او ما تعمل ما تاثر على ملفكم . وانا هم مرايح للسفارة .    اتمنىالموفقية للجميع

اخي على الاقل روح سويله بيان ولاده عراقي علمود تكدر طلعله جنسيه بالمستقبل لمن توصل ان شاء الله الى الدوله الي رايحلها لا تسويها مثلي
سلامي

[Abo doraied]

شلونها لبنان شباب راح اجي استقر بيها ولو ضربتني المنظمه بوري وكالو ماكو IOM حتى اذا ماكو شسوي لازم اجي

[المهــــاجــر]

صباح الخير اخوان... شنو القصة اشو صفحتنا رايحة ما ادري وين؟؟ شنو محد ما سامع بالمواعيد الجديدة لو احنا المشتركين بمنتدى عنكاوا ما يشملنا السفر ؟؟الأمم تريد تنتقم منا لأن نحجي الحقيقة ..والحقيقة مرة محد يتقبلها..
اخبار حلوة اليوم بخصوص مواعيد السفر الى اميركا ..عرفتُ من جماعة اعرفهم شخصياً ان مواعيد كثيرة الى اميركا يومي 16 و31 \1\2012
ناس قالوا 30 واحد وناس قالوا 50 واحد وناس قالوا 100 واحد  ..المهم ان المواعيد قد اعطيت بغض النظر عن العدد.. والأكثرية اللي انطوهم مواعيد هم من جماعة السفير السابع والتاسع حسب ما سمعت..
والغريب ان ولا واحد ما نشر الموضوع بالهجرة واللاجئين !!!! هل يا ترى يخافون لا نصيبهم بعين ؟؟؟؟؟!!!!! لو من كثر ما فرحانين نسوا عنكاوا؟؟؟
ايامكم سعيدة وينعاد عليكم بالخير والبركة يارب ..وانشاءلله سنة 2012 سنة المواعيد والسفر والأستقرار للجميع...
وتمنياتي للجميع بالســــــفر القريـــب..

[علي ياسين]

حبيبي مهاجر كل عام وانت بخير وكل العراقين بالف خير وتحقيق الاماني

اشكرك على نشر هذا الخبر واكدلك اني ما سامع اى شي غير هسة منك
ونشاء الله التوفيق للجميع

[علي ياسين]

شنو اخباركم حلوين ليش ماكو احد

[Illusionist]

مشكور الأخ المهاجر على نقل مثل هذه الأخبار الحلوة لرفع المعنويات.
والله ملينا من الانتظار، انشاء الله يوم اللي نسافر و نخلص من لبنان

سؤال للاخوة، من عنده فكرة عن مدة صلاحية الموافقة المبدئية من المحلف؟ هل هي سنة؟ أو لا مدة لها؟؟ لأنني اتصلت بالـ ICMC ورد علي الاخ وسام
(أبو شعر طويل) وقال لي ان موافقة المحلف لا صلاحية لها

بعد 20 يوم و يكون صارلي سنة منذ مقابلة المحلف والموافقة المبدئية..

على كل حال كل عام و انتم بخير و انشاء الله السنة الجديدة نكون في بلد جديد، وطن جديد، لنبدء حياة جديدة

[حبيب الحزين]

اخوان اني ب امريكا وسمعت راح يجي عددكبير من الاجئين من لبنان واكو مواعيد سفر منطين والله يسمع من حلكي امين وكل عام وشعبنا بالف الف خير

[علي ياسين]

حبيبي حبيب حجيك صحيح البارحة اكو ناس استلموا نتيجة نهائية وكان عددهم سبعة الشخاص من وفد شهر السابع ونشاء الله لجميع

[علي ياسين]

كل عام وانتم بالف خير
يا ربي تحقيق الاماني للجميع والسفر السريع

[ام بكر]

كل عام والجميع بالف خير انشالله سنه سعيده على كل اخواني وخواتي هنا بلبنان
اخويه  على  الجماعه اللي اخذو الموافقات النهائيه من وفد السابع تقصد 2011 ؟؟ يعني بهالسنه ؟ ياريت اتجاوبني جزاك الله خير

[علي ياسين]

اي اختي وفد السابع 2011

[علي ياسين]

اللهم أنى أستودعتك العراق  . رجاله و شبابه .نساءه و فتياته .. أطفاله و شيوخه .. اللهم أنى أستودعتك ممتلكاته و مبانيه و منشآته . اللهم أنى أستودعتك فراته ودجلته و اراضيه و خيراته .. اللهم أنى أستودعتك أمنه و أمانه و أرزاق اهله . اللهم أنى أستودعتك حدوده و جنوده .. فأحفظهم بحفظك يا من لا تضيع عنده الودائع و أنت خير الحافظين .. اللهم احفظ احبابي وأهلي وأصحابي وجيراني اللهم امين يااااااااارب

[علي ياسين]

اختي العزيزة المهم هو الموافقة الامنية ام الدورة التثقيفية ممكن تاخذيها بعد وصولج الى امريكا وهواية ناس اخذوها هناك في امريكا والفحص الطبي بعمان ينطو بعد الموافقة الامنية
اختي المهم هي الموافقة الامنية والباقي كلها سهل اني من وفد شهر الرابع ومكمل كلشي وصار ثمانية اشهر انتظر واكو شخص انطو لا قرار نتيجة الوفد وسافر قبل شهرين بسلامة
اني اشوف لو تراجعيهم وبملحة احسن لولا ما اعتقد هما ينسون احد

[** يدكو **]

مثل ماكال الاخ علي ياسين اهمشي هو الموافقه النهائيه الي تاتي بعد الاجراءات الاداريه ..
علما اني سمعت اخبار هنانا بكاليفورنيا اكو مواعيد سفر مو قليله من لبنان وتبدأ من 31/1 ولمده شهريين حسب ماسمعت من ناس عدهم اقرباء راح يجو بنفس التاريخ الي ذكرتو وبمعدل طائره لكل 5 ايام ان شاء الله ربي يسر امرك وينطوكم مواعيد للسفر بالقريب العاجل
ان شاء الله

اخوكم
يدكو ... سان دييغو

[ام بكر]

مشكورين اخواني  على ويدكو  جزاكم الله خير

[علي ياسين]

الله يسمع منك حبيبي يدكو
ومشكور على هذي الاخبار الحلوة

[حسون941]

كل عام وانتم بألف ألف خير يارب احفظ العراق والعراقيين بكل مكان وسنة سعيدة ومباركة يسودها المحبه والسلام و الامان والاستقرار آمين يا رب

[حبيب الحزين]

اهلا بجميع الاعضاء مو انطو مواعيد سفر اشو مبين ما فرحانين خلي معنوياتكم عاليه وان شاء الله كلكم تسافرون   اخوكم حبيب الحزين  من ديترويت ميشغان

[علي ياسين]

يا هلا بيك اخوية حبيب واشكر مشاعرك الطيبة

[المهــــاجــر]

تحية للجميــــــــــــــــــــــــــــع
اعطاء مواعيد مقابلة سفير يوم  18\1

[علي ياسين]

تسلم حبيبي مهاجر والله يبشرك بلخير

[samieraliraqi]

مرحبا" كيف الشباب ؟ اعذروني لانه صارلي فترة ما مشارك بلمنتدى لانه ملتهي بلشغل. بلنسبة للتطورات الجديدة انطو بشهر الواحد و الثاني مواعيد سفر ل 33 شاب اعزب اعرف منهم 2 معرفة شخصية واحد نطوه 7/2/2012 والثاني ب 11/1/2012 فيا شباب ادعو من العزيز القدير ان يسهل علينة و انشاء الله يتقبل منكم و منة وخصوصا بهاي الايام الي نعيش بيهه حدثين مهمين ولادة المسيح ع وذكرى اربعينية الامام الحسين ع وانشاء الله مقبول الدعاء بهاي الايام ونكول انشاء الله تفرج على كل العراقيين
اخوكم سمير العراقي

[علي ياسين]

تسلم حبيبي سمير على هذي الاخبار الحلوة

حبيبي انت متأكد الكل عزاب

واذا امكن تعرفنا من اى اوفد يعني شوكت قابلوا الوفد الامريكي

[samieraliraqi]

اي حبيبي متأكد وهذا الولد الي  اعرفة هوة من وفد شهر الرابع 2011 نفس الوفد مالتي

[علي ياسين]

تسلم حبيبي
يعني اني وياك من نفس الوفد ....زين شنو اخبار العوائل لان وفد الرابع ماسفروا بس عزاب ليش ما اعرف

[alikhalil]

اخوان اريد القدوم الى لبنان ما اعرف شنو لالوضاع اهناك بلتسبة للمعيشة والاجار والمفوضية        رجا

[علي ياسين]

حبيبي علاوي اذا ترجع للصفحات السابقة اكو شارح لكلشي رغم اني ما انصح احد بلبنان اكو بس يو ان وحيل اطول اني اخوك صالي سنتين ونص

وتدلل حبيبي

[samieraliraqi]

تسلم حبيبي
يعني اني وياك من نفس الوفد ....زين شنو اخبار العوائل لان وفد الرابع ماسفروا بس عزاب ليش ما اعرف

ولله خوية علي صدك ما اعرف بخصوص العوائل اني ليهسة دا انتظر تلفزيون من ورة ما خلصت الفحص الطبي بشهر السادس و ليهسة هاي منتظر الفرج و الله كريم

[علي ياسين]

حبيبي سمير حالتي نفس حالتك ...اني هم كملت دورة بسادس وبسابع خابروني على الموافقة الامنية الاولى ولحد الان ماكو شي ...وما بقى عدنا بس الدعاء

[ابو فله]

السلام  عليكم اخواني واخواتي الاعزاء
اسف اخواني عالانقطاع
اليوم صارلي مجال و (وهس) اكعد عالنت بعد ما جانت الشبكه مالتي متوسطه لان ممشترك
فبديت اقرا مواضيعكم من بعد السفر مالتي
فاريد ابشركم ابفد شي (يعني تره احنه وين منروح متبهذلين ) اهنا هم معاناه  (اولا اتدور شقه ومن تشوفها يردون كفيل لايقل راتبه عن 
2000$  ومن تتوفق بالشقه بعد جهد جهيد تدور ورا الاثاث وتكمل المعاملات الي متخلص ابدا وبعدين ترجع لنفس القضيه الفساد الاداري طبعا لجماعتنه العراقيين ها مو الامريكان ومع احتراماتي ذيل الجلب ميتعدل ابدا وتضل تراوح ابمكانك وكاعد بالبيت وتبلش معاناه الشغل ودور و دور وطبعا الكفيل ميكدر يتفرغلك لان هم عنده عائله ومشاغل واهم شي البانزين غالي ههههههه . اني مدا اريد اكسر وهسكم لاكن هاي معاناه العراقي وبن ميروح فيا اخواني من يجيلكم موعد السفر لتفرحون اكثر من يومين لان راح مو تبلش من الصفر لاكن من -50
وانشالله تخلص معاناه لبنان وتبلشون حياتكم الطبيعيه في البلد الجديد

[** يدكو **]

السلام  عليكم اخواني واخواتي الاعزاء
اسف اخواني عالانقطاع
اليوم صارلي مجال و (وهس) اكعد عالنت بعد ما جانت الشبكه مالتي متوسطه لان ممشترك
فبديت اقرا مواضيعكم من بعد السفر مالتي
فاريد ابشركم ابفد شي (يعني تره احنه وين منروح متبهذلين ) اهنا هم معاناه  (اولا اتدور شقه ومن تشوفها يردون كفيل لايقل راتبه عن  
2000$  ومن تتوفق بالشقه بعد جهد جهيد تدور ورا الاثاث وتكمل المعاملات الي متخلص ابدا وبعدين ترجع لنفس القضيه الفساد الاداري طبعا لجماعتنه العراقيين ها مو الامريكان ومع احتراماتي ذيل الجلب ميتعدل ابدا وتضل تراوح ابمكانك وكاعد بالبيت وتبلش معاناه الشغل ودور و دور وطبعا الكفيل ميكدر يتفرغلك لان هم عنده عائله ومشاغل واهم شي البانزين غالي ههههههه . اني مدا اريد اكسر وهسكم لاكن هاي معاناه العراقي وبن ميروح فيا اخواني من يجيلكم موعد السفر لتفرحون اكثر من يومين لان راح مو تبلش من الصفر لاكن من -50
وانشالله تخلص معاناه لبنان وتبلشون حياتكم الطبيعيه في البلد الجديد

صحيح اخي ابو فله المعناه تبدأ بالبدايه فقط وتبدأ بالتلاشي بمرور الزمن بعد ماتحصل سياره وتقدم على اجازه سوق وتشوف شغل الهموم تقل وعلى كل الاحوال الاخوه من يجو على امريكا راح يشوفوها  مليون مره احسن من لبنان على الاقل الواحد يستقر ويحصل اقامه الى اخره من الامور ..

سلامي لك اخي ابو فله وبالبدايه كلنا حسينا بهذا الشي ولكن بالصبر والمثابره تتلاشى من امامك
يدكو .. سان دييغو ...

[علي ياسين]

شنو اخباركم يا لاجئين لبنان الطيبين

اشو صنطة ماكو اخبار جديدة؟؟؟؟؟

[فائز القرقوشي]

مرحبا خوان شونكم البارحة خابروني م اليو ان و كالولي موعد مقابلة اي سي ام سي يوم 18 بهذا الشهر  مع العلم صارلي بلبنان سنة وشهرين والله كريم الي يريد شيء لازم يصبر ودنصبر ونشوف وين نوصل

[فائز القرقوشي]

مرحبا يبين مضل عدكم وهس للكتابة والله حقكم الكل ديصبر ما عدنا غير الله وكل واحد مشغول باوضاعه  الله كريم

[علي ياسين]

اي واللة اخوي فائز الكل دايخة وملينا من الصبر  والله كريم

حبيبي اهم شي اتكون اقوالك مطابقة 100% لمقابلة التوطين وبعد المقابلة انشاء الله وعودتك الى البت اكتب كل ما دار في المقابلة بتفصيل حتى ترجع الها بقابلة الوفد انشاء الله ....حبيبي هذي مرحلة مهمة اتوكل على الله

[علي ياسين]

شلونكم اخوان

اليوم سمعت من احد الاشخاص الذين كانوا معي في مقابلة الوفد ان بطرك احد الكنائس في لبنان ذهب الى اليو ان ولتقى بسيد وسام icmc

وقال له وسام : يوجد بحدود سبعين ملف جاهز للسفر وسوف نتصل بهم قريبا.... وان خلال الشهر الثالث سيتم تسفير كل من تجاوز السنتين في لبنان

اخوان ياربي يكون هذا الحجي صحيح وحتمال مبالغ بي وحتمال ماكو هيجي حجي اطلاقا بس هذا السمعته ....وكلت بلكي شوية يرفع معنوياتنا

احسن من الماكو

[المهــــاجــر]

مساء الخير اخوان
ياريت يكون هذا الحجي صحيح والله يفرجها علينا 
اخ علي ياسين بخصوص موعد السفر للعائلة ظهر انها من السفير العاشر 2010 حيث ان الابن قد سافر بوقتها اما الام فانتهت امنياتها واعطوها موعد السفر 7/ 2

[Illusionist]

السلام عليكم


ولله ملينا أنا صارلي مقابل من 19 كانون الثاني 2010 إلى حد الآن لا شيء ولله شي غريب
بحجة الأمنية ما زلنا في لبنان طلعت روحنا ولله

ان شاء الله هل 70 ملف يكون اسماؤنا من ضمنها آميييين يا رب

[علي ياسين]

اي والله اخوي روحنا بزعت وبعد ما ظل عدنا صبر ....اقسملك بالله اليوم يمر علي بسنة

بس ما عدنا غير ندعي ونكول يالله

[** يدكو **]

اخوان اكو اخبار مفرحه قبل كم يوم كنت بمنظمه irc وشفت هوايا عوائل لاجئيين جايين من لبنان وسوريا وتركيا وكان كلش زخم وكانو يستلمون فلوس الويل كام وسالتهم وكالو السفر اكو ومواعيد موجوده ان شاء الله يجي دوركم باقرب وقت

تحياتي لكم

يدكو

[Ashurram]

هاي الفيزة صارت قصة عنتر... بس دا نسمع بيها والله يعلم امتى نشوفها

[علي ياسين]

تسلم وتعيش حبيبي يدكو والله يسمع منك

[Ashurram]

هاي الفيزة صارت قصة عنتر... بس دا نسمع بيها والله يعلم امتى نشوفها

مو بالله اخوية  Ashurram  هاي نفس حجاية جماعات  واصلين مرحلة  السفر ...

همات كالوا  نسمع بالفيزا ... وماكو فيزا ... بس نسمع كلام  ؟؟؟؟

اني وصلت مرحلة السفر وخلصتها وهسة اني بمرحلة القهر

[هيفاء يوسف]

مرحبا اخواني واخواتي شلونكم انشالله بخير

انا اختكم هيفاء قدمت عل اليو ان بلبنان وحولو ملفنا الى كندا
وحاليا داننتظر الوفد الكندي يجي للبنان حتى يقابلنا
بدون زحمة عليكم اخواني اذا احد عندا معلومات اشوقت يجي الوفد الكندي للبنان
خلي يفيدنا حتى اذا الفترة طويلة اسوي كفالة كنسية واتكل على الله
مع الشكر

[عمر خطاب]

اخت هيفاء يوسف
نصيحه لله
لتسوين شي لان حتى لو اتاخر الوفد اللي يجي الى لبنان هوة ذات الوفد اللي يقابل الكفالات الكنائسية
وبعد انتي شوفي شنو اللي تريدين تسوين
واي سؤال اني حاضر

[Ashurram]

ان شاء الله تفرج....

[علي ياسين]

تفائلو بالخير تجدوه

فلنكمل حتى نصل إلى ما نريد
لا تستسلم فربما كانت لحظة اليأس هي فعلاً لحظة الوصول

[هيفاء يوسف]

مساء الخير للجميع

كيف الصحة والاحوال اشاالله الجميع بخير

شكرا اخ عمر الخطاب عل النصيحة والله يباركك

تحياتيييي

[علي ياسين]

عراقين لبنان ياطيب ناس
ليش ماكو احد !!!!!!!
شنو كلكم سافرتوا بس اني بقيت وحدي انتظر.     ههههههههههههههههههههههههه

[علي ياسين]

والله اعرف اختي خولة احنة جماعة لبنان من المغضوب عليهم

بس ردت اشاقة وياكم اعرف الكئابة مليون

[Ashurram]

يابة جبتلكم اخر خبر اليوم
ابو شعر (ICMC) ايدة مكسورة بس ما اعرف شلون بس لايكون واحد من جماعتنا كسرلة ايدة هههههه

[عمر خطاب]

اخي Ashurram
انته شفته لو شخص شاف هذا الشي وكلك
يعني بد ميداوم
ياريت لان وجهه شؤم وفكر
واحس بي يكره العراقيين

[Ashurram]

والله جماعه كلولي ما شفت بعيني

اعتقد انه يداوم

[علي ياسين]

اي حبيبي يداوم لاني خابرت يوم الخميس الماضي وهو جاوبني

[Illusionist]

نقلا عن عمر خطاب

http://www.ankawa.com/forum/index.php/topic,557809.0.html

يوم اللي إلنا

إن شاء الله تفرج

[عمر خطاب]

اخي العزيز  mr.sad
اذا تريد تتاكد من وجود سفر يوم 7 \ 2 \ 2012
روح للمطار ساعة 11.30  يوم 6 \ 2 \ بالليل لان اللي ذكرتهم اني رح يكون سفرهم ان شاءالله ساعة 3 الفجر
ورح يكونون بالوقت المذكور اعلاه متواجدين بالمطار والترانزيت مالهم تركيا 5 ساعات ومن تركيا لنيويورك
والله يسهل امر الجميع

[المهــــاجــر]

شلونكم اخوان انشاءالله بالف خيـــــــــــــــــــــــــــر
اريد أؤكــد كلام الأخ عمــر خطاب فعلاً تــم اعطــاء مواعيد عدد لابأس به خلال اليومين الماضيين منهم من السفير العاشر 2011 موعد السفر يوم 29\2 ومن السفير الواحد 2011 موعد السفر 22\2\2012 وآخروون  بنفس المواعيد ولكن اي سفير لا أعرف ..
اخوان المفروض نفرح على هاي الآخبار مو نستفز اللي ينزل الأخبار الحلوة ..يعني شنو مصلحته ينزل اخبار غير صحيحة
واحد هؤلاء اللي اخذو موعد يشغل وياي ..
شكرا اخ عمــررررررر  على نقل الأخبار الحلوة
تمنياتي للجميع بالسفر القريب.

[علي ياسين]

حبيبي مهاجر تسلم على نقل الخبر وتحية الى الاخ عمر

حبيبي صحيح 100% مواعيد سفر هذي اليومين جانت هواية ومن اكثر من وفد

[علي ياسين]

اخوان  الله موكتها هسة هذا الحجي

احنة كلنا بلغربة وتعبانين وشبعنا ضيم

احنة لازم هسة نطيب خاطر بعضنا ونصبر بعضنا وندعي لبعضنا

صحيح الكل اعصابها تعبانة واليأس والخوف والقلق هو كل حياتنا بس احنة كنا عراقين وشاربين من دجلة والفرات واصلنا الطيب يخلينا دائما اقوة من كل الضروف

ارجوكم احنة اهنا حتى انساعد بعضنا مو نقهر بعضنا القهر البينا كافي

[عمر خطاب]

يابه والله عيب عليكم
بالله العظيم عيب
واحد يرفع والثاني يكبس
اذا اكو واحد بيكم اعصابه تعابنه وبحالة انهيار مرح يكون مثلي ابد
من شهر ال  6  سنة  2009
اني مقابل الوفد الامريكي وماخذ الموافقة ولحد الان كل ما اتصل يكولون اجراءات امنية وكذب متواصل
المفروض اني اللي انهار اكثر من كل اللي مو عاجبه الكلام
وثاني شي احنه لا كذابين ولا دنسوي افلام وخدع سينمائية
حتى نوهم المنتظرين بالسفر
اللي يريد دليل على وجود السفر ليظل يذكر كلام مابي معنى وتصير مشاكل بين هذا وذاك
خلي يجي يوم 6 \ 2 \ 2012  ساعة 11 بالليل لمطار بيروت ورح يشوف العدد اللي ذكرته موجودين بانتظار موظف ال IOM
حتى ينطيهم الاوراق الخاصة بيهم
واني رايح شخصيا حتى اودع صديقي وطيرانهم رح يصير فجر يوم  7  \  2  \    ساعة 3 الفجر
وكافي مسبات وكلام فارغ عيب اللي عاجبه يشوف الكلام الصحيح يجي للمطار واللي مو عاجبه خلي يسكت
اتصور هذا اكبر دليل على وجود السفر

[** يدكو **]

اخوان هو الواحد لازم يفرح من يسمع هيجي اخبار مو يحزن ... اتمنى منكم اخواني الهدوء لكي يبقى قسم اللاجئيين في لبنان من احلى الاقسام واكيد كلتنا نعرف بعضنا البعض لان القسم صارله اكثر من سنتين واعتقد الاخوه ماكذبو لان قبل يومين وصلت 3 عوائل من لبنان الى مطار سان ديييغو وحده من العوائل اخت صديقي الي اشتغل وياه وسوف اقوم حاليا بمسح بعض الردود الي بيها شد اعصاب بالموضوع اسف على ذلك

تحياتي للجميع وياريت تكولون يالله وهو المستجيب الوحيد ليسهل امركم باقرب وقت

تحياتي

[عمر خطاب]

والله  يا mr.sad ما اعرف بيك انته مدير الجوازات
حتى بهذي السهولة تكدر تتاكد من ارقام الجوزات
ثاني شي اذا انته بهالقدر شاطر لازم تعرف انو اللي يسافرون من لبنان يطلعون بجواز مرور لبناني يعني ماكو عراقي يطلع بجواز السفر العراقي
يعني انته منو حتى ينطوك رقم جواز المرور اللي يطلع بي اللاجئ
علما هذا الجواز ينطو للاجئ عند شباك المغادرة بالمطار  بلبنان
وانطيتك اكبر دليل على وجود السفر
وعيب ناخذ وننطي بموضوع ما ادري الى وين نوصل بي
لخاطر تقتنع حضرتك اكو سفر
يعني كل اللي ديذكرون اكو سفر كذابين
وانته اللي صادق بيهم

[علي ياسين]

اخوان ابشركم اكو مواعيد سفر هواية ....شهر الثاني كل وحتى 6/3 وكثر شي من وفد شهر السابع الثامن بس هم اكو من الوفد القديمة

يالله يالله يالله

[علي ياسين]

اختي العزيزة خولة
احدى العوائل كانوا معنا بمقابلة الوفد وبالفحوصات الطبية وحنة صرنا الصدقاء واليوم كنا سوى
انشاء الله يوصلون بسلامة
وشوية الامور تحركة

[علي ياسين]

الله كريم اختي العزيزة
انشاء الله خير لكل العراقين

[Ashurram]

اخوان مواعيد السفر موجودة وبكثرة
لكن الي يسافرون مو كثيرين
يعني قبل كانت كل طيارة يروح بيها اقل شي 50 شخص
لكن الان يروحون بحدود 25 بكل طيارة

حسب احصائات موقع www.wrapsnet.org هذا الشهر شهد زيادة في اعداد اللاجئين العراقيين الواصلين الى امريكا وبلغ عددهم اكثر من 500 لاجئ عراقي (لشهر كانون الثاني فقط) يعني اذا نقول فد 100 واحد منهم كان من لبنان سافروا خلال 3 او 4 مواعيد سفر سمعنا بيها خلال شهر كانون الثاني 2012 فهذا يعني تقريبا 25-35 شخص في كل رحلة.

والملاحظ ان الي يسافرون كلهم من الوفود الجديدة والله يستر علينا احنة جماعة 2010

[Ashurram]

القصد انه اكو رحلات (3-4 رحلات بالشهر) لكن المسافرين مو كثيرين مقارنة بقبل سنة من الان.

هذا منتدى نتبادل فيه الاخبار الموثوقة والي مو موثوقة احيانا و هنا نتبادل تجاربنة مع اليوان للفائدة العامة وايضا نتشارك الهموم حتى نشيل عن بعض والي شايف انه هذا المنتدى ما يسوة ويحجي خرابيط فهو مو مجبور يصدق او يعلق على كل كلمة او خبر ينزل هنا!!

[علي ياسين]

صح لسانك حبيبي Ashurram

[عمر خطاب]

والله يا اخي Ashurram كلامك ذهب

[عمر خطاب]

اختنا العزيزة خولة
ماكو انسان يريد يخليكم تعيشون بوهم على افتعال قصة السفر
واذا انتي تكولين نايمة وماكو سفر لعد اني شكول صارلي سنتين ونص مقابل وفد امريكي
ومستلم موافقة وماكو سفر
بس الله شاهد اخر صديق اني ودعته وسافر كان اليوم ساعة 3 الفجر الى ولاية كاليفورنيا سانتياغو
وهوة من المقابلين الوفد شهر الثامن
يا اختي احنا نحجي الحقيقة وماكو احد يجبرنا ان نكذب
وماعدنا مصلحة بالكذب
مجرد نفرح للي يسافرون
لا اكثر ولا اقل
اتمنى ميكون كلامي مزعج الج

[Ashurram]

اخوية المهاجر اريد اسألك اكو ناس من الوفد مالتكم (او الي اعادوا المقابلة) اخذو موعد سفر من ضمن موجة المواعيد الحالية؟؟

[المهــــاجــر]

صباح الخير للجميع
الأخ اشورام
بصراحة من جماعتنا او اللي مسوين اعادة السفير ما اعرف اكو واحد منهم ماخذ موعد الطيارة بس اعرف بحدود عشرة عوائل ومتأكد منهم لأن من مناطقنا بالعراق وهنا قريبين من عدنا والمواعيد وصلت لحد 3/5/ 2012/ ومن سفراء متفرقة اكو من السفير العاشر2010 ومن الواحد 2011 واكو من السفراء العاشر والتاسع2011
××××××××××××××
يا جماعة ليش احنا واحد يستفز الثاني  هنا كلنا متغربين وتعبانين نفسيا اكيد كل واحد منا عندا مشاكل معينة مع الأمم اكو بينا من هو متأخر عن السفر ومخلص كلشي واكو من متأخر عن السي ام سي واكو متأخر عن المقابلة العادية واكو من هو ماخذ الحماية 7 او 8 اشهر وربما سنة . ماكو واحد مرتاح من الأمم بس اللي يسافر ويركب بالطيارة ويطير يلا يأمن على نفسه انه تخلص من كل مشاكل الأمم ومشاكل لبنان..
ليش واحد يزعل الثاني  المفروض الواحد يسويلة الف صديق ولا عدو واحد احنا من ندخل على هاي الصفحة حتى نرتاح من نسمع اخبار حلوة .
انا قبل فترة عرفت  ناس انطوهم مواعيد بس ما نزلت الخبر لأن اكو زملاء ما يصدكون ويردون باستفزاز فما حاجة انشر الخبر وما اريد ازعل از ّعل احد مني .لأن ديصر زعل من ورا هيجي اخبار او من يكلك ماكو هيجي شي!! فدتصير مشاحنات بالردود بيناتنا ..
اختي العزيزة خولة كلامج {
ولو اكو فعلاً سفر  لعد ليش   سويتوا  3 مظاهرات على مكتب  UN لبنان وياريت المظاهرات فادت ولا احد بيهم دار  بال} ...!!!

كلامج صحيح اكو مظاهرات احتجاج لأن الأمم ماعدهم انصاف ولا عدالة وكل شغلهم عشوائي اكو من صارلا سنة او سنة ونص وسافر واكو من صارلا سنتين وثلاث سنوات واكو اربعة سنوات بس بعدهم باقين اكو كثير ناس مخلصة كلشي بس منتظرين موعد السفر بس ما ديخابرونهم.
كل الدول تمشي اللاجئين بالسرة وحسب الأولوية والأسبقية باستثناء امريكا وهنا بلبنان يعني صارت شغلة حظّ!!! تصوري انا صارلي سنتين ونص هنا وعبرت السنة ونص من خلصت كلشي .والمحلف من سويت اعادة السفير كلي ملفك نظيف ما عندك كلشي!! بس  مع ذلك بعدني انتظر موعد الطيارة.وبخصوص كلامج{
يا ريت هسه الناس تجي وتقدم عل اليو ان مال لبنان ويشوفون الوضعية على حقيقتها  افضل من ان يسمعون من الغير ويتورطون مثل ما انا تورطت من ورة كلام الناس  الغير صحيح ..!!!!!

انا نصحت كرايبنا بأن ما يجو للبنان لأن الوضعية هنا تعبانة لو تسافرون على تركيا احسن واسرع وراح تفرقلكم سنة على الأقل بالسفر بس بلا فايدة قرروا يجون هنا وراح يعرفون الحقيقة بعد فوات الاوان..
يا اخوان واخوات اللي منتظر موعد السفر يتابع كل خبر بخصوص السفر ونروح ونسأل ونعرف اذا كان الخبر صادق لو لا لأن نلتقي بالشخص نفسه ونباركله ونسألو من اي سفير انت حتى نعرف هو من جماعتنه لو من غير سفير.يعني مو شرط ان نسمع كلنا بواحد او مجموعة انطوهم موعد يعني اذا انطو مواعيد هنا عدنا بسد البوشرية شلون انتو تعرفون؟؟  هنا يتجمعون العراقيين بكثرة عند حدائق مار تقلا ومن يكون الجو زين كثيرين يتجمعون يم الساعة مال الجديدة عبالكم طالعين سفرة!! وتعرفون احنا العراقين ما عدنا حجي غير كال السفير وحجا الموعد وكال السي ام سي وحجت المقابلة وهكذا فأي خبر ينتشر بسرعة لأن الناس كلها متعطشة للأخبار ..هسا انا اعرف بحدود 10 عوائل ماخذين مواعيد ومن سفراء متفرقة اكو من هم قدامة واكو من هم جدد ...سفر اكو وعدد زين بس مع ذلك يعتبر قليل بالنسبة للعدد الموجودين هنا ومخلصين كلشي .كل سفير يصفي مجموعة زينة واطبك على صفحة حالك حال العبرية وهسا كل شهر ديجي السفير مو مثل كبل كل 3 اشهر كان يجي.
انا اسف جدا على الأطالة  مع احترامي لجميع الردود وكلمن اله وجهة نظر..
مع  تمنياتي للجميع بالسفر القريـــــــــب

[walooo]

السلام عليكم شباب

اريد نصيحتكم يا اهل النخوة اني بسوريا ومخلص ودا انتظر بس الامنية الكشرة رح يصيرلي سنة تقريباً بس الاوضاع هنا متطمن ويوم عن يوم دتسوء الاوضاع ؟؟؟ تنصحوني اجي الى لبنان واذا اجيت شلون العيشة وشلون السفر من لبنان اكو ؟؟؟؟ علما اني عائلتي مكونة من زوجة واطفال اثنين وعندي ابني مريض وكل املي من السفر حتى اعالجه . ياريت تفيدوني بشي نصيحة وبارك الله بيكم جميعا ً

اخوكم ابو ايهم
سوريا

[علي ياسين]

شلونكم يا طيبين
اليوم ساعة بثمانية ونص صباحا خابروا عائلتين وانطوهم موعد سفر

الامور تبشر بخير اكو حركة لولا بطيئة بس احسن من الماكو

[علي ياسين]

السلام عليكم شباب

اريد نصيحتكم يا اهل النخوة اني بسوريا ومخلص ودا انتظر بس الامنية الكشرة رح يصيرلي سنة تقريباً بس الاوضاع هنا متطمن ويوم عن يوم دتسوء الاوضاع ؟؟؟ تنصحوني اجي الى لبنان واذا اجيت شلون العيشة وشلون السفر من لبنان اكو ؟؟؟؟ علما اني عائلتي مكونة من زوجة واطفال اثنين وعندي ابني مريض وكل املي من السفر حتى اعالجه . ياريت تفيدوني بشي نصيحة وبارك الله بيكم جميعا ً

اخوكم ابو ايهم
سوريا

عزيزي الله يعينكم ويسهل امركم

حبيبي اني ما انصحك بلبنان اهنا الامور تعبانة حيل والمعانات تبدء من الاول زيارة الى اليو ان فحتى موعد المقابلة الاولى انت وحضك يمكن اسبوع ويمكن ستة اشهر ليش وشلون محد يعرف وتستممممممممممممممممممر حتى تاخذ نتيجة الوفد ....وبعدين تبدء معانات موعد السفر ....حبيبي اني صار سنتين ونص هنا وصار ثمانية اشهر من اخذت نتيجة نهائية وسبع اشهر من خابروني على الموافقة الامنية الاولى

اني ابد ما نصحك بلبنان

[walooo]

بارك الله فيك اخ علي ياسين ويارب الفرج للجميع

[المهــــاجــر]

السلام للجميــــــــــــــــــــــــع
قبل ساعة التقيت بواحد من الجماعة اللي ماخذين موعد سفر يوم 2/29 واستفسرت منه شلون خبروهم على موعد السفر كال قبل اسبوع خبرونا وانطونا موعد يوم 2/29  وبلغونا بأن نروح عالأمم حتى نستلم الظرف بالقبول النهائي ..كتلا هي مو بالعكس اول مرة ينطون القبول وبعدين ينطون الموعد؟؟ كلي لا احنا انطونا موعد وثاني يوم رحنا اخذنا الظرف كتلا اي كمل  كال رحنا هناك ولكينا 29  واحد حتى يأخذون الظروف وكلهم ماخذين موعد على يوم 29 كتلا يعني  29 عائلة كلي لا  لأن اكو اكثر من واحد بنفس العائلة كل واحد عندا ظرف قبول نهائي لوحدو يعني احنا مثلا رحنا انا واختي وابويا لأن انا فايل واختي فايل وابي وامي بفايل واحد .. بس هناك عددهم 29  بس اكيد اكو عوائل كلهم بفايل واحد واكو قسم اللي اعمارهم بالغة كل واحد بفايل ... هذا ما صار اليوم
تحياتي وتمنياتي للجميــــــــــــــــــــــــــــــــــــــــــع بالســـفر القريب

[علي ياسين]

بشرك الله بلخير حبيبي
انشاء الله للجميع

[شالان العراقي]

شباب اخواني وخواتي كولو يالله على كيفكم ...
اني انطوني موعد سفر بشهر ال3 ورحت استلمت الضرف النهائي وجان اكو هناك وجبتين الاولى منطيهم يوم 29 - 2 واحنا جماعة ال6 -3 ديترويت وهما كاليفورنيا جنا تقريبا 70 ضرف هاي الي اعرفه وشفته بعيني وجيراني خابرو قبلي وانطو يوم 22-2 والاخ يوم 28 -2 هاي متاكد منهم حتى ثلاثتنا اليوم رحنا اشترينا جنط اني وفد ال7 والاخ وفد ال4 والاخ وفد ال1 .. 2011 ويارب السفر للجميع .

اختي اكو عالم تاخرت واكو عالم دتمشي اني صارلي سنتين وشوية وشلعوا كلبي لاقرار وماعرف شنو بس عفتها على الله وسهلها علينا ودا اقرا كلام الولد مابي اي مبالغة كله صحيح بس هو سفر حظ شيسوولكم يعني واني هل موقع فادني كثير كثير والولد مامقصرين ويه محد وواحد منهم تعرفت عليه هنا يعني بالموقع هو جابني هنا وشافلي مكان وشغل واهتم بي وبعائلتي واني لاشايفة ولاشايفني .

[المهــــاجــر]

الأخ شالان العراقي
شكرا على هاي الأخبار المفرحة والأكيدة ..اذا نت وياهم وأخذت موعد  فهذا يؤكد صحة ما ذكرت.. اني  بدوري اهنئك على موعد السفر واكلك الف الف مبرووووووووووووووك  وانشاء الله يجينــا السفر كلنا انتظرنا الكثير  وانشاءالله ما بقى الاّ القليل ..والله قادر على كل شيْ
بس سؤال ..انت من لبنان ؟؟؟؟
وانشاءالله تفرج على الجميع والله يسهل على المتأخرين في المقابلات ..ترى احنا كلنا هم متأخرين  بس الصبر مفتاح الفرج

[علي ياسين]

اخي شلان الف مبروك وبسلامة والتوفيق
حبيبي شنو معلاماتك عن العدد من شهر الرابع وعوائل لو عزاب

[عمر خطاب]

اخي شالان العراقي
الف مليون مبروك والله يحميك وتوصل بالسلامة
واتمنالك بداية حياة كلها خير وبركة باذن الله

اخوك ابو خطاب

[الامل 2]

اخي شالان العراقي مبروك على موعد السفر
عندي سؤال يمته استلمت الموافقه الامنيه  وبلغوك بالموافقه او لا

[Ashurram]

الف الف مبروك اخوي شالان تروحون وتوصلون بالسلامة وتخلصون من هالقرف وترتاحون وتتونسون وتتوفقون بحياتكم الجديدة هناك (شتريد بعد هههه)

عقبالنــــــــــــــــــــــــــــــــــــا....

[شالان العراقي]

اولا شكرا للجميع على التهاني ويارب تفرج عليكم كلكم
ثانيا اني بلبنان اخوية ههههههه لعد ليش مشارك بهل كروب ؟
ثالثا الي انطوهم كلهم عوائل وقليل عزابي كل الوفود 1 - 4 - 7 - 9
رابعا اني سويت تلفزيون وبعد 3 اشهر خابروني ال اي او ام وكالو عندك موعد سفر يوم 6-3 وبعدها بيوم خابروني ال icmc حتى استلم الضرف النهائي مع العلم اني مخابروني ابد بين التلفزيون وال اي او ام يعني راسا موعد سفر لا امنيات ولا شي

[anoano]

السلام عليكم احبتي جميعاً

اصدقائي واحبتي ...قد ارتأيت ان اشارككم وابادلكم جميع المعلومات والامور التي تخص همومنا ممن اتعبهم الانتظار والصبر ..وهنا حببت ان اساهم بمعلوماتي وافكاري وما امتلك من المعرفة البسيطة في امور اللجوء في لبنان وبعض المعلومات والاستفسارات التي تساعد كم وتساعدنا وتهون علينا هذا الصبر والعناء...
احبتي ..
انا في خدمتكم دوما وانشاء الله سأكون عونا لكم ومعكم قلبا وقالبا ..علما اني اسكن لبنان ومن خلال مكوثي هنا استطعت ان اكون صورة ومعلومات قد تخدمكم وتساعدكم في تحقيق غاياتكم...محبتي للجميع

[المهــــاجــر]

نرحب  بيك اجمل ترحيب
واهلا وسهلاً بك بين اخوانك واصقائك
ومشكورة جهودك القادمة مقدما لمساعدة اللاجئين بمعلوماتك
تقبل مروري وتحياتي

[anoano]

[/size]الاخ المهاجر
شكرا جزيلاً على حسن استقبالك..وارجو ان اقدم ولو الشيء البسيط لاعزتي واحبتي عسى ان تساعدهم وتصبرهم.. والكلمة الطيبة صدقة..
محبتي لك

[علي ياسين]

يا هلا بيك حبيبي anoano ونشرف بيك 

انت هم مثلنا منتظر موعد سفر لو شنو قصتك

[anoano]

الاخ علي ياسين
اشكرك على حسن استقبالك وترحيبك
اخي ..قصتي يطول شرحها ولكن ارادة الله ودعاء الوالدة ..صرت على الطريق الصحيح ..حيث تم قبول ملفي مبدئيا واجريت الفحص وانا في انتظار التوجيه الثقافي...ومن خلال بقائي في لبنان لاكثر من سنتين صارت عندي بعض المعلومات عن الحياة الاجتماعية والاقتصادية والخبرة البسيطة في ملفات التوطين والسفارة والى ماشابه ذلك من امور ردت ان اساعد بها كل من يطرق باب المنتدى
محبتي لك..ودمت اخا عزيزا

[علي ياسين]

بارك الله بيك حبيبي
وانشاء الله السفر السريع والتوفيق

[anoano]

من مصادر موثوقة ..مواعيد سفر الى الكثير من العوائل العراقية ولولايات عدة من ضمنها 20 عائلة عراقية ستغادر ارض لبنان متوجهة الى ولاية اريزونا..واضاف الخبر انه سيتم ترتيب الكثير من الرحلات القادمة للكثير من الملفات وخصوصا الملفات المتأخرة...
اتمنى للجميع ان يتحلى بالصبر ..وان يفيدنا بما هو جديد وموثوق به ولكم مني خالص تحياتي وامنياتي لكم بالحياة الهانئة والاستقرار

[علي ياسين]

اختي خولة

صدكيني كلنا على هذا حال

اصبري وما عدنا غير الله

اني صار سنتين ونص  وصار تسع تشهر من اخذت الموافقة المبدئية وهسة اني امعلك بين السما والكاع وما اعرف وين ليش وشوكت شنو

هذا الطريق فرضى علينا الوكت وحنا بعد مشينا ولازم انكمه للاخير (والخير بما اختره الله

[Ashurram]

شكو ماكو.. اشو سنطة (سنطة دبلوماسية خخخخخخخخ)

[فائز القرقوشي]

مرحبا للجميع انشالله تكونو بخير انا اخر اخباري يوم 18 / 1 / 2012 سويت اي سي ام سي . والبارحة خابوني عالوفد والموعد يوم 29 / 2 / 2012 ادعولنا بلكي نتوفق وانشالله الموفقية للجميع

[Ashurram]

مرحبا للجميع انشالله تكونو بخير انا اخر اخباري يوم 18 / 1 / 2012 سويت اي سي ام سي . والبارحة خابوني عالوفد والموعد يوم 29 / 2 / 2012 ادعولنا بلكي نتوفق وانشالله الموفقية للجميع

مـــــــــــــــــبروك حبيبي بالتوفيق

[علي ياسين]

مرحبا للجميع انشالله تكونو بخير انا اخر اخباري يوم 18 / 1 / 2012 سويت اي سي ام سي . والبارحة خابوني عالوفد والموعد يوم 29 / 2 / 2012 ادعولنا بلكي نتوفق وانشالله الموفقية للجميع

مبروك حبيبي
واتمنى لك التوفيق انشاء الله
واى سوأل اني حاضر

[ام بكر]

الف مبروك لاخونا شالان واخونا فائز بالتوفيق انشالله

[علي ياسين]

🌸🌸🌸🌸🌸🌸🌸🌸
قصة جميلة

‏كان هناك شخص أسمه ' المنطق ' والثاني أسمه ' الحظ '
راكبين بالسيارة
وبنصف الطريق خلص عليهم البنزين .
وحاولوا أن يكملوا طريقهم مشيا على الأقدام قبل أن يحل الليل عليهم وعلهم يجدون مأوى ولكن بدون جدوى
فقال المنطق لـ الحظ سوف أنام حتى يطلع الصبح وبعدها نكمل الطريق .
فقرر المنطق أن ينام بجانب شجرة
أما الحظ فقرر أن ينام بمنتصف الشارع .

فقال له المنطق : مجنون ! سوف تعرض نفسك للموت .
من الممكن أن تأتي سيارة وتدهسك
فقال له الحظ : لن أنام إلا بنصف الشارع
ومن الممكن أن تأتي سيارة فتراني وتنقذنا !
وفعلاً نام المنطق تحت الشجرة والحظ بمنتصف الشارع

بعد ساعة جاءت سيارة كبيره ومسرعة
ولما رأت شخص بمنتصف الشارع حاولت التوقف ولكن لم تستطع
فانحرفت بإتجاه الشجرة
ودهست المنطق
وعاش الحظ

وهذا هو الواقع ،
الحظ يلعب دوره مع الناس أحيانا على الرغم من أنه مخالف للمنطق لأنه قدرهم


_ فعسى تأخيرك عن سفر. 👈 خير❕
_ وعسى حرمانك من زواج👈 بركه❕
وعسى طلاقك من زوجك.  👈 راحه❕
_ وعسى ردك عن وظيفه.  👈 مصلحه❕
_ وعسى حرمانك من طفل 👈 خير❕
_ وعسى أن تكرھوا شيئاً وهو خيرٌ لكم ❕

•• لأنه يعلم وأنت لا تعلم ••
.. فلا تتضايق لأي شئ يحدث لك ..
•• لأنه بإذن الـلـِْ♡̨̐ـِْہَْ ☝خير ••

🌸 يُقآل ؛-
> لا❕
_ تكثر من الشكوى😱 فيأتيك الهم😔
> ولكن ❕
_ أكثر من الحمد لله👐 تأتيك السعاده😊
••* فالحمدلله ثم الحمدلله ثم الحمدلله *••
.،!{ حتى يبلغ الحمد منتهاه }!،.

    نحنُ بخير 👌، 
    مَادُمنٱ نستطيع ٱلنووم🙇
    بدُون مُسكنٱت💊 !             
                           
     ۉلآ نَستيقظ🙆 عَلى صَوت📣
    جھآز طِبي مَوصُول بـ ٱجسٱدنٱ💉 !
    الحمدللہ ثم الحمدللّہ ثم الحمدلڶہ
    حتىى يبلغ الحمد منتهاه

_ لا تنظر👀 الَى الْخلف👉 فَفِيه مَاض يزعِجك😔
_ ولَا تنظر👀 الَى الْامام👈 فَفِيه مُسْتقبل يُقلقك😌
_  لَكن انظر👀 الَى الاعلـِْ♡̨̐ـِْى👆 فَهناك رَب☝ يُسعدك

[Ashurram]

قصة تعبر عن واقع حياتنا... حيث الحظ دائما يغلب المنطق في البلدان العربية!

[إستقرار]

اخواننه جماعة لبنان بلا زحمة :


نريد نجي من سوريا للبنان

بعض العائلة جوازاتهم أس ومرفقين بجواز واحد اطفال

واحنه مخلصين وباقين على الموافقة الامنية

يدخلونا لو لا ؟

وشلون نقدر نقيم ؟
وورقة الامم املتحدة تفيدنا ؟

تنصحونا لو لا

شكراً ..

[Ashurram]

والله اخوية ما انصحك بلبنان
الوضع هنا مو مستقر ومتأثر جدا بالوضع في سوريا والحياة غالية وفوق هاي سير المعاملات بطيء جدا والاجرائات الامنية حظ يانصيب.... اكو ناس تخلص اجرائاتهم الامنية خلال 3-4 اشهر وناس صارلهم سنتين منتظرين النتيجة النهائية وماكو شي.

[إستقرار]

اشكر تفاعلك شكراً جزيلاً أخي

واشكر معلوماتك الي قدمتها كذلك ..


لكن بس بقى انه الفيزا شلون ؟

لان ياخوية شي اهون من شي

وفهمك كفاية ..

[عمر خطاب]

اخ استقرار انته اذا تجي عالحدود لتفكر بس ممكن تحجز على الخطوط الملكية الاردنية
وتنزل بالمطار ينطوك فيزا شهر وتجي للامم المتحدة للمفوضية وتسلمهم ورقة الحماية اللي كانت عند بسورية
ورح يتصلون بالمكتب بسوريا
ويغلقون ملفك ويفتحولك ملف جديد بلبنان وتبلش من جديد او تكمل عالاجراءات القديمة الله اعلم
تقبل تحياتي

[Ashurram]

العفو حبيبي..


اذا قصدك عالفيزة اللبنانية فهاي ياخذوها بالمطار بالنسبة للي جايين من العراق اما بالنسبة الي جايين من سوريا ما اعرف وضعهم شلون بالضبط لكن اياك ثم اياك تجيب موضوع اليوان والمعاملات عند الدخول لان راسا يرجعوك.

اما اذا قصدك عن اصدار الفيزا (لارض الاحلام) فكتلك الموضوع عشوائي جدا ويعتمد عالحظ، مثال بسيط، اني صارلي سنة ونص انتظر الفيزا وبعد اكو ناس اقدم من عندي ينتظرون واكو ناس من كم شهر بس قابلوا الوفد وهسة انطوهم موعد سفر.

[إستقرار]

الأخ عمر خطاب المحترم :

أشكر ردك

يعني علحدود البرية ما ممكن يدخلونا .. هيج افتهمت ..

اني اشكر تفاعلك اخوية ابو خطاب الذهب ..

كذلك الاخ المحترم آشورام :

آني اشكر تنبيهك الي .. تخيل يسألني موظف الجوازات ( شو سبب الزيارة ) و اقول له ( ماكو شي بس جايين نكمل اجراءات الامم المتحدة ) 

اشكر تنبيهك اخي ..

واذا صار الكم مرة علموضوع بلكت تجاوبوني على موضوع الجواز الأس .. يدخل لو لا ؟
لان عندي ثنين اطفال مظيوفين ويه ا

[عمر خطاب]

اخي استقرار
جواز الاس يدخل ومابي اي مشكله
وأهم شي الحجز على الملكية الاردنية
تنزل بعمان ترانزيت وتدخل بيروت عادي
واكيد رح يكون عندك  حجز فندق
واي مساعدة بلبنان انا حاضر وتدلل انته وكل عراقي

[Ashurram]

ببيروت الكهرباء ينطوها 4 ساعات ويقطعوها 4 ساعات واشتراك 5 امبير يكلفك 100$ بالشهر

[إستقرار]

الاخ sword cutter  المحترم

الأخ Ashurram

شكراً إلكم لأن خليتوني بالصورة ..

شغلة الكهرباء جنت اعتقد بس بالضاحية لان اني جنت ببيروت سنة 1998 وجانت تنكطع بالبرج و بالحارة يومية

لكن على ما يبدو بعدها

اضافة للتأخير ..

اني في حيرة من امري لكن اسهم لبنان دتنزل  و زين انكم دتنبهونا اخوان

بارك الله بيكم و بارك الله بأخوية ابو خطاب عمر على هذي الوكفة المشرفة ..

[علي ياسين]

شلونكم شباب
يوم الجمعة الماضية استلموا 25 عائلة موافقة نهائية من وفد الاول والرابع والسابع
وبنفس اليوم اعطوهم مواعيد سفر يوم 16/3 و 22/3
اتمنى لهم التوفيق والسلامة
ويا ربي للكل المنتظرين

[وهم]

مرحبا شباب شلونكم اني صديقكم الجديد وهم ارجوا منكم قبولي صديق جديد الكم في هذا المنتدى الاكثر من رائع وهذه النخبه الطيبه من الشباب والاخوات ويشرفني انا اكون بخدمة الجميع اخي العزيز علي ياسين شكرا لك والف شكر على نشر هذا الخبر المشجع من اجل رفع معنويات الجميع وفقك الله اخوان طبعا بالمناسبة اني قابلة الوفد في الشهر 12 2011وكملت الفحوصات بس باقي الدوره لحد الان مامخابريني علما لحد الان مامتصلين بكفيلي ارجوا المساعده لماذا لم يتصلوا بكفيلي لحد الان اطلب من الله ان يوفق الجميع ومبروك للاخوه الذين طلع موعد سفرهم وبسلامه يوصلون انشاء الله

[علي ياسين]

الف هلا حبيبي وهم
بخصوص الكفيل لا تقلق المهم هو الاجرائات الامنية
الكفيل يتصلون به عن قريب نشاء الله
انت هسة اعتبر نفسك مكمل كلشي بس باقي عندك الاجرائات الامنية وانشاء الله ما تتأخر عليك

واتمنى التوفيق للجميع

[Ashurram]

اهلا وسهلا اخوية وهـــــــــم
كلام اخونا علي مظبوط، الاتصال بالكفيل مو فد شي مهم.
مثل اليوم قبل سنة اتصلوا بكفيلي وبعدني هنا

[وهم]

شكرا للاخ علي ياسين والاخ Ashurramعلى الاجابه والله يسهل اموركم  وانشاء الله السفر القريب والتوفيق للجميع

[علي ياسين]

تدلل حبيبي وهم
واحنة حاضرين لاي سوأل .... تعرف احنة مخضرمين ههههههههههههه

[علي ياسين]

يا احلى لاجئين
شنو اخباركم وشلون معنوياتكم
اني شخصيا معنوياتي مليون تحت الصفر ...ودايخ ما اعرف شسوي

[هيفاء يوسف]

منين تجي المعنويات يااخ علي اذا ماكو اي اتصال من اليو ان

[Illusionist]

http://www.youtube.com/watch?v=q4UEjTXV3vQ

عظيم انت ايها العراقي هههههه

[المهــــاجــر]

صباح الخيبر يا اعزاء
البارحة متصلين بوجبة جديدة لاستلام الظروف النهائية يوم الثلاثاء القادم والشي الملاحظ في هذه الوجبة فيهم جماعة اللي نايمة عليهم الطابوكة هههههههههه  وحسب معلوماتي الاولية بيهم من جماعة السفير الخامس 2010 وبيهم ايضا اقدم من هذا السفير . هذا يعني رجعنا الامل احنا القدامة وبدو يتذكرونا
اخ علي ياسين خلي ترتفع معنوياتك شوية فوك الصفر هههههه  وبما انه راح ياخذون الموافقة النهائية يعني سوف ياخذون مواعيد السفر قريبا جدا جدا  وتتحرك ملفاتنا  خاصة وفي هذه الايام دنسمع ان الملفات القديمة سوف تتحرك خلال الاشهر الثلاثة القادمة
تمنياتي للجميع بالسفر القريب

[Ashurram]

اشكرك اخوي المهاجر على هاي الاخبار الحلوة
بس ممكن تكلنا كم واحد عددهم من القدماء الي خابروهم ومن يا سفير بالتحديد

[المهــــاجــر]

الأخ العزيز اشورام
من يرورح الشخص اللي خبرو الى الأمم يوم استلام الظرف راح احاول استفسر منه عن سؤالك..حتى يكون جواب المظبوط..
وانشاءالله نتأمل خير للجميـــع ..

[Ashurram]

الأخ العزيز اشورام
من يرورح الشخص اللي خبرو الى الأمم يوم استلام الظرف راح احاول استفسر منه عن سؤالك..حتى يكون جواب المظبوط..
وانشاءالله نتأمل خير للجميـــع ..

اشكرك حبيبي... انتظر منك اخبار

[فائز القرقوشي]

مرحبا اخوان خوات انشالله الكل بخير شفت الصفحة رقم 2 كلت خلي اقريبها شوي هاي اولا وثانيا البارحة سويت مقابلة الوفد بالسفارة الامريكية. وما طولت ساعة وكملت كلشي لان عرفو طريقي بعيد عن بيروت واكو ثلج بالطريق وكان معي عائلتين واعزب خصلنا خلال ساعتين كلشي ورجعنا واحمدلله كانت المقابلة جيدة واتمنى للجميع الموفقية

[المهــــاجــر]

مساء الخير الأخوة الأعزاء
الأخ آشورام : انا البارحة رحت واستفسرت من الشخص اللي اخذ القبول النهائي اللي هو من جماعة الشهر الخامس 2010 وكال انو شاف هناك بالأمم معه شخص اخر من نفس السفير وبلغوهم انه من اليوم ولحد 6 اسابيع راح ينطوهم موعد السفر خلال هذه الفترة...

الأخ فائز القرقوشي: نتمنالك الموفقية والسفر القريب واشكرك على تقديمك صفحتنا الى الواجهة ..
مع تمنياتي للجميع بالسفر القريب ...

[Ashurram]

اشكرك اخوية المهاجر على الاخبار ... ان شاء الله فاتحة خير ويتصلون بينا احنا القدماء كلنا.


بالموفقية اخوية فايز ان شاء الله يوم السفر.

[وهم]

مرحبا اخواني خواتي الاعزاء
شلونكم يااحلى كروب وشلون معنوياتكم شنو لازم ماكو اخبار جديده عن السفر هدوء مو طبيعي شنو السالفه على مااظن صفحتنا راح تنمحي اذا مانكتب ونشارك بعضنا المعلومات وخاصتاً الاخبار المشجعه والتي تزيد المعنويات ومن الضروري ان تبقى هذه الصفحه في المقدمه بوجود الخيرين ومبروك الى صديقي واخي فائز على مقابلة الوفد وبالموفقيه ونشاء الله خير والله يوفق الجميع

[Ashurram]

مرحبا اخوني
البارحة اتصلو بينا ال ICMC انطونا اعادة فحوصات علما احنا اول مرة سوينا فحوصات كانت يوم 3-12-2010

[المهــــاجــر]

مســــاء الخيــــر على الجميــــع
اخ اشورام
الف الف مبروووك لأعادة الفحوصات وانشاءالله يوم الينطوك الموعد السفر وترتاااااااااح واتوقع يكون قريبا  يارب

اخ وهــم
شكرا على متابعة صفحتنا العزيزة وتقديمها على الواجهة  وتشجيعك لأعضاء المشاركين ورفع معنوياتهم ..وانشاءالله الأخبار هذه الأيام مشجعة وراح تفرج  عن قريب بأذن الله لأن الله قادر على كل شي لايوجد شيء مستحيل ونحن العراقيين شعارنا تباً للمستحيل..
وأخيرا اسمحولي ان اقدملكم هذه الأبيات الشعرية القليلة ..مادام ماكو اخبار جديدة وعلى رأيك حتى نقدم الصفحة على الواجهة مرة اخرى ....

شوكت نكعد الصبح ونسمع صوت رنـــــــــة الموبايلات؟؟
شوكت نكعد الصبح ونســــــــــــمع خلصت الأمنيـــــــات؟؟
وشوكت نكعد الصبح ونخلص من وسام ابو الكذلة والترجيات؟؟
وشوكت يجي يوم نأخذ موعد السفر ونركب الطيـــــــارات؟؟

[الامل 2]

اخي المهاجر
 عندي سؤال صديقك استلم الموافقه النهائيه ..... يمته قابل المحلفين
ويمته طلعت الامنيه
وهل اعاد الفحص الطبي

[المهــــاجــر]

الأخت العزيزة  الأمل 2
نعم استلم الموافقة النهائية يوم الثلاثاء الماضي .. وهو مقابل المحلفين بتاريخ   ..../5\2010  وعمل اعادة المحلفين بشهر العاشر 2011
وخبرو  قبل استلام الموافقة بكم يوم وكلولا تعال يوم الثلاثاء استلم الموافقة النهائية... اما بخصوض اعادة الفحص الطبي نعم  اعاد الفحص الطبي ورا ما استلمنا الموافقة المبدئية بعد اعادة المحلفين  بفترة قصيرة ..
مع تحياتي للجميـــــع بالموفقيــة والسفر القريــــب ..

[** يدكو **]

مســــاء الخيــــر على الجميــــع
اخ اشورام
الف الف مبروووك لأعادة الفحوصات وانشاءالله يوم الينطوك الموعد السفر وترتاااااااااح واتوقع يكون قريبا  يارب

اخ وهــم
شكرا على متابعة صفحتنا العزيزة وتقديمها على الواجهة  وتشجيعك لأعضاء المشاركين ورفع معنوياتهم ..وانشاءالله الأخبار هذه الأيام مشجعة وراح تفرج  عن قريب بأذن الله لأن الله قادر على كل شي لايوجد شيء مستحيل ونحن العراقيين شعارنا تباً للمستحيل..
وأخيرا اسمحولي ان اقدملكم هذه الأبيات الشعرية القليلة ..مادام ماكو اخبار جديدة وعلى رأيك حتى نقدم الصفحة على الواجهة مرة اخرى ....

شوكت نكعد الصبح ونسمع صوت رنـــــــــة الموبايلات؟؟
شوكت نكعد الصبح ونســــــــــــمع خلصت الأمنيـــــــات؟؟
وشوكت نكعد الصبح ونخلص من وسام ابو الكذلة والترجيات؟؟
وشوكت يجي يوم نأخذ موعد السفر ونركب الطيـــــــارات؟؟

ان شاء الله تسافر باقرب وقت واني بنفسي اجيبك من المطار بسيارتي تحياتي لك وتمنياتي لك بالسفر القريب والعاجل وان شاء الله

لجميع الاخوه المنتظرين مواعيد سفر وبالموفقيه للي عدهم مقابلات

اخوكم

يدكو

سان دييغو

[المهــــاجــر]

شكراً اخي العزيــز  يــدكـــو صدك انت كدهـــــا وكدود وصدك مشتاق اشوفك بالمطار بأقرب وقت
الله يوفقك ويساعدك على خدمة  اخوانك بالمنتدى وخارج المنتدى...
وأسمحلي اهديلك هذه الأبيــات الشعريــة :

ودعـناكــم وبقــت الدمعــة بالعيـــن... تــجــــــري
ودعناكم وبقت كلوبنا وراكم للمطـــار... تجــــري
محبتكم مو بس بالرووووح. ترى محبتكم حتى بالوريد.. تجري

مــــع تحياتــي وتمنياتي للجميـــــــع بالســــــفر القريــــب

[المهــــاجــر]

مساء الخير يا اخوان
شنو القصة اشو محد ماكو من البارحة محد ما عندا خبر  جديد؟؟معقولة؟؟ 
اخر خبر مال اليوم مخابرة وجبة جديدة اليوم  لأعطائهم الموافقة النهائية..
وهم من السفير السابع والتاسع والعاشر ...وسنوافيكم بالتفاصيل الأخرة بعد ان نجمع معلومات اخرى جديدة..
تمنياتي  للجميـــع بالســـفر القريــــب انشاءالله

[Ashurram]

عمي احنا شبينا محد يخابرنا!!

اريد اجرب احساس مال واحد يكلي (خلصت الامنية)!!

[علي ياسين]

حبيبي Ashurram سمعناها قبل عشر تشهر شنو الفايدة بعدنا باقين بلقهر

[عمار الاعظمي]

اخوان اني عراقي ومقدم عل يو ان بسوريا ومخلص كلشي ومنتظر الامنيه من سنه 2010 شهر ال8 ..شتنصحوني اجي الى لبنان واكمل من يمكم ..لو يو ان لبنان يخلوني اعيد كلشي من جديد ؟؟؟؟؟ وهل جيتي الى لبنان راح تفيدني بشي ..رجاءا اخوان نوروني بما تعرفون ..ولكم الاجر ..

[Ashurram]

شفت بعيني محد كلي، وصول امنيات بالجملة.

اليوم كنت باليوان اجدد ورقتي وكان اكو تقريبا 25 شخص يستلمون نتيجة نهائية وكلهم من سفراء 2011 كالو كان اكو كم واحد بيهم من سفير 2010 وقسم منهم انطوهم موعد سفر ليوم 20/3.

اما اني فكان من قسمتي ابو الشعر صعدلي الظغط من سالتة على ملفنا.


اخوية علي ياسين، كلنا بهذا القهر وما ظل صبر شوكت نخلص.


اخوية عمار ان شاء الله الشباب يجاوبوك اني ما عندي معلومات. بس اعتقد اذا اجيت رح تعيد مقابلتين هي (ICMC) ومقابلة الوفد

[المهــــاجــر]

شفت بعيني محد كلي، وصول امنيات بالجملة.

اليوم كنت باليوان اجدد ورقتي وكان اكو تقريبا 25 شخص يستلمون نتيجة نهائية وكلهم من سفراء 2011 كالو كان اكو كم واحد بيهم من سفير 2010 وقسم منهم انطوهم موعد سفر ليوم 20/3.

اما اني فكان من قسمتي ابو الشعر صعدلي الظغط من سالتة على ملفنا.


اخوية علي ياسين، كلنا بهذا القهر وما ظل صبر شوكت نخلص.


اخوية عمار ان شاء الله الشباب يجاوبوك اني ما عندي معلومات. بس اعتقد اذا اجيت رح تعيد مقابلتين هي (ICMC) ومقابلة الوفد

اخي العزيز اشورام...عاشت ايدك على هاي المعلومات المفرحة يا اخوان كل بداية والها نهاية واحنا العراقيين معروفين بصبرنا نكول الله كريم وان الله قادر على كل شيْ  ..راح الكثير وما بقى اٍلاّ القليل ... وانشاءالله كل هاي السوالف تصير سوالف وذكريات..

اخوان انا اليوم استفسرت من احد الأصدقاء من اللذين اخذو الظرف القبول النهائي ..وكلي كان ويا مجموعة تتكون من 12 واحد في هذا الوقت  اللي استلموا وكانو متفرقةمن السفراء  الخامس والسابع وهو من العاشر 2011  ... واحتمال اكو غير مجموعة بغير توقيت .. ونطلب من الله ان يشملنا بعطفه قريبا ... 

      مراسلكم  المهاجر
    من لبنان ..سد البوشرية
          عنـــكاوا   
[/color][/size]

[Ashurram]

والله اخوية المهاجر اني شفت 15 واحد دخلو يستلمون النتيجة بساعة 10 صباحا...
وبعدين واني راجع بنص الطريق شفت وليد السايق مقبط الفان ودا يروح للامم فواحد كال هم هذولة رايحين يستلمون نتيجة يمكن محدديلهم بساعة 11...

فاني استنتجت من عندي انه المحروس ابو شعر اكيد مقسمهم قسمين كل 15 واحد بوجبة.. بس حتى لا ابالغ واطلع كذاب كلت 25 بس اعتقادي العدد اكبر.

[وهم]

صباح الخير اخوان شلونكم حبيت انقللكم خبر حتى ارفع من معنوياتكم شويه اليوم هسه مخابرين على صديقي حتى يروح يستلم النتيجه النهائيه يوم غد الجمعه علما هو من الوفد التاسع2011وانشاء الله التوفيق للجميع

[المهــــاجــر]

مساء الخير اخوان واخوات المنتدى
اخبار جديدة اليوم...اليوم مخابرين جماعة اللي اخذوا الموافقة النهائية خلال هذا الاسبوع واعطوهم مواعيد السفر بأيام 28  و 29   بشهر الثالث
وعددهم 12 حسب علمي  وثلاث عوائل منهم اعرفهم ومتأكد منهم..لأن صديقي هو الذي خبرني بأعطائه موعد السفر 28 \3  علما انه البارحة اخذ الموافقة النهائية واليوم انطوه الموعد....
اخي اشورام
نشكرك على المعلومات وانا لا اشك في  معلوماتك ولا بمصداقيتك جزاك الله الف خير على كل معلومة خير..
الأخ وهـــم
بارك الله بيك على هذه المعلومة الجديدة والمفرحة ...اهم شي يوجد حركة السفر واعطاء القبولات النهائية..
ونتمنى الخير والسفر للجميع..تفائلووووو بالخيـــر تجدوووووووه  .....

[Ashurram]

مرحبا شباب شلونكم اشو سنطة بالكروب مالنا... ماكو اخبارجديدة؟؟

[مايكل اندريه85]

مرحبا  شلوونكم جميعا

[علي ياسين]

الله يسلمك ويسلم الجميع
والله اكو اخبار سفر بس العدد قليل جدا اذا قارنا بعد الملفات المتكدسة وصاير مثل اللوتو كل انت وحضك 
سلامي للجميع

[Ashurram]

اي عاد اني شلون حظي باللوتو ظليت سنتين العب ولا مرة جبت رقمين خخخخخخخخ

[المهــــاجــر]

كــل يــوم ارجــع مـن الشـغـل تـعـبــــــــان
وكل يوم ابقى عالهجرة واللاجئيـــن سهران
بلكت اسمعـــلــي خـبــــــر حـلـــو
وتبقى الكآبة والحزن طي النسيان
صدكوني انهضم وانقهر من اشوف العراقي ينهان
اكيد كل عراقــــي ببـلــــدا ولــهـــان
بس الظروف الصعبة اللي خلتنا نختار طريق الهجران
يــا أمــم ويــــن حقــــوق الأنســــان??
ما شفنـا العدالة والأنصاف من زمان
ليش خليتو قلب العراقي دائماً حزنان??
شنحجي وشــنــدعــي على حكومتـنـا
اللي خلت العراقي شــــبه انســـــان
×××××××××××

[Danny.fouad]

مرحبا شباب شلونكم انشاء بصحة وخير شباب حبيت اقدم بيج باسم العراقيين الي بلبنان على الفيس بوك واتمنى منكم تشاركونا بالبيج وتفيدونا على الفيس بوك ايضا بمشاركاتكم http://www.facebook.com/groups/182423331769982/

[Ashurram]

والله ياخوية المهاجر اريد اكتب هاي ابياتك على لافتة واحطهه على باب الامم..
عاشت ايــــــــــــــــــــــــــــــــــــدك

[Ashurram]

اليوم شفت موضوع بالمنتدى ذكرني بهاي الاغنية للمنولوجست الكبير عزيز علي الى غناهه بزمن قديم ويا سبحان الله لازالت تنطبق على وضع العراق اليوم... استمتعوا

http://www.youtube.com/watch?v=RWhHr7CtJjA

[ابو ايمن المياحي]

للرفع

[Ashurram]

مرحبا اخواني شلونكم؟اشو ضايعين؟!! وينك اخويا علي ياسين؟ واخويا المهاجر؟؟ تحياتي للجميع...

[Illusionist]

السلام عليكم

ما زلنا قابعين في لبنان إلى حد الآن لم يتصل بنا احد، ملينا ههههههه

[المهــــاجــر]

اخويا العزيـــر  احنـــا موجوديـــن بس اخبــــار تـــازة ماكوووووو
بس نقرأ وما نعلق ولا نكتب..اٍ لاّ وقت الضرورة القصووووووى  ..هههههههههههه
تحياتــــي للجميـــــــــــــــــــــــــــــــــــــــــــــــــــــــــــــــع

[علي ياسين]

حبيبي الغالي اشورام
اني يوميا ادخل على المنتدى وطبعا اول شي اشوف موظوعنا
بس ما اكتب شي لان ماكو شي جديد بس كو يأس وقهر على هذا التعب والانتظار الطويل ...والحيرة طبعا
لذلك ماريد اضوجكم
والله كريم
سلامي وتحياتي لكل حبايبنا

[anoano]

السلام عليكم احبتي

امس اتصل بي كفيلي الموجود حاليا في اريزونا واخبرني بأن المنظمة اتصلت به لغرض توقيع اوراقي وكفالتي ..وخلال وجوده في المنظمة عرف ان هنالك ترتيبات وتنسيقات لم يسبق لها مثيل بخصوص استقبال اللاجئين وتهيئة لهم كل المستلزمات المطلوبة..وحين سأل احدهم عن الوفود القادمة قالوا له هنالك تعليمات بخصوص انهاء كافة المعوقات والسرعة في العمل من اجل استقبال عدد كبير من اللاجئيين من كافة دول اللجوء...اردت ان اخبركم بهذا لرفع المعنويات وزيادة في الصبر والتأني...ويارب السفر القريب لكل الاعضاء الطيبين...ودمتم بخير

اخوكم انو

[المهــــاجــر]

مساء الخير يا جماعــة
عــاجـــل ...عــاجــل... عاجـــل
اليوم نزلت على سوق البازار  اقصد ســوق الأخبـــار هههههههه  لمعرفــة آخــر اخبـــار الأمم فكانت الأخبار كما يلــي :
1- اعطــاء مواعيد سفر لعائلتين في سد البوشرية من جماعة السفير السابع 2011 ..والموعــد 3\4
2- اعطـــاء مواعيد اعادة الفحص الطبي لعائلتين من جماعة اللي سوو اعادة السفير بالشهر العاشر 2011 والموعـد 29\3
هذه الأخبار مئة بالمئة ومتأكد منهم وربما منطين  لغير هؤلاء بس ما نعرفهم...

الأخ انـــو : شكرا على هذه الأخبار المشجعة وانشاءالله سنة 2012 ستكون سنة خييييير ومواعيد وســفر لكل اللاجئين
وخاصــة جمــاعة الطابوكــة كما يقول البعض ههههههه
يــلا تفائلوووووو بالخيــــر تجدوووووه ...مع تمنياتي للجميـــع بالسفر القريــب..

[Ashurram]

نتأمل خير.... من صدق ضجنا وتعبنا والمشكلة ماكو واحد نشتكيله على حالنا.

[فائز القرقوشي]

مرحبا للكل انشالله تكونو بخير انا عملت الوفد يوم 29 / 2 / 2012 والبارحة خابروني حتى استلم الظرف يوم الاثنين 26 / 3 ساعة 2 الظهر وانشالله يكون خير ادعولي ... وشكرا للجميع

[Ashurram]

مبروك حبيبي وبالتوفيق ان شاء الله قبول ويوم السفر

[Ashurram]

يابة اخر الاخبار
البارحة واليوم مخابرين ناس ومنطيهم مواعيد سفر واغلبهم من الذين استلموا موافقات نهائية قبل فترة.

[المهــــاجــر]

مساء الخيــــر
فعلاً  تم يوم امس الأتصال بعدد من العوائل وعدد جيد واعطائهم مواعيد السفر وأغلبهم من السفراء الجدد ولم نسمع بأحد من القدماء {جماعة الطابوكة} قد اخذ الموعد  يبدو احنا  منسيين الى اشعار اخر  
الف مبرووووك لكل من اخذ الموعد وانشاءالله يوم السفر القريب للمنتظريـــن ..  

[Ashurram]

شلون يتصلون بينا يمعود مو ملفاتنا مسويه مزهريات هناك وحاطيه للجمالية هههههههه

[فائز القرقوشي]

مرحبا  للكل الحمدلله استلمت موافقة مبدئية

[abdlla]

السلام عليكم معكم الاخ عبدالله من اللاجئين العراقين في لبنان
قمت باجراء الدورة التثقيفية في 14/3/2012 ولمدة 3 ايام وارجو معرفة الامور المتبقية ومدة انتضار الرد وكيفية الرد وهل يوجد احد من قام بهذه الدورة بنفس الفترة ارجو الرد وشكرا

[علي ياسين]

حبيبي فائز الف مبروك والسفر السريع انشاء الله

اخي علد الله فعلا الدورة التثقيفية ثلاثة ايام والباقي فحص طبي واستلام الموافقة النهائة وهذا هو المهم  واتمنى لك الوفيق انشاء الله

[abdlla]

تسلم اخ علي ومشكور عالرد اني سويت الفحص الطبي بشهر 11 من سنة 2012 واتصلت بالمنضمة وخبروني انو همة منتضرين الامنيات وكذلك الكفيل مالي في امريكا اتصل بهم  وخبرو انو همة منتضرين صك الفلوس بعلمك انت كم من الوقت تستغرق الامنيات

[abdlla]

اسف على الخطأ شهر 11 من سنة 2011

[Ashurram]

اطبق عالسرة اخوية عبد الله كلنا منتظرين الامنية... بس سؤال شنو هذا صك الفلوس؟؟ اول مرة اسمع بيه

[Ashurram]

مرحبا شباب مبروك عودة المنتدى اشتقنالكم والله واشتقنا لاخباركم الحلوة

في الايام الماضية اعطيت مواعيد سفر لمجموعة من الناس اغلبهم من وفود 2011

[وهم]

هاي شباب نريد نعرف اخر اخبار السفر ياريت تفيدونا هذا طبعا اذا كان هناك سفر ومواعيد جديده  والموفقيه للجميع انشاء الله

[المهــــاجــر]

مساء الخير للجميــــــــع
الأخ وهــم والى جميــع الأخوة الأعضاء والقــراء
اخر الأخبـــار السارة : تم يوم امس اعطاء مواعيد سفر لخمسة عوائل اعرفهم شخصيا .. وموعد السفر هو يوم 26\4\2012 .....
اربعة من هذه العوائل لهم مدة في لبنان اكثر من سنتين ونصف اما العائلة الخامسة اعتقد اقل من سنتين بقليل ..
وهذه العوائل هم من سفراء متفرقة  من السفير الخامس 2010 ومن السفير الرابع 2011 ومن السفير 12\2011.
 الشي الجديد والحلو انهم بدأو بأعطاء المواعيد للملفات القديمة وهذه تبشـــر بخير ...
مــع تمنياتي للجميـــع بالســفر القريـــب ...

ملاحظة :نشكر الأخوة على اعادة المنتدى الى الظهور بعد انقطاع عدة ايـــام ..

[علي ياسين]

تسلم حبيبي مهاجر على هذا الاخبار الحلوة
واضيف الك كثر من 20 عائلة اخذو مواعيد سفر خلال هذا الاسبوع
والله كريم    ما عدنا غير الدعاء

[ليث كراده]

اخوان اني اليوم اتصلت للاستفسار عن ملفي كلولي انت باول مرحله من الامنيه وكلولي هي اربع مراحل علما اني صار شهر على عمل الدوره التثقيفيه مدا اعرف شكد اطول هذه المراحل عادة
مع جسيل الشكر للموقع للموافقة على طلبي للانظمام الى اخوتي في المهجر

[Ashurram]

عزيزي ليث اهلا وسهلا بيك بين اخوتك... حبيبي هاي الامنية سبب رئيسي لامراض القلب والامراض النفسية  محد يعرف شكد تطول اكو ناس تخلص بكم شهر واكو ناس تتطول سنين وياهم

بس عندي الك سؤال اذا ممكن... منو حجة وياك بالتلفون؟؟ وسام ابو الشعر لو غيرة؟؟


حبيبي علي شلونك مشتاقين والله

اشكرك اخوي المهاجر ... بس ممكن تكلنا كم ملف قديم خابروهم؟؟

[المهــــاجــر]

شكرا اخ علي عالمعلومات الجديدة
اخ ليث اهلاُ وسهلاً بيننا في المنتدى ..بخصوص الأمنية انت وحظك  ما معروووفة شكد تطول  انا صارلي سنة وعشر تشهر  امنيات والحبل عالجرار بس نتمنى  قريبا تنتهي لأن جماعتنا انوهم مواعيد نكول يا الله افرجها على الجميـــــع

الأخ اشورام : من اصل هؤلاء الخمسة الذين اخذوا الموعد ثلاثة منهم ملفات قديمة  والأثنان الباقيان  هما قدماء بلبنان بس السفير او الوفد من شهر 12 \2011 .. 
اخ اشورام اذا تقصد بسؤالك للأخ ليث عن وجود وسام ابو الشعر لولاء    هههههههه فهو بعدا موجوووووود ولوتعرف شلون موقف صار بينا بالأمم من ورا وسام ابو الشعر ..موقف مزعج وطريف .اكيد انت هم سمعت بانو منقووول الى تركيا ووووو مثل ما سمعنا احنا هنا والناااااااس كلها تراجع الأمم  لأن شنو  ؟؟؟!! وسام منقوووول خلي نراجع عالوهس    ههههههه والقاعة ازدحام وخارج القاعة يعني برا البناية هم ازدحاااااااام  واحنا كاعدين وننتظر الموضفة حتى تقابلنا !!!! ما نسمع الاّ صووووووت مزعج يقول سي ام سي رقم واحد لون رمادي ؟؟؟؟؟!!!!! يا الله هذا هم وساااااااااام اي شبح خما شبح  هذا شرجعووووووااااا واحد ينظر عالثاني بس شلووون موقف  هههههههههه ما اتمنا الك  ههههههه  الظاهر كان مجاااااااز ورجـــع شفت شلو حظ عدنا؟؟؟؟؟؟
تمنياتي للجميـــع بالسفر القريــــب

[Ashurram]

اخوية المهاجر اشكرك على الاخبار الحلوة بخصوص الملفلت القديمة وخصوصا ملفات 2010 لان تعبنا والله وما ظل بينا صبر بعد...

اما بخصوص وسام ابو الشعر والله شلون بوري هههههههههه هم اني سمعت انقل بعدين كالو رجع!!

[ليث كراده]

الاخ Ashurram
جزيل الشكر على ردك الصراحة اني ما اعرف وسام منو اني قليل الذهاب الى الامم اني صارلي 6 سنوات في لبنان بس ما كنت مقدم على الامم لكن الضروف اجبرتني على التقديم وقدمت من قبل سنه واحده فقط واني اتصلت بال اي سي ام سي وما اعرف منو جاوبني بس كان شاب محترم ومؤدب وخدوم وقال الي انو اني باول مرحله من الامنيات وسالته عن اذا يعرف شكد المده كال ما معروف بس هاي السنه دتصير سريعه الاجرائات هذا عن لسانه واني اشكرك مره ثانيه واشكر الاخ المهاجر جزيل الشكر وسلامي الى جميع الاعضاء وتمنياتي بفرج قريب وان نتواصل وشكر جزيل لاداره المنتدى      فائق الاحترام

[Ashurram]

هذا اكيد كان شارب شي من كلك الامنية تصير بسرعة هالسنة... قبل شهر رحت راجعت كتلة الى متى ننتظر صار سنة ونص ننتظر الامنية تعرف شنو كلي؟!! والله العظيم قال (اني اشوف سنة ونص مو مدة طويلة) بس مرتي كانت وياي لزمتني لا اخنكة هههههه

[ليث كراده]

اشكرك على ردك Ashurram
ضحكتني مال اخنكه هههه  بس هذا الي صار واني كفيلي خابر البنيه المسؤله عن ملفي هناك بامريكا وكلتله قريبا جدا ما اعرف والله بعد بس حبيت اخذ رايكم وشكرا مره اخرى

[مليت من الغربة]

هذا اكيد كان شارب شي من كلك الامنية تصير بسرعة هالسنة... قبل شهر رحت راجعت كتلة الى متى ننتظر صار سنة ونص ننتظر الامنية تعرف شنو كلي؟!! والله العظيم قال (اني اشوف سنة ونص مو مدة طويلة) بس مرتي كانت وياي لزمتني لا اخنكة    r=pink][/color][/fo الnt] السلام عليكم اختكم أم احمد جديدة بالمنتدى وأريد منكم تساعدوني لانو اني نفسيتي حيل تعبانة ومدااعرف شنو الموضوع اني سجلت بسنة 2008 وجانو كلش زينين وياية ال un بس اني بوكتها مجنت متزوجة وبالمقابلة3 مرحت على الموعد لانو جنت متزوجة بهذا الوقت وجنت حامل وتعبانة بفترة الحمل ومن بعد ماولدت رحت على مود ارجع ملفي كالولي ملفج سكرناه لانو ماراجعتينه وهو صحيح اني شوية هملته للملف لاني تعبانة ومن بعد كذا مشكلة سويت وياهم وكراك رجعو فتحولي الملف ورحنا اني وزوجي وأبني على المقابلة بس كل واحد قابل وحده ومن بعد المقابلة كاولنه انتظرو بالصالة وبدين ذاعو اسمي نطوني ورقة انو همه يعترفون بية كالاجئة بس زوجي نطوه ورقة كاتبين بيها طالب لجوء ونطوه موعد بعد 10 اشهور فا هذا الشي عادي لو شنو الفلم ؟؟؟؟ ياريد تفيدوني وطمنوني لانو اني تعبت من لبنان وغلى لبنان وضعنه كلش صعب هنا

[ليث كراده]

الاخت ام احمدكلشي طبيعي  بالنسبه لموضوعج انتي في مرحله من المراحل الاولى يعني بعد جيب ليل واخذ عتابه وزوجج اكيد ينطو هاي الورقه لانو مجرد سجل عدهم بعد المقابله راح ينطو مثل الورقه مالتج يعني بعد ال 10 اشهر وانشاء الله فرج قريب على كل اللاجئين العراقيين

[مليت من الغربة]

الاخت ام احمدكلشي طبيعي  بالنسبه لموضوعج انتي في مرحله من المراحل الاولى يعني بعد جيب ليل واخذ عتابه وزوجج اكيد ينطو هاي الورقه لانو مجرد سجل عدهم بعد المقابله راح ينطو مثل الورقه مالتج يعني بعد ال 10 اشهر وانشاء الله فرج قريب على كل اللاجئين العراقيين

  شكرآ أخي ليث على الرد بس أكو شغلة كالتلي الموظفة من بعد المقابلة الاخيرة الي سويناها انو همه اعتبرو ملفي من سنة 2008 مو يعني حسبوه ملف جديد يعني انت برئيك اكو بعد هواية نطرة   

[Ashurram]

مرحبا اخوان البارحة اتصلوا بامريكا بكفيلي للمره الثانية وسألوه بعده يريد يصير كفيلنا وطبعا جاوبهم (نعم)
علما احنا عدنا الفحص الطبي قبل شهر والفحص الاول كان نهاية 2010


ارجو من الاخوة الي اعادو الفحوصات يكلونا اذا اتصلو بكفلائهم لو لا؟

[المهــــاجــر]

ايامكم سعيدة و كل عام وانتم بالف خير
اخ اشورام هذا الخبر جيد هذا يعني اقترب موعــد السفر مالتك واتوقــع في القريب العاجل اخبار سارة بخصوصك ..لأن بهذه الفترة من يخابرون الكفيل  بعد فترة صغبرة ينطون الموعد  ... تمنياتي لك بالموفقيــة والسفر القريــــــب ..

[Ashurram]

مرحبا اخوية المهاجر وانت بالف خير اخوية والجميع ان شاء الله

اشكرك على الاجابة ان شاء الله توقعك يكون صحيح

[مليت من الغربة]

السلام عليكم  ياأخواني اليوم راح زوجي على المفوضية على مود يقدم تقريب للمقابلة لانو نطوه مقابلة شوية بعيدة بشهر العاشر فا هناك شاف شي يكلي مو طبيعي العراقين هواية اليوم وكلها دينطوهم موافقات ومواعيد والبارحة جان اكو عراقين سافرو طيارتهم البارحة واكو بعد بهذا الشهر وانشاء الله الفرج القريب  كولو ياالله رح تفرج رح فرج  اني كلش اتفائلت بالخير بس كلي عراقين هواية هناك وأنتباه بس عراقين وكم واحد سوداني يعني بعدنا احنا المفضلين وفهمكم كفاية

[Ashurram]

اختي العزيزة نشكرك على المشاركة والاخبار الحلوة

ما عرف زوجك اي وفود انطو موافقات نهائية؟؟

[مليت من الغربة]

اني مطولة  أخوية بس اني دا اقصد الي عنده قبول ومنتظر فا الموضوع حلو هناك ديمشون العالم بشكل مو طبيعي وحتى أكو شاب عراقي جان كاعد يم زوجي سأله زوجي انو هو شعنده كاله اني جنت محبوس وطلعوني البارحة من الحبس واليوم جاي اخذ موعد للسفر يعني شي حلو

[المهــــاجــر]

مساء الخير للجميــع
هاي ويــــــــــــــــــــــــــــــــــــن رايحــة صفحتنــــا؟؟؟
تــم قبل يوميــن اعـطــاء مواعيــد سفر جديدة الى امريكا وعدد جيــد من القدامة والجدد
ولكن لا املك التفاصيــل اكثــر .. الف الف مبرووووك للمشمولين بيها ويارب يوم الألنا كلنا نحن المتأخرين
مـــع تمنياتي للجميــــع بالســفر القريب..
شكرا للأخت مليـــــــــت على المشاركة وهذه الأخبار الحلوة

[kazemmardini]

مرحبا انا عضو جديد معكم مواعيدسفر كثيره هي الايام انني انتظر امنيات من 10 اشهر ولحد الان لاشي وكل من قابل معي سافرو مقابلة الوفد شهر4 20011 الى متى الانتظار

[Ashurram]

مرحبا شباب
اريد اؤكد كلام اخونا المهاجر واني هم سمعت جماعة من قابلو وفد بال 2010 اخذوا مواعيد سفر.....

مرحبا بيك كاظم مارديني بين اخوتك واخواتك