اللاجئين العراقيين في لبنان

[مليت من الغربة]

السلام عليكم ياريت ياأخوان  أكو احد يفيدنا ويوضحنا شلون المعيشة بتركيا وقبول الاجوء اسرع من لبنان تعبنه من الانتظار يعني اذا اكو احد يعرف بلكي يرد علية الله يخليكم

[Ashurram]

والله اختي نفسي الشي هم تركيا.... هو الخلل مو بلبنان لو تركيا الخلل بينا احنا ما عدنا حظ
العالم دا تطلع منا كرف واحنا كاعدين نصيح يا ليل

[مليت من الغربة]

مساء الخير للجميــع
هاي ويــــــــــــــــــــــــــــــــــــن رايحــة صفحتنــــا؟؟؟
تــم قبل يوميــن اعـطــاء مواعيــد سفر جديدة الى امريكا وعدد جيــد من القدامة والجدد
ولكن لا املك التفاصيــل اكثــر .. الف الف مبرووووك للمشمولين بيها ويارب يوم الألنا كلنا نحن المتأخرين
مـــع تمنياتي للجميــــع بالســفر القريب..
شكرا للأخت مليـــــــــت على المشاركة وهذه الأخبار الحلوة

  الله يخليك وشكرآ الك المهاجر على الرد بس اريد أسألكم أخواني منو يعرف شدينطون  بالكريتاس ؟ ولله اني رح يصيرلي 5 اشهر عندي ورقة الامم ورحت حسب ماكالولي بالمفوضية انو اروح على الكريتاس ينطون مساعدات بس ولله لليوم ماكو شي اذا احد عنده معلومة ياريت يفيدني بيها ؟ على مود اراجعهم لأنو استحي اروح بدون ماكون متأكدة من شي أحس نفسي دا اشحد منهم     

[المهــــاجــر]

مساءالخير للجميــع
اخت مليت من الغربة اتمنى ان تكوني بخير ..بخصوص الكريتاس من حقج تراجعين الكريتاس بأي وقت ومو شرط الا اذا يوزعون شي..روحي كليلهم امم دزني عليكم  وكلولي انتم تساعدوني وما بيها خجل هذا حقج اذا موجود شي هما ينطوج او يكلولج تعالي بفلان تاريخ او كل فترة راجعينا يجوز هسا ما عدهم شي ..واكو كثير منهم حبابات ويستفبلون المراجعين بلطف ..انتِ روحي الصبح  ظروري قبل الساعة 12 لأن يسجلون الأسماء وبعدين يقابلوهم على انفراد واحد واحد واكيد عندك ملف عدهم من الظروري تحفظين الرقم مالتج والسنة حتى يفتحون الملف مالتج ويسجلون بيه اي شي تستلمين روحي وأسليهم وكليلهم  انا حالي حال كل اللاجئين مستحقة منكم مساعدة وخاصة المحارم او البطانيات او الدواشك او مواد تنظيف او حفاظات.. ومرة بالسنة يدفعون ايجار الشقة ومرات ينطون قسائم شراء اي صكوك ويخصصولج سوبر ماركت معين وتشترين منه ... تقبلي تحياتي..

[مليت من الغربة]

مساءالخير للجميــع
اخت مليت من الغربة اتمنى ان تكوني بخير ..بخصوص الكريتاس من حقج تراجعين الكريتاس بأي وقت ومو شرط الا اذا يوزعون شي..روحي كليلهم امم دزني عليكم  وكلولي انتم تساعدوني وما بيها خجل هذا حقج اذا موجود شي هما ينطوج او يكلولج تعالي بفلان تاريخ او كل فترة راجعينا يجوز هسا ما عدهم شي ..واكو كثير منهم حبابات ويستفبلون المراجعين بلطف ..انتِ روحي الصبح  ظروري قبل الساعة 12 لأن يسجلون الأسماء وبعدين يقابلوهم على انفراد واحد واحد واكيد عندك ملف عدهم من الظروري تحفظين الرقم مالتج والسنة حتى يفتحون الملف مالتج ويسجلون بيه اي شي تستلمين روحي وأسليهم وكليلهم  انا حالي حال كل اللاجئين مستحقة منكم مساعدة وخاصة المحارم او البطانيات او الدواشك او مواد تنظيف او حفاظات.. ومرة بالسنة يدفعون ايجار الشقة ومرات ينطون قسائم شراء اي صكوك ويخصصولج سوبر ماركت معين وتشترين منه ... تقبلي تحياتي..

شكرآ أخوية وأني سويت مثل مكلتلي ورحتلهم اليوم الصبح وجانت أكو بنية والله لو هي بالعراق لشبعها كتل  لانو أخلاقة مو حلوة أبدآ وتعرف شكالتلي كالتلي احنة موقفين المساعدات بهذه الفترة    وجان أكو ناس هناك كالولي كذابة دينطون مساعدات ورجعت كلتلها زين اني عندي فحوصات الي ولازم اسويها طالبها مني الدكتور وشوفته الورقة مال دكتور وهاية الورقة من 3 أيام طلبها مني الدكتور اسويهم ضروري بخلال هذه الأيام لانو عندي الظغط يضل عالي وهو دكتور قلب يعني مو لعبة القصة تعرف شكالتلي  كتبتلي عنوان مستوصف كالتلي روحي لهناك وشوفي شو بيقولوك وطبعآ هذا المستوصف عاوي أبن عاوي ومابيه تجهيزات الطبية الي اني أريدها وماأدري شسوي 

[مليت من الغربة]

والله اختي نفسي الشي هم تركيا.... هو الخلل مو بلبنان لو تركيا الخلل بينا احنا ما عدنا حظ
العالم دا تطلع منا كرف واحنا كاعدين نصيح يا ليل

  شكرآ الك أخوية ولله مثل ماكلت الخلل بينا احنا زين وين نروح ويقبلونا بسرعة     

[zuhair2010]

 السلام عليكم اخواني_اني جديد بمنتداكم الجميل اسمي زهير اسكن في بغداد واريد اهج من العراق اريد اجي الى لبنان حتة اقدم على اللجؤ[ 

[مليت من الغربة]

السلام عليكم اخواني_اني جديد بمنتداكم الجميل اسمي زهير اسكن في بغداد واريد اهج من العراق اريد اجي الى لبنان حتة اقدم على اللجؤ[ 

  أهلآ وسهلآ بيك أخي بين أهلك وناسك ونتشرف بيك وبكل الموجودين  وتريد تجي على لبنان عني تجي ليصير عندك مرض الظغط والسكر مثل أختك هنا صار بيها من ورا un سولي أمراض مزمنة      بس ياأخوية هي حظوظ وبلكي يطلع حظك احسن من عدنه تعال وقدم  وشوف حظك وكول ياالله

[المهــــاجــر]

مساء الخير يا جماعة  هاي وينكم معقولة محد عندا اخبار ؟؟؟
البارحة واول البارحة مخابرين الجماعة القدماء ومبليهم قسم ان امنياتهم انتهت وقسم كالولهم حظرو نفسكم عن قريب وحظروا الغلسة هههه اي صدك  وجماعة اللي اكثر من ملف خيروهم اذا يردون يسافرون اللي مخلص امنياته او بقون سويا ..المهم اكو تطورات جديد على الملفات ..ومنظمة التوطين في امريكا كايلين لكفيلي من راجع انو بشهر الخامس والسادس والسابع راح يستقبلون لاجئين قدماء كثبرة ..
اما عن اخياري   قسم زينة وقسم مو زينة وهذا الربط يبين الموضوع ..http://www.ankawa.com/forum/index.php/topic,570879.0.html
وينكم اخوان اشورام  ..علي ياسين انتو ما أجاكم شي؟؟ فرحونا يا أخي ..وين مختفين
اخ زهيــــر :اهلا وسهلاً بيك  ..واذا تريد تجي للبنان الأمور داجة بس مع ذلك بقت انت وحظــك ..وكل من يأكل نصيبه ...
تحياتي للجميــــع وتمنياتي لهم بالسفرررررر القــريـــــــــب

[zuhair2010]

شكرا اخت مليت من الغربة_الله يعوض صبركم ان شاء الله كلكم اسافرون مودعين  با الله وتفاركون عراق الخسة والنذالة

[kazemmardini]

الاخ المهاجر لايمتى الصبر والله ضجنا وما عاد بينا نتحمل الامنيات جابتنا عله و100 مرض والله يفرجها على الجميع

[Ashurram]

مرحبا اخواني

والله اخوي المهاجر احنا ما اجانه اي شي بس اليوم كنت عند الحلاق وسمعت رح يتجمعون فد كوستر او اكثر الي امنياتهم متأخرة ويروحون على الامم بس ما عندي تفاصيل يا ريت لو اي واحد عنده تفاصيل يكللنا... بالنسبة لهذولة الناس الي خابروهم من يا سفير همه؟؟

[مليت من الغربة]

مرحبا اخواني

والله اخوي المهاجر احنا ما اجانه اي شي بس اليوم كنت عند الحلاق وسمعت رح يتجمعون فد كوستر او اكثر الي امنياتهم متأخرة ويروحون على الامم بس ما عندي تفاصيل يا ريت لو اي واحد عنده تفاصيل يكللنا... بالنسبة لهذولة الناس الي خابروهم من يا سفير همه؟؟

  ياريت لو تعرف شوكت رح يتجمعون وتكولنة على مود نروح بنفس اليوم هم ونسوي اعتصام بلكي ينضرون بموضوعنا

[المهــــاجــر]

الأخوة والأخوات
اشورام
مليت من الغربة
زهيـــر
 
kazemmardin
 شنسوي يا خويا احنا بأيدهم وهما بيد الله  ..والله ينجاز بيهم ويأخذ حقنا منهم ..ما عدنا غير الصبر والصلاة والدعاء الى الله ان يفرجها على الجميـــع ..واكيد الله كريم


أي اخ  اشورام ..اني سمعت هيجي شي بس مو على الأمم ولكن على السفارة الأمريكية حتى يوصولون معاناتهم ومشاكلهم للسفير الأمريكي ..بس انا تلكم اذا ما تأذون الموافقة مسبقاً من يكول يستقبلنا؟؟ على اساس يأخذوك وستر ونروح عوائل كلنا ..هذا ما كلولي يوم السبت جماعة المبادرة بس اني كتلهم راح نروح على الأمم يوم الأثنين اليوم يعني وما اعرف راح يرحون باجر لو بغير يوم ؟؟؟

[mradyosf]

 
  مرحبا بكم الاخو ه جميعا انا ضيف جديد  والله الاخ المهاجر مشكلتنا مو مع السفار الامريكيه لاكن المشكله كلها تبدء وتنتهي عند icmc وبلاخص ابو شعر يلي اسمه وسام هذا اساس كل المشاكل من فتر خابرت طلعلتي بنيه وجلتلها شو صار بلامنيات مالتي جالتلي انت مخلص دوره وفحوصات والاداريات وبعد فتره اتصلت طلعلي هوه سالته نفس السؤال جلي لسى ما عندك اي شي ولساتك بلبدايه طيب وين العدل يلي يخلو شخص مثل يتحكم بلناس
 
 

 

[المهــــاجــر]

مساء الخير للجميع
اخ مراد يوسف  اني نفس الشي صار معي انا رحت واستفسرت عن ملفي واستقبلتني بنية واكاتلي امنيتك الاولى خلصت وبع شهرين تقريبا  اتصلت  هم طلعلي هذا الفكر وكلي لالالا بعد بالامنية الأولى!!! ما عدهم مصداقية اخي جذابين ويحاولون يأخرونا بأي طريقة ..وما اريد اكول سوو بيه قبل كم يوم لأن تعقدت  بالفلم اللس سوو بيه صدكني دمروني  بالفيكة اللي سووها ..الله يدمرهم ويحطم اعصابهم مثل ما ديحطمون اعصابنا ..
والرابط اللي فوك يوضح كلشي ..
الخبر الثاني الحلو اليوم منطين مواعيد سفر جديدة يو 9\5  مبروووووك للجميـــع

[mradyosf]

  
الاخ المهاجر البارح راح كفيلي على وكالة التوطين وجللهم ليش هل التاخير صرلهم 10 اشهر مخلصين كل شي والشخص يلي ببيروت تبع icmc 
 

وكل ما يتصلو بيه يجللهم لسى ما عندكم اي شي جله هذا كذب كل اوراقهم وملفهم خالص بس ينتظرون موعد طياره طيب ليش ما يكون هذا الشخص هو يلي باخر ملفاتنا ولازم انلاقي حل معاهم لانه مافي مصداقيه بكلامهم شو رايك ولازم يكون في مسؤل عن هذا الشخص نشتكي عليه او انشوف شو قصتنا وان شالله السفر للجميع وملاحظه اغلب المرات لما نخابره يقول اكو رفض بلامنيات كثير شو رايك
 

[mradyosf]

   
 

 
 ها اخوان دوينكم وين انخفيتو ماكو احد ان شاالله خير ويكون اجاكم سفر جميعكم ان شاالله يارب تفرج علينا وعليكم وبلاخص يلي مستنين امنيات

[Illusionist]

السلام عليكم
 انشاء الله تفرج علينا جميعاً
وغريب إلى حد الآن لا يوجد جديد من ناحية ملفي وملف العائلة ملينا ولله

[mradyosf]

السلام عليكم
 انشاء الله تفرج علينا جميعاً
وغريب إلى حد الآن لا يوجد جديد من ناحية ملفي وملف العائلة ملينا ولله         الله يفرجها علينا وعليكم واهلا بك معنا ولاكن اين واصل بمعاملتك لانه والله ضجنا والله يصبرنا

[Illusionist]

حبيبي اهلا وسهلا بيك،
نحن في المراحل الأمنية وصارلنا سنة ونص مخلصين

[mradyosf]

حبيبي اهلا وسهلا بيك،
نحن في المراحل الأمنية وصارلنا سنة ونص مخلصين
[/q
 مرحبا بيك اريد اسالك مخلص امنياتمن سنه ونص ولحد الان ما سافرت صرلي 11 شهر استنى امنيات ولحد الان لا شيء والله يفرجها على الجميع   مراد يوسف

[وهم]

مرحبا شباب شلونكم شنو معنوياتكم شو هل ايام محد ديكتب عن السفر معقوله ماكو مواعيد جديده اذا اكو شي جديد لاتبخلون علينا نريد نرفع المعنويات شويه ترى والله ملينه ونريد نعرف اليه ديسافرون من اي وفد همه والله يوفق الجميع 

[Ashurram]

بصراحة المعنويات تحت الصفر واني تقريبا فقدت كل الامل بموضوع امريكا لان صارلنا سنة ونص ننتظر امنيات واكو  ناس صارلهم سنتين والي يروحون كلهم من الوفود الجديدة يعني باختصار الملف من يتاخر شوية يعني حطو عليه طابوكة بس والله حقارة منهم يخلون الناس هيج تنتظر لو تسفرونا لو رفضونا وخلصونا

[mradyosf]

مساء الخير للجميع والله يلي قاله الاخ ashuraam صحيح 100 بل 100 وافقتو علينا و سوينا فحوصات وتثقفيه وبعديها قلتونا نامو ولمتى هذه الامنيات ناس تجيها باسبوع وناس بشهر وناس بسنين هاي مسخره وافضليات وبطلت اقتنع بشيء اسمه امنيات والوضع مش طبيعي وفهمكم كفايه وبتتصل بيهم يقولولك لحد الان امنيات وبعدين يقلك ليش مستعجل اكو رفض كثير بل امنيات يعني بعد كل هاي البهدله والذل والدمار النفسي يجي رفض اي وين العدل من هيك ناس

[mradyosf]

 الاخ ashurramالى متى هذه الامنيات هل من المعقول انها حظوظ ام ماذا وما هو الحل الانتظار صعب جدا  وهل يوجد اخبار جديده

[Ashurram]

الى الاخ علي ياسين هاي وينك يمعود ضل بالنا عليك من زمان ماكو صوتك حاولت اتصل بيك على رقمك لكن ما حصلتك اذا تقرة مشاركتي ارجو ان تتصل بيه اني رقمي نفسة.

اخ مراد شنو اكلك والله هاي الامنية حتى الي اخترعها ما يفتهم شنو هيه كلاب ولد كلاب كاعدين يضحكون علينا لو حيوان عدهم ينحصر يجيبون الدنيا كلها حتى ينقذوا  واحنا صارلنا سنين لا معلكين ولا مطلكين منتظرين كلمة منهم لو اي لو لا وهمة ولاعبالك... وفوق القهر حاطينا واحد يلعب 100 نفس وين ما تروح يطلعلك حتة الانسر مشين مال (ICMC) مسجلينها بصوتة الي يلعب النفس.... عمي اسكت وخليها واعذروني على كلماتي ترة اني قلبي مليان

[mradyosf]

 
 والله اخي ashurramكلامك 100/100صحيح واني مثلك حيل ضايجين وكل ما اخبرهم ويطلعلى هذا المخلوق نفسي تلعب ونفسي اتصل بيه ويسالني مين انت او شو رقم ملفك ومن فنره زوجتي ضاجت وخابرته ويا الله ما احسنه سالها على رقم الملف وجللها ان شا الله خير وقريبا وما طولون ومن هذا الكلام باقي عندي هذا الشهر وبعدين انزل ارقصلهم بلدي على الوحده ونص

[ام بكر]

مرحبا اخواني وخواتي شلونكم انشالله بخير وبصحه وعافيه
حبيت اسلم عليكم وابشركم احنا وصلنا امريكا يوم الخميس مدري الجمعه الفات والله نسيت ,, الف الحمد لله والشكر
طيارتنا كانت يوم 26-4 . وصلنا اريزونا - توسان (بدون كفيل)
اتمنالكم الموفقيه وتسهيل الامر ويارب تسافرون كلكم ومحد يبقى بلبنان وتنسون التعب والضيم مال الشرق الاوسط
واي سؤال او استفسار اني حاضره وبالخدمه
تحياتي وسلامي للجميع
 

       اللهم لك الحمد كما ينبغي لجلال وجهك و عظيم سلطانك

[Ashurram]

الف مبروك اختي ام بكر ان شاء الل تتهنون بحياتك الجديدة

[وهم]

اختي العزيزه ام بكر في البدايه الف الف مبروك على السفر والحمد لله على وصولك امريكا ولاتنسينا بدعواتك اخوان اكيد تعرفون انه كل المشاكل ولعبان النفس من ورى ابو شعر والله هذا جنن العالم واكبر كذاب عمي هذه ياامنيه الي تتاخرسنه وسنتين يعني امريكا وعظمتها وتقنيتها متكدر بكبسة زر يعرفون عنك معلومات وبي دقائق هذا طبعا اذا اكو شى اسمه امنيه بس هما متقصدين التاخير رضينا بالهم والهم مارضى بينا والله كريم

[mradyosf]

حمدالله على السلامه اخت ام بكر وان شاالله تيدون حياه جديده باريزونا وان شاالله  وبلنسبه للاخ وهم وللجميع انا هذا يلي اقوله عجزت اريكا عن امنياتنا وللمعلومات بمجرد ما اجتك الموافقه المبدئيه هم شيكو عليك لانه لو لقو عليك اي شيء كان فورا رفض وخليها على الله واسال الله العظيم رب العرش العظيم ان يفرجها على الجميع

[ام بكر]

مرحبا اخواني الاعزاء
الف الف شكر الكم اخوان Ashurram و وهم و mradyosf عالتهنئه والله يسلمكم من كل شر . يارب تتسهل اموركم وتتيسر وتخلصون من لبنان وقهرها وتصير هاي كلها سوالف .
على فكره ابو شعر من ييجيكم موعد سفر وتخابرون اي سي ام سي رح تشوفون معاملته واسلوبه بالكلام تغير 180 درجه رح يصير حباب ولطيف جدا بالكلام مدري ليش؟؟!!
جديات مدا اتشاقى هاي دا احجيها من تجربه ورح تشوفوها انشالله
مشكورين مره اخرى والله يفرجها عليكم يارب

[علي ياسين]

اخوان اني مشتاقلكم هواية ومشتاق لخباركم الحلوة
حبيبي اشورى وحبيبي مهاجر وكل الاخوة اني هسة بعمان جيت يم الوالد شوية تعبان وارجع الاسبوع الجاي انشاء الله
اختي ام بكر الف مبروك وتوفيق انشاء الله

[Ashurram]

اخوان اني مشتاقلكم هواية ومشتاق لخباركم الحلوة
حبيبي اشورى وحبيبي مهاجر وكل الاخوة اني هسة بعمان جيت يم الوالد شوية تعبان وارجع الاسبوع الجاي انشاء الله
اختي ام بكر الف مبروك وتوفيق انشاء الله

ما عنده الا العافية والدك اخوية العزيز واحنا هم اشتقنالك والله... ترجع بالسلامة ان شاء الله

[ام بكر]

اشكرك اخويه على جزاك الله خير ويارب  يشافي الوالد ويعافيه .

[المهــــاجــر]

 
الاخ المهاجر البارح راح كفيلي على وكالة التوطين وجللهم ليش هل التاخير صرلهم 10 اشهر مخلصين كل شي والشخص يلي ببيروت تبع icmc  
 

وكل ما يتصلو بيه يجللهم لسى ما عندكم اي شي جله هذا كذب كل اوراقهم وملفهم خالص بس ينتظرون موعد طياره طيب ليش ما يكون هذا الشخص هو يلي باخر ملفاتنا ولازم انلاقي حل معاهم لانه مافي مصداقيه بكلامهم شو رايك ولازم يكون في مسؤل عن هذا الشخص نشتكي عليه او انشوف شو قصتنا وان شالله السفر للجميع وملاحظه اغلب المرات لما نخابره يقول اكو رفض بلامنيات كثير شو رايك
 

اسف جدا اخ مراد على عدم الأجابة لأن من زماااان ما داخل على عنكاوا   والله هذا ابو اشعر كسر وهسي بكلشي من ورا شغلاتة السخيفة والألاعيب الخبيثة اللي شفناها منه ..اخي وين نروح والمن ندير وجهنه  هذولا كلهم  واحد انكس من الثاني لا تصدك واحد يدك بالثاي !! هما عاملين علينا دائرة مغلقة وواحد يرفع وواحد يكبس ...بس اذا تريد انطيك رقم المحامي اللي تابع هم للأمم بس ما اتصور يسوي شي هو اكيد هم منهم وبيهم  صح لو لا ؟؟..
اخ علي ياسين : من عدة ايام وانا اخابرك ويطلعلي تم رفض المكالمة  ..انشاءالله الف سلامة للوالد يا رب ..
الأخت ام بـــكـــر .. الف الف مبرووووووك وصولكم لأمريكا  واتمنالكم حياة جديدة بعيـــدة عن الدول العربية وعن موظفين الدول العربية اللي بالأمم ..اكيد لو كانوا موظفين اجانب ما كانوا يسوون بينا هيجي ..خو سمعتو بشغلتي اللي سووها بينا

قبل اسبوعين  كفيلي مراجع المنظمة {منظمة التوطين} وكلولا ان الأمنية الأولى خلصت وباقي اعادة الفحوصات لتكمل الأمنية الثانية ..
خابرنا ثاني يوم سي ا م سي لنتأكد من الموضوع كالو لا ماكو شي جديد بخصوص ملفكم!!! وبعد يوميين خابرونا هما كالونا انتو وبيت اهل زوجتي رابط قوي؟؟ كلنا يعني شنو؟؟ كالو انتو وبيت اهل زوجتك موقعين ما تسافرون الآ سويا !!  كلنا واحنا شعلاقتنا بيهم  احنا ملف بوحدنا وهم ملف بوحدهم منين جبتو هذا الكلام؟؟؟!!! تكول يعني انتو جيتو وعملتو الفصل أي سويتو فك ارتباط؟؟؟ كلنا ليش احنا من الأصل متفقين على هيجي شي وياكم علمود ننفصل؟؟؟!!! كالو زين اهل زوجتك عدهم نفس الرأي ؟؟؟ ترى راح نخابرهم ؟؟؟ وخابروهم على نفس الموضوع !!!! وكالولهم انه هما وحدهم وبيت بنتي وحدهم مالنا علاقة بيهم .. علماً نحن اجينا قبلهم بثلاثة اشهر واحنا سوينا السفير بشهر الخامس 2010 وهما سوو السفير بشهر الواحد 2011 ولا مرة التقينا سويا بالأمم ..اريد اعرف منين جابوا هذا الحجي وها الفيكة ؟؟ تصوروا مخلين اخ واخت زوجتي معانا بالملف ويكولون انتو صايرين بدائرة مغلقة من الأمنيات أي تخلص امنياتي وتبدي امنيات اخ زوجتي  يعني واحد يرفع وواحد يكبس  وهكذا .. فالظاهر من شافوا تحرك الملف مالتنا وصفا من المشاكل كاموا يطلعونا هاي الفيكة الجديدة الخبيثة حتى يأخرونا اكثر فترة ممكنة .. شايفين هيجي حظ؟؟؟
تحياتي لكل من  : ام بكر ...اشورام ... علي ياسين ..مراد يوسف ..Illusionis.... الأخ وهــم .. وأعتذر مرة اخرى عن عدم وجودي بينكم من زمان ...
اخر الأخبــار  : تم اعطاء مواعيــد كثيـــر للسفر الى اميركا  الى يوم 22\5  ومن مختلف الملفات  اي القديمة والجديدة ..
مــع تمنياتـــــي للجميـــع بالســـــفر القريـــب ....[/color][/size]

[mradyosf]

 الاخ المهاجر اتمنى من الله الفرج القريب عليكم جميعا لانه قدرنا ليس بايديهم ولاكن بيد الله لو اجتمعت الانس والجن على ان تضرك بشيء لما ضرت ولو اجتمعت الانس والجن على ان ينفعوك بشيء  لما قدرو فتوكل على الله وحسبي الله ونعم الوكيل منهم لانهم ظالمين الى ابعد الحدود  ومحامين اليؤن جماعه طيبين ولاكن ما يطلع بايدهم شيء والفرج قريب

[مايكل اندريه85]

 الف الف مبروك للاخت ام بكر واتمنى لكم حياة جديدة وسعيدة ببلاد العم سام

والف الحمد لله على سلامة والد الاخ علي ياسين وماعنده بس العافية

الاخ المهاجر رعد عليك بالصبر ثم الصبر وانشاالله تفرج


تحياتي لكم جميعا

[مليت من الغربة]

الف الف مبروك للغالية ام بكر على الوصول بالسلامة أخوان أريد مساعتكم  اني سويت فحوصات وطلع عندي مشاكل بالقلب ولازم اسوي عملية قسطرة واني وزوجي ملفنا نايم وتعبنة من لبنان شتنصحوني اذا وديت الفحوصات وخليته بالملف ممكن يتحرك ملفنا لو يضل مثل حاله أختكم أم أحمد

[المهــــاجــر]

مساء الخير للجميـــــــــــــــــــــــــــــــع
مراد يوســـف : شكرا على الكلمـــات الجميلــة المعزيــة  ..اكيد  لو لا اعتمادنا على الله لأنفجرنا من القهر لأن الموظفين اللي بالأمم وخاصة ابو الشعر والترجية يحاربنا كلنا  وما مرة سمعنا منا حجاية حلوة .بس اكول على رأيك الله قادر على كل شيء وبالوقت المناسب ..جماعتنا بأمريكا يكولون لو هذا الموظف كان بأمريكا كان من حقك تشتكي عليه  وكان هسا طيرو من مكانه ..هناك ماكو هيجي شي !!!! يا ما ناس كاللهم  بعدكم ما واصلين للأمنية الأولى وبعد كم يوم اشو طلعلهم موعد سفر .بس هو حقير ما يفرح احد ...

الأخ ماركوص القيصر : شكرا اخ ماركوص وما عدنا غير الصبر والأعتماد على الله ...

الأخت مليت من الغربــة : انتي قدمي اوراقج وفحوصاتج للأمم  وبلكت يتحرك الملف ان شاء الله  والف سلامة الج وحاولي تروحين على الكاريتاس اذا نويتي تسوين العملية حتى يساعدوج بالمصاريف وان شاء الله  سلامات وما عندج غير العافية يارب .. وراح انطيج هذا الأيميل حاولي تشرحيلة قضيتج يمكن يساعدج بشي .. الأيميل هو :igillen2011

واتمنالكــم الفرج القريب جميعـــاً

[مليت من الغربة]

اشكرك اخوية المهاجر ورحملة والديك بصراحة ياخوية بصراحة اني خايفة من العملية بس لازم اسويه وعلى الله ضلت وبخصوص هذا ايميل الي انت كتبتلياه هو هوت ميل لو ياهو والمن هذا ايميل ؟

[mradyosf]

 مساء الخير على جميع الاعضاء  اخي المهاجر لابد من الظالم ان يقع بشر اعماله ودعاء المظلوم ليس بينه وبين الله حجاب  الاخت مليت من الغربه على حد معلوماتي اني وعائلتي سوينا فحوصات كثيره وصور واشعات وكانت مكلفه جدا جدا  وكنت تابع الى مجلس الكنائس وكانت مساعدتهم 85 بلميه من قيمة اي علاج واعتقد ان الكاريتاس نفس الشيء والله يشفيكي  ويفرجها على الجميع

[Ashurram]

مرحبا اخواني شلونكم اتمنى كلكم تكونون بصحة جيدة وصابرين رغم التعب النفسي والانتظار القاتل

ان شاء الله الفرج القريب للكل ونخلص من ابو الشعر اول شي وبعدين نخلص من الانتظار.

[mradyosf]

مساء الخير اخ asurramانا اظن مع كل احترامي اللك انه عمرنا راح يخلص ومن ابو شعر مش رايحين نخلص منه الا يا بلموت يا بلسفر واعتزر 

[ام بكر]

الف الف شكر لاخواني المهاجر و ماركوس القيصر واختي مليت من الغربه يارب تفرج عليكم  وتتسهل الامور وتطلعون من الشرق الاوسط وتشوفون الناس هنا شلون عايشين شلون ترتيب و نظام ورفاهيه مع العلم المدينه اللي اني بيها صغيره و قريبه من حدود المكسيك بس كلش حلوه و مرتبه  الف الحمد والشكر لله يوم الكم انشالله
خويه المهاجر كان ويانا ولد هو وعائلته بالطياره شغلته تشبه شغلتكم شويه مخلص كلشي ومحد ديسفره وحتى سوه اعاده سفير وبالسفاره كالوله احنا ما عدنا اي سؤال الك انت ليش ليهسه ما مسافر ؟؟
والجماعه عايفين ملفه ومحد محركه بس ظل يراجعهم و يروح وييجي لحد ما خابروه ونطوه موعد سفر هذا اللي اعرفه وتبقى هي الامور بيد رب العالمين  . الله يسهلها عليك وتمشي امورك وتصير مثل ما تريد وكل اخواني وخواتي اللي بلبنان . امين يارب العالمين
تحياتي وسلامي للجميع
صدك نسيت اريد اكللكم على فد شي .. من تسافرون انشالله من لبنان الى فرانكفورت قبل ما تنزل الطياره بفرانكفورت لا تنامون واتفرجو من شبابيك الطياره لان رح تشوفون  مناظر تخبل وعمركم ما رح تنسوها .. يارب تتيسر الامور وتسافرون وتصير هاي المعاناة سوالف

[مليت من الغربة]

مساء الخير على جميع الاعضاء  اخي المهاجر لابد من الظالم ان يقع بشر اعماله ودعاء المظلوم ليس بينه وبين الله حجاب  الاخت مليت من الغربه على حد معلوماتي اني وعائلتي سوينا فحوصات كثيره وصور واشعات وكانت مكلفه جدا جدا  وكنت تابع الى مجلس الكنائس وكانت مساعدتهم 85 بلميه من قيمة اي علاج واعتقد ان الكاريتاس نفس الشيء والله يشفيكي  ويفرجها على الجميع

       اشكركم على على الرد واني رحت على الكرتاس كالولي احنا تغطيج بالعملية 85 % بس اني خايفة من العملية بس عندي سؤال يعني اذا وديت الفحوصات الى un ممكن يسرعولي بالملف ؟

[mradyosf]

 الاخت  مليت من الغربه تقديمك للفحوصات الىun لايقدم في ملفك بشء ولاكن صيدموه الى الملف فقط والله كريم

[المهــــاجــر]

مساء الخير للجميــــــع
الأخت مليت من الغربة
هذا الأيميل هو ياهو وانا حاجي وياه اكثر من مرة ويساعد المهاجرين اللي ملفاتهم مرفوضة او ملفاتهم جامدة او واكفة انا اعرف عائلة عراقية كانو موكفين ملفهم من زمان  بس قبل فترة كالوا هما اتصلو بينا وعملو ويانا مثل المقابلة بالتلفون  وتحرك الملف.. وانا حاولت معهلأن يساعدنا  جماعة الأمنيات كالي لو انت موفوض كان نكدر نساعدك ..علما انه كل يوم يكون مفتوح الأيميل مالته ونسيت كلج هما منظمة المحامين بواشنطن وقبل فترة سوينا استمارات لجماعة الأمنيات ودزيناها الهم وهما اتصلوا بينا واستفسروا عن وضعنا بالأمم ..والشخص اللي راح تحجون وياه هو امريكي بس يجيد اللهجة العراقية بشكل جيد ...وياريت لو تعلميلي ليش واكف ملفكم عالخاص واذا تريدين انا احجي وياه واخذ رأيا اذا يكدر يساعدكم لو لا ؟؟؟ لأن صار صديقي من كثر ما حاولت وياه  لمساعدتي ههههههههههه...

 الأخن ام بكر
شكرا لكلامج الحو واللي يصبرنا على هذا الوضع التعبان الله كريم اذا الأمم تنسانا الله ما ينسانا.. واحنا دنحاول تحريك الملف بأي طريقة نشوفها مناسبة وان شاء لله خير..
اما بخضوض نشوف المناظر الطبيعية من الطيارة  هههههههه والله شوقتينا على هذه اللحظات.. اكيد ما راح انام حتى ما نضيع من عمرنا هذا الوقت  بالنوم خاصة واحنا نكون طالعين من لبنااااااااان ..
تمنياتـــي للجميــــــــع بالســـفر القريــــب

[mradyosf]

 مساء الخير للجميع الاعضاء الاخ اشورى اريد اسالك بعد اشكد يعيدون الفحوصات للعلم صارلي سنة مسوي فحوصات وبهذا الشهر اكمل السنه هل يتصلون بينا على مود اعادة الفحوصات بنفس التاريخ او يتاخرون وشكرا للجميع

[المهــــاجــر]

الأخ مراد يوسف
مو شرط بخابروك هسا.. صحيح الفحوصات تصير اكسباير بعد سنة بس اني هسا صارلي سنة وعشرة اشهر مسويها ولحد الأن ما خبروني لأعادة الفحوصات ..هما ومزاجهم ..مرات يكولون من تخلص الأمنيات وبعدين علما اكو ناس صارلهم  3 اشهر مسوين اعادة فحوصات ومن يراجعون الأمم يكلولهم بعدك بالأمنيات الأولى ههههه يعني شي ما يشبه شي!!!!
انا اتمنى هسا بس اسوي الفحوصات وبعد ذلك يجي الخيـــــر ان شاءالله  

[mradyosf]

 الف  شكر اخوي لمهاجر ولاكن انا ليس من النوع الذي سانتظر رحمتهم ان لم يتصلو ا بي  ساذهب انا لهم  ولن اخرج من عندهم الا بنتيجه لان هولاء اناس مشكوك بمصداقيتهم   وشكرا لك

[mradyosf]

 الاخ المهاجر ارجو منك ان ترسل لي اميل المحامين بواشنطن ان يكون اميل كامل واكون شاكرلك لانني حاولت على هذا الاميل الذي ارسلته الى الاخت مليت ولاكني لم انجح وشكرا

[فائز القرقوشي]

مرحبا للجميع انشالله الكل بخير ..  شنو السالفة اشو صفحتنا صايرة بخانة رقم 3 لازم ماكو اخبار او هسه سبات ..

[المهــــاجــر]

شلونكم يا جماعة
يا اخ مرا يوسف انت يعني راح تطبق المثل اللي يقول اللي ما يجيك روحلا هههههههه
انت روح راجع كل مرة ودوخهم مثل ما هما مدوخينا .لعنة الله عليهم وتبا لهم من عقاب الله لهم
وهذا الأيميل اللي تسأل عليه هو يا هو دوت كوم
igillen2011
الأخ فائز القرقوشي شلون ما كو اخبار؟؟ اشو بس انا انشر الأخبار هههههههه ومحد ينزل جديد من الأخبار يلا شنسوي بس اخر الأخبار هي
تم قبل يومين  توزيـــع ظروف القبول المبدئي  لأمريكا وعدد من الرفوضات ..
كما تـــم اليوم اعطاء مواعيــد لمقابلــة المحلف ليوم 25\5
نتمنــى للجميــع الموفقيـــة بالمقابــلات وبالظرووووف القبوووووول
 وتحياتي للجميـــــــــــــــــــــــع

[Illusionist]

شلونكم يا جماعة
يا اخ مرا يوسف انت يعني راح تطبق المثل اللي يقول اللي ما يجيك روحلا هههههههه
انت روح راجع كل مرة ودوخهم مثل ما هما مدوخينا .لعنة الله عليهم وتبا لهم من عقاب الله لهم
وهذا الأيميل اللي تسأل عليه هو يا هو دوت كوم
igillen2011
الأخ فائز القرقوشي شلون ما كو اخبار؟؟ اشو بس انا انشر الأخبار هههههههه ومحد ينزل جديد من الأخبار يلا شنسوي بس اخر الأخبار هي
تم قبل يومين  توزيـــع ظروف القبول المبدئي  لأمريكا وعدد من الرفوضات ..
كما تـــم اليوم اعطاء مواعيــد لمقابلــة المحلف ليوم 25\5
نتمنــى للجميــع الموفقيـــة بالمقابــلات وبالظرووووف القبوووووول
 وتحياتي للجميـــــــــــــــــــــــع

ألف ألف مبروك للأخ المهاجر خطوة جيدة في الملف، يوم للي يتصلون وينطوك موعد سفر

[mradyosf]

 مساء الخير للجميع اشتقنا لك الاخ المهاجر ما حد يجبنا اخبار غيرك انت وعجبتني كلمة لعنة الله عليهم ولاكن انت غلطان الف لعنه ولعنه عليهم طلعونا الشيب براصنا والمشكله اني بعيد عن بيروت ولوكنت قريب كنت كل يوم عندهم بس الله كريم ويفرجها على جميع الاعضاء 

[المهــــاجــر]

Illusionis  هههههههه  شكرا يا اخي بس على شنو ؟؟اني بعدني محلك راوح ماكو اي تقدم بملفي ..الله يسمع من حلك يارب  بلكت تفرج عن قريب ..
الأخ مراد يوسف شكرا اخي شنسوي مو اني مندوبكم هنا  ازودكم بأخبار اول بأول اعمل سبق صحفي ههههههه
وهذا بيت شعر على كلامك :

بيـــاض ال بالشعر مــو شــيب هذا من حكم الأمم القاسي
مــدري اجــــانــا مــنيــــن كــوّة وجــلّـــــــــب بــراســـــــي

[Ashurram]

مرحبا اخواني شلونكم مشتاقلكم
اعذروني على الانقطاع لان ملتهي هواي بالشغل

اخي المهاجر شكرا على نقل الاخبار ولجميع الاخوة بالمنتدى اتمنى تطلعون كلكم وتخلصون وخصوصا القدماء لان ما بقى بينا صبر بعد واني يصراحة ما اعرف شلون ليهسة انتظرت او شلون راح انتظر بعد.

قبل كم يوم كفيلنا سال على الملف بامريكا وكالولة بعدهم بانتظار الامنية  وما نكدر نسويلهم اي شي منانة.


تحياتي

[mradyosf]

 مرحبا بلجميع مهما طال الليل لابد من الشمس ان تشرق وستاتي ساعه تفرج بها على الجميع ان شاء الله  والله كريم  لايئس مع الحياة ولاحياة مع اليئس والفرج قريب وتحياتي للجميع       

[Illusionist]

Illusionis  هههههههه  شكرا يا اخي بس على شنو ؟؟اني بعدني محلك راوح ماكو اي تقدم بملفي ..الله يسمع من حلك يارب  بلكت تفرج عن قريب ..
الأخ مراد يوسف شكرا اخي شنسوي مو اني مندوبكم هنا  ازودكم بأخبار اول بأول اعمل سبق صحفي ههههههه
وهذا بيت شعر على كلامك :

بيـــاض ال بالشعر مــو شــيب هذا من حكم الأمم القاسي
مــدري اجــــانــا مــنيــــن كــوّة وجــلّـــــــــب بــراســـــــي

أههه ههههههه ولله قرأت أنو انطوك موعد مقابلة السفير ههههههههه،

[مليت من الغربة]

مساء الخير للجميــــــع
الأخت مليت من الغربة
هذا الأيميل هو ياهو وانا حاجي وياه اكثر من مرة ويساعد المهاجرين اللي ملفاتهم مرفوضة او ملفاتهم جامدة او واكفة انا اعرف عائلة عراقية كانو موكفين ملفهم من زمان  بس قبل فترة كالوا هما اتصلو بينا وعملو ويانا مثل المقابلة بالتلفون  وتحرك الملف.. وانا حاولت معهلأن يساعدنا  جماعة الأمنيات كالي لو انت موفوض كان نكدر نساعدك ..علما انه كل يوم يكون مفتوح الأيميل مالته ونسيت كلج هما منظمة المحامين بواشنطن وقبل فترة سوينا استمارات لجماعة الأمنيات ودزيناها الهم وهما اتصلوا بينا واستفسروا عن وضعنا بالأمم ..والشخص اللي راح تحجون وياه هو امريكي بس يجيد اللهجة العراقية بشكل جيد ...وياريت لو تعلميلي ليش واكف ملفكم عالخاص واذا تريدين انا احجي وياه واخذ رأيا اذا يكدر يساعدكم لو لا ؟؟؟ لأن صار صديقي من كثر ما حاولت وياه  لمساعدتي ههههههههههه...

 الأخن ام بكر
شكرا لكلامج الحو واللي يصبرنا على هذا الوضع التعبان الله كريم اذا الأمم تنسانا الله ما ينسانا.. واحنا دنحاول تحريك الملف بأي طريقة نشوفها مناسبة وان شاء لله خير.. السلام عليكم اخوية المهاجر اني سويت مثل ماكلتلي وحجيت ويا هذا ايميل الي نطيتنياه بس كالي انطيني اسمج الثلاثي ويريد نسخ عن جوازات السفر ؟ اكلك خاف هذا الموضوع يأثر على ملفي  ياريت لو تجاوبني بسرعة لانو طلب مني النسخ مال جوازات باجر
اما بخضوض نشوف المناظر الطبيعية من الطيارة  هههههههه والله شوقتينا على هذه اللحظات.. اكيد ما راح انام حتى ما نضيع من عمرنا هذا الوقت  بالنوم خاصة واحنا نكون طالعين من لبنااااااااان ..
تمنياتـــي للجميــــــــع بالســـفر القريــــب

[مليت من الغربة]

السلام عليكم اخوية المهاجر اني سويت مثل ماكلتلي وحجيت ويا هذا ايميل الي نطيتنياه بس كالي انطيني اسمج الثلاثي ويريد نسخ عن جوازات السفر ؟ اكلك خاف هذا الموضوع يأثر على ملفي    ياريت لو تجاوبني بسرعة لانو طلب مني النسخ مال جوازات باجر

[mradyosf]

 مساء الخير لجميع الاعضاء اختي مليت من الغربه انا هم بعثتلو ايميل وجاوبني انه على مود اليوم يخابرني  ولحد هسا ما خابر وراح اجلش شغله سنحاول باي وسيله ممكنه لتحريك ملافاتنا باي طريقه قانونيه ولن نخسر شيء اكثر من الوقت والايام يلي جاعدين نخسرها بلوهم والتفكير وشد الاعصاب وعذاب الانتظار الله كريم وتوكلي على الله 

[مليت من الغربة]

مساء الخير لجميع الاعضاء اختي مليت من الغربه انا هم بعثتلو ايميل وجاوبني انه على مود اليوم يخابرني  ولحد هسا ما خابر وراح اجلش شغله سنحاول باي وسيله ممكنه لتحريك ملافاتنا باي طريقه قانونيه ولن نخسر شيء اكثر من الوقت والايام يلي جاعدين نخسرها بلوهم والتفكير وشد الاعصاب وعذاب الانتظار الله كريم وتوكلي على الله 

اهلآ اخوية انت هم حجيت وياهم طيب دزين نسخة عن الجوازات السفر لو مطلبوها منك ؟

[mradyosf]

 اختي مرحبا بك  انا دزيتلو ايميل وهو دزلي ايمل وجالي اريد رقم تلفونك ودزيتلو ياه وردلي انو انا اليوم راح اخابرك وهو قصده عن اليوم والله اعلم

[مليت من الغربة]

 ولله يااخوية ماكو الا المهاجر ينقذنه ويكوللنة شنسوي اني مثل التايهة وينك ياأبو المروا المهاجر ساعدني

[mradyosf]

 الاخت مليت من الغربه الان وقبل 10 دقائق خابرني على تلفوني وحكى وياي وبصراحه كان كلش حباب واستفسر مني عن بعض المعلومات ولاكن لايستطيع مساعدي لانه احنا مخلصين كل ولي قالي ياه انه فقط يساعدون الملفات يلي مثل مالتك انت   وانا اجلك اتوكلي على الله ودزيله لانه هم يساعدون بس الحالات يلي مثلك

[مليت من الغربة]

الاخت مليت من الغربه الان وقبل 10 دقائق خابرني على تلفوني وحكى وياي وبصراحه كان كلش حباب واستفسر مني عن بعض المعلومات ولاكن لايستطيع مساعدي لانه احنا مخلصين كل ولي قالي ياه انه فقط يساعدون الملفات يلي مثل مالتك انت   وانا اجلك اتوكلي على الله ودزيله لانه هم يساعدون بس الحالات يلي مثلك

صحيح واني هم خابرني وستفسر مني وكالي باجر ضروري ادزله المستمسكات والشغلات الي مقدمتها ويا ملفي وكال ضروري بس عرف بقصتي يعني برئيك اكو أمل   

[mradyosf]

 الاخت مليت من الغربه دائما اتكلي على الله والانسا ن يحاول بكل الطرق والله كريم

[المهــــاجــر]

الأخت العزيزة مليــــــــــــــــت من الغربـــــــة
الأخ العزيـــز مـــراد يوســـف
السلام عليكم وعلى الجميع الزملاء والقـــراء
انطو اللي يريدة من المستمسكات اللي يحتاجها ما بيها خوف..الخوف من هذولا اللي ديخيسونا هنا صار سنين..وهذا الشخص هو اجنبي امريكي ويتحدث العربية بصورة جيدة ومثل ما كلتوا حباب ومتعاون وخلقه طويــــــــــــــــــــــــــــــــــــــل ..انا اعرف عائلة حتى دزوا فيديو بالموبايل عن الوضع التعبان اللي كانو عايشينة في البيت  التعبان وحجوه عن معاناتهم هنا وحرك ملفهم ..فليش الخوف احنا باقين باقين الى اشعارٍ اخر ما ندري لشوكت على الأقل خلي نحاول وما خسرانين شي..
اتكلووووو على اللـــــــــــــــــــــــه ورحــووووو بوهســـــكم  ههههههه اتمنالكم الموفقيــــــــة ياااااااااااااااارب

[مليت من الغربة]

ولله ياأخوان اني دزيت كلشي حتى ورقة الامم طلبه مني دزيته على كولت اخوية  المهاجر هي سايبة سايبة وين متصير تصير      رح نترحل حتى من لبنان وين ننطي وجهنة بعد منعرف الله كريم بس اني شفته مهتم لموضوعي وبعد ماعرف يمكن على مود يبكلها علية القضية مضبوط    تحياتي للجميع

[المهــــاجــر]

مســـــــــــــــــــــــــاء الخيــر للجميــــع
تم اليوم اعطـــاء مواعيــــد سفر جديدة فــي لبنان والمواعيـــد هي 4 و 6 \6
واللي انطوهم مواعيــد ليسو قدامة حيــــل واكثرهم جــدد
مبــرووووووووووووووووك لهم وان شاءالله يـــوم الألنـــه نحـن القــدامــــة يـــــــاااااااااااااااااررررررررررب

[mradyosf]

 الله يفرجها وبصراحه فقدنا اي امل بلسفر لانه ماك عدل 

[المهــــاجــر]

مساء الخير للجميـــع
أخــــوان  اليوم خابروني وانطوني موعد اعادة الفحوصات.. صدك اليوم شوية صعد النفس بينا
شنو رأيكم هل تتوقعون ان امنياتي خلصت؟؟؟ هذا ما يدل على ذلك خلال هاي الفترة
هيجي دنشوف ..حسب ما دأقرا بالمنتدى ان الفحوصات ما ينطون الا بعد انتهاء الأمنيات ..اتمنى ان يكون ذلك صحيح ..علما انا كلت قبل فترة {لي ايمان بأن يعطوني الفحوصات بشهر الرابع ومخابرة الموعد بشهر الخامس وموعد السفر بشهر السادس} بالرغم من الدكة الناقصة اللي سووها بيه قبل فترة..يمكن راح يكون اعتقادي صحيح او يتأخر شهر!! ادعـــووووولي اخوان وكووولووووو آآآآآآمــيــــــــــــــــــــــــــــن ..
انتو شنو رأيكم؟؟ علما راح اقبط ثلاث سنوات بعد شهرين ..

وأريد اقدم هدية لواحد ابو الشعر.. جماعة لبنان يعرفوه ما نريد نكول هو وين يشتغل.. هي اغنية تراثية لسعدي الحلي  تكول:
كلها منـك زاد همي وكثر..وانت وحدك علمتني القهر..شجابني شوصلني يمك؟؟
الف هم وانــوبــة همــك؟؟ هههههههه
مــع تمنياتي للجميــــــع بالســــفر القريــــب يــــــــاااااا  رب

[فائز القرقوشي]

الف مبروك اخوني المهاجر انشالله باقرب وقت يخابرك عل موعد طيارة وتستاهل كل خير ... و اوف من ابو الشعر لو بيدي ازينه صفر

[snono32]

الاخوة الكرام في لبنان
تحية طيبة
لي سؤال بخصوص الوصول الى تركيا من خلال مطار بيروت
انا الان مقيم في سوريا وأود الذهاب الى تركيا وعلمت أنه يمكنني أن ادخل الى لبنان بعد ان أحصل على الفيزا من السفارة اللبنانية في دمشق واحجز على الطيران التركي وأذهب الى أستنبول من مطار بيروت
سؤالي هلى الاتراك يحتاجون مني فيزا تركية عندما أصل الى استنبول عن طريق الجو  أم لا ؟ لانه حسب علمي أن العراقيين الجاين من بغداد الى مطار أستنبول  يفيزولهم في المطار مباشرةً دون الحاجة لفيزة من السفارة التركية في بغداد . فهل هذا الاجراء هو نفسه أذا جينا من بيروت ؟
طبعاً راح تسألوني ليش ما تسافر من دمشق الى أستنبول مباشرة ؟ هذا الشي الان غير موجود بل حتى مكاتب الخطوط التركية أغلقت في دمشق والي يريد يروح لتركيا لازم يروح ترانزيت عن طريق القاهرة أو الامارات وتكون التذكرة غالية جداً .

تقبلوا احترامي وتقديري
اخوكم السنونو

[مليت من الغربة]

مساء الخير للجميـــع
أخــــوان  اليوم خابروني وانطوني موعد اعادة الفحوصات.. صدك اليوم شوية صعد النفس بينا
شنو رأيكم هل تتوقعون ان امنياتي خلصت؟؟؟ هذا ما يدل على ذلك خلال هاي الفترة
هيجي دنشوف ..حسب ما دأقرا بالمنتدى ان الفحوصات ما ينطون الا بعد انتهاء الأمنيات ..اتمنى ان يكون ذلك صحيح ..علما انا كلت قبل فترة {لي ايمان بأن يعطوني الفحوصات بشهر الرابع ومخابرة الموعد بشهر الخامس وموعد السفر بشهر السادس} بالرغم من الدكة الناقصة اللي سووها بيه قبل فترة..يمكن راح يكون اعتقادي صحيح او يتأخر شهر!! ادعـــووووولي اخوان وكووولووووو آآآآآآمــيــــــــــــــــــــــــــــن ..
انتو شنو رأيكم؟؟ علما راح اقبط ثلاث سنوات بعد شهرين ..

وأريد اقدم هدية لواحد ابو الشعر.. جماعة لبنان يعرفوه ما نريد نكول هو وين يشتغل.. هي اغنية تراثية لسعدي الحلي  تكول:
كلها منـك زاد همي وكثر..وانت وحدك علمتني القهر..شجابني شوصلني يمك؟؟
الف هم وانــوبــة همــك؟؟ هههههههه
مــع تمنياتي للجميــــــع بالســــفر القريــــب يــــــــاااااا  رب

 الف مبروك اخوية والله يخلصك من لبنان وتروح على موطنك الجديد وانتم السابقون ونحنو الحقون انشاء الله خوية اني دزيتلك رسالة على الخاص ومنتظرة الرد بموضوعي الي صار مقعولة رح يضبط الوضع ونسافر  الله هم اسافر واطلع من لبنان   ولله احسها بعيدة كلش بس الله كريم

[mradyosf]

 الف الف مبروك اخوي المهاجر وان شاء الله السفر قريب جدا لاني اليوم خابرتهم وقالولي يلي نتصل بيه على مود يعيد الفحوصات يكون خلصت امنياته وجاهز للسفر من شهر لاثنين وان شاء الله يسهلك عليك وعلى جميع الاعضاء 

[Ashurram]

الف الف مبروك اخوية المهاجر... ان شاء الله تطلع توقعاتك صحيحة وتسافر وتوقعلي اني شوكت اسافر عليك الله ههههههه

[snono32]

شكراً اخي اوركا على ردك وأتمنى أن تكون الامور مثل ما تكول ان شاء الله

تقبل تحياتي
أخوك السنونو

[المهــــاجــر]

فائز القرقوشي

 ORCA
مليت من الغربة
مراد يوسف
اشورام
شكرا لكم جميعا على ردودكم وتهانيكم ودعائكم لي  واتمنى واطلب من الله ان يفرجها علينا جميعاً ونسافر ونرتااااااااااااااااح
الأخ اشورام :.. اريد اكلك بهاي الفترة اكو تحريك بالملفات بصورة عامة ..اكو ولد يشتغل ويانه كانو موقفين الملف مالته من قبل سنة و3 اشهر والبارحة خبرو على المقابلة يوم الثلاثاء القادم ..{اتوقع انت هم خلال شهر } يتحرك ملفك بعون الله..والاخبار كلها تكول انهم راح يصفون اكثر عدد ممكن من الملفات خلال اشهر 6و7و8  وان شاءالله نكون احنا وانتو وغيرنا كثيرين من ضمن المستفادين ..
الأخ علي ياســـين :وينك يا خوية مكانك خالي  بالمنتدى ..زودنا بأخبارك يا طيب وانا شلون ما اشوف يمكن انت راح تغير الخطة وتسلك طريق اخر هههههههه تحياتنا لك نيابة عني وعن كل جماعة لبنان ...

[Ashurram]

عمي المهاجر والله اذا تحرك ملفي خلال شهر لو شهرين الك مني عزيمة وين متريد....الله يسمع منك

وان شاء الله تتحرك جميع الملفات القديمة لان شبعنا قهر كافي عاد والوضع صار كلش تعبان

[Ashurram]

واخيرا بارقة امل

اعطــــــــاء موافقة نهائية لاحد العوائل من وفد شهر 8/2010.... اخوية المهاجر توقعاتك طلعت صحيحة يمكن اقتربت بداية النهاية ورح تتصفى الملفات القديمة.


علما ان هذه العائلة كان عدهم اعادة فحوصات بشهر الواحد.

[mradyosf]

 تحياتي للجميع والله  انكم اليوم رجعتولنا الامل بلسفر يلي كنا فقدنى الامل بيه بس الله كريم وكانه الوضع عم يتحسن وبدئو بلملفات القديمه وان شاء الله سفر للجميع عن قريب وشكراللاخ المهاجر المراسل مالتنا في لبنان والاخ اشورى وللجميع

[Ashurram]

الف الف مبروك اخوي المهاجر وان شاء الله السفر قريب جدا لاني اليوم خابرتهم وقالولي يلي نتصل بيه على مود يعيد الفحوصات يكون خلصت امنياته وجاهز للسفر من شهر لاثنين وان شاء الله يسهلك عليك وعلى جميع الاعضاء 

مرحبا اخوية مراد
تكدر تكلي منو كلك هذا الكلام بالضبط؟؟ ابو الشعر لو غيره؟

[mradyosf]

مساء الخير على الجميع 
الاخ اشورام بلنسبه لهذا الموضوع نعم ابو الشعر هو يلي قالي هذا الاكلام واكوناس اعرفهم بعد ماعادو الفحوصات اجاهم سفر بعد اسبوعين والله كريم والله يفرجها على الجميع والكل يسافر عن قريب

[Ashurram]

العفو اخوية بس متأكد من هذا الكلام؟!!

لان اليوم سالته وقلي العكس تماما!! الله لا يوفقة والله دمرنا

[mradyosf]

 تحياتي للجميع الاخ اشورام بلنسبه لهذا الشخص من المستحيل ان تثق بكلامه هكذا دربوه ان لا يعطي معلومه صادقه لانه ليس من مصلحتهم ان نتصل بيهم كل يوم ونضوجهم وانا بكل صراحه هذا الاكلام هو قاله بس اني فاقد الامل بلحياة من ورا ء هذا المخلوق الغريب  عيب على هيك منظمه تعنى بحقوق الانسان والاجئين ان يكون لديها مثل هيك موظفين ليس لديهم اي شعور او اي احساس وكانه يعتبرونا باننا لسنا ببشر  والله ينتقم منهم  وتستطيع اخي اشورام ان تتواصل معي على اميلي للمساعده بقدر الامكان

[Ashurram]

اشكرك ع الجواب حبيبي.. كل كلامك الي قلته صحيح بس شنسوي متكلي شنسوي الله كريم

[mradyosf]

 الا يا نائم اليل كيف المنامو يطيبو الموت حق ولاكن الفراق صعيبو
تغربت عن وطني فطالت غربتي فيا اسفي على الدنيا اموت غريبو اموت
ولم يدري اهلي بموتتي فيا تصريف الزمان كان عجيبو اريد ان يكو حفار قبري والدي
وشيال نعشي رفيقي لا يكون غريبو
اريد ان تكون خياطة كفني شقيقتي تبكي علي عوض الدمع دما سكيبو
     اصبر ان الله مع الصابرين 

[المهــــاجــر]

له له له له يا خوي يا مـــــــــــــراد: شنو هالتشائم  بشعرك يمعود !!!؟؟؟يا اخي بالعكس الأخبار كلها ايجابية ما جاي تقرأئون اخبار الهجرة واللاجئين كلها مشجعة  خلو ايمانكم بالله كبيـــــر يا اخوان ان شاءالله هانت واقتربت النهاية ...

الأخ اشــــورام :دعوتك مقبولة اخي العزيز  ههههههههه بس بشرط من يتحرك ملفك قريبا جدا ....لا تيأس من  كرم ورحمة الله  صدكني الله يعطي بسخاء ولا يعير انتظر الفرج القريب ..
هسا اليوم مثلاً منطين موافقات نهائية لـ 25  عائلة ..انتو مالكم علاقة ما يكول ابو الشعر ومثل ما كلتوا هذا يحاربنا نفسيا..
هسا انا قبل 15 يوم مو كلي انت  هسا سويت فصل الملفات احسب نفسك هسا بديت بالأمنيات من الصفر !!!! وهاي سويت الفحوصات والحمدلله لا تصدكون بكلام هذا الحاقد على البشرية كلها..

واسمحلولي يا جماعة لبنـــان اعزمكم على هذا الـ......  الرابط  ههههههه  حتى نغير الجو شويا وننسى الكآبــــــة ونتفائـــل بالخيــــــر...

http://www.ankawa.com/forum/index.php/topic,576850.0.html#top

ســـــــــــــــــــــــــــــلامــــــــــــــــــــــــي لــكــــــــــــــــم جــميـــــعــــــــــــــــــــــــــــــــــاً....

[هيفاء يوسف]

        صباح الخير عل الجميع

ليش يااخ مراد هل التشاؤم يعني احنا صايرين كاَبة ونريد نسمع اخبار حلوة

رجعتنا الى الوراء يااخي مهما يكون خلي يكون ايماننا بالله كبير وهو راح يحل مشاكلنا

ويشيل همنا ماعدنا غير الله نتكل عليه (توكلنا على الله وهو ملجانا توكلنا على الله لانخاف السوء)


شلونك اخي المهاجر   حلو التفاؤل ويارب يسهل امرك وامر الجميع  بس

 وين الموقع اللي عزمتنا عليه نريد نروحلا وماشفنا هههههههههههههههههه


تحياتي

تحياتي

[mradyosf]

 الى الاخوه الاعضاء جميعا اتمنى من كل قلبي واقسم بلله انني ادعي كل ليله بلفرج للجميع بدون استسناء واني على يقين ان الله على كل شيء قدير  وانه بعباده رحيم  ولاكن   صدقوني ليس بيدي هذا التشائم لانني من يوم ما شفت هذا المخلوق ابو الشعر انسددت بوجهي وهيا حاله نفسيه من هذا الشخص واعيد يا عبادي الذين اسرفو على انفسهم لا تقنطو من رحمتي لان رحمتي وسعت كل شيء  واني ادعو لكم ولي بلفرج القريب ان شاء الله وتحياتي للجميع 

[مليت من الغربة]

السلام عليكم أخواني شلونكم انشاء الله معنوياتكم حلوة اليوم ولله اني مو شي معنوياتي يمكن واصلة 0% وماعرف ليش ت___ع___ب___ت من لبنان والحياة القاسية بيها اخوية المهاجر سلامي الك وايرد اكلك شي أشو هذا اخذ من عندي كل شي الي طلبه وكلي رح اخابرج لو باجر لو عكب باجر واشو اليوم صار 5 أيام وماكو منه أتصال ليش      شنو الموضوع اشو هذا الولد طفر حتى الامريكي طفر من العراقين     

[المهــــاجــر]

الســـــلام على الجميـــع
شلونج اخت هيفاء يوسف ان شاءالله بالف خيــر
ههههههههههههه الرابط موجود بس انت دوخج اخ مــراد بالتشائم مالته يمكن هههه ..يلا يلا مو مشكلة هذا هو الرابط وارجو ان يعجبكم ...

http://www.ankawa.com/forum/index.php/topic,576850.0.html#top

صدكوني يا هيفاء انا هذا ابو الشعر شبعني قهر بس مع ذلك كنت اكول اني اؤمن باني ملفي سيتحرك قريبا بالرغم من كلام وسام..ترى من يجي الأشعار من امريكا ينفذ غصبا عليه..
اخ مراد يوسف ولا يمك ان اءالله الفرج قريبا وخليها بيد الله وكلشي ياتي بالوقت المناسب.
الأخت مليت من الغربة:  حاولي انتي تتصلين بيه عن طريق الأيميل مالته هو كل يوم اونلاين .. بادري انت عادي ما بيها اشكال ولا احراج..اكيد عندا كثير حالات مماثلة مثل حالتج واكيد ينطيج الجواب..اما اي او لاء وما تخسرين شي هي محاولة يا الله تكون ايجابية..
تمنياتي لكم جميعا بالفـــررررررج القـــريـــــب  يــــاااااااااارررررررررب

[Ashurram]

اخوية المهاجر كلي ما بقة شوية من الاكل مال عزيمة البارحة؟؟ ضايج واريد اكل   ههههه


يابة صارت حسرة بقلبي احس الاحساس مال واحد عندة فيزا ههههههه شلون كلولي شلون شسوي

[المهــــاجــر]

الأخ العزيــز اشــورام
تعال  وجيــب العائلة ويـــاك ونحن بالأنتضـــار وتدلل ايش ما يعجبك موجود واعتقد انتو مو بعيدين علينا سويها صدك وتعال ههههههههههه
وهذا الأحســـاس اللي تكول عليه اكيد راح تشعر بيــه قريبا لأن بعد ما فات الشهر وراح انت تشرحنا وتوصفلنا ذلك الشــعوووور الجميــــل.
وتأكد ان اللـــــــــــه فــادر على كل شــــيء وفي الوقت المناســـــــب ..

[Ashurram]

هههههه اشكرك حبيبي والله يمكن فد يوم نزرك عدكم

[mradyosf]

 ها شباب وينكم اشوف صايره صنطه لاحس لاخبر
وين اخباركم  معقول كلكم سافرتو
وانا  باقي لوحدي هههههههههههههههه

[Ashurram]

هههههه لاتخاف وين نروح يمعود بعدنا هنا كلنا فردا فردا

[المهــــاجــر]

هههههههههههههههههه
معقولــة نسافر ونخليــــــــــــــــك بوحدك مع الأعــداء يــــا أخ مـــراد ؟؟؟!!!! غير وســــااااااام يلعب بيك طوبــة  ههههههههه لالا احنا كثرنا راح نأجــر سفينة تايتــانــك يلا تكفينـــا  ونسويها هي سفررررر وهي سفرة ســـــــياحيـــة هههههههه
اخ اشورام  نحــــنُ بألأنتضار بس لا اليوم ههههههه عقبالك صديقي مسافر اليوم وراح نودعـــــة  هنيالــة والله  وان شاءالله يوم النا كلنا ... وبتايتانيــــــك هههههه
ونكـــوم نغني كلنا اغنيـــة وديــع الصــافي {عند بحريـــة } ههههههه


ريحة أراضينا يا ريس

عم بتنادينا يا ريس

امشي و طير بينا يا ريس

من مينا لمينا يا ريس

ودينا بلدنا يا ريس

تنشم ترابا يا ريس

عندك بحرية يا ريس

سمر و شرقية يا ريس

و البحر كويس يا ريس

وصلني حبيبي يا ريس

عالرمل الدايب كتبنا

شوق الحبايب دوبنا

و انشالله توصل مراكبنا

اللي فيها أمانينا و حبايبنا

بعدا على بالي يا ريس

بعدا على بالي يا ريس

عندك بحرية يا ريس

سمر و شرقية يا ريس

و البحر كويس يا ريس

وصلني حبيبي يا ريس

دخلك يا هوى الشيمالي

نيران الهوى قتالي

و الغربة تخطر على بالي

أيام زمان و ليالي

بعدا على بالي يا ريس

بعدا على بالي يا ريس

عندك بحرية يا ريس

سمر و شرقية يا ريس

و البحر كويس يا ريس

وصلني حبيبي يا ريس

http://www.youtube.com/watch?v=oGIyJif50v8

[مليت من الغربة]

حلوة مال سفينة تيتنك والاحلى انو نسافر بسفينة من بعد طول انتظار وتغرق بالبحر مثل تيتنك الله شلون احساس حلو رح يكون        اني باجر رايحتلهم من الصبح شانة هجوم على un اريد اعرف شصار بملفي رح يسفروني لو لا تحياتي للجميع

[mradyosf]

 لك اخوي المهاجر
خليها على الله  لك احنا بلبانيو مال الحمام نغرق تريد تسفرنا بلسفينه
مونحنا غرقانين بدون ما نركب سفينه
ههههههههههههههه عجبتني 

[المهــــاجــر]

تم اعطاء موعد سفر جديد اليوم لعائلة  في لبنان ومتأكد منها واحتمال اكو غير عوائل ما اعرف بيهم ليوم 12\6
والعائلة مكونة من ثلاث ملفات...نتمنالهم الموفقية ونقول لهم الف مبرووووووووووووووووووك

[smart4iraq]

مرحبا شباب العفو راح اطلع عن الموضوع بس عندي سؤال صدك الاوضاع بلبنان هالايام مزينه وتخوف اذا واحد  يجي

[salamo]

[السلام عليكم اعضاء عنكاوا اني جديد اعرفكم على اسمي سلام واني جنت بلبنان ورجعت وهسة ان شاء الله فد شهر اجي عندي ملف يم un شباب الشغل اشلونة الاوضاع ديجون وفود يعني شوية من المعلومات دالخلية شكرا.

[مليت من الغربة]

مرحبا شباب العفو راح اطلع عن الموضوع بس عندي سؤال صدك الاوضاع بلبنان هالايام مزينه وتخوف اذا واحد  يجي

  انت مو بالعراق وقدمت مناك وقابلت السفير على الاساس       

[salamo]

هاي ممكن احد ينطيني عنوان ال UN الموجود بالوثيقة العدكم بالعربي والانكليزي بليز مثل ما مكتوب اخوكم SALAMO

[Ashurram]

مرحبا شباب العفو راح اطلع عن الموضوع بس عندي سؤال صدك الاوضاع بلبنان هالايام مزينه وتخوف اذا واحد  يجي

الوضع نص ونص اخوية بس هاي اسبوع ماكو شي ان شاء الله تظل الامور هادئة

هاي ممكن احد ينطيني عنوان ال UN الموجود بالوثيقة العدكم بالعربي والانكليزي بليز مثل ما مكتوب اخوكم SALAMO

الرملة البيضا/ خلف سوبر ماركت سبينس.

[المهــــاجــر]

        مســـــاء الخيــــــــــــــــــر للجميــــــــــــــــــــــع
تــم امـــس واليــــــــــــــــــــــوم أعــطـــــــــــــــــــــــــــــاء مواعيــــــــــــــــــــــد ســفر جــديـــــــدة  دســمـة دســمة للأيــــــــــــــــــــام 12  و  17 \6  الف الف مبـــروووووك لهم ..هــم الســابـــقوووووون  وبعون اللــــــــــــــــــــه احنــا  المتأخرين اللاحقــــــــــــــون ..كامت تجر المواعيد اخــوان ان شاءالله الخيـــر جــاي    ويـــاحووووم اتبـــع لو جرينــــــا  ...بالمناســبة بيهم جماعة من القدامــة
هاي امس واليوم تذكرني بأغنيـــة { امــس واليــوم ما خبــروووا عليــــــا امــس واليــوم بـس اظــل اصفــك بديـــــااااا}

              المهـــاجـــــر
          لــبــنــــــــــــــــــــــــــــــان

[Ashurram]

اشكرك اخوي المهاجر على نقل الاخبار الطيبة...  ان شاء الله يجي دورنا احنا المتأخرين فد يوم ونخلص

تحياتي

[salamo]

اشكرك اخ اشورام عل رد وان شاء الله كلنة يم اوباما 

[فائز القرقوشي]

مرحبا للجميع عساكم تكونو بالف خير .... عندي سؤال ومهم جدا اريد اعرف اذا امن باقرب وقت ... عندي جماعة بسوريا يكدرون ينقلون ملفهم الى لبنان ؟ ؟ وثانيا :  شلون يجون من سوريا الى لبنان .. يقدرو يحصلو فيزا من السفارة الللبنانية في سوريا ويجون عنطريقها لو اكو غير طرق ارجو المساعدة من الي يعرفوانا شاكر للجميع ...

[المهــــاجــر]

مرحــبـــاً للجميـــــــــــــــع
هــاي شـــــنـووووو يــاجمــاعــة ؟؟؟وين صايرة صفحتنــا  برقم  3   معقولة ولا واحد ما عندا اخبار؟؟؟؟ يــا أخوووان بــس انا أظل وادور وأســأل عن الأخبار الجديد حتى اسوي سبق صحفي ؟؟؟ ساعدوني شوي تعبت من كثر ما نسمع وما نحصل شي ههههههه يلا مو مشكلة غيرها بغيــرهــا تعالو واسعوا اآآآآآآآآخـــرررررر الأخبـــــــــــــــــــــــــــــــــار


مســـــــــــــــــــــــــــــاء الخيـــر للجميـــــــــــــــــــع
تـــم يــوم امس اعطـــاء مواعيــد ســـفر جديدة في لبنـــــان الى الذين اخذوووو  القبولات النهائيــة قبل اسبوع
والموعــــــد اللي انطوهــم هو يــووووم 20\6  علمــــــاً ان اخر موعــد سفر كانو منطي كان يوم 26\6 يعني رجعووو ليورا مرة الخ.... واكو منهم ما مسوين فحوصات واكو منهم ما مسوين تلفزيون او الدورة الثقافية ...
والف الــف مبـــروووووك لهم ونتمنالهــم الموفقيـــة...
ويـــوم الألنـــة يـــااااااررررب.... واليــوم راح نودع جمــاعـــة كرايبنـــــا  راح يسافرووون ....  وشلون ما اشــوف ياجمــاعــة احنا شــــكاااااااااااد ودعنـــــــــا نــاااااااااااااااس  يمكن ما راح اشوف واحــد يودعنـــي ههههههههه لأن ماراح يظــل احد حتى يودعني         

وارجع واكوووووووووول
××××××××××
وتمضي الأيام
وتمضي الأشهر
وتمضي الأعوام
ولا زلنا نتمنى
أن نتقدم للأمام
متى تطير في سمائنا
طيور الحمام؟؟؟
إلى متى سنبقى ننتظر؟؟؟
طال علينا الانتظار
وحتى أحلامنا قلّت في التفكير بالمطار
متى ترجع البسمة على الشفاآآآآه
متى ننسى ألاآآآآآآه
آآآآآه يا زمن آآآآآآآآه
متى يأتي موعد السفر يالله
http://www.ankawa.com/forum/index.php/topic,579404.0.html

[mradyosf]

 مساء الخير للجميع
الاخ المهاجر مشكور على هل الكلمات اللطيفه
ولاكن الوضع بلنسبه النا كل ماله من سيء الى اسوء
نسمع اخبار ونجيب اخبار ولازلنا في مكاننا والسؤال
الى متى  هل لدينا الصبر الكافي لا اعلم واتمنى ان للجميع السفر
 والله كريم

[samieraliraqi]

السلام عليكم اخواني و اخواتي الاعزاء
احب اهني كل واحد سافر وكل واحد انطوه موعد سفر شباب اخوكم عضو قديم بس مجان عندي وقت اتواصل عن طريق الانترنت مشاغل الحياة هنا الي كلنه نعرفهه ما اريد اطولهه عليكم سويت فحص يوم10/6/2011 وراح اقبط سنة وليهسة مامسوي تلفزيون ولا احد خابرني علة اي شي وكاعد منتظر مع العلم انو اني مستلم موافقة مبداية 25/5/2011 ولله ما اعرف كل ما اروح يكولي ابو شعر بدك تنطور نتلفنلك يمكن شهر يمكن فصل يمكن سنة اخر شي مليت صارلي 8 اشهر ممراجع يا اخوان احد ينطيني رأي لحالتي وشنو الي لازم اسويه ولله خلــــــص كلبي وملييييييييت

اعتذر عن الاطالة

اخوكم
سمير العراقي

[mradyosf]

 الاخ سمير ان شاء الله تفرج عليك وعلى جميع الاعضاء
انا مثلك وبنفس التاريخ استلمت الموافقه
وسويت فحص ودوره
 ولحد الان ما كو اي خبر بس الله كريم والصبر مفتاح الفرج

[المهــــاجــر]

××××××××
أحنــا المشينا بطريــق الغربــة .. وضْعْنـــا
يــارب شوف  شــلـون صـار...وضعــنـــا
يا الهـي كلـنا بيــك ثقــتنــــا ...وضَعــنــــا
مشينا غصبـــاً عن الأمم وأفرجهــا علينــــا

ـــــــــــــــــــــــــ
هاي وينكــــم يا ربع
تحياتــي للجميــــع

[mradyosf]

 لله يسمع منك وان شاء الله تفرج على الجميع وبدون استسناء
مع ان يا اخي المهاجر ارى ان الاوضاع صعبه
والاحلام باتت بعيده بعض الشء
نسال الله بان يفرج كربكم وكربنا

[مليت من الغربة]

السلام عليكم شلونكم أخواني وأخواتي واسفة لنقطاعي عنكم بسبب مرضي والحمد الله رب العالمين على كل شي أخواني يمكن كلكم تعرفون بقصتي أنو ناطين موعد لزوجي بشهر عشرة وجربنا نقدم اكثر من مرة ليقدمون الموعد وماكو نتيجة ورحنا قبل شهرين او اكثر ليقدبونا  الموعد وكالوله لزوجي اذا خلال اسبوع مخابروك يعني ماموفقين على الطلب  وكلنه خليها على الله واليوم خابرونا      ونطونا موعد يوم الاربعاء القادم كالولي عدكم مقابلة ادعولي تكون خفيفة نضيفة هل المقابلة      مايطردونا من الباب  تحياتي للجميع

[mradyosf]

 الاخت مليت من الغربه اولا سلمات من المرض
وثاني شيء توكلي على الله وماكو شيء يخوف
المقابله طبيعيه جدا وكوني انت وزوجك مرتاحين واهم شي
لم تخلصو من المقابله احفظو كل كلمه قلوتها ولاتنسو شيء
وعلى الله التوفيق والله يسهل امركم

[المهــــاجــر]

مليت من الغربة
الف الف مبروووووووك موعـــــد المقابلــة وان شاءالله موعد السفر قريبا ...وتأكدي ان الله لا ينسى احد ..اتكلي على الله وستفرج قريبا بعون الله..هيأو انفسكم للمقابلة بصورة جيدة .. واتمنالكــــم الموفقيــــة يااااااارررررررب

ولكم هدية بهذه المناسبة هذه الابيات الشعرية


××××××××
أحنــا المشينا بطريــق الغربــة .. وضْعْنـــا
يــارب شوف  شــلـون صـار...وضعــنـــا
يا الهـي كلـنا بيــك ثقــتنــــا ...وضَعــنــــا
مشينا غصبـــاً عن الأمم وأفرجهــا علينــــا

[مليت من الغربة]

اشكركم اخواني على مشاركتكم على موضوعي واني متوكلة على الله وشكر كبير للأخ المهاجر وعلى البيت الشعر الحلو عاشت أيدك وانشاء الله ربي يفرجها عليكم وعلينا بحق الحسن والحسين ومريم وفاطمة وعيسى  عليهما السلام  ربي فرج على كل العراقين واحميهم في العراق آمين رب العالمين

[المهــــاجــر]

مســـــاء الخير للجميـــــــــــــــــــــع
هاي شنوووو؟؟؟ وين رايحة صفحتنــا؟؟؟؟ ادور وادور وما الكيها؟؟ الاّ صفحة الثاااااالثــــــــــــــــة معقولة؟؟
ولا واحد منكم ما اجا قبوووول نهائي او خلصت امنياته؟؟ او موعد السفررررر؟؟؟
اشو السفر خيـــــــــــــــــــــــر وبركـــــة ما شاءالله  ;Dدفرحونـــــا يا اخواااان خاصة انتو القدامة حتى ترتفع معنوياتنا..
يلا ولا يهمكم  انا اتوقع  قبل انتهـــــاء هذا الشهــر  لابد لا بد وان تكووووون هنالك اخبـــار سارة للقدامـــة
اي لعد شنوووو خما نبقى هيجــي؟؟؟؟ مو كاااااااافي حتى يجينـــا الســـررررررة؟؟؟ولا انتو شنو رأيكــــم؟؟؟؟؟
المهــــم اسمعوا هذا الخبــــــر
تـــم اعطاء مواعيد سفر جديدة في لبنان  للشهر السابع ..وكان الكثير منهم قد اخذ القبول النهائي قبل ايـــــام
الف مبـــروووووووووووووووووووووووك لهـــم ويــوم الألنـــــــة يـــــــــــــــــــــــــــــــــاررررررررررررررررررب

                                              أخـــوكـــــــــــــــــم
                                   المـهـــاجــــــــر اللي بعــدا مــا هــاجـــر
                                                   
                                                 

[مليت من الغربة]

السلام عليكم ولله ياأخوان اني رحت على اليو ان جانت عندي مقابلة وشفت اليو ان بس عراقين وسودانين والعراقين بس جاين يجددون الورقة مالتهم اكو بس وحدة هية وبنتها جاية على مود طالبين منها كم  معلومة على مود ملفها وعدها سفر كالتلي بس معرفت شوكت سفرها متحجي عبالك كارصتها عكربة مادري شبيها على العموم اني الي عرفته دينطون مواعيد سفر بس منعرف شوكت الله كريم بلكي بس ينطوني النتيجة على ملفي رح اعرف تفاصيل اكثر وتحياتي للجميع 

[المهــــاجــر]

الأخت مليت من الغربة ترى احنا هم ملينا من الغربة  شلون معنواتج هسة ان شاءالله احسن من كبل وان شاءالله تصفى الأمور شوية شوية وتأخذين النتيجة الأيجابية ..
يا جماعة اليوم انطو وجبة من القبولات النهائية ..وانا حسب خبرتي بالأمم ثلاث سنوات  ;Dالشهر الجاي يكون للقدامة اكثر من غيرهم ..والحاسة السادسة مالتي تكووول الشهر السابع يكون شهر القدامة شهر الملفات القديمة وهسا راح تشوفوووووووون!!!  ومـــا وراء الهــدووووووء اٍلاّ العاصــفــــــــة  تحياتي للجميـــع
وينك يا اخ علي ياسين وين صفيــــــــــــــــــــــــت

[مليت من الغربة]

السلام عليكم واشكركم على رفع معنوياتي المدمرة  شكرآ أخ المهاجر الي بعده مهاجر وانشاء الله يهاجر    أخوان اني صحيح فرحت من لما شفت رقم الامم المتحدة ديخابرني وفرحت اكثر من كالتلي عدكم موعد مقابلة بس القفله وين لما كالتلي النتيجة بعد اسبوعين نخابركم هنا الخوف بلش عندي ترا اذا تخابرني وتكول ملفكم مرفوض اني رح اشيل جوالاتي وروح اعتصم ويا السودانين باب الامم وسوي طلابة وياهم وكوللهم اني مأضربة عن الطعام بس يا أخواني مو تنسون تاخذولي أكل من بعد الساعة 6 العصر يكونون فلووووووووووووووو من الدوام    علمود اضاين بالاعتصام 

[العراقي المهاجر]

[ ماكو اخبار عن نتائج الي قابلوا الوفد نهاية الشهر الخامس وفوك ؟[/color][/b][/color]

[مليت من الغربة]

السلام عليكم اخوان اليوم سمعت خبر كلش حلو اكو شاب من كرايبي اله اكثر من سنة ونص جايه القبول ومسوي كل شي ومنتظر موعد الطيارة وأخر الشي يأس كال ماكو سفر واليوم خابروه ونطوه موعد سفر بيوم 12-7 يعني بعد كم يوم الله شلون خبر حلو عنده هسة     الله يسر امره وامر الكل والسفر انشاء الله للكل

[المهــــاجــر]

مساء الخير للجميــع
مراسلكم من لبنـــان يحييكم ويقدم لكم آآآخـــر واحلى الأخبــــار     
هاي الأخبار الحلوة تأتي يا اصدقائي الأحباء وكما توقعت وقلت لكم الأخبار تبشر بالخير لشهر السابع اريد ان انقل لكم بعض من هذه الأخبار المفرحة اليوم تم اعطاء موعد سفر لعائلة صارلها اربعة سنين في لبنان وعلموا اعادة السفير ويانا بشهر العاشر 2011 والموعد هو 12\7  وهناك عائلة من السفير الخامس 2010 اليوم بلغوهم بأن الأمنيات المرحلة الأولى والثانية مالتهم خلصت وانتظرو قريبا الموعد وعائلة اخرى من السفير العاشر 2010  تم تليغهم اليوم بأن الأجراءات الأمنية مالتهم المرحلة الأولى والثانية قد انتهت وهناك عائلة من السفير الشهر الواحد 2011 تم اعطائهم القبول النهائي وتم تبليغ عائلة من جماعة السفير 2010 تم تبليغهم بأنتهاء الأجراءات الأمنية للمرحلة الأولى والثانية .. هذه الأخبار خاصة بالقدامة واكيد يوجد اكثر من هذه للجدد واريد ان اقووووول للقدامة بأن يفائلووووو بالخير  ..فالخير قادم بعون الله ..مبرووووك لهم وان شاء الله يوم الألنــة كلنــا يــــــارررررب
شــكرا للأخت مليت من الغربــة على هذه الأخبـــــــــــــــــــــار الحلوة ..ون شاءالله الخير للجميـــــــــــــــــــــــــــــــــــع

[مليت من الغربة]

السلام عليكم شلونكم أخوان أشو ماكو أحد شنو الموضوع الكل سافر وضليت اني والمهاجر هنا      شكرآ أخي المهاجر على هذه المعلومات الحلوة وانشاء الله يخابروك يكولولك انت موعد طيارتك قريبآ بس اني عندي طلب يمك وهذا رجاء مني اذا سافرت انشاء الله مو تكطع بينه ترا احنا هنا يتاما وماالنه أحد يرفع من معنوياتنه وعندي سؤال معقولة اني ينطوني موافقة لو يريدون يكملون كل القدامة والجداد يرفضوهم  ولله اموت اذا كالولي مرفوضة

[المهــــاجــر]

هههههههههههههههههههههههه
         هههههههههههههههههههههههههههاي
صدك ضحكتيني وانا محتاج لهاي الضحكة حتى ننسى الكآبة شوية.. يا مليت من لبنـــــان  انا دأشوف جماعتنا اقصد جماعة لبنان معنوياتهم هابطة؟؟ يعني شسوي اكثر من هذا؟؟كل يوم اجيبلكم اخبار مشجعة ومفرحة   يا اخوان تفائلوووو بخيــر تفائلووو لا تضوجون ..يمعود استوت الطبخة وما ظل غير نصب وناكل قريبا ...واشكرك لدعائك لي  وانا دأجمع كثير من الدعاءات وصار عندي رصيـــد جيد يأهلني للأخبار السارة في القريب بعووون اللــــه. وحقج دكولين كلهم سافرووا؟؟؟ لأن ماكو احد بالمنتدى من زمان.. وطلبج ان ما انقطع عنكم عالعيــن وعالراس شلون اعوفكم انتو عائلتي الثانية..وانتو مو يتامى عدكم بابــا وســـــاااااام هههههه يساعدكم ترى هاي الفترة متغير متغير مو مثل كبل ...وجواب على سؤالج الأخير .كلشي يصير يعني ليش ما يسفروج قبل القدامة ؟؟مو هاي احنا مثال يمج مو صارنا ثلاث سنوات واكو ناس صارلهم سنة ونص وسافروا كبلنا وبلا حســـد  تفائلي بالخير مثلي ومالج شغلة .والرفض مرفوض  هسا بالعكي المرفوضين جاي يقبلوهم ويعيدوهم الى الساحة للقتال  ...واخيــراً  :هــل لديــكِ اقـــوالٌ أخــرى ؟؟؟؟؟؟؟ أنا حاضر وسلامي للكل...

[مليت من الغربة]

هههههههههههه  والله ليس لدي أقول أخرا بس اني اليوم معنوياتي فوك المعدل مادري ليش يمكن اكو رد رح يكون من ماما  لانو بابا بعدني مواصلتله يرادلي وقت لنوصل يم بابا وسام بس اني من هسة انطيك مخطط حياتي لو اكتله لو يكتلني وهية صعبة أنو يكتلني لانو هو يرادله دولة رجولة وهنا بلبنان صعبة ميلاكي هيجي شي      

[mradyosf]

 مساء الخير للجميع
الاخ المهاجر  والاخت مليت من الغربه
اخباركم وكيف معنوياتكم
ترى اشكركم على هذه الاخبار  يلي تبشر بلخير
وترى صارلي فتره متفائل ومتكل على الله
وادعو للجميع بلفرج القريب والسفر  والله يسهل امر الجميع
    وملاحظه  وبلفعل اخوي المهاجر
ترى وسام متغير كثير ومنشكر الله على هل التغير
وسلامي للجميع

[فائز القرقوشي]

مرحبا للجميع اليوم كنت في اليو ان رحت سالت عن ملفي مع العلم سويت مقابلة الوفد يوم 29 / 2 / 2012  ... وبعدها بشهر ونص عملت الفحص الطبي .. المهم رحت سالت عن الملف كاابو شعر الحصان بعد ممخلص الامنية الاولى .. ولا مرحلة ما صعدت الكابة بس بهاي المرحلة صارت يمي فول ... وجماعتي نفس الوفد وصلو كلهم مرحلة الثالثة من الامنيات .. انا مسافر سياحة للخارج ايطالية سويد دنمارك المانية وسوريا ولبنان هل لها تاثير في تاخري عن الامنيات ؟؟؟؟

[مليت من الغربة]

ولله ياخوية فائز  ما اعتقد اله تأثير هاية الشغلة بملفك بس اني ما عندي معلومات كافية خلي الأخوان هنا يساعدوك بهذا الشي أكثر لانو خبرتهم احسن مني بهواية  ________  بس اني عندي سؤال صدك مثل مسمعت اني اليوم من جماعة انو الرئيس اوباما طالب كل اللاجئين العراقين بتسريع ملفاتهم لو كذب هل السالفة 

[وهم]

السلام عليكم اخوان احب ابشركم انه البارحه الجمعه رحت استلمت الظرف اي يعني الموافقه النهائيه وكنا وجبتين الوجبه الاولى 12 شخص والوجبه الثانيه 23شخص وكان هناك من الوفود القديمه والاكثريه من الوفود الحديثه علما اني من وفد الشهر 12 2011 واطلب من الله ان يسهل امر الجميع والسفر القريب اخوان علما انه يوجد كل يوم جمعه توزيع  الموافقات والاتصال يكون يوم الخميس تحياتي

[العراقي المهاجر]

up

[ORCA]

السلام عليكم اخوان احب ابشركم انه البارحه الجمعه رحت استلمت الظرف اي يعني الموافقه النهائيه وكنا وجبتين الوجبه الاولى 12 شخص والوجبه الثانيه 23شخص وكان هناك من الوفود القديمه والاكثريه من الوفود الحديثه علما اني من وفد الشهر 12 2011 واطلب من الله ان يسهل امر الجميع والسفر القريب اخوان علما انه يوجد كل يوم جمعه توزيع  الموافقات والاتصال يكون يوم الخميس تحياتي

الف مبروك

[Ashurram]

الف مبروك اخوي االوهم انشالله السفر القريب للجميع..شلونكم اصدقائي؟اتمنى ان يكون الجميع بخير.....

[العراقي المهاجر]

up

[رماد ألحب الضائع]

up

[العراقي المهاجر]

up

[ORCA]

up

[مليت من الغربة]

مرحبا شلون الجميع انشاءالله بخير البارحة رحنا ودعنا كرايبنة سافر على امريكا ولاية تكساس وجان وياه 10 بينهم 4 عوائل وشباب وبنات وانشاء الله للجميع السفر

[ORCA]

يوصلون بالسلامه

[Ashurram]

الف مبروك ان شاء الله  يوصلون بالسلامة يوم النا والكم يارب...

[ORCA]

امين

[المهــــاجــر]

جــاءنا تـواً مــا يـلـــي
وكما توقعتُ الأسبوع الماضي وقلت بأن الشهر السابع سيكون شهر الملفات القديمة
حيثُ تــم اليوم اعطــاء مواعيــد سفر لمجموعة من العوائل القديمة حيثُ عرفت وتأكدتُ اربعة منهم واعرفهم شخصياً حيثُ ان عائلتين منهم التي مضى عليهم اكثر من ثلاث سنوات  وفتاة ملف مفصول من عائلتها وعائلة اخرى  مضى عليهم تقريبا ثلاث سنوات .. والموعــد هــو يوم 31\7\2012 وها بدأنا نقطف الثمار وان شاءالله مسكنا رأس الخيط نحن القدامة {ويا حوووم اتبــع لو جرينـــا} وبعون الله الأسبوع المقبل لابد من ان تكون هناك عوائل اخرى تجر وتجر و ستأخذ مواعيد سفر جديدة ..ومن المؤكد هناك عوائل اخرى لا اعرفها في غير مناطقنا لم اسمع بهم وربما يوجد عوائل اخرى لا اعرفها .وعلى العموم هذه الأخبار تبشر بخير.والخير جاي جاي تفائلو ياجماعة ..وهنا خبــر آخر حلو ومشجع وهو تم اليوم توزيع ظروف القبولات النهائية لعدد من العوائل القديمة ايضـاً..نتمنى ان تكون هذه فاتحة خيــر لنـــا جميعاً ...الف الف مبرووووك لهم ..هم السابقووون وبعون الله نحــنٌ اللاحقــوووون       ,,وان شاءالله يوم الألكم جميعاً السفر القريب..

                        مراسلكم من لبنــــان
            اخــوكــم المهاجــر اللي بعدا ما هـاجــــر
                         
         ــــــــــــــــــــــــــــــــــــــــــــــــــ

[مليت من الغربة]

شنو هل المهاجر ابو الاخبار الحلوة شلونك أخوية عساك بخير ماكو بس انت تجيب الاخبار الحلوة مع العلم اني ضايجة لما رحنا بأخر مقابلة كالولنا انتظرو بعد 3 أسابيع نرد عليكم ورح يصير 6 أسابيع وماكو جواب واني خايفة بس نكول الله كريم وألف مبروك للجميع الي طلع سفرهم

[Illusionist]

جــاءنا تـواً مــا يـلـــي
وكما توقعتُ الأسبوع الماضي وقلت بأن الشهر السابع سيكون شهر الملفات القديمة
حيثُ تــم اليوم اعطــاء مواعيــد سفر لمجموعة من العوائل القديمة حيثُ عرفت وتأكدتُ اربعة منهم واعرفهم شخصياً حيثُ ان عائلتين منهم التي مضى عليهم اكثر من ثلاث سنوات  وفتاة ملف مفصول من عائلتها وعائلة اخرى  مضى عليهم تقريبا ثلاث سنوات .. والموعــد هــو يوم 31\7\2012 وها بدأنا نقطف الثمار وان شاءالله مسكنا رأس الخيط نحن القدامة {ويا حوووم اتبــع لو جرينـــا} وبعون الله الأسبوع المقبل لابد من ان تكون هناك عوائل اخرى تجر وتجر و ستأخذ مواعيد سفر جديدة ..ومن المؤكد هناك عوائل اخرى لا اعرفها في غير مناطقنا لم اسمع بهم وربما يوجد عوائل اخرى لا اعرفها .وعلى العموم هذه الأخبار تبشر بخير.والخير جاي جاي تفائلو ياجماعة ..وهنا خبــر آخر حلو ومشجع وهو تم اليوم توزيع ظروف القبولات النهائية لعدد من العوائل القديمة ايضـاً..نتمنى ان تكون هذه فاتحة خيــر لنـــا جميعاً ...الف الف مبرووووك لهم ..هم السابقووون وبعون الله نحــنٌ اللاحقــوووون       ,,وان شاءالله يوم الألكم جميعاً السفر القريب..

                        مراسلكم من لبنــــان
            اخــوكــم المهاجــر اللي بعدا ما هـاجــــر
                         
         ــــــــــــــــــــــــــــــــــــــــــــــــــ

أحب أن أؤكد على كلام الأخ المهاجر بأنه تم توزيع ظروف القبولات النهائية لان احد الاصدقاء المقربين لي، كان قد تلقى اتصالا من الICMC وطلبوا حضوره الأمس.

يوم اللي نهاجر ههههه ملينا ولله

[المهــــاجــر]

شنو هل المهاجر ابو الاخبار الحلوة شلونك أخوية عساك بخير ماكو بس انت تجيب الاخبار الحلوة مع العلم اني ضايجة لما رحنا بأخر مقابلة كالولنا انتظرو بعد 3 أسابيع نرد عليكم ورح يصير 6 أسابيع وماكو جواب واني خايفة بس نكول الله كريم وألف مبروك للجميع الي طلع سفرهم

شكرا اخت مليت من الغربة على سؤالج عني وان شاءالله تفرج عليكم وتمشي اموركم بالأمم وترتاحون ..وانا صحيح اجيب الأخبار الحلوة لأني اريد افرحكم وارفع من معنويانكم هههههه..
وقبل ما انسى اريد اكلج يوم الأثنين اكو محاظرة بنادي النسر بسد البوشرية تجي لجنة هناك وتقابل اللاجئين المتأخرة معاملاتهم او اللي عدهم اشكالات هذا اللي سمعته من الناس والموعد ساعة تيعة الصبح اذا تريدين احضريها واستفسري عن ملفكم..
وشكرا للأخ Illusionist  على تأكيد كلامــي وان شاءالله تفرج على الجميـــــــع

                    اخــوكم
      مليــت مــن الأنتــضــــــار
      [/color][/size]

[مليت من الغربة]

الله يخليك واني أشكرك هواية على أخبرك السعيدة وأسفة أني البارحة فتحت الصفحة قبل ما حضرتك تكتبلي عن المعلومة لي هي أكو منظمة تجي بسد البوشرية وهسة لقريته يعني راحت علية   طيب عندي سؤل هي كل يوم ثنين لو بس هذا الاسبوع تكون موجودة   ياريت تفيدني بعلومة جديدة وأشكرك على التعاون ويانة وأحنا ماعدنه أحد يفرحنا بس المهاجر ألي بعده مهاجر  

[razak]

تحيه طيبه
يابه اني  بعد التاهيل راح اجي الى بيروت بعد العيد بلكي واحد ينصحنه وين نكعد واذا يتفضل عليه ويلكيلي استوديو مفروش للايجار شهري
شكرا

[المهــــاجــر]

الله يخليك واني أشكرك هواية على أخبرك السعيدة وأسفة أني البارحة فتحت الصفحة قبل ما حضرتك تكتبلي عن المعلومة لي هي أكو منظمة تجي بسد البوشرية وهسة لقريته يعني راحت علية  طيب عندي سؤل هي كل يوم ثنين لو بس هذا الاسبوع تكون موجودة  ياريت تفيدني بعلومة جديدة وأشكرك على التعاون ويانة وأحنا ماعدنه أحد يفرحنا بس المهاجر ألي بعده مهاجر 

الأخت مليت :هاي اللجنة ما تجي كل يوم اثنين ولكن تجي كل كم شهر مرة ويبلغون جماعة الكاريتاس اللاجئين واي واحد يريد يحضر يروح يحضر ويسأل عن ملفه...لكِ ارق التحيات

الأخ رزاق
اهلاً وسهلاً بيك في لبنان واذا تجي هنا لازم تشتغلون انت وزوجتك حتى تقاومون ظروف المعيشة ..واذا ما تريد تشتغل زوجتك لازم تأخذ ناطورية حتى ينطوك راتب وهم تكعد بلا ايجـــار.وبهيجي تكدر تسيطر على الوضع المادي ..اما بخصوص ستوديو للأيجار صعبة عليه انا قبل ما يجي اخوية اجرتلة صالون حلاقة وهاي سنة ونص يشتغل بيه والحمدلله امورة ماشية..ومن يسافر انت اخذه هههههههه اتشاقة وياك ..تحياتي الك واحنا بأنتضارك ..وياريت اسافر قبل ما تجي ..يحياتي لكل كروب لبنان[/color]

[البيروتي]

شكو ماكو اخبار مواعيد طيران شو نايمين من جديد ؟

[مليت من الغربة]

السلام عليكم وينكم سافرتو بس اني ضليت هنا بلبنان  وينكم ماكو أخبار عن سفركم 

[Ashurram]

مرحبا اخواتي و اخواني  شلونكم بهذا الحر؟
اختي مليت من الغربة بعدنا هنا ننتظر الفرج,حر و ضوجة و انتظار قاتل ان شاء الله يقترب موعد سفرنا تعبنا هواية..
شلونك خوني المهاجر شكرا على الخبار الحلوة و يوم الكل تسافر..

[مليت من الغربة]

تسلم أخوية ولله صحيح كلمك ضوجة وحارة حاسة حالي بعدني بلعراق 

[Ashurram]

رمضان كريم  وصيام مقبول الله يديمها عليكم بالصحة والسلامة..

[المهــــاجــر]

شلونكم  اخــوان واخوات
تـــم اعطــاء مواعيـــــد سفر جديدة يومي 5  و 8\8  ...واحنا بعدنــا ننتظــر

إلى متى سنبقى ننتظر؟؟؟
طال علينا الانتظااااااااااااار

شكرا حبيبي اشورام على سؤالك عني  مو واعدتني تجونا بعدنا ننتظر ها وينكم ؟؟؟ يمعود فشلتنا كدام المرة هسا يجون وهسا يجون وماكوووووو  ههههههه

اخت مليت من الغربة ماكو جديد بملفكم ؟؟

[فائز القرقوشي]

مرحبا للجميع  كلنا موجودين وين نروح ونعوفكم  بس الكابة صاعدة فول هي والحرارة وضوجة تعبنا من الانتظار اوف اوف ما عدنا غير الله

[Ashurram]

اذا هيجيي  لعد  هالاسبوع احنا يمكم,راح اخابرك قيل ما نجي...شكرا

[salamsameer]

مرحبا سؤال اخواني اني هسه اريد اطلع شكد تطول وواحد يطلع من لبنان يعني المتوسط ؟؟؟

[المهــــاجــر]

اذا هيجيي  لعد  هالاسبوع احنا يمكم,راح اخابرك قيل ما نجي...شكرا

اهلاً وسهلاً احنـــا بالأنتــضــــــار..على الأقـــــل نتعرف عليــكـــــم على الحقيقــة مو  بالمنتــدى   هههههههه[/color]

[المهــــاجــر]

دعـــــوة الى جماعتنــا جماعــة كروب لبنــان الى متابعــة هــذا الرابـــط واعطاء رأيكــم فيــه


http://www.ankawa.com/forum/index.php/topic,600383.0.html

[مليت من الغربة]

شلونكم  اخــوان واخوات
تـــم اعطــاء مواعيـــــد سفر جديدة يومي 5  و 8\8  ...واحنا بعدنــا ننتظــر

إلى متى سنبقى ننتظر؟؟؟
طال علينا الانتظااااااااااااار

شكرا حبيبي اشورام على سؤالك عني  مو واعدتني تجونا بعدنا ننتظر ها وينكم ؟؟؟ يمعود فشلتنا كدام المرة هسا يجون وهسا يجون وماكوووووو  ههههههه

اخت مليت من الغربة ماكو جديد بملفكم ؟؟

السلام عليكم ورمضان كريم على الجميع وياربي تفرج أمركم ويسافر الكل بحق شهر التوبة والمغفرة تحياتي للجميع وشكرآ على الردود وشكر كبير للأخ المهاجر وسألتني أذا جد شي على ملفنا ولله خابرناهم قبل 5 أيام وكالت الموظفة لزوجي بعد مكو جديد وكالتله تعال يوم الاثنين وشوف ملفك شصار بيه وكالتله خابرنه زوجتك على رقمها وطلع غلط وهذا الرقم الي خابرو عليه قديم وراح واني بلغتهم انو هذا الرقم مو عندي صار عندي غيري ونطيتهم رقمي الجديد وهمة مخابرني عليه كذا مرة كاللهم زوجي من بعد اعطائهم الرقم الثاني كاللهم شنو الموضوع ليش ديخابرون زوجتي في شي ؟ كالتله مااعرف منو جان يريد يحجي وياها خليني اشوف منو يريدها ونرجع نخابرها وماخابرو ؟ وماعرف شنو الفلم ف كلت باجر الاثنين رح اروح ويا زوجي على الامم ونسأل شصار بملفنا واكو موضوع ثاني أخوية المهاجر هذا الاشخص الي انت كلتلي عنه يأمريكا رجع خابرني قبل يومين وكالي احنا ترجمنا أوراقك ورح ارجع اسوي مقابلة وياج ويا زوجك بعد يومين اخابر وهم سألني كم سؤال وكال ارجع اخابركم فا انت شتكول هذا ليش ترجم ملفي وليش رجع خابر ومعقولة يكدر يسوي شي  مع العلم اني هواية ناس كالولي ليش نطيتيه المعلومات عنك ؟ خوفوني بصراحة

[المهــــاجــر]

أخت مليت من الغربة
اذا تروحون  تراجعون الأمم انطوهم رقمين مال الموبايل اذا عدكم اثنين مالتج ومال زوجج واذا عدكم واحد بس انطوا رقم مال واحد من اقرب المقربين وعدكم ثقة بيه حتى يبلغكم بأي شي يخابرون عليه الأمم  في حالة ما حصلوا تلفونكم لأسباب معينة .اسمعي هذه القصة صارت قبل اسبوعين :ولد يشتغل ويانا راحت امه تريد تراجع الأمم علمود تستفسر  شوكت ينطوهم اعادة الفحوصات .والأمم بنفس الوكت هما هم ديخابرون عليهم وماكو من يجاوب ..ليش ؟؟لأن الموبايل كانت ماخذتة الأستعلاامات وقافلته هههه كامو خبروا على الرقم الثاني مال ابنها اللي يشتغل ويانا وكللولا دنخابركم ومحد يجاوب فكالهم مو امي هي بالأمم جاي تراجع واكيد الموبايل مقفول .المهم كالولا للولد عدكم فحوصات فلان يوم  للعلم والأطلاع ... هذا من احد الحسنات الرقم الثاني الأحتياط ..
ومن ناحية هذا المحامي الأمريكي ليش تخافين اكو ولد راح اتأكد منه اضن هو كان موكف ملفه وعن طريق هذا هسا انطوه موعد السفير ..تصدكين يوم اللي عمل سي ام سي قيل 10 ايام وهو بعدا بالأمم  وقبل ما يطلع انطوا موعد السفير يوم 26 \8  وعوضوا عن التأخير وعن الحماية الي كانو مأخريه بيها ..ان شاءالله يعوضوكم على كل تأخير وتصير سوالف قديمة وتنتظرون موعــــد السفر قريـــــبا يارب ...تحياتي للجميـــــــع

[مليت من الغربة]

اشكرك أخي وانشاء الله تكون بيها خير هذا الانتضار وباجر انشاء الله نروح ونشوف شرح يكولون على مود ملفنا ورح اخبرك بكل شي انشاء الله تحياني للجميع

[مليت من الغربة]

السلام عليكم أخوات شلونكم انشالله بخير الجميع اليوم راح زوجي على الامم المتحدة اني مكدرت اروح وياه لانو كلش تعبانة كلي خليج بالبيت واني اروح أسأل عن الملف راح وكالوله بعد ماكو جواب بعد أوراقكم باللجنة الأمنية   وشاف هناك عوائل تقريبآ 6 عوائل انطوهم مواعيد سفر بس مو على أمريكا على غير بلد النرويج واكو ناس جانو منتظرين استلام الموافقات يعني اكو سفر انشاءالله الكل يسافر وحنا يضل ملفنا باللجنة    متكولولي شنو هاية اللجنة    

[المهــــاجــر]

للأســبوع الثالث على التوالي يتــم اعطاء مــواعيد السفر في اليومين الأخيرين من هذه الأسابيع :الخميس والجمعــة .
وكما سبق وان قلت لكم سيكون الشهر الثامن شهر الملفات القديمة.وسبق وان قلت لكم ايضاً ما وراء الهدوء اِلاّ العاصفة.
ها هو الشهر الثامن مليْ بالمواعيــد ولحد هذا اليوم اصبح عدد رحلات الطيران  سبعة رحـــلات وعلى هذا النحــو :
1  و  2  و  5  و  7  و  8  و  12  و  16   بالشهر الثامن وكثير منهم من القدامـــة .. اعتقد ان توقعاتي كانت قريبــة على الواقــع.
وللأسف توقعي لنفسي لم يتحقق بـعــد    حيثُ كنتُ اتوقــع ان يعطونـي موعــد في الشهر الثامــن 
ومـع ذلك لا زال عندي امل ان يتحقق توقعي لأن لا زال هنالك وقــت ومو بعيــدة ان يخابروني  ليش لا ؟؟؟
 مو بعيد عند الرب ان يحقق لنـا
ما نريد وربما في الوقت الذي هو يراهُ مناسباً لنــا ..أدعـولي يــا اخـواني وأخـواتي بأن تفرج عليه وعليكم كلكم بأقــرب وقــت ...
وبالمناســبة اليوم سبت واللي يعتقد ان يوم السبت ما يخابرون هو متوهم اليوم خابروا بيت جيرانا هنا وانطوهم موعـد لـ آي سي ام سي  ليوم الأربعاء القادم ..
الــف مبــرووووك للي اخذو المواعيــــد.. وان شــــــــــــــــــــــــــــــــــاء اللـــــــــه يــوم الألنـــة كلنــــــا يـــااااا ررررررر ب ..
كــووووولــوووو آآآآآآآمــــــيـــــــــــــــــــــــــــــــــــــــــــــــــــن 

                  مــراســـلـكــم مـن لبنــان
             المـهـــاجـــر الذي لـم يـهـــاجــر بعــد
             

[فائز القرقوشي]

السلام عليكم للجميع  الله يبشرك بخير اخي المهاجر واشالله عن قريب يخابروك وللجميع نشالله 

[حامل المسك]

اخواني في لبنــــــــــــــــــــــــــــــــــــــان ...ممكن جواب رجاءا
    صحيح اكو سفر الى تركيـــــــــــــــــــا عن طريق البحر؟؟؟واذا اكو سفر هل له مواعيد معينة وماهي طبيعته واجوره ووضعيته
     لان احنا اخوانكم من  (المحصورين ) في سوريا ونفكر الذهاب الى تركيا عن طريق البحر (( هذا اذا اكو طريـــــــــــــــــق ))
     وتمنياتي لكم بالسعادة والتوفيق....

[مليت من الغربة]

السلام عليكم هاي وينكم سافرتو وتركتوني وحدي ؟ اذا سافرتو اني رح اروح عتصم ويا الصوملين الي معتصمين باب المفوضية الامم      شخباركم خوات خوات طمنوني عنكم

[حامل المسك]

الاخ (بدكو )............ولايهونون الجماعـــــــــــــــــــــــة......

عذرا لمروري ..بس حبيت اسال شلون السفر الى تركيــــــــــــــا من طرفكم وماهي اسعار التذاكر وهل يوجد طريق على البحر وماذا بخصوص الفيزة
  علما انا في سوريا
 
شكرا لكم ...وتمنياتي لكم بالموفقيــــــــــــــــــــــــــــــــــــة

[المهــــاجــر]

السلام عليكم هاي وينكم سافرتو وتركتوني وحدي ؟ اذا سافرتو اني رح اروح عتصم ويا الصوملين الي معتصمين باب المفوضية الامم      شخباركم خوات خوات طمنوني عنكم

ههههههه لالالا كنا عاملين فاصــــل وهســا راح نواصــل .... لأن اللابتوب كان بالفرمتـــة والأشــارة ما شاءالله عليها قويــة حيل حتى عطلت اللابتوب ههههه

أســــــــــافـــر
وأنســــــاكم؟؟ دا كــــلام؟؟ أهـــــو دا اللــي مشممكــن أبــداً
ولا أفـكــر فيـــه ..دا مستحيــــل .... وألـبــي يــمـيــــــــل
لحد غيركم ..أبــداً ..أبــــداً .. أبــــداً اهو دا اللي مشممـكــن×××××××

[المهــــاجــر]

الاخ (بدكو )............ولايهونون الجماعـــــــــــــــــــــــة......

عذرا لمروري ..بس حبيت اسال شلون السفر الى تركيــــــــــــــا من طرفكم وماهي اسعار التذاكر وهل يوجد طريق على البحر وماذا بخصوص الفيزة
  علما انا في سوريا
 
شكرا لكم ...وتمنياتي لكم بالموفقيــــــــــــــــــــــــــــــــــــة

اخويا حامل المسك :شذكرك بالأخ يـدكو؟؟ هسا هو بأمريكا من زمان .بس مع ذلك راح احول رسالتك عليه عسا يكون عندا جواب ..يؤشفني بان ليس لديه جواب يفيدك ..
بس انا هم راح اسألك  شلون السفر بالمطار وشكد سعر التذكرة ...تحياتي

[مليت من الغربة]

اهم شي انت تكون موجود لانو احس هذا المنتدى بدونك فاصل مثل الاب توب مالتك     مع أحترامي للجميع بس لانو محد يحاول ينسى همومه ويحاول يحجي هنا أو يحدثنا بموضوع يخلينا نشارك بيه الكل فاصل من الرئيسي مثل كهرباء لبنان     شلونك أخوية المهاجر ألي مهاجر  

[وهم]

السلام عليكم  شلون الشباب الطيبين انشاء الله بخير شباب اني صارلي 38يوم من ان استلمت الموافقه النهائيه ولحد الان لم يتم الاتصال بي من قبلiomلتحديد خط رحله ولا اعرف اسباب التاخير ارجومنكم مساعدتي وهذا طلبي من اصحاب الخبره واطلب منكم ان لاتبخلو  بمساعدتي مع تمنياتي بسفر القريب للجميع بعون الله

[حامل المسك]

الاخ (بدكو )............ولايهونون الجماعـــــــــــــــــــــــة......

عذرا لمروري ..بس حبيت اسال شلون السفر الى تركيــــــــــــــا من طرفكم وماهي اسعار التذاكر وهل يوجد طريق على البحر وماذا بخصوص الفيزة
  علما انا في سوريا
 
شكرا لكم ...وتمنياتي لكم بالموفقيــــــــــــــــــــــــــــــــــــة

اخويا حامل المسك :شذكرك بالأخ يـدكو؟؟ هسا هو بأمريكا من زمان .بس مع ذلك راح احول رسالتك عليه عسا يكون عندا جواب ..يؤشفني بان ليس لديه جواب يفيدك ..
بس انا هم راح اسألك  شلون السفر بالمطار وشكد سعر التذكرة ...تحياتي

اخي العزيز (المهاجر)..شكرا لردك ...علما اني خاطبت(بدكو)باعتباره صاحب الموضوع ..ولااعلم بقضية سفره.وارجوك لاتحول رسالتي له بامريكا ..
لانه من غير المعقول انه يعرف الاجابة على تساؤلي الخاص بدولة لبنان وهو في امريكا ..والذين في لبنان اصلا لايعرفون هذه المعلومة البسيطة .
دع الوضع مثل ماهو عليه لعل يظهر احد الاخوان وينتخي لنا بالاجابة
 وتقيل فائق الشكر وجزيل الاحترام

[المهــــاجــر]

اهم شي انت تكون موجود لانو احس هذا المنتدى بدونك فاصل مثل الاب توب مالتك     مع أحترامي للجميع بس لانو محد يحاول ينسى همومه ويحاول يحجي هنا أو يحدثنا بموضوع يخلينا نشارك بيه الكل فاصل من الرئيسي مثل كهرباء لبنان     شلونك أخوية المهاجر ألي مهاجر  

ههههههههههه  حلوة هاي الجملة عجبتني{الكل فاصل من الرئيسي مثل كهرباء لبنان  }
شكرا على هذا الشعور وتحياتي للجميع

[مليت من الغربة]

السلام عليكم شلونكم شباب صبايا انشاء الله بخير وشلون الويك اند وياكم ولله اني اليوم مكضيته أكل مناقيش    لانو وين نروح هاية ناكل ونام ههههههههههههههه ماكو غير حل شلونك المهاجر وينك طالع باويك اند    باجر أريد أكعد من الصبح وأسوي مناقيش وأروح على المم المتحدة  أريد اعرف شصار بملفي بس عندي سؤال زوجي راح قبل أسبوعين وسأل وكالوله أكتب شعندك ولما حجو وياه كالوله احنا نخابرك ولا خابرو  ولا شي فا أكدر اروح أني باجر أسأل عن ملفي لو رح يسربتوني يكولولي زوجك كان هنا قبل اسبوعين  معقولة ميفوتوني ؟

[مليت من الغربة]

السلام عليكم أخون اريد اعرف اذا الشخص محولين ملفه لقسم الحماية شنو يعني ؟ ممكن يكون ملفه قوي ويساعده للتوطين ؟ ياريت تفيدوني 

[المهــــاجــر]

شلونكم يا جماعة
اعذروني  ترى اللابتوب مالتي كان عاطل يبدو انو ضاج من الأنتضار هم مثلي بس الحمدلله  مشا حالو
اشو محد  عندا خبر جديد انتهت امنياته عندا موعد سفر شنو القصة؟؟ قصة حزينــة ؟؟
معقولة بس احنا اللي بالمنتدى يعاندون ويانا لأن نحجي عليهم وكل يوم نكصهم    ..اخت مليت اشو ما شفتج بالأمم  مو انا هم رحت يوم الأثنين ههههه بس صدك شلون اعرفج حتى لو شفتج 
اخوان اتصلو بكثير جماعة وانوطوهم مواعيد بس شنو الفائدة احنا ما حصلنا شي لحد هسا ..

تــم يــوم امس واليوم اعطــاء وجبــة  جديدة من  مـواعيد الســفر في لبنـــان حيثُ تم يوم امس اعطاء مواعيد السفر الى ديترويت واليوم تم اعـطــاء مواعيــد السفر الى كاليفورنيــا .. العوائــل التي اعرفهــا شخصياً  هم في لبنان من ثلاث سنوات فما فــوق ..والمواعيــد هي ايـــــــام...8/28  و  8/30
الف الف مبروووك لهم ويــوم الألنــة يـــارب نحن المتأخريـــن ..
××××××××××
وتمضي الأيـــــــــــام
وتمضي الأشـــــــهــر
وتمضي الأعـــــــوام
ولا زلـنــــا نتمنــــى
أن نتقـــــدم للأمــــام
إلى متى سنبقى ننتظــررررررر؟؟؟
طــــــــال علينـــــا الانتـظـــــــارررر

[mradyosf]

  
  مساء الخير لجميع الاعضاء ورمضان كريم  وان شاء الله ياتي الفرج على الجميع     
الاخ المهاجر عندي سؤال وياريت ان كان لديك معلومات ان تفيدني بها  منذ سنه و3اشهر منتهي 
من كل شء فحوصات ودوره تثقفيه  ولحد الان كل ما اتصل يقول لسى امنياتك الاولى لم تصل
هل يوجد هك شيء اذا امنياتي الاولى لم تصل ليش سوولي فحوصات ودوره فاريد رايك
بهذا الموضوع واكون شاكر للجميع وهل يوجد احد مثل حالتي وشكرا 
 

 
 

[المهــــاجــر]

 
  مساء الخير لجميع الاعضاء ورمضان كريم  وان شاء الله ياتي الفرج على الجميع     
الاخ المهاجر عندي سؤال وياريت ان كان لديك معلومات ان تفيدني بها  منذ سنه و3اشهر منتهي 
من كل شء فحوصات ودوره تثقفيه  ولحد الان كل ما اتصل يقول لسى امنياتك الاولى لم تصل
هل يوجد هك شيء اذا امنياتي الاولى لم تصل ليش سوولي فحوصات ودوره فاريد رايك
بهذا الموضوع واكون شاكر للجميع وهل يوجد احد مثل حالتي وشكرا 
 

 
 

اخي العزيز مــــــراد : شلونك اشو من زمان ماكو انت بالمنتدى ؟؟ مسوي اظراب شنو ؟؟
بخصوص سؤالك  مادام انت مسوي قبل سنة وثلاثة اشهر فحوصات هذا يعني ان فحوصاتك صايرة اكسباير .. ولازم تسوي اعادة الفحوصات ..وما ينطوك اعادة الفحوصات الا تخلص امنياتك .. ومن يخابروك على اعادة الفحوصات هذا يعني اطمأن انتهت امنياتك الكشرة ..وراح يهيأوك على السفر .يعني بعد شهرين  ربما اقل او اكثــر ..انا هذا ما شفت بعيني ومحد كلي..وكثيـــــــــــــــــــــــــــــــر اكو مثل حالتك هذا شي عادي .لس انا دأشوف دينطون مواعيد اعادة الفحوصات حسب الأسبقية .اكيد اكو ناس اقدم منك له>ا ما اجاك السرة بعد ..تحياتي للجميـــع

[mradyosf]

   
 

 
 
 لاخ المهاجر الف شكر الك ريحتني شوي
والصحيح انقطاعي عنكم كثرة الاشغال
 والله يفرجها على الجميع  وهم بنفس الوقت والله العظيم
اني ضايج لابعد الحدود
 وبصراحه بدئت افقد الامل من كل شي والله كريم وشكرا اخويا بس لاكون ضوجتك والف شكر وسلامي الى
جميع الاعضاء واتمنالهم الفرج القريب

[مليت من الغربة]

الف مبروك الله يوفقهم الي نطوهم مواعيد سفر وانشاء الله للجميع شلونك المهاجر وشلون صحتك أخوية اني زعلانة منك ليش مكلت انك رح تروح للامم المتحدة يوم الاثنين جنا تعرفنا عليك على العموم عالجايات نتعرف عليك بس نطلع بالطيارة   اني جنت  هناك بس جنت كاعدة بقسم النساء اني وأبني   ابني جان لابس تيشرت أخضر وبنتكور جينز وشعره طويل وهو أحلى ولد جان هناك   واني جنت لابسة بنطرون أسود وكنزة بني وأكيد حطة منديل أسود ونظرات على مود الشمس الحارة بالامم   فتت الساعة 9  وطلعت السعة 11 ماادري اذا انت موجود بهذا الوقت هناك بس أكو شغلة انت تنطينه أخبار حلوة لغيرك بس مخبرتنه عن ملفك وين صار   وشوكت السفر يمعود نريد نفرحلك

[المهــــاجــر]

الأخت مليت :هههههههههه رسالة حلوة ووصف جميل ان شاءالله في المرة القادمة صدك راح اكلج بلا شقة.وانا كنت موجود هناك بنفس الوقت وطلعت هم لنفس الوقت اللي ذكرتيه انتي . اما بخصوص ملفي هو كالآتي:
 بس يا جماعة هذولة الأمم صدك ما عــدهم مصداقية ..الكل يتذكر من نزلت موضوع [ متى تتوقع ان تسافر] .وانا كلت اتوقع ان اسافر بشهر السابع .لأن عملت اعادة فحوصات 22/5/2012  ولهذا تفائلت بالخير وتوقعت السفر بعد شهرين  مو بس الي بل لكل القدامة لأن كل الأخبار كانت مشجعة .وفعلاً انا بشهر السابع ومثل ما توقعت  ان الله فرجها عليه  وخابروني بأن كل أجرائأتي  الأمنيـة خلصت وكـا لوا انت بالمرحلة الأخيرة وما باقيلك بس موعد الطيارة .. وبعد مرور تقريبا عشرين يوم  ماكو اي جديد ورحت استفسرت عن ملفي . كالولي :جزء من الأمنية الأولى صارت اكسباير , وديعيدون عليك المعلومات .وكلشي مخلص حتى الأداريات . هي مسألة وقت فقط  .ولحد الآن ماكو شي جديد .قبل جانو يكلون عندك اجراءات امنية هسا شنو عذرهم؟؟؟كل مرة يطلعونا فيكة جديدة.
مــع تمنياتــي للجميـــع بالســفر القريـــب ..

[مليت من الغربة]

ههههههههههههههههههههههههه  مو بله شنو رئيك بهذا الوصف أكيد عرفتني على هذا وصفي    تحياتي ألك المهاجر وللجميع

[Illusionist]

للأســبوع الثالث على التوالي يتــم اعطاء مــواعيد السفر في اليومين الأخيرين من هذه الأسابيع :الخميس والجمعــة .
وكما سبق وان قلت لكم سيكون الشهر الثامن شهر الملفات القديمة.وسبق وان قلت لكم ايضاً ما وراء الهدوء اِلاّ العاصفة.
ها هو الشهر الثامن مليْ بالمواعيــد ولحد هذا اليوم اصبح عدد رحلات الطيران  سبعة رحـــلات وعلى هذا النحــو :
1  و  2  و  5  و  7  و  8  و  12  و  16   بالشهر الثامن وكثير منهم من القدامـــة .. اعتقد ان توقعاتي كانت قريبــة على الواقــع.
وللأسف توقعي لنفسي لم يتحقق بـعــد    حيثُ كنتُ اتوقــع ان يعطونـي موعــد في الشهر الثامــن 
ومـع ذلك لا زال عندي امل ان يتحقق توقعي لأن لا زال هنالك وقــت ومو بعيــدة ان يخابروني  ليش لا ؟؟؟
 مو بعيد عند الرب ان يحقق لنـا
ما نريد وربما في الوقت الذي هو يراهُ مناسباً لنــا ..أدعـولي يــا اخـواني وأخـواتي بأن تفرج عليه وعليكم كلكم بأقــرب وقــت ...
وبالمناســبة اليوم سبت واللي يعتقد ان يوم السبت ما يخابرون هو متوهم اليوم خابروا بيت جيرانا هنا وانطوهم موعـد لـ آي سي ام سي  ليوم الأربعاء القادم ..
الــف مبــرووووك للي اخذو المواعيــــد.. وان شــــــــــــــــــــــــــــــــــاء اللـــــــــه يــوم الألنـــة كلنــــــا يـــااااا ررررررر ب ..
كــووووولــوووو آآآآآآآمــــــيـــــــــــــــــــــــــــــــــــــــــــــــــــن 

                  مــراســـلـكــم مـن لبنــان
             المـهـــاجـــر الذي لـم يـهـــاجــر بعــد
             

أود أن أؤكد على كلام الأخ المهاجر عن موعد سفر باليوم السابع من آب، لأن أحد أصدقائي المقربين لي سافروا إلى أمريكا في هذا النهار،

يوم اللي إلنة.. كما أنه اتصل بي اليوم وقال لي بالحرف الواحد نقلا عن الموظف المختص باللاجئين بأن هناك أوامر بتسريع  ملفات ام الطابوكة

ههههههههه

[Illusionist]

وينكم يا أهل الخير؟ كل عام و انتم بخير، انشاء الله تنهال علينا الاتصالات بعد العيد ههههههه

[مليت من الغربة]

ولله أني أذا مخابروني بعد العيد رح أروح أقدم لجوء يم عائلة المقداد ههههههههههههههههههههههه تحياتي للجميع وعيدكم مبارك

[Ashurram]

كـــــــــل عام وانتوا بالف خير يارب تتحقق جميع امنياتكم,بالنسبة للسفر اكو و بكثرة خابروا قبل 4 ايام عائلة اصدقائنا  وانطوهم موعد 4/9 الله كريم ننتتظر بعد العيد وانشالله الفرج قريب!!!

[salamsameer]

السلام عليكم اخواني اني عضو جديد وياكم صارلي اسبوعين بلبنان وانطوني موعد تسجيل بعد شهرين ودخلت مرحلة الملل بالمناسبة اني مقدم عاليو ان من سوريا 3سنوات تحياتي للجميع

[فائز القرقوشي]

مرحبا لجميع وايامكم للاخوة : ابارك الاخ وهم لان انطوه موعد سفر يوم 28 / 8  انشالله للجميع

[وهم]

السلام عليكم اخوان في البدايه احب اقدم شكري الجزيل الى الاخ فايز القرقوشي على التهنئه التي قدمها لي بمناسبة اعطائي موعد سفر يوم 28\8اكرر شكري وانشاء الله يوم الك ولكل الاخوه بعون الله

[Ashurram]

الـــــــــــــــــف مبروك اخويا الوهم ان شاء الله توصلون بالسلامة يارب...

[مليت من الغربة]

الف مبروك أخ وهم وانشاء الله توصلون بالسلامة

[المهــــاجــر]

الف مبروك أخ وهم وانشاء الله توصلون بالسلامة
انتم الســابقون ونحن  اللاحقــوووون بأذن الله

الآخ  ســلام سمير
اهلا وسهلاً بك في كروبنا  اللاجئين العراقيين في لبنان
يلا يروح واحد ويجي واحد ونتمنى من الأخ وهم ان ما ينسانا


الأخ اشــورام
شكرا جزيلاً على الكعدة التاريخية السياحية والمناظر الخلابة من فوق سطح عمارتكم الجميلة.
ان شاءالله نكررها بيوم توديعكم يارب .
وبخصوص المواعيد وصلت الى يوم 9/9  وان شاءالله يجينا السرة بعد فد عشرة ايام  ها شدكول انت

الأخت مليت من الغربة :ها شكووو ماكوووو ههههههه اهم شي لا تضوجين وابقى هيجي على المعنويات العالية واكيد لابد ان تفرج
تحياتي لكل حماعة الكروب وبدون استثناء

[salamsameer]

مبروك على موعد السفر وانشالله للجميع

[Ashurram]

شكرا جزيلا اخويا العزيز المهاجر البيت بيتكم نورتوا،ننتظر  هالايام ان شاءالله خير ،ياربي يحنون علينا ويخابرونا لوول.

[مليت من الغربة]

هههههههههههههههه  لا اني ماضوج بعد تعودت  شلونك المهاجر مصار شي جديد بملفك 

[المهــــاجــر]

ههههههههه لعد غيري اسمج من  مليت من الغربــــة الى تعودت عالغربـــة
اما بخصوص ملفي الحمد لله حالي حال اكثر القدامـة انه كلشي مخلص وما باقي شي كالعادة بس موعد السفر بس مع الأسف ماكو قبض

[مليت من الغربة]

الله كريم أخوية المهاجر تفرج ومو طويلة أني عندي أحساس رح ينطوك جوب بهذا الشهر ورح تسافر وتتركنه هنا        بس أكيد مرح تنسانه أنت أنسان عندك نخوة والله يفرجه عليك وعلينة

[مليت من الغربة]

السلام عليكم خوان شلونكم ولله حبيت أعرفكم أخر أخبار ملفي اليوم رحت على الامم وعلموني بأنو ملفي مرفوض    وكالتلي زوجك بعد أسبوعين نرد عليه على مود ملفه فا قررت أترك لبنان وأروح على تركيا معقولة هم يرفضوني مع العلم ملفي كله جبتلهم أثباتات وأوراق رسمية ورفضوه تكلي اتني ما عندج تأهيل للتوطين وأني ربي محترك وهية تكول مو مأهلة ياريت لو أحد يكلي أذا عنده خبرة بتركيا معقولة هم يرفضوني ؟؟؟ 

[المهــــاجــر]

لالالالالالالالالالالالالالالالا  صدك فاجأتينـــا بهذا الخبــر المفاجــأ ..صدك ما كنا نريد نخســر وحدة مثلج ..
بس الله كريم اذا البشــر يكطعها ترى الله ما يكطعها لا بد وان تفرج عاجلاً ام آجــلاً ..
بس اخت مليت حاولي ان تتصلين بمنظمة المحامين اللي في  واشنطن وانطيهم علم بما حدث .
وشوفي ردهم شراح يكون وبعدين قرري اي اجــراء تأخذيــه.
بالمناسبة اكو ولد يشتغل ويانا هم خبروه وعلى اساس باجر  راح يروح على الأمم هو وزوجتــه ساعة عشرة على نفس الموضوع..
اخر مقابلة سواها بشهر الخامس
ســـلامنا لكي ولا تديرين بال اخت مليــــت  ان شاء الله تفرج قريبا

[مليت من الغربة]

دزيتله رسالة على أيميل بس هو مديطلع عندي اون لاين اذا انت تعرفها حاول أنو يحجي وياية كوله تريد تحجي وياك سناء _______ والله رح أموت من القهر وماعرف شسوي  يعني هاي حياتنا نضل متعذبين وعايشين مذلولين ليش ياربي 

[Ashurram]

لااا والله مو خوش خبر اختي مليت من الغربة الله يساعدكم,ان شاء الله ياربي يعيدون النظر بملفكم ويقبلوكم!!

شلونك خوني المهاجر ماكو شي جديد مو؟؟؟سمعنا هواية منطين مواعيد!!الله كريم

[المهــــاجــر]

مســـاء الخيـــر للجميــــــع
تــم يوم امــس واليــــــوم اعطــاء مــواعيــد جديدة فـي لبنـــان للشهر التاســــع حيثُ  وصلت المواعيــد الى 18 /9  واكثرهم من القدامــة
الف الف مبــروووووك لهــم  ..ويــــــو الألنـــــة نحن المتأخريـــن يـــــاااااا رررررب

الأخت مليت من الغربــة
الولد اللي حجيت عنــه قبل يومين هم انطو رفض ..بس ديحاول ان يسوي استأناف بلكت بفيد..
الأيميل مالته علة طول اون لاين يمي انطيني اسمج الكامل عالخاص  واتصل بيه انا ..
اخوني اشورام: صح اكو مواعيد كثيرة والله كريم.
وانا يوم الأثنين راح اراجع الأمم واخت مليت اذا عندج مراجعة شي انا هناك حتى نتعرف ههههه تعالي وأسأليهم على الأستأنافيــة بلكت اكو فايدة منها يارب .. اذا اي واحد جماعة الكروب لبنان يجي الى الأمم خلي يكول حتى نتعرف على بعضنا ..
ســـــلامي للجميـــع

ملاحظة: انطو موعــد لبيت اهل زوجتي.. وان شاءالله يوم الكلنــا يــاااا رررررب

[مليت من الغربة]

شلونكم أخواني عساكم بخير والف مبروك للي أنطوه موعد سفر وأنشاء الله للعزيز المهاجر ينطوك موعد وتخلص من لبنان  شلونك أخوية المهاجر اني دزيتلك أسمي الكامل على الخاص وبالنسبة لباجر أني مرح أروح لانو زوجي بعد منطوه الظرف مالته يعني مابلغوه بعد لأنو هو بملف وأني بملف لانو أني جنت مقدمة قبل ما أتزوج وهو يريد يروح باجر لنعرف شنسوي اذا هم مرفوض أروح أسبوع الجاي ونقدم أستئناف بس ياريت لو عدكم معلومة شلون نقدمه ماعرف ؟

[البيروتي]

مساء الخير عالجميع شو نايمين

[المهــــاجــر]

عـــاجــل....عاجل ...عاجل
وأخـيــــراً سيهاجـر المهاجـر الى المهجـــرً
شكرا يا ربي ويا الهي نعم يارب انت قلتً {{    وَأَنَا أَقُولُ لَكُمُ: اسْأَلُوا تُعْطَوْا، اُطْلُبُوا تَجِدُوا، اِقْرَعُوا يُفْتَحْ لَكُمْ  }لقد سألناك فأعطيتنا.وطلبنا فوجدنا.وقرعنا ففتح لنا الخيــر}لقد تم ايها الزملاء الأعزاء والأخوات العزيزات ايتها العراقيات الصابرات على ضيم الأمم وبعد معاناة طويلة منذ ثلاث سنوات وصراع مع المرض أأأأأ قصد صراع مع الأمــم هههههه لقد تم اعطائي {  مــــوعــــد ســـــفـر في نهايــــة الشهر التـاســــع } ممتعض ممتعض ممتعض ممتعض ممتعض ممتعض فرح فرح فرح فرح فرح وأذا المطربة فيروز تكول {الغضب الساطع آتٍ وانا كلي أيمان} انا أقــوووول {الموعــد الساطع آتٍ وانا كلي فرح وأيمـــان} وأن جاء متأخراً.نشكر الرب ايضاً.. اشكركم جميعاً على دعائكم لي طوال الفترة الماضية ليس لي فقط وانما لكل المتأخرين عن السفر.. يا الهي سهّل امور كل العراقيين المنتظرين موعد السفر على احر من الجمر..وها هي الثلاث سنوات وشهر بالكمال والتمـــام حيث دخلنا الى لبنان بتاريخ 7/8/2009 واليوم 7/9/2012 مرت وستصبح من الماضي لقد علمتنا الصبر على الأنتضار وان كان ثقيلاً على قلوبنا ولكن الله افرجها علينا بالوقت الذي هو رآه مناسباً لنا{ المزامير 71: 20
أَنْتَ الَّذِي أَرَيْتَنَا ضِيقَاتٍ كَثِيرَةً وَرَدِيئَةً، تَعُودُ فَتُحْيِينَا، وَمِنْ أَعْمَاقِ الأَرْضِ تَعُودُ فَتُصْعِدُنَا.  } شكراً للرب الذي افرحنا{ الَّذِينَ يَزْرَعُونَ بِالدُّمُوعِ يَحْصُدُونَ بِالابْتِهَاجِ. 6
الذَّاهِبُ ذَهَابًا بِالْبُكَاءِ حَامِلاً مِبْذَرَ الزَّرْعِ، مَجِيئًا
يَجِيءُ بِالتَّرَنُّمِ حَامِلاً حُزَمَهُ.
المزامير 97: 11-5 12 }...
وأخيرا اهدي لكم هذه الأبيات الشعرية عسا ان تنال رضالكم:
 ×××××××××××

            مــــوعـــــــد ســــــــــفــــــر
            *********************************
أفــرح يـا جــرح الكـلـب ××××وخلـي نعيـش الـفـرح بــدل احــزان
مو خلص شريان الصبر ××××ونحط موعــد سـفـر احلـى عـنــوان
شكد نزلت مواعيد السفر يا مهاجر×××وشكد بقيت عالهجرة واللاجئين سهران
قسمة ونصيب وقدر ××××مكتوب هسا نأخــذ موعــد سـفر يا فلان
حطيتــك وســط الفيــس بــوك ×××× ورســمتــك بأحـلـى الــــوان
نشرتـك بـأجـمــل شكـــل ×××× ونزلـتّــك بقــلــم شــاعـر وفنـــان
وصفـتّك بقلـم شاعـر ×××× ومن كـلـبه مشـتــاق الـك وولـهـــــان
أدري بـطـريقـي كان صعـب ×××وأدري اليتغـرب يشبع قهر ويبقى تعبان
وألاّ يجي يــوم يا عراقـي ××× تنســى كل التعب وتبقى فرحـــــان
أبقى انتظرك لآخر نفس ×××× وخلي ننسـى كل التعب والأحزان
             وخـلـــي ننســـى كـل الـتــعــب والأحـــزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

[المهــــاجــر]

شلونكم أخواني عساكم بخير والف مبروك للي أنطوه موعد سفر وأنشاء الله للعزيز المهاجر ينطوك موعد وتخلص من لبنان  شلونك أخوية المهاجر اني دزيتلك أسمي الكامل على الخاص وبالنسبة لباجر أني مرح أروح لانو زوجي بعد منطوه الظرف مالته يعني مابلغوه بعد لأنو هو بملف وأني بملف لانو أني جنت مقدمة قبل ما أتزوج وهو يريد يروح باجر لنعرف شنسوي اذا هم مرفوض أروح أسبوع الجاي ونقدم أستئناف بس ياريت لو عدكم معلومة شلون نقدمه ماعرف ؟

شكرا اخت مليت من الغربة صدكيني صدكيني انا ما ناسيج  ودزيت رسالة طويلة عريضة على الشخص المقصود  بس لحد الان ما رد علي لهذا ما جاوبتج وراح اتابع الموضوع واكلج عالخاص ..
بالمناسبة ذاك اليوم جانت وحدة ويانا هم نفس الشي كانو منطيهم رفص وراجعت وكللولها تعالي انت وزوجج يوم 24 /9 والله كريم بلكت يا رب الله يسهلها الكم همين
وشكرا شكرا شكرا على دعــاتج لي بمــــوعــــــد السفر   ;Dويارب الله يوفقج ويوفق الجميــــــج[/siz[/color]e]

[المهــــاجــر]

شـــــكـراااااا  اخـــويــــــا اشــــووورررراااااام على الأتــصـــــال
حبيبي يــوم الألــكــــم ان شـــــــــــــــــــــاءاللـــــــــــــــــــه  يـــــــــــــااااررررب

[مليت من الغربة]

شلونكم اخوان شلونك أخوية المهاجر واشكرك لانك سألت عني وتسلم يارب والله يسر امرك وأمر كل شخص اخوية هذا صاحب ايميل خابرني اليوم وكلي مديرة المنظمة مسافرة بس تجي احجي وياها وبس يصير عندي شي جديد اخابرج يعني شيسويلي مو ملفي مرفوض وغير مأهل للتوطين تكلي هاية المحششة باun هههههههههههههههههههههه يس شكول الله كريم هو اذا مرح يمشي الحال هنا رح طلع على تركيا شسوي  لعد لان سمعت أنو رح يسدون الاجوء للعراقين بنهاية هاي السنة

[البيروتي]

مبروك اخوية المهاجر الف مبروووووووووووووووووووووووووووووووووووووووووووووك

[مليت من الغربة]

أول شي أني جدآ أسفة جان عندي النت كلش ضعيف وبس افتح الصفحة تصير تركض وتعلك عبالك عالسه واحد بس على العموم أحب أوجه أعتذاري للمهاجر ألي رح يهاجر ويتركنه ألف ألف ألف ألف مبروك على موعد السفر      كلبي جان حاس أنك رح تسافر وكتلك  رح ينطوك موعد قريب ورح تتركنه  بس ولله فرحانه من كل قلبي وربي يسر أمور الكل

[المهــــاجــر]

شكرا للأخ البيروتــي
والى الأخــت مليت مــن الغربـــة
اشكركم على تهنئتكم وان شاءالله يــارب تفرج عليكــم بأقـــرب وقـــت
واهـدي الى جماعة كروب لبنــان هــذه الأبيــــات الشعريـــة الجميلــة:

راح نـــودعــكــم وتـبـقـى الــدمـعـــة بـالعــيــــن... تــجــــري
راح نــودعــكــم ونــدري كـلـوبكــم ورانــا للمطـــار... تـجـــري
محبتكم مو بس بالروح... ترى محبتكم حتى بالوريـد... تجـري

وادعـوكم الى هذا الرابط :

http://www.ankawa.com/forum/index.php/topic,609080.0.htm

[Illusionist]

ألف ألف مبروك للمهاجر المهاجر توصل بالسلامة عزيزي
أنتم السابقون ونحن اللاحقون

[qfwa]

مبروك السفر للمهاجر وعائلته نتمنالك الموفقية والاستقرار . انشالله تفرج علينا جميعا ونسافر ونستقر.

[المهــــاجــر]

Illusionist

qfwa
شــكرا لكم على التهنئــة الجميلـــة وان شاءالله يــوووم الألكم يــــارب

معقوبة محد من جماعة لبنان ما اخذ موعــد ؟؟؟ اليوم الأثنين هم انطو   عــدد كثير من المواعيــد بحدود 30 عائلة
وكثير منهم من القــدامــــــة
 ان شاءالله قريباً جــدااااا  يجي دوركـــــــــــــــــم

[فائز القرقوشي]

الف مبروك للاخ المهاجر انشالله بالموفقية

[المهــــاجــر]

شكرا اخ فائزالقرقوشي على التهنئة
وان شاءالله يوم الألك وللجميع المنتظريــــــــــــــــن

[Illusionist]

Illusionist

qfwa
شــكرا لكم على التهنئــة الجميلـــة وان شاءالله يــوووم الألكم يــــارب

معقوبة محد من جماعة لبنان ما اخذ موعــد ؟؟؟ اليوم الأثنين هم انطو   عــدد كثير من المواعيــد بحدود 30 عائلة
وكثير منهم من القــدامــــــة
 ان شاءالله قريباً جــدااااا  يجي دوركـــــــــــــــــم

تسلم عزيزي ولله ااخوتي سافروا ب 4 أيلول لأمريكا، وانا ما زلت قابع في هذا البلد الكئيب (لبنان) هههههههههههههههه


بس سويت إعادة فحص بالعاشر من آب ولكن إلى الأن لا جديد واتصلت بالـ ICMC  من حوالي اسبوعين، قالوا لي ما زلت في المرحلة الأمنية الاولى عندما سمعت كلمة الامنية الاولى وكأنوا احد كفخني جابوني أرض ههههههههههههه دمروني ولله

[sarah shamoun]

الف مبروك اخ مهاجر انشالله يوم التوصل بلسلامه أدعو من ربي يوم يفرجها علا الجميع

[samieraliraqi]

السلام عليكم اخوان و اخواتي الاعضاء. احب ان اهني اخوية المهاجر و اكولة الف مبروووووووووووووووك. اني نطوني اعادة فحوصات يوم 20/9 علما اني عملت فحوصات 10/6/2011 وكنت قد ابلغت بلشهر الثامن بان ملفي بلمرحلة الامنية الاولى ولق اتصلو بي الامم البارحة وقالولي اني اكملت الامنيات واني الان بلمرحلة الادارية. خبر مفرح بس اني ما اعرف شي عن الاداريات شكد تطول و شنو اجراءاتها ارجو من القداما و اصحاب الخبرة ان يجيبوني على سؤالي ولكم الاجر و الثواب علما انو ملفي جان نايم من شهر السادس 2011 وانا كنت ممن اجرو مقابلة السفارة بشهر الرابع 2010 ارجو منكم المساعدة مشكورين متقصرووووووون ونحياتي للكل
سمير العراقي

[علي ياسين]

الف مبرووووووووووووك حبيبي مهاجر
والله فرحتك من كل كلبي ....توصل بسلامة وتحتيق الاماني انشاء الله

[samieraliraqi]

الف مبرووووووووووووك حبيبي مهاجر
والله فرحتك من كل كلبي ....توصل بسلامة وتحتيق الاماني انشاء الله

الاخ علي ياسين الوردة اني اخوك سمير العراقي حاولت دائماً اتصل فيك علتليفون و وتس اب و فايبر بس ماكو نتيجة انتمنة اسمع اخبارك الطيبة
تحياتي

[علي ياسين]

حبيبي سمير والله اني هم مشتاق اسمع اخبارك كلكم بس والله اني اهنا كلش مشغول ....حبيبي اني صارلي خمس تشهر بصين ....ودائما اتصل بicmc وماكو شي بس انطوني موعد اعادة فوحصات .....واني كلتلهم ما ارجع الا تنطوني موعد سفر وكالولي اوكي ماكو مشكلة ابقى معانا على اتصال .... والله كريم

وتحياتي لكل حبايبنا

[المهــــاجــر]

شلونك حبيبي علي ياسين صدكني كلنا مشتاقيلنك وكلنا نسأل عليك شنو هالغطة هاي  ياما حاولت الأتصال بيك بس بلا فائدة شوداك للصين ؟؟ وشنو اخبارك هسا طمنا عليك وعلى العائلة .. ترى هنا كل الملفات القديمة ديصفوها  وهذا الشهر كلو رحلات طيران وبالجملة
حاول مع الامم وشوفلك جارة  السفر فوك ما تتصور كل مخابرة  من 30 الى 40 عائلة دينطون ..
اشكرك على التهنئة واتمنالك الموفقية والنجاح في حياتك يا طيب مشتاقيــــــــن حيـــــل..  سلامنا للعائلة

[المهــــاجــر]

ســارة شمعون

سمير العراقي
علي ياسين
شكرا لكم على التهنئة الجميلة وان شاءالله يوم اسمع خبر سفركم قريبا جدا يارب
لكم مني اجمل تحية

[المهــــاجــر]

صبــــاح الخيــــــــــــــر اخــوان
هاي شنو ليش صفحتنا رايحة الى الصفحة الرابعــة ؟؟؟ شنو محد ما عندا اخبـــار جديدة؟؟ محد ما عندا موعد سفر؟؟؟انيآخــر واحد منزل بيها ويلا هم ميخالف راح ازودكم بآخر الأخبـــار .. سلامي للجميع وتمنياتي لكم بالســـفر القريـــــــــــــــــب


رحلات الطيران هذه الأيــام في لبنــان يتم ترتيبها على قدمٍ وساق وكما اعلمتكم سابقا بأن العشرة ايام الأخيرة من هذا الشهر التاسع كل يوم رحلة طيــران.. وبما ان الزخم كبيــر على الأي او ام  تيم توزيع اللاجئين العراقيين الى رحلات الطيران المتجهة الى كل من الدول التالية وحسب ما عرفته من منظمة الـ اي او ام حيثُ ذهبنا لأستلام رحلة الطيران الخاصة بنا .يوم الألكم ان شاءالله ..
هناك رحلات من بيروت الى استنبول في تركيا ومن بيروت الى لندن ومن بيروت الى فرانكفورت في المانيا وهذا هو خط رحلتنا نحن
حيتُ يبلغ عدد الأشخاص في هذه الطائرة 75 شخصاً.. نبقى معا من بيروت الى المانيا ومن ثم الى لوس انجلوس ومن ثم يتم توزيعنا من هناك كل حسب ولايتــهِ .. وهناك رحلات متجهة من بيروت الى تركيا او الى لندن او الى المانيا ومنها الى واشنطن او نيويورك او لوس انجلوس وكل رحلة حسب توجه اللاجئين الى الولايات الآمريكية المختلفة..
وأيضاً هناك رحلات صباحية ورحلات مسائية..الصباحية يجب ان نتواجد في المطار الساعة السابعة صباحاً ويكون طيران الطائرة ساعة 11 ظهرا والرحلات المسائية علينا ان نتواجد في المطــار الساعة 11 ليلاً في المطار ويكون طيران الطائرة الساعة الثالثة فجراً من صاح اليوم التالي ... وصدكوني يا جماعة شكد عانينا وشفنا ظلم وقهر وتأخيــــــــر ؟؟راح تنســـوووووووه من تأخذن موعــد الســفر  وان شاءالله سيكون قريبا لكم انتو صبرتوا كثير وما بقى اِلاّ القليل  وحسب ما قالو الـ اي سي ام سي بأن يتم تصفية العراقييــن خلال هذه السنــة ..
وخلال الأيــام الماضية تم اعطـــاء  موعيـــد سفر اخرى وصلت لحد يــوم 9/10/2012  وكثير من هذه المواعيد من القــدامــة جماعة 2009 امثالي  ....وأمثالكم وياااااررررب يــوم الألــكم ان شـــاءالله .وصدكوني افرح كثير من اقــرأ خبر مواعـيد السفر مالتكم ..بس المشكلة جاي يحولوها من هذه الصفحة الى صفحة التهاني والتعازي  وهاي الصفحة عدد قرائها قليلين للأسف .
تمنياتـــــي للجميــع بالســـفر القــريـــــــــــــــــــــــــــــــــب .

http://www.ankawa.com/forum/index.php/topic,612451.0.html

[Mohammed altaee]

مبروك أخي المهاجر واللهم ربي يسهل عالجميع وتمنياتنا بالسفر القريب للجميع

[مليت من الغربة]

الف مبروك أخ المهاجر وانشاء الله توصلون بالسلامة مو تقطع بينه خليك على تواصل ويانه وانشاء الله السفر والفرج للجميع

[المهــــاجــر]

وأخيــرا وصلنـــــا الى الولايات المتحدة الأمريكية
صباح الخير للجميــع
مراسلكم من اميركا يحييكم تحية عراقيةويقدم لكم قسم من تفاصيل رحلة الطيران من لبنان الى اميركان  .. حيث تواجدنا في مطار بيروت الساعة العاشرة ليلاً من مساء الأربعاء 26\9 ..واحلى شي كانت لحظات اللي كنا نصور صور للذكريات مع الأهل والأصدقاء .ناس تودع وناس تبجي على فراك الأحباب ونا س تضحك ووووو  ..ومن ثم جاء موظف الأي او ام ونطانا اكياس  المستمسكات اللي تخص  رحلة السفر .. واقلعت بنا الطائرة الساعة الثالثة والنصف فجرا يوم الخميس  من مطارل  لبنان الى فرانكفورد في المانيا وبعد اربع ساعات وصلنا الى المانيا الساعة الثامنة صباحا وكان الجو ممطرا وباردا حيثُ لم نرى الشمس وان خرجت كانت خجولا جدا ضهرت فقط لتحيتنا واختفت وبيقينا ترانزيت بقينا ست ساعات ترانزيت بالمطار
كمنا ندور على موظف الاي او ام .وكل مرة نروح بصفحة وبعدين هو لكانا هههه جمعنا ورتب امورنا ومشا الحال .بس يا جماعة كلشي غالي بالمطارات يعني بطل مي صغير ب 6 دولار انطينا 10 دولار ورجعنا الباقي بالألماني ههه يعني صار علينا ب عشرة دولار .كانت الرحلة جميلة خاصة واحنا ذقنا ما ذقنا من معاناة والقهر والأنتضار والظلم فكانت الرحلة عدنا زلاطة مثل ما نكول بالعراقي . الرحلة  استمرت 30 ساعة  بس الحلو انو طلعنا  يوم الخميس  الصبح وصلنا الخميس بالليل  هههههه لأن استافدينا من  فرق الوقت بين  الشرق والغرب ..والخدمة كانت ممتازة حيث قسمت الطائرة العملاقة الى ثلاثة اقسام وكل قسم عليه اربعة موظفات المانيات شقراوات جميلات خفيفات الظل وكل نص ساعة يجيبونا شي مرة اكل ومرة مشروبات غازية ومرة [تي وكفي]      يعني جاي وقهوة ومرة مشروبات كحولية ..وما خلونا نشعر بالوقت واللي يتحمل الشغل مال لبنان 12 ساعة يتحمل السفر الى امريكا 30 ساعة ويخلص من بلدان الشرق الأوسخ .استمرت الرحلة 11 ساعة  بس هم بقينا  ننتظر 6 او 7 ساعات  بس اهم شي ان موظف الـ اي او ام كان بأستقبالنا من البداية حيث استقبلنا بأسرع وقت واستلمونا  اكثر من موضف وقامو بالواجب على اكمل وجه .وبقو ويانا وجابونا عشا وصعدونا بالطيارة بعد ما رتبوا التذاكر وووووو وكل شيء .. بس يا اخوان مشكلتنا كانت اللغة يصعب التفاهم معهم  واوصيكم استغلوا الوقت حتى تتعلمون اللغة انا كانو يوصوني بس يا اخوان كنت تعبان نفسيا  ما كنت استطيع الأستيعاب بس مع ذلك لازم تعبون نفسكم وما تشعرون بهذا الآ من تجون وتشوفون بنفسكم.. وصلنا هنا الساعة 11 ونص بالليل وكان بأنتضارنا واستقبالنا اكثر مما لو كان نوري المالكي اجا الى امريكا  حيث كان الأستقبال حار وجميـــل ودللونا اخر دلال وبصراحة لحد الآن مدللين بس يا خوفي بعد كم يوم  اضن راح نفر بأذانا وماكو من يكول :ها محتاجين شي ؟؟؟       ..
هذا مختصر من الرحلة كان بودي  اكتبلكم كل التفاصيل بس ما اريد ادوخكم اكثر واعرف انتو دايخين  بسبب التأخير
واتمنالكم يا اخوان الفرج القريب بعون الله تحياتي لكم جميعا من الولايات المتحدة الأمريكية

                      اخــوكــم
       المـهــاجر اللي هـاجــر الى المهجــر
قــبــــــــل أيــــــــــــــــــــــــــــــــــــــــــــــــــــــــام
               
 

[المهــــاجــر]

شكرا اخ محمد
شكرا اخت مليت من الغربة
وان  شاء الله تفرج عليكم وعلى الجميع وصدكوني مشتاقلكم كثير  كثير

الف الف مبرووووك للأخ اشـــورام على اخذ الموعـــــد وان شاء الله توصل بالســـلامــة يارب

[مليت من الغربة]

اشكرك أخوية وانشاءالله الجميع تسافر اكلك انت وين اشو مختفي اني معرفت شوكت سفرك بأي يوم  سافرت لو بعدك 

[المهــــاجــر]

مــــــــا نسينــــه ولا قـــســـــــــــــــــيــنــــه
بس خذتنه مواعيد المنظمة وعنكم التهينـــه
ويشهد الله محبــتـكــــــم بعـــــده بينــــــــــا
اعذروني يا جماعة عن هذا الأنقطاع القصيرلأسباب فنية وكهربائية بسبب الشاحنة مال اللابتوب وتغيير نظام الأمريكي والعربي كهربائياً ..بصراحة انا كنت محضر كثير من المعلومات بس من اكعد عاللآبتوب نسيت كثير منها. لأن هنا ما متفرغين ومجالنا ضيق وملتهين بالمعاملات والشقة مرة نروح على معاملة الولفر ومرة على الفود ستامب .يا جماعة مو تكولون هسا راح على امريكا كام يحجي اجنبي ههههه بس هاي هي اسمائها ومتعارف عليها هنا .وصارنا كم يوم على ما تعلمنا اسمائهم المهم أحبائبي  احنا مشتاقينلكم  والحمدلله احنا مرتاحين كثير   اما بخصوص المطارات كان  موظف الآي او ام اذا بلبنان احمد فيزا  هو راح يرتب كل اموركم صغيرة وجبيرة  .واذا بغير دولة اكيد عدكم موظف مالتكم  راح ينطيكم اكيس مال اي او ام ويوضحلكم كلشي ومن تخلصون من وزن الجنط راح تروحون على واحد من جماعة المطار قريب على مكان الوزن مال الجنط وبأشراف ومتابعة احمد فيزا راح ينطيكم كل شخص جواز سفر لبناني قهوائي اللون هذا الجواز ساري المفعول لمدة شهر .يعني راح تستخدم هذه الجوازات في المطارات وبالمنظمة . واكو كارتات ابيض تسمى ناينتي فور هي اوراق عادية بس تحافظ عليها جدا جدا لأن هي كلشي هنا وكل المعاملات تعتمد عليها هاي الاوراق الصغيرة تكون مكبوسة مع ورقة الأي او ام اللي بيها صور العائلة هاي الورقة تشبه مال ورقة الأمم ..وهنا بالمنظمة اكو وحدة بنية حلوة عراقية هي المسؤولة عن ملفنا يعني هي راح اتابعكم لمدة ثلاثة اشهر ويكون اتصالكم بيها اذا احتجتو شي .. وطبعا تتكلم كلداني ايضا وعربي وانكليزي .. واي سؤال او استفسار انا حاضر  اما بخصوص هويات العراقية لالالا محد ما سأل عليها بس مرة واحنا بالمنظمة سألونا عن عقد الزواج وعن شهادات العماذ امكان شهادات العماذ انطيناهم هويات الأحوال المدنية اخذو منها تواريخ الميلاد ورجعوها تسهيلاً للأمور لأن ما كان عدنا معنا شهادات العماذ .اوكي ؟؟ اما بالنسبة للأوزان فما صار عدنا اي احراج ..اصلاً تساهلوا ويانا .وقبل ما نوزن سألنا واحد من جماعة المطار كالنا اذا وزن الجنطة لحد 25 كغم ماكو مشكلة اما اذا عبرت الـ25 اما تتغرمون او ينقصون من وزنها ..حتى موظف الآي او ام كالنا بالحرف [يعني ما راح تخرب الدنيا اذا طلع كيلو زائد] والحمدلله طلعنا احنا المسيطرين هههههههههه حتى كلنا لو ماخذين بعد شوية جانت عبرت .. . صدك اكلكم بأمكانك ان تستعمل اللابتوب في المطارات لأن اكو اشارة مجانية ..وهنا هسا احنا نسحب الأشارة ما اعرف منين وفري يعني مجانا  مو تكولون  كام يحجي انكليزي . هههه وفوووول تصوروا نزلت صور الرحلة كل 20 صورة ما تطول دقيقة ههههه.. .بخصوص الشقة اكو كثير من الشقق بس لازم تكون مناسبة .كل شقة وبيها ايجابيات وسلبيات .لكينا شقة غالية وأكوشقق بعيدة عن الخدمات والدوائر واكو شقق يكولون بيها صراصر !!! اكبر مشكلة هنا هي الصراصر لو طلعتلك بالشقة هههه بصراحة انا استغرب من دولة كبرى مثل امريكا تحارب الأرهاب بكل العالم وما تكدر تحارب وتكافح الصراصر ههههههههههه يمكن هاي المعلومات  اطرقو عليها زملاء قبلي بس يجوز اكو زملاء  اخرين ما قروها .الشقة هنا ظرورية اولا :للأستقرار وثانيا: ما ينطوك الحقوق الآ تأجر الشقة  وتنطيهم عقـد ايجار الشقة حتى ينزلون الرصيد مالتك بالكارت مال فود ستامب والولفر .. ومشكلة اخرى هي اللغة بسبب آي دونت سبيك انكلش هههههههههه  يا جماعة شكد ما بيكم تتعلمو انكليزي اتعلمووووو اتعلمـــووووووو.وما على الرسول الا البلاغ .وما تعرفون قيمة هذا الكلام الا من تجون  وتجربوووون  ..عجبني هنا طريقة تقسيم المجمعات السكنية.. اولا كلها طابق ارضي وطابق الأول .ومقسمة مربعات ومستطيلات  بحيث ان الشوارع اكو بالطول او بالعرض وكل شارع بيه اسم وكل فرع بيه اسم يعني يسهلوها  العناوين كثير وكل الشوارع مستقيمة وما بيها لوفات بس  بس بالتقاطعات وكل تقاطع اكو كلمة ستوب قف اجباري لفترة لحظات حتى ولو لا يوجد سيارة في الشارع .النظام يفرض نفسه بدون وجود الشرطي في الشارع.. الموظفين هنا كلش حبابين ولطيفين ونظاميين ..هسا هاي المعلومات اللي عندي هسا واتذكرها ..
     
 اخــوكم المـهاجــــر
اللي هاجـــر الى المهجــــر                 

[فائز القرقوشي]

بالموفقية اخوية المهاجر وانشالله النجاح الدائم .. بيا ولاية انت اخوني .

[مليت من الغربة]

عجبتني فقرة الصراصير    ولله اني بطلت اروح على امريكا على مود الصراصير    الله يوفقك ويسر امرك

[samieraliraqi]

السلام عليكم
اهني اخوية المهاجر واتمنالية الموفقية بحياتة ولى كل الاعضاء الكرام يارب السفر للكل وتخلصون من هل نگرة لبنان واحب اكولك شي حبي المهاجر صراصير امريكا عندي احسن من اللبنانيين يعني تحملتو اللبنانيين ومراح تحملون الصراصير بامريكا.
حبايبي اني سويت اعادة فحص 20/9 ووراهه نطوني اجراءات ادارية وكالولي خلصت مرحلة اولى واني هسة اجراءات ادارية مرحلة ثانية. سوالي الى اصحاب الخبرة شتتضمن المرحلة الثانية مال الاداريات وشكد تطول؟؟ اما بلنسبة مال الكفيل ليهسة ممخابريه ؟؟ ممكن احد يجاوبني علة اسالتي وشاكر الكم مجهودكم ولله يوفق الجميع يارب.
اخوكم
سمير العراقي

[فائز القرقوشي]

مرحبا للجميع انشالله الكل بخير شنو السالفة اشو صفحتنا صايرة بخانة 4 معقولة ماكو اخبار عن سفر جماعة لبنان.. 

[Illusionist]

السلام عليكم

اشو ما كو اخبار جديدة عن السفر؟ وين اختفى الجميع؟

[فائز القرقوشي]

هلو يبين الكل سافر بقينا بس انا وانت ههههههههههههه

[samieraliraqi]

السلام عليكم
اي اخوية الظاهر صدك الكل سافرر الله يوفق الجميع

[Illusionist]

هههههههههههههه ايه اعتقد انو ما بقى غير نحنا بلبنان ههههههههههههههههه انشاء الله الفرج قريب

[المهــــاجــر]

بالموفقية اخوية المهاجر وانشالله النجاح الدائم .. بيا ولاية انت اخوني .

شكرا اخوية فائز ..واتمنالك السفر القريب يا رب .. واني بولاية كاليفورنيا - الكاهون
تحياتي لكل كروب لبنان..هاي وينكم يعني لو اني  ارجع صفحتكم هههههه  اقصد صفحتنا لو تضيع بالأخيييييير؟؟؟ سلامي لكم

[المهــــاجــر]

السلام عليكم
اهني اخوية المهاجر واتمنالية الموفقية بحياتة ولى كل الاعضاء الكرام يارب السفر للكل وتخلصون من هل نگرة لبنان واحب اكولك شي حبي المهاجر صراصير امريكا عندي احسن من اللبنانيين يعني تحملتو اللبنانيين ومراح تحملون الصراصير بامريكا.
حبايبي اني سويت اعادة فحص 20/9 ووراهه نطوني اجراءات ادارية وكالولي خلصت مرحلة اولى واني هسة اجراءات ادارية مرحلة ثانية. سوالي الى اصحاب الخبرة شتتضمن المرحلة الثانية مال الاداريات وشكد تطول؟؟ اما بلنسبة مال الكفيل ليهسة ممخابريه ؟؟ ممكن احد يجاوبني علة اسالتي وشاكر الكم مجهودكم ولله يوفق الجميع يارب.
اخوكم
سمير العراقي

هههههههه كلامك صح مئة بالمئة اخوية العزيز سمير... صراصير امريكا ولا طراطير لبنان  هههههههه
ان شاءالله تخلصون كلكم من لبنان وتصير سوالف مثل مارت مالتي سوالف ..مو جنت اكلكم كلها تصير سوالف يا جماعة ..
واني اعتذر على الأنقطاع هذا بسبب المشاغل الكثيرة ومن تجون تعرفون وراح تعذروني اكيد ..
اما بخصوص الأمنية الثاني  ما تطول كثير لأن اهم شي الأولى الكشرة خلصت الباقيات اهون صدكني ولا تيأس اصبر اصبر بعون الله تفرج عليكم جميعا ..
تحياتي  لمليت من الغربة وللجميع واتمنالكم السفر القريب

[المهــــاجــر]

مرحبا للجميع انشالله الكل بخير شنو السالفة اشو صفحتنا صايرة بخانة 4 معقولة ماكو اخبار عن سفر جماعة لبنان.. 

ههههههه اي طبعا تروح على خانة  الربعة  لأن اني انزل مواعيد السفر لو ماكو احد هههههه واني ما اسمع اخباتر السفر بس اتابع من جماعتنا منو انطوو مواعيد بس ما دأقرا انتو واحد كال انطوني موعد بس الأخ اشورام سمعت منه شخصيا بس يمكن ما شفتها بكروب لبنان ..
اتمنالكم السفر القريب اخواني واخواتي بأذن الله ..
تحياتي لكم جميعاً...

[abosi]

جفااااااااااااااف لابعد درجات الجفاف   

[المهــــاجــر]

شلونكم يا جماعة شلون معنوياتكم؟؟
اشو ماكو اخباركم معقولة محد عندا اي خبر جديد؟؟؟ ترى السفر قوي لحد الآن بلبنان  ولا واحد منكم  ما انطوه موعد سفر؟؟او خلصت امنياته؟؟ انا خابرت البارحة جماعتنا بلنان كالوا انو منطيفن مواعيــد السفر لحد 12\12\2012 هههههههه حلو خوش رقم مو؟؟؟ صدكوني صدفــــة هاي اجت..
تحياتي للجميــــــع

[Illusionist]

اشوفك وين يا المهاجر عزيزي اشتقنالك طمنا عنك انشاء الله مرتاح بأمريكا؟

[المهــــاجــر]

اشوفك وين يا مهاجر كلي بيا بلد صاير  ههههههه حلوة وحزينة هاي الأغنية شكرا اخويا العزيز على سؤالك ..الحمدلله  احنا مرتاحين اكثر من لبنان والعراق والعمل جاري على قدم وساق لبناء انفسنا من جد وجديد . المعاملات الرئيسية خلصت  واخذنا البرمت وجاي نتعلم السياقة وبعون الله قريبا نطلع اجازة السوق {اللايسن]  وبعد كم يوم راح نداوم بالمدرسة حتى نتعلم ونتقوة باللغة . لأن هنا بلا لغة مشكلة .. اتمنى ان اسمع اخبارك واخباركم كلكم تكون مفرحة وتفرج عليكم يا رب وترتاحون مناك وتستقرون ..سلامي لكم جميعاً.

                   اخــوكم المهاجــر
       اللي هاجــر على اميركــــــــــا

[samieraliraqi]

السلام عليكم اخواني و اخواتي
واخيرا والحمد لله سوف نغادر لبنان لقد اتصلو بية ال اي او ام وانطوني موعد سفر يوم 11/12 يوم الكم اخواني والله يفرج عليكم انشالله مثل ما فرجهه عليكم
واخيرا راح تصير لبنان ذكريات
اخوكم
سمير العراقي

[Illusionist]

اشوفك وين يا مهاجر كلي بيا بلد صاير  ههههههه حلوة وحزينة هاي الأغنية شكرا اخويا العزيز على سؤالك ..الحمدلله  احنا مرتاحين اكثر من لبنان والعراق والعمل جاري على قدم وساق لبناء انفسنا من جد وجديد . المعاملات الرئيسية خلصت  واخذنا البرمت وجاي نتعلم السياقة وبعون الله قريبا نطلع اجازة السوق {اللايسن]  وبعد كم يوم راح نداوم بالمدرسة حتى نتعلم ونتقوة باللغة . لأن هنا بلا لغة مشكلة .. اتمنى ان اسمع اخبارك واخباركم كلكم تكون مفرحة وتفرج عليكم يا رب وترتاحون مناك وتستقرون ..سلامي لكم جميعاً.

                   اخــوكم المهاجــر
       اللي هاجــر على اميركــــــــــا

أيه ولله ما هاي حالة العراقيين تبعثرنا بالغربة بس الحمد الله على كل النعم، وانشاء الله تزدهر حياتك الجديدة واهم شيء المثابرة فألله يقويك ويثبت عزيمتك

أما بالنسبة لي أتصلت بالمنظمة من فترة وقالولي انو خلال فترة قصيرة ستعاد الامنيات مرة أخرى (ما عدا المقابلة والفحص الطبي) جابونة بالقاع هههههههههههههه بس الله كريم

وألللللللللللللللللللففففففففففف ألللفففففف مبروك للأخ سمير العراقي والله خبر يفرح وينطينا أمل، أنا أخواني سبقوني لأمريكا من حوالي شهرين و نص أو ثلاثة أشهر، ولله يقولولي نسوا لبنان وشعبه هههههههههههه حتى الشارع اللي ساكنين بي نسوا شلون شكلة ههههههههه

ألف مبروك ونتمنى لك التوفيق

[المهــــاجــر]

الف الف مبـــرووووك اخ سمير على موعـــد السفر ان شاءالله اشوفك بالولفر قريبـــــا ههههههههه  راح ترتاح من الأمم وتلتهي بالولفر كال الولفر وحجا الكاش وكال الفوتستامب وحجا التقرير الشهري والفصلي  ووووووووو  هههههههه يلا احسن من لبنان بكثيـــــــــر ..واذا تريد شقة اكو وحدة كبالنا ب 1050 دولار   هاي اذا انت بالكاهـــوووووووون
تحياتي لكل كرووووب لبنــــــان واتمنالكم السفر القريـــب وان شاءالله تصير ســوالف مثل ما كلنا من كبـــل

[على حب الله]

السلام عليكم  اخواني اللاجئين العراقيين في لبنان حبيت استفسر واللي عتدة خبرة او سامع خبر مضبوط عن مقابلات  الكفالاات الكندية الخماسية في السفارة الكندية في لبنان  هل تم مقابلة احد من اصحاب الكفالاات او تم الاتصال به من قبل السفارة  خلال هذه الفترة يطمنة  لانه الظاهر نامت علينة طابوكة احنة اصحاب الكفالاات  ماكو لاحس ولاخبر  الله يوفقكم اللي عندة خبر او سامع شي يبشرنة ويطنة ولكم جزيل الشكر

[samieraliraqi]

الف الف مبـــرووووك اخ سمير على موعـــد السفر ان شاءالله اشوفك بالولفر قريبـــــا ههههههههه  راح ترتاح من الأمم وتلتهي بالولفر كال الولفر وحجا الكاش وكال الفوتستامب وحجا التقرير الشهري والفصلي  ووووووووو  هههههههه يلا احسن من لبنان بكثيـــــــــر ..واذا تريد شقة اكو وحدة كبالنا ب 1050 دولار   هاي اذا انت بالكاهـــوووووووون
تحياتي لكل كرووووب لبنــــــان واتمنالكم السفر القريـــب وان شاءالله تصير ســوالف مثل ما كلنا من كبـــل

اخواني اشكركم علة التهنئة ونشالله يوم الكم ولله صح بعدني ما سافرت بس الحالة النفسية الحمدلله زينة هاي بحد ذاتهه مفقودة هنا اتمنا الله يريحكم من هاي المعاناة
اخوية المهاجر اشكرك حبي وانشالله نتشاوف هناك بس اني بولاية اريزونا فينكس انت اي ولاية؟ بلنسبة احسن من لبنان بمليون مرة. اكدر ادبر حالي واني اعزب ومسافر وحدي الامريكا بتسهيل الله اريد منك بس تقرة تعليقي ان تدزلي مسج علةالرسائل علخاص او مشاركة بلصفحة حتة هم اخواني واخواتي يستفادوون. شتنصحني اخذ وياي بعتبارك خضت التجربة شنو الاشياء المهمة الي اجيبهه وياي والي اتلافاهه يعني  ممكن اشتريها مناك و اكو شغلات  مهمة الواحد يجيبهه وياه. واني اشكرك

[المهــــاجــر]

شكرا اخ سمير على الرد والرسالة  .تحياتي الك ولكل القراء
اخي العزيز انا بولاية كاليفورنيا \سانـدياكو \الكاهون
اخويا العزيز : جيب وياك الموبايل .مثلا كانو يكولون هذا الموبايل لا تجيبو لأن ما يشتغل هنا!! بالعكس انا جبتا وياي وحطيت السيم كرت بيه ويشتغل عادي .على الأقل بيه عربي هم يفيدك بالرسائل ... جيب الملابس الزينة وياك اذا عندك .الجماعة بلغونا لا تجيبون ملابس وكل الملابس ذبيناها هناك بس كانت غلطة اصلاً ملابسنا اكشخ من ملابسهم هنا بأمريكا ..اخر همهم الملابس والكشخة الأمريكان ناس متواضعين ويلبسون اي شي .وحتى يطلعون بملابس البيت على الأسواق وعلى الدوائر والمراجعات وكل مكان  ..ادوات الكهرباء مثل ماكنة الحلاقة هي تشتغل بس لازم تغير الراس البلك مالها  لأن ما يرهم هنا بس خلي ابالك هنا الكهرباء 110 اكو مكائن معينة تشتغل بطيء انت جيبها على ما ادبر حالك وتشتري غيرها. انا مثلا غير الواير مال شاحنة اللابتوب بـ 17 دولار هنا كلت احسن ما اشتري شاحنة بـ 70 دولار ..يعني غير جزء من الشاحنة الواير اللي يربط بين نقطة الكهرباء والشاحنة .. البدلات هناك يمكم احسن منا لأن هنا يرهمون البنطلون على الجاكيت وتصير بدلة ههههههههه ..حاول من هسا تتعلم قليل من اللغة .هنا المشكلة الأساسية هي اللغة . واي سؤال يجي ابالك اسألني واني حاضر  .سلامي للكل

[فائز القرقوشي]

مرحبا شلونكم .... شنو السالفة شنو ماكو اخبار جماعتنا في لبنان شنو ماكو سفر شيء اخبار جديدة .. انا بصراحة ما اسمع لان كاعد بالبقاع بزحلة ... صفحتنا رايحة بخانة 7 ارجو من جماعتنا ان يكتبو الاخبار الجديدة لان ملينا على الاقل شوي ترفع من معنوياتنا .. ولكم مني جزيل الشكر

[على حب الله]

السلام عليكم
اخواني الي موجودين بلبنان  الله يساعدكم اخباركم ان شاء الله الجميع تتيسر امورة ويساافر وبالنسبة للاخ فائز القرقوشي اتشرف بمعرفتك اخوية العزيز واني طرحت موضوع او سؤال قبل فترة ومحد جاوبني عليه وبالاخص اخواننا العراقيين الي بلبنان وهوة الكفالاات الخماسية الكندية وسالت اذا احد منكم سامع اخبار عن مقابلات الكفالاات في السفارة الكندية بس الظاهر الاخوان كولهم توطين عن طريق الامم وماكو اخبار عن الكفالاات  يارب تتيسر جميع معاملات اخواننا العراقيين العراقيين الي بجميع بقاع الارض والتوفيق للجميع تقبلو مروري

[Danny.fouad]

up

[Illusionist]

وينكم يا جماعة الخير

ما هي الأمنية الأولى وما هي الثانية؟ والثالثة؟

مرة أتصل يكولون أمنية أولى ومرة أتصل يكولون صرت بالثالثة بس بعد فترة يمكن تعيد الإجراءات؟ دخنا وياهم

هل من تفسير؟

[salamsameer]

مرحبا جماعة لبنان ماكو جديد عدكم

[على حب الله]

مرحبا اخواني جماعة لبنان اذا احد عندة كفالة خمااسية كندية خلي يفيدنة بمعلومة او عن اي خبر سامعةعن الكفالاات الكندية في بيروت

[salamsameer]

مرحبا اخواني جماعة لبنان اذا احد عندة كفالة خمااسية كندية خلي يفيدنة بمعلومة او عن اي خبر سامعةعن الكفالاات الكندية في بيروت

انشالله الشباب يساعدوك اخوية

[salamsameer]

اضاهر الكل سافروووو ماكو احد بالجروب 

[salamsameer]

يا شبااااااااااااااب وينكم

[dodoo20]

heyyyyyyy

[dodoo20]

  zaher lawa7di hon

[dodoo20]

 

[dodoo20]

 

[*Ray]

الكرووووب مهجور صارله فتره طويله  ... محد يكتب الظاهر سافروو كل جماعه لبنان 

[على حب الله]

مرحبا

والله اظاهر هالشكل لانه من زمان نكول اخوان اللي موجود خلي يسمعنة صوتة بس محد يجاوب التوغيف للجميع

بس عفوا سؤال للاخت RAY

حصرتج موجودة في لبنان؟

تحياتي

[*Ray]

مرحبا

والله اظاهر هالشكل لانه من زمان نكول اخوان اللي موجود خلي يسمعنة صوتة بس محد يجاوب التوغيف للجميع

بس عفوا سؤال للاخت RAY

حصرتج موجودة في لبنان؟

تحياتي

انــي بتركيــا

[dodoo20]

ana ba3d ma safaret

[84raid]

مرحبا اخواني شلونكم وشلون وضعكم ان شاء الله بخير اني اخوكم رائد جنت بسوريا ورجعت للعراق وما مرتاح واريد اجي لبنان بس كلشي ما اعرف عنها فاريد منكم تساعدوني
اريد اعرف انه يصير اقدم لجوء واني جنت مقدم اني وعائلتي بسوريا وعفته علمود الاوضاع والاقامه يصير اخذها عليو ان مثل سوريا وشلون طريقه الاقامه وكشغل اني حلاق يعني يشغلوني لو صعب واريد اعرف اسعار شقق الاجار هماتينه يعني اذا مفروشه لو فارغه شلون الاسعار تقريبا ويا منطقه زينه اكدر اسكن بيها اني وعائلتي
ادري تعبتكم بالاسئله بس اريد تساعدوني بلجواب الله يخليكم لان ناوي اجي هلشهر

[مايكل اندريه85]

تحية كبيرة لاصدقائي في كروب لبنان اييييييييه ياا ايااام زماان

صديقي المهااجر  شخبارك شلونها امريكا وياك
 
اخي علي ياسين شو اخبارك وين وصلت ايضاا انت اختفيت

وبااقي الشباب تحية لكم ومشتااقلكم

اخووكم مايكل

[مايكل اندريه85]

مرحبا اخواني شلونكم وشلون وضعكم ان شاء الله بخير اني اخوكم رائد جنت بسوريا ورجعت للعراق وما مرتاح واريد اجي لبنان بس كلشي ما اعرف عنها فاريد منكم تساعدوني
اريد اعرف انه يصير اقدم لجوء واني جنت مقدم اني وعائلتي بسوريا وعفته علمود الاوضاع والاقامه يصير اخذها عليو ان مثل سوريا وشلون طريقه الاقامه وكشغل اني حلاق يعني يشغلوني لو صعب واريد اعرف اسعار شقق الاجار هماتينه يعني اذا مفروشه لو فارغه شلون الاسعار تقريبا ويا منطقه زينه اكدر اسكن بيها اني وعائلتي
ادري تعبتكم بالاسئله بس اريد تساعدوني بلجواب الله يخليكم لان ناوي اجي هلشهر

اخي العزيز راح اجاوبك بالللي اعرفه كوني جنت فترة بلبناان

اول شي تكدر تقدم بلبنان بسسس ينررررادلك صبررررر   صبرررر وطوولة باااال لان اليوان لبنان ينررادله صبرررر ومومثل ايام زماان قبل 3 سنووات المهم

الاقاامة شهر اول شي من المطار ب 35 دولار و تجدد شهررين وبعدهاا تضررب الاقاامة تبقى خلسة  الا اذا لكيت شخص تشتغل ويااه  ويكدر يسويلك اقاامة وطبعا يكون لبناني بس هااية مومستحيلة وانماا صعبة

شي ثاني من تصل الى بيروت وانت قادم من العراق يجب ان تراويلهم بالمطار 2000 دولار  وو حجز فندقي لمدة يومين على الاقل واذا  سالوك شكد راح تبقى بلبنان كوولهم اسبوع موتكول شهر راح  يبدوون يسئلون ويزعجوون بالاسئلة السخيفة.....   
 
الايجاارات مو سوى حسب يعني بالمناطق الشمالية تكوون مثلا بمناطق الجبل اقل شي  فد شي شقة زينة 300 دولار واكو طبعاا اغلى وهاية تكوون فارغة مامفروشة

والجنووب الضاحية حي السلم  تلكى ب 250 دولار واكو اعلى 350 واكثرر يعني تبقى حسب النظافة والتاثيث

المناطق الراقية الحمرا وغيرهاا هاية اقل شي  600 دولار   وو عندك جوونية بيها شقق تصل الى 400 دولار

وكتلك الاسعاار موثابتة تبقى حسب الموسم والنظافة والتاثيث  والى اخرره

وتمنيااتي لك بكل التوفيق

[84raid]

اشكرك اخويه ما قصرت يعني اقامه ماكو عل يو ان اذا قدمت ما ينطوني اقامه مثل سوريا يعني مقيم كلاجئ والالفين دولار لكل شخص لو للعائله كلها واذا عندي حجز فندق هم يردون الفين دولار ادري تعبتك وياي بس انت ما تقصر والله ينطيك العافيه

[مايكل اندريه85]

لا ولو اخي العزيز تدلل لاتعب ولاشي

 اخوية اقامة عل اليو ان ماكو بلبنان مومثل سوريا

وبالنسبة للحجز الفندقي يكون مع الالفين دولار نعم يردوهن اثنينهن يشوفوهن   اما الالفين دولار فلكل شخص
 

 تحيااتي الك

اخووك مايكل

[على حب الله]

بارك الله بيك اخوية مايكل اندريه

كانما موجود حاليا بلبنان وفيت وكفيت

بس بالنسبة للاخ الي يروم القدوم الى لبنان  والله هية حلوة لبنان واني ايضا كنت في سوريا وتورطت واجيت للبنان لانه  لاا اقامة وهاية اهم شي واني هسة خلسة وعندي عائلة والامن العام متاكل عندة ورقة الامم الا اذا اللهم تم قبولك وتوطينك على دولة معينة ومع ذلك يجب ان تكون حذرفي الطريق
بالنسبة لاسعار الايجارات نعم مثل موضح الاخ مايكل مشكور علىتوضيحة بس هاية قبل انما الان قلييييييل متجد شقة وبمناطق مناسبة الاسعار للجوء اخوانة السوريين وباعداد كبيرة

اخي واني اللي احجي وياك مدرب مهنة الحلاقة في احدى المؤسسات التابعة للامم المتحدة  وبصراحة صعب انو تلكة شغل الا اذا انتة تكدر تاجر محل حلاقة وتشتغل لحسابك الخاص يكون افضل طبعا

وخلي يكون بالحسبان انو اسعار الايجارات غير شاملة لمصاريف سحب الامبيرات لانه الله يكرم لبنان مثل العراق هم كهرباء وطنية تعبانة والا تشترك بخط مولدة امبيرات وال5 امبيرات عن بيروت وتحديدا في منطقة الضاحية ب100 دولار شهري

وبالنسبة للدخولية في المطار نعم 2000 دولار لكل فرد يعني اني عندي اطفال اقل من 6 سنوات 2 مقتنعو الا رويتهم ال2000 دولار مالتهم والطابع ب50 دولار لكل جواز

اما بالنسبة للاقامة فانت تكدر اخوية بس توصل تاخذ شهرين اقامة قابلة للتجديد في حال سويتلك تقرير طبي انو بحاجة انو تبقى للعلاج واني سويتهم وبقيت 9 شهور في لبنان باقاممة بعدهة مقبلو يجددون والاقامة الاولى برسم 50 الف ليرة لبناني لكل جواز وبس اللي اقامة علاج يسووهة مجانية وتكدر تسوي اقامة مدرسية في حال عندك اطفال والامم تدفع الرسوم مال الاقامة

ان شاء الله اكون فدتك اخوية

وتمنياتي لك وللجميع بالتوفيق

[الفرج2]

لا اني مامخابرهم لاني بعد مامسوي بصمات لان يوم الي قابلنه المحلف كبله بيوم عطل الجهاز واني ادري لو اخابرهم يكولولي بس يجي الوفد نخابرك على البصمات اما الامنيه فما سال عليها احتمال اي واحتمال لا  اي على جماعه الثالث هما بكيفهم يمشون من الامم

حسب ماسمعت من جماعه كبل كم يوم كالو جماعه الخامس لو بالتاسع او العشر سفرهم ولكني مئيس من السفر حاليا لان مرتي باقيلها فد اقل من شهر وتولد وتعال اشبع قهر وعيد المقابلات والاضافه دخت والله بس الله كريم

والله العزيم يا اخي اني ادعو لك من كل قلبي بالسفر , لاني اعرفك قديم جدا ودائما اكول مع نفسي , الله يكون بعونه ويفرجها عليه ويحقق ما يريده ,, فعلا اخويه الله يساعدك ويكون بعونك .

[مايكل اندريه85]

الاخ  على حب الله  شكرا ياوردة على الاضافات الرائعة والمفيدة ومنها   الامبيرية نعم الامبيرية سالفة العرااق لان الكهربااء هناك هم لعبان نفس وهم غالية

واهم شي بعد انتهااء الاقامة طبعا مثل ماذكرر ااخي على حب الله اهم شي الانتبااه في حال كونك خلسة تنتبه من الدرك والجيش الللي احيانا ينتشرر بصورة مفاجئة بدورياات راجلة

مع كل الاحترام وفائق المحبة

اخووكم مايكل

 

[84raid]

مشكورين اخواني ما قصرتو الله يجزاكم كل خير يعني هيج اتشجعوني على جيه لبنان لو لا لان اول مرة ادري انه هم لازم اشتراك بامبيرات بالكهرباء هو اني اريد انهزم من الكهرباء وبالنسبه للاقامه اني ردت افتح محل حلاقه يعني يخلوني افتح وشكد يكلفني تقريبا وما ينطوني عليه اقامه والله اني حرت ما اعرف شسوي

[ابو علي الكعبي]

مرحبا اخواني وخواتي شلونكم انشالله بخير وبصحه وعافيه
حبيت اسلم عليكم وابشركم احنا وصلنا امريكا يوم الخميس مدري الجمعه الفات والله نسيت ,, الف الحمد لله والشكر
طيارتنا كانت يوم 26-4 . وصلنا اريزونا - توسان (بدون كفيل)
اتمنالكم الموفقيه وتسهيل الامر ويارب تسافرون كلكم ومحد يبقى بلبنان وتنسون التعب والضيم مال الشرق الاوسط
واي سؤال او استفسار اني حاضره وبالخدمه
تحياتي وسلامي للجميع
 

       اللهم لك الحمد كما ينبغي لجلال وجهك و عظيم سلطانك

اخي العزيز
بعد التحية
ارجوا مساعدتي بنصيحتك انا وعائلتي بتركيا حصلنا على اللجوء والاستيطان اميركا فنحن بدون كفيل وما نعرف احد قصدي ما يعبنا هذا الشئ في اميركا .
ارجوا الرد وكون ممنون منك اخي العزيز

[84raid]

اخواني ما رديتولي خبر يعني تشجعوني اجي لبنان لو ابقى بلعراق وموضوع الكهرباء بكل مكان بلبنان تطفى لو بس بمناطق محددة وتطفى هوايه لو ساعات قليله والكم جزيل الشكر

[مايكل اندريه85]

عزيزي الاخ رائد


 اني كتبتلك اللي اعرفه من وجهة نظري

اما بالنسبة لقرارك انت فهذا يبقى يمك انت تقدر االامور بماتراه وفق مايناسبك

وعندك غير لبنان الاردن وتركيا وانت حر باتخاذ قرار يناسبكم تكدر تطلع وتسال في جمعية   الاردن  للاخ مغامر  وجمعية تركيا للاخ شغيدل 

 وبالنسبة للكهرباء ف بكل لبنان تطفى بساعات احياناا مبرمجة واحيانا لا بصورة مخربطة  وكتلك اكو امبيرية اشتررراك مثل العراق

وتحياااتي لك

[يونس محمود]

السلام عليكم
اذا ممكن ايميل يوان لبنان ورقم تلفونهم وشكرا الكم

[مايكل اندريه85]

اهلا وسهلا اخي يونس 

 
هذه ارقامهم :
   
9611222333+
  9611555777+

مع كل امنياتي لك بالتوفيق
اخووك مايكل

[يونس محمود]

شكرا اخويه العزيز مايكل

وذا عندك الايميل بلازحمه عليك

[مايكل اندريه85]

 وهذاا الموقع لليوان بلبناان كوولشي بيه

 www.un.org.lb

 وتدلل ياوردة

[مايكل اندريه85]

up

[مايكل اندريه85]

up 

[salamo]

السلام عليكم اشلونكم شباب اني جنت بلبنان منال 2006 لل 2009 جانت الاوضاع يعني شوية زينة بس بوكتهة جان ماكو كروبات باليوان يعني ماكو تسفير هسة الوضعية اشلونهة اكو تسفير لا للقداما كبل احسن لو هسة الحياة اشلون صارت هسة ينطون بطاقة مال يو ان بالجديد يعني شوية نصائح بدون زحمة

[مايكل اندريه85]

تحيااااتي لاصدقائي بلبناان

وهااي up

[المهــــاجــر]

مساء الخير .شلونكم ياجماعتنا في لبنان ؟؟مشتاق لسماع اخباركم الجميلة . اخواني ليش تاركين هذا الكروب بلا ردود منذ  ثلاثة اشهر ؟؟ شلون وضع السفر هسا ؟؟ سلامي للجميع..

[على حب الله]

اهلا بيك اخوية المهاجر

والله بصراحة هذا الكروب دخلتلة وطرحت الكثير من الاسئلة وماكو اي تفاعل او رد على الاسئلة وهاي راح نسافر ومسمعت لهاليوم اي رد من

الاخوة في الكروب اضاهر الكل مسافر الله يوفق الجميع

تحياتي

[salamsameer]

مساء الخير .شلونكم ياجماعتنا في لبنان ؟؟مشتاق لسماع اخباركم الجميلة . اخواني ليش تاركين هذا الكروب بلا ردود منذ  ثلاثة اشهر ؟؟ شلون وضع السفر هسا ؟؟ سلامي للجميع..

هلا اخوية المهاجر ولله الظاهر ماكو احد ظل بلبنان العدد كلش قليل انشالله راح نرجع نتفاعل

اخي المهاجر سؤال بعد الفحوص الطبية بكم يوم يمكن الواحد يطير

[salamsameer]

اهلا بيك اخوية المهاجر

والله بصراحة هذا الكروب دخلتلة وطرحت الكثير من الاسئلة وماكو اي تفاعل او رد على الاسئلة وهاي راح نسافر ومسمعت لهاليوم اي رد من

الاخوة في الكروب اضاهر الكل مسافر الله يوفق الجميع

تحياتي

اخوية على حب لله ممكن تكللنا شوكت سويت مقابلاتك ؟؟؟
تحياتي

[salamsameer]

up

[salamsameer]

up

[salamsameer]

up

[salamsameer]

حماعة لبنان خلونا نرجع نتفاعل
واكو طيران يوم 21/10 تحياتي للجميع

[/color][/font][/size]

[Space of freedom]

يرفع

[اختيار صعب]

السلام عليكم إخوانى اكو احد سافر هاي الأشهر جماعة لبنان ارجو الرد مع التقدير

[رافدين]

السلام عليكم اخوتي الاعزاء
اود السفر انا وعائلتي شنو تنصحوني اتوجه البنان لو لتركيا ياهو تعتقدون الافضل والاسرع باجراءات اللجوء والتوطين ياريت الاجابة لانه محتار ووضعنا صعب جدا جزيل الشكر مقدما وامنياتنا بالسفر للجميع

[salamsameer]

اهلا اخوان اني بلبنان الي قدمت من شهر 4 \2013 كنت قبل بسوريا بس حاليا طلعلي توطين امريكا وهسة منتظرين المحلف واي احد محتاج مساعدة او استفسار اني جاهزة اني متواجدة بالشات اغلب الاوقات وهاي الرابط http://www.ankawa.com/forum/index.php/topic,619793.0.html

اخوية الحبيب خلينا نتواصل بالجروب احسن
تحياتي

[salamsameer]

السلام عليكم إخوانى اكو احد سافر هاي الأشهر جماعة لبنان ارجو الرد مع التقدير

اي اخوية اخر موعد لواحد صديقي يوم 26/11

[salamsameer]

السلام عليكم اخوتي الاعزاء
اود السفر انا وعائلتي شنو تنصحوني اتوجه البنان لو لتركيا ياهو تعتقدون الافضل والاسرع باجراءات اللجوء والتوطين ياريت الاجابة لانه محتار ووضعنا صعب جدا جزيل الشكر مقدما وامنياتنا بالسفر للجميع

اخوية العزيز
تحياتي
اولا لازم تحط جدول شنو السلبيات بتركيا ولبنان وبعدين على هذا الاساس تحسب

لبنان حاليا متروس لاجئين سوريين والشغل صعب وشقق ماكو بس اذا كدرت تحصل ناطورية يعني حارس بناية ولله تسهل امورك هواية

[salamsameer]

up up up

[salamsameer]

uppppp

[AUS2013]

السلام عليكم
شلونك عزيزي سلام سمير؟

طبعا اني حاليا بالاردن
بس اريد اسالكم على مسالة دخول اللاجئين العراقيين من سوريا الى لبنان

هل يخلوهم يدخلون من الحدود السورية اللبنانية؟

اكون ممنون منكم اذا جاوبتوني
لأن الوضع بسوريا جدا سيء واريد اجيب اهلي من سوريا الى الاردن عن طريق لبنان طيران

تحياتي يا غالي

[salamsameer]

السلام عليكم
شلونك عزيزي سلام سمير؟

طبعا اني حاليا بالاردن
بس اريد اسالكم على مسالة دخول اللاجئين العراقيين من سوريا الى لبنان

هل يخلوهم يدخلون من الحدود السورية اللبنانية؟

اكون ممنون منكم اذا جاوبتوني
لأن الوضع بسوريا جدا سيء واريد اجيب اهلي من سوريا الى الاردن عن طريق لبنان طيران

تحياتي يا غالي

السلام عليكم اخي الغالي عندي عائلة اقارب الي اجو من سوريا لبنان بسهولة عن طريق السيارة وبعد اربع اشهر بس خلصو كلشي ومنتظرين موعد طيارة 
تحياتي الك

[AUS2013]

وعليكم السلام ورحمة الله

مشكور اخويا الغالي

هو اني اهم شي عندي دخولهم للبنان من سوريا يكون سهل

مسالة البقاء مو مشكلة...لأن ان شاء الله ناوي بنفس اليوم اجيبهم للاردن بالملكية طيران


ممنون عزيزي
يارب يفرج عن الجميع

[AUS2013]

اخي بالنسبة للدخول شوية صعبة . اني مخلوني افوت الا بكفيل وكان زوجي الكفيل لانو سوري لان العراقي يعتبرو سائح .وميقبلون الا ب2000$ للشخص +حجز فندق .واهلي هم من اجوي للبنان عن طريق حدود المصنع هم مقبلو وزوجي ايضا كان الكفيل .حاليا مصعبين الاجراءات كلش لكثرة السوريين بلبنان .بالنسبة لليجارات الايجار حسب المنطقة اكو مناطق رخيصة اكو مناطق غالية مثلا بالاول كنت بجونية كانت غرفة وحدة ب 450$ حاليا بجبيل 2 غرفة هي المنطقة بعد جونية 500$  مع كلشي ماء وكهرباء ونت وتعتبر غالية ايضا لان ايضا سياحة بس احنة مضطرين نقعد لان اجينا وقت السياحة والشغل كان متوفر .حاليا نفضل الانتقال ابعد من جبيل الايجارات تصبح ارخص يعني بيت 2 غرفة ب300$
الشغل صعب شوية بس للعراقيين  اهون من السوريين لان هنا ميثقون بالسوريين قد العراقيين واحنة يعتبرونة اجانب وسمعتنة احلى من سمعة السوري لان السوريين مو مرغوبين هنا بسبب السوابق وسوء حال الوضع بلبنان
ايضا هنا يوجد مساعدات عندك مساعدات كريتاس ومخزومي
كريتاس مو عطول يعني اني من اجيت لهسة مااخذت كريتاس ولا مرة بس مخزومي اي تنطيك كابونات غذائية وبعض الاحيان تنطي نصف الايجار في حال الوضع السيئ للعائلة وتنطي مساعدات للحامل بكل الانواع
بالنسبة للسوري غير المعوق والحامل ينطوهم مساعدات
بالنسبة للمعاملة ( الكيس ) اني كنت بسوريا من 2008 لحد 2013 شهر 2 ومقابلت محلف
وكانت عالاساس استراليا اما هنا اجيت شهر 4 \2013 كل شهر ونص تقريبا مقابلة  حسب الي داشوفة هنا العراقيين صعبة يجو مو مثل عمان ممكن سهل يروحو سيارة هنا صعب شوي فابعتقادي اهنا العراقيين اقل
بالنسبة للاقامة هنا المشكلة بعد الدخول حيعطوك فيزة 3 شهور وبس تخلص قابلة للتمديد وبعدها تصير مواطن غير شرعي
لانك تعتبر داخل يصورة غير شرعية تدفع غرامة لو مسكك الامن العام
يعني هالشغلة مو حلوة هنا
انشالله اكون فدتك  

تسلمين اختي الغالية
مشكورة جدا على هذي التفاصيل
وبالتاكيد فديتني , لأن صراحة كلشي ماكنت اعرف عن الاوضاع بلبنان

الله يفرج على الجميع ان شاء الله

[Space of freedom]

تحياتي للجميع
الى الاخوة الاعزاء مطلوب شقة من غرفتين للايجار في بيروت  وبسعر مناسب ارجو المساعدة
وشكرا مقدما

[albdrany89]

بعد التحية لكل الاخوة
اني بسوريا ولدي ورقة حماية بسوريا وحاليا اريد اجي الى لبنان وسوألي اذا قدمت على اليوان لازم ابقى في لبنان الى ان يطلعلي توطين واسافر لو ممكن اغدر وارجع مع تمنياتي لكل العراقيين بالتوفيق

[usama41283]

السلام عليكم

اني لاجئ بتركيا بس اريد احول الى لبنان لانه صار عندي مشطلة بالتقديم بتركيا باعتباري لاجئ غير نظامي لانه دهلت الى تركيا مو مباشر من العراق بس من سوريا الى ترطيا وماكان عندي كلف في سوريا فانقبلت كلاجئ ولكن صارلي سنتين ونص وما عندي توطين المهم الان اريد احول الى لبنان فاتمنى احد عندة عنوان فد منظمة لمساعدة اللاجئين في لبنان حتى اسالهم على حالتي وشكرا

[sunshine200]

نصيحة الى كل الاخوة والاخوات المنتظرين الوفد الامريكي في ســــــــــــــــــــــــــــــــــــوريا

هناك عدة  خيارات لاكمال الملف ( العراق او تركيا او لبنان او الاردن)

لان البقاء دون اي امل او حل  وهذه ما لمسناه جميعا حيث تخلت عنى المنظمة  ..... بالنسبة الي نحن سافرنا جوا الى لبنان من العراق ورغم

صعوبة وغلاء العيش بس اكو امل ان نكمل ملفنا باذن الله علما يتم اكمال الملف وليس تقديم جديد

والدين النصيحة

ومن الله التوفيق

[Space of freedom]

نصيحة الى كل الاخوة والاخوات المنتظرين الوفد الامريكي في ســــــــــــــــــــــــــــــــــــوريا

هناك عدة  خيارات لاكمال الملف ( العراق او تركيا او لبنان او الاردن)

لان البقاء دون اي امل او حل  وهذه ما لمسناه جميعا حيث تخلت عنى المنظمة  ..... بالنسبة الي نحن سافرنا جوا الى لبنان من العراق ورغم

صعوبة وغلاء العيش بس اكو امل ان نكمل ملفنا باذن الله علما يتم اكمال الملف وليس تقديم جديد

والدين النصيحة

ومن الله التوفيق

+1

[Space of freedom]

تحياتي الى الأخوة والأخوات جماعه لبنان
تمنياتي للجميع بالسفر العاجل
منو قابل في السفاره هذه الأيام

[sunshine200]

الحمد لله على كل حال تمنياتي للجميع بالسفر وتحقيق الاماني

[Space of freedom]

أمين   ...... تفرج ان شاء الله على الجميع

[Space of freedom]

uP

[sunshine200]

تهنئة خاصة الى كروب جماعة لبنان بمناسبة المولد النبوي الشريف اعاده الله عليكم وحقق امانيكم بالسفر وتحقيق احلامكم

[sunshine200]

الظاهر محد ظل الكل سافروا وبقيت اني والاخ سبيس.............. بالتوفيق للجميع

[Space of freedom]

الظاهر محد ظل الكل سافروا وبقيت اني والاخ سبيس.............. بالتوفيق للجميع

الله كريم ان شاء الله نكمل ونسافر وتصير سوالف

[Abo doraied]

وانتو بالف خير أني هم أخوكم بلبنان عصيت صارلي سنتين وهسة تحولت على كندا تشرفنا بيكم

[Space of freedom]

وانتو بالف خير أني هم أخوكم بلبنان عصيت صارلي سنتين وهسة تحولت على كندا تشرفنا بيكم

الله  محيك اخي ابو دريد اشرفنا بحضرتك

[Space of freedom]

وينهم جماعة امريكا ؟؟ منو قابل بالسفارة ياريت يدخل ويتكلم عن مقابلته


مشكوررررررررررررررررر مقدماااااااااااااااااااااا

[Space of freedom]

يرفع ....  يرفع ..... يرفع

[Space of freedom]

 صباح الخير على الجميع

[sunshine200]

صباح النور عليك وعلى الجميع اخي سبيس ............ هل من اخبار جديدة ؟؟

تحياتي للجميع

[sunshine200]

اخي سبيس شو اخبارك  اعتقد المقابلات الاسبوع القادم ان شاء الله

[Space of freedom]

اخي سبيس شو اخبارك  اعتقد المقابلات الاسبوع القادم ان شاء الله

اخباري بخير والحمد لله ان شاء الله نقابل الاسبوع القادم  وشكرا جزيلا

[Space of freedom]

up

[Space of freedom]

الحمد لله على كل حال  ان شاء الله تفرج علينا ونسافر لان الجمعية صارت وحشه  كلها سافرت وبقينه  ننتظر رحمه الله

[Space of freedom]

غداً ان شاء الله موعد مقابله احد الأصدقاء بالمنظمة

[sunshine200]

مشكور اخي سبيس على نقل الخبر والحمد لله اليوم اني قابلت ICMC  وان شاء الله تفرج على الجميع

[** AL SHAEEA **]

تحياتي الى كروب لبنان القدماء والجدد تقبلوا مني كل الحب والتقدير


اخوكم / ابو عبد الرحمــــــــن

[sunshine200]

كل الهلا بيك اخي ابو عبد الرحمن نورت الكروب

[sunshine200]

اخي سبيس شو اخبارك واخبار مقابلة صديقك بشرنه

[Space of freedom]

تحياتي الى كروب لبنان القدماء والجدد تقبلوا مني كل الحب والتقدير


اخوكم / ابو عبد الرحمــــــــن

اهلا وسهلا بيك عمي ابو عبد الرحمن نورتنا طمني عليك عساك بخير

[Space of freedom]

اخي سبيس شو اخبارك واخبار مقابلة صديقك بشرنه

الحمد لله اختي صديقي قابل ومشة اموره ان شاء الله والف مبروك مقابلتكم ان شاء الله يوم السفر القريب

[Space of freedom]

جمعة مباركه  على الجميع

[Space of freedom]

صباح الخير

[sunshine200]

صباح الخيرات اخي سبيس وجمعة خير على الجميع

[Space of freedom]

مواعيد مقابلات كثيرة يارب زيد وبارك وسهل على الجميع

[sunshine200]

مواعيد مقابلات كثيرة يارب زيد وبارك وسهل على الجميع

ياالله ........ ان شاء الله تفرج على الجميع

[Space of freedom]

يعني جماعة لبنان كلهم سافروا ومظل احد رحمة من العزيز الجليل

[Space of freedom]

up

[Space of freedom]

مساء الخيرات عليكم

[sunshine200]

مساء النور اخي سبيس الله كريم تفرج ان شاء الله

[AUS2013]

السلام عليكم
هذا السؤال طرحته سابقا عليكم وبوقتها الاخوان ماقصروا وجاوبوني بالتفاصيل ولكن اعيده عليكم الان لأن اتمنى يكون هناك تغيير بالاجراءات
السؤال هو:
ماهي اجراءات دخول العراقيين من سوريا الى لبنان
طبعا اقامة في سوريا على ورقة اليو أن

سؤال ثاني ملحق: اذا كان العراقي يحمل فيزة اردنية مثلا, ممكن يدخل الى لبنان ترانزيت بدون تعقيدات (ان وجدت في جواب السؤال الاول)؟

تحياتي وشكرا جزيلا لكم مقدما
وبالتوفيق للجميع ان شاء الله

[sunshine200]

السلام عليكم
هذا السؤال طرحته سابقا عليكم وبوقتها الاخوان ماقصروا وجاوبوني بالتفاصيل ولكن اعيده عليكم الان لأن اتمنى يكون هناك تغيير بالاجراءات
السؤال هو:
ماهي اجراءات دخول العراقيين من سوريا الى لبنان
طبعا اقامة في سوريا على ورقة اليو أن

سؤال ثاني ملحق: اذا كان العراقي يحمل فيزة اردنية مثلا, ممكن يدخل الى لبنان ترانزيت بدون تعقيدات (ان وجدت في جواب السؤال الاول)؟

تحياتي وشكرا جزيلا لكم مقدما
وبالتوفيق للجميع ان شاء الله

اخي اني طلعت من سوريا الى العراق وبعدها سافرنا الى لبنان جوا 420$ الشخص الواحد
لكن من خلال الصدفة التقيت بعائلة عراقية طالعة من سوريا الشهر الماضي عن طريق مكتب بجرمانه  هو تكفل بطلعتهم الى لبنان
والمكتب بساحة الرئيس بجرمانه  هو متخصص بتحصيل الفيز للعراقيين الى لبنان
هذا بالنسبة لطريقة دخول العراقي الى لبنان من سورية
وبصراحة اني لو كنت اعرف كان ما تعذبت وطلعت للعراق وطرت جوا الى لبنان لان كولش تبهذلنا لانو اني حتى مكان سكني مكدرت اوصل
حتى بقيت بفندق لحد ما صار موعد الطيران الى لبنان

اما بالنسبة للسؤال الثاني الي حضرتك طرحته فما عندي اله اي اجابة او المام بالموضوع  

اتمنى تكون وضحت الصورة لديك

 

[AUS2013]

السلام عليكم
هذا السؤال طرحته سابقا عليكم وبوقتها الاخوان ماقصروا وجاوبوني بالتفاصيل ولكن اعيده عليكم الان لأن اتمنى يكون هناك تغيير بالاجراءات
السؤال هو:
ماهي اجراءات دخول العراقيين من سوريا الى لبنان
طبعا اقامة في سوريا على ورقة اليو أن

سؤال ثاني ملحق: اذا كان العراقي يحمل فيزة اردنية مثلا, ممكن يدخل الى لبنان ترانزيت بدون تعقيدات (ان وجدت في جواب السؤال الاول)؟

تحياتي وشكرا جزيلا لكم مقدما
وبالتوفيق للجميع ان شاء الله

اخي اني طلعت من سوريا الى العراق وبعدها سافرنا الى لبنان جوا 420$ الشخص الواحد
لكن من خلال الصدفة التقيت بعائلة عراقية طالعة من سوريا الشهر الماضي عن طريق مكتب بجرمانه  هو تكفل بطلعتهم الى لبنان
والمكتب بساحة السيوف بجرمانه  هو متخصص بتحصيل الفيز للعراقيين الى لبنان
هذا بالنسبة لطريقة دخول العراقي الى لبنان من سورية
وبصراحة اني لو كنت اعرف كان ما تعذبت وطلعت للعراق وطرت جوا الى لبنان لان كولش تبهذلنا لانو اني حتى مكان سكني مكدرت اوصل
حتى بقيت بفندق لحد ما صار موعد الطيران الى لبنان

اما بالنسبة للسؤال الثاني الي حضرتك طرحته فما عندي اله اي اجابة او المام بالموضوع 

اتمنى تكون وضحت الصورة لديك

 

شكرا جزيلا على هذا التوضيح
اذا أمكن اعرف اسم المكتب الي بجرمانه بالضبط وكم هي تكلفة الفيزة الى لبنان؟

اذا أمكن تسألين هذي العائلة عن التفاصيل

أكون ممنون جدا

بارك الله بيكم والله يحفظكم من كل سوء ويحقق أمانيكم

[sunshine200]

المكتب قرب الضيافة العربية للسياحة والسفر في ساحة الرئيس بجرمانا

[AUS2013]

شكرا جزيلا اختي الغالية
بارك الله بيكم

[على حب الله]

تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

[sunshine200]

لا شكرعلى واجب اخي

اخي سبيس شنو الاخبار يمك ................بشرنه هل من جديد

[Space of freedom]

لا شكرعلى واجب اخي

اخي سبيس شنو الاخبار يمك ................بشرنه هل من جديد

اهلا اختي لا جديد ننتظر رحمة الله وشكرا على السؤال وتحياتي للجميع

[AUS2013]

تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

شكرا عزيزي (على حب الله)
السؤال الاول : بس اريد أفهم شنو موضوع الــ 2000$؟
هل هي تأمينات تدفعها وترجعلك؟ هل هي خاوة مثلا؟ هل هي اجور دخولية (هاي صدك جديدة مني اجور دخولية  )
لو مثلا تأكيد انه انت عندك هلكد مبلغ ممكن تفوت تصرفه على السياحة بلبنان مثلا (هاي بيها باب وجواب)

الله يحفظك بس اريد افهم شنو سالفة هاي الــ2000 دولار؟

السؤال الثاني: اذا دخلت الى لبنان بفيزة اردنية ...يعني اني اريد ادخل لبنان ترانزيت ومنه اروح للاردن طيران من رفيق الحريري الى الملكة علياء , شنو الاجراءات بدون زحمة؟

ملاحظة: الاجابة على سؤالين اجباري , السؤال الثالث ترك لعيونك 


تحياتي يا غالي

[sunshine200]

المقابلات ما شاء الله في ICMC خير من الله يوم امس يارب سهل على الجميع

[sunshine200]

الله كريم اخي سبيس ان شاء الله تفرج عليك وعلينا

[Space of freedom]

هذا لطف منك اختي ان شاء الله سفرنا قريب

[الناجي الاخير]

اريد اروح للبنان
شلون بالقامة
وشلون الاجارات والاسعار مال الشقق .

[على حب الله]

تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

شكرا عزيزي (على حب الله)

السؤال الاول : بس اريد أفهم شنو موضوع الــ 2000$؟
هل هي تأمينات تدفعها وترجعلك؟ هل هي خاوة مثلا؟ هل هي اجور دخولية (هاي صدك جديدة مني اجور دخولية  )
لو مثلا تأكيد انه انت عندك هلكد مبلغ ممكن تفوت تصرفه على السياحة بلبنان مثلا (هاي بيها باب وجواب)

الله يحفظك بس اريد افهم شنو سالفة هاي الــ2000 دولار؟

السؤال الثاني: اذا دخلت الى لبنان بفيزة اردنية ...يعني اني اريد ادخل لبنان ترانزيت ومنه اروح للاردن طيران من رفيق الحريري الى الملكة علياء , شنو الاجراءات بدون زحمة؟

ملاحظة: الاجابة على سؤالين اجباري , السؤال الثالث ترك لعيونك 


تحياتي يا غالي

اخوية العزيز تدلل اني راح اذكرلك الاجراءات  لما توصل للمطار راح يسألوك شنو سبب الزيارة اما سياحة او علاج ولازم ترفق وياها تقارير طبية  اما اذا سياحة فلازم يكون وياك اقل شي مبلغ 2000 دولار بس مجرد يشوفوهة بالمطار وبنفس اللحضة ينطوكياها دليل انو راح تصرفهة على سياحتك بلبنان وبالنسبة للاقامة حتكون لمدة شهر او 15 يوم تنختملك بالجواز وبعد انتهاءها تكدر تجددهم بمركز الشرطة بنفس المنطقة اللي انتة بيهة وحينطوك  مدة اعتقد شهرين مع دفع رسوم 50 الف ليرة لبناني عالجواز
اما بالنسبة انو قصدك من سوريا وتدخل ترانزيت لبنان ومنهة للاردن فليش هالتعب هية كبل الطائرة من سوريا للاردن  بس لازم تشوف شركة طيران تكون ترانزيتهة لبنان وتطلع للاردن وماعتقد اكو هيجي شي بس مع هذا لازم تسال لانه بصراحة مسامع بهيجي فقرة هههههه

وينهة السؤال الثالث بلكي اسهل من الثاني واجاوبك عليه واترك 


تدلل اخوية تحياتي الك

[AUS2013]

تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

شكرا عزيزي (على حب الله)

السؤال الاول : بس اريد أفهم شنو موضوع الــ 2000$؟
هل هي تأمينات تدفعها وترجعلك؟ هل هي خاوة مثلا؟ هل هي اجور دخولية (هاي صدك جديدة مني اجور دخولية   )
لو مثلا تأكيد انه انت عندك هلكد مبلغ ممكن تفوت تصرفه على السياحة بلبنان مثلا (هاي بيها باب وجواب)

الله يحفظك بس اريد افهم شنو سالفة هاي الــ2000 دولار؟

السؤال الثاني: اذا دخلت الى لبنان بفيزة اردنية ...يعني اني اريد ادخل لبنان ترانزيت ومنه اروح للاردن طيران من رفيق الحريري الى الملكة علياء , شنو الاجراءات بدون زحمة؟

ملاحظة: الاجابة على سؤالين اجباري , السؤال الثالث ترك لعيونك  


تحياتي يا غالي

اخوية العزيز تدلل اني راح اذكرلك الاجراءات  لما توصل للمطار راح يسألوك شنو سبب الزيارة اما سياحة او علاج ولازم ترفق وياها تقارير طبية  اما اذا سياحة فلازم يكون وياك اقل شي مبلغ 2000 دولار بس مجرد يشوفوهة بالمطار وبنفس اللحضة ينطوكياها دليل انو راح تصرفهة على سياحتك بلبنان وبالنسبة للاقامة حتكون لمدة شهر او 15 يوم تنختملك بالجواز وبعد انتهاءها تكدر تجددهم بمركز الشرطة بنفس المنطقة اللي انتة بيهة وحينطوك  مدة اعتقد شهرين مع دفع رسوم 50 الف ليرة لبناني عالجواز
اما بالنسبة انو قصدك من سوريا وتدخل ترانزيت لبنان ومنهة للاردن فليش هالتعب هية كبل الطائرة من سوريا للاردن  بس لازم تشوف شركة طيران تكون ترانزيتهة لبنان وتطلع للاردن وماعتقد اكو هيجي شي بس مع هذا لازم تسال لانه بصراحة مسامع بهيجي فقرة هههههه

وينهة السؤال الثالث بلكي اسهل من الثاني واجاوبك عليه واترك  


تدلل اخوية تحياتي الك

الله يبارك بيك حبيبي الغالي
جدا ممنون منك
كفيت ووفيت عاشت ايدك يا طيب  

[Space of freedom]

     السلام عليكم احبابي جماعة لبنان وجمعة مباركة على الجميع

[Space of freedom]

شلونكــــــــــــم

[sunshine200]

الحمد لله على كل حال اخي سبيس انت شلونك ...........وهل من جديد ..........

[sunshine200]

الجمعية راح تعيد امجادها ههههههههههه

[sunshine200]

الله كريم تفرج ان شاء الله وتصير سوالف

[الناجي الاخير]

الاسعر شلونهه بالبنان..الفواكه الخضر   

[Space of freedom]

الله كريم تفرج ان شاء الله وتصير سوالف

الله كريم

[sunshine200]

شلونكم جماعة كروب لبنان ان شاء الله الجميع بخير

[جعفر العراقي]

اسعار الخضروات غالية يعني 3 اضعاف اسعار العراق والنقل غالي والايجارات شقة في الدكوانة بيروت 500$ غرفتين وحمامين ومطبخ وهول يعني حلوة  واكو 300$  بس شقق تعبانة والشغل متوفر بس يتعب يعني تشتغل 5 ايام بل سبوع 100 $ ينطون وبلبنان اكو منضمات اتساعد مثل قلبنا مع لبنان وكريتاس وشركة ARD والحلو بلبنان سرعة المعاملات يعني ماشاء الله ياهو الاشوفة عندة مقابلة

[الناجي الاخير]

كيف الحال شلون اتمم معاملت الاقامة الصحية ؟

[Space of freedom]

شلونكم جماعة كروب لبنان ان شاء الله الجميع بخير

الحمد لله الجميع ان شاء الله بخير

[predator]

السلام عليكم. ..
اخوان اني مقدم من بغداد وأجريت المقابلة الأولى قبل شهرين ونص.
بس عندي مشكلة بإثبات العمل مع الامريكان.
ولان وضعي خطر بالعراق قابلوني الاولى وكالوا متقابل محلفين الا اذا اثبتت عمل والدك.
وحاليا افكر بالسفر إلى لبنان ونقل الملف من بغداد الى لبنان.
ممكن اعرف اذا اجي هل يعيدولي المقابلة الأولى. .لو اقابل محلفين ؟
وشكد الفترة لتحديد المقابلات. .وشكد يطول السفر ورة مقابلة المحلفين.

مع التقدير. ..

[Space of freedom]

السلام عليكم. ..
اخوان اني مقدم من بغداد وأجريت المقابلة الأولى قبل شهرين ونص.
بس عندي مشكلة بإثبات العمل مع الامريكان.
ولان وضعي خطر بالعراق قابلوني الاولى وكالوا متقابل محلفين الا اذا اثبتت عمل والدك.
وحاليا افكر بالسفر إلى لبنان ونقل الملف من بغداد الى لبنان.
ممكن اعرف اذا اجي هل يعيدولي المقابلة الأولى. .لو اقابل محلفين ؟
وشكد الفترة لتحديد المقابلات. .وشكد يطول السفر ورة مقابلة المحلفين.

مع التقدير. ..

اخي اذا متكدر تثبت عمل والدك مع الامريكان متكدر تقابل محلفين يبقى عندك ان تقدم على اليوان من لبنان اذا ترغب

[الناجي الاخير]

شلون اتمم معاملت الاقامة الصحية 

[sunshine200]

صباح الخير على الجميع

[Space of freedom]

صباح الخير على الجميع

صباح الخيرات منورين كروب لبنان اليوم

[sunshine200]

شلونكم ماكو اخبار جديدة ؟؟ ان شاء الله الجميع بخير

[الناجي الاخير]

شلون اتمم معاملت الاقامة الصحية

[sara2014]

الله يسهل للجميع ويفرجها عالجميع

[usama41283]

السلام عليكم

اخوان اريد مساعدة عنوان اي منظمة بلبنان تهتم بشؤون اللاجئين ومعاملاتهم اتمنى احد يكدر يفيدني بايميل او رقم تلفون واسم المنظمة

تحياتي

[sara2014]

up

[usama41283]

السلام عليكم

اخوان بلكت اي شخص موجود بلبنان ينطيني عنوان الكاريتاس و اي منظمات تساعد العراقيين لانه اني هنانة كلشي ما اعرف ولا اعرف اي احد فياريت احد يمدر يساعدني وينطيني معلومات على الاشياء الي يعرفهة بلبنان او يدزلي رقم تلفونة حتى احجي ويا وشكرا

[Space of freedom]

السلام عليكم

اخوان بلكت اي شخص موجود بلبنان ينطيني عنوان الكاريتاس و اي منظمات تساعد العراقيين لانه اني هنانة كلشي ما اعرف ولا اعرف اي احد فياريت احد يمدر يساعدني وينطيني معلومات على الاشياء الي يعرفهة بلبنان او يدزلي رقم تلفونة حتى احجي ويا وشكرا

كاريتاس في سن الفيل قرب اوتيل حبتور              01/502550

رقم الطوارئ كاريتاس  03/310471

[usama41283]

شكرا جزيلا على المساعدة Space of freedom

[الناجي الاخير]

شلونكم اهل لبنان شلونه  الوضع انشاء الله بخير خما اكو شي؟

[الناجي الاخير]

شلونكم اهل لبنان شلونه  الوضع انشاء الله بخير خما اكو شي؟

[الناجي الاخير]

شنو عنوان :
قلبنا مع لبنان و
 وشركة ARD
وشيفيدونة
و مخزومي

[Muhned]

اخواااااان رجاءا محتاج احد يوضحلي عن أسعار المعيشة في لبنان حاليا و الإيجارات شكد تقريبا و ما هي المناطق الرخيصة و الزينة رجاااااءا ؟؟؟؟؟؟

[الناجي الاخير]

كيف الحال راح تخلص مدة الشهر فيزة شلون امددهه وين اروح وشكد ادفع .

[/size]

[الناجي الاخير]

كيف الحال راح تخلص مدة الشهر فيزة شلون امددهه وين اروح وشكد ادفع .

[/size]

[usama41283]

رجاءا الشباب الي مقابلين مقابلة ICMC الاولى ومنتطرين مقابلة السفير بس معلوماتكم اذا اطو احد كتصلين بيه وشوكت مسوي المقابلة الثانية مالة حتى نفيد بعضنة والكم جزيل الشكر

[رووز قمرين]

السلام عليكم
طبعا بالصدفة لكيت هذا الموضوع وحبيت اعرف هل اكو شغلات اتغيريت بعد هاي الفترة ارجو من لدية اي معلومة حتى لو بسيطة ممكن تفيد بخصوص اللجوء من لبنان..تحياتي

[plants]

السلام عليكم اني عضو جديد واحب اكون من جماعتكم بس اذا ممكن احد يعرف شقه فا رغه بلبنان وبسعر رخيص وباي محافظه رحم الله والديكم وجزاكم الله خير

[الناجي الاخير]

وين صايرة النرويجية ؟
وين اكو يطون دورات للعراقين بغير النرويجية .
وشكد تليفون قلبنا مع  لبنان ؟

[احمد المضلوم 2]

وين صايرة النرويجية ؟
وين اكو يطون دورات للعراقين بغير النرويجية .
وشكد تليفون قلبنا مع  لبنان ؟

تحية طيبة خوية الناجي الاخير مااعرف شنو النرويجية بس عندي رقم قلبنا لبنان وتدلل
    01561550


ابنكم واخوكم


احمد المضلوم

[الناجي الاخير]

شكرا احمد الحزين  اقص القنصلية النرويجية دتطي دورات انكليزي ؟

[احمد المضلوم 2]

شكرا احمد الحزين  اقص القنصلية النرويجية دتطي دورات انكليزي ؟

تحية طيبة حبيبي الناجي الاخير اني المضلوم مو الحزين هههههه تدلل اذا تريد دورات انكليزي سجل على مؤسة عامل دورات الانكليزي بيه جيدة واذا تريد اي معلومة بالخدمة تدلل



ابنكم واخوكم


احمد المضلوم