اللاجئين العراقيين في لبنان

[علي ياسين]

اسف اختي ما عندي معلومات بس تعدرين اتراجعين اي مركز امن عام قريب عليج وسأليهم وهم راح يفهموج

[ام كمال]

كولولي يا جماعه الكل هنا بدون اقامات ؟  لان احنا جنا مسوين معامله ونطينا فلوس حتى ايسوولنا تغيير سمه دخول ويكفلونا وتاليتها رفضو الطلب بالامن العام والفلوس راحت علينا.
 وهسه احنا بدون اقامه وكالولنا لازم اتغادرون خلال اسبوع . فشنو العمل هسه شنسوي .. والله جنت كلش فرحانه البارحه بشغله icmc واليوم انصدمنا بشغله الاقامه . شلون شغله هاي ياربي . متكولولي احنه شوكت نستقر ونرتاح ونعيش مثل العالم .
 زين شلون انعيش بلا اقامه ؟ يصير ؟

[white heart]

الاخت ام كمال المحترمة
ارجو ان تخبرينا عن تواريخ التقديم والمقابلات للفائدة العامة
انشالله الموفقية والاستقرار بعون الله
اخوكم ابو ميس

[هرمز بنيامين]

اختي ام كمال اقترح تروحون للامم المتحدة وتشرحولهم  وضعكم يمكن همة يساعدوكم

[ام كمال]

خويه العزيز بنيامين الامم وداعتك كلشي ما يسوون بس هم رح احاول . رحم الله والديك
اما بالنسبه لاخونا white heart فاني قابلت مقابله اولى  يوم 5/9/2010 . ومقابله توطين يوم 20/12/2010 وحاليا ناطره المقابله مال icmc والله كريم

[شالان العراقي]

اختي ام كمال 80 % من العراقيين هنا ماعدهم اقامة بقت عليج واذا يعرفون عنوانج غيري وخلاص

تحياتي الج

[mahmod87]

مرحبا اخواني واخواتي الغالين
شلونكم يارب بخير وعافية

اني واخوي مقدمين ع اليو ان من لبنان ورحنا سجلنا اسماءنا بتاريخ 23\12\2010 وانطونا موعد مقابلة تسجيل 16\2\2011 وقبل الموعد بيومين اجا ورانا اخوي الثاني وبيوم الموعد رحنا تلاثتنا اخوي اللي اجا ورانا بشهرين انطوه موعد مقابلة تسجيل 10\3\2011 واحنا قابلنا وانطونا موعد مقابلة اولى 6\10\2011 وانطونا وثيقة طالب لجوء .

سؤالي ليش مااعترفوا بينا لاجئين وثانيا انطونا موعد مقابلة بعيد 8 اشهر وبالمقابلة يلا يعترفون بينا لاجئين او لا ووراها ينطونا موعد مقابلة توطين اذا اعترفوا بينا
سمعت كالوا تسحب كارت ازرق وتكتب بيه مشاكلك وتطلب توكيل محامي حتى يقربون الموعد

اخوان اللي عنده خبره ويكدر يقدم النا نصيحة شنو نسوي

[هرمز بنيامين]

اخوي محمود لا تقلق عادي هم بالبداية ينطوك طالب لجوء بعدين ان شاء الله ينطوك ورقة لاجئ
ممكن سؤال حبيبي، المقابلة الي انطوكم بالشهر العاشر مال شنو مال حماية لو مال توطين؟؟
شوف الورقة البيضة مال موعد شنو كاتبين عليها (protection interview) لو (resetlement interview)

[حسون941]

صباح الخير لجميع الااخوان والاخوات شلونكم انشاء الله الجميع بخير
انا عضو جديد بالمنتدى وانشاء الله تقبلوني صديق الكم في هذه الصفحة مع خالص احترام وتقديري

[علي ياسين]

هلا بيك حبيبي حسوان   امنور المنتدى

واني وكل الاخوة مستعدين لكل استفساراتك

[حسون941]

اشكرك حبيبي علاوي الله يحفظك ويسهل عليك امرك وعلى الجميع انشاء الله وبالسلامة

[هرمز بنيامين]

اهلا وسهلا بيك حسون حبيبي وبكل الشباب والشابات

[ام كمال]

اهلا وسهلا باخونا العزيز حسون

[حسون941]

شكرا اخويه هرمز واختي ام كمال وانا اتشرف بيكم جميعا

[mahmod87]

اشكرك اخوية الغالي هرمز على ردك
مكتوب ع الورقة البيضاء مالت الموعد
Refugee Status Determination
تحديد وضع اللاجئ او تقرير حالة اللجوء
ربي يسهل امور الجميع
تحياتي الكم

[حسين علاء]

اهلابيك اخويه محمود : السبب
لي ماعطوك في
لاجئين : هوه سبب اخيك الاخير

هاي الحاله صارت بولد صديقي

وانشاالله الله يسهل

[احمد لبنان]

السلام عليكم
 انا احمد لاجئ هنا  في لبنان  اني متابع المنتدى من فتره بس هاي اول مشاركه الي  ارجو ان تقبلوني صديق
حبيت اسالكم عن التجيك الامني اشكد يطول؟ و هل كل الدول تطلبه لو بس امريكا ؟
    شكرا الكم

[هرمز بنيامين]

مرحبا بيك (احمد لبنان) بالمنتدى
التجييك الامني ما اله مدة محددة حبيبي.. واعتقد منطقيا كل الدول بيها تجييك امني
انت شوكت سويت مقابلة وفد؟؟ لان هم احنة منتظرين الموافقة الامنية وقابلنة الوفد الامريكي بيوم 28/10/2010

[حسون941]

اهلا وسهلا بيك اخي احمد لبنان ونورتنا

[بسيم ماموكا]

شلون الاخوهالاعزاء
ممكن واحد يكولنا شوكت راح يخابرون على الوفد في لبنان او شوكت يجي الوفد مال امريكا

[هرمز بنيامين]

والله اخوي بسيم اني قابلت بالشهر العاشر 2010 واعتقد من وقته ما اجة اي وفد

اوباما بزع من العراقيين ماكو لا وفود ولا سفر... وماكو واحد يفهمنا شنو السالفة!!!

[علي ياسين]

اتمنى ان يكون الجميع بخير
اني قابلة 23/11/2010  icmc

خابرت قبل اسبوع وجاوبني احد الموظفين وقال لي ان وفد الفصل الاول لسنة 2011 اكمل مقابلات حسب الدور ولم يأكد لي اني سأقابل في الفصل القادم لان الزغم كبير وحتمال تكون مقابلتي في الفصل الثالث

تحياتي للجميع

[احمد لبنان]

اشكرك اخوية الغالي هرمز  واخويه حسون على ردك
بس انا سالت علمود واد صديقي 
                                                    شكرا

[بسيم ماموكا]

والله اخواني هم اني قابلت شهر 14\12\2010بس نعرف الوفد كمل المقابلات وراح حسب مسمعت راح يرجع بهذا الشهر بس اذا كان يرجع غير يخابرون على المواعيد

[هرمز بنيامين]

مــــــــــــــــا تضيــــــــــــــــــج الا تفـــــــــــــــــــرج

[ام بكر]

الله يسمع منك اخ هرمز

[هرمز بنيامين]

يابه وينهم المنتظرين نتائج نهائية؟؟؟ تعالو عندي خبر يخبل الكم

اليوم كنت بالامم رحت اجدد ورقتي وصدفة لكيت ناس مخابريهم على نتائج نهائية من الي قابلو وفد بالشهر العاشر 2010

ادعونا يمكن نكون احنا بعدهم يـــــــــــــــــــــا رب

[حسون941]

الله يبشرك بالخير اخويه هرمز وانشاء الله التوفيق لكل الي قابلوا والي بعدهم
وندعيلك اخ هرمز بعون الله يفرجها عليك

تحياتي

[هرمز بنيامين]

اشكرك حبيبي حسون الله يسهل امورنا كلنا ويفرجها علينا

[** يدكو **]

مرحبا اخواني الاعزاء شونكم شاخباركم وصلت الى امريكا ولايه كاليفورنيا مدينه الكاهون وهذه بعض التفاصيل
في البدايه اتمنى ان يكون الجميع بالخير واشتاقيتلكم جميعا هذه بعض تفاصيل الرحله  الطويله

رحلتي كانت من لبنان الى امريكا ولايه كاليفورنيا مدينه الكاهون خط الرحله كان كالاتي من بيروت مطار رفيق الحريري الدولي في تاريخ 19/1/11 الى مطار فرانكفورت مده الرحله 4 ساعات بعدها انتضرنا 6 ساعات في مطار فرانكفورت  الدولي  وطرنا الى ولايه نيويورك واستغرقت الرحله 8ساعات الى 15دقيقه  بعد ذلك كملنا اوراق الاي او ام وطرنا الى مدينه لوس انجلس في كاليفورنيا ومده الرحله 3ساعات ونص حسب مااتذكر بعدها الرحله الاخيره الى مدينه ساندييكو وصلنا بالسلامه والحمد لله والشكر طبعا راح اذكر بعض الشغلات الي صارت ويانا بالمطارات ابدأها الي عندا اطفال من 3 اشهر الى 6اشهر اخوان تكدرون تاخذون الكارسيت وياكم مال طفل وهذا الشي بالطبع ينطي راحه للطفل وللام والي عندا سؤال بهذا الخصوص اني حاضر بعدا ان وصلنا الى مطار فرانكفورت استقبلنا موظف الاي او ام وهو كلش حباب ودانا الى صاله الانتضار وحجزلنا وكمل كل شي علما اجا موعد الرحله الى نيويورك وطبعا انتضرنا 6ساعات طرنا الى نيويورك والرحله فعلا طويله ومتعبه الاكل متوفر بالطائره وكذلك المشروبات الغازيه واي شي تريدو تكدرون تطلبو خلال هذه الرحله لاتستحو بعد ماوصلنا الى نيويورك اجوي اربعه من موظفي الاي او ام هم كلش حبابين اخذونا الى قاعه كعدنا بيها فد 1 ساعه واجا وياهم شرطي من المطار كملولنا اوراق الدخول وانطونا ورقه الاي ناينتي فور والي هي كلش مهمه واحتفظو بيها وكذلك باكياس الاي او ام بعد ماكملو الاوراق حجزولنا الى لوس انجلس وهنا انوه الى كل الاخوه ان تكتبو اوراق بالانكليزيه وعنوان الكفيل على الجنطه للتمييزفقط وحتى لاتتاخرو حتى تعرفون الجنط مالتكم لان احنا بلبنان كلتنا كنا نفس الجنط بعدها طرنا الى لوس انجلس وهنانا يجب ان تكونو متيقضيين وتقرون خط الرحله مالتكم لان راح تكونو لوحدكم واذا تاخرتو  احتمال تروح عليكم الرحله واحتمال تنتضرون 2او3 لان مراح يكون يمكم موضف الاي او ام بحيث احنا اول مانزلنا ماشفنا ولاواحد كمت اني اسال الانفورمايشن عن الموظفين كال مااعرف وينهم على كلن قريت الكايت رقم البوابه على التكت وخط الرحله الي راح تشوفو على الشاشات وعلى هذا الاساس اتجهنا الى تلك البوابه وتعبنا كلش لان المسافه طويله وطبعا الي عنده شياب وياه يكدر ياخذ عربانه وياه والي عنده اطفال هم اكو سيارات داخل المطار صغار تكدرون تطلبون منهم يوصلوكم الى البوابه المطلوبه واكيد راح يساعدوكم واني سويت هذا الشي لان تعبت كلش  وبعد ماوصلنا الى البوابه شفنا موظف الاي او ام والي هو من ربعنا عراقي كلتلا يابا انت اشو هنا تنتضرنا ليش مو يم الباب مال المطار اول مااجينا كال ها ليش ماانتضرتنوني كلتلا اي هو 40 دقيقه ننتضر ونطير على ساندييكو شننتظر ماتكلي رحمه لوالديك على كلن كال شون وصلتو هنانا كلتلا قريت رقم البوابه واجينا يعني لاتعتمدون بكل المطارات وخاصا لوس انجلس على الموضفين الى في حاله شفتوهم اول ماطبون الى المطار هذه كل شيء عن الرحله وسوف اشرح الايام الاولى في الكاهون من كل النواحي
لان ماعندي انترنيت بالبيت بعد تحياتي لكم واني حاضر لاي سؤال منكم

[بسيم ماموكا]

حمدله على السلامه ويارب تتحقق كل امانيك

[علي ياسين]

الحمد الله على السلامة وبتوفيق ونجاح انشاء الله

[هرمز بنيامين]

حمد الله ع السلامة والله يوفقكم

[** يدكو **]

شكرا لكم اخواني يوم الكم وربي يوفقكم وتوصلون الى بر الامان وترتاحون

تحياتي لكم

اخوكم يدكو

[ام بكر]

الف الحمد لله على سلامتكم  مبروك عليكم الوصول . اتمنالكم الموفقيه و تحقيق الاماني انشاء الله

[شالان العراقي]

الحمد لله على السلامة اخوية والف مبروك ويارب الموفقية والنجاح بحياتك

بعدين من يصير عندك مجال سولفلنا على الكاهون شوية لان هي وجهتي القادمة اخوية

شباب شاخبار ال icmc محد ممخابرين اشو سكتة يمعود

[ام بكر]

تره صدك ال icmc صنطه ومالهم خبر لان كلما اخابرهم يكلي الموظف انطري من 3 الى 6 اشهر واكله يمعود مو اني  عندي طفل مريض شويه راعونا .. يكلي احنا ماعدنا تفضيل واحد عالثاني كل واحد حسب دوره .. ولا من يحجي وياك عبالك هو الامين العام للامم المتحده .. اكلكم ليش منسوي مضاهرات كدام بنايه الامم المتحده ونطالب بتسريع ملفاتنا وتحريكها من حاله الركود اللذي اصابها ...  خخخخ . لحد يصدك تره من قهري دا احجي هالشكل . بس اذا صدكتو وسويتوها كولولي حتى اجي اهوس بالمضاهره

[white heart]

عندي سؤال اتمنه اعرف اجابته
هل كل الي ايقدم على اليو ان يطلعله توطين لأي سبب لو يجب ان يكون لديه قضية تهدد حياته
هل يكفي ان الواحد يقدم لانه يريد يعيش حياة كريمة ومابيهه معاناة ومصاعب وذل مثل الي نشوفه يومية بالعراق لو لازم عنده قضية قوية .
الي يقدم دون وجود اسباب تهدد حياته ماهو مصير قضيته وما احتمالات رفض القضية وهل ممكن ان يحصل على التوطين
ارجوكم الاجابة اخواني اخواتي اعضاء المنتدى الكرام
تحياتي لكم جميعا
اخوكم ابو ميس

[هرمز بنيامين]

اخوي (white heart) اعادة التوطين تعطى على اساس كون الانسان مهدد وحياته في خطر  ولا يستطيع العودة الى وطنه.

اعرف واحد كان مقدم وكلهم كنت احب بت عمي وخطبتها وما انطوها اهلها واني من الضوجة هاجرت جان يدكولة طابع ههههههههههههههههههه

[حسون941]

الحمد لله على السلامة ويارب الموفقية والنجاح
والف الف مبروك

[محمد الضاحي]

الحمد الله على السلامة اخي يدكو وان شاءالله تكونون بخير وبصحة جيدة والله يساعدكم على هذا التعب ولكن لكل مجتهد نصيب والان سوف تبدء حياة جديدة اتمنى لك حياة سعيدة مع عائلتك والمجتمع الجديد اخوك ابو احمد @

[mahmod87]

حبيبي يدكو الف مبروك وصولكم لبر الامان بسلامة وياربي يوفقك بحياتك الجديدة وينكتب الك ولعائلتك مستقبل جديد
الله يسهل امور الجميع

[المهــــاجــر]

اخي العزيز يـــدكـــو
الحمدللـــــــــــــــه على وصولك لأميركا ونتمنالـــك حيــــاة سعيدة الك ولعائلتك ..رحت ورتاحيت من مشاكل الدول العربية
اللي هي كلها اضطرابات ومظاهرات ..وانشاءلله يوم اللي يسافرون كل اللاجئين ويرتاحون ويستقرون هناك..
اخوان شنو هاي الفيكة الجديدة بالأمم؟؟دازين على مجموعة من العوائل مال السفير الأخير {شهر11} حسب ما كالوا هما
ان هذه العوائل انطوها موافقات نص ونص!!!!!! يعني جزء من العائلة موافقة وجزء لم تأتي موافقتهم !!! يعني العائلة ماتكدر
الا تجي الموافقات الاخرى !!!هذه فيكة جديدة لتأخير السفر...خلي نخلي امرنا بيد اللـــــه الواحد القهار...
مــــع تمنياتـــــي للكـــــل بالســــفر القريب اشاءاللــــــــــــــــــــــــه

[علي ياسين]

والله يا حبيبي هي كل سنة اتصير اصعب من القبلها وما بيد حيل

اني بس اريد اعرف الي قابلوا icmcبشهر الحدعش قابلوا الوفد لو بعد

[المهــــاجــر]

الأخ علـــي يــاســـــــــين
تحية الــك ولكــل العراقييـــن
حسب معلوماتنــــا من العوائــــل اللي مســوين مقابلــة  icmcبشــهر التاســـــع  بعدهم ما مقابليــــن الوفــــد لحــد الآن
مــع تمنياتـــــــي بالموفقيــــــة للجميـــــــــــــــــــــــــــــع.....

[هرمز بنيامين]

اخوي المهاجر حضرتك مسوي مقابلة وفد؟؟ اذا مسوي شوكت سويت؟؟ واجت نتيجتك لو لا
وكم عائلة تعرف نفس هاي الحالة اجت نتائجهم نص و نص؟؟

اسف ع الاسئلة الكثيرة لان هم احنة منتظرين نتيجة من 28/10/2010 ودخنا والله من التفكير

[احمد لبنان]

سلام عليكم
يا جماعة  الي عايش في لبنان  اكو وظيفه للعراقين في الحازميه  طالبين اي شخص يعرف شوي كمبيوتر
ولغه الكردية  ( سوراني )  والراتب ($500) دولار   الي  تعرفون بهل مواصفات  يدز (c.v.) على عنوان التالي
totop1980@gmail.com


                تحياتي للجميع

[المهــــاجــر]

اخي العزيـــز هرمز بنياميـــــن
اني قابلت الوفـــــد مع العائلة  21 \5\2010 واخذت موافقة مبدئية وسويت فحوصات ودورة تثقيفية وخابروا الكفيل كلها خلال شهرين
بعد المقابلة ومشت امورنا بصورة طبيعية ولكن بعد ما سافرو جماعتنا اللي معنا رحنا راجعنا الأمم كالونا عدكم امنيــــــات...
ولحد هسا دننتظر موعــــــــد الطيـــــارة ...... اما بخصوص اللي موافقة نص ونص الموافقة الأغلبية للبنات واخوانهم لم يعطوهم الموافقة
واكو منهم ديشتلون وياي يعني هو خبر اكيد,, تقريباً عدد العوائل حسب ما سمعت من اللذين راجعوا الأمم  20 عائلة...
وهؤلاء مــن الذين قابلو السفير الشهر العاشــــــر....
مـــع تمنياتـــــي لكل العراقييـــن بالســـــــفر القريــــــب  واعطائهم المواعيـــــد باقرب وقــــــــــــت

[ام كمال]

صباح الخير
شلونكم اخواني انشالله زينين . اكلكم اريد اسال عالicmc يكدر الواحد يقدم الموعد مال المقابله  شويه اذا قدملهم تقرير طبي او مناشده او اي شي . لان مده الانتضار كلش طويله واحنا عدنا مريض .
انصحوني شسوي

[المهــــاجــر]

اختي العزيزة ام كمال
قبل فترة اجا وفد من الأمم الى الكاريتاس حتى يسو ي لقاء بجماعة اللي عدهم امنيات..واكو عائلة عدهم ابنهم عنده فتحة بالقلب
وكلولا احنا هيجي وهيجي شغلتنا يعني بلكت تساعدونا..جاوبهم ابو الشعر الطويل وكال اخوان انتو لجوء سياسي مو لجوء انساني!!!!
هاي الشغلات والتقارير الطبية احنا نخليها بالمعاملة يجوز تفيدكم باميركا بس بالملف ما تفيدكم ما الها تأثير بالمقابلات...
انا استغرب هيجي كلام من منظمة عالمية المفروض يخلون الأنسانية بنضر الأعتبار...
وانطيج معلومة اخرى جيرانا عدهم بنية بيها فتحة بالقلب همينا وعاملين سي ام سي بشهر التاسع ولحد الآن دينتظرون السفير!!
بس مع ذلك اكلج روحي راجعي الأمم وقدمي الأعتراض والتقرير الطبي انشاءالله يصير خير بلكت يطلع واحد كلبا طيب ليش لا؟؟
حالة اخرى اعرف واحد كان معوق وساعده بالمقابلات وسرعوها لحد ما وصل للسفير بس لحد الآن دينتضر ...
مـــع تمنياتــي للكــــل بالموفقيــــــــة وسرعـــــة السفر

[ام كمال]

مشكور اخويه المهاجر . رحم الله والديك
اخواني الاعزاء شغله لخ . لاعالبال ولا عالخاطر انرفض طلبنا للاقامه وهسه لازم انغادر خلال اسبوع  اتصلنا بالامم وكالو غيرو محل سكنكم . يا جماعه اذا احد منكم يعرف شقه للايجار حتى لو صغيره مطبخ وغرفه وصاله انطوني خبر وراسلوني عالخاص لان جدا متضايقين ولازم نلكى سكن بسرعه . احنه دندور واذا تعرفون اي شي عن شقه للايجار ياريت اتبلغوني والله كريم
شكرا الكم

[حسون941]

اختي ام كمال انا اقترح عليج ان تروحين يم الكاريتاس بمنطقة الفنار اكو مكتب اتصالات وانترنيت وتكعد بيه امرأة اسمها ام روي هذه تحصلج سكن بأقرب وقت انشاء الله
 لأن هي عدها معارف وهاي شغلتها
والله يسهل عليكم يا رب ويكون بعونكم

[ام كمال]

مشكور اخويه حسون .  اروح والله كريم . عيني اخواني انتو هم اذا لكيتولي اي شي اكون جدا ممنونه
شكرا الكم

[المهــــاجــر]

اخت ام كمــــــال
كلام اخ حســـــون صحيــــــح ...هذا المكتب يصير بصف الكاريتاس بالضبط الطابق الاول ويبين من الشارع في منطقة زعيترية
انا كان بودي انطيج رقمها دورت عله ما لكيتا اعذريني... والبارحة صدفة جنا راكبين مع سائق تكسي كال اكو شقة مفروشة بالنبعــة
غرفة وصالون ومطبخ وحمام وبأيجار  400 دولار .. انطانا رقم الموبايل شفهي بس صدكيني نسيتة ما كان عندي معي لا قلم
ولا موبايل ...يارب تنحل مشكلتج هاي

[حسون941]

اختي ام كمال طبعا انا اشكر اخويه المهاجر لأن ذكرني بشغلة رقم تلفون ام روي
ما اجا على بالي اكتبه الج انا والله دايخ
على العموم هذا تلفون ام روي  03599416
خابريها وانشاء الله خير

[ام كمال]

رحم الله والديك اخويه العزيز المهاجر ممنونه جدا . عيوني حسون الله يجازيك بالخير رح اخابرها واشوف بلكي الاكى عدها شي .
الله يوفقكم

[علي ياسين]

اشكرك اخوي مهاجر واتمنى لك التوفيق والسفر السريع

تحية حب الى كل الصدقاء

سوألي الوفد كم شخص يقابل يوميا ...وكم يوم يبقى الوفد...يعني شي تقريبي...اريد اقارنها مع مقابلات icmc وشوف تقريبا شكد راح انتظر مقابلة الوفد

تحياتي للجميع

[احمد لبنان]

مرحبا شباب شلونكم
شباب عندي سؤال اذا الواحد قابل توطين  وبعدين اتحول على امريكا . وكال ما اريد امريكا شلون يصير الاجراء  ؟ وشكد ياخذ وقت حتى يتحول ملفه على دوله اخرى ؟ علما انو الشخص بعده ما مقابل icmc ولا محدديله موعد .
شكرا الكم

[هرمز بنيامين]

مرحبا شباب شلونكم
ماكو شي جديد اشو ساكتين؟!! شنو خوما سافرتو كلكم وظليت وحدي هنا ههههههههه

حبيبي علي احنا مجموعتنا وية الوفد كانت تقريبا 30 فرد بس طبعا كان اكو عوائل (يعني فايل واحد) بس تقريبا كول الوفد باليوم يقابل 10-15 فايل

اما عن سؤالك اخوي احمد فاسف ما عندي علم لكن اعرف الدول الباقية تطول وفوده لما تجي ما عدا الوفد الامريكي كان يجي كل شهرين مرة الى ان ضربتهم العين خطية وانقطعت اخبارهم وقطعو المراسيل خخخخخخخ

[abosi]

عيوني هرمز
شلون اعوفك و اسافر اني حالف لو اسافر وياك لو ما اريد
ههههههههه وشكلنا اني وياك راح نلعب طاولي ببيروت ما نتحرك منا ههههههه

[** يدكو **]

الحمد الله على السلامة اخي يدكو وان شاءالله تكونون بخير وبصحة جيدة والله يساعدكم على هذا التعب ولكن لكل مجتهد نصيب والان سوف تبدء حياة جديدة اتمنى لك حياة سعيدة مع عائلتك والمجتمع الجديد اخوك ابو احمد @

شونك اخويه ابو احمد وين وصلت بالمعامله ان شاء الله تبشرنا بموعد سفرك قريبا انت والاخوه بلبنان كلهم

تحياتي

[atoor]

مرحبا اخوان
  عندي سوال  بالنسب للغراض الي عدكم  راح تشحنوها لو شنو؟ و اذا تعرفون شركة شحن اسعارها زينة بلكت العنوان و رقم التلفون
 و تسلمون

[هرمز بنيامين]

اخواني واخواتي بهذا المنتدى طبعا ما صدقت شوكت اوصل للبيت حتى انقللكم هذا الخبر الحلوو

اليوم سمعت ان اكو مواعيد لمقابلة الوفد الامريكي بالشهر الرابع تحديدا يوم 5 نيسان وهذا شي كلش حلو حتى بالنسبة النا احنا الي مخلصين مقابلة الوفد لان اكو اشاعات تقول ان اللجوء الى امريكا رح ينسد فهذا الشي يكذب هاي الاشاعة لان اذا امريكا تريد تقفل ليش تسوي مقابلات!!


اما بالنسبة للي مخلصين وفد (احنا) رح يوزعونا مساعدات حب وجكاير حتى يساعدونا نصبر عالفيزة ههههههه

[هرمز بنيامين]

مرحبا اخوان
  عندي سوال  بالنسب للغراض الي عدكم  راح تشحنوها لو شنو؟ و اذا تعرفون شركة شحن اسعارها زينة بلكت العنوان و رقم التلفون
 و تسلمون

والله اختي هسة احنا حايرين بالفيزة عود من ينطوها نحتار بالشحن
لكن اني ما انصح بالشحن لان رح تصير بطانة اغلى من الوجه، تقدرين تشترين بامريكا غراض احسن من الي تريدين تشحنيها و رح تطلع ارخص من الشحن!!

[atoor]

ما اريد اشتري من امريكا  اريد اشحن  غراضي ... غراضي غالية المن اعوفها ؟؟؟؟؟؟؟

[علي ياسين]

حبيبي هرمز هاشة ايد على هذا الخبر الحلو

حبي يعني مخابرين احد على موعد واذا امخابرين احد شوكت جانت مقابلتهم icmc

اذا عند اى معلومات اكثر كون منون الك

تحياتي للجميع

[المهــــاجــر]

شلونكم اخواني العراقيين انشاءالله مرتاحين..اعرف اعرف اكثركم اعصابكم تعبانة بس يلا احنا العراقيين معروف عنا بالصبر وشعارنا
تبـــاً للمستحيــل المهم ....
كلاام الاخ هرمــــز صحيـــح انا اعرف جماعـــى اليوم انطوهــــم موعــد لمقابلــة الوفــد{السفير} 5\4\2011.....وما ادري اذا اكو
موعد قبل هذا لو لا ...اهم شي انهم خابروا والحمدلله...
اخي هرمز ..انا هم سمعت من جماعة يكولون كان اكو ندوة بكريتاس وكللولهم ان الامم ما راح تستقبل مهاجرين في سنة 2012
ما اعرف ان كان الخبر اشاعة لو .... وما نريد يكون لـــــــــــــــــــــــووووووو
تحياتـــــــي للجميــــــع

[علي ياسين]

حبيبي مهاجر الجماعة  لي انطوهم موعد مقابة الوفد شوكت قابلوicmc
تحياتي للجميع

[علي ياسين]

حبايبي هرمز ومهاجر وكل الطيبين

تحية حب وحترام
منو عنده معلومات عن الناس الذي اتصلو بهم على موعد مقابلة الوفد شوكت قابلوا icmc

[هرمز بنيامين]

احبابي الحلوين

اني اليوم شفت جارنا وهو كان منتظر يقابل الوفد فسالته ها خابروك لو لا فهو خطية بقلب محروق كلي لا ماخابروني بس خابرو جماعه على يوم 5/4 هو كان مسوي icmc بالشهر التاسع لو العاشر واذا اشوفه رح اسئله الي خابروهم شوكت كانوا مسوين icmc وتدلل حبيبي علاوي

اما اخوي المهاجر اني هم وصلني الخبر بس ما اعتقد صحيح لسببين اولا ليش الكاريتاس تحجي بلسان الامم ليش مو مكتب الامم يقول هذا الشي؟؟؟ وثانيا ماكو شي اسمة مكتب الامم يعزل لان هو مو جمبر جكاير!!! دائما رح يصير اكو ناس مضطهدين ودائما رح يصير لاجئين ومن واجب الامم المتحدة تهتم بيهم.

ما تضيـــــــــــــــــــــــــــــــــــــــــــــــــج اللا تفرج

[علي ياسين]

تسلم حبيبي هرمز بس اريد اعرف احنة شوكت يجينا الدور

[ام بكر]

صباح الخير
يا جماعه شكد المده بين مقابله المحلف و icmc ?

[علي ياسين]

والله اختي ام بكر اني صارلي اربع اشهر ولحد الان ماكو شي والله كريم

[ام بكر]

الله كريم . الله يسهل امرنا
تحياتي الك

[NEVER FORGET]

اختي ام بكر مو شرط اكو مدة بين ال ICMC وبين الوفد الامريكي
لان اول شي تعتمد على اللاجئين اللي مقابلين قبلكم ومنتظرين الوفد يعني هسة الوفد بشهر الرابع يكون بلبنان
والاخ علي ياسين يمكن من اللي الهم افضلية بمقابلة الوفد لان صارلة اربع اشهر مقابل ICMC
مع العلم انو الوفد كان موجود بشهر الواحد وقابل كثير من اللاجئين لكن الاخ علي ياسين مقابل
اكيد من اول اللي المفروض يقابلون الوفد علي ياسين ان شاءالله لان فترة طويلة صارلة
وانتي اذا ماكو زخم قبلكم ان شاءالله تقابلون الوفد بين الرابع والخامس بالفترة اللي يكونون موجودين بيها
والله يسهل اموركم جميعا

[بسيم ماموكا]

شلونكم اخواني اعزاء
هذا الخبر مال وفد فرحني هوايا
بس والله حاير ما اعرف يخابروني ام لاء
اني صارلي سنه و اربع اشهور بلبنان
ومن 14\12\2010 مقابلicmc
شتكولون اتصل بيهم واذكرهم اخاف ناسيني
مع العلم اني صاحب عائله

[ام بكر]

مرحبا عليكم عيني
تدرون اني من كد ما دايخه كتبت السؤال غلط
السؤال هو شكد المده بين مقابله التوطين و icmc ?
عذروني والله تره اليو ان دوخونا

[شالان العراقي]

شباب اني خالتي خابروها مقابلة سفير يوم 7  - 4 لان الوفد تاخر بهل شهر

اختي ام بكر اني قابلت توطين من 2 - 11 ولحد الان منتضر اي سي ام سي خوش بوري الله يصبرنا

[علي ياسين]

حبيبي شيلان خالتك شوكت قابلة icmc
يعني تاريخ مقابلتها icmc

[ام بكر]

مشكور خويه شالان . اي والله عيني خوش بوري. نشكرهم

[المهــــاجــر]

اخي علي ياسين
اكو جماعة اعلرفهم مسوين مقابلة سي ام سي بشهر التاسع ونطوهم موعد 22\4 ...واكو جماعة بشهر العاشر واكو بشهر 11  وانشاءالله يجي دوركم كلكم والموفقية للجميع

[علي ياسين]

تسلم حبيبي مهاجر الوردة
حبي تقصد البعلشر والحدعش خابروهم

[هرمز بنيامين]

ماكو اخبــــــــار عن الموافقات الامنية؟!!! اشو وزعوا كم نتيجة وسكتو!!

الله يفرجها عليكم اخوية علي ان شاء الله يخابروكم...

[abosi]

اخوية هرمز
ماكو لا حس ولا خبر وربك الدنيا كلها راح تسافر اله اني متشائم لل1000 ما ادري ليش يمكن من الانتظار ؟
او يمكن ماكو حظ؟
و اذا قاسملنا فل يكن و اذا لا فا ربك ما ينسه عبد

[the lion iraqi]

السلام عليكم
اني مقدم على اليو ان ماليزيا قبل9 اشهر .واريد اجي لبنان لان ماليزيا ميطلعون  العراقيين و ماكو اي اهتمام بالعراقيين. اريد نصيحتكم لبنان افضل لو تركيا , الاردن, سوريا, بالتقديم على اليو ان انا وعائلتي عندي طفلين وهنا ماليزيا ماكو رعاية صحية (بس الامراض)ولا خدمات ولا مدارس . مجرد ورقة حماية متاكل الي يلزموه الشرطة يذبوه بسجن . ارجو الرد والنصيحة
 تحياتي

[ام بكر]

مرحبا اخويه العزيز the lion iraqi قريت سؤال حضرتك واحب انصحك . اذا عندك امكانيه تروح للاردن او تركيا  افضل من لبنان . لان هنا المساعدات محدوده نوعا ما . ومعامله اليو ان صارت تاخذ وقت طويل مو مثل قبل على حظنا شنسوي ؟ وانشالله الاخوان بعد يفيدوك اكثر .
تحياتنا الك

[the lion iraqi]

الف شكر على الرد  والنصيحة اختي العزيزة ام بكر ربي يحفظك . الله يعينا العراقيين متبهذلين بدول ,انشاء الله  يفرج علينا, اني محتار راح ارجع للعراق واطلع مناك لان لازم اخذ والدتي مريضة واروح لاي بلد بيه اليو ان سريع واكو خدمات للعراقيين اهم شي لامان 

[هرمز بنيامين]

ليش حبيبي the lion iraqi شلون الوضع بماليزيا؟؟ وين واصل معمالتك بهاي ال 9 اشهر؟؟ وشلون الوضع المادي بماليزيا وشلون الاسعار والشغل وهم هناك لاحكين العراقيين لو اكو شوية حرية؟؟؟

نصيحتي لك لا تجي لبنان لان هنا غالية هواية ومعاملة اليو ان هسة صارت بطيئة لان كثرو العراقيين...بس هم احسن من سوريا لان هناك كلش بطيئ الي اعرفه ان تركيا اسرع شي وما عندي معلومات عن الاردن...

[the lion iraqi]

تحياتي وسلامي الى جميع الاخوة الي ردو على موضوعي
اخوية العزيز هرمز بنيامين شكداحب اسم بنيامين اذا اجاني ولد اسمي بنيامين
اني ماليزيا من الشهر الثامن 2010 واسأل عن اي شي واني اجاوبك بتفصيل الممل

[the lion iraqi]

اني معاملتي مواصله لاي شي لان اليو ان يختلف عن الي بسوريا ولبنان ولاردن وتركيا
اني قدمت على اليون بشهر الثامن 2010 ونطوني موعد بشهر 10 ورحت على الموعد وكالو مترجم ماكو ونطوني موعد بشهر 11 وقابلت وسألوني على لاسباب الي خلتني عوف العراق واذا اكدر ارجع للعراق شيصير بيه كتلهم انقتل يعني (ماكدر ارجع للعراق) وقابلو عائلتي وبعدها سألت المترجم عن اليو ان كال انسى ميطلعون العراقيين منا لان العراقيين كلهم كذابين الي يجون ويقدمون وبعد ميصدكون بيهم
كتله حتى لو اكو مستمسكات كال المترجم هذا المكتب مخصص لشرق اسيا يعني الدول الي قريبة على ماليزية وطبعاً ذوالة مساعدات ينطوهم وعلى سريع يقبلوهم الامريكا
اما العراقيين لا مساعدات ولا اي شي . وشمروني موعد المقابلة الثانية الي تحدد اني لاجئ لو لا الموعد25 -4-2011
واني من خلال الفترة الي كضيته ماليزيا اتأكدت ميه بالميه ماكو طلعة للعراقيين منا
لان العراقيين يقدمون واكو الاف الجنسيات اتقدم وياهم
وعينية العراقيين هنا فايخين كلهم سيارات وشقق راقية والتعبان بيهم ميراجع لان ميسوله اي شي مجرد ورقة حماية
أما ورقة الحماية قصته اتخبل
ومفيدة حيل
اني من قابلت انطوني ورقة حماية وكلت هاي هيه راح اكدر اشتغل
عيني ورقة الحماية كلاوات اذا مسكوك الشرطة يذبوك بسجن لان انت اوفر استي مجاوز
المهم
بعد ما تنمسك يجي اليو ان يطلعك بعد 14 يوم شرط مو اقل
وهاكذا
والعمل ماكو
بس فترت الموسم
وبس الي عنده اقامه يشغلو لان يغرمون صاحب العمل اذا شغلك بدون اقامة
وامه اذا تشتغل حر يعني سوي مشروع لازم تنسق
ولايجار السكن داخل اكوالالمبور بيكون غالي مو اقل من1000 دولار
وخارج السنتر 500 دولار ومتكدر تسكن بأماكن غير المجمعات السكنية الي بيه سكيورتي لان تكون خطرة

[علي ياسين]

شباب شنو اخبار الوفد بعدهم دا يخابرون على المواعيد المقابلة

[هرمز بنيامين]

الله يساعدكم اخوي the lion iraqi والله اتوقعت هناك تصير حرية بالحركة اكثر...عمي اتوكل على الله وتعال لوحدة من الدول القريبة والله يوفقك حبيبي ويرزقك بالولد.

حبيبي علي شلونك والله ما سامع شي جديد اني.

[the lion iraqi]

حبيبي الغالي هرمز بنيامين تسلملي يحفظك ربي ز ان شاء الله الجمعة راجع للعراق ومناك اشوف وين اطلع, الله يسهل على الجميع

[هرمز بنيامين]

بالتوفيق حبيبي بس دير بالك من تقدم عاليو ان بغير دولة لازم تقول نفس القصة مالتك ما تغير بيها ولازم تشوفلك حجة قوية سبب رجوعم للعراق

[شالان العراقي]

اخوية نصيحة مني روح لتركيا احسن الك لان هاي اسرع شي هسة كل شهرين مقابلة يعني ان شاء الله متطول سنة هناك

شباب محد مخابري icmc ترة والله شتله صارلي سنة هنا وبعد ممسوي سي ام سي شلوووووووون قهر

[the lion iraqi]

اشكرك اخوية العزيز هرمز بنيامين على اهتمامك موضوعي اكيد راح اكول نفس التفاصيل وسبب رجعتي للعراق والدتي مريضة وما راح اكلهم اليو ان الي ماليزيا ميهتم بالعراقيين ولا يطلعهم لاي بلد مجرد ورقة حماية وبعدين هوية فقط  .
بس اني لسه مامقرر لاي بلد اروح واكثر الاخوة وانت منهم نصحوني بتركيا.



سلامي وتحياتي الك اخي شلان العراقي واشكرك على النصيحة والله تقريباً كل الخوة يكولون نفس الكلام تركيا افضل والله اني افضل تركيا ممكن شوية افضل من معامله العراب القاسية على العراقيين.
بس بتركيا يقدمون خدمات ومساعدات لو ماكو  اني عندي طفلة راح تستحق مدرسة واذا ماكو مدارس عن طريق اليو ان راح تكون مصاريف زيادة واني ماليزيا مابقت عليه شي . على العموم اشكرك واشكر جميع الاخوة الي اهتموا بموضوعي اذا اكو احد عنده رأي او معلوما ياريت يفيدني ويفيدالي مثل حالتي

[بسيم ماموكا]

شلونكم اخواني الاعزاء
اخواني اني البارحه خابروني icmcوكالولي انت اي كفيل تثبت الاول ام الثاني لئني جنت منطيهم عناوين مال 2كفلاء
هساء برئيكم راح يرجعو يخابروني على الوفد ام لا
ممكن الاجابه اذا  امكن
تحياتي

[علي ياسين]

حبيبي بسيم انت شوكت قابلة icmc

[بسيم ماموكا]

اخي العزيز علي شكرا على اهتمامك في موضوعي
اني قابلت icmc14\12\2011

[علي ياسين]

اخي العزيز بسيم
اني قابلت في 23/11/2011 ولحد الان محد خابرني والمعلومات الي عندي اتصلوا بمقابلين شهر التاسع بس اني اليوم خابرت icmcوسالتهم على الوفد وكلولي انهم مستمرين بالاتصالات بعد اسبوعين انشاء الله يخابرونا على هذا الوفد

[بسيم ماموكا]

والله اخي هم اني خابرتهم بس كلشي ميكلوك ولا راح يفرحوك وبل اخص المنضمه icmcوبل اخص الموضف ابل شعر البناتي هههههههههههههه

[المهــــاجــر]

اخي علي ياسين انشاء الله بخير
انا راح ادعيلك واطلب من الله ان يفرجها عليك ..اعرف انت هسا دايــــخ على موعد السفير ..انشاء الله يخابروك قريباً جداً لأن الوفد راح يطول كثير هنا وراح يصفي اكثر عدد ممكن ويا رب انت تكون واحد منهـــــم...
تصدك اني خبروني بعد سي ام سي بيومين بس وكان الوفد موجود وانطوني اخر يوم بالمقابلات بوكتها 21\5 2010 بس للآسف لحد
الآن دانتظــر موعد طيـــــارة يعني صارلي 11 شهر منتظر...زين انت شكد صارك جاي للبنان؟؟ اذا عابر السنة انت تستحق واذا صارلك
مدة قليلة فشوية صعبة ويجوز على الوفد القادم ..واللـــــه كريم ...مع تمنياتي للكل بالسفر القريب

[هرمز بنيامين]

ماكو اخبار سفر؟!!!!
الرحلات بدت بالاردن وسوريا وبغداد بس هنا ماكو؟!!!

[علي ياسين]

تسلم حبيبي مهاجر وكل كلامك صحيح اليوم اتصلو icmcونطوني موعد يوم 15/4 وهذي بركة دعائك ودعاء كل الاخوى

اخي بسيم انشاء الله يتصلون بيك قريبا فالفرق بيني وبينك قليل ونتظر منك اتفرحنا

وتحية حب وشكر الى اخي هرمز والى كل الاخوى الطيبين

وهس اريد من الاخوى لمكملين مقابلة السفارة ينصحوني واذا عدهم اى ملاحظات ينبهوني عليها

سلام

[هرمز بنيامين]

ايواااا اليوم علي رح يوزع جكليت وبقلاوة هههههههههههه
مبروووك عمي وشايفين الخير

ومن هسة اكلك لا تخاف ولا تشيل هم المقابلة كلش سهلة وما رح يسألوك غير الاسئلة مال المقابلات الماضية
المقابلة قسمين
قسم اسئلة سيرة ذاتية يعني اسمك ومواليدك واسئلة تجاوب بنعم او لا
يعني مثل هل دعمت حركة ارهابية او دفعت فدية؟ لا
هل اخذت بصماتك العشرة في العراق؟ لا
هل وقفت امام قاضي؟ لا فقط عندما تزوجت
هل سجنت؟ لا
والباقية ما اتذكرها

والقسم الثاني ع القصة مالتك
وللاستفادة اقرة هذا الموضوع http://www.ankawa.com/forum/index.php/topic,294296.0.html

[المهــــاجــر]

اخي العزيز علي ياسين
الــــف الــف مبرووووووووووووووووووووووووووووووووووووووووووك على الموعد الحمدلله دعائي ما راح بلاش واخيــراً حققت هدفك صدك فرحتللك كثيــــــــــــــــــر كثيـــر وهسا انشاءالله ارتاحيت وريحتنا هههههههههههه
وانشاءالله شايف الف خير وحضر نفسك زين يا بطل واظبط امورك ترى هاي مقابلة مهمة وهي اللي تقرر مصيرك ..
تكنياتي للجميع بالموفقيــــة

[محمد الضاحي]

السلام عليكم اخي المهاجر شلونكم ان شاءالله تكونون بخير وصحة جيدة اريد اسالك ماكو اخبار جديدة عن موعد السفر اني اخوك ابو احمد تحياتي للجميع

[بسيم ماموكا]

صباح الخير اخواني الاعزاء
البارحه الحمدله والشكر خابرونيicmcونطوني موعد 12\4
على ياسين اني قبك هههههههه

[احمد لبنان]

اخي العزيز علي ياسين
الــــف الــــــــــــــــــف مبرووووووووووووووووك

[حسون941]

الف الف الف مبروك اخي علي ياسين واخي وبسيم ماموكا والله يوفقكم انشاء الله بالمقابلة وتكون سهلة عليكم
وانشاء الله الخير للجميع وبالتوفيق

[هرمز بنيامين]

الف مبروك اخوي بسيم بالتوفيق ان شاء الله


اخوي محمد الضاحي، حضرتك اشوكت قابلت الوفد؟؟

احنا قابلنا 28-10-2010 واستلمنا قبول مبدئي ومنتظرين القبول النهائي والسفر

[محمد الضاحي]

تحياتي للجميع الاخ هرمز بنيامين اني من المخضرمين في هذا البلد اذ اتيت سنة 2007 وقدمت لجوء وحصلت عليه لكن ما كنت مفكر باعادة التوطين قلت في نفسي ان الوضع سوف يتحسن ونرجع للوطن ولكن ما حدث هو العكس كلما تقدمت الايام زاد الوضع سؤا لذلك قررت ان اعمل اعادة توطين في اواخر سنة 2009 وكانت مقابلة الوفد الامريكي في21/5/2010 وكان جهاز البصمات عاطل فانتظرنا الوفد التالي في شهر الثامن وعملنا البصمات وبعد فترة قليلة عملنا الدورة الثقافية والان منتظرين موعد السفر ومانعرف شنو اسباب التاخير واسف على الاطالة تحياتي للجميع
ملاحضة نحن عائلة من خمسة افراد

[المهــــاجــر]

اخي العزيز محمد الضاحي{ابو احمد}
الحمد لله احنا زينين واشكرك على سؤالك علينا مشتاقيين الكم كثير انشاء الله راح نشوفكم بالمطار قريبا يا رب
اخي العزيز لحــد الان ماكو اخبار جديدة ..بس يكولو كثير من الناس هنا انو بشهر الرابع راح تجي مواعيد سفر كثيرة ونتمنى ان تكون
هذه الأخبار صحيحة يارب ونطلب من جميع الأصدقاء في المنتدى ان يدعونا بان يسهلها الرب علينا ويسهل امورنا امين يارب العالمين
تحياتنــــا للعائلــة جميعــــاً

[هرمز بنيامين]

الله يساعدكم اخوي محمد والله هذا الوفد مال الشهر الخامس 2010 هواي صارت خربطة بي الله يساعدكم ويفرجها عليكم وعلينا. احنا سوينا وفد بالشهر العاشر 2010 وهم احنا مكملين كلشي ومنتظرين...


كلام الاخ المهاجر صحيح هم اني سمعت هذا الحجي ان شاء الله يطلع صحيح ما دام الرحلات بدت من الاردن ومصر... ان شاء الله كلنا نطير سوية وعيني اني رح اخذ طاولي وياي نكعد نلعب بالطيارة والمضيفة تجيبلنا الجايات هههههه

[المهــــاجــر]

تحيــــة للجميــــــع
اخويـــه هرمــز واني هــم راح اجيب حب وجكايـــــر وعلــج ولو اني اني ما ادخن بس حتى تصير الكعدة والسهرة حلوى خــــالللــــــي .لأن المسافــة طويلــة تعرفــون وهم راح اجيب اللابتوب حتى نتواصل مع بقية الاصدقاء في المنتدى ..واقترح واطلب منكم اللي عندا
اركيـــــلا هم يجيبــا عالوهــس حتى تصير كعدة ما تنسي ..ههههههههههههههه  ...اي صــدك لا تنســــون اخوان الفحم البدون
دخان حتى ما نسوي ازعاج للمضيفة من تجيبنـــا جــايـــات ..وافضل يكون جـــــاي ابو الهيـــل العراقي الطيب اااووووووففففففف
شـــــكد طيييييييييب لهنــــا دتجي ريحتــــــا ...بالعافيـــــــة علينا اخوان ..اذا احد يريد اصبلا جاي بعد كولو لا تستحون ترى الطيارة
مثـــل بيتكــــم واحســـــن هههههههههههههه

[اوريليوس]

بشرى سارة .......  علمت من مصدر موثوق  ان هناك وفود قد قدمت  من الدول الاتية امريكا واستراليا وكندا  بالاضافة الى كل من السويد وفرنسا اللتان قررتا فتح باب التوطين ولو باعداد قليلة والاولوية لامريكا وكندا اللتان قررتا استقبال عدد لاباس به من اللاجئين وكذلك الاستراليين الطيبين المهم فبعد هذه البشارة السارة هناك لغز وحيد لماذا الامم المتحدة متكتمة على الامر الخاص بقدوم الوفود ولكني اعتقد ان الجواب هو لاخذ الفترة الكافية لتدقيق الاضابير ولكن اطمانوا ان شااالله كلكم مقبولين وتتوطنون وترتاحون واتمنالكم كل خير   ........... وبالاضافة الى ذلك بمايتعلق بالطلب الخاص بتوطين حوالي 30000  عراقي قد تم تقريبا الموافقة عليه  وسيكون ذلك في كندا وامريكا حصرا  ..............  تحياتي لكم جميعا واسال الله الموفقية للجميع 
دمتم بحفظ الرب ورعايته
اخوكم اوريليوس 

[هرمز بنيامين]

ههههههههههههههههه هاي صارت قهوة مو طيارة
عود من توصل الطيارة للمطار بامريكا نكلة بروح ابوك اخذنة فد فرة بعدين نزلنة هع هع هع هع هع

[atoor]

اخوان  فدوة متكلولي شكدتطوللحدمينطونا موعد سفر  , اشو خبرونا قبل 20 يوم  وبشرونا بالفيزة   و كالوا  على اساس راح يخابرونا علمود الدورة التثقيفية  و موعد السفر اشو لا حس و لا خبر لحد هسة , للعلم احنى بلبنان و مقدمين عن طريق اليو ان  لاستراليا 
 الله  يخليكم الي عنده اي معلومة  يفيدنا , وين  نسال  من اليو ان لو من السفارة  لو وين
 مشكورين

[abosi]

هرمز حبي شلونك مشتاقون بعنف

اكلك صرنا هوايه بالطيارة فا اقتراح نجيب دومنا احسن 

اختي عطور
اني اعرف ناس طلعوا لأستراليا قبل 17 يوم من لبنان ان شاء الله انتوا قريبا بعون الله
تحياتي للجميع

[حسين علاء]

السلام عليكم
شباب ممكن سوال
انا قابلنت من شهر العاشر مقابلت اعادة توطين
وكالو راح نحول ملفك على  امريكا
واني رفضت : كتلهم اريد اوربا :

وكل ما اراجع يكولون انتضر : دندرس ملفك

وقبل اسبوع هم راجعت : وكالو ملفك باقي على التوقيع

واريد افتهم ممكن تفهموني : شنو حالتي

واشكر الجميع

[عراقي مرفوظ]

اخوان شلون الصحة اني اخوكم راجع زحف من السويد اريد اجي لبنان
التحق بل القضية
شنو منو ياهو يعني بل مختصر شكد اطول الفترة مال تقديم un
مشتغل وية الامريكان وعندي هويات ولحد الان وياية باقية اصلية ابو السيم كارت هيجي كلش

اكو شغل مصاريف الواحد شكد يرادلة اخيكم اني بلكد تشرحولي بشكل مفصل اذا ماكو زحمة

عراقي مرفوظ

[/size]

[هرمز بنيامين]

اخوي عراقي مرفوض اذا عندك باجات وكلشي معدل اعتقد لو تقدم على برنامج ال (SIV) احسن من لبنان
تعرف لبنان الي يخلوهه بالتلفزيون؟؟ من تجي هنا كلشي تلكاه بالعكس هههههههههه

وبموضوع المصاريف حسب المنطقة، اكو مناطق ارخص من مناطق (المنطقة الغربية ارخص بهواي من المتن الشمالي)
والشغل اكثر العراقيين هنا يشتغلون عمالة ينطون 350$ وطالع حتى لو عندك شهادة وخبرة ينرادلك معارف وحظ حتة تشتغل بمكان محترم....لو يرجع بيه الزمن ابد ما اجي لبنان!



عبوســـــي حبيبي مشتاقووون والله ماكو صوتك من زمان شخبارك حبيبي
والله خلص صبرنا صرت احلم يدك التليفون ويكولون عندكم موعد سفر

[ام بكر]

اخونا المرفوض  مرحبا
اني اايد كل كلمه كالها اخونا هرمز لان فعلا كلشي بالعكس هنا . واذا تريد تقدم عاليو ان انصحك بالاردن او تركيا لان اسرع من لبنان بهوايه
تحياتي

[هرمز بنيامين]

رحمة للفحمة احجو كولو شي

ادري شنو صارت هاي الامنية بس لا جاي يجيكون تاريخ العشيرة واحد واحد!!

[هرمز بنيامين]

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
للــــــــــــــــرفــــــــــــــعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

[المهــــاجــر]

مرحبـــــــــا اخـــوان جمـــاعــــــة لبنـــــــان
شنو القصـــة شنو الموضـــوع اشــــو صارت سكته فـــد نوب لعد وين الحجــي وين الفيز الكثيرة الحجو عنها وين مواعيـــد السفر الكثيرة اللي كالوا بشهر الرابـــــع ..اخاف هاي الكونيـــة مال فيــز كانت ثكيلـــة وما كدر يشيلها الوفــد فبقت هناك منتظرة الشحن
شنو الوفـــد اجــا وما جاب شي ويــــا ..يعني  محد عدكــم عندا خبــــــر شـــي ..فرحـــونـــا اللــــه يفرحكـــم..
يـــــــــــــــــــارب ســـاعــدنــــــا ...يــــــــــــــــــــارب ســـأعدنـــــــــــا .......يــــــــــــــــــــــارب ســــــــــــاعـــدنـــــــــــــــــــــــا

[هرمز بنيامين]

أميــــــــــــــــــــــــــــــــــــــن
والله اخوية كلنا بالهوى سوى!!
ساعة متفائلين ساعة خايفين
السالفة هــــــــــــــــــــواي طولت

[علي ياسين]

حبايبنا العراقين في لبنان يارب اتكونون بالف خير

اسف لانقطاعي عنكم ولكن الافلاونزة غزة البيت كله اني ومرتي وبنتيي ونيمتنا بفراش

واني هس دا انتظر موعد 15/4 (مقابلة الوفد) دقيقة دقيقة واطلب من الله ما يضيع تعبنا وهذا الانتظار الممل ويقبلونا

[** يدكو **]

ان شاء الله تتوفق انت وكل الاخوه المنتضرين مواعيد السفر

[بسيم ماموكا]

شلونكم  اخواني الاعزاء يارب الكل بخير
اخوان ممكن سؤال
اكو هيجي حجي ديرجعون العراقين من المطار بيروت
ميخلوهم يفوتون بهل الايام
عندي صديقي يريد يجي سياحه ابصراحه خايف يجي من هيجي امور
ممكن الرد اذا امكن

[اوريليوس]

اخي العزيز بسيم      حقيقة موضوعك مهم وملفت لذلك راح اسئل واستفسر عن   الخبر لانو اكيد اكو ناس تريد تسافر الى لبنان فلازم نتحقق من الامر والرجاء من كل اعضاء هذه المجموعة ان يعملوا جهدهم اللازم للتاكد من صحة الخبر من عدمه  حتى يستفاد الكل لحساسية الموضوع ........     
 
تحياتي للجميع   

[اوريليوس]

ياجماعة الموضوع مهم جدا للكثير من الناس اللي ناوين يسافرون بهاي الفترة فرجاءا  كثفوا جهودكم من اجل وضع الاجابات الشافية
مع الشكر الجزيل للجميع

[انتظار]

 اخوان اني بعمان اتصلت بالسفاره اللبنانيه اليوم وسألتهم شلون اكدر احصل على فيزه
حولوني على القنصل وكال لازم اجيب صوره من الاقامه وكشف حساب من البنك ولازم
يكون بي مبلغ محترم من المال هذا الكلام اليوم

[بسيم ماموكا]

اخواني صباح الخير
اني سمعت اكو مرجعين هوايا من الناس بهل الايام
فنريد من الي عدهم اقرباء او اصدقاء او جيران الى الخ
ان يوضحونا شنو السبب هل هناك غلط في حجز الفندق او في التكت
لو حسب علمي كل هل الامور من وره الحكومه العراقيه

[abosi]

اخواني الاعزاء
اني اليوم مفوت كروب عراقين الى لبنان من بغداد و ماكو شي
و احنا باليوم نقدم حجوزات للعراقين بأعداد هوايه فا لا تخافون
و اي شي اني حاضر
تحياتي

[angie-dawood]

الاخوة الاعزاء ممكن مساعدة الاخ السائل سؤال بهذة الرابطة والشكر لكل من يقوم بالمساعدة بالرد انشاءلله التوفيق والسفر القريب للجميع

http://www.ankawa.com/forum/index.php/topic,495427.0.html

[هرمز بنيامين]

مرحبا اخواني واخواتي الصامدين شلونكم

اليوم جبتلكم مجموعة اشاعات ولاول مرة كله زينة خخخخخخخخ

يابة يكولون بالشهر الرابع رح ينطون مواعيد سفر... هاي الحجاية ما شفت واحد بالشارع ما كالها، هذا الي يكول قرايبي بامريكا كال هيج والي يكول اليوان كالو هيج والي يكول ابو الويلفير بامريكا ابن عمته.. ولكن احنة نكول ماكو دخان بلة نار واحنا شبعنا دخان والله واختنقنا عاد كافي نريد نشوف النار!!!

والموضوع الثاني هو يكولون اكو واحد ماخذ موعد سفر بيوم 24/4 بس الخبر مو اكيد 100% رح اتأكد بعد اكثر واكيد انطيكم خبر.

اما بموضوع انه ما يخلون العراقيين يدخلون فشفت واحد كال البارحة كانت جاية عائلة


و اخوان تره هاي كله اخبار مو اكيدة بس اني قلت انقلها حتى كل واحد من يمة يحاول يتأكد من صحتها

[علي ياسين]

شنو اخبارك شباب اشو لا حس ولا نفس اني كاضيها صلاة ودعاء عندي مقابلة اسبوع الجاي .....انتو وينكم

اتمنى ان يكون الكل بخير والمعنويات عالية

[ام بكر]

الله ييسر امرك اخونا على ياسين وبالتوفيق انشاء الله
اما بالنسبه للمعنويات فهابطه جدا جدا   .

[هرمز بنيامين]

الله يوفقكم حبيبي علي وان شاء الله تكون مقابلتكم سهلة حبيبي.

طبعا تعذرني ذاك اليوم من خابرت والله كنت بسرفيز وما كنت اقدر احجي براحتي

[حسون941]

مكضية انشاء الله اخي علاوي والله يسر ويسهلها عليكم
وبالتوفيق

[علي ياسين]

اختي ام بكر وحبيبي هرمز وحبيبي حسون اني اشكركم وياربي السفر باقرب وقت
صدكوني هي الشغلة يرادلها صبر كنا مجبورين على المشي بهذا الطريق الصعب لذلك ماعدنا غير نتوجه لرب العالمين

اني اول مرة رحت لليو ان يوم 3/12/2009  يعني صارلي سنة وخمس اشهر وبعد ما اعرف الوفد راح يوافق لو لا واذا وافق بعد هم عندي انتظار فترة بس الله يعلم كم شهر وبس انضل انكو الف الحمد الله احنا احسن من هواية ناس واقلها كدرنا انحاول

فاصبرو لان سبة النجاح عالية انشاء الله مسئلة وقت رغم صعوبة المعيشة في  لبنان

[علي ياسين]

مرحبة شباب

اليوم جانة مقابة الوفد بسفارة الامريكية المقابلة جانت سهلة وكانت الاسئلة اقل بكثير من مقابلة icmc وقابلتني بنية لطيفة جدا وعملية جدا
بس جان يوم متعب جدا وخاصة اني عندي طفلة عمرها سنة ونص


ادعولي اخوان

[ام بكر]

الف مبروك اخويه على ياسين انشالله يوم نسمع خبر السفر بالخير والسلامه

[علي ياسين]

اجمعين ....اختي ام بكر ما خابروج icmc

[علي ياسين]

شباب ونكم اشو لا حس ولا خبر

مهاجر حبيبي وينك اني اتفائل بدعائك

[** يدكو **]

شونكم اخواني سمعت اخبار هنانا بامريكا وخاصا من منظمه الكاثوليلك كالو بان الي مخلص مقابله الوفد مايطول اكثر من شهرين وينطو موعد سفر ان شاء الله
اذا ماعندا اي تحقيق اي امنيات وان شاء الله الكل تسافر وتستقر

يدكو
كاليفورنيا

[علي ياسين]

حبيبي يدكو انشاء الله مرتاح واخبارك زينة

وانشاء الله هذا الخبر صحيح لان الناس هنا ملت من الانتظار

[AmirAliraqi]

مرحبا اخويه يدكو , الف مبروك السفر ولو داهنيك متاخر , ان شاءالله تستقرون و تشوفون كل الخير , حبي شلونه الوضع ب El Cajon لان احنه هم اذا الله سهل كفيلنه ب El Cajon ...

احنه كنا في لبنان بس  طلعنه مناك بسبب وضع المعيشي الصعب و حولنه علي الاردن و منتظرين موعد iom ....

عندك أخبار alisalam2010 مشتاقله كلش شو كطع علي الجمعية و حتي ماسنجر مديفتح ...

اذا عدكم اخباره طمنوني عليه ,

تحياتي الكم اخوانه في لبنان , الله يعينكم و ان شاءالله الكل تسافر و ترتاح

[** يدكو **]

شكرا اخي العزيز على التهنئه ان شاء الله تبشرنا بموعد سفرك
 اخ علي ماعندي اخبار عنه
 الكاهون حلوه من كل النواحي عدا الشغل شبه معدوم
الله كريم
 ان شاء الله السفر القريب للجميع
تحياتي

[علي ياسين]

اخوي AmirAliraqi  اخبار alisalam2010 زينة الحمد الله وتحابرنا قبل يومين

[A.S.A.D]

مساء الخير
اني عضو جديد بالمنتدى مقدم لجوء بلبنان وعندي مقابلة وفد بس ممكن احد يساعدني ويجاوب على سؤالي
ضروري يكون عندي كفيل لو لا
وشكرا الكم

[حسون941]

اهلا وسهلا بيك اخونا A.S.A.D  بالمنتدى ونورتنا وانشاء الله تتوفق بالمقابلة
بالنسبة لسؤالك حسب معلوماتي مو ضروري يكون عندك كفيل ،اكو هواية ناس سافروا وما كان عندهم كفيل وكان سفرهم اسرع من الي عنده كفيل .هذا الي اعرفه
واخواني بالمنتدى اكيد ما راح يقصرون وياك بالمعلومات المفيدة.

تحياتي

[هرمز بنيامين]

مو ضروري عندك كفيل حبيبي المنظمة رح تلقالك كفيل

[A.S.A.D]

شكرا اخ حسون وشكرا اخ هرمز مشكور عالاجابة واتشرف بيكم
هاي هيه راح نعوف الكفيل عليهم والله كريم
تحياتي

[المهــــاجــر]

شلونكم اخواني العراقيين انشاء الله زينين..شنو القصة شنو الموضوع اشو هاي الفقرة اللاجئين العراقيين في لبنان رايحة على الصفحة الثانية ليش؟؟؟ محد ما عندا اخبار جديدة؟؟؟
اســمـع اســمـع ونيييييييين الكّـلـــب وشـــووووووف شــكثر مهــموووووم ××فوووووك المغثــة وتأجييييل الســـفرررر ××هـــــم مــن
ســـــــمــــــاع أخبــــــــــــاركـــــــم محــروووووووووم ؟؟؟؟؟؟
اخــــوان خلوا صفحتنـــــا دائمــاً بالصفحة الأولـــى ... تــفــائلووووووا بالخيــــــر تجـــدوووووووه
مــــــع تمنــيــــــاتـــي للجـميـــــــع بالســــــفر القريـــــــــــــــــــب 

[mahmod87]

مساء الخير اخواني واخواتي شلونكم يارب بالف خير

خابروني اليو ان بيوم 6\4\2011 وكالوا قربنا موعد مقابلتكم وكالي تجون على موعدكم الجديد بيوم 11\4\2011
يعني اقرب  بستة اشهر عن الموعد القديم 6\10\2011 اللي علساس يتقرر بي وضعنا كلاجئين او لا

رحت للمقابلة يوم الاثنين 11\4\2011 وقابلنا اني واخوي موظف من اليو ان وراها كال راح ننطيكم موعد تستلمون بي نتيجة المقابلة اللي راح تقرر وضعكم وقبولكم كلاجئين وتستحقون توطين او تحصلون رفض اذا ما انطبقت عليكم معايير اللاجئ
 واخذت منهم ورقة موعد استلام نتيجة المقابلة 13\5\2011 مكتوب بيها نوع المقابلة : نتيجة

سؤالي هو اكو احد صادف مثل هاي الحالة وشنو السبب ؟ وشتتوقعون النتيجة ؟

تحياتي الكم وتمنياتي للجميع بالتوفيق

[A.S.A.D]

مساء الخير بشرونا اخوان شلون اخباركم
ادعولنا نتوفق بمقابلة الوفد
تحياتي

[علي ياسين]

حبيبي انشاء الله الموافقة
اني قابلة يوم 13-4-2011 يعني نفس الوفد واني مستعد لاي سؤال

[A.S.A.D]

شكرا اخي علي ياسين وان شاء الله تجيك الموافقة يارب
بس قبل كم يوم سالت سؤال واجابوني عليه الشباب بالنسبة للكفيل
بس حبيت شويه لو اعرف شلون جانت مقابلة الوفد يعني سهلة لو صعبة وشنو ركزو عليه
تحياتي الك اخي العزيز علي ياسين

[علي ياسين]

حبيبي A.S.A.D المقابلة سهلة انشاء الله... والاسئلة اقل من مقابلة اليو ان او icmc المهم اجوبتك اتكون دقيقة ومختصرة والاجابة على كد السؤال يعني بدون سرد بسوالف 
واى سؤال اني حاضر

[A.S.A.D]

شكرا اخي علي ياسين والله يسهلها علينا وعليك ان شاء الله

[هرمز بنيامين]

يعني جديات حال هاي الجمعية يعبر عن الحال في لبنان!!! هدوووووووووووووووووووووء وسكتة وسنطة وماكو اخبار!! يوم الكة الجمعية بثاني صفحة يوم الكاهه بثالث صفحة!!
شنو الي دا يصير هنا يمعودين ماكو مواعيد سفر!! محد مفتهم شنو السالفة؟؟
 وهذا العينتين ابو شعر ما ينطي لا حق ولاباطل والله ملينا من هذا السكوت

[كلي امل]

السلام عليكم اخوانا في لبنان محتاجه معلومات منكم عن المده التقريبيه للحصول على التوطين لعائله  وماهي الدول الموجوده في لبنان وهل الشخص اذا كان مسجل بغير بلد وغير جوازه يحسون بي يعني يگول جنت مسجل لوميگول والعائله متكونة من نساء فقط ووالدهم كان عميد كليه سابقا وشكرا لمساعدتكم

[علي ياسين]

حبيبي كلي امل اعتقد ان الفترة اكثر من سبة ونصف والتوطين يكون الى امريكا اما بخصوص التسجيل ببلد اخر اعتذر منك ما عندي معلومات

[هرمز بنيامين]

عيني اذا مسجلين بغير بلد وواصلين خوش مرحلة كولو يمكن تكملون بالمعاملة وما تبدون من البداية اما عن المدة فكلام اخوي علي صحيح المعاملة تاخذ من سنة ونص واكثر (احنة صارلنا سنتين وهسة منتظرين موعد طيارة)

[IMMIGRANT2]

والله الذي يفتهم مايروح الى لبنان لانه تنام عليه الطابوكه...وينسي

[هرمز بنيامين]

الحظ يلعب دور كبير بالمعاملة حبيبي IMMIGRANT2 واني احجيلك عن تجربة ...الاشياء الي تعتقد هي لها تأثير كبير ع المعاملة يمكن تطلع اشياء ثانوية وبالعكس، احنا اجينا لبنان بوقت كان الناس يسافرون خلال سنة لكن الي اجو بعدنا راحو قبلنا واحنا بعدنا باقين مع العلم اني لا مسوي عسكرية ولا واحد من عائلتي عنده رتبة وملفي نظيف ولمن خلصنا كلشي وقربنا نسافر صارت هاي المشكلة مال ايقاف السفر.... هذا حظنا وقسمتنا!!

[علي ياسين]

بعد اسبوعين من مقابلة الوفد المريكي في لبنان  خابروني icmc  للحضور الاسبوع القادم لاعادة اخذ البصمات ...منو يعرف شي عن هذه الحالة وتبشر بخير لو لا
تحياتي للجميع

[A.S.A.D]

اشلونكم شباب شاخباركم
اشو ماكو احد بالجمعية صار مدة ان شاء الله تكونو بخير

[هرمز بنيامين]

بعد اسبوعين من مقابلة الوفد المريكي في لبنان  خابروني icmc  للحضور الاسبوع القادم لاعادة اخذ البصمات ...منو يعرف شي عن هذه الحالة وتبشر بخير لو لا
تحياتي للجميع

اشكر ربك خابروك هسة والوفد بعده هنا والا كان ظليت ع الوفد الثاني من يجي بس حتى ياخذون البصمة!!

ان شاء الله خير حبيبي

[** يدكو **]

شونكم اخواني الحلوين اليوم جبتلكم اخبار حلوه سمعتها من منطقتي الكاهون بامريكا اكو عائله راح توصل الى كاليفورنيا 2/5 قادمه من لبنان
ان شاء الله هي بادره خير واكيد اكو عوائل اخرى ان شاء الله تبشرونا باخبار حلوه وينطون من لبنان مواعيد سفر اخرى
تحياتي
يدكو . كاليفورنيا

[علي ياسين]

تسلم يدكو
انشاء الله يوم وصول هرمز واكل المنتظرين السفر

[علي الخوني]

السلام عليكم مشكور اخي الغالي اني اخوكم العراقي في سوريا انا انتضر مقابلة الوفد في سوريا اطلب منكم خدمة بسيطة جدا ارجو من اي شخص رفع الهاتف والاتصال احدى الدوائر المسؤلة في اليون عندكم والسوال عن وضعنا في سوريا في حال اجينا الى لبنان ماذا يحصل لملفاتنا بارك الرب في كل من يقدم العون لنا مع العلم اني متزوج ولي ثلاثة اطفال واني منذ 2008 في سوريا ولم اغادرها ابدا الرد باسر وقت ترى الامور تعبانة جدا جدا

[هرمز بنيامين]

شونكم اخواني الحلوين اليوم جبتلكم اخبار حلوه سمعتها من منطقتي الكاهون بامريكا اكو عائله راح توصل الى كاليفورنيا 2/5 قادمه من لبنان
ان شاء الله هي بادره خير واكيد اكو عوائل اخرى ان شاء الله تبشرونا باخبار حلوه وينطون من لبنان مواعيد سفر اخرى
تحياتي
يدكو . كاليفورنيا

مرحبا اخوي يدكو يا ريت يطلع هذا الحجي صحيح لان هنا ما سامعين ولا شي ومحد عدنا ما سامع بمواعيد سفر!!

السلام عليكم مشكور اخي الغالي اني اخوكم العراقي في سوريا انا انتضر مقابلة الوفد في سوريا اطلب منكم خدمة بسيطة جدا ارجو من اي شخص رفع الهاتف والاتصال احدى الدوائر المسؤلة في اليون عندكم والسوال عن وضعنا في سوريا في حال اجينا الى لبنان ماذا يحصل لملفاتنا بارك الرب في كل من يقدم العون لنا مع العلم اني متزوج ولي ثلاثة اطفال واني منذ 2008 في سوريا ولم اغادرها ابدا الرد باسر وقت ترى الامور تعبانة جدا جدا

والله حبيبي اني اعرف عائلة اجت من تركيا وكملوا بملفهم من وين كانو واصلين يعني ما رجعوا من البداية.

[هرمز بنيامين]

اخي يدكو يا ريت لو تتأكد من موضوع هذا الشخص وتشوفلنا اذا صدك رح يوصل يوم 2/5.. وشكراً

[** يدكو **]

اخي يدكو يا ريت لو تتأكد من موضوع هذا الشخص وتشوفلنا اذا صدك رح يوصل يوم 2/5.. وشكراً

اي عزيزي البارحه جنت احجي ويا الولد وهما اقربائه واليوم اذا اشوفه هم راح اتاكد بس الشغله اكيده ان شاء الله تحياتي

[هرمز بنيامين]

اخي يدكو يا ريت لو تتأكد من موضوع هذا الشخص وتشوفلنا اذا صدك رح يوصل يوم 2/5.. وشكراً

اي عزيزي البارحه جنت احجي ويا الولد وهما اقربائه واليوم اذا اشوفه هم راح اتاكد بس الشغله اكيده ان شاء الله تحياتي

زين اكلك عندي سؤال (سنتفيكي) هذا الي عنده موعد سفر تلسقوفي؟؟ هههههههه
لان هسة بعد اجراء بعض الاتصالات و شم الاخبار كالو اكو واحد تلسقوفي ماخذ موعد بدايه الشهر الخامس بس ما كالو شوكت بالضبط!!

[** يدكو **]

اخي يدكو يا ريت لو تتأكد من موضوع هذا الشخص وتشوفلنا اذا صدك رح يوصل يوم 2/5.. وشكراً

اي عزيزي البارحه جنت احجي ويا الولد وهما اقربائه واليوم اذا اشوفه هم راح اتاكد بس الشغله اكيده ان شاء الله تحياتي

زين اكلك عندي سؤال (سنتفيكي) هذا الي عنده موعد سفر تلسقوفي؟؟ هههههههه
لان هسة بعد اجراء بعض الاتصالات و شم الاخبار كالو اكو واحد تلسقوفي ماخذ موعد بدايه الشهر الخامس بس ما كالو شوكت بالضبط!!

yes my brother

[علي ياسين]

هريز حبيبي برد قلبك لو بعد

[هرمز بنيامين]

اشكرك خوني يدكو تعبناك ويانه....

علي الوردة، المشاعر مختلطة والله اخوية.. خوف على تفكير على حماس على انتظار... اريد احس احساس من يخابرون يكولون عندك موعد طيارة

[هرمز بنيامين]

يابة اكو اخبار مؤكدة انه اكو موعد سفر من لبنان يوم 15/5
ارجو من الي عنده اخبار عن اي مواعيد سفر ان يشاركنا بيها

[علي ياسين]

اشو لا حس ولا خبر
ليش ماكو احد من العراقين الحلون في لبنان .....عمي حتى لو بس سلام طمنونى عليكم

[حسون941]

مرحبا اخوانا واخواتنا الكرام شلونكم انشاء الله الجميع بخير
ما ادري اذا سمعتوا بالكاريتاس جاي ينطون خمسون الف لكل نفر اذا صار له سنة واكثر في لبنان واذا اقل من سنة ما ينطوه
الي ما يعرف او ما سامع خلي يروح يستلم
 
مع تحياتي

[هرمز بنيامين]

مرحبا اخوانا واخواتنا الكرام شلونكم انشاء الله الجميع بخير
ما ادري اذا سمعتوا بالكاريتاس جاي ينطون خمسون الف لكل نفر اذا صار له سنة واكثر في لبنان واذا اقل من سنة ما ينطوه
الي ما يعرف او ما سامع خلي يروح يستلم
 
مع تحياتي

اي والله اني اليوم سمعت باجر رح اروحلهم

[هرمز بنيامين]

عيني الي ماخذ 200$ مال راس السنة من كاريتاس سن الفيل مو مشمول يهاي القسايم الجديدة... اليوم رحت وكلولي انت ماخذ 200$ و مو مشمول

[المهــــاجــر]

اخي العزيز هرمـــز  اخواني الاعــــزاء في المنتدى
الشخص اللي كال عليه الاخ يدكو هو امرأة لوحدها كانت قد اخذت موعد الطيارة من جماعة السفير الشهر 11 واجلوها بسبب توقف السفر وقبل يوم من موعد السفر خابروها ان سفرها قد أجل الى اشعار اخر ..وبما ان السفر قد توقف في وقتها فقد اعطوها الموعد الجديد 2\5 حسب ما مذكور في رسالة الاخ يدكو..اي هي من المؤجلين
وقد سافرت ..وسمعنا هناك اعادة بصمات وفحوصات للي عابر سنة من موعد الفحوصات والبصمات...مـــع تمنياتي بالســفر القريب للجميـــع.. 

[A.S.A.D]

ان شاء الله الكل يسافرون باقرب وقت

[هرمز بنيامين]

طيب اخوي المهاجر شوكت كانو منطين موعد سفر لهاي المرة اول مرة؟؟؟ لان احنا جماعة سفير شهر 11 وجماعتنا كلهم باقين هنا ما عدا كم واحد راحو!

[علي ياسين]

مهاجر عاش من سمع صوتك
ليش هل غيبة .....اتمنى ان تكون بخير

ما سمعتوا شي على نتائج الوفد الامريكي

[المهــــاجــر]

اخي العزيز هــرمــــز
 موعـــد الاول اللي كانو مطين لهاي المرأة كان 18\2\2011....والشخص اللي تكول عليه انو هو فقط راح كان اســمه {شوكت} صح؟
اعرفه معرفة شخصية..من ذاك الوكت توقف السفر ..
الاخ العزيز علي ياسين
لا انا مو غايب من زمان بس تعرف ماكو اخبار جديدة تفرح الكلوب حتى واحد ينزلها بالموقع ويفرح الناس...اما بخصوص نتائج الوفد الامريكي راح تطلع بعد رجوع الوفد الى اميركا بــ 15 يوم حسب ما بلغو للجماعة اللي سوو المقابلة وحسب ما كلنا استلمنا بوكنها
وحسب علمي انو اخر يوم المقابلة هو يوم 6\5  فاحسب اسبوعين وحظر نفسك يابطـــل هههههه مابقى شي راح الكثير وما بقى الا القليل ....مـــع تمنياتي للجميــــع بالسفر القريب...

[هرمز بنيامين]

اي هو نفس الشخص حبيبي.. اني ما اعرفه شخصيا لكن اني ويا استلمنا النتيجة الاولية بنفس اليوم وسوينا الدورة التثقيفية هم بنفس اليوم بس مع الاسف ما سافرنا بنفس اليوم ههههه

[المهــــاجــر]

هههههههههههههههههههههههههههه
لا دّير بال اخي هرمــز انشاء الله انا اوانت راح نسافر بنفس اليوم  قريبـــاً يارب
حتى نسولف ونتسلى بالطريــــق الطويـــــــل..هههههههههههه
مـــع تحيــاتــي لكــل اللاجئيــن العراقييــن .وانشــاء الله بالسفــر القريــب جــداً

[هرمز بنيامين]

ان شاء الله اخوية... اني ذاك اليوم راسلت IOM لبنان وسألتهم شوكت ترجع حركة السفر طبيعية كالو بشهر حزيران والله كريم

[علي ياسين]

حبيبي مهاجر تسلم وتعيش واتمنى تكتبنا انت وهرمز من امريكا

[هرمز بنيامين]

حبيبي علي يوم الك اخوية

[المهــــاجــر]

الله كريم اخويه هرمز انشاء الله ما بقى شي.. بس تتذكر اني مرة نزلت موضوع بشهر الثاني وكلت ان السفر توقف الى الشهر السادس وهذا ما سمعته من مصادر موثوقة في ذلك الوقت كثير من الناس ضاجت وكالو شنهو هالحجي وهالدعايات؟؟ وحتى المنتدى قفل الموضوع  شوف هســا كلامي طلع صحيح من ذاك اليوم ولحد هسا ماكو سفر ..الحقيقة محد ما يحبها خاصة لو كانت مرة..المهم احنا كلنا نتمنى ان نسافر باسرع وقت لأن ملينا ملينا من هالوضعية التعبانـــة..
اخي العزيز علي ياسين ...اشكرك جداً وانشاء الله انت هم ما بقالك شي راح تلحكنا..ومو بعيدة انت تسافر كبلنا هههههههه ترى بالأمم كلشي يصيـــر .عدهم مفاجاءات ما تخطر لا عالبال ولا عالخاطر!!!!!!!!!!
مــــــــع تحيـــاتــــــي لكــل المهاجريــــــن ...

[هرمز بنيامين]

والله اخوية المهاجر هم اني بالشهر الثاني سمعت انه السفر توقف للشهر السادس لكن ما صدقت لكن والله طلع الحجي صحيح!!

زين شنو رأيك انت رح ينطون مواعيد بهاي الايام حتى الناس تطير بالشهر السادس لو ماكو مواعيد الى ان يجي الشهر السادس ياله ينطون مواعيد؟!!

لان سمعت حجاية كالو على اساس رح يبدون ينطون مواعيد من 10/5 والله اعلم

[A.S.A.D]

اشلونكم شباب ان شاء الله تكونو بخير
ان شاء الله اخ هرمز ينطوك موعد سفر باقرب وقت وان شاء الله الكل تسافر

[علي ياسين]

العراقين الحلوين في لبنان
اتمنى ان يكون الجميع بخير
اعرف الكل باقي على المغذي بس الله ما ينسى احد وخاصتة المضلمين مثنلنا
تحياتي للجميع

[majroo7in]

هلللللللللو شباااااب شونك عساكم بخير يارب. شونك حبي علي ياسين شنو اخبارك ها طمني سويت فحوصات ودوره تثقيفيه الا بعدك؟ رحت استلمت النتيجه من اليو ان ؟ شنو طمني ؟

[علي ياسين]

تسلم حبيبي majroo7in
لا والله حبيبي لا نتيجة ولا فحوصات ولا دورة تثقيفية
والقلق كتلني والنتظار تعبني حيل ودقيقة احس بيها سنة وما عندي شي غير ادعي من رب العالمين ما يضيع تعبنا

انت شنو اخبارك حبيبي

وسلامي للجميع

[هرمز بنيامين]

اشلونكم شباب ان شاء الله تكونو بخير
ان شاء الله اخ هرمز ينطوك موعد سفر باقرب وقت وان شاء الله الكل تسافر

اشكرك اخوية الله يفرجه بوجهك وبوجه الجميع


حبيبي على الله يسهل.. ان شاء الله ما يضيع تعبنا

[A.S.A.D]

   مساء الخيرررر شباب

[علي ياسين]

مساء النور حبيبي
مادري هذي الايام سكتة الشباب كلها دايخة

[المهــــاجــر]

مساء الخير شباب العراقيين شلونكم؟؟؟
اخي العزيز هــرمـز اني اثوقـــع ينطون المواعيـــــد ورا  15 \5 اما مواعيـــــد السسسسسفرررر راح تبــدي من بـدايـــــة الســـادس
على شكل مراحل او وجبات كل اسبوع وجبة انشاءالله تكون وجبة دســـــــــــــــــمــة ..لان هاي صار 5 سفراء دنظرب بطنيييييييييييييييييييييييييييييششششششششششششششش..مو كافي عـــاد يلا  أرحمونـــا يرحمكــم اللـــه..
كلكـــم ادعوووووا واطلبوا من اللـــه ان يفرجــهــا علينــــــا جميعـــــــاً...تمنياتـــي للجميـــع بالســـفر القريـــب....

[هرمز بنيامين]

اميــــــــــــــــــــــــــــــــن يا رب
والله تعبنــــــــــــــــــــــا

[حسون941]

مرحبا اخواني واخواتي شلونكم انشاء الله الجميع بخير
شلونك اخي علاوي ،صدك سكتة والناس ملت من الانتضار وخلص صبرها الله يكون بعوننا
اخي المهاجر انشاء الله يكون توقعك صحيح والله يسمع منك يا رب خلي العالم تسافر وتستقر وتشوف حياتها
يا رب افرجها على العراقيين

[علي ياسين]

امين اجمعين يارب العلمين
السفر لكل المنتظر السفر

ظاهر ما ضل عدنا شي بس ندعي ههههههههههههههه

[شالان العراقي]

هلو شباب شلونكم اخباركم عندي سؤال اذا واحد يكدر يساعدنا بي
اني سويت اي سي ام سي قبل شهر شوكت تتوقعون يخابروني عل وفد وشوكت يجي الوفد ترة اخوكم محد يعرف ومعتمد على الله وعليكم .

[A.S.A.D]

اخي شالان اني اتصلو بيه عالوفد بعد الا اي سي ام سي بستة اشهر
يعني انتظر بعد اربع اشهر يخابروك ان شاء الله ويحددولك موعد مع الوفد
وطبعا مو شرط المدة يمكن بوقت اقرب يتصلون بيك
وان شاء الله موفق

[dlan]

جماعة يلي قابلو الوفد 25|ابريل (نيسان) في اي جواب جى لاي حدا منكم؟؟؟
منو من جماعة الوفد 25-4-2011

[A.S.A.D]

 جماعة يلي قابلو الوفد 25|ابريل (نيسان) في اي جواب جى لاي حدا منكم؟؟؟
منو من جماعة الوفد 25-4-2011
[/quote]
اني قابلت قبل 25/4 ولحد الان ماكو شي

[علي ياسين]

اني قابلة قبلكم بعشرة ايام ولحد الان ماكو شي وحسب معلوماتي ناس قابلوا يوم 6/4/2011 ولحد الان محد امخابرهم
والله كريم ومهم اذا اى احد سمع خبر لا ينسانا
وتوفيق للجميع

[المغترب السامرائي]

والله اخي هم اني خابرتهم بس كلشي ميكلوك ولا راح يفرحوك وبل اخص المنضمه icmcوبل اخص الموضف ابل شعر البناتي هههههههههههههه

اي عفيه هذا الي يتموع

[المهــــاجــر]

اخـــوانــي الأعـــزاء صبـــــاح الخيــر جميعـــاً
صدك يا اخوان من حقكم تكونوا متوترين وعايشين بقلق هذه الأيــــام لأنها ايام حاسمة بسبب استلام النتائج ..كلكم تتذكرون كيف كنا ننتظر نتائج الأمتحانات ايام زمان فكيف تكون الآن مشاعرنا ونحن ننتظر هذه النتائج الحاسمة في حياتنا من المؤكد تكون صعبـة..
علينا ان نتوكل على الله وانشاء الله خير  
بس اني عندي ملاحظة يمكن شوية ما تعجبكم!!! من خلال تجربتي مع الوفد الشهر الخامس اخذوا عدد كثير من اللاجئين احنا
فرحنا بذاك الوكت بس طلعت النتيجة عكسية  شلون؟؟ الوفد تبطر وشافهم كثيرين كام لعب بينا فلك!!! من اصل كنا بحدود 200 او اكثر شويه  كام 30  رفض و30 لا قـــرار  والباقــي قبول مبدئي...والمقبولين مشوّو اقل من النص  واكثر من النص باقيين لحــد الآن
اتمنى اتمنى ان لا يطبقوا هذا النظام على هذا الوفــد.. لأن كل العراقيين تعبانين ومظلومين يا رب عوضهم عما فاتهم  ..اعمارهم
خلصت وما شافوا فرح بحياتهم.. ندعوا من الله ان يساعدنا في هذه الأيـــــام العصيبــة ونشوف كل خييييير يا رب..
تمنياتـــــي للجميـــــع بالسسسسسسسفر القريــــب ....

[علي ياسين]

تسلم حبيبي مهاجر
والله اني خايف حيل ....خايف تعب هذي السنتين من انتظار وقلق وحيرة  يروح بشط وتعرفون الواحد صرف كل الي عنده
الله كريم اني من هسة بدية اسأل على الشنكل عندي بعد شغل املكها ابيعه وسوي شنكل وسافر وطلب لجوء هناك
بس تدرون اني القصتي في اليو ان وicmc والوفدحقيقية 100% وحجيت مثل ما صار بضبط وليش اني ما متفائل مادري

اتمنى التوفيق للجميع

[المهــــاجــر]

صباح الخييييييير اخواني العراقيين
اخر خبر سمعته البارحة بالليل خبر مو زين واني اسف جدا ..سمعت انو سته عوائل من اللي قابلو الوفــد الأخيــر اجاهـــم رفــض
واحــد منهـــم حسب ما كالو اسمه اعرفــه شخصياً ساكن بسد البوشرية وهذا ما يدل على صحة كلامي قبل يومين   بخصوص
الرفض من يكثروو المقابلات مع الوفــــد...نتمنى ان لا يكون غيرهم يشملهم الرفض .هذه الوجبة استلموا ضروف النتائج يوم الجمعة.
اكيد يوم الأثنين راح يخابرون وجبة جديدة وانشاءالله راح ينقبلون جميعــــاً..
مـــع تمنيــاتــــــي للجميـــــع بالســفر القريــــب..

[هرمز بنيامين]

شنو اسباب الرفض اخوية المهاجر؟؟

الله يسهل امر الجميع

[علي ياسين]

حبيبي مهاجر ستة من كم واحد اخذ انتيجة

[علي ياسين]

حبيبي مهاجر دينطون النتيجة بتلفون

[A.S.A.D]

يارب سهل امر الجميع
بس ممكن نعرف من مجموع شكد الستة المرفوضين؟؟

[** يدكو **]

الله كريم اخواني ان شاء الله الكل ياخذ الموافقه النهائيه وتسافرون وترتاحون اني واحد من الناس كنت اعاني المعاناه الي انتم بيها هسا واعرف الوضع بلبنان كلش زين والحمد لله ربنا وفقني وسافرت ان شاء الله يوم الي تبشرونا بسفركم حبيت اضيف فد معلومه الكم اخواني قبل كم يوم اني كنت بمنظمه الي المسؤوله عن ملفي والي هي ال irc وحجيت ويا الكيس ووركر مالتي وسالت عن احوال اللاجئين العراقيين وخاصا في لبنان والي من ضمنهم بيت اهلي كلهم كال هسا حاليا عدنا مقابلات مع
القادميين الجدد من دول مختلفه سالته من يادول جايين ماكدر يكلي على كلن اكو بادره خير وبلكي ينطون مواعيد بهالايام
لعدد كبر ان شاء الله واي خبر جديد من كاليفورنيا راح انزله مباشرا
بصراحه اخوني قلبي محترك عليكم لكوني عانيت كل هاي الضروف الي انتم بيها بس اكو الله واكيد هو الي يجازيكم ويكون جزاه خير عليكم ان شاء الله

تحياتي لكم جميعا

يدكو . سان دييكو .كاليفورنيا

[IMMIGRANT2]

اخي هرمز بنيامين لاتدير بال ان شاء الله تجيك الموافقة وتسافر..ان شاء الله السفر للجميع

[علي ياسين]

تسلم حبيبي يدكو واتمنى من كل قلبي لك التوفيق والمستقبل الزاهر واتمنى للجميع السفر السريع نشاء الله

[حسون941]

مرحبا اخواني واخواتي شلونكم انشاء الله بخير
انا عندي مقابلة ثانية (اعادة توطين) هل يحضر للمقابلة جميع افراد الاسرة أم فقط صاحب الكيس؟
مع جزيل الشكر مقدمآ.

[علي ياسين]

حبيبي حسون خابرهم وتأكد احسن

[حسون941]

حبيبي حسون خابرهم وتأكد احسن

شكرآ حبيبي علاوي الله يحفظك
بس ردت اعرف اكو رقم معين اكدر اتصل عليه واكون ممنون جدآ منك

[A.S.A.D]

اخي حسون موفق ان شاء الله
اني اللي اعرفه لازم العائلة كلها تكون موجودة
ومثل ما يكول الاخ علي ياسين خابر واتاكد
وهذا رقم اليو ان 01849201
بس لاتتعب نفسك لان ما تحصلهم برائيي روح انت واسال

[حسون941]

شكرآ حبيبي A.S.A.D التوفيق للجميع والسفر القريب انشاء الله
راح احاول اتصل والله كريم
اشكركم جميعآ اخواني

[المهــــاجــر]

مرحباً اخواني العراقيين
جواباً على ستة من كم واحد ..الامم تنطي وجبات وجبات مثلاً  كل عشرة عوائل او 15  او اكثر تخابرهم ويروحون على الامم
وهناك يبلغوهم  بالنتيجة وينطوهم الظروف الموافقة او الرفض او اللا قــرار ..وهنا سمعت انهم كانو ستة ..واذا كانت النتيجة قبول
ينطوهم مواعيد  الفحوصات  والدورة التثقيفية ..
مـــع تمنياتـــي الموفقيـــــــة والقبـــــول للجميـــــــــع...

[** يدكو **]

مرحبا اخواني واخواتي شلونكم انشاء الله بخير
انا عندي مقابلة ثانية (اعادة توطين) هل يحضر للمقابلة جميع افراد الاسرة أم فقط صاحب الكيس؟
مع جزيل الشكر مقدمآ.

لا اخي العزيز المفروض كل اصحاب العائله يحضرون وهناك يبقى فقط الي اسم الكيس باسمه ويا المقابل

[A.S.A.D]

مرحبا شباب
طمنونا اكو احد مستلم نتيجة المحلفين
يارب ان شاءالله الكل مقبولين

[ام بكر]

مرحبا عليكم جميعا
اليوم صارلي ست اشهر انتظر يخابروني icmc عالمقابله . فدوه بس كولولي هاي المده طبيعيه لو هوايه تره رح اتخبل وهذا ابو شعر كلما انخابره مينطينا حجايه .
وسؤال لاخ رحمه لوالديكم . متعرفون واحد هنا عراقي يبيع (كاهي ) لان جدا مشتاقين للكاهي العراقي . تره مدا اتشاقى من صدك دا احجي . عفيه اللي يعرف احد هنا ابو كاهي خل يدليني عليه
شكرا الكم والله يسهل امرنا جميعا

[A.S.A.D]

اختي ام بكر اني هم بقيت انتظر 6اشهر يله خابروني
ان شاء الله الوفد من يجي هالمرة راح تقابلين
وراح اسالج عالكاااهي اشوف وين موجود

[ام بكر]

عيوني asad اني بعد ما مقابله icmc اني صارلي 6 اشهر من قابلت توطين
جزاك الله خير

[حسون941]

مرحبا اخواني واخواتي شلونكم انشاء الله بخير
انا عندي مقابلة ثانية (اعادة توطين) هل يحضر للمقابلة جميع افراد الاسرة أم فقط صاحب الكيس؟
مع جزيل الشكر مقدمآ.

لا اخي العزيز المفروض كل اصحاب العائله يحضرون وهناك يبقى فقط الي اسم الكيس باسمه ويا المقابل

اشكرك حبيبي يدكو على الجواب الله يوفقك
تحياتي

[** يدكو **]

مرحبا عليكم جميعا
اليوم صارلي ست اشهر انتظر يخابروني icmc عالمقابله . فدوه بس كولولي هاي المده طبيعيه لو هوايه تره رح اتخبل وهذا ابو شعر كلما انخابره مينطينا حجايه .
وسؤال لاخ رحمه لوالديكم . متعرفون واحد هنا عراقي يبيع (كاهي ) لان جدا مشتاقين للكاهي العراقي . تره مدا اتشاقى من صدك دا احجي . عفيه اللي يعرف احد هنا ابو كاهي خل يدليني عليه
شكرا الكم والله يسهل امرنا جميعا

ان شاء الله يخابروج بهالفتره

اما بالنسبه للكاهي ان اتذكر قبل مااسافر اشتريت من الاشرفيه المنطقه الي كنت بيها يم دائره البريد الرئيسي بس تسئالين البريد الرئيسي لابو السرفيس ينزلج عندا وهناك تفتريين اكو مجموعه محال تبيع الكاهي بالعافيه مقدما

ويارب يسهل امور الجميع

تحياتي

يدكو  . كاليفورنيا

[ام بكر]

مشكور خويه يدكو عالرد . رحم الله والديك

[شالان العراقي]

شلونكم شباب اليوم خابروا 2 من العوائل اعرفهم وكلولهم تعالوا الجمعة استلموا الضروف جماعة الي سووا وفد بالرابع

شباب شوكت  يجي الوفد مرة ثانية بيا شهر ؟؟

[علي ياسين]

حبيبي شلان اني خابروني وانطوني موعد استلام الضرف
بس اريد هم يايوم قابلو وفد

[المهــــاجــر]

الف الف مبرووووك يا اخوان اللي خابروكم لاستلام الظرف والنتيجة وانشاءالله خير خير ..لان الوجبة اللي راحت كانت رفض اما هاي الوجبة اكييييييد قبوووووول ياجماعــة ..خاصة اذا كان الأتصـــال من الـ سي ام سي  ..ومو من الامم .. راح يعطوكم النتيجة وياها موعــد اما الفحوصات او الدورة التثقيفية ..وبما انو انتم اول وجبة فراح ينطوكم الأثنين معاً اي الفحوصات والدورة التثقيفية..
فمن هســـا اكلكم شايفين الف خيييير ويوم التأخذون موعد الطيارة يارب..هذا بخصوص الاخ على ياسين وااـلي راح يستلم النتيجة..
اما بخصوص الأخ شالان العراقي ..الوفد يجي كل شهرين او ثلاثـــة اشــهر وبما ان هاي الوجبة بقى اكثر من كل مرة وحسب ما سمعنا انه اخذ دبل من المقابلات فيجوز راح يتأخر  اربعة اشهر بس مع ذلك مو شرط اقول ربما !!!
تمنياتــــي للجميــــــع بالســــفر القريـــــب ...

[علي ياسين]

تسلم ياحلى مهاجر بدنيا وانشاء الله اتبشرنا وانت في امريكا

[majroo7in]

حبيبي شلان اني خابروني وانطوني موعد استلام الضرف
بس اريد هم يايوم قابلو وفد

حبي علاوي اااااااااااااااااااالف مبروووووووووووك على التلفون يارب تكوووون خير ونسمع عنك الاخبار الطيبه انته وكل العراقيييين واحنه معاكم.. اني اخباري زينه ماشي الحال ومنتظر التلفووون يخابرووون على النتيجه مال وفد. علاوي حبي طمنى من تستلم النتيجه ؟؟؟ يارب التوفيق للجميييع والكل يسافر لان من صدك تعبنه نفسيا وجسديا اللله يسهل للجميع كولو ياللله .......  ???my best regards for every body

[علي ياسين]

الف الحمد لله والشكر
اليوم استلمت نتيجة الوفد .....قبول مبدئي....
احجيلكم شوية عن احداث اليوم
كنا ثلاث وجبات الساعة 9-10-11 كل مجموعة تتكون من 26 ملف .....والككككككككككككل قبول
بس ارتاح شوية (لاني صار يومين ما نايم) راح اشرح بتفصيل الستم الجديد حسب شرح موضف icmc بموضوع منفصل حتى يستفاد منه الجميع
اشكر الجميع لدعائهم  وللمشاعر الطيبة

[بسيم ماموكا]

الف مبروك يارب يوم السفر في اقرب وقت
ويوم يخابرون الباقين على النتيجه واني وياهم

[A.S.A.D]

الف مبروك اخويه علي ان شاء الله يوم السفر

[المهــــاجــر]

الففففففففف مبـــرووووووووووووووووك اخويـــا العزيز علي ياسيــن الك ولكل من اخذ النتيجة وانشاءالله يوم موعد الطيارة.
الحمدلله ان كلامي طلع مضبوط وكانت النتيجة كما توقعت قبل يوميــن الكل قبووووووووول ..
تحياتنـــــــا للجمـــيــــــع بالســـفر القريــــــــــــب..

[** يدكو **]

الف الف مبروك اخ علي ان شاء الله يوم الي تبشرنا بموعد سفرك انت وكل الاخوه الي بلبنان

تحياتي

يدكو

[علي ياسين]

تسلمون اخوان على هذه المشاعر الطيبة

[ام بكر]

الف الف مبروك اخونا العزيز على ياسين ويارب يسهل امرك وتسافر ونسمع خبر الوصول انشاء الله
والله يسهل امر الكل يارب

[حسون941]

الف الف مبروك حبيبي علاوي على القبول وانشاء الله يوم السفر القريب
ومبروك لكل الي انقبلوا . التوفيق للجميع انشاء الله

[علي ياسين]

مرحبة اخوان ...اتمنى ان يكون الجميع بخير
شرح موضفicmcعنالقانون الجديد ما بعد موافقة الوفد
وهذا نص ما قاله(عن لسانه بضبط)
اشرح لكم السستم الجديد الذي صدر بقانون جديد ليسهل ويعجل اكمال الملفات
بعد موافقة الوفد سوف يكون لدينا اربعة مراحل
1-الموافقة الامنية (الجزء الاولى)سوف نتصل بكم هاتفيا للحضور واستلام النتيجة (موافقة او اعادة مقابلة الوفد او عدم قرار او رفض)
2- اكمال الاجرائات الادارية (وهذا من عملنا icmc)
3-الموافقة الامنية (الجزء الثاني)وسوف نبلغكم هاتفيا بصدور الموافقة الامنية (الجزء الثاني)وهذا يعني السفر بمدة الاتتجاوز ستة اسابيع حسب ما ينص عليه القانون الجديد وسف نتصل بكم لاحقا لتحديد موعد السفر
4- اكمال ترتيبات السفر

اذكر لكم بعض النقاط التي ذكرها خلل الشرح القانون الجديد
1-وبسب صدور القانون الجديد تم ايقاف الجميع حتى من كان لديه موعد سفر
2-أوكد لكم سبب صدور هذا القانون هو تسهيل اكمال الملفات
3-لانعرف الفترة الزمنية لكل مرحلة

اتمنى ان تستفادون واى سؤال اني حاضر

[حسون941]

مشكور اخي علاوي على المعلومات وبالتوفيق والله يفتحها بوجه كل العراقيين انشاء الله....كولو آمين

[ام بكر]

شكرا اخونا على الله يوفقك

[** يدكو **]

على فكره اخواني اريد يكون عدكم امل قوي بهالفتره ان شاء الله راح ينطون مواعيد سفر لان سمعنا اخبار بانو منظمه irc داتحضر نفسها لاستقبال عوائل عديده
بالتوفيق للجميع
يدكو
كاليفورنيا

[هرمز بنيامين]

عمي يدكو اذا ما طلعنا هذا الصيف رح نصير مخللات هههههههههه

[** يدكو **]

عمي يدكو اذا ما طلعنا هذا الصيف رح نصير مخللات هههههههههه

not worry my friend the happy news will be coming as soon as be Optimistic

[majroo7in]

علاوي اااااااااااالف مبروووك وبالتوفيق الك وللجميع ويارب نسمع الاخبار الطيبه والكل تسافر واخيييييييييييييييييييرا اجا الفرج 

[هرمز بنيامين]

عمي يدكو اذا ما طلعنا هذا الصيف رح نصير مخللات هههههههههه

not worry my friend the happy news will be coming as soon as be Optimistic

i hope so my friend because we are very tired here...we want to settle down

[** يدكو **]

Yes, I hope that for all

[ام بكر]

مرحبا يا جماعه
احنا اتحول ملفنا عالتوطين بتاريخ 18/2/2011
اليوم ابو بكر راح لليو ان وقابل جماعه  icmc بلكي يحددولنا موعد مقابله لان طفرت روحنا من الانتظار وهالوقت كله ديروح من عمر ابني المريض وديبقى بدون علاج . ودينالهم تقارير طبيه وتقرير من مركز ريستارت .
تصورو الموظف شيكوللنا ... يكول احنه منظمه مو انسانيه وما النا علاقه بالحالات اللي عدكم سواء كان مريض او غيره وقفلها بوجهنا فد مره ( الله يسدها بوجهه وين ما يروح ) امين .
وكال ليش متروحون عالاوربيين مو احسن الكم ؟ لان انتو كدامكم بعد هوايه خطوات طويله وبعدين لو تنقبلون لو متنقبلون ؟ بالله هذا حجي ؟ زين شنو قصده روحو عالاوربيين ؟ يعني يريدنا انحول ملفنا على غير دوله ؟؟؟ زين شلون اروح عالاوربيين ؟ واذا احول ملفي على غير دوله شكد رح ياخذ وقت بعد ؟ واحنا روحنا طالعه هنا.
يمعودين فهموني تره رح اتخبل

[علي ياسين]

اختي ام بكر اتمنى ان تكوني بخير
حسب علمي ما من حقج تختارين الدولة والتوطين هم يختارون هذا الموظف تعبان بس بخصوص الحالات الانسانية فعلن اللجوء في امريكا سياسي مو انساني
اختي الغزيزة الشغلة يرادلها صبر مو مثل قبل وهعرف اختي الانتظار تعبنا وملينا الصبر
والله يسهلج وسهل لكل العراقين

[ام بكر]

زين اخويه على اني هسه ما اكدر احول ملفي على غير دوله ؟

[علي ياسين]

اختي خابري اليو ان وشرحيلهم ضرفج وأسئليهم وهم عرفون زين الضوابط اكثر مني ومنج

[ام بكر]

شكرا جزيلا اخ على جزاك الله خير

[هرمز بنيامين]

مرحبا اخواني واخواتي

حسبي والله ونعم الوكيل على اليوان على الي ديسووه بينا

البارحة شفت عائلة كانو جايين بالشهر العاشر المضى واحنة صارلنا هنا سنتين وشهرين وتصدقون ان هذه العائلة هسة صارو ويانة ينتظرون طيارة؟!!! يعني ليش هاي التفرقة بالفايلات؟!!!

وهسة من قريت موضوع الاخت ام بكر اتذكرتهم والله
يعني ناس يركضون بالملقات مالتهم وناس هامليهم على الاخر!
عيني ام بكر راجعو كل شهر مرة واحجو وياهم بعين حمرة هذول اله هيج ياله يجون وانتو اذا بعدكم ما تحولتو على ال ICMC فلا تحجون وياهم احجو وية الامم
عيني حاولي انتي تروحين وتحجين وية الست منال لان هي كلش حبابة وتحب تساعد اشرحيلها وضعكم وكليلها شكد صارلكم من سويتو مقابلة التوطين.

[ام بكر]

رحم الله والديك خويه هرمز والله احنا بس نخابر ونراجع يعني ميفوت اسبوع اذا مو اقل شي مرتين مخابرين وجماعه اليو ان يكولون احنا معلينه ملفكم طلع من يمنا .و هذا ابو icmc ميتحجى وعليه فد اسلوب مستفز بالكلام عبالك ديحجي وي زعاطيط .
المهم رح اخابر على هاي البنيه منال بلكي اتسويلنا شي . والله كريم
بس اريد افتهم ليش التفرقه بالملفات يعني اذا عالتهديد الكل متهدده  واذا عالحالات الانسانيه اني افرض من غيري لان ابني مريض يعني شنو المطلوب اكثر من هيج ؟؟؟؟اني صارلي 11 شهر هنا مقابلت بس توطين يعني نص الطريق بعدني مشفته . ساعة السوده اللي جيب بيها هنا
والله من وره icmc كمت افكر انقل ملفي لغير دوله لان الظاهر احنه مشتولين هنا بكل الحالات .
اعتذر اخواني على كلامي بس من كد ما اعصابي تلفانه ما اعرف شسوي .
تحياتي الكم

[بسيم ماموكا]

شلونكم اخواني الاعزاء
ابشركم قبل قليل تم الاتصال بيا من قبل موضفه ICMCلأستلام النتيجه يوم 27
اني قابلت يوم 2\5 فلي مقابل بهل الايام راح يتصلون بيه يارب
هذا كله من دعائكم
اتمنى الخير للجميع والسفر في اقرب وقت

[علي ياسين]

الف مبروك وانشاء الله قبول

[حسون941]

الف مبروك اخي بسيم وشايف كل الخير وبالتوفيق انشاء الله

[هرمز بنيامين]

مبروك حبيبي
ان شاء الله قبول


علي اخوية شلونك مشتاقين

[ام بكر]

مبروك اخويه بسيم الله يسهل امركم ونسمع خبر السفر انشالله

[ابو فله]

اخوان اريد واحد مخضرم علمود يجاوبني
اني مخلص كولشي حتى الدوره الثقافيه والفحوصات وخابرو الكفيل وكلوله فد شهرين يكونون يمك وفاتت الشهرين وماكو لاحس ولا نفس واليوم خابرت كلي ابو الشعر الطويل بعد الامنيات مخلصانه
يكدر احد يفهمني شنو السالفه
ومشكورين

[ابو فله]

علما مقابله الوفد مالتي جانت1/14/2011 واني صاحب عائله من اربع اشخاص
ومع تمنياتي للجميع بالموفقيه

[هرمز بنيامين]

عيني ابو فلة الزم سرة اخوية لان محسوبك كلشي مخلص من الشهر العاشر 2010 وبعدنا هنا.

حاليا ماكو مواعيد سفر غير بس 3 عوائل بالشهر السادس، هذول الي نعرف بيهم يمكن حضرتك سامع بغير ناس ما نعرف بيهم احنا


سلامي واحترامي

[ابو فله]

حبيبي تسلم علاجابه , بالنسبه النه احنا ابعاد عن بيروت ومسامعين اكو احد طلعله سفر . هسه منريد انسافر خلي بس جم واحد يطلع علمود يصيرنه امل . والله صار بينه حاله نفسيه .يعني حتى اذا طلعنا لامريكا مراح نطلع صاخ
مع تمنياتي للجميع السفر القريب

[ابو فله]

عفوا خوني هرمز
ليش سالو الكفيل عن مكان السكن الي عنده اذا يكفي للعائله اولاء وليش كلوله بعد شهرين اكون يمه
حسب علمي انو ميخابرون الكفيل الا يقرب موعد السفر

[المهــــاجــر]

مســــــاء الخيـــــر اخونـــي العراقييــــــن
بسيم ماموكا..الف الف مبرووووووك انشاءالله قبول يارب وترتاح من المقابلات ودوخة الراس وما يبقالك الاّ الشيء القليل ها اذا ما طلعولك امنيات لا سامح الله حالك حال الربع..والله كريم

الاخ ابو فلــة..مخابرة الكفيل هذا شي روتيني وعادي المهم انك خلصت كلشي ..بس اللي يخوف هو كلامك بخصوص ابو الشعر الطويــــــــــــــــــــــــــــل فهنـــا يرادلك خلك طويـــــــــــــــــــــــــــــــــل وخاصة تكول كلك عندك امنيات وبعدها ما خلصت ..
انتضر اخويا حالك حالي وحال الاخ هرمــز بنيامين وريم عبد ووووووووو الخ احنا عبرنا السنة من الانتضار واحتفلنا قبل كم يوم بمناسبة مرور سنة على الأمنيات هههههه... يلا رح ندخلك ويانا بجمعيــــة الأمنيـــــات هههههه
ولا تضوج من هذا الحجي شويا شويا راح تتقبل الأمر وتصير عادي بس بالبداية صعبة ..لا تنسى شعارنا تباً للمستحيل..
مــع تمنياتي للجميــــــع بالســـفر القريب.
الأخ هرمــز .. البارحـــة سمعنا يعني خبر اكيد عائلة من السفير الواحد انطوهم موعد سفر بشهر السادس

[هرمز بنيامين]

خوني ابو فلة هاي المهاجر انطاك الجواب الشافي
عيني لا تضوج احنا جلدنا دبك من الانتظار وهسه هم انتو تتعلمون ههههههههه

ندعو من الله الفرج القريب على الكل يا رب


اخوية المهاجر بالنسبة لهاي العائلة يعني قصدك مقابلين وفد بشهر الواحد؟
جا احنا شبينا جماعة الشهر العاشر خلي يمشونا احنا!!!

اكلك تعرفة عمي يعقوب هذا الختيار السمين يكعد يم المحل مال خضرة؟؟؟ حتى هو جماعتك من الشهر الخامس

[ابو فله]

اني اشكركوم على مشاعركم الطيبه ................وعلمعلومات الي قدمتولي اياها
بس اريد اسال عن كلمه دا اقراها اهوايا بدردشه مالتكم (محلف) شتقصدون بيها ؟
وشوكت الواحد يسويها؟

[ابو فله]

بالنسبه لجمعيه الامنيات بيها راتب ؟هههههههههههه
اذا بيها دخلوني الف رحمه على والديكم لان راح نصير حدايق تالي زماننه
من استاذ الى حديقه بعلم الشعب هههههههههههه يله تهون

[ابو فله]

 شكرا جزيلا اخ يدكو مع تمنياتي للكل بالسفر القريب

[هرمز بنيامين]

بالنسبه لجمعيه الامنيات بيها راتب ؟هههههههههههه
اذا بيها دخلوني الف رحمه على والديكم لان راح نصير حدايق تالي زماننه
من استاذ الى حديقه بعلم الشعب هههههههههههه يله تهون

 هي بصراحة ما بيها راتب بس يوزعون مغذيات... كل اسبوعين ينطوك بطل ههههههه

اما عن المحلف يا صديقي بمعناه السفير واوقات يستعملون كلمة (الوفد)... هذول كلهم نفس المعنى

[ابو فله]

تسلم اخ هرمز على الاجابه
بالنسبه لابو الشعر الطويل من خابرته البارحه حتى مسالني عن رقم ملفي بس هوا علمود يفوتني من راسه كلي انه بعد الامنيات مخلصانه
 
والله يا اخوان اني اضن تورطنه بجيتنه اللبنان لان بتركيا طلعو عوائل وشباب جايين بعدنه مع العلم اني مشتغل ويه الجماعه وهنا ابلبنا ن لبسونه , يعني مطولو 6 اشهر  يعني هذا مو ضلم , الواحد لويش يطلع غير لعبانه نفسه من الوضع لو متهدد
يعني يا اخوان الواحد المضلوم وين ميروح يبقه مضلوم 
 بس يله احنا انكول نخلي عيننه ابعين الله وهوا اليفتحها ابوجهنه وانشالله خير للجميع يارب

[A.S.A.D]

اشلونكم شباب زينين ان شاء الله
الحمدلله اليوم استلمت نتيجة المقابلة وانطونه قبول مبدائي للكل
ننتظر والله كريم

[حسون941]

الف الف مبروك اخي A.S.A.D وانشاء الله السفر القريب

[A.S.A.D]

الله يبارك بيك اخويه حسون وان شاء الله نفرح يوم سفرك

[ابو فله]

تسلم اخ هرمز على الاجابه
بالنسبه لابو الشعر الطويل من خابرته البارحه حتى مسالني عن رقم ملفي بس هوا علمود يفوتني من راسه كلي انه بعد الامنيات مخلصانه شنو رأيك

[ابو فله]

اخ a.s.a.d مبروك وانشالله يوم  موعد الطياره الك وللجميع يارب

[علي ياسين]

الف مبروووووووووووووك حبيبي A.S.A.D

والسفر السريع انشاء الله للجميع

[ام بكر]

الف الف مبروك اخي A.S.A.D وانشاء الله السفر القريب

[هرمز بنيامين]

مبروك اخوية ASAD
ان شاء الله يوم السفر

[A.S.A.D]

اخويه علي ياسين
واخويه هرمز
واخويه ابو فلة
وام بكر شكرا الكم جميعا
ويوم اللي نفرح بسفركم ان شاء الله باقرب وقت باذن الله

[هرمز بنيامين]

عيني ابو فلة هذا ابو شعر دائما هيج هذا الجواب يكوله للكل (بعدكم بالامنية اذا اكو شي جديد احنا نخابركم)

[ابو فله]

حبيبي اخ هرمز مشكور على جوابك وانشالله  التوفيق للجميع

[المهــــاجــر]

اخ A.S.A.D  الف الف مبرووووووووك القبـــــول وانشاءالله راح تسافرون باسرع وقت ممكن..
الأخ بسيم ماموكا انشاءالله انت هم تكون قبلوك وانا من قريت رسالتك كلت انشاءلله تنقبلون..
الأخ ابوفلــة ..جواب الأخ هرمــز هم كفا وفـــّا ..اما بخصوص الراتب راح يجمعوا الــك ومن هناك راح ينطوك اياه هههههههههه
اما بخصوص الشعر الطويــل هي هاي لازم تطول بالــــــك مثل شعرا ولا دير بال احنا كلنا اخوتــك ويــاك على الدرب..
اخ هرمز ..اي هاي العائلة الكتلك عليها مسوين السفير بشهر الاول..اما بخصوص عمو يعقوب تقصد هم امطو موعد الطيارة وشوكت؟؟
يـــلا لا ديرون بال كلنا راح نســـــــــــــــــــــــافر اصيرو شـــــوي  ترى كل ضيقة بعدهــــا فرج .بس نخاف الفرج لا يـــوكع من فوك الدرج هههههههههههههه وتتــأجــل المواعيــد...ولا تنسى  الرمال المتطايــــرة من البركــــااااااااان همين ههههههه ولله ما تعرف منين تجيــــك المشــاكل؟؟؟ تحياتي للجمـــــع .. خلوني اقدملكــم هاي الهديـــة وهو بيت شــعر..
{ كــل النـــاس طبيعييـــن ...
بس انتم الكـــم ميــــــزة..
تـدخـلــون القلــب تهــريــب..
مــا تحتـــاجــــون الى فيــــــزا}ههههههه

[A.S.A.D]

حبيبي المهاجر الله يبارك بيك واشكرك هوايه اخويه
ان شاء الله يوم سفرك وبافرب وقت
تحياتي الك

[حسون941]

مرحبآ اخواني واخواتي الاعزاء
انا قابلت مقابلة توطين وكنت اود توطيني يكون على كندا لأن اقاربي هناك ولكن للأسف الشديد قال لي الموظف لا يوجد توطين على كندا حاليآ
فقط على امريكا ولم يكن امامي غير هذا الخيار و وقعت على امريكا مجبرآ رغم الحاحي على الموظف الذي كان جدا متفهمآ ومتساهل معي لكن دون جدوى لأن ليس بيده شي
سؤالي احبتي ولو دوختكم وياي (1) هل يوجد طريقة بتقديم طلب او اي شي لليو أن لتحويل توطيني الى كندا والنظر في امري بدلآ من امريكا؟
(2) هل في مقابلة icmc عندما يرى الموظف كفيلي في كندا هل لديه الصلاحية لتغيير توطيني على كندا؟
مع جزيل الشكر مقدمآ احبائي
تحياتي

[ام بكر]

خويه حسون بدون زحمه انته شوكت قابلت توطين ؟
لان اني دا افكر احول على غير دوله لان موضف icmc سودها وقفلها بوجهنا . الله يقفلها بوجهه وين ما راح

[هرمز بنيامين]

والله يالمهاجر الفرج ما وقع من الدرج وقع من السطح هههههههه

هذا عمي يعقوب قائد عمليات الجديدة هههههه لا خطيه ما ماخذ موعد س هو رجال طيب وكل العالم تعرفة وكلت يمكن هم انت تعرفة بما انه هو من وجبتك بالوفد.


حبيبي حسون كل ما اقرة اسمك اتذكر حسون شيل النون قبل كنه نكولهه من واحد يوغف علينا خخخخ
نصيحتي الك حبيبي لا تحول ملفك لان اليوان على حجة حتى يأخرون الواحد عيني بين امريكا وكندا ماكو شي انت اضمن امريكا وعود مناك روح لكندا احسن ما تضيع عليك المشيتين.

[حسون941]

خويه حسون بدون زحمه انته شوكت قابلت توطين ؟
لان اني دا افكر احول على غير دوله لان موضف icmc سودها وقفلها بوجهنا . الله يقفلها بوجهه وين ما راح

اختي العزيزة ام بكر انا قابلت بدايه هذا الاسبوع والله كريم،والظاهر شغلة التحويل على غير دولة مو سهلة.
الله يفرجها عليكم ويتصلون بيكم باقرب وقت ومن الله التوفيق .

[حسون941]

والله يالمهاجر الفرج ما وقع من الدرج وقع من السطح هههههههه

هذا عمي يعقوب قائد عمليات الجديدة هههههه لا خطيه ما ماخذ موعد س هو رجال طيب وكل العالم تعرفة وكلت يمكن هم انت تعرفة بما انه هو من وجبتك بالوفد.


حبيبي حسون كل ما اقرة اسمك اتذكر حسون شيل النون قبل كنه نكولهه من واحد يوغف علينا خخخخ
نصيحتي الك حبيبي لا تحول ملفك لان اليوان على حجة حتى يأخرون الواحد عيني بين امريكا وكندا ماكو شي انت اضمن امريكا وعود مناك روح لكندا احسن ما تضيع عليك المشيتين.

حبيبي هرمز انا هم اتذكرها مال حسون شيل النون ههههههه
والله يا عزيزي هرمز كلامك صحيح وعلى الراس لكن هل من حق اللاجى اذا وصل بالسلامه لأمريكا يروح الى كندا ويستقر بيها؟
لو فقط زيارة؟ واذا يصير كم الفترة؟ طبعآ اكيد دوختك بأسئلتي انا آسف
واشكرك حبيبي هرمز والله يوفقك ويسهل امرك
تحياتي

[ابو فله]

السلام عليكم اخوان
طبعا يا اخوان ذكرتوني باحلى ايام ابحياتي الجامعيه ولمت الاصدقاء
اخ حسون مثل مكالو الاخوان زين وقعت علمود لتضيع المشيتين لان كندا حسب مااعتقدشوي صعبه
الكفيل مالتي ابمشكان بمنطقه اسمها دوكتور ستيرلنك هايتس وتبعد كندا ساعه وحده بالسياره
فتبقى انته وقناعتك لان اذا رفضت امريكا بعد متقبلك حسب علمي
واذا رحت لامريكا متكدر تروح الكندا الا تاخذ بطاقه الكرين كارد
واتنمى التوفيق للجميع

[ابو فله]

اخ حسون بالنسبه للجزي الثاني من السوال
موضف ال اي سي ام سي حسب اعتقادي ماعنده صلاحيه يحولك ملفك لانه هو موضف مختص بالمعاملات الي الها علاقه بالهجره الى امريكا
اذا تريد ترفض راح يرجعوك للتوطين وتعال اخذ ليل وجر عتابه
 طبعا هاذا رايي الخاص حسب علمي فارجو من الاخوان اذا اكو اي اضافه على موضوع الاخ حسون
او واحد عنده خبره اكثر ان يجاوبه عالموضوع
مع تمنياتي للكل بالسفر العاجل

[ام بكر]

يارب افرجها على جماعه لبنان والكل تسافر يارب ... انك قادر على كل شيء

[حسون941]

السلام عليكم اخوان
طبعا يا اخوان ذكرتوني باحلى ايام ابحياتي الجامعيه ولمت الاصدقاء
اخ حسون مثل مكالو الاخوان زين وقعت علمود لتضيع المشيتين لان كندا حسب مااعتقدشوي صعبه
الكفيل مالتي ابمشكان بمنطقه اسمها دوكتور ستيرلنك هايتس وتبعد كندا ساعه وحده بالسياره
فتبقى انته وقناعتك لان اذا رفضت امريكا بعد متقبلك حسب علمي
واذا رحت لامريكا متكدر تروح الكندا الا تاخذ بطاقه الكرين كارد
واتنمى التوفيق للجميع

اخ حسون بالنسبه للجزي الثاني من السوال
موضف ال اي سي ام سي حسب اعتقادي ماعنده صلاحيه يحولك ملفك لانه هو موضف مختص بالمعاملات الي الها علاقه بالهجره الى امريكا
اذا تريد ترفض راح يرجعوك للتوطين وتعال اخذ ليل وجر عتابه
 طبعا هاذا رايي الخاص حسب علمي فارجو من الاخوان اذا اكو اي اضافه على موضوع الاخ حسون
او واحد عنده خبره اكثر ان يجاوبه عالموضوع
مع تمنياتي للكل بالسفر العاجل

اخي العزيز ابو فله انا اشكر اهتمامك بالموضوع والرد عليه
التوفيق للجميع والله كريم وكله بيد الله
اتمنالك كل الخير وانشاء الله يتصلون بيك عن قريب ويحددون موعد الطيارة بأذن الله
تحياتي للجميع

[A.S.A.D]

 شكرا اخويهORKAY الله يبارك بيك ويحقق كل امانيك

[ابو فله]

اخي حسون اني بخدمه الطيبين
وانشالله يارب الكل يسافرون ويرتاحون من عذاب الانتضار

[ابو فله]

اخي حسون اني بخدمه الطيبين وانشالله يوم سفر الكل والراحه من عذاب الانتضار
بالنسبه لجميع الاخوان الي مخابرين الكفيل مالتهم والممخابريه وانشالله يخابروه
اريد استفهم عن مخابره الكفيل يعني من الضروري يوقع لو بس حجي بالتلفون لان اني سالت جماعه جانو وياي بالدوره خابرو الكفيل مالته وكلوله يجي ايوقع وبالنسبه لكفيلي بس حجو وياه بالتلفون وبس ومكلوله تعال وقع
فارجو من الاخوه اللذين اتصلو بالكفيل مالتهم يوضحولي وشكالو للكفيل بالضبط
 مع تمنياتي الحاره لكل الاخوه والاخوات المحترمين
وانشالله الكل يسافرون واني ابقى اخر واحد ومن كل كلبي

[ابو فله]

اصديقي واخي حسون اني برسم الخدمه
بس راح احاول اكون صريح وياك
هيه الكرين كارد تاخذها بعد سنه من وصولك لاميركا وبهاي الفتره ميصير تطلع لخارج اميركا طبعا لمصلحتك
بس تدري الاجراءات والروتين او ودي وجيب  تاخذ 3 اشهر
يعني انته ابسنه و3 اشهر انته اكيد و%100 محصلها
واني دا احجيلك حجي مال محامي كفيلي والمحامي مالتي باميركا لان اني هم اريد ازور عمتي الي باستراليا
واني حاضر لاي استفسار اخر

[هرمز بنيامين]

والله اخوي ابو فله بالنسبة النا احنا كفيلنا وقع اوراق بس ما اعتقد هذا الشي اله اهمية هذا الاتصال شي روتيني. احنا قابلنا بنهاية الشهر العاشر 2010 وكفيلنا وقع الاوراق بشهر الواحد وفرحنا بوقتها هواي لكن من سالنا عن هذا الشي بالدورة التثقيفية كالنا ابو الدورة انه هذا الشي روتيني وهو بس اجراء تتخذة اليوان حتى يعرفون عندك كفيل لو هم يشوفولك واحد

اما بالنسبة الخ اخوي حسون.. توكل وروح على امريكا ومهما يكون الطريق من امريكا لكندا اسهل بهواااااااااااااااااااي من الطريق من لبنان لكندا وكلام الاخ ابو فلة بالنسبة للكرين كارد صحيح من تاخذ الكرين كارد تقدر بكل سهولة تروح لكندا وهناك تقدر تسأل ناس يفتهمون بالقانون شلون تقدر تبقى هناك... اما مسألة التحوي شيله من بالك والله اعرف ناس صارلهم سنين هنا على سالفة التحويل لان رفظو اميركا وما رادوها.


سلامي واحترامي

[بسيم ماموكا]

شلونكم اخوتي الافاظل
اليوم رحنا على الموعد واستلمنا النتيجه وموعد الفحوصات
وكانت النتيجه قبول مبدئي

بس الي حجاه الموضف ابل شعر ميطمن حجيه
يكول اكو عدكم اربع مراحل على ان تصعدون بلـ طياره مال ابوه
كل مرحلة 25%لمه يكملون 4 مراحل راح تصير 100%وينطونا موعد تقريبا من اربع اسابيع الى ستة اسابيع
ونسافر
لآن امريكا عدها قوانين جديده
برئيكم
اجكد راح نخيس اهنا ونسافر

[/size][/color]

[هرمز بنيامين]

اخوية بسيم اولا مبروك على القبول وان شاء الله يوم السفر

قبل كان السفر من بعد مقابلة السفير ب 4-5 اشهر بس حاليا منعرف... انتظر رحمة الله حبيبي

[حسون941]

اصديقي واخي حسون اني برسم الخدمه
بس راح احاول اكون صريح وياك
هيه الكرين كارد تاخذها بعد سنه من وصولك لاميركا وبهاي الفتره ميصير تطلع لخارج اميركا طبعا لمصلحتك
بس تدري الاجراءات والروتين او ودي وجيب  تاخذ 3 اشهر
يعني انته ابسنه و3 اشهر انته اكيد و%100 محصلها
واني دا احجيلك حجي مال محامي كفيلي والمحامي مالتي باميركا لان اني هم اريد ازور عمتي الي باستراليا
واني حاضر لاي استفسار اخر

خادم ربك اخوي ابو فله ,رحم الله والديك و الله يبارك بيك ويجازيك بالخير
اشكرك على هذه المعلومات والله يوفقك وانشاء الله السفر القريب الك وللجميع
تحياتي

[حسون941]

والله اخوي ابو فله بالنسبة النا احنا كفيلنا وقع اوراق بس ما اعتقد هذا الشي اله اهمية هذا الاتصال شي روتيني. احنا قابلنا بنهاية الشهر العاشر 2010 وكفيلنا وقع الاوراق بشهر الواحد وفرحنا بوقتها هواي لكن من سالنا عن هذا الشي بالدورة التثقيفية كالنا ابو الدورة انه هذا الشي روتيني وهو بس اجراء تتخذة اليوان حتى يعرفون عندك كفيل لو هم يشوفولك واحد

اما بالنسبة الخ اخوي حسون.. توكل وروح على امريكا ومهما يكون الطريق من امريكا لكندا اسهل بهواااااااااااااااااااي من الطريق من لبنان لكندا وكلام الاخ ابو فلة بالنسبة للكرين كارد صحيح من تاخذ الكرين كارد تقدر بكل سهولة تروح لكندا وهناك تقدر تسأل ناس يفتهمون بالقانون شلون تقدر تبقى هناك... اما مسألة التحوي شيله من بالك والله اعرف ناس صارلهم سنين هنا على سالفة التحويل لان رفظو اميركا وما رادوها.


سلامي واحترامي

اشكرك حبيبي هرمز بنيامين على النصيحة القيمة وما قصرت بالرد , الله يوفقك والسفر القريب بعون الله الك ولكل الناس الطيبين
والله يقدم ما بيه الخير .
تحياتي
اخوك حسون

[حسون941]

شلونكم اخوتي الافاظل
اليوم رحنا على الموعد واستلمنا النتيجه وموعد الفحوصات
وكانت النتيجه قبول مبدئي

بس الي حجاه الموضف ابل شعر ميطمن حجيه
يكول اكو عدكم اربع مراحل على ان تصعدون بلـ طياره مال ابوه
كل مرحلة 25%لمه يكملون 4 مراحل راح تصير 100%وينطونا موعد تقريبا من اربع اسابيع الى ستة اسابيع
ونسافر
لآن امريكا عدها قوانين جديده
برئيكم
اجكد راح نخيس اهنا ونسافر

[/size][/color]

مبروك اخي بسيم ماموكا على القبول و السفر القريب انشاء الله

[** يدكو **]

اخوان مثل ماذكرت قبل فتره بانو راح يفتحون السفر للاجئيين بصوره عامه فهذا الشي راح يكون قريب ان شاء الله وحسب ماسمعت من اكثر من مصدر واحد رسمي والبقيه اصدقاء بان الاشهر القليله القادمه سوف يصل عدد كبير من اللاجئيين الى امريكا فاستعدو بانفسكم اخواني ( تفألو بالخير تجدوه ) ان شاء الله باقرب فرصه ...

تحياتي لكم

اخوكم

يدكو . كاليفورنيا

[ام بكر]

اخويه بسيم نفس الحجي سمعناه من ابو شعر . والشغله بقت يم الله بلكي يسهل امرنا تمشي الامور شويه
الله كريم . مشكور اخويه يدكو عالاخبار الله يوفقك

[IMMIGRANT2]

يمعوديين اهل لبنان ماكو شي جديد شو هادئ الكروب ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

[ابو فله]

اخ يدكو
اشكرك علاخبار والله يبشرك بالخير ويسهل كل امورك
وانشالله الكل يسافر يا رب

[ابو فله]

مساء الخير اخواني المحترمين


اشو صنطه ماكو اخبار


كولو يا الله اخواني ومثل ميكول المثل المصري     ازمه وتعدي
وانشالله ربنا هوا  الي راح يفرجها علينا

[هرمز بنيامين]

مرحبا اخواني شلونكم

اليوم خابرني كفيلي من كاليفورنيا وكلي بالحرف الواحد انه منظمة (ويلفير) قالت انه رح يستقبلون عراقيين هواي بالاشهر القليلة المقبلة


وتأكد كلامي من شفت جاري الي هم هو ينتظر موعد سفر وكلي اكو هواي ناس ماخذين مواعيد بيوم 2/6 و15/6 الى امريكا


ان شاء الله خير

[IMMIGRANT2]

بارك الله بيك اخ هرمز بنيامين على هاي الاخبار الحلوه.

[حسون941]

اخبار حلوة وتبعث الامل
عاشت الايادي والتوفيق للجميع انشاء الله

[أبو فله]

اخ هرمز عاشت ايديك على هلاخبار
وانشالله التوفيق من الله

[علي ياسين]

اتمنى ان يكون الجميع بخير
شنو اخباركم ....ماكو اخبار على السفر انفتح لو بعد

[بسيم ماموكا]

اخبار جميله اخوني هرمز
ويارب التوفيق للجميع
بس مشكله طلعتنا هاي الامنيات الجديده بس ربك يعرف اجكد طول

[ابو فله]

كولو يا الله اخواني

[علي ياسين]

يا الله        يا الله      يا الله
ما عدنا غير الله يسهلنا ويصبرنا

[هرمز بنيامين]

ابو فلة شنو قصتك وية التماثيل؟؟ شو قبل كنت تخلي تمثال الحرية وسهة حاطلنا تمثال حريصة ههههههه

دا اتشاقة وياك حبيبي

شلون الشباب

يابة سمعنا ناطين مواعيد سفر جديدة بس ما عرفنا التفاصيل
اذا وصلي شي رح ابلغكم ان شاء الله

[لبد بابح]

مرحبا اخوان
اني اخوكم جديد بالمنتدى وعندي  فد استفسار
اني مخلص كولش ابشهر الثاني (الفحوصات + الدوره الثقافيه)ومتصلين بالكفيل مالتي ولحد الان ماكو شي
اكو احد يكولي شنو القضيه وشوكت نسافر؟
مع شكري لجميع اعضاء المنتدى




                  اخوكم المضلوم بابد نمو

[ابو فلة]

اخوني بشره ساره ترى بدو ينطون مواعيد يوم 16-6 لعائله جانت بالوفد مالتنه انشالله خير اخواني وانشالله للكل يا رب واتمنى من اخواننا الضالين ان يشوفو اطياف الشعب العراقي كولهه  بهاذا المنتدى شلون  يفرحون من يسمعون اخبار حلوه تخص اخوانهم  واتمنى ان يتعلمو لان الحياه دائما تعطي فرص جديده تخلي الواحد يصلح اخطاءه .ولو طولتهه  عليكم وانشالله خير

[المهــــاجــر]

مساء الخير اخوانــــــي انشاءالله مرتاحين هسا اكثر من كبل..
اني اليـــوم هم ســمعت انو انطــو مواعيد لعائلتين من سفير الشهر الأول والمواعيــد 26  و29 \6  وهذا الشهر السادس هم خلص ..يلا مو مشكلة المهم انطو مواعيـــد وانفتح السفر وانشاء الله راح نلزم الســــرة كلنـــا ..صبرنا كثير وما بقى الاّ  القليل
تمنياتي للجميــــع بالســـــفر القريـــب

[ابو فله]

يله بيها الخير وانشالله يوصلةن بالسلامه همه السابقون ونحن اللاحقون وانشالله الكل يسافرون امين يارب

[ابو فلة]

السلام عليكم اخواني
اشو هدوء يمعودين
شنو السالفه ماكو اخبار
حلوه ؟ بشرونا الله يبشركم
بالخير انشالله 

[هرمز بنيامين]

مرحبا اخواني
اليوم كان اكو اجتماع بكاريتاس (الفنار) والموضوع كان عن الغرامة المالية

اني ما رحت طبعا لان كنت بالشغل بس سألت ثنين عن الاجتماع وكل واحد منهم حجة شي عكس الثاني شلون ما اعرف!!

على كل حال واحد منهم قال انه الكاريتاس رح يوزعون استمارات حتى نمليه حتى يسوون التسوية مالتنة وية الامن العام علمود الغرامة وقال انه رح يدفعون 200$ لكل شخص عن كل سنة

والثاني قال انه هم ما قالو هيج... بس حجو انه ابو الشغل لازم يسويلنا اقامة!!

اني ابو الشغل اذا اكلة اريد فرصة يوم عبالك طلبت منه روحة لو اكلة على الاقامة ما اتوقع شنو رح يسوي!!

[ام بكر]

مرحبا يا جماعه
هاي الشغله مال الاقامات تشمل اللي جاي بطياره _سياحه
لو بس الخلسه

[مائده نزهت]

عفية اكو احد عنده اخبار عن كندا  ؟

[ابو فله]

صباح الخير اخواني الاعزاء
اريد اليوم ابشركم الشهر السادس الضاهر قبط
وبلشو ينطون مواعيد ابشهر السابع وتقريبا عشر مواعيد
فالله كريم اخواني ونشالله الله ما ينسه عبده

[ابو فله]

طبعا اخواني هاذا الخبر نقلا عن صديقي من جماعه وفد الشهر
الواحد جان عنده مراجعهه للامم اليوم  وكلوله احنه نخابركم اذا اكو شي وحسب الكلام الي
 سمعه السفر مستمر  باعداد كبيره انشالله ولنهايه الشهر التاسع
فلنتفائل بالخخير عسى ان نجده


          اخوكم ابو فله

[ابو فله]

طبعا يا اخوان ان عتبي عالاخوان
 الدتجيهم مواعيد وميكولون يخافون من الحسد وهمه امكضيها
 يفوت ضيف بس يقره الاخبار  ويطلع . والله يا اخواني بالعكس نفرح
وانشالله الكل يتوفق مع احترامي الكبير لمنتدى عين كاوه وللاداريين
والاعضاء وللضيوف جميعا


              اخوكم ابو فله

[علي ياسين]

يا الله....الله يسمع منك

[حسون941]

عاشت ايدك اخويه ابو فله على الاخبار الحلوة ونتمنى الخير والموفقية للجميع
تحياتي

[هرمز بنيامين]

ان شاء الله تفرج

[ابو فلة]

صباح الخير اخواني البارحه جان يوم حلو لان انفرجت على بعض الاخوان بلكي اليوم يكون احلى  والتوفيق للكل يارب

[ابو فله]

اخ orkay  انته النور اخويه العزيز
بلكي اليوم الاخوه يبشرونه
من الصبح كاعد وكل شويه افوت على المنتدى
وانشالله تنفرج اخواني متبقى هيج

تحياتي  لجميع الاخوه والاخوات 

[علي ياسين]

صباح الخير اخوان انشاء الله زينين

اني سمعت من اكثر من واحد انو اكو مواعيد سفر وانو اكو 20 ملف من وفد شهر الاول ناطيهم مواعيد سفر
اخوان اتوقع فعلا خلال اسبوع او اسبوعين نبدي نسنع بكثرة اخبار عن السفر

[ابو فله]

الله كريم اخواني بس لازم متبطلون صلاه ودعاء
واهم شي خلو الحجيات تدعيلنه
الله يفرجها عالكل

[مايكل اندريه85]

يارب يارب ان شاالله تفرج على الكل والكل يسافر ويرتاح ويسمع اخبار طيبة

بس لاتنسوني ......... من تسافرون اتذكروني

اخوكم ماركوس 

[ابو فله]

تدللل اخويه ماركوس وانته على راسنه من فوك على كولت الللمبي .....................بس خلنطلع ههههههههه
انشالله كل العراقيين اللاجئين الي بدول الجوار ينالون مرادهم ويرتاحون لان هلكنه واكو مثل يكول
حتى الحديد من كثر الدك هم ينكسر ................... فالله يساعدنه احنهالعراقيين الي ما فد يوم
شفنه يوم بيه راحه


            اخوكم ابو فله[/color][/size]

[حسون941]

مرحبآ اخواني وخواتي شلونكم يا طيبين
والله يا جماعة احنا ما عدنا غير الله نلتجأ اليه هو يعينا ويفرجها علينا
لأن صدك تعبنا هوايه من التفكير .الله كريم
يا رب افرجها على كل الناس يا الله
تحياتي

[هرمز بنيامين]

امين امين اميـــــــــــــــــــــــــن

[علي ياسين]

صباح الخير والسفر والمعنويات العالية

[علي ياسين]

اصدقائي شوفو هذا الموظوع(خبر ومعلومة جديدة ثلاثة مواعيد سفر للعراقيين من لبنان ) ....اخاف فاتكم

http://www.ankawa.com/forum/index.php/topic,509973.0.html

[ابو فله]

مبروك عليهم ويوم ال النه كولنه
ومشكورين اخوان على نقل هذا الخبر يا ابطال

[ابو فله]

يله اخواني شدو الهمه وحضرو الجنط
تره اخوكم ابو فله جاهز وعلى اهبة الاستعداد من قبل شهرين
انشالله الطياره امول 900 راكب تكون  كولهه عراقيين ههههههههههه
هاي احلام اليقضه اخواني وانشالله تتحقق بجاه ربي الما ترك وميترك عبده حاير


      ابو فله

[علي ياسين]

امين اخوي ابو فلة وانشاء الله عشرة طيارة ام 900راكب وكلهم عراقين حتى بكي يجين الدور احنة جماعة الوفد الاخير ههههههههههههههههه...لان اذا ظل الوظع هيج معناة احنة يراد بعد سنتين او تلاثة يلة يجينا الدور

[ابو فلة]

اخي العزيز علاوي  لازم العنويات نرفعهه فول ويرادلنه صلاه ودعاء جماعي ‏‏(شلع‏) يله تنفرج ‏  ‏

[علي ياسين]

والله مستمرين بصلات والدعاء وما عدنا غير الله يفرجها علينا

[Illusionist]

الغريب انه لحد الأن ما اتصلوا بي
مع انو سويت مقابلة مع الوفد بتاريخ 19\1\2011، والفحص الطبي بتاريخ 4\3\2011، أماالتوجيه الثقافي فبتاريخ 19\4\2011
و ملفي منفصل كلياً عن ملفات العائلة،

أعتقد انو صار وقت اتلقى اتصال من الجماعة هههههه
لانو الصبر بدأ ينفذ، و بدأت أدرس علم الأرقام كمحاولة لإيجاد منطق علمي للفترة الزمنية التي تستغرقها جميع الاجراءات المتعلقة بسيرورة الملفات

عمر من لبنان

[samieraliraqi]

اخوية عمور ماكو علم للأرقام وية قدرة الباري عز و جل يقول للشئ كن فيكون الله يسهلك بجاه الحبيب محمد انت ولكل عراقي موجود بلبنان واني وياكم ههههههههه مع العلم اني يمكن بعد وكت علية قابلت ب 19/4 و استلمت موافقة مبدأية ب 26/5 وفحص طبي 10/6 والله اليستر
تمنياتية بلموفقية للكل
اخوكم سمير العراقي
لبنان

[علي ياسين]

حبيبي عمر انت كان قبولك نهائي لو مبدئي
لاني سمعت القبول النهائي وفد الاول انطوهم مواعيد

[Illusionist]

علم الأرقام مجرد مزحة هههه، وطبعا الله يسهل أمورنا جميعاً

والنتيجة كانت قبول مبدئي

على كل حال إنشاء الله خير

[هرمز بنيامين]

مرحبــــــــــــــــــــــــــــا اخواني شلونكم

ما شاء الله هالايام اكو رجل بالمنتدى 


يابة اليوم سمعت انه البارحة كانو ناطين موعد لعائلة من 7 نفرات

واعتقد اعتقد خابروهم ساعة 4:30 ... يعني لا تفقدون الامل اله تصير ساعة 5 هههههه

[علي ياسين]

اي حبيبي هرمز انريد بعد اخبار حلوة

[samieraliraqi]

يسلمو اخوية هرمز على الخبر الحلو ولله فرحتنة وجددت امل بينة ونريد نسمع اخبار حلوة بعد منكم يا طيبين وانشاء الله تفرج عليكم و علينا كولو امين
اخوكم سمير العراقي

[A.S.A.D]

اشلونكم شباب ان شاء الله تكونو بخير

[ابو فله]

ها اخواني واخواتي
السلام عليكم ....................ز شلونكم ؟ ادري قلقين ...ههههههه يله تهون وتصير سوالف وداعتكم  ........ماعلينه
شنو السالفه ؟
هم رجعت السنطه مره لخ
نريد بشاير يمعودين
اني اعذروني لان ماكو اي خبر لان دا اشتغل والشغل من الصبح للتسعه باليل والمخبر  مالتي  الي ديجيب الاخبار ماكو  شنو السالفه ما ادري بس لا طفر لامريكا وما ادري هههههههه
انشالله بلكي يكعد عالنت وينقلي اخبار مفرحه  كولو يا الله  وهيه تصفه
بس الله عليكم  شوفو هاي الصوره ..... حتى الطفل ديطلب من الله تنفرج علينه
مع تمنياتي للكل بالتوفيق


                            اخوكم ابو فله

[samieraliraqi]

السلام عليكم اخوية الكريم ابو فلة
انشاء الله ربي الفرج قريب وقريب جدا
اليوم رحت اسوي فحص طبي لكيت 4 عوائل ديسوون فحص طبي هذا يمكن مو هذاك الخبر المفرح بس انو اكو شي اسمة اكو حركة هذا الاسبوع انشاء الله اكو تقريبا شي 60 كيس عدهم فحص طبي لانه هذولة جانو ويانة من استلمنه الموافقة المبدأية بلمناسبة الكل اجاهم موافقة مبدأية الا واحد حرام اجاه رفض
انشاء الله الرفض بعيد عنكم كلكم يا رب وانشاء الله ييسر الامور و السفر القريب

[ابو فله]

اخي سمير تسلم وانشالله الفرج
بس تدري بس افوت عالمنتدى وماكو اخبار جديده الكأبه عندي
توصل للنخاع هههههههه يعني حتى اذا  ماكو شي جديد اتمنى ان
كل واحد يوميه بس  يفوت يسجل حضوره ويسال شلونكم 
اتمنى للكل الموفقيه وانشالله الكول يطلعله موعد بهالشهر




       اخوكم ابو فله

[sura.alfikiky]

اخوان احد يعرف شي عن المقابلات صدك هسة وقفوها لان احنة عدنة مقابلة التوطين اتصلو بينة اوكالو كل المقابلات اتاجلت صحيح هذا الخبر لو لا ارجوكم اريد جواب

[ابو فله]

السلام عليكم
اختي ما اعتقد
لان اليوم انطو لصديق موعد اي سي ام سي
وانشالله ماكو هيجي شي



        ابو فله

[ابو فله]

نسيت اكولج اختي اما بالنسبه لتاجيل بعض المقابلات فهاذا شي عادي هوايه اتاجلو
فسوالي الج هلد انطوج موعد جديد بدل الذي اجلوه؟

[samieraliraqi]

السلام عليكم اخوتي و اخواتي العراقيين الطيبيين الكرام

انشاء الله الاخبار كلهه حلوة اتمنة الكل يسمعون الاخبار الحلوة والكل انشاء الله الفرج القريب الهم والله اني متأمل و متفائل  انو اكو وجبات راح تطلع بشهر ال 7 و 9 و 11    /2011 وانشاء الله الكل طالعين قبل نهاية السنة وكلكم تعرفون نهاية السنة المالية راح يصفون عدد كبير من العراقيين واتمنة من كل قلبي الكل يطلع للخارج.
ومن يتق الله يجعل له مخرجا" ويرزقه من حيث لا يحتسب
انا ولله العظيم دائما اردد هاتان الآيتان بسم الله الرحمن الرحيم "    قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير  (  )   تولج الليل في النهار و تولج النهار في الليل وتخرج الحي من الميت وتخرج الميت من الحي وترزق من تشاء بغير حساب   "
لذا اخوية ابو فلة وكل الاخوة متفقدوا  الامل لأنه الامل بالله سبحانه و تعالى والله قادر على كل شيء

تحياتي للكل
اخوكم سمير العراقي

[Illusionist]

التأجيل شيء عادي، وحدث ذلك معي في تشرين الأول أو الثاني، كان من المفترض أن أقابل الوفد في السفارة ولكن جماعة الأي سي أم سي إتصلوا بي و قالولي أن الموعد تأجل، و كان السبب دخول رئيس الوفد إلى المستشفى بحالة طوارئ، و بعد شهر أو شهرين تم الاتصال بي من جديد لإعطائي موعد جديد و كان بتاريخ 19 كانون الثاني. شيء عادي جداً عسى أن تكرهوا شيئا و هو خير لكم

لا بد أن تفرج يوماً ما

[sura.alfikiky]

اخوان احنة هاي مقابلة التوطين يعني الثانية اوصار 6 اشهر ننتظر من شهر ال11 ليهسة حتى من اتصلو كال اتاجل الموعد المقابلة كتلة بس ملفنا كال لاكلها كتلة زين اشوكت كال مااعرف احنة عود نتصل بيكم اذا اكو احد ديقابل توطين اوهم كلولة اللة ايخليكم كلونة

[Ashurram]

مرحبا اخوان شلونكم

جيرانه انطوهم موعد طيران لاستراليا... وسمعنا انه اكو مواعيد لامريكا بهاي الايام لجماعه سفير الشهر العاشر ومن ظمنهم زكرتيه.

هو شي زين اكو مواعيد لكن مو مثل قبل، نأمل ان ترجع المواعيد مثل قبل ونطلع منا... لان انسمطنا من الحر والرطوبة!!!!

ان شاء الله تفرج

[samieraliraqi]

مرحبا اخوان شلونكم

جيرانه انطوهم موعد طيران لاستراليا... وسمعنا انه اكو مواعيد لامريكا بهاي الايام لجماعه سفير الشهر العاشر ومن ظمنهم زكرتيه.

هو شي زين اكو مواعيد لكن مو مثل قبل، نأمل ان ترجع المواعيد مثل قبل ونطلع منا... لان انسمطنا من الحر والرطوبة!!!!

ان شاء الله تفرج

اي ولله خوية الله يسمع منك لانه قربنة نحمض من ورة الحر و الرطوبة ههههههههههه
تحية الى كل الاعضاء الكرام
اخوكم سمير العراقي

[ابو فلة]

السلام عليكم اخواني الاعزاء
اريد ابشركم
انو الاسبوع الفات انطو مواعيد بحدود
ال 30 موعد بالسادس وبالسابع
حضرو الجنط مالتكم تره انشالله دا احس قريبه شغلتنه
والتوفيق للكل


‏ ‏   اخوكم ابو فله

[Illusionist]

ألف مبروك للمسافرين هم السابقون ونحن اللاحقون
سؤالي هو من أين تأتون بهذه المعلومات الخاصة بمواعيد سفر الأخوة العراقيين؟ هل المصدر هو الإي سي أم سي، ام اللاجئين أنفسهم؟

[ابو فله]

 اخي العزيز اكو مثل يكول الغركان يجلب ابكشايه
اخي العزيز ماكو اي احد ينطيك كلام موثوق ميه بالميه
احنه كولنه نسمع من العراقيين اخوتنا
بس هذا الخبر نقل من صاحبي لان هوا ميفوت اسبوع اذا ميروح للامم
ه
وهذولي التلاثين موعد اني متاكد من 18 موعد اكيد منهم
وانشالله كولنا انسافر لعد لويش متعذبين ومتبهذلين
 

      ابو فله

[ابو فله]

اخي العزيز اما بالنسبه لطريقه السوال التي تدل على التشكيك ا فاني اشكرك

[Illusionist]

أعذرني أخي أبو فله، و اعذر طريقة سؤالي هههه، لا أقصد التشكيك بمعلوماتك ، فلدي مشكلة عويصة مع اللغة العربية من حيث الانشاء...هههههه.... كنت أخذ علامات متدنية ههههه
وبالعكس كل ما أقرء خبر عن مواعيد السفر يتجدد الأمل عندي
ولكن حبيت استوضح منك فقط لان كل محاولاتي للحصول على مثل هذه المعلومات باءت بالفشل ههههههههههه

[ابو فلة]

أعذرني أخي أبو فله، و اعذر طريقة سؤالي هههه، لا أقصد التشكيك بمعلوماتك ، فلدي مشكلة عويصة مع اللغة العربية من حيث الانشاء...هههههه.... كنت أخذ علامات متدنية ههههه
وبالعكس كل ما أقرء خبر عن مواعيد السفر يتجدد الأمل عندي
ولكن حبيت استوضح منك فقط لان كل محاولاتي للحصول على مثل هذه المعلومات باءت بالفشل ههههههههههه

والله ياخويه عادي مشت ههههه
اما بالنسبه للغه العربيه اني هم  مو قوي بيها  ههههه ولهاذا درست الانكليزيه وهم شفتهه كدامي ههههه
نرجع لموضوعنه اخي العزيز بالنسبه لجميع المواضيع الي اقراها  اخذ بس الاستفيد منها وال اقتنع بيها
بس فد سوال الف رحمه على والديك
زين انته وين ساكن حتى ما تسمع اي خبر؟ ز ين شنو هلكد اني مجنص  اسمع اخبار ههههههه دا اتشاقه وياك خوما زعلت ؟ههه
واتمنى للكل السفر القريب

[Illusionist]

ههههههههه و أنا درست اللغة الانكليزية ايضاً، اسهل من العربي ولله هههههههههههه
أنا ساكن في بيروت، ولكني لا اعرف عراقيين غيري وغير العائلة ههههههههههه، صارلي 17 سنة عايش بالحفرة اللي يسمونها لبنان ههههههههه،

البعض انسمطو و بالعض الآخر بدء يحمص من الحر والرطوية، ايه ولله أنا صرت مثل الفحم من ورا ال17 سنة زفت بلبنان هههههههههههههههه، و حتى لا أثير تساؤلات البعض، و يفكرون انو صارلي 17 سنة مقدم عل الأمم،
للعلم فقط قدمت سنة 2006،  و ما سئلت عن ملفي إلا بأيلول 2010

[حسون941]

شلونكم اعزائي الاعضاء الطيبين انشاء الله بخير
يا رب تفرج على الكل والسفر القريب للجميع انشاء الله

تحياتي

[Ashurram]

ألف مبروك للمسافرين هم السابقون ونحن اللاحقون
سؤالي هو من أين تأتون بهذه المعلومات الخاصة بمواعيد سفر الأخوة العراقيين؟ هل المصدر هو الإي سي أم سي، ام اللاجئين أنفسهم؟

اخوية العزيز اني ساكن بسد البوشرية وهنا اذا نملة تاخذ فيزة ثاني يوم المنطقة كلها تسمع اظف الى ذالك انه هواي من الناس يلتقون بالمقاهي واماكن عامة خصوصا مفرق (مار تقلا) وكل واحد ينقل الاخبار الي يسمعه وهيج توصل الاخبار للكل وكلام ابو فلة صحيح (ماكو اخبار موثوقة 100 بال 100) لكن هذا مو معناه انه كل الي نسمعه كذب!!

اني اليوم سمعت عن كم عائلة بمنطقتنا عدهم مواعيد طيران وسمعت الكلام من اقاربهم يعني تقدر تكول خبر موثوق بيه.

[Illusionist]

ههه ممتاز، جيبولنا اخبار طيبة هههه

ليش ما نسوي موضوع خاص بتأريخ مواعيد المقابلة الأولي، الثانية والثالثة، ومواعيد الفحص الطبي، ومواعيد التوجيه الثقافي و مواعيد السفر،

يعني صفحة تختص فقط بتأريخ المواعيد حيث يمنع مناقشة أي موضوع آخر، و على المشترك أن يضع مواعيد فقط وتوايخ فقط لكي لا يضيع الموضوع، أما بالنسبة للأمور الأخري فيمكن مناقشتها هنا، لربما قد يساعدنا ذلك و يساعد الآخرين لتوقع الفترة الزمنية بين أول مقابلة و موعد السفر،

[ابو فلة]

ههههه والله يا خويه انته مو قديم بس انته معتق لو اني ابمكانك والله جان طكيت هههه تره دا اتشاقه اخويه بس الله يساعدك والله فتره كولش طويله  يعني هم الله ميقبلها 4 سنوات مقدم ومطالع
اخويه العزيز تره كول واحد يطلع ابوكته اذا اللله رايد خلي ايمانك بالله
اما بالنسبه للمواعيد المقابلاتت  صدكني يا خويه العزيز  ماكو اي  موعد محدد لاي مقابله اني اعرف عالم ميعرفون يسلمون على ناس من يشوفوهم  سوو تلث مقابلات وطلعو فهي قسمه وربك اذا راد تصير يعني تصير بس لامانع من الموضوع  ليش لاء ولو والله تواريخ نص مقابلاتي انسيتها من وره الامنيه الكشره وبع كم يوم يمكن حتى اسمي انساه هههه
مع تمنياتي للكل بالسفر القريب


‏ ‏   اخوك ابو فله

[احمد لبنان]

 صباح الخير

 شلونكم انشالله زينين
يا جماعه اريد اعرف شخبار الوفد شوكت ييجي
اذا عدكم اي معلومات
 شكرا الكم وتحياتي للجميع

[Illusionist]

ههههه والله يا خويه انته مو قديم بس انته معتق لو اني ابمكانك والله جان طكيت هههه تره دا اتشاقه اخويه بس الله يساعدك والله فتره كولش طويله  يعني هم الله ميقبلها 4 سنوات مقدم ومطالع
اخويه العزيز تره كول واحد يطلع ابوكته اذا اللله رايد خلي ايمانك بالله
اما بالنسبه للمواعيد المقابلاتت  صدكني يا خويه العزيز  ماكو اي  موعد محدد لاي مقابله اني اعرف عالم ميعرفون يسلمون على ناس من يشوفوهم  سوو تلث مقابلات وطلعو فهي قسمه وربك اذا راد تصير يعني تصير بس لامانع من الموضوع  ليش لاء ولو والله تواريخ نص مقابلاتي انسيتها من وره الامنيه الكشره وبع كم يوم يمكن حتى اسمي انساه هههه
مع تمنياتي للكل بالسفر القريب
‏ ‏   اخوك ابو فله

ههههههههههه، أنا جنيت هههههه، بس عندما قدمت عل الامم من 4 سنوات كان بهدف الحصول على ورقة لاجئ لا اكثر،  لضمان عدم ترحيلي في حال لم تيتم تجديد الاقامة، و لم اسأل عن السفر، و لم أراجع الامم المتحدة إلا لتجديد ورقة اللجوء، إلى أن ملينا من البلد، فقام والدي بمراجعة الامم لتحريك الملفات، و هذا كان السنة الماضية، أما ملفي فقد بدء يتحرك في أيلول 2010، صو ما زلت انتظر حتى الآن.

[ابو فله]

انشالله اخي تنفرج بوجهك
والله اهنا كولنا ضايجين وزهكنا وهم ملينه من روحنه بس شتسوي
الله كريم متبقى هيج
وانشالله تنفرج بوجه الكل يا ربي

[Illusionist]

لا بد أن تفرج، غداً يوم آخر
انشاء الله نسمع اخبار حلوة الغد،

[Ashurram]

عمة بعيني صارت صفحة 7 وبعدني هنا!!
 طبعا اول ما انفتحت صفحة رقم 6 قلت اكيد رح انروح قبل لا تفتح صفحة 7 وهسة هم ارجع واكول نفس الشي... ان شاء الله كلنا نروح قبل صفحة 8 وتصير هاي الصفحة فاتحة خير علينا

صباح الخير

 شلونكم انشالله زينين
يا جماعه اريد اعرف شخبار الوفد شوكت ييجي
اذا عدكم اي معلومات
 شكرا الكم وتحياتي للجميع

حبيبي الوفد اجة بالشهر الخامس 2010 والشهر الثامن والشهر العاشر والشهر الاول 2011 والشهر الرابع.... وانت احسبها بعد
هو كل شهرين يجي وفد يعني احسب منا للشهر السابع او الثامن[/size]

[A.S.A.D]

اشلونكم شباب
ماشاء الله صارت الصفحة رقم 7
ان شاء الله الكل تسافر قبل صفحة 8

[علي ياسين]

انشاء الله هي الصفحة تملي عبارة.....وصلنا امريكا.....انطوني موعد سفر......طيرايتنا يوم--/--/----....ياربي
كولوا امين

[Ashurram]

امين يا رب

[sura.alfikiky]

http://[size=10pt][f ;)ont=Verdana][move][b][انشاء الله يسمع منكم يارب [/b][/move][/font][/size]

[Illusionist]

خبر عاجل، طلعت روحي و بعد ما طلعنا لأمريكا هههههههههههه

آمين انشاء الله يتصلون بالجميع و نغادر بأقرب وقت ممكن

[احمد لبنان]

شكرا خيووووووووووووو على الرد انشاله الله كريم

[A.S.A.D]

ان شاء الله تنملي بالاخبار الحلوة

[Ashurram]

شكرا خيووووووووووووو على الرد انشاله الله كريم

تكرم عينك حبيبي بس كلي انشاله الله كريم شلون رهمتهه؟؟

يابة شباب شنو الموضوع هاي كم يوم ماكو مواعيد؟!!!
بس لا يسوون نظام جديد مرة ثانية خخخخخ

[ابو فله]

اخيILLUSIONIST
اموت على الاخبار العاجله بس لو روحنه تطلع عالسريع ونخلص
احسن من الطلعه سيسي سيسي هههههه والله الكابه يمي واصله للنخاع
وماكو اخبار
وبلكت الله يفرجها
 يمعود دكولو امين هاي شبيكم؟
هههههههه

[ام بكر]

اللهم امين

[علي ياسين]

شنو راح نكضيها دعاء      ماكو اخبار سفر      هههههههههههههههههههههههههه

[samieraliraqi]

صباح الخير شباب
انشاء الله الكل بخير فدوة اكو احد عندة خبر حلو منا...منا... مو ولله ملينه وزهكنة
شباب نريد نفرح والله من يكولون اكو عالم استلمو مواعيد يتجدد الامل ونكول الله كريم
الله يعوض صبرنة وصبركم بخير
كولو امين

[ابو فله]

امين اخوتي
السلام عليكم وانشالله انتو بخير دائما
شكو ماكو شي يا جماعه لبنان وينكم ؟
بالنسبه الي الاخبار  الحلوه بعد مجايه والمخبر مالتي يكول هاي يومين ممنطين موعد
انشالله باجر بلكت نسمع اخبار حلوه وبلكت ايخابرون الاعضاء بالمنتدى ويفرحونه
القاكم غدا هههههههههههه
 شنو مسلسله هههههههههههههههههههه
      


             ابو فله  

[Illusionist]

شو ما في أخبار جديدة؟

[ابو فله]

السلام عليكم اخواني
شلونكم؟ انشالله مرتاحين
اخ illusioist ماكو شي ليهسه بس لا المخبر مالي طفر هههههه
 واتمنى للكل مواعيد قريبه انشالله

[Illusionist]

لوين طفر؟ اخي ابو فلة شفلك مخبر غير ههههههههه، نريد اخبار، هذه ابو شعر طويل مال اليو ان واحد لئيم ههههههههه
ما ينطي اخبار

[المهــــاجــر]

ولووووو  اخ  Illusionist كيف مافي اخبار جديدة ..هيدا الشهر كله مواعيد !! شــو بـدنــا اكتــر من هيــك؟؟؟ هههههههههههههههه
اخواني الأعــزاء لا  صدك يعني زين منطين المواعيد بهذا الشهر ..انشاءالله راح يخابرون بها الفتر للشهر السابع لأن الشهر السادس قبط..
واني سمعت انطو 3 |7 مواعيد عائلتين ..انشاءالله خيـــر..وانفتحت الساقيــة وراح يجري الماي باستمرار     ..وحسب ما سمعنا
انو الشهر  6  و7 و8 و9  اكو سفر متميز ..هذا حسب ما كا ل ابو  الـ اي او ام !!!!! وديرو بالكــــم على موبايلاتكــم ..ترى بأي لحظة يرن ..وغنــوووو معــي اغنية { رن  رن رن ...رن وريحنــــي } ترى الموبايل صاير واحد من اولادنـــا ...يعني حيل مدلليــه ..ومغنجــي .. منو عدنـــه غيــرا .ههههههههه ..  تمنياتي للجميع بالسفر القريب..

[Illusionist]

هههههههه ما عندك فكرة إذا لح ينطوني موعد قريباً ههههه
الموبايل هو الصديق الوحيد لدي هذه الايام هههه
بس لو يرن ويخلصني هههههههههه

[Ashurram]

مرحبا اخواني شلونكم

اليوم شفت ولد اعرفه عنده موعد طيران ليوم 29/6 وحجيت وياه ومسحت ايدي بيه حتى اخذ شوية بركة منه يمكن يخابروني هم اني هههههههههه

طبعا الولد عزابي هو واخو وهو من وفد الشهر العاشر وقالي اكو وياه تقريبا 15 عائلة اكثرهم من جماعة الشهر العاشر...

وسالته اذا كانو الاي سي ام سي خابروه علمود صدور الامنية (مثل ما يقول ابو الشعر) وقالي لا مخابروه واثبتلي انه هذا ابو الشعر واحد كذاب و حقير لان كل ما اسأله على ملفي يقول من تجي الامنية احنة نخابركم وهو كذب لا يخابرون ولا شي بس من تجي الفيزة يخابرون... هو بس يريد يخلص من عدنا اخ لو يوكع بيدي اله اضربة صفر خخخخخخخ

ان شاء الله يخابرون ونخلص من هذه القهر.

تحيــــــــــــــاتي

[Illusionist]

 بعدهم بالعاشر، انا سويت مقابلة بـ 18 أو 19 الشهر الأول 2011
شكلها مطولة قصتي

[شالان العراقي]

شبابنا الحلوين متعرفون شوكت يجي الوفد صارلي شهرين وشوية مسوي سي ام سي وماعرف محد هنا اساله عل وفد جاي او لا ؟

[فائز القرقوشي]

اخي شالان بالسابع اكو وفد

[فائز القرقوشي]

انشالله الكل يسافر بس يبقى ابو الشعر الطويل وحده هنا

[Ashurram]

ابو الشعر لو بيدي اذبة بالدرابين مال البتاوين يم المكبسلين هو والصبغ والبرمودا مالته عود خلي يتعيقيل هناك هع هع هع هع

[علي ياسين]

ههههههههههههههههههههه
جنا ندعي لمواعيد السفر هسة خل ندعي يوكع شعره لابو شعر
هههههههههههههههههههههه

[ام بكر]

ابو الشعر لو بيدي اذبة بالدرابين مال البتاوين يم المكبسلين هو والصبغ والبرمودا مالته عود خلي يتعيقيل هناك هع هع هع هع

هههههههههههههههههههههه

[ابو فله]

السلام عليكم حبايبي
شلونكم؟ انشالله مرتاحين ولو ما اعتقد ههههههه
كولنه هيج
اولا صافيه دافيه
و
ثانيا هلله هلله بالولد تره سكطتوه واني متاكد مدا يبطل حك من وراكم
اني هم ضايج منه هوايه بس خلي نكول حقه بس مو ميه بالميه
  تره هم بزعو منا لان احنه هوايه واكو ناس يوميه تلح وتخابر وها وشصار بس مو يوميه
فهوا الضاهر صاير عنده تشبع ههههههههههه تعجبني هاي الكلمه هههه
وبزع من عدنه يعني تخابره يكولك    (بعد) هههههههههههههههههههههه
 هم هاي الكلمه كامت تعجبني لان  تشبعت  هههههههههههههههههههه
يعني حتى ميسال بالجذب شسمك ؟ شنو رقم ملفك؟
بس اني الاعرفه هيجي منضمه لازم تعين موضفيها على اساس الانسانيه
 ومقدار العطاء الي يكدرون ينطوه للانسان


فااليوم

راح نصلي كولنه مو علمود السفر
علمود بلكت الله يهديه
ومثل ميكولون اخواننه المسلمين ( الله يهدي من يشاء) وانشالله يهديه علينه


اخوكم ابو فله

[Illusionist]

ههههههههههههههههه
صار الاسبوع في خبر كان هههه، خلينا نشوف الاسبوع القادم إذا راح ينطونا موعد سفر هههه

[ابو فله]

والله يا خويه كل اسبوع دنكول  يمكن ينطونه موعد
وماكو شي ودنضل نحلم والله كريم

[ام بكر]

الله يساعدهم ... تره ما عندي  لاخبر ولا جفيه ولا حامض حلو ولا شربت .. بس كتبت مشاركه حتى ارجع موضوعنا للصفحه الاولى لان لكيته خطيه بالصفحه الثانيه   

[ابو فله]

مساء الخيرات اخواني المحترمين
شلونكم؟
اشو ماكو شي جماعة لبنان
شنو يابسه وتمن؟
بس لا نسونا هههههه

الله كريم اخواني انشالله تفرج

[samieraliraqi]

السلام عليكم
شلونك اخوية   Ashurram   شلونك اخوية ابو فلة شلون الشباب والشابات انشاء الله الكل زينين
انشاء الله الفرج قريب وتمنياتي للكل بلسفر العاجل الله يفرجهه عليكم و علينة
تحياتي للكل
اخوكم سمير العراقي

[المهــــاجــر]

شلونكــــم اخـــوان  عساكم بخيـــر
انا اتمنــى شغلتيــن لهذا ابــو الشـــعر ..اما وهــو يعلك الجكــارة يطفــر نار القداحــة على شـــــــعرا ويحتــرك ويصيـــــر اكـــــرع حتى يتغيـــر كل شكلا ..ههههههههههههه ...او تطلـــع فيــزتــــــا الى باكســــتـــان او افغانســــتــان وهــــــوّ يســـــــــــافـــر ونرتــــــاح منــــــه .ههههههههههههههه وتحياتــــي للجميــــــع بالســـفر القريــب ..

[samieraliraqi]

شلونكــــم اخـــوان  عساكم بخيـــر
انا اتمنــى شغلتيــن لهذا ابــو الشـــعر ..اما وهــو يعلك الجكــارة يطفــر نار القداحــة على شـــــــعرا ويحتــرك ويصيـــــر اكـــــرع حتى يتغيـــر كل شكلا ..ههههههههههههه ...او تطلـــع فيــزتــــــا الى باكســــتـــان او افغانســــتــان وهــــــوّ يســـــــــــافـــر ونرتــــــاح منــــــه .ههههههههههههههه وتحياتــــي للجميــــــع بالســـفر القريــب ..

خوية المهاجر تدري اني شأقترح
اول شن نلبسة دشداشة لانه ميصير ناخذة على هاي الحالة وناخذة لكبور النجف نبيتة ليلة هوة تلقائيا من الخوف شعرة يوكع وحدة ههههههههههههههههههههه
تحياتي

[ابو فله]

حبيبي سمير العراقي تسلم اخويه العزيز انشالله يوم سفرك وسفر الجميع

[A.S.A.D]

يارب ان شاء الله جماعة لبنان يساااافرون كلهم
صفحة رقم 7 هم راح تخلص وماكو اخبار جديدة
تحيااااتي

[Ashurram]

اي ان شاء الله منا ل صفحة 17 كلنا رايحين خخخخخخ
ما باقي هواي بس 10 صفحات!!

[ابو فله]

اخواني الاعزاء السلام عليكم
اكو مثل يكول الله ميكطع اذا موجود ابو الشعر لو لاء والله ينطيه طوله العمر هههههههههههههههه
اليوم اجاني اتصال من ميشيكان من الكفيل مالتي بعد مراجع
المنضمه وذلك بفضل الطيبين بالمنتدى  ويكول انو ملفي والحمدالله والشكر على كل شي
بعد بالامنيه ههههههههههه
كمت اكره كلمه بعد واتشبعت منها والحبل عاجرار هههههه
وانشالله الله يفرجها


                                        اخوكم ابو فله

[فائز القرقوشي]

لا تضوج اخي ابو فوله وانشالله تطلع ونطلع كلنا ونستقر بلد ثاني ونعيش حياتنا حياة بشر ... ونربي اولادنا ثقافة حقيقية مو ثقافة جهل وحروب.. وانشالله للجميع تحياتي

[ابو فلة]

هله والله اخي القره قوشي  ‏
والنعم من اهل بخديدا قره قوش مدينه النصر والسلام والفداء يا امي الغاليه 
اخي اشكرك عالبنج الي انطيتني اياه بس ادري راح نطلع بس شوكت فد 20 سنه بعد!  الله يصبر الجميع ويفتحها شلع هههه
هاي كلمه شلع كامت تعجبني والله ههه
صلو اخواني والله يفرجها

اخوكم ابو فله

[Ashurram]

مرحبا شباب شلونكم؟ماكو اخبار جديدة؟؟؟؟؟؟

[xxlm569]

يمكن ماكو اخبار جديده ؟

[kunda]

شبابنا العراقيين في لبنان حبيت ابارك الشباب اللي سفرهم اليوم عندي اقاربي اليوم ودعناهم بالتلفون موعدهم اليوم 23 بالشهر وايضا اكو موعد لجماعة اخرين يوم 29 الحمد لله  صارت حركة جيدة في لبنان افضل من بقية الدول ويارب يوم الالكم ونودعكم جميعا ... وتحياتي
كوندا العنكاوي

[ابو فله]

السلام عليكم اخوني واخواتي
شلونكم؟
اولا الف مبروك للسافرواليوم والي راح يسافرون
وثانيا شكرا للاخ كوندا لنقل الخبر وانشالله الكل ياخذون مواعيد
رابعا اني والعياذ بالله من هاي الكلمه
دائما من اكوم الصبح اكول يالله فاليوم كلت ياللله كالعاده واني رايح للشغل
وبدا فد صوت براسي يكول اليوم اكو تيلفون , راح يجيلك تلفون
كلت بنفسي شنو هالالهام الخنفشاري من الصبح
بعد وصولي لشغلي بساعه بلشت التليفونات دك كل ما يدك اكول يالله وميطلع
وهاذا الحجي للعصر على نفس الرنه
تره يمكن راح اوصل لامريكا نص ستاو هههههههههه
الله كريم اخواني بلكت يتصلون بينه كولنا
طولت الموضوع بس ردك اغير الجو هههههههه



            اخوكم ابو فله  

[A.S.A.D]

مرحبا شباب
شلونكم ان شاء الله زينين

[مايكل اندريه85]

مرحبا  شباب صبايا  شلوونكم .............

اتمنى ان تكونوا  في خير صحة وعافية


بس حبيت اسال سؤال : اليوان مفتوحة بلبنان تستقبل لاجئين تقديم جديد ؟؟ ياريت من لديه معلومة اكيدة يتفضل بالاجابة مشكورا  .............

اخوكم
ماركوس

[بسيم ماموكا]

مرحبا  شباب صبايا  شلوونكم .............

اتمنى ان تكونوا  في خير صحة وعافية


بس حبيت اسال سؤال : اليوان مفتوحة بلبنان تستقبل لاجئين تقديم جديد ؟؟ ياريت من لديه معلومة اكيدة يتفضل بالاجابة مشكورا  .............

اخوكم
ماركوس

مفتوحه وتستقبل اللاجئين
والموعد الاول ينطون شهر
صديقي انطوه 15 يوم موعد الاول

[ابو فله]

السلام عليكم اخواني واخواتي
اشو سنطه؟ 

[ابو فله]

اخي العزيز orkay شنو السالفه منتدانا ايصوصي ماكو اي اخبار
اني جان عندي واحد ينقلي اخبار اشو هم ماكو ما اعرف ليش ؟
احتمال لاني بالشغل واجي متاخر
والله زهكنه ماكو اي شي يشجع
يله الله كريم ورحيم انشالله تنفرج عالكل




             اخوكم ابو فله

[Ashurram]

مــــــــــــا تضيج الا تفـــــــــــــرج

[مايكل اندريه85]

اخواني الاعزاء ...... احبائنا في لبنان  شلونكم وشخباركم ؟؟؟؟

  .... عندي صديق راح يسافر   الى لبنان للتقديم على اليوان فسالني كم سؤال واني اطرحها عليكم راجيا الاجابة لان هو عن قريب بعد يومين راح يسافر ومحتاج جواب مؤكد من الاخوان في لبنان ؟؟؟؟

السؤال الاول في بداية التقديم شنو هي الاليات المتبعة وهل هناك اسئلة او استمارة يمليها المقدم على اللجوء ؟

السؤال الثاني  كم عدد  المقابلات  وياريت شوية تفصيل

السؤال الثالث  ممكن لو تفضلتوا  ان تشر حو ا  للاخ  شوية عن الاسئلة اللي ممكن ان ينسال بيها 

السؤال الرابع   عن المعيشة والعمل والايجارات


راجيا الاجابة منكم  لان خطية دايخ هو بالسالفة  لان تدرون هو جديد 

مشكورين على الجهود

[Ashurram]

ماكو سؤال ترك؟؟ خخخخخخ
اسمع حبيبي
بداية التقديم يروح صديقك على الامم المتحدة يكلهم اني تهجرت من بيتي واريد اقدم لجوء يطلبون منة شوية معلومات بسيطة يعني اسمة ومواليدة وينطوه موعد (يمكن بعد شهر)

عدد المقابلات الاساسية هي 4 (مقابلة التسجيل ومقابلة التوطين ومقابلة ال ICMC ومقابلة الوفد) والوقت بينهم غير معلوم ويمكن تزيد على هذولة المقابلات مقابلات اخرى مثل مقابلة الحماية او يمكن تعاد احدى المقابلات مثل ما عادو مقابلة التسجيل وية ولد اعرفة.

الاسئلة هي نوعين اسئلة السيرة الذاتية يعني عن اصلك وفصلك(اسمك مواليدك وعنوانك انت وعائلتك ومكان ولادتك تحصيلك الدراسي نوع عملك....الخ )والنوع الثاني هي عن القصة يعني احداث وتواريخ واشخاص واماكن.

اما الايجارات ف نار والحمد لله يعني شقة تعبانة ب 300-400$ بالشهر والشغل عمالة 8 ساعات باليوم ينطوه من 300$ بالشهر فما فوق وعندك فواتير اضافية مثل المولدة 50$ بالشهر + انترنت 35$ بالشهر

اذا عندك سؤال اضافي اسال

[مايكل اندريه85]

مشكور حبيبي على الاجابة 

بس مداخلة صغيرة

يعني العراقي مايخلص من المولدات وين ماراح

هاي مثل لعنة الفراعنة بس العراقي عنده لعنة المولدات الامبيرية ههههههههه

[Ashurram]

لعنة المولدات ولعنة الحرررررررررر

يمكن لحد ما نوصل لامريكا تصير حتى هناك الكهرباء جدول هههه

[فائز القرقوشي]

اشو يابسة فد مرةماكو اخبار شيء

[ابو فله]

مساء الخير اخواني واخواتي الاكارم
ردت اخذ رائيكم ابفد موضوع
اليوم اتصل بيه كفيلي وحجالي التفاصيل مال مكالمته مع المنضمه الي خابرته سابقا
المنضمه كالتله انشالله ابشهر التاسع او العاشر يجون فهل هذا الشي مضبوط لو جفيان شر مولا عليوي
اريد تعليقكم عالموضوع
وانشالله يارب الكل تخلص الامنيه الكشره مالتهم ويسافرون
 

كذالك اخواني اريد فد خدمه من الي يعرف شلون احفظ اي موضوع في المنتدى لاني بالكومبيوتر ضعيف وشكرا مقدما


             ابو فله

[ابو فله]

ها اخواني  الموضوع ايحير مو ههههههه
هيه لو بالهدف لو بالنجف

[Illusionist]

عزيزي أبو فلة لربما يكون هذا الشي مظبوط، بصيص أمل وأخيراً هههه ألف مبروك سلفاً

عندي سؤال: متى أجريت المقابلة مع الوفد في السفارة؟ بأي شهر؟

[ابو فله]

اخي الكريم ممنونك علرد
اني مقابل الوفد 14/1/2011 ومن خابرت المنضمه الكفيل كلوله بعد شهرين نكون هناك
يعني محضر كولشي  ههههههههههههههه وبس تجي الامنيه نوصل قبل الطياره ههههههه



اخوك ابو فله

[Illusionist]

إلا أني أتمنى لك السفر قريباً، شهر 7 مثلاً ههههههههههه بس كل شي بيد الله
و انشاء الله تفرج، على الجميع

[ابو فله]

حبيي illusionist  اشكرك على هاي الامنيه مو الامنيه ها هههههههه
وانشالله الكل يسافر باقرب وقت
 

[Illusionist]

هههههههههههههههههه طلعت روحي من الأمنيات مالتهم هههههههه

[حسون941]

مرحبآ اخواني واخواتي الاعزاء شلونكم انشاء الله الجميع بخير
الله يسهل ويفرجها على الجميع يا رب .

[A.S.A.D]

شلونكم شباب
ان شاء الله تفرج والكل تسافر

[مايكل اندريه85]

مراحب شباب  صبايا  شلونكم ؟؟؟

اتمنالكم كل الخير والنجاح يارب قدامكم كل خير

[ابو فله]

صباح الخير اخواني
شلونكم ؟ اتمنالكم الصحه والعافيه دائما
شكو ماكو ؟ اشو سنطه لاحس ولا نفس
حتى موضوعنا صاير بالصفحه الثانيه
انشالله مواعيد قريبه


اخوكم ابو فله

[علي ياسين]

اتمنى ان يكون الجميع بخير
فعلا حبيبي ابو فلة صايرة صنطة لان ماكو اخبار جديدة مشجعة

البارحة خابروني وانطوني موعد الدورة التثقيفية بعد اسبوعين تقريبا

سلامي للجميع

[شالان العراقي]

شلونكم شباب بشرة سارة الى من ينتضر مقابلة الوفد ومنهم اني هههههه بانه الوفد راح يجي بالسابع وصديقي خابروه وانطو موعد مقابلة 14 - 7 يوم الالي واذبح طلي هههههه

[ابو فله]

اخي علي ياسينمبروك علموعد الدوره التثقيفيه وانشالله يوم الموعد الك وللكل

اخي شالان العراقي مبروك على جيه الوفد
وانشالله التوفيق



                       ابو فله

[Ashurram]

اتمنى ان يكون الجميع بخير
فعلا حبيبي ابو فلة صايرة صنطة لان ماكو اخبار جديدة مشجعة

البارحة خابروني وانطوني موعد الدورة التثقيفية بعد اسبوعين تقريبا

سلامي للجميع

الف مبروك حبيبي... ان شاء الله يوم الي ينطوك موعد
اشو ماكو انت وين ضايع؟؟

شلونكم شباب بشرة سارة الى من ينتضر مقابلة الوفد ومنهم اني هههههه بانه الوفد راح يجي بالسابع وصديقي خابروه وانطو موعد مقابلة 14 - 7 يوم الالي واذبح طلي هههههه

قرة عينهم... خلي يقابلون بالعالم ومحد يسافر!!
اذبح عصفور لان شغلة السفر صايرة مو مضمونة هالايام عود من ينطوك موعد سفر اذبح طلي هههه

[علي ياسين]

حبيبي اني اشكر مشاعركم الطيبة
وتمنياتي لشيلان بتوفيق
والسفر لكل من منتظر السفر

[Ashurram]

عاجل....

احب انقللكم هذا الخبر حصريــــــــــــــــا (بس رجاءا محد يضرب طلقات ههههههه)

اليوم انطو مواعيد لامـــــــــــــــــــريــكـا لمجموعة عوائل من سفير الشهر ال 1 وشهر ال 10

[حسون941]

مبروك اخوية علي ياسين وانشاء الله يوم ينطوك موعد السفر

[ابو فلة]

صباح الخير اخواني ‏
هلا والله اخونا ازيزا  الحمدالله والشكر اجت الاخبار  لان مدا انام زين صارلي جم يوم
مشكور على نقل الخبر خوني ومبروك المواعيد الجديده
ويوم الالنه     


اخوكم ابو فله

[A.S.A.D]

مبروك اخويه علي ياسين وان شاء الله نفرح بموعد سفرك يارب باقرب وقت

[شالان العراقي]

شباب ابشركم اليوم خابروني السي ام سي وانطوني موعد مقابلة وفد بنهاية شهر السابع اتمنى الموفقية للجميع

[ام بكر]

الف الف مبروك اخويه شالان انشالله نسمع خبر الوصول قبل نهايه هالسنه و تفرحنا
الليه ييسر الامور ويسهلها علينا جميعا

[ابو فله]

[/حبيبي شالان مبروك ويوم
مقابله الوفــــــــــــــــــــــــــــــــــد
ويوم الموافـــــــــــــــــــــــــــــــقه
ويوم تخلص الامنيـــــــــــــــــــــــه
ويوم الموعد مال سفر
بس عندي سوال الف رحمه على والديك لان اهلي هم دينتضرون ال اي سي ام سي
السوال هو شوكت سويت اخر مقابله (التوطين ) بيا تاريخ
ومشكور عالاجابه سلفا






                                 ابو فلهcolor]

[** يدكو **]

ان شاء الله الكل تسافر باقرب وقت

[حسون941]

شباب ابشركم اليوم خابروني السي ام سي وانطوني موعد مقابلة وفد بنهاية شهر السابع اتمنى الموفقية للجميع

الف مبروك اخي شالان وبالتوفيق انشاء الله

[Illusionist]

ابو فله عزيزي، ما هو نوع الترابط بين ملفك و ملف الأهل؟
هل هو ترابط جزئي؟ أم كامل؟

[شالان العراقي]

شكرا اخوان على التهاني يارب الموفقية للجميع
النسبة للتوطين سويت ببداية شهر ال11 2010 والسي ام سي وراها ب 5 اشهر ووفد راح اسوي بعد السي ام سي تقريبا 100 يوم

[ابو فله]

اخي illusionist اني ملفي مرتبط ويه اخويه الاصغر بترابط ضعيف  يعني اذا اي واحد كمل الامنيات اولا يطلع والثاني من تخلص الامنيه مالته يلحكه لنفس المكان
اما بالنسبه لاهلي فليست ملفاتنا مرتبطه
وتدلل اخي

[حسين علاء]

السلام عليكم جميعا
شباب سوووال
اني سويت مقابلة
مع الوفد الهولندي
21_6
وكالو اسبوع
ونتصل بيك
ونطيك النتيجه الموافقه

ولحد هسه متصلو بيا

الى الاخوه والخوات
الذي مقابلين الوفد الهولندي 

اتصلو بيكم لو بعد

ارجو الررررد
وممنون لكم
احبابي

[/size]

[Illusionist]

اخي illusionist اني ملفي مرتبط ويه اخويه الاصغر بترابط ضعيف  يعني اذا اي واحد كمل الامنيات اولا يطلع والثاني من تخلص الامنيه مالته يلحكه لنفس المكان
اما بالنسبه لاهلي فليست ملفاتنا مرتبطه
وتدلل اخي

خير سويتوا بهالحالة أول واحد يطلع بإمكانه أن يمهد الطريق لبقية العائلة، من ناحية الإيجار و العمل، و بس يوصلون تسهل الأمور على بقية العائلة.

انشاء الله خير على الجميع

[ابو فله]

حجيك صحيح اخي illusionist بس اني ممخلي هذا الشي ابالي لان عندي كرايب اهناك
بس كان هدفي من اختيار هكذا اتصال انو اهم شي ما نتهجول كل واحد ابديره
ومشكور اخي وانشالله تنفرج

[حسين علاء]

السلام عليكم جميعا
شباب سوووال
اني سويت مقابلة
مع الوفد الهولندي
21_6
وكالو اسبوع
ونتصل بيك
ونطيك النتيجه الموافقه

ولحد هسه متصلو بيا

الى الاخوه والخوات
الذي مقابلين الوفد الهولندي 

اتصلو بيكم لو بعد

ارجو الررررد
وممنون لكم
احبابي

[/size]

[Ashurram]

الى الي ينتظرون مواعيد سفر...

تم اليوم الاتصال ب تقريبا 3 عوائل وانطوهم موعد.... كولو يا الله انفكت الجبسة

[مايكل اندريه85]

شلووونكم شباب ؟؟

[ابو فله]

يا اللــــــــــــــــــــــــــــــــــــــــــــــــــــه
مشكور اخي العزيز
انشالله بلكت باجر نسمع مواعيد لجماعه عينكاوه المكرودين

[A.S.A.D]

اشلونكم شباب

ان شاء الله الشهر السابع يكون شهر خير والكل تسافر
تحياتي

[Ashurram]

ان شاء الله خوني ابو فلة

واللة صار الوضع بالمرة لا يحتمل...

[Illusionist]

أنا برأي المتواضع أقترح أن نتوقف عن كتابة الرسائل في هذه الصفحة، لأن شكلنا لح نصير بالصفحة الثامنة و بعد ما سافرنا هههههههه
هل من مؤيدين لمثل هذه الاقتراح العفوي؟؟

[Ashurram]

up

[الامل 2]

up           up            up

[Ashurram]

اخوان احب ابشركم... خلال الايام الثلاثة الماضية (الخميس والجمعة والسبت) انطو مواعيد الى حوالي 20 عائلة (الى امريكا)

موعد الطيران هو 12/7 وهذه العوائل اجرت مقابلة السفير في الشهر الثامن والشهر العاشر... واحد العوائل قابلو وفد بنفس اليوم ويانة.


اشحنو تلفوناتكم وديروا بالكم عليهه يمكن تدك بهاي الايام... يـــــــــــــا رب

[علي ياسين]

الله يبشرك بخير
ونشاء الله السفر للجميع

[samieraliraqi]

السلامعليكم اخوان و اخوات
اول شي احب ابارك و اهني كل العوائل الي نطوهم موعد سفر والي سافرو و انشاء الله الكل راح يسافر لانه الوضع صار مينطااااااااااااااااااااااااااااااااااااق
ثاني شي اشو نسمع اكثر الي يكولون انطو مواعيد سفر للعوائل بس ما سمعت انو شباب نطوهم مواعيد سفر (( شنو معناهه راح نحمض هنا ))
اني كملت فحص طبي 10-6-2011 ودا انتظر تليفون من ابو شعر علمود الدورة التثقيفية و ليهسة ماكو شي اكو واحد من الاخوان من الي فحصو بهذا الموعد نطوه موعد دورة؟؟؟
تمنياتي للكل السفر قبل الصفحة ال 10 مجرد امنية و ماكو شي بعيد عن الله كولو اميــــــــن
تحياتي
اخوكم سمير العراقي

[/b]

[Ashurram]

حبيبي انت سمير العراقي

الموضوع ما اله علاقة بكونك عائلة لو عزابي لان كان اكو بمجموعتنة شباب عزابيه اخذو الفيزة قبل هواي عوائل لكن انت بناءا على موعد الفحص الطبي اقدر استنتج انك سويت مقابلة وفد بنيسان يعني لسة بكييييير على سفرك لان جماعة وفد تشرين الاول 2010 وكانون الاول 2011 بعدهم هنا فالشغلة ينرادله شوية صبر وطول بال اخوية.

[ابو فله]

السلام عليكم
شلونكم اخواني ؟ انشالله ابخير
اخواني واخواتي ليش مدوخين نفسكم
عيني الحل مبين
مدا اتشوفوه ؟


نص الالف خمسميه
والكل يلزم سره
والله كريم

[*iskender*]

الله كريم انشاءالله الخير للجميع
اسكندر

[samieraliraqi]

حبيبي انت سمير العراقي

الموضوع ما اله علاقة بكونك عائلة لو عزابي لان كان اكو بمجموعتنة شباب عزابيه اخذو الفيزة قبل هواي عوائل لكن انت بناءا على موعد الفحص الطبي اقدر استنتج انك سويت مقابلة وفد بنيسان يعني لسة بكييييير على سفرك لان جماعة وفد تشرين الاول 2010 وكانون الاول 2011 بعدهم هنا فالشغلة ينرادله شوية صبر وطول بال اخوية.

اشكرك اخوية العزيز
صح اني قابلت بشهر نيسان اي ينراد صبر بس ممكن توقعاتك بيا شهر يجينة السرة معقولة بل 2012 بشهر الاول او الثاني؟؟؟؟!!!!
مع تحياتي الك اخوية

[Ashurram]

والله اخوية التوقع صعب واني ما اريد انطيك امل وبعدين يطلع امل كاذب وكلنا نعرف شكد يوجع هذا الشي لكن حسب ما شفنا من اغلب الملفات انه اول 5-6 اشهر من بعد المقابلة تنطيهه طرح... ورة 6 اشهر عود ابدي انتظر لكن هذا مو معناه انه مستحيل يخابروك قبل هاي الفترة

لكن ابد لا تحط ببالك انه كونك عزابي رح تتأخر لان هذا الشي غير صحيح اطلاقا حسب هواي امثله شفتها اني هنا.

[ابو فله]

السلام عليكم اخواني واخواتي
الاخ سمير  عندي عائله جيراني ساكنين ويانه خارج بيروت
استلمو نتيجه الوفد والتي كانت الموافقه المبدئيه وكلولهم (ابو الشعر الطويل )
بالنسبه الكم ماكو سفر حاليا الا بعد سنه يله تنتضرون يجي دوركم
وانشالله ماكو هيجي شي


 

[المهــــاجــر]

مساء الخيــر اخـــوان
اليوم عندي مشاركة شعرية عن وضعنا التعبان بالأمم وعن هذا ابو الشعر الطويـــل اللي دمرنــــــا ..اتمنى ان تعجبــكــــــم...

الــى مـتــــى؟؟؟؟؟
                        
الى متـى ياعراقيون تبـقــون تنـتـضــرون المــقـــابــــلات ؟؟
                             والى متــى تبقــون في دول العالـم متـفــرقـــون؟؟
الى متـــى ننــــتــــهـــي مـــن المـــقــابــلات؟والأمنيـــات؟؟
                             والــى متـــــى نــبـــــقـــــى هــنــــا متــعبــــون؟؟
الى متى ننتهي مــن ابو الشعـر الطويل وابو الترجيــــات؟؟
                           والى متى ننتهي من المغثة والقهر ونبقى هنا معذبون؟؟
أيـــن أصبــحــــت ضــمـــائـــــر الأمــم والحـــــكــومـات؟؟
                             والعــراقيـــون في دول الجــــوار ينتـظـــــرون؟؟
أيـــن أصبــحــــت أنســـــــانيـــــــة المـــنــظـــمـــــات؟؟
                             ليس لنـــا ســـوى الرب وعليـه نبقــى متوكــلون
يــــا رب أنت مــن يــــزيــــــل كـــل الصـعـــوبـــــات
                            وكـــلـنــــــا بــــذلــــــك مــــــؤمــنـــــــــــــــون
كــم مــن الوقــت ننـتضــر ونـصبـــر من الســـنــوات؟؟
                            لكي يلتم شملنــا ونجتـمـــع ولـكـــن؟؟؟ متــغــربــون
نحن كنا أصل البلــد في بلـدنـــا ايها العراقيون والعراقيات
                            والآن نحـــــن فــــي بلد الأغـــراب  مهجرون مشتتون  
                       المــهــــاجـــر