سؤال بخصوص برنامجSIV المدة المطلوبة في العمل للشخص لكي يحق له التقديم؟؟!! ارجول التوضيح

[MASKOFZORRO]

صباح الخير ...مساء الخير ...السلام عليكم ...شلاما الوخون

اخوان الي اعرفه انه الواحد لازم مكمل سنه يشتغل ويا الامريكان سواء منظمة او دائرة او كمترجم ..وسؤالي هو مثلا لو مترجم لازم مكمل سنه كاملة ويا نفس الوحده او نفس الكومباني يا الله يحقلي اقدم ..او مكمل سنه بمنظمة تابعة لللأمريكان يا الله يحقلي اقدم ؟؟؟يعني ميصير مثلا اني مشتغل كمترجم فتره 9 اشهر يعني وجودي الفعلي ويا الوحده (بس همه جايين قبلي) وبعدين اشتغلت ويا غير وحده ..والقصد يعني متنجمع الفترات لو اله بنفس المنظمة او الوحده!!؟؟؟ لان اذا هيجي اصور الاغلبيه عدهم هيجي حالة ومراح يستفادون؟!!

ارجوا التوضيح وشكرا مقدما للمساعدة

[vincenzo]

سنة
بالاثباتات

[maitham70]

حبي سنة كاملة في نفس المكان مع وجود اثبات من HR انك داومت سنه بهذا المكان
غير هذا خويه تعذرنه مابيه مجال سنه الا خمسة ايام مابيه مجال

[ابو عبد الله التكساسي]

حبييب
سنه مع الجي ال اس و تثبت هذا الشي منهم

[Linda1]

 اخي صاحب الموضوع,

 من الشروط الرئيسيه للتقديم على الاس اي في هو لازم مشتغل مدة سنه ويه الامريكان سواء كانوا جيش او شركات  امريكيه مدنيه او شركه لها تعامل  مباشر مع الجانب الامريكي, بس يصير تقدم اذا انت مشتغل فترة سنه ويه جهتين , يعني خلي نكول مثلا مشتغل 6 اشهر ويه الجيش الامريكي ويه ال GLS  و 6 اشهر لاخ ويه شركه امريكيه مدنيه مثلا بس بشرط انه يكون عندك اثباتات من الجهتين  مثل  ورقة (Employment Verification) الي تحصلها من قسم HR  من شركة ال GLS , وتزكيه  من مسؤلك بالعمل مكتوب بيها عملك وياهم والمدة الي اشتغلت بيها يمهم, ولازم مجموع عملك ويه الجانبين يكون سنه فما فوق يعني مو اقل من سنه , واهم الشي ادز التزكيه من الجانبين ويه ايميلات العمل الرسميه  مال مسؤوليك بالعمل  علمود يراسلوهم جماعة الاس اي في ويتاكدون انت مشتغل وياهم لمدة لا تقل عن السنه.

تمنياتي الك بالموفقيه

Linda

[ابو عبد الله التكساسي]

اخت ليندا
ما اعتقد كلامج ينطبق بهذا الشي
اما مدني ويا شركه مدنيه سنه كامله
او ويا الجي ال اس سنه مع تغير الوحدات العسكريه

[Linda1]

اخي العزيز ابو عبد الله التكساسي,

بصراحه اني الي اعرفه المهم يكون جانب امريكي
سواء كان جانب عسكري او مدني او الاثنين معا
 بس يجوز مثل متفضلت انت ,بس اكيد راح يبلغوه
اذا راسلهم اذا هو مشمول بالاس اي في او لا.

شكرا على مداخلتك اخويه ابو عبد الله
وانشاء الله دائما تفيدنا بمعلوماتك القيمه.

تحياتي للجميع

Linda

[ســـرى]

اني من رأي لندا المطلوب انه سنة كاملة يثبتها بس بهاي الحالة يجيب توصية من اللي اشتغل وياهم 9 اشهر ولازم ايميل المسؤول زائدا تكملة السنة من الجهة اللي الان يعمل بيها وايضا توصية وايميل وهي مو سهلة اكيد فاخوية لو تجيب توصيتين وبيها ايميلات حتى يأكدون عملك لو تنتظر تكمل سنة وية ذولة اللي هسه انت وياهم ومن تكمل تاخذ توصية منهم والبرنامج بعده مفتوح لا تخاف اخر شي السنة المالية لل2012 تحياتي وتقديري لكل اللي اجابوا.

[vincenzo]

اني هم اتفق وية اختي لندا
ابو عبود منين جبتلنه هاي البلتيقة؟؟

[kunda]

دخليني اخدمنك بشغلة خوية انتا مو تكول مشتغل 9 اشهر كمترجم دروح للشركة مالتك سواء كانت جي ال اس او تايتن او ال3 وكوللهم اني اريد اقدم للهجرة وارجو ان تسوولي فريفكيشن لتر (لغرض الهجرة) وراح تشوف انه همه من يمهم يسوولك اياها سنة بالضبط يعني همه راح يساعدوك لان هذا الشي حصل ويا هوايا مترجمين اصدقائنا انت توكل على الله وخاطبهم واني اتوقع انه راح يساعدوك ويسووها سنة والله يوفقك

[دنفش]

اخوية تجمع خدمتك كلها حتى لو مطشرة هنا وهنا المهم سنة ومع الامريكان اذا جيش واذا شركة   . وتاخذ ورقة من الجي ال اس وتقدم اس اي في وابوك اللة يرحمة       تحياتي

[MASKOFZORRO]

شكرا لك اخواني عل ردودكم ...بالنسبه بس احب اوضخ فد شغله بلنسبه للجي ال اس اني عندي خدمة اكثر من سنه وماخذ تاييد يثبت هذا الشي !!! بس اني جنت اصور انه يعني لازم ويا الوحده نفسهه الي بالجيش مكمل سنه ...فيصير ان شاء الله اقدم ؟؟؟ ارجوا الرد باسرع وقت ممكن!!

[vincenzo]

اكيد يصير
لعد شمنتضر؟
بس حضر غراضك والتزكية المطلوبة
راجع المواضيع المثبته اذا عندك اي سؤال لان كلشي مذكور هناك
وهمه هم ينطوك لنك مالة موقع رسمي بيه كل الاسألة والاجوبة
تدلل

[MASKOFZORRO]

شكرا اخوية Vincenzo واني هم دا احضر اوراقي ان شاء الله وحتى عندي كم استفسار بالفورم مالتهم بس دا احضر الموضوع حتى اطرحهه هنا بالمنتدى ..والله يسهل

[ابو عبد الله التكساسي]

يعني هسه تقنعوني
سرى وفيني
بانه لو اني اشتغل بشركه بكتل لو بالكي بي ار لو بواشنطن كروب لو بفلور
وبعدين وره (( على سبيل المثال سته اشهر )) انتقل الى الجي ال اس
واروح اجيب ركمنديشن من الشركات المذكوره وبعدين اجيب وحده لاخ تكول انه اني مشتغل السته اشهر الاخرى ويال الجيش واقدمهن الى الاس اي في
المفروضص وحسب حجيكم تمشي الشغله ؟؟ مو


اخوان ما اعتقد انتوا ورا هاي السنتين قارين التعليمات مضبوط

بله ما تجيبولنا الحجي الي يكول هيج

اخوان
لازم سنه مستمره ويا اي جهه مو بالنص بين شركتين او جهتين وخصوصا خصوصا (( الجي ال اس )) كلش نحسين بهاي السالفه
تاكدوا من المعلومات

[vincenzo]

اكو مواضيع مفصلة بالمنتدى شتريد دور قبل لا تنزل موضوع بفد اسألة مكررة واذا تريد نساعدك بالبحث هم ما عدنه مانع

[ابو عبد الله التكساسي]

هههههههههههههههههههه
انت حشاش قديم واني ما اكدرلك

[vincenzo]

vردي الاخير مو الك ابو عبود
لابو الموضوع
وحجيك يجوز صحيح والله واني انضميت للبنات مو عن ثقة ودراية وانما عن تفسيري وتحليلي الشخصي لان فعلا مو منطقية اذا يسوون مثل ما دتكول

[GoldenEgle]

اخوي العزيز MASKOFZORRO

 مثل ماتفضلوا بعض الاخوة والاخوات انه مدة الخدمة هي سنة اي لو مشتغل شهر في 12 شركة ومن تجمعها تصير سنة نعم لانه احد المطاليب الرئيسية يقول سنة ولم يقول في شركة او وحدة معينة اذا هي مدة الخدمة معاهم سنة اجباري .

عزيزي اجمع اوراقك الثبوتية واللي مدتها سنة وارسلها الهم وخطيتك بركبتي اذا كالولك مايصير .

 تحياتي
النسر الذهبي

[MASKOFZORRO]

شكرا الك اخواني على التوضيح والله يسهل النا والكم ..واني اعيد واكرر اني ماخذ من الجي ال اس تاييد عمل مالت سنه مع العلم اني صالرلي اكثر...بس السالفه انه جنت اصور انه الخدمه الكاملة تكون ويا الوحده الي اشتغل بيهه.بس هسه وضحت الامور ..وعندي استفسار بخصوص الأبليكيشن راح اطرحه موضوع بوحده وارجوا ان تساعدوني بيه لان مكمل كلشي تقريبا ..

وشكرا الكم مره اخرى اخوتي

[BaghdadGhost]

اخي العزيز ...

يصير بان تجمع بين فترتين لاكمال فترة السنة و هذا الشي صار وية صديق لي و همين اتذكر احد الاخوة الاعضاء بالمنتدى بس نسيت اسمه لان هواي الله يسلمهم جماعه ال SIV .... الي عليك تسوي مثل ما كال ابو عبد الله ان تروح لل جي ال اس و تاخذ الورقة الي تثبت بيهه بانك عندك خدمة اكثر من سنة وعاهم و ميهم ويه اي وحدة ,,,, بس يرادلك ترتب ويه ضابط من الي تشتغل وياهم حته خاف يريدون يتصلون بي لتاكيد الخدمة ,,,,, هاي البلتيقة قديمة ,,,,

[MASKOFZORRO]

شكرا اخي شبح بغداد على هاي المعلومات ..وبالنسبه للضابط موجود وهو برتبة ملازم نطاني خطية كلشي عوانه ورقم تليفونه وكايله اني بالسالفة وهو هسه بامريكا صارلنه تقريبا 9 اشهر...الله يوفق الجميع