{{{ جمعية المرفوضين من امريكا }}}

[المسافرة]

الاخوة الاعزاء بالمنتدى

 اريد مشاركة وتواصل مع الاشخاص الذي تم رفضهم من امريكا بصورة نهائية( اي بعد الاستئناف ) فنحن عائلة نعيش بالاردن وتم رفضنا نهائيا من امريكا منذ 2009شهر7 ولحد الان لم يجد اي جديد في موضوعنا وبعثنا عشرات المناشدات ولكن بدون جدوى ارجوكم ايها الاخوة والاخوات انصحوني ماذا اعمل لتحريك الملف بالمفوضية  اختكم المسافرة شاكرة لكم اي تعاون 

[علي النعيمي]

والله اختي اني طلعلي توطين وحاطيني عالشحن هسة يكولون ماكو دول فاتحة لجوء بس امريكا وكالو كبل فترة وافقت دول الاتحاد الاوربي علة فتح دول للجوء انتظري والله كريم كلنة شاحنينة عالانتظار

[الرجل العراقي]

الله كريم المسافرة اني مريت ابمرحلة الرفض اني انرفضت من نيوزلاندة وهم ضجت ومريت بحالة كئابة بس الحمد لله هسة حولوني على امريكا وبقت بس مقابلة الوفد ان شاء الله تنحل قضيتج لو ابقبولج لو ايحولوكم على غير دولة

[الدال على الخير]

السلام عليكم
اختي المسافرة احنة هم مرفوضين من امريكا13-7-2009ولحد الان ماكو شيء واتصلت باليوان كالو ماكو غير امريكا فاتحة الان لكن قبل اسبوع قرأت على موقع اليو ان انهم طلبو من الاتحاد الاوربي ان يفتح باب اللجوء وبعد مااعرف الله كريم ومناخذ الانصيبنا

[ام مشمش]

اختي العزيزة عيشي حياتج وانتظري اي امل جديد
ولوالامل ضعيف جدا

[ابراهيم2010]

اختي العزيزة انة هم جان عندي توطين لامريكا واجاني رفض نهائي و  الي فهمتة من الاخوة بالمنتدى وسالت بعض الشباب الي عدهم خبرة بهيج موضوع انو ما النة غير متابعت ملفنة والانتظار
والله كريم وتفرج انشاء الله

[كابوس]

الاخت العزيزة... ارجو ان لا تيأسي لانه اليوم اجو عدنا بالبيت وفد فرنسي تابع للمطرانية في تركيا وكانوا من قبل ما خذين اسماءنا عندهم... وهذا الوفد تابع للاتحاد الاوربي وسألونا شوية اسئلة عن المعاناة في العراق وتركيا... وشيصير بالناس المرفوضين..الخ من الاسئلة المتعلقة بكل عراقي طلع من العراق... وصورونا بالفديو لانه كان عنده كاميرا تخبل للتصوير التلفزيوني.... وبصراحة انا تكلمت مع رئيس الوفد بطريقة مباشرة وما كنت محتاج الى المترجمة اللي كانت وياهم.... وحسب ما عرفت انه هم هسة دا يلتقون بمجموعة عراقيين ويريدون يعرفون ليش العراقيين دا يهاجرون وخاصة بالنسبة للمسيحيين... وانهم راح يعرضون كل هاي المقابلات الى اللجنة الخاصة بالهجرة في الاتحاد الاوربي حتى تجي لجان من دول الاتحاد الاوربي ويفتحون مجال التوطين الى دول اوربا في حالة انه اميركا رفضت التوطين عندها بالنسبة للعراقيين... وبصراحة اكو بشائر امل بالنسبة للعراقيين المرفوضين وانشاءالله وبنعمة المسيح كل عراقي يرتاح.

شكراً

كابـــــــــوس

[beauty of Baghdad]

اخواتي العزيزات احنه هم رفضونه من امريكا بشهر السادس ولهسه لاحس ولا خبر كلما اتصل بالييو ان يكلولي ملفكم قيد الدراسه لشوكت مندري ننتظر والله كريم

[msamoh]

تفرج انشاء الله على الجميع

[ܥܲܒܼܕܝܼܫܘܿܥ ܝܘܚܢܢ]

اختنا الكريمة المسافرة
طلبكي مرفوض ما عليكي الا الانتظار وطولي بالكي ولا تيئسي عندما كنا في لبنان كانت ملفاتنا
مرفوضة الى الوفد الامريكي وبعد ان تم قبول القادمين الجدد واجري اللازم معهم وتم تسفيرهم
رجعوا الى الملفات القديمة المرفوضة وتم قبول جميع المرفوضين لان حالياً القبول عام الى امريكا
فقط خليها يامسافرة وان شاء الرحمن تكونين مسافرة على الباري عز وجل وكولي يالله
اخوكي : ابو شذى الوردة

[yasooo]

اخي ابو شذى المحترم
ممكن توضحلنا شون رجعوا للملفات المرفوضه وقبلوهم؟؟ يعني قدموا استئناف وانقبل استئنافهم؟
بالنسبة لقضيتي اني قدمت استئناف وهم انرفض

[ܥܲܒܼܕܝܼܫܘܿܥ ܝܘܚܢܢ]

نعم رجعوا الى الملفات القديمة من المرفوضين ومن اللذين قدموا استئناف ورفضوا ونفس الشيء
حصل مع الكثير في حال استدعاكم سيقوم الشخص الذي يقابلكم بتغير اسباب رفضكم الموجودة
في الملف ليكون جاهز سوء كان للوفد الامريكي او لاي وفد آخر
مع خالص تحياتي وان شاء الله يفرجها على كل العراقيين

[الفاروق]

السلام عليكم
اخواني اخواتي نحن ايضا من المىفوضين مرتين ولدي اولاد في حينها كانو لم يبلغو السن القانوني وحاليا فم اكثر من 18 سنه فهل يحق لهم فصل الكيس او التقديم مجددا وبنفس الريكمنديشنات ام الرفض قطعي؟
ارجو  من اهل الخبره وماهوه السن القانوني لدى نظام الهجره تمنياتي للجميع بلراحه

[yasooo]

شكرا ابو شذى
الله يفرجها عن قريب ان شاء الله

[ssoni]

مرحبا اختي الاعزيزة المسافرة ومرحبا الى الاخوة الي بلمنتدى ولله هاذا موضوع  الي طرحتة الاخت سنة وحنا حايرين اودايخين بس ماعدنا غير بس الصبر احنا ارفضنا قطعي من اي او ام 2008 شهر 7 ولاحد وبدون سبب الرفض وملفاتنا بلمفاوضية بلتوطين ودننتضر وبيدين الرب اتحملي حبي صدكي كل يوم اني اوزوجي نحجي بلموضوع دايخين ليش مانعرف او حنة بس بنتي عمرة سنتين اوزوجي اصبري

[yasooo]

يا جماعة الخير ماكو شي جديد؟؟ شكلها هاي نومتنا بعمان
شو ماكو دول دتفتح

[abu shahed]

لا جديد لحد الان انا اتصلت على المفوضيه والموظفه قالت لا يوجد وفود لحد الان علما انا مرفوظ من امريكا بتاريخ 7-7-2009 الله كريم


                   اخوكم
                  ابو شهد

[سمير1966]

نصيحتي لك ان تسى الموضوع ولا سوف تصاب بجميع الامراض في العالم اني اخوك  رفض استراليا وامريكا وكندا واخيره المانيا ومثلك امريكا رفض ثم استناف هم رفض نصيحتي لك انسى الموضوع

[ام بكر]

السلام عليكم اخواني وخواتي ممكن اتوضحولنا شنو اسباب الرفض اللي جاكم . يعني اليو ان من يرفضون الشخص ينطو الاسباب لو لا . مشكورة من الجميع والله يفرجها عليكم و ييسر اموركم .

[hamdany]

اختي الكريمة انا ايضا مرفوض من اميركا عام 2008وكان سبب الرفض سخيف جدا حيث كنت اخدم عسكرية في شمال العراق المهم لم اقدم استئناف عسى ان احول على دولة اخرى وبعد اربعة اشهر اتصلو بي واخبروني بغلق ملفي مع مجموعة من العوائل لعدم امكانية توطيننا في دول اخرى واستلمت رساله بذالك وقد ارتحت كثيرا بعد ان عرفت وضعي حيث كنت في قلق وتفكير دائم والان مرتاح كثير ا حيث لن يصيبنا الا ماكتب الله لنا والحمد لله على كل شي وانا في سوريا مع تحياتي

[yasooo]

يعني الشغله صدك متبشر بخير
زين والحل شنو؟

[ام بكر]

صدك جذب يعني شنو اذا الواحد خادم عسكريه بالشمال بالله هذا سبب؟ الله يعينكم ويفرجها عليكم جميعا , طيب يا جماعه اذا الواحد متهدد من قبل جماعه معينه بس التهديد شفهي ( لزموه جماعه ملثمين ) بالشارع وهددوه ان يترك عمله او ينقتل هل هذا يعتبر سبب مقنع لطلب اللجوء من اليو ان ياريت لو اتجاوبوني عالسؤال . جزاكم الله خير

[الرسام1973]

السلام عليكم 


اخوان عندى صديق مرفوض من 4/7/2009  قبل يومين خابرو كلوله  روح افحص ,,او راح للخالدى فحص او مكيف كايليله ملفك انقبل بالجديد ومبروك والله على ما اقول شهيد علما انه لم يقدم استئناف وشراح ايصير اخبركم ...


اخوكم ابو علاوى

[chou]

مرحبا اخواني وخواتي والى المسافرة اختي اني جديدة بلمنتدى على الموضوع الي طرحتية نفس الموضوعنة احنة هم مرفوضين نفس التاريخ الرافضيكم رفضونا قطعي شهر 7\2009 ورفض بدون اي اسباب وملفاتنا بلمفاوضية توطين لاحد الان ماكو شي جديد واذا اكو شي جديد ابلغك  ونشاء اللة خير ماعدنا غير الصبر واذا صار اوياكي شي جديد بلغيني والى الخوان  هم ايبلغون ونبلغهم وسلام اختكم ام انجلينا

[المسافرة]

اختي العزيزة اشكرك لاهتمامك وردك علي وان شاء الله ساخبرك بأي جديد بموضوعنا انت والاشخاص  المشابهين لحالتنا  تحياتي

[المسافرة]

اخي الكريم اشكر اهتمامك الرد على الموضوع وارجو اجابتك على سؤالي ما سبب رفض صديقك من اميركا لانه ممكن في حالات معينة يكون السبب غير منطقي لهذا تم قبوله ارجو التوضيح مع الشكر لتواصلك معنا

[المسافرة]

مرحبا اختي نعم عند رفض اميركا لاي شخص تكتب السبب في مغلف والموظف بالهجرة ملزم ان يشرح لك سبب الرفض مع تحياتي

[yasooo]

الله يبشرك بالخير اخويه ابو علاوي
مثل ما كالت المسافرة بلكي تحجيلنا تفاصيل هو شنو جان سبب رفضه؟ وشسوه بحيث عادوا النظر بملفه؟

تحياتي للكل

[chou]

اختي المسافرة  صدكيني احنة غريبة شغلتنة او غريبة مثل ماكالو المفاوضية غريبة هاي الحالة اول مرة انشوف رفض بدون اي اسباب اوزوجي كان يشتغل مع امريكان خمس اسنين اوبدال الباج خمس باجات لا اويعتذرون بعد احنا اسفين المكتب الباشنطن هم الي رفضوكم او كلامكم صح اوماكو اي من الاكذب والكفيل اتصلنا بية اواوراقك مضبوطة مابيها غلط وشركات نعرفهم بس مع الاسف مانعرف ليش انرفضتو او كاعدين ننتضر المفاوفية بلكي اتحولنا دولة ثانية لا اكو واحد ويانا هم رفضو قطعي بدون اي اسباب مع العلم اهلى كلهم بمريكا ومجنسين بعد ورفض خطيه او لله :( كريم اختك ام انجلينا

[storm2000]

السلام عليكم اخوان
الشغلة لا عجيبة ولا غريبة اني من المرفوضين شهر 7 / 2009 بغداد والسبب خدمت شهرين بجيش القدس لاحتساب بدا احتياط 2001  بشمال العراق .
وقدمت استئناف والى حد الان لا حس ولا خبر ز
الشغلة مزاجية بكيفهم اني كاعد انتظر المقابلة الثانية وجان يجي المصري على مرية كلها لاتخافين امورج ماشية , حتى هنا واسطات

[doori]

السلام للجميع....
صدكوني شباب لا مزاجيه ولا شي لكن الله سبحانه وتعالى كاتب للانسان يروح لو ميروح لحد يضوج
" الا بذكر الله تطمنئن القلوب "
لحد يضوج يا شباب حقكم والله واني اول ما دخلت المنتدى جنت فرجان وهسه هم فرجان لكن قلبي دينعصر كل يوم من المواضيع صدكوني يا ناس حطو في بالكم كلشي السئ والجيد وربنا يفرجها على الجميع يا رب
اخوكم
احمد الدوري
الاردن_عمان

[المسافرة]

مرحبا للجميع
 ولا شخص من المرفوضين من اميركا صار جديد معه طول هذه الفترة والمقصودين طبعا المقيمين في عمان ولاباس اذا شاركونا مشكورين الاخوان والاخوات المرفوضين من اميركا المقيمين في دولة اخرى مرحبا بهم  ارجوكم اذا في جديد فرحونا ولا تخافون الحسد وتوكلوا على الله

[ابو عماد]

ماكوووو......

[yasooo]

اليوم رحت دا اجدد الورقة ماليو ان شكد حاولت اقابل ميقبلون يكولولي ملفك مو يمنا بالتوطين
بس سوولي الورقه 5 دقايق وطلعت

[green card]

اخواني الاعزاء

مرحباُ

اول شيء اني جنت اسمع بالملفات المرفوضة وما اقرب للمواضيع مالتهم اكول ياربي ابعدنا

بس هسة ابشركم صرت منهم

اني انرفضت من امريكا بعد ما كملت كل المقابلات وبعد ما كملت الفحص الطبي والدورة التثقيفية

يعني ما بقى بالنسبة لتحديد مصير خياتي بس اتصال واحد تصوروا يعني شخص حياته واكفة على اتصال واحد بعدين ظليت انتظر لمدة 6 شهور واني انتظر بعدين شفت الشغلة تعبانة اشو لا اتصال ولا مسد كول ولا مسج كلت خلي اروح اشوفهم امن رحت حددولي موعد بعد يومين لمن حددولي موعد عرفت الشغلة رفض

وبالفعل لمن رحت بعد يومين لزكوني برفض معدل سبب الرفض هو backgroud chicks زين
وهسة اني دايخ

واحد يكلي قدم استأناف والاخر يكلي غير الوفد

وبعدني دايخ ومصدوم ومعلوس ومخربط ودايح وكل شيء كل شيء

يعني وين ننطي وجوهنا بعد

وين يعني نرجع للعراق علمود نموت هناك على ايدي هذولي الميليشيات

والله مصيبة

[المسافرة]

هل يوجد اشخاص في هذه الجمعية الصابرة قابل بعد الرفض في قسم التوطين وبعد كم من الوقت تم مقابلته  ارجو ان يشرح لنا ما الاسئلة التي انطرحت بالمقابلة وماذا تم في المقابلة بالتفصيل مع خالص الشكر .....

[yasooo]

الله يعينك كرين كارد مدا استوعب الموضوع لحد الان انت لعد شلون الله يساعدك

يابه لا تعبون نفسكم محد دايرلنا بال. اليوم حتى عالبي بي سي سمعت رئيس المفوضية مالاردن معترض يكول ليش ماكو دول دتفتح لجوء وكال لحد الان وطنوا 52000 واحد وبعد 48000 ينتظرون

يعني الامور كلش تبشر بخير كل هالناس اللي طلعت بعد اكو بكدهم

[المسافرة]

مرحبا للجميع
 لحد هذه اللحظة لم نسمع اي جديد بالنسبة لملفنا ارجو من الاعضاء في هذه الجمعية يشاركونا في كل جديد يخص ملفاتهم لانه والله تعبنا بشكل لا يوصف من الانتظار وهل سمع احد انه في وفود جديدة الان بالمفوضية ارجو اخبارنا مع خالص الشكر .........                                         

[green card]

طبعا اولا احب احيي اخي الغالي yasooo

واحيي كل الاخوة بالمنتدى

اما بالنسبة للملفات والرفض فوالله اكول انها مشكلة عويصة .. يعني معقولة يطون رفض للواحد وهمة يدرون بيه لا عنده وطن ولا عندة اقامة ولا عندة حتى ابسط الحقوق

والله اني دا احجي عن حالي هسة متأكد بأنه الحيوانات بأوربا عندها حقوق اكثر مني بألف مرة ...

والدليل واضح لانه اني ما عندي ولا حق .. يعني لو الهواء بيديهم هم جان منعوه علينا .. ليش ليش ليش؟؟؟؟

لانه لاجئين ؟؟ لانه ما عدنا دولة تطالب بحقوقنا ؟؟

هسة يسمعني واحد يكلي روح ارجع للعراق .... اي عراق هذا واني ما اكو جهة اكدر اسلم منها ...

شنو بشرفكم بس فهموني هاي يعني اني عايش كل عمري بالعراق ما اسأل على الطائفية لانه اني اصلا ما الي شغل بالدين

والطائفتين المتناحرين بالعراق سنة وشيعة هذا يكلي انت كافر وهذا يكلي انت كافر

زين واكلكم شنو السبب (( السبب لانه امي مسيحية وابوي مسلم سني ))

يعني هاي شسويلها وتطيب

اخوي قتلوه لهذا السبب وبقيت بس اني لاهلي

يعني شكد الواحد يريد يصبر ؟؟؟؟؟؟؟؟؟؟؟

وانوب هذولي بكل بساطة يطوك رفض

وانوب شوكت ينطوك الرفض ... بعد 6 اشهر من اتمام كافة المراجعات من مقابلات وفخص طبي ودورة تثقيفية بعد كل هذه ب6 شهور انطوني الرفض .. يعني هاي مو مصيبة لو لا ؟؟؟

تعبونا فوك ما احنا تعبانين

[مشلوع كلبي]

السلام عليكم---اوجه الكلام لكل المرفوضين واكول الله يعينكم ويصبركم ويفرج عليكم واحب انطيكم اميل لكفر سوسه طبعا للعراقين الى بسوريا لان انى ابنى كان مرفوض6/2009 وقدمنا استئناف 22/7  واتاخر الاستئناف وانى من هذا المنتدى وجدت الاميل راسلت بيه كفر سوسه والحمد لله اتصلو على ابنى وكمل الفحص والان ينتضر السفر-----------------والاميل --------------------------------------------------------------------------- .SYRDA@unhcr.org

[مشلوع كلبي]

بالنسبه للعراقين الى بالاردن ابحثو عن اميل للمنظمة وناشدوهم عن طريقه وبصورة مؤثرة ومختصرة لقضيتكم وانشالله يردون عليكم وتفرج على الجميع يارب

[storm2000]

دزيت اميل حتى احرك الاستئناف مالي الى دزيت بالشهر 12 العام والى حد الان الملف قيد الدراسة

[المسافرة]

دزيت اميل حتى احرك الاستئناف مالي الى دزيت بالشهر 12 العام والى حد الان الملف قيد الدراسة
مرحبا اخي انت تقصد بالايميل الذي بعثته  للمفوضية لو للهجرة ارجو التوضيح مع الشكر حتى  نستفيد جميعا

[مجرب الغربة]

السلام عليكم اني متابع وياكم من بداية الموضوع وحالي مثل حالكم مرفوض من شهر 6 سنة 2009
واتصال باليوان ويكولن ان الوفود ماكو بس اليوم سمعت ان الوفود تجي بشهر 7 مظل شي ننتظر والله كريم
الله يفرج على الجميع
اخوكم مجرب الغربة

[ابو عماد]

اخي الفاضل مجرب الغربة المحترم
شكرا على المعلومة .... اني هم سمعت بان في شهر السابع راح تجي الوفود بس ما نعرف صحيح لو فقط دعاية

[chou]

مرحبا اخوان انا هم سمعت بلخبر انو الوفود راح يجون في الشهر 7 ونشاء لله خير للجميع ام انجلينا

[storm2000]

الاخت المسافرة
الرفض كان من IOM فالاستئناف ايكون بالاميل
وحاضر لاي سؤال

[مجرب الغربة]

السلم عليكم اخوان اليوم اتصال بي احد الاصدقاء كان مرفوض وقدم استئناف من مدة سنة اتصلوا بي البارحة ومبلغي بانه يستلم مغلف القبول بدون ان يعيد المحلفين والثاني اتصلوا بي واعطوا موعد الفحص الطبي هاي iom  عمان اخوان ابشروا خير انشاء الله واني شنو اعرف ابشركم بي الله يوفق الجميع
اخوكم ///مجرب الغربة

[المسافرة]

اشكرك اخي على مرورك ونقل المعلومة بس ياريت توضح سبب رفضهم لانه مهم جدا بالنسبة لاعادة فتح الملف وايضا القبول حتى نستفيد اكتر                    

[المسافرة]

مرحبا للجميع
مافي جديد حتى صبرنا بلش يخلص

[doori]

مرحبا للجميع
اختنا المسافره الصبر مفتاح الفرج
اتصلت بال iom للاستفسار عن شغله كالولي بالحرف الواحد المحلفين راح يجون بعد يوم 15/7 يعني اكيد ويه الوفود اني ليهسه ما مقابل محلفين ادعولي اخواني

الصبر مفتاح الفرج لا تنسين اختي المسافره


حمودي
الاردن_عمان

[المسافرة]

مرحبا للجميع
اختنا المسافره الصبر مفتاح الفرج
اتصلت بال iom للاستفسار عن شغله كالولي بالحرف الواحد المحلفين راح يجون بعد يوم 15/7 يعني اكيد ويه الوفود اني ليهسه ما مقابل محلفين ادعولي اخواني

الصبر مفتاح الفرج لا تنسين اختي المسافره


حمودي
الاردن_عمان

اشكرك والله يبشرك بكل خير

[haidar1971]

السلام عليكم اخواني واخواتي
اني عضو جديد وارجو قبولي معكم
اني حيدر ابو نور
اني هم مرفوض من امريكا مرتين الرفض الاول بتاريخ 7-4-2009 والثاني بتاريخ 9-12-2009
ولحد الان ماكو اي جديد
بس حبيت اكول الله كريم وخلو عينكم بعين الله  زاني هم سمعت على اساس الوفود تجي بشهر 7 انشاءالله خير
مع التوفيق للجميع
اخوكم حيدر ابو نور   عمان - الاردن

[المسافرة]

اهلا وسهلا اخ حيدر ابو نور في جمعيتنا جمعية الصابرين شاركنا بانتظارنا تحويلنا الى دولة اخرى ان شاء الله
ماسبب رفضك اخي ؟؟؟؟؟؟

[المسافرة]

لقد تاكد الان الخبر انه جميع الدول مغلق اللجوء حاليا فيها واميركا هي الدولة الوحيدة المفتوحة بدليل ولا شخص سمعنا انه بالفترة الاخيرة تحول الى دولة اخرى
يارب افرجها علينا ملينا من الانتظار....

[ابو عماد]

نعم ماكو وفود ... جميع الدول مغلق باستثناء امريكا ...وهذا الخبر اكيد 100%

[المسافرة]

مرحبا اخي ابو عماد
اشكرك على اهتمامك وردك
 والله كريم يفرجها علينا جميعا

[doori]

مرحبا
اخوان لحد يزعل خبركم على ماكو توطين غير امريكا ما اعتقد صحيح والدليل على هالخبر اني رحت قبل اسبوعين سويت بصمات بال IOM وشفت عوائل هوايه دوره تثقيفيه لاستراليا اني بصراحه استغربت شنو استراليا وشنو IOM سالت كالو عادي مكان الدوره هي هنا وكان اغلبهم مرفوضين امريكا الله يسهلها عليكم


حمودي

[ابو عماد]

اخي ما نزعل وكلامك مضبوط شفت عوائل هواية دورة التثقيفية لاستراليا واكو حتى لاوروبا وكندا ايضا.
ولكن كلهم تم توطينهم قبل 2010 واكثريتهم كان مقابلتهم بالسفارة الاسترالية شهر الخامس والتاسع 2009 ولحد الان لم يستلمو النتيجة لاقبول ولا رفض.

اخي الفاضل نحن نقصد من بداية 2010 لحد الان ماكو تحديد دولة لا اوروبا ولا كندا ولا استراليا من الامم المتحدة فقط اكو لحالات لم الشمل درجة اولى... واكو امريكا. وانا متأكد 100%
وشكرا

[المسافرة]

الحمد لله انتهى شهر السادس ودخلنا بالشهر السابع ان شاء الله يحضرون الوفود الاوربية او اي وفود اخرى ويكون شهر خير علينا جميعا وارجو من اعضاء هذه الجمعية المحترمين ان يخبرونا عن كل جديد بخصوص ملفه لنتفائل وتعم الفائدة للجميع 

[yasooo]

الله يسهل عالجميع ان شاء الله

[مجرب الغربة]

السلام عليكم كلنه انشاء الله اخوه وشنو نسمع نوصله بأمانه للجميع حتى يستفاد الاخوة جميعا وبأذن  الله نسمع اخبار تفرح الجميع
اخوكم مجرب الغربة

[silver_d]

سؤال \
بله ماكو واحد يريد الكرين كارت مالتي واني اتحول على اوربا ؟؟؟؟
اخوان يعني الي يجي امريكا شراح يسوي يعني المنظمه مراح تتكفل بس 8 شهوور واكو مرات بس 4 شهوور مثل حالتي
واما بالنسبه للي مرفوضين من امريكا هاي بعد احسن واحسن ومن صالحهم اجتي لان الاشغال شبه ميته وغلاء مو طبيعي وايجارات جهنم الي يجي ماعنده فلووس قويه مراح يكدر يكمل العيشه بامريكا
روحوو اورباا والله اتمنه الكيلي  طلع على اوربا ومع العلم اني عندي كرين كارت امريكا واني اس اي في
وكاعد اصرف بالعفلووس الي جايبها وماكو اي نتيجه والله صارلي  شهرين ادوور على شغل مبقيت لا انترنت ولا معارف ولا اي مكان مبحوشت بيه حته رحت للعلوه مال خظراوات اشتغل حمال ملكيت
تحياتي
واتوكلو على اورباا وهذا رائيي

[علي النعيمي]

اخوان الظاهر شغلتنة حتطول ويمكن حصير من جماعة الرفوضين من امريكا هسة تكولون ليش اني اكلكم لانو قريت خبر بالمنتدى يكول انو اللجوء انغلق لامريكا فاذا هذا صحيح كل الكيسات حتتحول الى دول اخرى ارجو من ابو عماد والاخوة استبيان حقيقة القرار الجديد مال امريكا

[ابو عماد]

والله يا اخي ماعندي معلومات عن هذا الموضوع.. وانا مرفوض من امريكا بشكل نهائي...  والامم المتحدة سحبو ملفي من الاي او ام . بس اعتقد اكو تناقض بالموضوع مرة يكولون امريكا سدت التوطين للعراقيين ومن جهة اخرى الاي او ام اتصلوا بالاخ فاروق بانه عنده مقابلة وفتحوا ملفه ....اما بالنسبة الي الله كريم ننتظر دولة اخرى

[مجرب الغربة]

السلام عليكم اخواني الاعزاء اليوم الامور كله انخلطت ناس تكول اللجوء لامريكا توقف وناس تكول ماكو توطين اني يوم الثلاثاء الماضي كنت بمحاظرة بفندق بعمان وي الاي او ام وكان موجود المدير الاقليمي لدائرة الهجرة وكال الامور ماشية والامو كله باقية شنو الي صار بهاي اليومين اكلكم احنه مكتوب علينه الصبر والهم والله يستر بالايام الجايه شنو راح نسمع يمعودين نريد نسمع اخبار تفرح
اخوكم مجرب الغربة

[بغداد لاتتالمي]

السلام عليكم اخواني واخواتي
هل صحيح ان الوفود تاتي بشهر سبعه او هناك اخبار جديده
بشروني لان والله ماكو بعد صبر

[متفائل جداً]

السلام عليكم


الى الاخوة الي رفضتهم امريكا اذا كان الرفض لعدم المصداقية نكدر نكول 70 بل 100 انو اذا قدم استناف راح ينقبل

وبل نسبة لتقديم الاستناف وتغير دولة مالها علاقة وحدة بل ثانيه هوايه ناس دكول منقدم استاف علمود يحولونا لغير بلد وهذا الشيء الغلط

من خلال تجربتي اني انا انرفضت بشهر السابع 2009 وقدمت استناف بتارخ 23 شهر السابع وتم تحويلي الى المانيا بعد 3 اشهر وبعد 3 اشهر تمت المقابلة مع السفارة المانيا وبعد 6 اشهر تم تبليغي بموافقة الاستناف الامريكي

وبل نسبة الي يجي رفضين من امريكا شوية صعبة انو يتحول لغير بلد لان اعرف ناس انرفضت وينا من امريكا وبعدها انرفض استنافهم وبعدها بلغوهم الامم المتحدة ان ملفهم انغلق نهائيا من التوطين وسلمهم رسالة مكتوب بيها انو انتو غير مشمولين باعادة توطين لاكن تاخذون الحصة التمونيه وتضلون محميين بل مكان الي عايشين بي طبعا هاي بعض الحالات في قصص الغير المقنعه

وتمنياتي للكل بل استقرار والموفقية

[علي النعيمي]

الي يجي رفض من امريكا او اليوان شلون يعرف اخوان ارجو الرد لانو اكو ناس سئلوني هالسئال

[beauty of Baghdad]

اعزائي الصابرين احنه هم اجانه رفض من امريكا مثل مكتلكم قبل والسبب هو عدم مصداقيه هجي شي افتهمت لكن احنه مقدمنه استئناف واتصلت بالييو  ان كالت
   ملفكم يمنه ندرس بيه ونشوف اي بلد يناسبكم وكررت عليه يعني سحبتوه من اي او ام كالت اي وجددنه الحمايه وكلما اتصل تكول بعد وماعرف اصدك لو لا بيد رب العالمين

[مجرب الغربة]

السلام عليكم اخوان انني مافي انرفض بعد الاستئناف وكان سبب الرفض ام لي ولعائلتي حياة سعيدة بالعراق واسئلة محامية من اليو ان كالت لازم تستئنف وانني الى الان اتصل باليوان يكولون ان ملفي بالتوطين بانتظار دول اخرى تفتح والله كريم وانشاء الله نسمع اخبار تفرح
اخوكم /مجرب الغربة

[المسافرة]

اخي متفائل جدا
كلامك هذا يخص المرفوضين بسبب عدم المصداقية والذي تم رفضهم لاسباب اخرى ماذا سيكون مصيرهم طبعا الانتظار القاتل اليس كذلك ؟؟؟؟

[salam83a]

الله يعينكم اخوانا وخواتنا
بس ممكن نعرف شنو اسباب الرفض حتة الباقيين يتجنبون الاخطاء وشكرا لكم جميعا

[المسافرة]

الله يعينكم اخوانا وخواتنا
بس ممكن نعرف شنو اسباب الرفض حتة الباقيين يتجنبون الاخطاء وشكرا لكم جميعا

اسباس الرفض كثيرة ونحن لادخل لنا بها يعني تعتمد على المحلفين وليس علينا لانهم بصراحة يختلقوها حسب فهمهم للموضوع يعني بصورة اوضح لايمنكم تجنبها انتم لان الموضوع لايعتمد عليكم وكل شخص ونصيبه والخير في ما اختاره الله سبحانه وتعالى

[salam83a]

شكرا على الاجابة اختي العزيزة  ولكن عندما ياتي الرفض اكيد يكون معه سبب حتة لو انكم لم تخطؤا بشي ولكني اريد ان اعرف الاسباب  وحتة يستفيد الاعضاء منها وشكرا لك مرة اخرى

[المسافرة]

شكرا على الاجابة اختي العزيزة  ولكن عندما ياتي الرفض اكيد يكون معه سبب حتة لو انكم لم تخطؤا بشي ولكني اريد ان اعرف الاسباب  وحتة يستفيد الاعضاء منها وشكرا لك مرة اخرى

بالنسبة للاسباب الرفض مثلا عدم مصداقية او انت غير مؤهل للجوء في اميركا او انت مشارك بطريقة او اخرى باضطهاد الاخرين او المعلومات غير متطابقة او بسبب العسكرية والاشتراك بحروب وغيرها من الاسباب

[ابو عمار العبيدي]

مادري يعني يرفضون الناس بسبب الحروب

هو العراق من يوم متاسس لاخر لحضة كله حروب والشعب كله يحارب ودمر

اخوان المعلومات الي عندي ابو حزب البعث المناصب الجبيرة

حرب الكويت   الي مشارك بالجيش بالشمال

هذوله خليه يغمضون ويرجعون

اما بالنسبة للدول الي فاتحه اللجوء هسه هي امريكا فقط

وماكو اي دولة ثانية 

ماعدا استراليا لان اكو ناس اصحابي ديطلعون لستراليا وواحدهم راح يوصل لستراليا الاسبوع القادم


تحياتي  ابو عمار

[بغداد لاتتالمي]

اخواني واخواتي السلام عليكم
مو كالو راح تجي الوفود بشهر السابع هل هذا الخبر صحيح لو لا
ارجو م لدي اي معلمومات ان يكتب  لان بصراحه بعد ما عدنه صبر

[مجرب الغربة]

السلام عليكم اخوان اعرفت اليوم ان الوفود راح تبلش بتاريخ 15/7/2010 تجي لليوان انشأالله خبر اكيد وصحيح وابشرو خير اخوان راح الكثير وبقه القليل
اخوكم/ مجرب الفربة

[متفائل جداً]

اخي متفائل جدا
كلامك هذا يخص المرفوضين بسبب عدم المصداقية والذي تم رفضهم لاسباب اخرى ماذا سيكون مصيرهم طبعا الانتظار القاتل اليس كذلك ؟؟؟؟

عزيزتي المسافرة كل واحد وياكل قسمته بس الي اريد اكولة انو الواحد ما يائيس واكيد الي ينرفض يحولو لغير دولة اذا جانت قصة قوية بس اذا قصة ضعيفة ما اعتقد يتحول وراح تجيلة رسالة انو ملفة انغلق من التوطين نهائياً للعلم اذا اتحول الملف الى غير دولة وتم رفضة هم بيها مجال يحولوكم لغير بلدان

وتمنياتي الج انو يحولج لغير بلد وتستقريين

[المسافرة]

اشكرك اخي المتفائل جدا على ردك ودعائك
نحن منذ سنة تم رفضنا قطعيا من اميركا ودائما نتصل بالمفوضية يقولون ملفكم بالتوطين ارجو ان تطمني ماذا يعني هذا الرد
مع الشكر

[storm2000]

سؤال يرحم والديكم الرفض من يجي ويتحول للUN بس الخارج العراق ؟؟
لو الجميع 

[abu shahed]

نعم اخي العزيز فقط الي تم تحويلهم من UN الى IOM بعد الرفض  ترجع ملفاتهم الى UN وطبعا هم اصلا خارج العراق


                       ابو شهد

[بغداد لاتتالمي]

اخواني واخواتي السلام عليكم
اني هم مرفوض من امريكا مرتين
واتصلت على اليون ان وكلتلي الموضفه انتظر تليفون من عدنه يوم الخميس الجاي
شنو يعني هل هناك اخبار حلوه لو غير شي

[علي النعيمي]

اخي بغداد لاتتالمي اظن انو الوفود حسب  ممكتوب هنا حتجي يوم 15\7\2010 وكلنة دننتظر تحويلنة علة دولة ما لانو حسب معرفت الي يتحول علة امريكا اظن بسرعة يتصلون بية اما الي مثلنة طلعلة توطين ومخابرو ا لحد الان اظن ينتظرون الوفود الي حتي بتاريخ هذا الي كتبتة وان شاء الله نبدي نسمع اخبار حلوة

[beauty of Baghdad]

اصدقائي في المنتدى المحترم احنه استلمنه الرفض والعذر الضعيف جدا وهو اني مواثقهمن الكلام او مصداقيه والموظف كال قدموا استئناف مقدمنه لان صار عدنه وقته ظرفبعدين اتصلوا من اليو ان وجددنه الحمايه وكالوا انتظروا ندرس البلد المناسب  وهاي سنه خلصت وماكو شي  يعني احنه جماعه 7سنه 2009 ومنتظرين يعني اكول المرفوض من اي او ام ترجع ملفه لليو ان وهذا صار ويانه

[المسافرة]

اخواني واخواتي السلام عليكم
اني هم مرفوض من امريكا مرتين
واتصلت على اليون ان وكلتلي الموضفه انتظر تليفون من عدنه يوم الخميس الجاي
شنو يعني هل هناك اخبار حلوه لو غير شي

مرحبا
اخي لو سمحت متى اتصلت بالمفوضية واين تقيم  وهل تقصد الخميس يعني غدا ارجوك خلينا على علم ماذا يحدث معك لانك الوحيد في هذه الجمعية الصابرة يحدث معه هذا الامر                                                                                 

[بغداد لاتتالمي]

السلام عليكم اخواني واخواتي
انا اتصلت على المفوضيه يوم 7 - 7 - 2010 وكالت الموظفه انتظر تليفون من عدنه يوم الخميس اني فكرت الخميس الي فات
الخميس وما اتصلو بيه واني اتصل عليهم وطلعلي موظف وكتله يابه اني اتصلت بيكم وكالتلي الموظفه انتظر تليفون من عدنه
الخميس وما اتصلتو كلي الخميس الجاي مو هذا الخميس يعني يتصلون بيه بتاريخ 15 - 7 - 2010 والله كريم
اني بالاردن - عمان  وانشاء الله شيصير ويايه ابلغكم اول باول مع التوفيق للجميع

[علي النعيمي]

اليوم 15 ماكو شي جديد

[مجرب الغربة]

السلام عليكماخوان اليوم هو نصف شهر 7 ومن حسن الحظ ان باجر جمعه يعني لزم نتتظر ليوم الاحد حتى نعرف اخر الاخبار ابشركم اني رايح من الصبح لليو ان اريد اعرف اكو شيء جديد وانشاء الله نتواصل
اخوكم/مجرب الغربة

[علي النعيمي]

اخوية مجرب الغربة اكيد محيدخلوك اليو ان لاني حاولت بس الي مخابرية علمود شغلة ما فشلون حتعرف بس ان شاؤ الله نسمع اخبار حلوة منك

[الدال على الخير]

السلام عليكم
الصبر مفتاح الفرج والصبر مكتوب بس للعراقين الله يسر امر الجميع

[بغداد لاتتالمي]

اخواني واخواتي السلام عليكم
وعدتكم اذا خابروني اليوم راح اكللكم اصار ويايه والي صار ويايه هو
اليوم الصبح الساعه 10 ونص الصبح من يوم الخميس المصادف 15-7 اجاني اتصال من الامم المتحده وطلعتلي موظفه وكالت
السلام عليك سيد فولان بن فولان كلتله نعم كالت معاك u n كلتله اهل وسهلا كالتلي انته متصل عشان تعرف شو صار على
ملفك كلتلها اي كالت ماكو اي شي جديد لحد الان منتظرين الوفود تجي واي معلومات يردوها منك جديده راح نتصل بيك احنه
وشكرا
هذا الي صار ويايه اليوم واني منايم للصبح انتظر هذا الاتصال وطلع هوائا في شبك
ونهارت نفسيتي هوايه وتكئبت والله
انتو ما عدكم اي اخبار عن الوفود او اعاده توطينه على دوله ثانيه
ريحوني الله يريجكم
والسلام للجميع

[المسافرة]

مشكور اخي بغداد لاتتالمي
لانك وعدت انك تنقل كل شئ ووفيت بوعدك وبالنسبة لنا لم يجد اي جديد غير الانتظار القاتل والله يفرجها علينا جميعا وسنبقى  في هذه الجمعية على تواصل ان شاء الله

[علي النعيمي]

مشكور بغداد لاتتالمي سويت بينة احباط بس ليش خابروك اذا ماكو شي ديلعبون باعصابك وشكرا الك

[ابو عماد]

السلام عليكم

اليوم كان اكو اجتماع  الامم المتحدة مع الوفد الكندي بخصوص التوطين وخاصة لبعض المرفوضين من امريكا. بس ما اعرف نتيجة الاجتماع وين وصلوا؟ وكذلك سمعت بان كندا يريد بعض الملفات الحالات الخاصة (ما اعرف شنو المقصود بالحالات الخاصة)؟
هل يقصدون المرضى؟ ام يقصدون الحالات المستعجلة للتوطين؟ ام الحالات المتأخرة جدا؟....الخ
وسمعت من شخص موثوق بان بعض المرفوضين من امريكا لاسباب بسيطة بنظر اليو ان, مرة اخرى يعيدون قضيتهم الى التوطين الامريكي. وانشاءالله خير... فعلا اليوم 15/7 كان اكو اجتماع بين كندا واليو ان. بس لحد الان ماكو اخبار اوروبا واستراليا
ما ورانا شيء غير ننتظر الجديد والحدث بعد شهر بعد سنة الله اعلم

هذا اللي اعرفه وسمعته اليوم رجاءا لحد يسألني شلون ومتى وكيف؟ لاني ما اعرف اكثر من اللي كتبته لكم.
تمنياتي لكم بالموفقية والسفر السريع
أخوكم: ابو عماد / عمان

[بغداد لاتتالمي]

مشكور اخويه ابو عماد على هاي المعلومات والله احنه نتمنه الخير والسفر للجمبع
ياااااااااااااااااااااااااااااااااااااااارب والله كريم

[علي النعيمي]

شكرا اخ ابو عماد وننتظر منك اكثر لرفع المعنويات المحبطة وشكرا

[المسافرة]

شكرا لك على الاهتمام ونقل المعلومة وان شاء الله تنقل لنا اخبار سارة بعد هذا الاجتماع الله يجزيك خيرا

[abu shahed]

شكرا لك اخي الغالي ابو عماد انشاء الله خير الله يسر على الجميع


                  ابو شهد

[مجرب الغربة]

السلام عليكم اخواني الاعزاء المشاركين بجمعيتنه تسلم اخوي ابو عماد والله هذا الخبر ومضة امل جديد النه المرفوضين والمنسين شكرا جزيلا وانشاء الله نسمع اخبار حلوة واوعدكم اني اخوكم مجرب الغربة شنو اسمع اوصله بامانة للكل والله يوفق الجميع وباذن الله مظل شي نتمنى التوفق للجميع
اخوكم/مجرب الغربة

[المسافرة]

مرحبا اخي ابو عماد كيف الحال عساك بخير ان شاءالله في اخبار جديدة بخصوص الاجتماع الذي خبرتنا عنه مع خالص الشكر ....

[beauty of Baghdad]

السلام عليكم انشالله نسمع اخبار جديده او اي واحد دزوا عليه بس يعيد الامل حتى ننتظر  والتوفيق للجميع

[ابو عماد]

اختي المسافرة المحترمة
من وين اعرف نتيجة الاجتماع ؟   

[علي النعيمي]

ههههههههه اخ ابو عماد اخاف انتة مدير المفوضية والاخوان كلش مستعجلين يريدون يطلعون بسرعة ناس من سنة 2002 لحد هذة اللحظة ممسافرين خلي اعصابكم حديد وادعوالله يفرجهة عالاقل ملفكم بالتوطين اكو ناس لحد ها اللحظة قيد الدراسة وبالحماية الله العالم شوكت حتفرج عليهم الدعاء ثم الدعاء

[المسافرة]

ههههههههه اخ ابو عماد اخاف انتة مدير المفوضية والاخوان كلش مستعجلين يريدون يطلعون بسرعة ناس من سنة 2002 لحد هذة اللحظة ممسافرين خلي اعصابكم حديد وادعوالله يفرجهة عالاقل ملفكم بالتوطين اكو ناس لحد ها اللحظة قيد الدراسة وبالحماية الله العالم شوكت حتفرج عليهم الدعاء ثم الدعاء



اعتقد انا ما وجهت سؤال لحضرتك وعيب تستهزا بكلام الاخرين  

[علي النعيمي]

اختي المسافرة اني ترة ماستهزء بحجي اي احد وهذا طبعي تقبلي اعتذاري اذا اسئتي الفهم

[بغداد لاتتالمي]

كلنا اخوان انشاء الله وماكو اي استهزاء طولو بالكم وانشاء الله نسمع اخبار حلوه باجر يارب

[jumbo]

اختي العزيزة الله يعينج

[المسافرة]

اشكرك اخي جامبو والله يفرجها علينا جميعا

[beauty of Baghdad]

مرحبا اخوان اليوم اتصلت بالمفوضيه اريد اعرف شي عن الملف جاوبتني الموظفه يدرسوا فيه وبعد معرفت شي صار اكثر من سنه   ننتظر الدراسهيعني لو يسولنه فد لقاء بس يفهمونه الامر مو بشر احنه ضالين بالقلق  لو يكلولنه هله بيكم لو الله وياكم حتى نرتاح  من التفكير

[المسافرة]

نفس الشئ اختي نحن ايضا اتصلنا وذكروا الملف بالدراسة صار سنة نفس الكلام

[beauty of Baghdad]

اختي الغاليه اكو  ناس يحجون وياهم ويفهموهم  بس ليش قسم يخلوهم تايهين  لو هم حظ مادري تحياتي لااختي المسافره

[المسافرة]

الله كريم حبيبتي ان شاء الله تفرج علينا جميعا قريبا

[beauty of Baghdad]

انشششششششششششششششششششششششششششششششششاء   الله

[بغداد لاتتالمي]

لسلام عليكم اخواني واخواتي
اليوم سمعت خبر ما اعرف سمعتو بي لو لا الخبر هو يكو
احتمال يرجعون قسم من جماعه المرفوضين من امريكا الي رفضهم مو قوي الى امريكا مره ثانيه
والخبر الثاني يكلون حسب ما اسمع انو ماكو اي وفد جاي لحد الان من الوفود الاوربيه
يعني احنه باقين على الشحن لحد هسه والله كريم
انتو ما سمعتو اي اخبار جديده

[احمدمالك]

الصصصصصصصصصصصصصصصصصص---------------بر

[Meme Al-Temimi]

يا اخوان الرفض شي جدا عادي رح أكلكم احنة شصار ويانة و ان شاء الله تفيدكم
- تم التقديم الى الأمم المتحدة (حرستا) في تموز 2007 و حصلنا على وثيقة الحماية .
2- مقابلة توطين (كفرسوسة) 21/02/2009 .
3- ترشيح لأمريكا و مقابلة في كفرسوسة 23/02/2009
4- ترشيح لألمانيا في 16/03/2009 (بدلا عن أمريكا) . بناء على توصية من الأمم المتحدة .
5- رفض من قبل ألمانيا (بدون مقابلة ) و ترشيح لفنلندا 27/07/2009
6- مقابلة الوفد الفنلندي (كفرسوسة) 06/09/2009
7- رفض من قبل فنلندا و أعادة ترشيح لأمريكا 18/10/2009
8- مقابلة IOM (الأولى و الثانية بنفس اليوم ) في يوم 02/11/2009 (في المزة)
9- مقابلة محلفين (كفرسوسة) 05/05/2010 .
10- فحص طبي (جميع الفحوصات في يوم واحد ) 20/05/2010 .
11- نتيجة المحلف ( أستلام الضرف ) في يوم 27/06/2010 (موافقة) .
و هسة قابلوا كفيلنة و سفرنا على ذمتهم بعد شهر الى 45 يوم كحد أقصى
يعني اللي أنرفض منكم من بلد فأحنة أنرفضنا من امريكا ثم المانيا ثم فنلندا و رجعنة على امريكا و هسة رح نسافر بأذن الله ، يا اخوان خلو أملكم بألله كبير ، اكو هواية سفرات رح تمشي لأمريكا
و اتمنى ان تكون قصتي مفيدة
أختكم ميسو التميمي

[yasooo]

السلام عليكم

اليوم خابرت اليو ان ، اول سؤال كلتلي شوكت خابرت اخر مره؟؟ همزين صارلي اكثر من شهر. شو ابد ميطولون بالهم
هم كلولي ملفك بالتوطين رح يصير سنه ديدرسون بيه رح ياخذون عليه ماستر

الله يسهل عالجميع

[istanbul]

اختي المسافرة  صدكيني احنة غريبة شغلتنة او غريبة مثل ماكالو المفاوضية غريبة هاي الحالة اول مرة انشوف رفض بدون اي اسباب اوزوجي كان يشتغل مع امريكان خمس اسنين اوبدال الباج خمس باجات لا اويعتذرون بعد احنا اسفين المكتب الباشنطن هم الي رفضوكم او كلامكم صح اوماكو اي من الاكذب والكفيل اتصلنا بية اواوراقك مضبوطة مابيها غلط وشركات نعرفهم بس مع الاسف مانعرف ليش انرفضتو او كاعدين ننتضر المفاوفية بلكي اتحولنا دولة ثانية لا اكو واحد ويانا هم رفضو قطعي بدون اي اسباب مع العلم اهلى كلهم بمريكا ومجنسين بعد ورفض خطيه او لله كريم اختك ام انجلينا

السلام عليكم ايها المشتركين كافة واقول للاخ انا قصتي اعجب من هذا فقد تم قبولي بتاريخ 3 تموز 2008 وحضرت الفحوصات بتاريخ 7 تموز وكنت انتظر الطيران وسالتهم اكثر من مرة عن ولايتي واخبروني بانها ولاية ايداهو مدينة Boise  وبقيت انتظر الطيران لمدة سنة كاملة وبتاريخ 25 حزيران 2009 اتصلوا بي من OM في تركيا واعتذروا لي وقالوا انك قد رفضت وارسلوا لي رسالة الرفض ولا يوجد فيها اي سبب للرفض وانا انتظر منذ ذلك الوقت عسى ان يحولونني الا بلد اخر ولكن لا شئ جديد وكلما اتصل بهم يقولون انه لا يوجد دولة يستقبل العراقيين فما الحل؟؟؟؟

[متفائل جداً]

شلونكم شباب  وشابات انشاء الله كلكم اعصابكم حديد ولحد يضوج لان هيه مسالت وكت وكل هذا الكلام يصير سوالف وكل واحد ربه وين قاسمه يكون  راح يكون خلوو املك بالله جبير



تحياتي الكم
وانشاء الله الاستقرار والموفقية

[المسافرة]

اشكرك اختي ميسو على الشرح المفصل لقضيتك واتمنى لك الموفقية والسفر القريب واتمنى من الجميع ان يفيدونا بتجاربهم مثلك ويرفعون معنوياتنا لانه فعلا محتاجين هذا الدعم

[Meme Al-Temimi]

لا شكر على واجب أحنة لبعضنة

[beauty of Baghdad]

السلام عليكم اخواني واخواتي في المنتدى الحبيب اكللكم احنه من انرفضنه ما قدمنه وراه استئناف مع العلم كال الموظف قدموا راح تنقبلون  هل هذا ياثر على ملفنه واني من خابرت كالوا ملفكم يمنه ندرس بيه باليو ان والله تحيرنه نصدك لا نصبر ننتظر شنو

[مجرب الغربة]

[/font][/font][/color] السلام عليكم اخوان
اكلكم الظاهر الامور على حطته ماكو اي تغير لان اليوان تكول الى الان ماكو وفود وان احنه المرفوضين ملفاتنه قيد الدراسه يعني أيس ياعبيس شنو رائيكم نسوي اعتصام امام المفوضيه بلكي يسونه شي هذا مقترح ونتفق على يوم وننجمع بيه احنه المرفوضين بلكي تحل قضيتنه
اخوكم/مجرب الغربه

[beauty of Baghdad]

يله كول يالله واحنه وياك ندز رياجيلنه لو تريد نسوان ورجال هم ماكو مانع المهم صوره حل ولا انتظارقاتل كل يوم هزي تمر يانخله اجو لاشطلعت ملينه

[بغداد لاتتالمي]

السلام عايكم اخواني واخواتي
اعتقد هذا الحل مراح يجيب اي نتيجه لان لو سوينه اعتصام راح يطلع المسؤل وياخذ رقم الملفاتنه وارقام تليفونات ويكول
انشاء الله انسويلكم حل عن قريب يعني كله تخدير اي اليوم لو باجر نخابر وماكو اي نتيجه
وبعدين الامم المتحده عرفو شلون يتعاملون ويه العراقيين يعني عرفو دروب العراقيين لان اكو هوايه عراقيين خربو هوايه امور
عليهم وعلى سمعه العراقيين الباقيين يعني الشر يعم 
هاي انتو ما شايفين شي من العراقيين الي سوه بالامم المتحده لان اني مقدم على الامم من 2001 وشفت العجائب
واذا تردون اسوون اعتصام اني وياكم اكيد بس حددو اليوم  والزمان واني وياكم
لان الانتظار قاتل رهيب

[ام عسل]

السلام عليكم اخواني واخواتي

ا فكره كلش حلوه ذا حابين تعتصمون يم الامم الامتحده خوش فكره وبلكت جيب نتيجه بس خلي الاعلام بالوجه حتى يصيرون الامم المتحده امام الواقع يعني يوم الاعتصام خلي احد يتصل با قناة الجزيره والعربيه يعني حتى ينفضحون امام العالم كله بلكت ياخذون قرار بينه ويشوفون حل للمرفوضين ...واذا تردون اسوون اعتصام اني وياكم اكيد بس حددو اليوم  والزمان بلكي تنحل قضيتنه 

[المسافرة]

مرحبا   لاعضاء  جمعية   الصابرين

[beauty of Baghdad]

السلام عليكم هاوينكم اصدقائنه اشو صارت سكته حتى لاخبر ولا معلومه كسلنه من الانتظار الله يخليكم العنده شي يكللنه يجدد الامل شويه

[المهندس سيوفي]

شباب الله يساعدكم --- قريت اغلب الردود وشفت كلكم من المقدمين والمرفوضين من دول الجوار والله يكون بعونكم --- بس حبيت اسال هل اكو رفض من بغداد صاير قبل لو لا ؟ واذا اكو شنو الاسباب كانت ؟
بصراحة اني مسامع واحد انرفض بسبب عدم تطابق اقوال او هيج شي  بس يمكن كلة عالعسكرية   انتو شنو رايكم ؟

تحياتي والله يسهل امركم يارب

[المسافرة]

اخي بصراحة لحد الان ما في شخص من بغداد ذكر انه مرفوض
ولكن بالنسبة لاسباب الرفض فهي 8 وفي بعض الاحيان يذكرون عبارة الرفض لاسباب اخرى

[المهندس سيوفي]

اشكر جوابج اختي --- بس حسب خبرتكم ومعلوماتكم ليش تشوفون انه بغداد ميصير بيها رفض او نادر جدا ؟

[المسافرة]

اخي احتمال لانه المتقدمين من بغداد هم من المترجمين الذي عملو مع الامريكان او من الاشخاص الذين عملو معهم في اي عمل والله اعلم

[المهندس سيوفي]

وشنو الفرق واذا اشتغلوا وياهم ؟

[المسافرة]

الفرق واضح لانه سيكونون اكثر مهددين  من غيرهم وتهديدهم موثق من خلال الادلة التي يقدموها لهم التي تثبت عملهم معهم       
يمكن وضح الفرق

[بغداد لاتتالمي]

السلام عليكم اخواني واخواتي شلونكم
اصار وياكم على الاعتصام هل وصلتو الى موعد محدد قصدي اليوم والساعه
هل اكو اخبار جديده على اعاده توطين الى دوله اخرى لو لا لحد الان بشروني الله يبشركم بالخير

[مجرب الغربة]

السلام عليكم اخواني الاعزاء متأسف اني تأخرت عليكم بس السبب كان اني أشتشاريت احد الاخوان يعني استشاريت شخص مهتم بمثل هذه الامور وكال توكلوا على الله انشاء الله الاعتصام يجيب نتيجة لذلك حبيت نتفق على يوم محدد واذا احد يعرف اشلون نتصل بالفضائيات يساعدنه حتى يكون الاعتصام موثق ويوصل للعالم حتى يشوفون معاناتنه
اخوان شنو رأيكم يوم الاحد المصادف 0 1/8/201 حتى يصير مجال واحد يخبر الثاني ويكون تجمع كبير حتى نكون ايد واحة وخلونه نتفق ولو بس بهاي وخلي نشوف العالم احنه لمن نتحد ونتماسك نكدر نسوي شي والله يوفقنه ويكون النجاح ثمرتنه ارجوا المساهمه والرد             .               
             اخوكم /  مجرب الغرية

[بغداد لاتتالمي]

السلام عليم اخواني واخواتي شلونكم
اخويه مجرب الغربه حياك الله شلونك اخويه
اني اول واحد وياكم وشتردون اني حاظر واعتقد يوم 10 -8-2010 تاريخ زين حنه كل المرفوضين يصير عدهم علم
خلينه نتوكل على الله ويصير خير للجميع يارب
كافي لان والله بعد ما نتحمل كولو ياالله وخلي نتحرك شويه
مع التوفيق للجميع يارب

[المسافرة]

اخواني واخواتي ما رايكم نعمل احصائية بتواريخ رفض كل شخص  اقصد تاريخ الرفض  ما بعد الاستئناف مع ذكر الشخص اذا قابل بالمفوضية بعد الرفض وسابدا بحالي....
نحن لم نقابل بعد الاستئناف اي مقابلة

نحن تم رفضنا قطعيا 21 / 7 / 2009

[ام عبدو]

السلام عليكم...
نحن مرفوضين بتاريخ 2009_7_13 ولم نقدم استأناف ولا مقابلة باليوان...
وبالنسبة لاخوية بغداد نحن معاك وكل من اعرفه مرفوض سأخبره لكن بعد متأكدو الموافقة والموعد والله الموفق



                                        ام عبدو عمان

[علي النعيمي]

اني ممرفوض بس ملفي بقسم التوطين وسو تجمع مو بس المرفوضين وكل الي مقدمين حتة يصيرون امام الامر الواقع وتسهل الامور وبلكت دول العالم تلتفت علينة كلنة وامنة ان تكون فضائيات اجنبية بس شلون مااعرف

[بغداد لاتتالمي]

السلام عليكم اخواني واخواتي
الرفض الاول بتاريخ 7-4-2009
الرفض الثاني بتاريخ 9-12-2009
طبعا طول الرد على تقديم الاستنئاف 7 شهور واجاني الرفض الثاني
والحد الان ماكو اي مقابله جديده بالمفوضيه مع اي دوله اخرى

[مجرب الغربة]

      /[/color=blue][/color]السلام عليكم
اخواني الأعزاء موعد االاعتصام يوم الاحد 1/8    تاااااكيد الوعد
اني مرفوض من الوفد الامريكي الاول بتاريخ 9/4/2009
وقدمت الاستئناف وبتاريخ  20/7/2009 الرفض النهائي
اخوكم /مجرب الغربة

[ام عسل]

السلام عليكم اخواني واخواتي

الرفض الاول بتاريخ11\7\2009
الرفض الثاني بعد الاستئناف بتاريخ18\3\2010
والحد الان ماكو اي مقابله جديده بالمفوضيه مع اي دوله اخرى

اي يوم بالظبط يكون يوم الاعتصام واي ساعه

[علي النعيمي]

بس اظن لازم تاخذون موافقة من الداخلية الاردنية للي عندة معرفة بامور التظاهرة

[beauty of Baghdad]

اخواني احنه مرفوضين بتاريخ 15-6-2009والسبب جان عدم تطابق الكلام هشكل ترجم النه
ولم نقدم استئناف

[yasooo]

الاحد القادم  1/8/2010

9:00 صباحا

[المسافرة]

اعضاء جمعيتنا المحترمين تاكدو اولا ان هذا الاعتصام لايؤثر سلبا على ملفاتكم مع امنياتي للجميع بالتوفيق والله يكون معانا جميعا

[بغداد لاتتالمي]

اي اكيد بس نطلب من المفوضيه يجي المدير او المديره المسؤله
مو يدزون انه اي موظف جان وينطينه ابره مخدر وياخذ ارقام الملفات وارقام التليفونات ويكون يصير خير
وستنو تليفون منه لان شبعنه من هذا الحجي
احنه اريد حل لان ماعدنه صبر بعد اكثر

[المسافرة]

اخوان افضل لو تستشيرو المحامين في  الميزان بموضوع التجمع  حتى يكون هناك راي قانوني

[مجرب الغربة]

السلام عليكم اخوانانشاء الله غدا اتصلكم بأحد المحامين بالعون القانوني لان ميزان حاليا تركت اللاجئين العراقين وارجع خبر بخصوص التجمع امام المفوضية وانشاء الله خير
اخوكم /مجرب الغربة

[بغداد لاتتالمي]

السلام عليكم اخواني واخواتي
بشرو ماكو اي اخبار جديده حول التوطين او وصول الوفود الاوربيه
وهل اتفقتو على اليوم والساعه للعتصام
خلونه نستعجل بالله عليكم لان هذا الاعتصام من صالحنه حته يشوفونه حل كافي عاد والله تعبنه هوايه

[المسافرة]

مرحبا اخي لايوجد اي جديد بخصوص الوفود الاوربية ولا حتى الوفود الهندية

[متفائل جداً]

السلام عليكم

شلونكم اخواني والله اني مريت بنفس تجربتكم واكلتها سنه و6 اشهر علملى الله فرجها ترة شغلتكم ممحتاجه اعتصام ولا شيء شغلتكم محتجه صبر لان الشغلة مو بيد المفوضية الشغلة بيد الدول الي تمنح الجوء واحب اريحكم اكثر انو اذا ما اجتي الوفود الاوربية  ممكن ينعاد التوطين الى امريكا مرة ثانيه اذا جاوزتو السنه لان بصراحه اني من جنت مرفوض من امريكا كالولي تريد نرجعك على امريكا .

وصدكوني كلها اصير سوالف بس لا تفكرون بيها وخلوها على الله وشيء المقسوم لازم يصير

وتمنياتي للكل بل موفقية والاستقرار

[المسافرة]

اخي متفائل جدا انت حاليا في اي بلد يعني وين تم اعادة توطينك وكم انتظرت بعد رفض اميركا وتم اعادة توطينك  اخي نحن من سنة تم رفضنا قطعيا من اميركا  ولم نحول الى اي بلد اخر ارجوك وضح لنستفيد منك

[متفائل جداً]

السلام عليكم

عزيزتي المسافرة انا من المرفوضين في شهر السابع 2009 قدمت استناف وبعد 3 اجالي تلفون من اليوان ويكولون عدنه مناقشة وياك علمود الرفض

وبعد ما طبيت شرحتلهم القصة وشرحتلهم الاستناف والي قابلتني بنيه امريكيه كالتلي بل حرف الواحد انو لجنه راح ترجع تدرس ملفك وهيه تقرروبعد رجوعي الى البت تم الاتصال بي علمود يبلغوني انو ملفي تحول الى المانيا وبعد اجراء المقابلات بعد 3 او اربع اشهر  تم قوبل الاستناف الى امريكا مما جعلني اترك المانيا وابقة على امريكا اني حاليا بسوريا واي استفسار اخر اني حاظر

تحياتي الكم

[yasooo]

السلام عليكم

اخي متفائل اني بعمان رح يصيرلي سنه من الرفض بس محد اتصل بيه
واحد شيسوي حتى يرجعوا على اميركا

اي شي احسن من هذا الانتظار القاتل

[متفائل جداً]

اخي ياسو انت يوم الي نرفضت وديت الرفض مالك لليوان ؟

وثاني شيء انت قدمت استناف لو لا ؟

[المسافرة]

اشكرك اخي متفائل جدا واتمنى لك الموفقية والسفر القريب

[yasooo]

اي صديقي كلشي سويت
قدمت استئناف وانرفض ووديت الرفض لليو ان شو محد عبرني

[المسافرة]

خلص شهر السابع ولا جديد والله ملينا من الانتظار الله يفرجها علينا جميعا ...

[متفائل جداً]

اخي ياسو اني ما اعرف كلشيء بس دا احجيلك عني اني سبب رفضي جان عدم مصداقية وقدمت استناف ورحتت لليوان وقدمت رفض ما اعرف شعني اجوز كل رفض اله شغلة معينه بس الي اريد اكولة انو اكثر الناس اذا عدم مصداقية يمشوها الهم


واي سؤال اني حاضر


وبل نسبة لسوريا سمعت انو جايه الوفود

المانيا استراليا

[بغداد لاتتالمي]

السلام عليكم خواني واخواتي
شلونك اخويه متفائل ما سمعت وفود جايه للاردن لان ما معقوله لحد هسه ماكو اي وفد بس امريكا
لان كالو بشهر السابع وشهر السابع راح يخلص
يعني معقوله ماجايه الوفود وهل صحيح المانيا واستراليا جايه للسوريا لو بس حجي

[بغداد لاتتالمي]

السلام عليكم
شهر السابع خلص وماكو اي وفد جاي
ماكو اي اخبار اليوم اشو صارت سكته
اصار وياكم على الاعتصام

[yasooo]

ماكو اخبار وماكو اي امل

[المسافرة]

اخي لاجديد والله كريم

[بغداد لاتتالمي]

السلام عليكم اخواني واخواتي
والله العظيم اني جنت خايف من هذا اليوم الي ادخل بي على هاي الجمعيه
وما اشوف اي رد او مداخله من اي احد احس نفسي نتهيت وبعد ماكو اي امل بتوطين
ارجوكم اخواني واخواتي ادخلو وشاركو في هاي الجمعيه حته لو ماكو شي المهم نتواصل
خلونه ايد وحده تبا لليائس لا تخلون الحزن واليائس يسيطر عليكم
دائما خلونه متفائيل بالله عليكم
لا تهبطون معنوياتنه اكثر ما هيه محبطه ودائما كولو الله كريم وانشاء الله الخير جاي عن قريب يارب
المهم التواصل والدعاء المستمر
مع حبي وتقديري                            وشكرا للتواصل

[المسافرة]

مرحبا للجميع

[مجرب الغربة]

السلام عليكم اخواني الاعزاءاعتذر عن المشاركة بس  انشاء الله دائما نظل مشاركين بهاي الجمعية لان هي منفسنه الوحيد ونعبر بي عن مافي داخلنه بكل صدق وشفافية وكلنه متئملين خير بهاي السنه واذا متضيق متفرج اخوان والله يسر على الجميع يعني البارحة سمعت صديقي بسورية سافر بعد انتظار  سنه ونصف تقريبا وصل الى امريكا يعني الامل موجود والصبر مفتاح الفرج وانشاء الله الاسبوع الجاي نسمع اخبار حلوة
اخوكم مجرب الغربة
 

[المتفائل]

السلام عليكم
الله ييسر للجميع وأبد لحد يضوج صدكوني بلحظه تنقلب كل الموازين ورب العالمين بلحظه يغير كل شي وهذا الشي شفناه بأم أعيننا يعني ناس مرفوضه وعلى لحظه تلفون روحوا فحصوا ولو ناس منسيين وبلحظه وخلال شهر وشويه خلصوا كل شي وناس وناس وناس لحظه تلفون تريدون كندا لو تريدون وتريدون وهاي مو من جيبي هذا الحجي ولازم أكو منكم سامعين بهيجي أحداث ، يعني كولوا يالله وبساعة فرج تغير كل شي ورب العالمين أحنّ واحد على عباده يعني الأم شكد حنينه على طفلها بس رب العالمين هو الحنان كلّه وهو ديشوفنا وأحن علينا من كل البشر ، ومن الله التوفيق

[بغداد لاتتالمي]

انشاءالله اخويه والله يسمع منك يارب
ونعمه بالله

[بغداد لاتتالمي]

السلام عليكم
انشاءالله نسمع اخبار حلوه السبوع هاذه
كولو يارب

[ام محمد]

 السلام عليكم

شنو الي صار اتقفتو على الاعتصام لو لا اشو صنطه انشاء اللة يصير خير وتكسرون خشم iom عمان

اختكم ام محمد شيكاغو

[بغداد لاتتالمي]

                                                  السلام عليكم اخواني واخواتي
هل من جديد
هل من منقذ
هل من مجيب

                   

[المسافرة]

عزيزتي بغداد لاتتالمي اسفة لاجديد ندعومن الله ان يكون غدا احسن من اليوم

[مجرب الغربة]

السلام عليكم شنو اخباركم  ماكو شي جديد محد سمع خبر مناه مناه تره والله
ملينه الانتظار واليوان متسوي شي ماعدهم غير اكتب مناشدة وحطه بالصندوق
يعني معقولة ولا مرفوض تحرك ملفه تره هذه شي عجيب وغريب
ماكو غير الانتظار والصبر  نتمنى نسمع خبر يفرح
اخوكم مجرب الغربة

[بغداد لاتتالمي]

                                                     السلام عليكم اخواني واخواتي
اخويه مجرب الغربه شلونك اخبارك انشاء الله بخبر
والله ياخويه ماكو اي خبر لحد الان وده نتظر رحمه الله
وبعدين يجوز احد من المرفوضين متوطن وما يحجي لان بصراحه يخافون من الحسد ليش ما اعرف
واني متاكد اكو هوايه ناس متوطنين بس ما يحجون بعد ميعرفون احنه نحب الخير للكل العراقيين بداخل او بالخارج
والله يوفقهم جميعا
وحنه انكول الله ارحم الراحمين وما عده غيره معين والله يوفق الجميع
وانشاء الله بسمع اخبار حلوه مو اليوم باجر مو باجر بعد باجر ونكول الله يفرجها علينه ونخلص
من هذا العذاب كول يارب
                                              مع حبي وتقديري للكل
 

[بغداد لاتتالمي]

مجرب الغربه نسيت احجيلك هاي السالفه
اكو واحد صاحبي هم من المرفوضين من امريكا بشهر 2-2009 يعني قبلي بشهر
ها اخويه وبعدين طلع متوطن على كندا وما حجه الى اي شخص مع العلم جان من المقربين اليه بذات
ها خويه ومالي الفورمات ومقابل بسفاره الكنديه ومكمل الفحص ومسلم جوازه وستلم خط الرحله مالته
الي جانت بيوم 29-6-2010 وسافر اللله يسهله الى كندا
تعرف اني شوكت عرفت انو هوه راح يسافر قبل يوم من سفره
ها خويه حته تعرف انت وكل المرفوضين اكو ناس متوطنين بس ما يحجون لان كتلك يخافون من الحسد
ها خويه وها خويه وها خويه شنو رايك بها خويه وبهاذه صاحبي ها خوييييييييييييييييييييييييييييييييييييه
                     والله ارحم الراحمين
                                     
مع العلم اعرف هاذه صاحبي من العراق  مو من الاردن واعرفه عز المعرفه هوه واهله واني صالي بالاردن 10 سنوات
وها خوييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه

[المسافرة]

مرحبا
يعني ملينا والله لايوجد اي جديد بوضعنا الله يفرجها علينا اجمعين قريبا

[storm2000]

اخي بصراحة لحد الان ما في شخص من بغداد ذكر انه مرفوض
ولكن بالنسبة لاسباب الرفض فهي 8 وفي بعض الاحيان يذكرون عبارة الرفض لاسباب اخرى

الاخت مسافرة اني من بغداد وجاني رفض وسألتيني ليشششششششششششششششش مووووو!!!
واني هم مترجم جنت وهم جاني رفض هذا مو قياس همه بكيفهم !!!
بس اني ايحقلي اتحول على UN واني بالعراق !!!
تحياتي

[Mazen Al-Baghdadi]

الله يسهل عليكم اخواني وتفرج  ويخابروكم انشاء الله
واما بخصوص المظاهره فاكو هواي جماعه من محافظات  الاردن يردون يتاكدون من الموعد حتى يجون للمظاهره
لان هواي مرفوضين  بالكت الله يسهل عليهم

شلونك اختي المسافره  فرج الله قريب الله كريم

[بغداد لاتتالمي]

                                                     السلام عليكمالله يفرجها علينه وانشاءالله نسمع اخبار حلو[size=14pt][/size]

[ام عبدو]

السلام عليكم جميعا
متضيق الاتفرج الله يفرجها على الجميع واحنة البشر منعرف الخير وين ميعلمة الا الله عسى ربنا رايدنة خير بهل تأخير فقولوا يالله والله يسهل والهي ايسهل علجميع




                                         ام عبدو عمان

[بغداد لاتتالمي]

والله يا اختي ام عبدو ما عدنه بعد صبر وبعدين الوضعيه بالاردن صارت صعبه من ناحيه الشغل والتعامل
يعني احنه اريد نتوطن اليوم قبل باجر حته نرتاح من العذاب لان تعرفين احنه العوائل شويه صعبه العيشه بالاردن
وبعدين ليش اكلج اليوم قبل باجر لان على الاقل كدامنه سنه اذا مو اكثر حته نسافر مو صحيح
والله يقدم الي بي الخير

[ام عبدو]

السلام عليكم
والله اخوية بغداد اعرف الوضعية بالاردن وخاصة احنة صارلنا 17 سنة وعائلة مكونة من 8 اشخاص اشلون ماعرف بس كل هذا واكول ان شاء الله خير وعلينا انوحد الدعاء وبالذات في رمضان عسى شهر البركة الله يباركنا فيه ومينتهي الاوالله امفرجها علينا والله كريم


                                   ام عبدو من عمان بعد 9ايام ويقبط سنة على الرفض

[المسافرة]

مرحبا بشرونا  في اخبار جديدة حول الوفود او الدول المفتوحة حاليا

[علي النعيمي]

سمعت انو جتي وفود وبدو يتصلون بقسم من الملفات واخ عزيز خابرو علة مقابلة توطين بس مكلولة باي دولة لانو الموظفة كالت اجو وفود وان شاء الله الفرج

[yasooo]

يا الله هذا خوش خبر
ان شاء الله تفرج عن قريب

[مجرب الغربة]

السلام عليكم
اخواني الاعزاء اليوم اتصل بي احد الاصدقاء وهو يعرف اني مرفوض يبشرني ان احد اصدقائه المرفوض من سنه اتصلوا بي على الوفد الكندي
اخواني المرفوضين بدءت البشارة تهل بهلول شهر الطاعة والخير والبركة جعله الله على الجميع شهر الخير والاخبار السارة اخوكم مجرب الغربة

[المسافرة]

اخي مجرب الغربة الله يوفقك على هذا الخبر لانه بصراحة جدا محتاجته في هذا الوقت بعد الياس الذي سيطر بالكامل علي وعلى الجميع الله يخليك حاول تنقل لنا معلومات اكتر يعني كندا فاتحة التوطين حاليا
الله يفرجها علينا جميعا

[علي النعيمي]

سبحان الله اخي هذة صديقي هم متحول عالوفد الكندي بس هذا ممرفوض بس صارلة اربع سنين هنا وكلش فرحان بحيث خابرني من الصبح شلون شريف اكو ناس متخابر مثل محصل وية صديق الي وصل لاستراليا ومكال شوف الفرق اكو ناس شرفاء ميخافون من العين والمكتوب عالجبين لازم تشوفوا العين الف مبروك لكل عراقي يطلع كولو امين وللبقية اجمعين الظاهر منا وغاد نسمع  اخبار طيبة بصراحة جنت من اطب يصير بية احباط بس الحمدلله بدت الاخبار زينة تجي وان شاء الله الكل تتوطن السيء والزين والرزق علة الله والسفر هم رزق وكولو يا الله

[مشلوع كلبي]

بشرونا شنو نتيجة اعتصامكم شو ماكو احد منكم وينكم اختى المسافرة شنو الاخبار الله يفرجها عليكم يارب

[مجرب الغربة]

اخواني ان شاء الله الاسبوع القادم نسمع اخبار تفرح الجميع امانه عليكم اذا احد سمع خبر خصوصاالمرفوضين من امريكا ان يفرحنه ويكون اسبوع الخير على الجميع
شكرا الك اختي المسافره ان شاء الله نسمع اخبار طيبه عن الجميع
تفائلوا بالخير تجدوه
اخوكم مجرب الغربة

[بغداد لاتتالمي]

                                                     السلام عليكم اخواني واخواتي
الحمدولله على هاي الاخبار الحلوه الي ده نسمعها اليوم واشكر كل الاخوان الي نقلو هذا الخبر والتوفيق للجميع بتوطين يارب
اخواني جاي شهر الخير والبركه شهر رمضان المبارك الي بي ليله القدر خيرا من الف شهر يعني الدعاء مستجاب باذن الله
اخواني ارجو من كل شخص يسمع اي خبر بخصوص الوفود الي تجي ان يقوم بنقل الحقيقه الى هاي الجمعيه
وان يحجي بكل صراحه ولا يخاف من الحسد والاخوه الي مرفوضين وتم الاتصال بيهم على اعاده التوطين ان ينقلون الخبر الينا
بكل مصداقيه ولا يبخلون علينه لان احنه كنه اخوان اشاءالله
اختي ام عبدو ارجو منكي ومن الاخت المسافره الدعاء المستمر مو بي للمرفوضين بل لكل العراقيين الي بالغربه
وانشاءالله الاسبوع الجاي نسمع الاخبار الحلوه والمفرحه للكل يااااااااااااااااااااااااااب
مع التوفيق للجميع

                                                                        مع تحياتي  _ بغداد لاتتالمي

[المسافرة]

صباح الخير للجميع ان شاء الله يكون اسبوع خير على الجميع وتيسير كل الامور

[المسافرة]

  رمضان مبارك على الجميع وان شاء الله يتقبل طاعاتنا ودعواتنا 

[بغداد لاتتالمي]

                                                      السلام عليكم اخواني واخواتي
اولا رمضان كريم والله يتقبل الصيام من الجميع ولا تنسون الدعاء بالسفر للجميع وعن قريب يارب
ثانيا شنو الاخبار اليوم هل من اخبار جديده مفرحه يخصوص التوطين
ثالثا الي خابروهم ليش ما يحطونه بالصوره اصار ما صار وياهم وشوكت المقابله مالتهم
ارجو من عنده اي اخبار يكول وبكل صراحه
وهل صحيح الوفود الاوربيه جايه مثل ما سمعت لو لا واذا جايه الوفود صدك اي دوله جايه
مع تمنياتي بالسفر للجميع عن قريب ياااااااااااااااااااااارب
                 


                          مع تحياتي للجميع

[khalhd]

الاخ  العزيز   ستورم  storm    ارجو  منك  فقط  ان  تبين  لي  كيف  تم  رفضك  اي  متى  جاءك  الرفض  يعني  بعد  شكد  من مقابلة  المحلف  لان  اضاهر  انا  نفس  حالتك  اني  مقدم  من بغداد  وكملت  المقابلة  الثانية  والفحص الطبي  قبل  شهرين  اي  في بداية  السادس   ...........وبعد  مراسلات  مع  مكتب بربارا   او  جنيفرا   اجاني رد  بان  قضيتي  احتمال  كبير  ترفض  لعدة  اسباب  ............المهم  اخي العزيز  اتمنى اعرف  الرفض  ورا  اشكد  اجاك  من المقابلة الثانية  مع  تحياتي  وجزيل الشكر  مسبقا   

اخوك  ابو مصطفى   خالد

[بغداد لاتتالمي]

السلام عليكم اخواني واخواتي
بشروني ماكو اي اخبار حلوه عن التوطين
وهل الوفود موجوده لو لا واذا موجوده اي الوفود جايه
بشروني الله يخليكم قسما بالله بعد ما عندي اي صبر لان تعبت صدك تعبت ونفسيتي دمار
افيدوني الله يخليكم

[بغداد لاتتالمي]

والله يا ام عسل اظاهر راح نصير طرشي ونحمض هم
ما عدنه غير الصبر
الله كريم يجوز باجر نسمع اخبار حلوه ياااااااااااااااااارب

[المسافرة]

خبروني جماعة ذهبوا يجددون الوثيقة انه في وفود لا اعرف مدى صحة الكلام  ويوجد خبر من نفس الجماعة ان جيرانهم اتصلت المفوضية بهم لتوطينهم في البرتغال لكن لااعرف انهم مرفوضين مثلنا ام لا بس اذا الكلام اكيد يعني معناها وجود الوفود اكيد ان شاء الله
هذا الذي سمعته وصلته لكم ولا اعرف مدى صحة الخبر لاني سمعت ولم ارى لاتاكد ...

[علي النعيمي]

البرتغال اول مرة اسمع البرتغال الظاهر محتاجين نفط العراق ههههههههههههه

[ام عبدو]

السلام عليكم
اللهم ياجامع الناس في يوم لاريب فيه اجمع اشخاص هذه الجمعية في البلد الذي يرتاحون فيه ويستقرون فيه امين يارب العالمين وفي رمضان القادم ان شاء الله تكونو خارج عمان وكل عام وانتم بخير


                                   ام عبد الرحمن عمان

[مجرب الغربة]

السلام عليكم
جعل الله شهر رمضان شهر الخير والاخبار السارة على كل المشاركين بهذه الجمعية ويسر الله ملفاتنه النايمه باليوان ويفرج على الكل بالتوطين السريع يارب يارب
اخوكم / مجرب الغربة

[hamdany]

اخواني الاعزاء تعرفون قصتي في سوريا حيث كماتعلمون انارفضت من امريكا منذ عام 2008 ولم اقدم استئناف عسى ان اتحول الى دولة اخرى لكن بعد ثلاثة اشهر جائني اتصال من التوطيين واخبروني بغلق ملفي نهائيا طبعا مع مجموعة من العوائل والمفاجئة كان معي شخص صديقي مرفوض من امريكا ومقدم استئناف وايضا اخبروه بغلق ملفه لكن بعد كم شهر اتصلو به وقابل الوفد الامريكي مرة اخرى وقبلوه والان هو في اميركا يعني يبدو انه لايوجد تنسيق بين الهجرة الدولية  والتوطين في كفر سوسةالمهم قمت قبل كم يوم بمراسلة منظمة الهجرة الدولية اللتي اعطتني الرفض وشرحت لهم قصتي والبارحة صباحا اتصلو بي وقالو موضوعك خرج من عندنا وانت لامجال لك التوطين في اميركا نهائيا بسب الرفض وموضوعك اصبح مع التوطين في كفر سوسة لكن المشكلة جماعة كفر سوسة اتصلت بهم سابقا وقالو لي ملفك غلق وتبقى لاجيء في سوريا ماذا اعمل افيدوني ...مع تمنياتي للجميع بالموفقية وتحقيق الاماني ...اخوكم الحمداني .سوريا

[المسافرة]

مرحبا اخي الحمداني رمضان مبارك عليكم
اخي حاول ان تبعت مناشدات الى المفوضية في كفر سوسة بصورة مستمرة وتبعت لي على الخاص سبب الرفض من اميركا والله يسهل امرك وامرنا جميعا                                             

[المتفائل]

السلام عليكم
رمضان الخير والبركه عليكم
رابط مهم حول نقاش في إرسال إيميلات مره واحده من الكل يوم 14 الى!!!!!!!!!!!!!

     http://www.ankawa.com/forum/index.php/topic,433465.0.html

وهنا توضيح يخص الإيميل الذي سيتم الإرسال له وكيفية كتابة الإيميل :

http://www.ankawa.com/forum/index.php/topic,426536.0.html

[مجرب الغربة]

السلام عليكم اخي العزيز ماافتهمت شي وين تقصد نرسل الايميلات حدد حتى نفتهم والموعد الي تقصده 14/8/2010 ارجو التوضيح
        اخوكم /مجرب الغربة

[مهند التميمي]

السلام عليكم اخوان اني اخوكم عضو جديد بالمنتدى ... عندي سؤال ارجو من حضراتكم الاجابة عليه اني قدمت على UN وسويت مقابلة اولية وبعدين البنت اللي قابلتني كالت روح قدم اذا اتريد على IOM وقدمت عن طريق الايميل وبعد تقريبا شهر اجتني عبارة من المنظمة المذكورة اعلاه ( ان تعريفك يعني ملفك غير مطابق لمعايير البرنامج ) .... سؤالي : هل اني مرفوض من امريكا لو لا ؟ واروح على UN واكولهم انه اني قدمت على IOM وانرفضت حتى يحولون ملفي على احد الدول الاوربية لو اشلون ؟؟؟ علما اني بدولة الاردن .
مع شكري وامتناني لكل الاعضاء الكرام .

[المتفائل]

السلام عليكم اخي العزيز ماافتهمت شي وين تقصد نرسل الايميلات حدد حتى نفتهم والموعد الي تقصده 14/8/2010 ارجو التوضيح
        اخوكم /مجرب الغربة

وعليكم السلام
أدناه رابط التوضيح:
http://www.ankawa.com/forum/index.php/topic,426536.0.html

[المتفائل]

السلام عليكم
رمضان الخير والبركه عليكم
رابط مهم حول نقاش في إرسال إيميلات مره واحده من الكل يوم  14/8/2010  الى!!!!!!!!!!!!!

     http://www.ankawa.com/forum/index.php/topic,433465.0.html

وهنا توضيح يخص الإيميل الذي سيتم الإرسال له وكيفية كتابة الإيميل :

http://www.ankawa.com/forum/index.php/topic,426536.0.html

[المسافرة]

اخي المتفائل انت مشكور على جهودك بس للاسف هذا الرابط لا يخدم اعضاء الجمعية لاننا هنا مرفوضين بشكل قطعي يعني لا يحق لنا لا استئناف ولا يوجد اي فائدة من مراسلتهم  اكرر شكري لك وتعاونك ....                                       

[المسافرة]

اخي مهند التميمي من شروط التقديم الى منظمة الهجرة الدولية بصورة مباشرة هو العمل مع الامريكان وبالنسبة لموضوعك يجب ان تخبر المفوضية بالرفض وبعدين انت لحد الان لم يتم قبول توطينك بالمفوضية كيف تريد ان يتم تحويلك لدولة اوربية اخي خد الموضوع خطوة خطوة يعني اذهب الى المفوضية وخبرهم ما حدث معك واترك الباقي على الله لانه ليس في يدك شئ غير الانتظار  بالتوفيق                       

[المسافرة]

مرحبا فرحونا في اخبار جديدة عن وجود اي وفد

[مجرب الغربة]

السلام عليكم
اخواني الاعزاء بجمعيتنه اشو الامور صارت لاحس ولا نفس
يعني ماكو خبر منا منا يعطينه امل تره والله ويه الحر ورمضان بزعنه حته نفسنه
والله اني اعتبر جمعيتنه هي المنفس الوحيد الي يبرد قلبي
فنتمنه من المشاركين ان لايبخلون علينه بالاخبار الحلوه
ودائما نكول ان الصبر مفتاح الفرج
اخوكم/مجرب الغربة/color][/size/]

[هباوي]

اكو فرج بلنسبه لجماعه تركيا اليوم اليو ان خابرو على المرفوضين كلهم ماعدايه اكيد ليش ماادري كلشي قسمه ونصيب وحولو المرفوضين من امريكا الى كندا وانشالله الفرج الي وللجميع كولو امين

[مجرب الغربة]

السلام عليكم اخواني الاعزاء
حبيت اخبركم اليوم اتصلت باليوان بعمان والموظف يكل ان الوفود موجودة بس للاسف اي وفد لم يقتنع بالقصة يعني
ان الشروط الي يريده الوفد مموجودة بالملف   اخوان احد سمع ليش احنه المرفوضين مو لزم يلكونه حل
        اخوكم/   مجرب الغربة

[yasooo]

شون يعني الشروط ممتوفرة ، لعد وين نروح؟؟؟!!!!

[المسافرة]

مرحبا اخت هباوي هل انت متاكدة من صحة هذا الخبر ارجوك طمنينا وبالنسبة لك  لماذا لم يتم تحويلك الى كندا هل سبب رفض اميركا لك يؤثر بالتحويل؟؟

[الفاروق]

السلام عليكم
الاخت هباوي بيا بلد انتي؟
ممكن توضحين يعني الفض من امريكا يؤثر على موافقه كندا؟؟؟

[doori]

مرحبا
شباب وبنات مساء الخير
اني من عمان مقابل محلف اريد اسال منو قابلته محلفه افريقية الاصل تضع نضارات ما اعرف قابلة احد بيكم وانرفضتو بليه زحمه الجواب وشاكر الكم لان اذا اكو هوايه مرفوضين من قبلها احجزولي مكان يمكم

حمودي
الاردن_عمان

[المسافرة]

اخي حمودي ساحجز لك مكان في الجمعية لاتقلق لانه نحن ايضا قابلتنا نفس المحلفة وبالتوفيق 

[UASF]

اسلام عليكم

الاخ حمودي الغالي انشاء الله تكون بخير

جنت دا ادور على ردودك وكلت يمكن هسة الكه مشاركة منه اهنا

اخي العزيزي انته تبلغت من المنظمة بالرفض ام هو تخمين شخصي؟

انشاء الله يارب هاي الجمعية كلها يتصلون بيها ويبلغوهم باستئناف اجراءات الهجرة مرة ثانية

اخوكم
UASF

[هباوي]

مرحبا اختي العزيزة المسافرة
البارحه سمعت الخبر من الاصدقاء هنا في تركيا واليوم اتصلو اليو ان بنا وخبرونا سوف يتم دراسه الملف فقط ولايوجد تحويل في الوقت الحالي واسفه على نقل الخبر كنت احب ابشركم بشي جيد وانشالله الفرج لنا وللجميع

[علي النعيمي]

اخواني اخواتي اني خابرت اليو ان مال عمان كلتلة شنو القصة ماكو وفود كلي لا موجدوة الوفود ودتاخذ ملفات وكبل فترة توطنو علة البرتغال هولندا كندا امريكا استراليا وكتلة اريد استفسر عن ملفي كلي بقت اجراءات بسيطة ويتصلون بيك لمقابلة توطين وتحويل علة بلد كتلة مو تحت الدراسة كال لا(خرج من تحت الدراسة) بقت اجراءات بسيطة ويتصلون بيك كتلة اكيد كلي اكيد وكتلة كالو بس امريكا مفتوحة كال لا كل الدول وحسب الوفود الي تجي واني ان شاء الله من يتصلون بية مقابلة توطين استفسر اكثر واخبركم بالجديد ان شاء الله الكل تتوطن

[yasooo]

الله يسمع منك aa12 يارب كل المرفوضين يتوطنون بهالشهر
ادعوا ما دام احنا برمضان وان شاء الله دعوتكم مستجابة

الله يسهل علينا وان شاء الله الفرج القريب

[doori]

مرحبا
لا والله يا اخ UASF تخمين شخصي والله يستر
التوفيق للجميع

[ssoni]

اللة يسمع منك يارب او كلنا نطلع ونسافر يارب انشاء للة كل الي بجمعية المرفوضين قطعي والينتضرون يطلعون يارب او بلاخص المسافرة سلامي  وسلامي للجميع وشكرا للي نقل الخبر المفرح اني اختكم ام انجلينا المرفوضة قطعي من امريكا من الاردن او مرفوضة من البرنامجين aom اوsiv  قطعي بدون سبب

[yasooo]

السلام عليكم
اني اليوم هم خابرت اليو ان بس مكالت شي نفس الحجي ملفك بالتوطين تحت الدراسة
كلتلها صار سنة على هالحال كالت هاهيه انتظر

[علي النعيمي]

حبيبي yasooo مو كل موظف يكدر يحجي بكيفة وعن تجربة البنات من تخابرهم كلشي متفتهم واني الي حجي ويا بالكوة حجيتة عالوفود والرجال دائما ينطيك الصحيح وعن تجربة شخصية من اخابر تطلعلي بنية بصراحة كلشي ماافتهم كلما اخابر من تطلعلي بنية متكلي الصحيح اخر مرة خابرت طلعلي رجال كتلة رحمة لوالديك فهمني ملفي شصار منة كلي باقي اجراءات بسيطة ويتصلون بيك كتلة مو تحت الدراسة كال لا وبالفعل صديقي هم جان ملفة بقسم التوطين تحت الدراسة وكل مرة يكلولة تحت الدراسة هم اخر مرة خابر كالولة اجراءات بسيطة ويتصلون بيك وبالفعل بالظبط ورة سبوع خابرو علة مقابلة توطين ونفس الحجي الي كلولة كلو الي

[المسافرة]

اللة يسمع منك يارب او كلنا نطلع ونسافر يارب انشاء للة كل الي بجمعية المرفوضين قطعي والينتضرون يطلعون يارب او بلاخص المسافرة سلامي  وسلامي للجميع وشكرا للي نقل الخبر المفرح اني اختكم ام انجلينا المرفوضة قطعي من امريكا من الاردن او مرفوضة من البرنامجين aom اوsiv  قطعي بدون سبب اشكرك اختي ام انجلينا لانك خصيتيني بالدعاء والله يستجيب منك بالسفر لي ولك ولجميع العراقيين الذي يتمنون السفر باقرب وقت لان الانتظار صعب جدا 

[المتفائل]

بشرى سارّه للمرفوضين من الأخ كابوس :

http://www.ankawa.com/forum/index.php?PHPSESSID=dd959906eb1e539d140df33fda0fdaa9&topic=435487.0

[مجرب الغربة]

اخواني الاعزاء هل هذا الخبر يشمل المفوضية الي بعمان يعني اريدافتهم  احنه المرفوضين
يشملنه هذا الخبر السار طمنوني اخواني
 اخوكم /مجرب الغربة

[مجرب الغربة]

اخوي العزيز المتفائل نشكرك على هذا الخبر يعني احنه المرفوضين
بعمان  نفرح بهذا الخبر مع كل اعتزازي
اخوكم   /مجرب الغربة

[المتفائل]

أخي الكريم مجرب الغربه كل الشكر يعود لله عزّ وجل أولاً ثم الى ناقل الخبر السار أخونا كابوس ثانياً ، هي هاي ساعة الفرج الحمد لله .
بما أنه هذا الخبر في تركيا يعني الكل مشمولين إن شاء الله من أردن الى سوريا إلى مصر وألخ ..... لأن الأمم المتحده من تقرر قرار يشمل كل الدول مو بس تركيا ، ألف الحمد لله والشكر ومبروك وألف مبروك ياصابرين وهذا جزاء الصابرين.

ومن الله التوفيق

[المسافرة]

شكرا لك اخي المتفائل على اهتمامك ونقل الخبر والرابط والشكر ايضا للاخ كابوس الله يجزيكم كل خير وان شاء الله يتصلون بنا  قريبا لنفرحكم 

[المسافرة]

اخي مجرب الغربة ان شاء الله يشملنا الخبر لانهم يتعاملون مع الموضوع بصورة جماعية وليست فردية يعني تشمل كل المرفوضين في كل الدول وليست في دولة معينة فقط

[yasooo]

السلام عليكم

مسمعتوا شي عن عمان؟؟ اتصور اكثر عدد مرفوضين هو هنا

[مجرب الغربة]

السلام عليكم اني شاكر لك اختي العزيزة المسافرة والله يسر الخير على كل العراقيين
ويفرج عليهم وانشاء الله هذا الخبر يشمل الكل
اخوكم / مجرب الغربة

[المسافرة]

تصفحت اكتر من موضوع بالمنتدى والحمد لله مواعيد سفر وتحريك ملفات الا جمعيتنا كل الملفات فيها ثابتة ولا تتحرك  يا الله افرجها علينا  قريبا

[emigrant2]

اخي بصراحة لحد الان ما في شخص من بغداد ذكر انه مرفوض
ولكن بالنسبة لاسباب الرفض فهي 8 وفي بعض الاحيان يذكرون عبارة الرفض لاسباب اخرى

الاخت مسافرة اني من بغداد وجاني رفض وسألتيني ليشششششششششششششششش مووووو!!!
واني هم مترجم جنت وهم جاني رفض هذا مو قياس همه بكيفهم !!!
بس اني ايحقلي اتحول على UN واني بالعراق !!!
تحياتي

اخ ستورم
الاخوة الاعزاء

ممكن ايضاح شنو هي نقاط الرفض ال 8  جماعة بغداد ؟؟
وشلون الواحد يحول على اليو ان ؟؟

تحياتي

[المسافرة]

اخي emigrant2
 لا اعلم في بغداد يوجد مفوضية اعتقد لا يوجد يعني لازم تسافر الى دول الجوار لتقدم على المفوضية وبالنسبة لاسباب الرفض 8 منها عدم مصداقية ومنها العسكرية والمشاركة بالحروب ومنها انت مشارك باضطهاد الاخرين  واسباب اخرى مثل انتماءات حزبية الى اخره ارجو ان اكون جاوبتك على اسالتك وبالتوفيق

[emigrant2]

تعيشين وانا جداً ممنون

بس النقاط بعد ماصارت 8
يعني هل يوجد تسلسل بذلك لان اناداقرا مرات انه الشباب يكولون رفض للنقطة الخامسة وانا مااعرف اذا كان اكو تسلسل

تحياتي وتمنياتي لك بالموفقية

[ام عسل]

السلام عليكم اخواني واخواتي

بس حبيت اسال  عن الرفض الي يكون المربع الاول والثالث شنو يعني؟

تحياتي الكم

[emigrant2]

UP

[المسافرة]

اخي emigrant2 نعم يوجد تسلسل من رقم1--8 وانا ذكرت لك الاسباب غير متسلسلة لاني مو حافظة التسلسل بالضبط وبالتوفيق

[storm2000]

اني من المرفوضين شهر 10/2009 قدمت استئناف شهر 12/2009 والى حد الان لاحس ولا خبر
((( في العراق )))

[yasooo]

اليوم ولد صديقي هم مرفوض مخابر اليو ان كايليله ملفك تحرك وان شاء الله يخابروك قريبا

منو منكم خابرهم وشديكولولكم؟؟

اني كلما اخاابر يكولولي ملفك بالتوطين تحت الدراسه

[tariq_s55]

هاي شلونكم
للاستفاده فقط
اكو عائله رافضيهم قبل سنه او نص قدمو استاناف قبل شهر اطصلو بيهم كلولهم انريدكم باليو ان راحو هناك او هما اتفاجئو انو كامو يعتذرون منهم كلولهم انتضرو من عدنا تلفون او هما رجعو للبيت بعد يومين خابروهم كلولهم تعالو محلفين خلصو المحلفين كلولهم باجر اتسوون فحوصات او ثاني يوم راحو سوو بصمات و الشغله هاي من شهر الى قبل جم يوم خلصو
او ملاحظه ثانيه اكو صديقي هم مرفوض ممقدم استاناف او ولا شي خابروه قبل اسبوع كلولا تعال لل اي او ام راح هناك كلولا يلا انريد البصمات او انتضر تلفون عالفحوصات
ان شاؤ الله تنفتح ابوجهكم او ايخابروكم
تحياتي للجميع

[storm2000]

ان شاء الله خير ويوفق العراقيين

[المسافرة]

اشكرك اخي طارق على الاهتمام ونقل الاخبار المفرحة

[مجرب الغربة]

السلام عليكم
اخي العزيز طارق ممكن اعرف ان الاستئناف الي قدموا العائلة هو بعد السنة والنصف لو اجه الرد بعد السنه ونصف
يعني قدموا الى الاي او ام /////ام//// اليوان ///// ممكن ترد جواب
مع الشكر الجزيل
 اخوكم //مجرب الغربة

[tariq_s55]

هاي
اخويه مجرب الغربه
لا ما اجاهم اي رد لمن اتصلو بيهم او مشت معاملتهم او اليوم خابرتهم كالو سولنا اعاده توطين الاميركا  او هسا دينتضرون الدوره التثقيفيه
امنياتنا للجميع

[ssoni]

مرحبا جماعتي المرفوضين اني اتصلت يوم الاحد الي فات طلعت وحدة يمكن كانت نايمة بل كوة تحجي ام طفيه كلتلها اصار من ملفي كالتي ملفج في الحماية كلتلها اشلون اني سنة ونص توطين وتحول aom ورفضت هو الملف ينزل لو يصعد كالت اي درسوة ويحولة بلد الثالث سالتة على الوفود كالت ماكو حالين ياريت من الخوات او الخوان اي فحمني شلون يعني الملف ينزل يعني صح اكو هيجي شي لو كذب وشكرا

[المسافرة]

مرحبا اختي نعم اختي ssoni  هذا امر طبيعي حدث مع حالات كتيرة لا تقلقي لانه بعد ان يتم الرفض من الهجرة طبيعي يعود للحماية واذا يحتاجون بعض المعلومات سيتصلون بك لتحديد مقابلة واذا ملفك كامل ولا يوجد نقص فيه يعيدوه الى التوطين مرة اخرى وقد يستغرق بعض الوقت ان شاء الله  بالتوفيق

[احمد عباس]

مرحبا جماعتي المرفوضين اني اتصلت يوم الاحد الي فات طلعت وحدة يمكن كانت نايمة بل كوة تحجي ام طفيه كلتلها اصار من ملفي كالتي ملفج في الحماية كلتلها اشلون اني سنة ونص توطين وتحول aom ورفضت هو الملف ينزل لو يصعد كالت اي درسوة ويحولة بلد الثالث سالتة على الوفود كالت ماكو حالين ياريت من الخوات او الخوان اي فحمني شلون يعني الملف ينزل يعني صح اكو هيجي شي لو كذب وشكرا

والله يابه اني نفس السالفه خو اني من 2007 بدايه 2010 يالله تحولت لدوله

هسه همين مادري شكد راح اضل انتضر لمن اسافر سنه سنتين تلاثه مندري

[ابو عماد]

السلام عليكم....

اليوم اتصلت بالمفوضية وسألت عن ملفي وعن التوطين...
الجواب ملفك بقسم التوطين وننتظر جواب من السفارة الكندية بخصوص عدد كبير من الملفات ولكن لحد الان ماكو جواب.
توطين اوروبا ماكو نهائيا لا المانيا ولا نرويج ولا سويد ولا ولا ,,,, اوربا حاليا متوقف للعراقيين لا من الاردن ولا من سوريا ولا من تركيا ولا من مصر يقبل ملفات العراقيين,,,, اوربا في الوقت الحاضر فقط يستقبل ملفات لم الشمل درجة قرابة الاولى اب ام اخ اخت فقط...
توطين امريكا اكو مفتوح.
استراليا حاليا فقط لملفات لم الشمل وللحالات الخاصة فقط (ما اعرف مالمقصود بالحالات الخاصة) ولكن بالتأكيد مايقصدون المرضى.
والتوطين ومقابلات التوطين مستمر من المفوضية ولكن فقط لتحضير الملفات وينتظرون الجواب من كندا ومفاتحة ودول اخرى.
وتمنياتي لكم بالموفقية
ابو عماد / الاردن

[المسافرة]

اخي ابو عماد
الله يجزيك كل خير والله فرحتني وانت مو غريبة عليك دائما تنقل اخبار مفرحة ان شاء الله تفرج علينا جميعا قبل انتهاء هذا الشهر الفضيل ومرة اخرى اشكرك كثيرا

[ابو علي العراقي]

 اختي المسافره ..

هوه ابو عماد مع كل احترامي  اله الرجال تره ما نقل اي خبر مفرح ..  الرجال ديكول كل اوربا ماكو بيها اي  توطين ...   زين وين الخبر المفرح ؟؟؟ صحيح كال على اساس دينتظرون جواب من كندا بس هذا  نعرفه من زمان يعني من قبل اكثر من شهر سمعنه بيه  وبعدين  هذا مو معناه كندا راح تقبلنه ..

اختي .. الرجال ابو عماد كل قصده انه ايوصلنا الاخبار اللي  يكدر ايحصلهه وما قصر  بارك الله بيه بس   هوا الرجال  ديكول كل دول اوربا ما بيها لجوء ...  وانشاء الله الله يفنحها بوجه  الكل ..


عمكم ابو علي

[المسافرة]

ابو علي اذا انت سامع بالخبر فانا لم اسمع الا من ابو عماد وبعدين انت ليش منزعج لهذه الدرجة لاني شكرت الرجل ابسط شئ انه بس سمع الخبر ذكره للجميع بينما حضرتك  سامعه قبل شهر وما ذكرته لنا بس دخلت للجمعية في وقت الناس تقرا قران وتستغفر فيه عشان تعتب انه ليش اشكره

[abu shahed]

اخوان اني اليوم اتصلت على المفوضيه وقال لي الموظف ان ملفي قد تحول الى السفاره الكنديه والمفوضيه تنتضر الرد الله كريم اخوان انشاء الله



                                   ابو شهد

[ابو عماد]

السلام عليكم....

شكرا للاخت العزيزة مسافرة المحترمة
وشكرا لعمي ابو علي المحترم

انا بالخدمة .... اذا سمعت او عرفت اية خبر بخصوص التوطين اكتبه لكم...
وارجوا منكم اذا سمعتو اية خبر او معلومة بخصوص التوطين واللاجئيين اكتبه هنا لكي يستفاد منه جميعا. لان الكل ينتظر...
والوقت كالسيف يقطع عمر الانسان... لذا ارجوا ان تكتبو اية خبر يخص التوطين والمرفوضين من امريكا.

اخي العزيز ابو شهد المحترم نعم سوف تحول ملفك الى السفارة الكندية وملفي نفس الشيء سوف تحول الى كندا ولكن لحد الان اليوان ينتظر جواب من السفارة الكندية بخصوص شروط توطين وقبول المرفوضين من امريكا والاجراءات... من شهر الرابع 2010 اليوان اجتمع مع الوفد الكندي بخصوص قبول المرفوضين.
واليو ان ينتظر الجواب من دائرة الهجرة الكندية... انشاءالله قريبا يجابوبن اليو ان.
تمنياتي لكم بالموفقية.

[المسافرة]

مرحبا اخي 79النرجس هل انت مقيم في الاردن ومنذ متى انت مرفوض من اميركا ارجو الرد               

[abu shahed]

اختي العزيزه المسافره انا مرفوظ من 7/7/2009 وانا اعيش في عمان الاردن


                              ابو شهد

[المسافرة]

اشكرك اخي 79النرجس  للرد علي ارجو ان تخبرنا ما سيحصل معك ممكن اخي سؤال خاص واذا في احراج ممكن تبعث الرد على بريدي الخاص ما سبب رفضك من اميركا لاقارن وضعنا معك      

[abu shahed]

اختي سبب رفضي هو الفقره الرابعه المصداقيه واي سؤال اني حاضر


                            ابو شهد

[yasooo]

اخي العزيز ابو عماد
هل تم تحويل جميع ملفات المرفوضين الى كندا؟ لو جزء منها؟
لأن اني من اتصل يكولولي ملفك بقسم التوطين

[ابو عماد]

اخي الفاضل ياسو

بالنسبة لملفي لحد الان بالمفوضية. واعتقد ما محولين الملفات للسفارة الكندية وانما فقط ينتظرون جواب بعض الاسئلة من كندا.
وانشاءالله قريبا بعد العيد سوف نسمع اخبار مفرحة...

[Aiham_]

طبعا كل ما اجي لهذا الموضوع ابوك هوة ,,,,  بالتوفيق للجميع

[ارضنا الطيبه]

السلام عليكم
حسب المعلومات الي توصلنه من اليو ان اكو سفر لكندا بس للملفات القديمه ديمشون المعاملات وتوقف اللجوء الى كندا وفاتحوهم بلجديد على الموافقه وللحين لم يتم الرد وانا من المرفوضين من امريكا مره رفض محلف ومره رفض استئناف بس رجعوو ملفي لامريكا على امل الحصول على الموافقه المبدئيه من المحلف الله كريم اخواني كلشي بأذن من رب العالمين

[مجرب الغربة]

السلام عليكم اخواني الاعزاء
سبب رفضي من المحلفين الفقرة 2  وو3  وحسب الترجمة ان لي حياة سعيدة بالعراق اكو احد سمع احد مرفوض
بهذا السبب
والرفض بعد الاستئناف الفقرة 3 من ضمن نفس الفقرة هي 2و 4 وانه اني لم اشرح قصتي بالمحلفين
ارجو الرد من المشاركين بهاي الجمعية افيدوني الله يجزيكم الخير
اخوكم/ مجرب الغربة

[doori]

مرحبا
اخونه مجرب الغربه ممكن تذكرنا من وين انت مقدم وشلون جانت مقابلة ويه الملحف سهله صعبه وبيا تاريخ بليه زحمه

[المسافرة]

اخي مجرب الغربة بصراحة لاول مرة اعرف سبب الرفض ان لك حياة سعيدة بالعراق فاين هي السعادة في الامن والامان لو بانقطاع الكهرباء والماء هذا كلام فارغ يقنعون حالهم فيه على حال الله يختارلك الافضل ومتى تم رفضك قطعي اي بعد الاستئناف

[مجرب الغربة]

اخواني الاعزاء تم رفضي بعد الاستئناف بتاريخ 2/6/2009 / هذا التاريخ الموجود في ورقة الرفض واستلمت مغلف الرفض بتاريخ 20/7/2009 
مقابلت المحلفين في شهر 3 /2009 كانت مقابلة المحلفين سهله وميسره وخرجنا متأملين خير  لكن حصلنا على الرفض من المحلفين والى الان ننتظر بعد تحويل ملفنا الى اليوان  لا تنسونا بالدعاء في الشهر الكريم
اخوكم مجرب الغربة

[المسافرة]

الله يفرجها علينا جميعا قريبا ان شاء الله

[beauty of Baghdad]

السلام عليكم وينكم اصدقائي اشو مثل ماعفتكم اجيت لكيت ماكو جديد اني سافرت للعراق عندي ظرف خاص الله اضطريت للسفر وهسه رجعت شنو لاحس ولا خبر رمضانكم مبارك ونسمع اخبار حلوه منكم

[المسافرة]

الف الحمد لله على سلامتك اختي beauty of Baghdad حبيبتي لم يتحرك احد من الجمعية لحد الان لانه بنستنى فيك  ترجعين بسلامة حتى نودعك لانه مو حابين تجين ومتلاقين احد سلام 

[yasooo]

يا جماعة الخير شنو القصة؟ ماكو اخبار؟
شون يعني نرجع لبغداد

[مجرب الغربة]

السلام عليكم
الخت كوكي بينت ان اكو موقع يكدر الواحد يقدم عليه لجوء انساني الى كندا
واتكول اذا اقتنعوا بالقصة يمكن يستلمه محامي وبعده لمن توصل ياخذ 4000 دولار هل الكلام صحيح

www.cic.gc.ca       
          اخوكم /مجرب الغربة

[doori]

اخونه مجرب الغربه ممكن توضيح اكثر عن المده الي راح اطول بيها المعامله وهل ان المحامي يريد فلوس من الواحد لو شلون؟

[المسافرة]

مرحبا للجميع ما رايكم انه نحن جميعا نقوم بكتابة وشرح اسباب رفض اميركا لنا والتواريخ ايضا لنتشارك بالمعلومات

[شمعة]

 الى جميع الاخوان المرفوضين  ...

هناك رساله مهمه جدا سيتم ارسالها الى الرئيس الامريكي اوباما خلال اليومين القادمين باسم جميع اللاجئين العراقيين في دول العالم وهذه الرساله تشرح معاناة اللاجئين العراقيين في الامور التاليه :

1- الملفات المتاخره نتيجة الموافقه الامنيه

2- ملفات قيد الدراسه ..

3- المرفوضين بقرارت المحلفين وقرارات الاستنئناف ..

اي ان الرساله اشملكم انتم ايضا  وهناك نطاليب محدده في الرساله منها   اعادة فتح جميع ملفات المرفوضين ..


لذلك اخوان اعتقد ان مشاركتكم فيها سوف تنفعكم جميعا لانكم مرفوضين وهذه فرصه جديده لكم جميعا لاننا تعذبنا نتيجة طول الانتظار للموافقات وبعض الاخوان لملفات قيد الدراسه وانتم ايضا لانكم مرفوضين ... لذلك مشاركتكم مهمه وضروريه ولن تخسرو شيئا في كل الاحوال ..


بامكانكم الاطلاع على نص الرساله باللغه الانكليزيه على الرابط التالي  بعد ان نشرته الاخت انجي علما بان تسجيل الاسماء ايضا عند الاخت انجي  والمطلوب منكم هو فقط كتابة الاسم المستعار  والاسم الصريح ونوع الملف ( مرفوض ) لكي يتم ارسال الاسماء مع الرساله للرئيس الامريكي اوباما ..  استغلو الفرصه اخواني ..


الرابط  للاطلاع على الرساله بالانكليزي :


http://www.ankawa.com/forum/index.php/topic,434238.300.html

اخوكم شمعة

[Al-Kailani]

السلام عليكم
نشكركم جميعا على هذا الجهد الكبير الذي تقومون به جميعا وبخاصة الاخت انجي ولكن كيف نرسل المعلومات لانجي هل عن طريق ايميل الاخت انجي ام عن طريق بريد المنتدى وبالمناسبة قبل يوم ارسلت رسالة للاخت انجي عن طريق بريد المنتدى ولم ترد عليها لغاية الان ولا اعلم هل وصلتها اصلا ام لا , الرجاء الاجابة

أخوكم الكيلاني

[doori]

مرحبا
الي يريد منكم يدز معلوماته عن طريق ارسال رساله الى الاخت انجي على الخاص في المنتدى
المعلومات
الاسم الحقيقي ورقم اللمف وتاريخ الرفض والسبب او التأجيل

[شمعة]

الاخوان الراغبين بالمشاركه

يجى ارسال المعلومات التاليه للاخت انجي برساله على البريد الخاص

الاسم المستعار - الاسم الصريح - رقم الملف - نوع الملف _ مرفوض )

وستقوم الاخت انجي باضافة الاسماء الى القائمه  حتى لو لم تبعث لكم الاخت انجي رد على رسالتكم   لانها ستضيف الاسماء الواصله اليها


اخوكم شمعة

[Al-Kailani]

الاخت شمعة

شكرا على التوضيح والرد السريع ولكن عفوا ماذا تقصدين بالبريد الخاص هل هو ايميل ام هو بريد المنتدى وكيف نصل اليه هل عن طريق الكبس على اسم انجي في اعلى صفحة المنتدى ومن ثم ارسال رسالة ام هو شيء اخر

مع الشكر

[المتفائل]

الاخت شمعة

شكرا على التوضيح والرد السريع ولكن عفوا ماذا تقصدين بالبريد الخاص هل هو ايميل ام هو بريد المنتدى وكيف نصل اليه هل عن طريق الكبس على اسم انجي في اعلى صفحة المنتدى ومن ثم ارسال رسالة ام هو شيء اخر

مع الشكر

أخي الكريم البريد الخاص يعني الخاص بالعضو نفسه يعني تفتح أي مشاركه للعضو المراد إرسال رساله شخصيه له ستجد في نافذة مشاركته آيقونات تحت إسم العضو إرسال رساله شخصيه تكبس عليها وتبعث للعضو بدون مايطلع عليها أي أحد فقط هذا العضو (im) رمز الآيقونه
ومن الله التوفيق

[Al-Kailani]

الاخ المتفائل

شكرا على المعلومة وانشاء الله بالتوفيق والفرج على الجميع

أخوكم الكيلاني

[yasooo]

اخوان تره فكرة الرسالة جدا رائعة واني متامل خير ان شاء الله تجيب نتيجة لأن الاسلوب ممتاز والمطاليب واضحة جدا

ليش متدزون اسمائكم ومعلوماتكم لأنجي حتى تنكتب بالرسالة؟
مثل ميكولون: المبلل ميخاف من المطر. فاحنا مرفوضين شيريد يصير بينا بعد اكثر

الله يفرجها علينا بشهر رمضان

[المسافرة]

مرحبا للجميع

[مجرب الغربة]

هله ومية هله بشرونه ياهل الخير

[المسافرة]

اخي مجرب الغربة يمكن اعضاء الجمعية كلهم سافروا

[doori]

مرحبا
اني اجيت اكتب هنا لسبب واحد لاني احبكم كلكم واتمنالكم وادعيلكم بالموفقيه يا رب تتذكرين اخت مسافره من كتلج حضريلي كرسي يمكم هههههههههه انتي كتيلي محجوز من هسه لان بوقتها اني كلت مروفض بس اذا الله كاتبلي غير شي فالف الحمدلله وما شاءالله واتمنى للجميع مثلي اجتني موافقة الملحف مع الموافقه الامنيه فاني حبيت تشاركوني فرحتي وهسه اني دا اسوي الفحص والحمدلله


انت تريد وانا اريد والله يفعل ما يريد

اتمنى للجميع الموفقيه يا رب
اعتذر عن التاخير

[المسافرة]

مرحبا اخي doori  مبروك للمرة الثانية على الموافقتين وانا دخلت نفس اليوم الى جمعيتكم وباركت لك وللجميع والله يعوضنا بغيرك لان الكرسي ما زال فاضي وبالتوفيق ان شاء الله

[مجرب الغربة]

السلام عليكم
الف الف مبروك اخي doori الله يسر امرك ويفرحنه مثل مافرحك ويارب   يارب    تفرج على الجميع
ونسمع اخبار طيبة عن الجميع
اخوكم/ مجرب الغربة

[Robin Hood]

مرحبا
اني اجيت اكتب هنا لسبب واحد لاني احبكم كلكم واتمنالكم وادعيلكم بالموفقيه يا رب تتذكرين اخت مسافره من كتلج حضريلي كرسي يمكم هههههههههه انتي كتيلي محجوز من هسه لان بوقتها اني كلت مروفض بس اذا الله كاتبلي غير شي فالف الحمدلله وما شاءالله واتمنى للجميع مثلي اجتني موافقة الملحف مع الموافقه الامنيه فاني حبيت تشاركوني فرحتي وهسه اني دا اسوي الفحص والحمدلله


انت تريد وانا اريد والله يفعل ما يريد

اتمنى للجميع الموفقيه يا رب
اعتذر عن التاخير

السلام عليكم
مبروك والف مبروك اخويه doori وان شاءالله السفر القريب والاستقرار وراحه البال

ان مع العسر يسر

robin - cairo

[المسافرة]

كل عام وانتم بخير  ينعاد عليكم بالصحة والسلامة وتحقيق الاماني ان شاء الله

[مجرب الغربة]

كل عام وانتم بألف خير------------وجعل اله كل أيامكم افراح------------وتحقيق الامنيات
        اخوكم/  مجرب الغربة

[المسافرة]

مرحبا

[tariq_s55]

هاي
كل عام وانتو بالف خير ياربي ان شاء الله الكل معاملاته اتصير  او تنفرج عالكل او نسمع اخباركم الحلوه
تحياتي

[المسافرة]

وانت بالف خير اخي طارق دعاء مستجاب ان شاء الله وبالتوفيق

[المسافرة]

up

[مجرب الغربة]

                يمعودين اشو  لاحس ولانفس 
     

[المسافرة]

والله يا اخي مجرب الغربة صحيح لاجديد كل اتصال الى المفوضية نفس الكلام الملف بالتوطين

[tariq_s55]

هاي شلونكم
عندي هذا الموضوع بلكي تستفادون شي من عندي
صاحبي جان مرفوض من امريكا هوا او عائلتا قبل سنه او نص طبعا صديقي ملفا ويا بيبيتا  اهلا قدمو استاناف  او هسا قبلوهم بدون اعاده المحلفين او دينتضرون الدوره التثقيفيه
او صديقي قبل شهر قدم الاستاناف  او قبل ايام اجاله الرد بالقبول او هسا خلص الفحوصات  او كلولا انتا تنتضر المحلفين وياه بيبيتا طبعا
و الرفض اجالهم انو بعدم مصداقيه حسب ماكالو الي
ارجو ان تقبلو مروري
تحياتي

[yasooo]

والله يا اخوان طولت الشغلة اني سمعت هسه جماعة الاستئناف ديتساهلون وياهم
بس المشكلة احنا مقدمين استئناف ومرفوضين ومنتهي ملفنا

لحد الان يكولون ماكو دول مفتوحة صار سنة ما اجه اي وفد شنو القصة

[المسافرة]

اشكرك اخي طارق على نقل تجربة صديقك وعائلته لكن اعضاء الجمعية الجميع مقدمين استئناف ومرفوضين بعده ولا يحق لنا الاستئناف مرة ثانية

[المسافرة]

مرحبا اختي العبير لا جديد بالنسبة لوضعنا لان كل اتصال الى المفوضية يقولون لا يوجد غير اميركا مفتوحة حاليا ولا يوجد في الاردن اي جمعية تساعد بهذا الموضوع

[بغداد لاتتالمي]

                                                     السلام عليكم اخواني واخواتي
اعذروني على هذا النقطاع عنكم وعن المنتدى بس الظروف اقوه مني بصراحه
المهم اخواني واخواتي ماكو اخبار جديده عن الوفود لو راح ننتظر الوفود وهل اكو معلومات عن موعد الوفود الي راح تجي
لو ماكو شي هاي السنه ولازم ننتظر للسنه الجديده
بشروني الله يبشركم بالخير يارب

                             وسلامي للجميع

[المسافرة]

مرحبا بغداد لاتتالمي الحمد لله على السلامة لايوجد اي اخبار جديدة ولم نسمع لحد الان شخص مرفوض من جمعيتنا تحول ملفه الى اي دولة والله يفرجها علينا جميعا قريبا ان شاء الله

[doori]

الله يفرجها عليكم يا الله ويجعل القبول من نصيبكم ويا رب تجيكم مفاجأه القبول يا الله تكولوا على الله

[المسافرة]

مرحبا اخيdoori شكرا لدعائك وان شاء الله مستجاب بس عندك غلط املائي لتزعل مني يعني بجمعيتنا ايضا ندقق بالاملاء وليس بالكروب الخاص بكم تصحيح الخطأ هو توكلوا على الله

[ابو عماد]

السلام عليكم

لحد الان ماكو توطين كندا والامم المتحدة بانتظر الجواب وماكو جواب.. وانشاءالله قريبا نسمع الجواب... فقط اكو لحالات خاصة ولم الشمل... توطين اوروبا ايضا ماكو....
فقط اكو امريكا وسمعت بان بعض المرفوضين من امريكا سوف يتم اعادة توطينهم على امريكا للمرة الثانية بعد تحديث القصة او تغيرات في القصة لازالة سبب الرفض، او بعد الرفض الامريكي تسحب الملف من اي او ام ثم مقابلة توطين في اليو ام ثم اعادة توطينهم على امريكا مرة اخرى. وحاليا اليو ان مشغول بهذه الخطة وبعد شهرين يتم الاتصال بهم ويحدد مصيرهم.
 اخوان الرجاء لاتسالون لان ماعندي اية اخبار اخرى وتمنياتي لكم بالموفقية.

[بغداد لاتتالمي]

         
                                             السلام عليكم اخواني واخواتي
مشكور اخويه ابو عماد على هاي المعلومات والله يوفق الجميع يارب

[المسافرة]

اشكرك اخي ابو عماد على نقل كل ما هو مفيد وبالتوفيق

[دايخ بن دايخ]

الأخوات والإخوة :
بعد التحية ...

أرجو  منكم أن تقبلوني بينكم عضواً جديداً بهاي الجمعية الموقره .

أخوكم المرفوض احدث طبعه
دايخ بن دايخ

[المسافرة]

مرحبا بك  اخي دايخ عضو في هذه الجمعية جمعية الصابرين والخير في ما اختاره الله لنا لو سمحت اخي تكتب لنا رقم الرفض الخاص بك وهل هذا الرفض قطعي يعني بعد الاستئناف وبالتوفيق

[المسافرة]

مرحبا اختي العبير توكلي على الله والخير في ما يختاره لنا موفقة ان شاء الله                                                           

[دايخ بن دايخ]

أختي الفاضلة المسافرة :
لا يوجد لحد الآن رقم لسبب الرفض . النتيجة إستلمتها عالهاتف . خابروني الـ iom وأعلموني بها . قالوا لي : من الأفضل لك أن تراجع الأمم المتحدة لأن قبولك غير ممكن . ولمن سألتهم على سبب الرفض أجابوني أن أطلب ذلك بالإيميل وسيأتيني الرد . لكنهم نصحوني بشده أن أراجع ا الأمم المتحدة لأن حظوظي هناك قوية حسب كلامهم  .

تحياتي

[مجرب الغربة]

يارب الفرج -------الفرج

[ام عبدو]

ياألهي رحمتك راح انصير صفحات مجلد وماكو لاخبر لاحامض حلو لاشربت وماباقي بس الدعاء يالله




                                                      ام عبد الرحمن عمان

[doori]

مرحبا
اخت مسافره لا ابد ما ازعل لان احنه بكروبنا ننتضر واحد منا نغلط املائيا" واني ماخذ الدرحه الاولى بالاخطاء الاملائيه 
ولا يهمج توكلوا على الله
الصبر ثم الصبر ثم الصبر ان الله مع الصابرين

تحياتي

[بغداد لاتتالمي]

   السلام عليكم اخواني واخواتي

بشرو ما سمعتو اخبار جديده على الوفود اذا موجودين لو لا
واذا ما جايين شوكت يجون نهايه السنه لو بدايه السنه
لان بصراحه صارت بدون ملح وبعد ما نتحمل حته الصبر هم ضاج من عدنه
بشروني الله يبشركم بالخير ياااااااااااااااااارب


مع التوفيق للجميع

[المسافرة]

سمعنا بوفود جاية الى سوريا ولبنان ولكن الاردن لم نسمع عن اي وفد

[دايخ بن دايخ]

أختي المسافرة ك
اليوم كنت في المفوضية لكي أستفهم عن وضعي بعد الرفض وعرفت بطريقة أو بأخرى أن (( الكنديين)) بصدد الموافقة على وجبة من اللاجئين . غير ذلك لا توجد حالياً وفود أوربية . اللي فهمته أن الأوربيين أيضاً سيبعثون وفودهم مستقبلا إلى الأردن .
بالنسبة لي فملفي بالتوطين ...
تحياتي

[بغداد لاتتالمي]

                                                  السلام عليكم اخواني واخواتي

صديقي العزيز دايخ الله يسمع منك وتجي الوفود الاوربيه عن قريب واني اشكرك على هاي المعلومات
ويارب نخلص من هذا العذاب

[دايخ بن دايخ]

 إلى ( بغداد لاتتالمي ) :
لا شكر على واجب . والله يشهد على كلامي ، لم أتحدث مع المعنيين في المفوضية حول معاناتنا الجماعية القاسية بإسمي الشخصي بل بإسمكم جميعاً ، وسأظل كذلك .
تحياتي

[doori]

مرحبا
حبيت ادخل اسلم على الجميع
تحيه خاصه الى الاخ دايخ ما شاءالله عليك اللهم لا حسد على هالمعنويات العاليه

تحياتي للجميع

[شكوماكو]

الى حبيبي (دايخ) انا منعاطف معك جدا ومع جميع الاخوة الذين هم بنفس معاناتك ولكن كل ما نستطيع عمله هو الدعاء لله عزوجل ان يسهل امر جميع العراقيين ويفرحهم ويرسم الابتسامة على وجوههم المتعبة من الغربة والمعاناة. وان الله ارحم الراحمين وانا اثمن فيك هذه الروح الحلوة التعاونية وهذا دليل على انك تريد الخير لكل اهلك وناسك من العراقيين والمثل ايكول (شدة وتزول) مع تمنياتي للجميع بالخير والموفقية.
 

 اخوكم
 شكو ماكو

[abu shahed]

شكرا لك اخي العزيز دايخ على هذه الروح العاليه انشاء الله يعوضك بالافضل من امريكا يارب وفعلا مثل ما قال اخونه شكو ماكو شده وتزول على جميع المرفوضين ادعو من الله ان يكون الفرج قريب بأذن الله 0


                                         ابو شهد

[المسافرة]

اشكرك اخي دايخ ابن دايخ على اهتمامك وعلى نقل هذه الاخبار السارة

[ام عبدو]

شكور اخ دايخ بن دايخ على نقل الخبر ورجعت اشوية المعنويات الي بلشت تهبط والموفقية للجميع



                   ام عبدو عمان

[المتفائل]

السلام عليكم
خبر سار إن شاء الله من أختنا مشاركه بسؤال وهذا الرابط :

http://www.ankawa.com/forum/index.php/topic,445388.0.html

[لا ديني]

انا ايضا جائني رفض من iom وانا استئنف ولكني وقعت على الورقه التي تقول ان من حقي طلب اللجؤ الى دوله اخرى كيف اقوم بتفعيلها ولكم مني الشكر

[دايخ بن دايخ]

التفعيل يعني أن تطلب من المفوضية أن تقوم هي بالبحث لك عن دولة لجوء غير أمريكا .

بالتوفيق

[yasooo]

يمعودين رح نموت هنا ولا احد سائل علينا
شنو قصة المفوضية معقولة محولوا اي احد من المرفوضين؟

[yasooo]

اليوم اتصلت بالمفوضية كلي ماكو دولة قبلت ملفك لحد الان
كتله يعني شنو ماكو دول مفتوحه كال مو قصة ماكو بس ملفك والرفض مالته ميتناسب ويا الشروط اللي يريدوها

قابل مسويلي جريمة شنو الشروط يعني

[دايخ بن دايخ]

أخيي yasooo :
صحيح كلام المفوضية ، أكو دول تفرض شروط ومواصفات خاصة لقبول اللجوء ، منها مثلا تفضيلها لحالات إنسانية مرضية محددة يتوفر علاجها لديها . أكو دول متقبل منتمين سياسيين لأحزاب ومنظمات معينة ودول بالعكس تنظر في مثل هالحالات .. وهكذا .
بس أكو معلومة مؤكدة : هسه كندا دتستقبل وتدرس طلبات لجوء من المفوضية .

 

[aseel_msb]

اخوتي الاعزاء بعد التحية و السلام
اتابع منذ فترة موضوعكم لانه يشملني و لكن تعليقاتي قليلة لانه لم يكن هناك جديد و لكن اليوم حبيت اكتبلكم اخر التطورات لاعادة الامل
الاعضاء القدامى يعرفون قصتي لكن للذي لا يعرف ساحاول كتابتهة باختصار
شهر السادس 2007 مقابلة توطين
شهر الواحد 2008 مقابلة وفد امريكي
شهر الثاني 2008 فحص طبي
شهر الرابع 2008 ظرف  الموافقة
انتظار قاتل
شهر الخامس 2009 اعادة الفحص الطبي
شهر السابع 2009 تبليغ من الاي او ام باستلام ظرف ثاني و المفاجاة بالرفض
تقديم استئناف بنفس الشهر و الرفض بعد اسبوعين
اتصال مفاجيء من الاي او ام بطلب اعادة الاستئناف لوجود حالة مرضية صعبة لابني الصغير
انتظار قاتل
مراجعات عديدة لمنظمة الامم المتحدة و ابلاغنا بانه اعادة توطيننا لبلد اخر امله ضعيف لاننا اخذنا فرصتنا على الرغم من وجود الحالة المرضية
اتصال من المفوضية قبل اسبوع يبلغنا باعادة توطيننا لكندا (و اخيرا)
الاحد الماضي مقابلة توطين لكندا
اليوم فحص طبي لابني المريض لانه المفوضية ابلغتنة انه كندا تريد فحص للحالات الخاصة من طبيب يتم تحديده من قبلهم

اخوتي الاعزاء اكيد الوضع جدا صعب و الانتظار قاتل لكن المشكلة ما عدنة غير حل و يا ربي تفرج على الجميع و نستقر ونعيش مثل الناس

بصراحة اخوتي الخوف مسيطر علينا لانه مرينا بتجربة صعبة مع التوطين ان شا الله تكمل على خير و يا ربي للجميع كل الخير و الموفقية و اقصر فترات الانتظار

اختكم اسيل -سوريا

[شكوماكو]

اولا الشفاء العاجل لولدك الصغير ونتمنى من الله عزوجل يسهل امرك وتسافرين وتلكين علاج لابنك متمنيا لك كل الخير والتوفيق.

[المسافرة]

اليوم اتصلت بالمفوضية كلي ماكو دولة قبلت ملفك لحد الان
كتله يعني شنو ماكو دول مفتوحه كال مو قصة ماكو بس ملفك والرفض مالته ميتناسب ويا الشروط اللي يريدوها

قابل مسويلي جريمة شنو الشروط يعني
مرحبا ممكن اعرف رقم او سبب رفض اميركا مع الشكر

[بغداد لاتتالمي]

اختي العزيزه اسيل انشاء الله بالتوفيق والسفر القريب على مود تكدرين تعالجين ابنج والله يكون بعونج يا اختي
انشاء الله هاي المره يكون السفر من نصيبكم وتكونون انتو السابقين واحنه الاحقين يارب
والله يسهله عليكم يارب وتسافرون بالسلامه

[aseel_msb]

الاخوة شكو ماكو و بغداد لا تتالمي اشكر مشاعركم الطيبة  و دعواتكم الصادقة و اتمنى لكم من كل قلبي كل الموفقية و راحة البال

[بغداد لاتتالمي]

والله يا اخت اسيل لا جديد ومنتظرين رحمه الله
المهم انتي طمنينه على ابنج انشاء الله بخير وسلامه

[yasooo]

اني رفضي بسبب الرجوع للعراق

[بغداد لاتتالمي]

يمعودين بشروني يمته الفرج ونخلص والله روحي طلت
ماكو اي اخبار جديده اويلي يابه
يارب خلصنه من هذا العذاب والله بعد مابينه حيل خلصنه

[ملك الحيرة]

up

[أبو حسين]

السلام عليكم رحمة الله وبركاته ...
إخواني أني أخوكم ابو حسين من سوريا طبعاً أني ممزوج بس أصدقائي يصحيولي بهالأسم ...
المهم ... طلعلي رفض لأمريكا 27 / 9 / 2010 وكانت الأسباب كالمعتاد أختلاف بالأقوال وتناقض بين الأقوال والأدلة فشنو تنصحوني أسوي لأن كلشي ما أعرف بهاي الامور ... أنتظر جوابكم لأن محتار وما اعرف شسوي

[Robin Hood]

السلام عليكم
اخويه ابو حسين قدم استئناف وان شاءالله خير واذكر تره فتره الاستئناف 90 يوم من وره الرفض وره ال90 يوم بعد مالك حق اتقدم اي استئناف

ان مع العسر يسرا

robin - cairo

[مجرب الغربة]

السلام عليكم
اخواني المرفوضين  ذهبت الى المفوضية/عمان وقابلت الاجتماعية وسئلته عن سبب التاخير احنه المرفوضين كالت الحل هو ارسال مناشدة بانك محتاج التوطين فحبيت ابلغكم هاي المعلومة وبلكي هاي المرة تظبط
الله يسر على الجميع
 اخوكم  /مجرب الغربة

[شكوماكو]

اني اللي دا اسمعة من الناس انه اكو حاليا وفود لدول اوربية في عمان غير الكندية.

[ام عبدو]

عمي وفود لومن جزر الواق واق بس خلي ينطونة امل والامل بالله اقوى والله كريم؟؟

[بغداد لاتتالمي]

اخويه مجرب الغربه شلونك حبي
اني يمكن داز اكثر من خمسين مناشده واكثر من ميت اميل والحد هسه ماكو شي
اني ما اكلك المناشده ما الها دور بالعكس بس شوكت الفرج
المهم احنه انسوي الي علينا والباقي على الله
والله يفرجها على الجميع يارب

[المسافرة]

مرحبا للجميع الله يفرجها علينا جميعا قريبا ان شاء الله

[بغداد لاتتالمي]

السلام عليكم اخواني واخواتي
خير خو ماكو شي اشو لا حس ولا خبر
يمعودين وينكم كمد اخاف ادخل على هاي الجمعيه لان هذا الهدوء علامه على اليائس
والحباط اخواني الله كريم وانشاء الله نطلع ونسافر وهاي كلها اصير سوالف
بس يرادلها شويه صبر ولو اني دا اكتب هذا الحجي وما اعتقد بعد اكو صبر بس شنسوي
نجذب على نفسنه وما عدنه غير الصبر
انشاءالله تفرج علينه ونرتاح من هذا العذاب
بس انتو كولو ياالله

[شكوماكو]

الصبر من الصفات العظيمة التي وصف بها الله المتقين.

[المسافرة]

up

[doori]

صباح الخير
الله يفرجها على الجميع
تحياتي

[المسافرة]

صباح النور اخي  dori الله يستجيب لدعائك ان شاء الله

[مجرب الغربة]

الله يعينه لشوكت نظل ننتظر

[مجرب الغربة]

ياجماعه الظاهر الكل اتصلوا بيه وبيقيت بس اني الوحيد بهاي الجمعية محد اتصل بيه
الله كريم
اخوكم/مجرب الغربة

[ام عبدو]

شنو السالفة اخي مجرب الغربة شتقصد بيمن متصلين لان احنة هم محد اتصل بينة

[بغداد لاتتالمي]

الله يسمع منك يارب ويتصلون بينه اكول امين

[yasooo]

يمعود وين اكو؟؟
لا احد خابر ولا اجه

[المسافرة]

مرحبا ان شاء الله في اخبار جديدة طمنوني

[بغداد لاتتالمي]

والله با اختي العزيزه المسافره
لحد اليوم ماكو اي اخبار حلوه واني قبل كم يوم خابرت un حته اسئل على ملفي كلي الموظف لا جديد على ملفك
واني سئلته كتله اخويه هل الوفود موجوده كلي والله ما اعرف
ونتمنه من رب العالمين يفرجها علينا ونخلص قسما بالله حياتنه صارت دمار
والله يسهل امرنه وامر الجميع

[بغداد لاتتالمي]

اختي المسافره
اكو موضوع السؤال على الوفود الاوربيه
قريت بي واحد كاتب قبل شويه انو عنده صديق مرفوض من امريكا ومقدم استئناف وهم مرفوض
صاله سنه والبارحه مخابري un وكالوله عندك مفابله اعاده توطين على اليوم ورايح مقابل والموظفه الي مقابلته
كنديه وكالتله انته مقبول على كندا حسب ما قريت من الي ناقل الخبر
ونتمنه تكون هاي اخبار حلوه شويه حته يصير عده امل شويه

[المسافرة]

اشكرك اخي بغداد لاتتالمي على اهتمامك وردك والله يفرجها علينا لان التفكير والانتظار دمرنا

[مجرب الغربة]

الله يجيب الخير للجميع

[عراقي كرادي]

يـــــــــــــــــــــــــــــــــــــــــــــــــــــــــا الله
يـــــــــــــــــــــــــــــــــــــــــــــــــــــــــا رحمن
يـــــــــــــــــــــــــــــــــــــــــــــــــــــــــا رحيم

[ام عبدو]

يا اخواني وخواتي صارلي ايام داسمع ان في مرفوضين متصلين عليهم على كندا بس للاسف محد ديكتب او ديخبرنا شنو القصة معقولة هيج خايفين عمي بالعافية على تطلعلة لان كل واحد ياخذ نصيبة  واحنة راضين بقسمتنة بس انريد امل هاي الاخبار صحيحة لولا



                             ام عبدو عمان

[مجرب الغربة]

اني أيد الاخت ام عبدو لان اليوم شفت واحد مرفوض من سنه وقبل شهر متصلين بية الوفد الكندي احنه انكول الله كريم والله يسهل على الجميع
اخوكم /مجرب الغربة

[a7med86]

السلام عليكم شباب شلوونكم

اني اجاني رفض من المحلف قبل اسبوع فهل اني مشمول بجمعيتكم لو لا

واذا مشمول فأريد نصيحة منكم لاخوكم لان ما اعرف شسوي وشلون ادز الاستئناف وشنو اكتب بي

وهل الاستئناف يفيد لولا

ارجو كل من عندة معلومة تفيدني ان ميبخل بيها علية وشكرا الكم

[aseel_msb]

الاخت ام عبدو اني كتبت حول هذا الموضوع و شرحتة بالتفصيل

[شكوماكو]

نعم صحيح ديتصلون ببعض المرفوضين من امريكا على كندا وهذا خبر اكيد.

[المسافرة]

مرحبا اخي شكوماكو
هل تعرف شخص مرفوض تعرفه شخصيا تحول ملفه الى كندا في الوقت الحاضر 
مع الشكر الجزيل                 

[شكوماكو]

نعم

[المسافرة]

صباح الخير على الجميع ان شاء الله اسبوع خير علينا وتتيسر امورنا

[علي النعيمي]

السلام عليكم وصباح الخير الله يساعدكم ولا واحد بيكم انفكت الجبسة الله يفرجهة عالجميع تحياتي الكم

[gerarrd]

صباح الخير  للجميع  والله  يوفقكم  انشالله  وتحصلون  علا  كل  امياتكم 

اخوكم جيرارد

[gerarrd]

صباح الخير  للجميع  والله  يوفقكم  انشالله  وتحصلون  علا  كل  امياتكم 

اخوكم جيرارد

[a7med86]

السلام عليكم شباب شلوونكم

اني اجاني رفض من المحلف قبل اسبوع فهل اني مشمول بجمعيتكم لو لا

واذا مشمول فأريد نصيحة منكم لاخوكم لان ما اعرف شسوي وشلون ادز الاستئناف وشنو اكتب بي

وهل الاستئناف يفيد لولا

ارجو كل من عندة معلومة تفيدني ان ميبخل بيها علية وشكرا الكم

السلام عليكم

طبعا اني كتبت رد قبل يومين وسلمت عليكم وانتو ولا واحد رد السلام ولا جاوبني

ما اعرف لييش بس ممعقولة مشفتو الرد لان هو طويل ومو من المعقول الكل ميشوفو\\

شكرا الكم واني اسف اذا ضوجتكم وما اريد مساعدتكم اذا بيها تعب عليكم

[شكوماكو]

حبيبي الغالي  a7med86  ابعث اليك اجمل سلام ومزيد من المحبة والاحترام فانت عزيز علينا والله ارجو ان يتع صدرك لنا لان احنة كلنا احباب ونريد الخير لبعضنا.

 اخوكم:
 شكوماكو

[a7med86]

شكرا اخي العزيز وهذا ردك علة راسي لكن انا لمن شفت جمعيتكم حسيتها بمثابة الانقاذ لاني اجاني رفض قبل كم يوم

[شكوماكو]

ان شاءالله التوفيق للجميع (وساعة عن ساعة فرج)

[ام عبدو]

اخ a7med86 اهلا وسهلا بيك في جمعيتنا بس اني متأكدة ان الاخوة الي بجمعيتنا بسبب همومهم واحباطهم مديردون لان اني من الناس تعبت من التفكير والانتظار فأرجو من الله عزة وجل ان ميخلينة ننتظر اكثر ولتزعل انت بعدك فرش ههههه لاتزعل منا حقك علينا والله ييسر امرك وامر الجميع وميصبنا الانصيبنا والتوفيق للجميع لان اتأكدت من ثلاث عوائل متصلين بيهم على كندا  وحدة قبل شهر واثنين قبل اسبوعين فكأن دخولك على الجمعية بشارة خير والله الموفق



                                  ام عبدو عمان

[المسافرة]

السلام عليكم شباب شلوونكم

اني اجاني رفض من المحلف قبل اسبوع فهل اني مشمول بجمعيتكم لو لا

واذا مشمول فأريد نصيحة منكم لاخوكم لان ما اعرف شسوي وشلون ادز الاستئناف وشنو اكتب بي

وهل الاستئناف يفيد لولا

ارجو كل من عندة معلومة تفيدني ان ميبخل بيها علية وشكرا الكم

مرحبا اخي بك في جمعيتنا وانا اعتذر نيابة عن جميع اعضاء الجمعية لعدم الرد عليك وكلام ام عبدو صحيح تعبنا من التفكير والانتظار
وبالنسبة لسؤالك يجب ان تستانف خلال 90 يوم واحتمال تحصل على موافقة واحتمال يتم رفضك مرة اخرى
واي سؤال انا جاهزة
وبالتوفيق

[a7med86]

شكرا جزيلا على الجواب

اني اريد اسال عن مضمون الاستئناف هل يجب ان يكون مصحوب بادلة مادية واذا ماكو ادلة شنو الي اكتبة

واني اعتذر على العتب وان شاء الله نكون اخوة

[المسافرة]

اخي ممكن تذكر سبب الرفض لاساعدك

[a7med86]

الاضطهاد الذي لم يثبت أن كنت قد تعرضت للاضطهاد في الماضي
أو أن لديك خوف من الاضطهاد على أسس سليمة في المستقبل

هذا ترجمة السبب يعني اني بلمقابلة شرحت اني مهدد وطلعت من بيتنة بس هوة ممقتنع وكايل انت مو مهدد  وممتعرض للاضطهاد

[المسافرة]

اخي يجب ان تقدم ادلة مادية تثبت انك مهدد ومضطهد
انت في اي دولة تقيم؟؟؟

[a7med86]

شكرا اختي على المساعدة

يعني شنو الادلة الممادية مثلا بلاغ من الشرطة او هيج شي

[بغداد لاتتالمي]

السلام عليكم اخواني واخواتي
بشروني ماكو اي اخبار جديده على الوفود اذا موجوده لو لا
تره والله صارت بليه ملح وملينه وطلعت روحنه من الانتظار
يارب افرجها وفرحنه وخلينه نخلص من العذاب

[المسافرة]

شكرا اختي على المساعدة

يعني شنو الادلة الممادية مثلا بلاغ من الشرطة او هيج شي

اخي اي شئ يثبت انك مهدد ارفقه مع الاستئناف بلاغ شرطة او اي اثبات اخر

[مجرب الغربة]

السلام عليكم
اخواني الاعزاء اليوم اتصلت بالمفوضية بعمان وسئلتهم عن المرفوضين الي اتصلت بيهم المفوضية كال انهم مو كل المرفوضين بس الي تنطبق عليهم الشروط وانت ملفك ممقبول لان الشروط منطبقة عليه والدول فاتحه لكن مينطبق عليك شروطهم
الله عليكم وين يروح الواحد يعني احنه صرنه متعوسين مو مرفوضين لمن سمعت منه هذة الكلام يئست منه الدنيه وسلمت اموري لرب العالمين الواحد شيسوي ميدري
اخوكم /مجرب الغربة

[ام عبدو]

اخي مجرب الغربة
شكلنة احنة مثلك لان اني قبل اسبوع اتصلت كالولي ماكو اي شيء على ملفكم ومعارف اثنين من المرفوضين اتصلو بيهم على كندا بنفس الوقت فماكول غير النة الله يساعدنة ويصبرنة والله كريم

[المسافرة]

والله اصابني احباط من كلامكم ان شاء الله تفرج علينا جميعا هذا الشهر

[ssoni]

يعني شنو ماكو حل يعني انضل هيج  لا ماكو هيجي شي الله كريم لاازم اكو حل مامعقولة هذا الخبر مامنطبق علينا السفر

[مجرب الغربة]

اخواني الاعزاء اذا احد يعرف شنسوي خلي يكلنه تره والله ماكو غير احط خيمه بالحدود واكعد بلكي يهتمون بينه تره مليننننننننننه من هاي الحياة
اخوكم/ مجرب الغربة

[aseel_msb]

اخي مجرب الغربة احنا هم كانو يقلولنة املكم جدا ضعيف و لا تطابقون الشروط الى ان اتصلو بينة قبل شهر يعني كول يا الله و بين ساعة و ساعة فرج على فكرة اكو جماعة من نفس وجبة الرفض مالتنا اجاهم تبليغ بالرفض النهائي من التوطين يعني ما دام بعدكم عالتوطين و لا سمح الله ماكو رفض للتوطين يعني اكو امل قوي
مع كل امنياتي بالموفقية

[بغداد لاتتالمي]

السلام عليكم اخواني واخواتي
اذا راح نبقه هيجي مراح نستفاد اي شي لان بصراحه شغلتنه كلش طولت وملينه من الانتظار
وحته المناشدات والاميلات والاتصالات مكاعد اجيب اي نتيجه وياهم وكل مانخابر يكلون ماكو شي جديد
والحل شنو راح نظل مخلين ايدنه على خدنه ويوميه سامعين افلان من المرفوضين خابرو على اعاده توطين
بالعافيه عليهم اني ما احسدهم وحنه نحرك بدمنه وتالي شلون
اني عندي فد قتراح ياريت نشارك بي كلنه الي في المنتدى والحل هوه
نسوي عتصام يم المفوضيه لان بصراحه بعد ملينه ومابينه حيل الانتظار اكثر
شنو رايكم بالموضوع
والتوفيق من رب العالمين

[المسافرة]

اخي مجرب الغربة احنا هم كانو يقلولنة املكم جدا ضعيف و لا تطابقون الشروط الى ان اتصلو بينة قبل شهر يعني كول يا الله و بين ساعة و ساعة فرج على فكرة اكو جماعة من نفس وجبة الرفض مالتنا اجاهم تبليغ بالرفض النهائي من التوطين يعني ما دام بعدكم عالتوطين و لا سمح الله ماكو رفض للتوطين يعني اكو امل قوي
مع كل امنياتي بالموفقية

مبروك تحويلكم لدولة اخرى
هل تحول ملفكم الى كندا؟؟
واختي العزيزة ممكن تذكري سبب رفض اميركا؟؟ وكم المدة التي انتظرتيها بعد الرفض وتحول ملفكم الى دولة اخرى
مع الشكر

[بغداد لاتتالمي]

السلام عليكم اخواني واخواتي
هل من اخبار جديده اليوم لو مثل العاده ماكو شي جديد

[aseel_msb]

اختي المسافرة تحية و سلام

سبب الرفض كان اسباب اخرى و صار سنة و شهرين على الرفض و اتصلت بنا المفوضية قبل شهر تقريبا و بلغونا بتحويل ملفنا الى كندا و عملنا مقابلة توطين و نحن بالانتظار حاليا

مع امنياتي بالموفقية للجميع

[المسافرة]

اختي المسافرة تحية و سلام

سبب الرفض كان اسباب اخرى و صار سنة و شهرين على الرفض و اتصلت بنا المفوضية قبل شهر تقريبا و بلغونا بتحويل ملفنا الى كندا و عملنا مقابلة توطين و نحن بالانتظار حاليا

مع امنياتي بالموفقية للجميع

اشكرك حبيبتي على الرد
اين تقيمين

[مهاجرين بلا حدود]

شلونكم اخواني وخواتي
اني طبعا قديم بالرفض ومن سننة 2009 شهر الرابع .. وحتى انغلق ملفي ولا يتحول الى بلد ثاني حسب قولهم
واتسلمت اللاستناف بالرفض بعد 6 اشهر ... وكنت بسوريا من 2006 الى 2009 .
اناالان في عمان وقدمت من جديد على لجوء  حالي كحال العراقيين هنا ..في بداية هذه السنة .
اتصلو بي قبل 3 اشهر لاعطائهم نسخة من الرفض وكام مؤشر على الاختيار الرابع (المصداقية) .. ولم يردوا لي اي خبر بعدها ... وابارحة اتصل بيهم قالو لي نحن نتصل بك بعد تجديد ورقة الحماية اي على السنة الجديدة 2011 .

واي سؤال اني حاضر
اخوكم ابو محمد
عماااااااااااااااااااانــــــــــ

[aseel_msb]

مرحبا اخي ابو محمد شلون صحتك ؟اتذكر قصتك بالتاكيد لان نفس فترة المعاناة احنا اتمنى لك كل الخير يا رب
بس انت اذا  سجلت من جديد بعمان تبقى نفس اوليات الملف مال سوريا؟  على اي حال اتمنى لك كل الموفقية

اسيل-سوريا

[مهاجرين بلا حدود]

شكرا اخت اسيل على السؤال وبارك الله بيك .. دائما اقرا اسمك واسال عجبا شصار من ملفكم وبعد متابعة ردودك تبين تحول ملفك لكندا والحمد لله وهذا خبر مفرح والله عوض صبركم بنتيجة مرضية ان شاء الله   ...
انا رجعت للعراق اولا ومن ثم سافرت للاردن بعد استحصال الفيزة من بغداد لان في سوريا لم اتمكن من الحصول عليها نهائي من السفارة .. لا سريعة ولا بطيئ ... نسبة الرفض عالية كانت وهذا معروف لكل .
لذلك عملت الان كيس جديد ولا علاقة له بسوريا ولكن ارفقت معاه وثائق الرفض بالتوطين

شكرة مرة ثانية وبالتوفيق مع كندا

اخوك ابو محمد

[المسافرة]

up

[salam83a]

السلام عليكم
مرحبا جميعا والله يكون بعونكم
عندي سؤال بما انه اني مرفوض عن طريق ال iom بغداد  وتقديم مباشر
اكدر اروح اقدم من تركيا على اليو ان  وقضية ال iom تاثر عليه لو لا؟؟؟؟
 

[المسافرة]

مرحبا اخيsalam83a نعم تستطيع التقديم من تركيا والرفض لايؤثر
ما سبب رفض اميركا ؟؟؟
وبالتوفيق

                            

[salam83a]

شكرا اختي المسافرة طمنتيني لان صار هواية اكرر هذا السؤال بالمنتدى ومع الاسف لم احصل على جواب وسبب الرفض انة لم اثبت اني مهدد سابقا او حاليا مع العلم اننا تعرضنا لتهديد حقيقي ومباشر سابقا
هل لديك معلومات عن تركيا وهل لدي امل بالقبول علما اني احظر اوراق رسمية من المحكمة تثبت التهديد وبعد اكمالها ساسافر

[المسافرة]

اخي صدقني لايوجد عندي معلومات عن تركيا لاني اقيم في الاردن لكن الاخوان في تركيا لن يقصروا معك اذا سالتهم

[المسافرة]

يا الله فرج كربنا

[بغداد لاتتالمي]

يارب سهل امر كل العراقيين بخير وسلام
وفرج همهم ويسر امرهم يارب

[بغداد لاتتالمي]

السلام عليكم اخواني واخواتي
هاي وينكم يمعودين اشو لا حس ولا خبر
يمعودين اكتبو اي شي لان هذا السكوت هم من العذاب
اني اعتبر هذا من اليائس كولو يالله
وانشاءالله تفرج عن قريب يارب

[yasooo]

السلام عليكم

هاي السنة الثانية رح تخلص وكلشي ماكو

تجي وفود وتروح وفود ومحد اتصل بينا

شنو الحل هسه؟

[علي النعيمي]

لاتيئسو من رحمة الله والله يفرجهة عليكم باسرع وقت عليكم بالدعاءءء

[مجرب الغربة]

الصبر      مفتاح       الفرج   

[ابحث عن وطن]

السلام عليكم...

تحية طيبة إلى الأخوة و الأخوات...

أدعو الله أن يفرج عنكم كربكم و يزيح عنكم همكم و يفتح لكم من أبواب رحمته...

أوصيكم بكثرة الأستغفار... أكثروا من الأستغفار و الصدقات... عسى الله أن يفرج عنكم!

خالص دعواتي و أمنياتي

[المتفائل]

السلام عليكم
أخبار 2011 المفرحه إن شاء الله وشكر خاص للأخ ناقل الخبر أسووود ، للإطلاع اضغط الرابط أدناه :

http://www.ankawa.com/forum/index.php?PHPSESSID=0a42d1289b4d3f584c57a7bbc2c8755b&topic=452387.0

[مهاجرين بلا حدود]

الله يسهل للجميع وانشالله السنة المقبلة سنة خير للجميع

[عراقي كرادي]

السلام علكيم,

الاخوة الكرام في جمعية المرفوضين من اميركا, احب ابشركم بانه اني قبل يومين كملت دورة قبل السفر وكان عائلتين من المرفوضين  وقدموا استئناف وشكوى ومشت امورهم وهسه هم مننتظرين سفر, أنشاء الله الفرج العاجل الكم,
تقبلو مروري.

[ام عبدو]

شكرا اخ ابحث عن وطن على الدعاء وان شاء الله ييسر امور الجميع وكما قال عز وجل وبشر الصابرين الله بيجعلنا منهم امين

                            ام عبدو عمان

[المتفائل]

السلام عليكم

لقد ذكر في القرآن الكريم دعاء سيدنا يونس عليه السلام
(وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ)***. صدق الله العظيم

وإن شاء الله ندعو دعاء سيدنا يونس عليه السلام لينجينا ويفرّج عنّا رب العالمين :
         
              ***   لا إله إلّا أنت سبحانك إنّي كنت من الظالمين  ***

[المسافرة]

مرحبا للجميع
هل من جديد بشروني 

[مجرب الغربة]

الله يفرج على الجميع ويسهل امرهم  وكلنه ننتظر نسمع اخبار حلوة
اخوكم/مجرب الغربة

[المسافرة]

صباح الخير اتصلنا بالمفوضية امس ونفس الرد ننتظر دولة شروطها مطابقة لملفكم يعني لاجديد صبرنا ياالله

[doori]

السلام عليكم
شلونكم اخواني وخواتي اتمنى للجميع الخير والموفقيه يا رب اسف لانقطاعي بسبب بعض الظروف
اتمنى السفر للجميع

تحياتي

[yasooo]

السلام عليكم
اليوم خابرت اليو ان دا اسال على ملفي كلي بقسم الحماية!!!!! كتله مو جان بالتوطين شون رجع للحماية
كلي ما اعرف عد اذا صار شي همه يتصلون بيك

ديضحكون علينا وديلعبون باعصابنا
الشغلة حيل ميؤوس منها

[المسافرة]

مرحبا اخيyasooo كم مضى على رفضك النهائي من اميركا ؟؟
 وهل قابلت بعد الرفض مرة اخرى بالمفوضية بقسم التوطين ؟؟
وما سبب رفضك ؟؟

[ام عبدو]

نحن هم اتصلنا  باليو ان الان وكالونة في قسم الحماية والتوطين كلتلة شنو رجع للحماية كالي لا يعني بالتوطين بس ماكو شيء كتلة شنو يعني كالي يعني ماكو ولادولة قابلتكم لحد الان ومن ايصير شيء هم يتصلون بيكم يالله والله راح يخبلونة منك الفرج الهي والصبر


                  ام عبدو عمان

[ssoni]

مرحبا اخوان ولاخوات  احنا هم مثلكم مؤيد العبيدي وام عبدو و yasooo من الرفض من امريكا رجع وراها 3 اشهر رجع للمفاوضية في قسم التوطين ضل حوالي سنة وشهرين في التوطين  حالين نزل في الحماية الى شهرين  ماعرف شنو السبب او سالت محامي كان يشتغل في المفاوضية يقول ملفكم مادام نزل في الحماية يعني توطين او لجوء بس في الاردن يعني ماكو سفر موتنزل معنوياتكم لا هاذا الي سمعنا ونشاء لله ايكون غلط يارب الله كريم  اختكم ام انجلينا

[ابو عماد]

اخواني واخواتي الاعزاء المحترمين
تحية طيبة...........

قابلت قسم التوطين شهر 1 وبعده كنت اتصل باليوان الجواب ملفك قيد الدراسة بقسم التوطين ثم نزل الى قسم الحماية ثم مرة اخرى قسم التوطين... قبل اسبوع اتصلت باليوان وكان الجواب: لحد الان ماكو توطين الى بلدان اخرى باستثناء امريكا وملفك من 10/8/2010 بالاي او ام وننتظر الرد من امريكا... وسألت متى تأتي الرد من امريكا بقبول او رفض ملفي؟ الجواب احتمال بداية 2011 الاي او ام يتصلون بك ويحددون لك موعد مقابلة الاولى.
ملاحظة: انا مرفوض من امريكا
أخوكم: ابو عماد

[مجرب الغربة]

اخي العزيز ابو عماد اريد اسئلك يعني انت مقابل التوطين بعد الرفض
وبعده تم اعادة ملفك الى امريكا مرة ثانية الله يسر امرك وبلكي ننشمل بهاي المكرمه احنه
المرفوضين الي ننتظر رد او جواب من اليوان
اخوكم /مجرب الغربة

[ابو عماد]

اخي العزيز مجرب الغربة نعم بعد الرفض الامريكي قابلت التوطين شهر الواحد 2010 وقبل اسبوع عرفت بان ملفي حاليا في الاي او ام من شهر الثامن .... اخي انشاءالله شهر الجاي نسمع اخبار حلوة من اليو ان والاي او ام... حاليا ماكو توطين الى بلدان اخرى فقط اكو امريكا... ولحد الان اليو ان بانتظار الرد من الوفد الكندي.وعرفت بان بعض المرفوضين من امريكا تم مفاتحة امريكا مرة اخرى لتوطينهم الى امريكا وايضا ماكو رد مثل حالتي. بس يكولون احتمال بداية 2011 نستلم موعد المقابلة الاولى.
تمنياتي لكم بالموفقية

[المسافرة]

مرحبا اخي ابو عماد كيف حالك ان شاء الله بخير انت والعائلة
اخي تفاجئت جدا بالاخبار الجديدة التي نقلتها عن ملفك ولا نقول الا الخير في ما اختاره الله لنا دائما ....

[شكوماكو]

الله يسهل امرك اخوية ابو عماد ويسهل أمر الجميع ان شاءالله تعالى .

 اخوكم:
شكوماكو

[22laila]

اخواني واخواتي
اله يفرج عنكم
ويسهل امركم
ويريح بالكم
 اخوان رفعوا ايديكم بالدعاء والله يسهلها ان شاء الله
متضيق الا تفرج

[المسافرة]

اشكرك اختي  22laila  على هذا الدعاء وان شاء الله يستجاب في القريب العاجل لانه تعبنا جدا من الانتظار 

[مجرب الغربة]

السلام عليكم اخواني
يوم امس اتصلت بدائرة الهجرة وبعدها سمعت انه في برنامج اسمه اعادة التوطين الى امريكا اضغط رقم 305 او306 ويعطوك الجواب لكن للاسف لم يتم الرد عليه وسوف اجرب مرة ثانية يوم الاحد بس حبيت اعطيكم هاي المعلومه اللهم فرجك قريب وابوابك مفتوحة للداعيين يسر علينا وافرج علينا همنا بحق هذه الايام المباركة
اخوكم /مجرب الغربة

[ssoni]

شكرا

[المسافرة]

مبروك فتح الصفحة الرابعة ان شاء الله تكون الاخيرة

[ام عبدو]

اختي المسافرة الله يستجاب دعائك وتصير الصفحة الاخيرة مو تصير مجلد لان روحنة طلعت ماباقيلنة بس الدعاء كولووووا يالله والله كريم


                                                          ام عبدو عمان

[المهندس المغترب]

الله يعينك كرين كارد مدا استوعب الموضوع لحد الان انت لعد شلون الله يساعدك

يابه لا تعبون نفسكم محد دايرلنا بال. اليوم حتى عالبي بي سي سمعت رئيس المفوضية مالاردن معترض يكول ليش ماكو دول دتفتح لجوء وكال لحد الان وطنوا 52000 واحد وبعد 48000 ينتظرون

يعني الامور كلش تبشر بخير كل هالناس اللي طلعت بعد اكو بكدهم

السلام عليكم .......
اشلونكم اخواني واخواتي الاعزاء.......
شنو اخر الاخبار عن الهجرة عن طريق تركيا

[المسافرة]

صباح الخير

[علي النعيمي]

أرسلت بواسطة: ابو عماد
إضافة اقتباس
اخواني واخواتي الاعزاء
تحية طيبة.....

اليوم سمعت بان دائرة الهجرة الاسترالية موافق على توطين بعض المرفوضين من امريكا وقريبا سوف يتم الاتصال بهم أما هذا الشهر او الشهر القادم... وايضا سمعت بان كندا موافق على بعض المرفوضين ... وامريكا ايضا حاليا يدرس ملفات بعض المرفوضين من امريكا واعطائهم فرصة اخرى للتوطين الامريكي.

أحد اصدقائي كان مرفوض من الامريكا قبل اسبوع اليوان ابلغوه بان تم توطينه على استراليا... وهو لايعرف متى يستلم الفورمات ومتى يتم مقابلته في السفارة الاسترالية بعمان. تمنياتي لكم بالموفقية.

[المسافرة]

مرحبا اخي  aa12_zz5  اشكرك على نقل الخبر واتمنى ان يكون صحيح لو سمحت اخي اين كتبه ابو عماد وقمت انت باقتباسه اسالك لكي اعرف ان الخبر قديم او جديد ومرة اخرى اشكرك جدا والله ييسر امورك وتتوطن قريبا لاي دولة فيها خير لك

[علي النعيمي]

اختي المسافرة موجود بداية القائمة مكتوب اخر الاخبار للتوطين/color]

[علي النعيمي]

اخر الاخبار عن التوطين مشاركة الاخ ابو عماد

[بغداد لاتتالمي]

اي هاي الاخبار الحلوه
اشكر جميع الاخوان على نقل الاخبار الحلو

[المسافرة]

اشكرك اخيaa12_zz5 قرات الخبر وان شاء الله يكون صحيح

[المسافرة]

uppppppppppppppppppppppppp

[علي النعيمي]

up

[المسافرة]

اشكرك اخيaa12_zz5  على رفع الصفحة لاني مليت ارفعها وترجع تنزل 

[علي النعيمي]

ماشي ولايهمج لانو هم تفيد لانو اكو واحد اسمة حسنين الوادي عندة رفض من امريكا

[علي النعيمي]

وهذة المشاركة مالتة  http://www.ankawa.com/forum/index.php/topic,456420.0.html

[المسافرة]

اشكرك على روح التعاون التي تمتلكها في مساعدة الاخرين وانا جاوبت على الشخص الذي ذكرته حسب معلوماتي بالموضوع

[المسافرة]

up

[شكوماكو]

up

[ام عبدو]

                   الله كريم ويفرجها بليلة وضحاها امين

ا

[doori]

صباح الخير
اخواني وخواتي كل عام وانتم بالف الف خير ويا رب العام القادم الكل يسافر والعيد الجاي ينتقل اسم الجمعيه من جمعية المرفوضين من امريكا الى جميعة الواصلين الى امريكا
الفرج للجميع يا الله

[ssoni]

للرفع

[ابو فراس]

السلام عليكم اخوتي الكرام

حبيت بس اداخل اني جنت بعمان فتره بس طلعت منهه لغير دوله هذا الاعتصام لازم تاخذون بي موافقه من الجهات الامنيه تره عندي صديق طببوه جوه 15 يوم وراهه شمروا على الحدود لانه سوا اعتصام ويه طلبه جامعه فا اخاف يسولكم سالفه بالنسبه اليه صارلي سنه ونص مقدم من لبنان وراهه حولوا الفايل مالتي يعني مثل ام البزازين كل يوم بمكان الله يسهلهه عليكم وتنفتح بوجوهكم بجاه الحبيب محمد وتنقبلون كلكم

تقبلوا مروري
اخوكم ابو فراس

[المسافرة]

وانت بالف خير اخي doori والله يسمع منك ويفرجها علينا قريبا واتمنى لك ان تسافر وتوصل بمليون سلامة وان تتوفق في اميركا لاتنسانا من دعائك ..

[المسافرة]

اشكرك اخي ابو فراس على مداخلتك لكن موضوع الاعتصام هو موضوع قديم جدا انطرح ولم يطبق ولا نفكر بتطبيقه اشكرك لاهتمامك ونصيحتك

[المسافرة]

وانت والعائلة بمليون خير ونحقيق الاماني

[ssoni]

[المسافرة]

صباح الخير وكل عيد والجميع بخير وصحة

[شكوماكو]

وانت بالف خير ويارب تسهل امور كل العراقيين وتحقيق الاماني ان شاءالله.

[ام عبدو]

      كل عام والجميع بخير وتقبل الله الطاعات وتحقيق الاماني بأذن الله ويفرجها عاجلا وليس اجلا (امين)



                    ام عبدو عمان

[بغداد لاتتالمي]

كل عام وانتو بالف خير

[مجرب الغربة]

كل عام وانتم بالف خير والله يسر على الجميع والله يحقق امنيات الجميع
اخوكم/مجرب الغربة

























































































































































































































































































































































































































































































































































































































[/img]

[ارضنا الطيبه]

سلام الله عليكم
وكل عام وانتم بخير
اين مرفوضين امريكا في مصر هم تم توطينكم على بلد اخر وما هي البلدان التي تستقبل لاجئين؟


شكرا للجميع

[شكوماكو]

اتصلوا بنا صباح اليوم من ال Un وابلغونا انه ملفنة حاليا في قسم التوطين وهو قيد الدراسة علما اننا مرفوضين من امريكا بتاريخ 8/7/2009 لذا انا استفسر عن القصد من هذا الكلام متمنا للجميع كل الخير والموفقية وتسهيل امركم ان شاءالله .

اخوكم:
 شكوماكو

[مجرب الغربة]

بالخير عليك شكوماكو بس انت باي دولة حتى تكملة فرحتنه بيك
اخوكم/مجرب الغربة

[شكوماكو]

شكرا حبيبي مجرب الغربة... اني بالاردن...
بس بلكي تشرحلي يعني اكو بشارة خير انشالله قصدك...

متمنيا للجميع كل الخير والتوفيق...

اخوكم
شكوماكو

[مجرب الغربة]

اخي العزيز شكوماكو باذن الله خير لان هم الي اتصلوا بيك يعني نكدر نكول راح يبلشون بالمرفوضين الله يسر عليك وعلينه يارب
اخوكم/مجرب الغربه

[شكوماكو]

شكرا حبيبي مجرب الغربة على الرد السريع وهذا من حسن اخلاقك وطيبة قلبك اتمنى لك وللجميع كل الخير والتوفيق وان شاءالله تنفتح بوجوه كل العراقيين يارب.

 اخوكم:
شكوماكو

[المسافرة]

اخي شكو ماكو كل عام وانت والجميع بألف خير وصحة 
اخي اتصال المفوضية فيك هو نظام جديد من المفوضية بعد ان تتصل بهم تسأل عن ملفك وين وصل يردون عليك سنتصل بك اليوم الفلاني او سنتصل بك فيما بعد هذا الذي حدث معنا ومع ناس كثيرين واذا انت لم تقم بالاتصال بهم مسبقا قبل ايام فهذه فعلا هي بشرى سارة لنا والله يفرجها علينا جميعا قريبا 

[شكوماكو]

شكرا لك اختنا العزيزية المسافرة على الرد ويارب الله يسهل امرك وامر الجميع ان شاء الله.

[المسافرة]

اخي شكو ماكو هل انت اتصلت بالمفوضية مسبقا قبل ان يتصلوا بك والرد كان سنتصل بك لاحقا 

[علي النعيمي]

ان شاء الله الاسبوع الجاي نسمع اخبار مفرحة باذن الله

[مشلوع كلبي]

اخوان امس سمعت الكم اخبار حلوة .......... تحدثت امس مع احد اصدقاء اولادى وهو عايش لوحده بسوريا وكان مكمل الفحص وكلشى من سنه 2008 وانرفض مرتين واخير مرة كالوله لاتجى بعد على اليوان انت مرفوض قطعيا وتعارك ويا المنظمة وحتى بوقتها من عصبيته كسر الزجاج الى يحجون وياه من خلفه وماشالله البارحة المغرب حجيت وياه ويكول دزو عليه من جديد وهسه كملت كلشى واتصلو عليه المزة يردون اودى جوازى حتى يتاكدو ن من مدمته علمود جدول سفر والحمدلله ...... انشالله تفرج عليكم الكل واتفرحونا وانى هم افرح بابنى
 


         اللهم امين بحق الحبيب المصطفى




     

[شكوماكو]

اختي العزيزة المسافرة:
السلام عليكم بالنسبة للاتصال اني اتصلت بيهم من قبل اكثر من شهر ولم احصل على اي نتيجة منهم الا الآن فان  شاءالله فاتحة خير لنا ولكم وللجميع بعونه تعالى.

[مشلوع كلبي]

اخ مؤيد انى   ماكلت عمموها انى كلت من عصبيته وكان الشاب متهستر لان كالوله مرفوض قطعيا والله يساعده وانتو كلكم او بالاحرى كلنا اشلون يصير احساسنا واحنا ننتضر السفر سنين وبعدها يكولولك مرفوض ؟

ولا مو رفض عادى قطعيا!!!!!!!!!!!!!!

[علي النعيمي]

الله يساعدة بس والله سبع كسر الزجاج احنة نشوف الشرطي نخرب هههههههه اختي معرفتي شنو سبب رفض ؟

[المسافرة]

اشكرك اخي شكو ماكو على الرد وبالتوفيق ان شاء الله

[مشلوع كلبي]

اخى انى اتذكره كان سبب الرفض عدم المصداقيه

[علي النعيمي]

الف شكرا اخت مشلوع قلبي ودااشوف سبب الرفض من امريكا نسبة 75 بالمية عدم مصداقية

[شكوماكو]

up

[ssoni]

 ;up


up

D

[مجرب الغربة]

[ssoni]

تحياتي الى الخوان والاخوات الى المسافرة ومجرب الغربة سمعت خبر مااعرف اذا سمعتوا انو السستم الي يشتغلون في المفاوضية في الاردن غيروهم سمعت لان قبل كم يوم جمعية في سويسرة زايرتهم او عرفت انو الموظفين كلهم راشاوي واصطات او رفعو دعوة عليهم وغيروهم كلهم والخبر الثاني يارب الكم اليوم خابرنا محامي في المفاوضية قال انو  الاجنة طالبين اوراقكم وقال تجون اساعة 8 اصبح وسالنة المحامي ليش قال بعد اسبوعين اردلك خبر ياطوطين يارفض ونشاء لله كريم يوم الكم يارب اختكم ام انجلينا

[علي النعيمي]

اخوية سوني اي ورقة مال الحماية تقصد فهمنة اكثر وثانيا تقصد اليو ان كل الموظفين تغير لو بس اهل الرشاوي

[ssoni]

السلام عليك اخوية aa12_zz5 عيني قصدي موظفين المفاوضية السامية للامم المتحدة موظفين الي قابلون  مقابلات ويرفعون الملفات الى  الجنة الي تحدد التوطين وسفر والي قابلون  ويكتبون القصة الي يرودون يهاجرون مااعرف اذا صحيح الخبر اسمعت من ناس قابلوا يوم الاحد يوم 21 هاذا الاخبر او ))((  الموضوع الثاني  اهواية  ناس ديتصلون بيهم ويحولون ملافاتهم الى الامانيا وكندا وفرنسة  لان انا اداوم دورات خاصة للعراقين وجتمع مع عراقين  وسمع اخبارهم  اكو ناس بعد   اسبوع   اسافر الى المانيا هم  انرفضوا قطعي من امريكا وحولوهم الى المانيا بعد السنة من الرفض من امريكا حولوهم الى  المانيا وتقريبن طولت المعاملة4  اشهر في السفارة المانيا وهاذا السبوع راح يسافرون يوم كل المرفوضين والي ينتضرون يارب يسافرون ونودع هاي الجمعية  المرفوضين ونفتح جمعيتة الى اورببببببببببببببببببببببببببببببببببببببببببببببببببببببببااااااااااااااااااااااااااااااااااااااااااااااااااااااااااااااااااااااااااااااااااااااااااا المسافريييييييييييييييييييييييييييييييييييييييييييييييييييييييييييييييييييننننننننننننننننننننننننننننننننننننننننننننننننننننننننننننننننننننننننننننننننننن اختكم ام انجلينا

[المسافرة]

مرحبا اختي ام انجلينا في البداية اشكرك كثيرا لمشاركتنا لك بأخبارك وبالاخبار التي سمعتيها ولعلها تكون صحيحة وخير لنا نحن المرفوضين
واريد توضحين لي هل انت متوطنة ومتحولة من المفوضية سابقا الى منظمة الهجرة وتم رفضك او انت مقدمة بصورة مباشرة الى منظمة الهجرة لان زوجك كما ذكرت سابقا يعمل مع الامريكان
لانه في حالة انك متوطنة سابقا ومحولة من المفوضية  الى منظمة الهجرة يعني هذه المقابلة التي اعطاكم المحامي موعدها تكون اعادة معلومات لتحويل ملفكم لدولة اخرى
وفي حالة انك غير متوطنة سابقا وقدمتم الى منظمة الهجرة مباشرة وتم رفضم تكون المقابلة هي مقابلة توطين وارجو ان تتواصلي معنا بالموضوع وشكرا مرة ثانية
وبالتوفيق 

[مشلوع كلبي]

اخوانى واخواتى ......

اتصلوا الهجرة الدوليه على ابنى والحمد لله حددوا له موعد مع الوفد لاعاده البصمه لانها اكسباير والموظفه مبشره ابنى انو مابقى شى لك على السفر ........... هل كلامها بوادر خير وتفرج

[علي النعيمي]

الف مبرك مشلوع كلبي هسة لازم تغيرين الاسم مرتاح كلبي