بشرى سارة للمرفوضين من الامريكية

[كابوس]

تحية طيبة للجميع... قبل شوية ردت على اخت وهي مرفوضة من الامريكية وهسة حبيت احجيلك اللي صار وياية بموضوع جديد حتى الكل يقرأ ويستفاد منه وبصورة خاصة الاخوة والاخوات المرفوضين من الامريكية....
اليوم زارنا بالبيت شخص فرنسي وياه كاميرة تلفزيونية وحلوة وتخبل ومترجمة وشخص من المطرانية وبعد ما عرف الفرنسي عن نفسه انه هو يريد ينقل حقيقة معاناة العراقيين في تركيا وخاصة المرفوضين واللي بعدهم منتظرين السفر وايضاً المقبولين وهم مرسل من الاتحاد الاوربي حتى ينقل هاي الحقائق لانهم يركزون بصورة خاصة على المرفوضين من اللجنة الامريكية حتى الاتحاد الاوربي يفتح التوطين للعراقيين الى دول اوربية ثانية مثل فرنسا والمانيا... الخ.... وانا شرحت له بالتفصيل عن كل المعاناة مال العراقيين وبالانكليزي والحمدالله ما كنت محتاج للمترجمة وسألني هواية اسئلة عن سبب هجرة العراقيين وبالاخص المسيحيين وسبب عدم رجوعهم... وشرحتله المآساة والمعاناة اللي يعيشها العراقي الهارب من العراق وانه ما يقدر يرجع وهو بأمس الحاجة الى وطن آخر حتى يحمي نفسه واطفاله... الخ.
وحسب ما ابلغني هذا الفرنسي الخوش انسان... أنهم راح يدرسون معاناة العراقيين حتى يفتحون المجال للعراقيين للتوطين في دولة ثانية غير اميركا.... وبصراحة انا استبشرت بالخير من سمعت هذا الشيء وخاصة بالنسبة للعراقيين المرفوضين وما يكدرون يرجعون للعراق وبعد ما صرفوا كل فلوسهم وتبهدلوا بالغربة... والله يكون بعون الجميع ويسهل الامور....


محبتي للجميع

كابــــــــــــــــــوس

[شجرة الدر]

لله يجعلها فاتحة خير وتفرج على كل العراقيين المتغربين ومتبهذلين يارب

[احمد سلطان]

بارك اللة بيك على نقل الحدث بس وداعتك اخوية هذا اخونة الصحفى الفرنسى لايقدم ولاياخركثير منة صورونا وسووة دراسات براس العراقيين

[كابوس]

اخوية العزيز احمد سلطان.... انا متفائل خير وهذا الفرنسي مو صحفي ولا اعلامي بس هو موظف في الهجرة في الاتحاد الاوربي.... واحسن شيء انه نتفائل خير....


كابــــــــــــــــوس

[ام مشمش]

مشكور اخي وانشاء الله يكون كلامك بشرة خير

[angie-dawood]

انشاءلله ربي بوجه كل العراقيين اينما كانوا مشكور اخي كابوس لنقل الخبر ربي  يوفقك ويوم تنقل لنا خبر موعد سفرك التوفيق للجميع

[كابوس]

تحياتي الخالصة لمروركم الكريم يا ام مشمش وأنجي

اخوكم

كابــــــــــــــــــــوس

[ضـاع الوطن]

ان شااااااء الله يارب يوفق الجميع وخبر يرد الامل للمرفوضين

[ابراهيم2010]

انشاء الله يا رب تفرج عالعراقيين
الف شكر اخي كابوس على هذا الخبر

[(COBRA)]

الله يجعل ويقدم كل خير لكل الطيبين اينما كانو
تسلم لنقل الخبر

[مُغترب]

الله يبشرك بالخير حبيبي ويسهل امرك

بالتوفيق للجميع ان شاء الله

[السومري]

ربي يسهله عليكم وعلى الجميع

[Aiham_]

ندعي من الله بالتوفيق .

[Arsenal81]

التوفيق للجميع

[/size] [/size]

[storm2000]

ياااااااالله رحم الله والديك بلجي يلتفتون عيونه شويه ويكولون خطيه العراقيين

[Edy Simon]

شكرا للاخ كابوس
طبعا هذا شي مفرح انه اعزائنا طالبين اللجوء الموجودين في دول الجوار يزودونا بالمعلومات اللي عدهم عن هذي التحركات للاتحاد الاوربي.
هذا اني اؤيد هذا الخبر
لانه اليو ان طلبت مرة ثانية من الاتحاد الاوربي ان يستوطن عدد اخر من اللاجيئين العراقيين وقد زادت مساعداتها المالية لكل لاجئ يصل الى الدول الاوربية, مع العلم ان الدول الاوربية الى حد الان لم توطن العراقيين المفترض عليها ماعدا المانيا استوفت بوعدها, لذا هذا الخبر يؤكد ان الاتحاد الاوربي سوف يجمع المعلومات عن العراقيين الموجودين في دول الجوار والسعي لاجل ان يقترح على اعضائه ان يوطنوهم , والباقي على الله وتقبلو تحياتي
جوسي البغدادي استشاري اللاجئين الماني

[بغداد بقلبي]

ان شاء الله خير يارب الله ايسهل امور العراقيين