طبعا اني وصلت كالفورينيا يوم 19 من هالشهر وثاني يووم رحت على دائره السوشيل سكيورتي منطوني ياه كالولي لان السفاره مرات هيه اتدز السوشيل سكيورتي على العنوان الي انته مخليه كالو تعال بعد 3 اسابيع اذا مجايلك احنه انسويلك الاوراق مالتك
ووراها رحت على المنظمه
بعدها بويمين ودزوني على السوشيل ايجنسي الي صايره بكالفورينيا اورنج كاونتي الكيس وركر مالتي وحده صينيه اني اشوفها هوايه متعاونه يعني خلصتلي كل الاوراق مالتي
وبعدين رادو ورقه من المنظمه هم سويتها وهليوم استلمت الكارت مال الفوود ستامب
الكاش 345 دولار
والفود 200 دولار
والويلكم موني 1100 دولار
طبعا المنظمه رادو ينطوني 900 كتلها مال شنو كالتلي هاي ال 900 مال الويلكم
كتلها اني الي اعرفه هسه صايره 1100 كالت ها ما اعرف شنو
اني كبل كتلها اشتكي عليكم ومن هالحجي
اشو كالت خلي اجيك ويا الدايركتر مالي
اشو اجتي كال اي سوري هيه 1100 مو 900 اني اسفه ومن هالقبيل وخلصت كل هالاموور هسه بقتلي الكرين كارت والسوشيل سكيورتي وراح يسوولي هويه مال كالفورينيا بس بعد ما اشتلم السوشيل سكيورتي
واكو شي ثاني همينه
بالنسبه للاجازة السووق كالت راح اسويلك ورقه حته من اترووح اتسوي التيست ومن اتريد تدفع الفلوس مالتها كالت بدل 27 دولار راح انطيلك ورقه يسووها الك اب 15 دولار
المنظات الي هنا لازم الواحد يطب بعينهم
هذا كل الي عندي حاليا شباب والله يعلم شنو منتضرنه بالمستقبل
تحياتي الكم
سلفر كالفورينيا وراح اصير ديترويت بعد شهرين
