مراحل اللجوء عن طريق اليو ان في الاردن-عمان

[amman2010]

مرحبا للجمبع.... اريد استفسر عن مراحل اللجوء لان اني كنت مفكر انو هيه عباره عن مقابلتين وبعدين محلفين وبصمات وفحص ودوره تثقيفيه وسفر. بس اليوم سمعت من جماعه يقولون المقابله الاولى والثانيه في اليوم ان تتبعها هم مقابلتين تقريبا في ال اي او ام اللي قريبه على مستشفى السرطان الله يحفظ الجميع. وبعدها يله يجي موعد المحلفين والباقي تباعا!!

الرجاء من اللي عنده خبره ومعلومه اكيده يرد على استفساري مع جزيل الشكر وامنياتي للجميع بالسفر باقرب فرصه

عراقي

[^Miss Violet ^]

اخوية بالبداية يخابروك اليو ان يكولوك عندك توطين.. على الاغلب على امريكا يكون.. يسالوك اذا تريد امريكا.. وبعد قبولك راح ينكوك موعد مقابلة توطين باليو ان.. ثم مقابلة الكرت الازرق اذا سوولك كرت ازرق.. بعدين تتحول اي او ام.. وهناك تسوي مقابلتين ثم بصمات وبعدين محلفين.. ثم فحص طبي و استلام نتيجة المحلفين و ثم تسوي الدورة التثقيفية و بعدين السفر انشالله.. وصول الموافقة الامنية يقع في اي مرحلة بين البصمات والسفر غير معروف

[amman2010]

تسلمين على هالشرح الوافي  اختي. اني لعد الظاهر المقابله اللي فاتت باليو  ان اللي هيه (مقابله رقم 2)  كانت مقابله توطين  لان صارت باليو ان وقبلها لمن خابرتني قالتلي بعدك مهتم بالتوطين قلتلها اي فقالتلي تره ماكو بس امريكا بعدك مهتم قلتلها اي عادي. فيمكن هيه هاي حسب مااعتقد. بس ردت اسال وره هاي المقابله بعد شكد تقريبا تجي مقابله الكارت الازرق عادة؟ 

شكرا وببالتوفيق للجميع

[^Miss Violet ^]

هو خي عندك احتمالين.. يا اما يصيرلك كارت ازرق.. وبهالحالة راح يخابروك يكولولك جيب صورة لكل شخص والمستمسكات وينطوك موعد مقابلة للكارت الازرق..

أو تتحول اي او ام بدون كرت ازرق.. وهاية النقطة صدكني ليحد الان ما فاهمتها.. ليش اكو ناس عدهة كارت ازرق وناس لا.. حتى من سالتهم ما جاوبوني.. بس من خلال ملاحظتي اكثر اللي عدهم كفيل ماياخذون كرت ازرق.. وبالتالي (هذا رأي واستنتاج يعني مو شرط يكون صحيح) الكرت الازرق للي مقسمين حسب الولايات بالتوزيع على المنظمات لان مكتوب بالكارت بطاقة لاجئ حسب الولاية

انت سواء بكارت او بدون كارت خلال شهرين على اكثر تقدير يخابروك يا اما مقابلة كارت او الاي او ام تنطيك موعد مقابلة اولى

موفق اخي

[amman2010]

ها خوش يله الله كريم بس هسه اتوضحت عندي الصوره اكثر من الاول بهوايه.

شكرا جزيلا

[ameerhabeeb11]

كندا ايظا تابعه لل iom ؟
اللي يعرف مراحل التوطين في كندا من الاردن رجاءا يفيدنا
وهل كندا تحتاج للكفيل واذا ماكو كفيل شنو اللي راح يصير؟
تحياتي للجميع   

[ألن في بلاد العجائب]

الكرت الازرق يعني ان المملكه الاردنيه ايضا اعترفت بك كلاجئ و لا يجوز ارجاعك الى بلدك الاصلي يعني اعتراف من اليو ان و من الداخليه الاردنيه

[الاسدباو]

استفااااااااااااااااااااد يعني حصبة وجدري وسرطان

يابه مفخخة ونموت احسسسسسسسسن من الانتظار هذا


حسبي الله حسبي الله هيج صار العراقي رخيص وسسسسسسسسسسسسسفة و الله


الله لا يوفق اللي كان السبب

[عراقي اصلي]

السلم عليكم اني قدمت بشهر العاشر 2013
واطوني موعد بش
هر 5/2014 و القابله دير غبار بشهر 9/2014 بس بهاذي المقابله قابلوني 3 مرات وكالولي ارجع للعراق اذا تريد ونرفزوني وكلتلي الموضفه حعيدلك المقابله بشهر 12/2015 ليش بس اني هيج واترجاكم ساعدوني

[عراقي اصلي]

مرحبا للجمبع.... اريد استفسر عن مراحل اللجوء لان اني كنت مفكر انو هيه عباره عن مقابلتين وبعدين محلفين وبصمات وفحص ودوره تثقيفيه وسفر. بس اليوم سمعت من جماعه يقولون المقابله الاولى والثانيه في اليوم ان تتبعها هم مقابلتين تقريبا في ال اي او ام اللي قريبه على مستشفى السرطان الله يحفظ الجميع. وبعدها يله يجي موعد المحلفين والباقي تباعا!!

الرجاء من اللي عنده خبره ومعلومه اكيده يرد على استفساري مع جزيل الشكر وامنياتي للجميع بالسفر باقرب فرصه

عراقي

[عراقي اصلي]

السلم عليكم اني قدمت بشهر العاشر 2013
واطوني موعد بش
هر 5/2014 و القابله دير غبار بشهر 9/2014 بس بهاذي المقابله قابلوني 3 مرات وكالولي ارجع للعراق اذا تريد ونرفزوني وكلتلي الموضفه حعيدلك المقابله بشهر 12/2015 ليش بس اني هيج واترجاكم ساعدوني