اخي العزيز ممكن تعرف شلون تبدي عن طريق الرابط التالي وابدي من عبارة (الخطوة الاولى) ملف متكامل بالعربي وامشي عليه واذا عندك سؤال احنا حاضرين
http://www.travel.state.gov/pdf/SIVArabictranslation.pdfالريكومنديشن مالتك منطيكياه المسؤول المباشر مالتك؟ وهل هو مواطن امريكي ام لا؟
تحتاج معاه الى رسالة الموارد البشرية human resources واللي هي عدنا بالعراق يعني الذاتية ينطوك رسالة من الذاتية مال الشركة اللي كنت تعمل بيها وتحتوي على التالي:
الاسم الكامل (مثل ما مكتوب بالجواز). طبعا جوازك لازم يكون جي او اي لان الاس غير مقبول.
عنوانك الوظيفي بالشركة (شنو كنت تعمل)
تاريخ المباشرة بالشهر واليوم والسنة
تاريخ انتهاء العمل (اذا منتهي عملك معهم واذا تعمل معهم يكتبون مستمر بالعمل)
سبب انتهاء العمل
اذا عندك باج او ما يماثله
اي عقوبات تذكر
بدون الاتش ار human resources letter HR letter والتوصية ما تكدر تقدم عالبرنامج.
ملاحظات مهمة :
التوصية لازم تحتوي على عبارات مهمة وهي اولا:انت لا تشكل اي خطر على الامن القومي الامريكي بحسب معرفة المسؤول مالتك.ثانيا: انت قدمت خدمات قيمة ومخلصة للولايات المتحدة الامريكية.
لازم اللي انطاك الريكومنديشن يكون عنده ايميل مكتوب بالتوصية لانه راح يتصلون بيه قبل ما ينطوك الchief of mission approval حتى يتأكدون انه هو اللي انطاك التوصية وانه المعلومات اللي بيه صحيحة.
