ارجو مساعدتي اخوكم مرفوض امريكيا في تركيا اصحاب الخبرة 29-5-2010

[raad68]

السلام عليكم اخواني ارجو الساعدة اصحاب الخبرة . اتصلو بي ال اي سي ام سي البارحة وطلبو عنواني  وقال لي الموظف اخي انت ملفك مرفوض من قبل الامركيا واني ابصراحة ماريد اسوي استئناف اريد يتحول ملفي لدولة استيطان اخرى استغل الوقت لان الستئناف القبول بي واحد بلمية علماً اني سجلت في تركيا ابتاريخ  14-1-2009 واني هم الضروف المادية كولش تعبانة ونشكر الله الي اريدة اخواني منكم اصحاب الخبرة من يوصل كتاب الرفض شنو الي اسوي يسهل علي الوقت للستيطان ابدولة اخرى علماً اني في تركيا تحياتي الكم جميعاً والرب يوفق الجميع

[مُغترب]

والله يا حبيبي اني دخلت حتى احاول اساعد كم عضو واطلع

بس قضية الرفض والاستئناف ماعرف بيها وان شاء الله بقية الاحبة يساعدوك

تحياتي لك وبالتوفيق ان شاء الله

جون آيدن 

[مُغترب]

تحية طيبة
بعد الرفض من امريكا يفضل ان تقوم بالاستئناف لانه نحن عائلة ظروفنا متشابهة ولكن استشرنا محامي مختص نصحنا بالاستئناف واذا مرت فترة 90 دون ان تستانف فلاحول ولاقوة الابالله ولكن اذا لم تنتهي الفترة استانف افضل لانه يوجد احتمال غلق الملف نحن بلغونا المفوضية بهذا الاجراء بحالة عدم الاستئناف ولك الاختيار

هذا جواب الاخت الكريمة على سؤال اعتقد يشبه حالتك

http://www.ankawa.com/forum/index.php/topic,416980.0.html

[abo yunes]

اخي العزيز اني اكدر انصحك ابشي وانت من ناحيتك لاتقدم على استئناف ابدا. وانت خابر اليوئين الي هوه با انقرا  وخابرهم واحجي وياهم كوللهم اني انرفضت وحولو ملفي الى دولة اخرى واني مراح اقدم استئناف اوكي تقبل تحياتي

[red lionking]

اخي العزيز ,, بالبداية اكول الله ايساعدكم وان شاء الله القادم افضل,, اولا تتنظر كتاب الرفض من يجيك وبعدين اتسوي عريضة لليو ان تكتب بيهة انه تم رفضك من اللجنة الامريكية وتطلب منهم تحويلك الى بلد استيطان أخر ( ويفضل ان يكون عندك اقرباء درجة اولى في بلد معين تذكرهم بالعريضة) وادزهة فاكس لليو ان ,, والصراحة هاي هية بس محاولة واذا اكو استيطان الى بلد اخر همة راح ايحولوك بس ينرادلهة صبر يعيني احتمال 3  أشهر او اكثر ايحولوك على غير دولة ومثل ما كلتلك اذا عندك درجة اولى ابغير دولة وذاكرهة باليو ان راح ايحولوك الى هاي الدولة والله كريم لان مرينة بهاي الحالة واعرف اشكد اتدوخ وصعبة ,, واذا عندك اي سؤال اني حاضر ,, تحياتي

[raad68]

[شكراً الكم اخواني جميعاً على المعلومات ..اخوي العزيز red lionking بنسبة الي اني ماعندي اقرباء درجة اولى بس ابمريكا بس عندي خالي  وابن عمتي بستراليا وخوالي اثنين ابكندا سمعت من جماعة اهنا يكولون لازم ادز عريضة لل اي سي ام  سي اتكول بيها انو مااريد اسوي استئناف وتوقع عليها علمود يدزون ملفك لل يو ان تحياتي

[red lionking]

اخي العزيز اذا انت ذاكر اخوتك بكندا  وكرايبك باستراليا  فصدكني اكيد راح ايحولون ملفك على وحدة من هالدولتين وخاصة كندا او ايخيروك استراليا وية كندا ولا تتصل باليو ان ولا هم يحزنون ,, لان تكدر اتسوي استئناف عالامريكية بال icmc  بس لا اتبلغ اليو ان بالاستئناف ,, ومن تتصل باليو ان لا اتجيب شغلة الاستئناف بس ممكن تسالهم اشوكت ايحولوك ووين ,,, وطبعا ما راح ينطوك جواب لا وين ولا اشوكت وهمة ورة 3-4 اشهر رح ايحولوك وان شاء الله خير بس شوية صبر ,, تحياتي

[ام مشمش]

اخي ماادري اذا رايي راح يفيدك بس اني اكول قدم استئناف وهل نسبه واحد بالميه ان شاء الله اتكون بصالحك
واذا ماصارت قدم على غير دوله وسوي غير محاوله