اخواني ارررررجو المساعدة شغلة سهلة وكلكم مارين بيهه

[الرحال75]

السلام عليكم

اخواني واخواتي في هذا اللتجمع الجميل ارجو منكم مساعدتي في سؤالي وهو
كيف احصل على فيزا الى سوريا علما اني الان في العراق ولي عائلة نتكون من 4 اشخاص انا وزوجتي ولدي ابني عمره 6 سنوات وابنتي عمرها 3 سنوات فهل يسبون فيزا عليهم ايضاً علما اني سمعت انه اكو فيزا لازم اتسوي هوية رجال اعمال وبعدين هم لازم ننطي بالحدود 50 $ علما الهوية اتكلف 400@ كلهه يعني هم اتصير 600$ وناس اتكول لا اتسوي تقرير طبي وشلون ما اعرف بس اني اريدهه سريعة يعني مو مال اراجع ابنفسي مستعجل جداً جداً جداًً الي رايح هل ايام بلكي يشرحلي اسهل واسرع ( وارخص ) طريقة وشكد اتكلف بالضبط فدوه الكم ووكالو اكو لا تنطي للشركة مال نقل يعني للسيارة الي راح اتودينه وهمه يتكفلون بالفيزة مع الكروه بس شكد هم ما دريت فدوه جاوبوني على السريع حتى من الصبح اطلع اسويهه 

[um faisel]

الله يعينك اخوية والله اني ما اعرف بهيجي شغلة بلكي الجماعة الي يروحون لسريا يكدرون يفيدوك
بس ادعيلكم بالخير والله يوفقكم ان شاء الله

[العزاوي 55]

اخويه العزيز اقرب مكتب نقليات تروح عليه وتكله اريد اروح لسوريه وانتم تسوولي الدخوليه راح يشرحولك من طقق الى السلام عليكم وراح يكلولك شكد تكلف لحد الفلس

[الرحال75]

um faisel  تسلم اخي الغالي وان شاء الله انتضر الاجابة ومتاكد راح تنزل بعد شوية لان محد يقصر


سبحان الله واني كاعد اكتب وجتي الاجابة
اخوية العزاوي يعني صح انه همه يتكفلون بيهه اهل المكتب مو  ثانيا يعني يعني يعني يعني ( شكد تقريبا )

وتسلمون على مروركم الجميل والمفيد

[ام مشمش]

اخويه العزيز اقرب مكتب نقليات تروح عليه وتكله اريد اروح لسوريه وانتم تسوولي الدخوليه راح يشرحولك من طقق الى السلام عليكم وراح يكلولك شكد تكلف لحد الفلس

اخي العزيز اني اعتقد هو هذاالحل

[اسامة الهاشمي]

السلام عليكم ورحمة الله وبركاته...

اخي العزيز الرحال75 .
اني البارحة رحت سويت فيز الى سوريا من مكتب بالمنصور سعر الفيزة للجواز الواحد 150$ حتى لو كان طفل صغير ( عمره شهر ) واذا في غير منطقة يطلبون 160$ وسعر النقل اذا بالباصات 35 الف عراقي وبالجمسي 60 $ للنفر الواحد .
مع تمنيات لكم بالموفقية...









احلــــــــــــــــــــــــــى منــــــــــــــــــــــــــــــــدى

[طيوب 121975]

اكو شغله ارخص تسوي فيزا ايران وتدفع 50 دولار الكل شخص بالحدود يعني صير نصف القيمه بس اذا رايح تقدم لجؤء لسويها لان تاثر على المعامله يعني سوي فيزا شوريا افضل يغالي

[kunda]

اخي فيزا سورية معروفة صارت شغلتها من اي مكتب سفريات النفر  150 دولار والطفل 125 دولار  واذا تاخذ فيزا غير دولة على اساس انك تسافر من سوريا ترة متفيدك لان ينطوك فقط ثلاثة ايام او اسبوع  اقامة وغير قابلة للتجديد اذا ماعندك غير الدفع والله كريم