ممكن جواب شافي ومريح

[قاسم الربيعي]

انا لدي اخ في امريكا وخرج قبل 8 اشهر وخرج عن طريق لبنان للجوء وانا اريد ان اقدم على الهجرة والمهجرين وانا من سكنة بغداد متزوج ولدي 2 اطفال فكيف اقدم وهل الامل الموافقة مضمون   او      لا      ارجو الاجابة عن سؤالي

[azal]

مساء الخير

اخويه اذا انت مشتغل مع الامريكان وكنت مهدد يحقلك تقدم على منظمة ال iom   او  siv

او ممكن اخوك يسويلك لم شمل

هذا الي اعرفه واعذرني على التقصير

وان شاء بقية الاعضاء ميقصرون وياك

تقبل مروري

[ســـرى]

اخي العزيز اجبتك في السابق مع الاسف من العراق لايمكن انه تقدم على هجرة او لجوء في الوقت الحالي لانك ما اشتغلت مع جهة امريكية ولا اخوك عنده الجنسية الامريكية مثلا حتى يقدملك.تحياتي اخي الكريم.

[(COBRA)]

اخي العزيز  تكدر تطلع  الى سوريا او اردن وتقدم عن طريق اليو ان  للجوء ,,  وانشالله تتوفق

[y.a.r.a]

اخي قاسم
اذا كان اخوك مشتغل مع الامريكان ومقدم مباشر على ال اي او ام
بهاي الحاله تكدر اتقدم من بغداد
اما اذا كان اخوك مقدم على ال يو ان فلازم تطلع اتقدم من احدى الدول المجاوره على اليو ان وماكو تقديم من بغداد

[angie-dawood]

اخي قاسم
اذا كان اخوك مشتغل مع الامريكان ومقدم مباشر على ال اي او ام
بهاي الحاله تكدر اتقدم من بغداد
اما اذا كان اخوك مقدم على ال يو ان فلازم تطلع اتقدم من احدى الدول المجاوره على اليو ان وماكو تقديم من بغداد

نفس كلام الاخت يارا
لازم انت تقدم على اليوان باحد الدول الجوار ويكون اسم اخوك بصفة كفيل بهاي الحالة تكون اسرع من ما تنتظر اخوك ياخذ الكرين كارت وبعدها تنتظر بحدود من سنة الى 7 سنوات فالافضل الك انو تقدم على اليوان وانشاءلله التوفيق اخي قاسم

[نور الحديثي]

كلام الاخوة كله مضبوط بس احب اضيف شغلة مهمة وهي الحذر الحذر انه تجي تسجل بسوريا لانه نكرة الي يطب بيها بصعوبة يطلع يعني باختصار لو تركيا لو الاردن
والله يسهل للجميع

[طيوب 121975]

اني ويه الاخ نور الحديثي سوريا من نكره سوريا مصيبه سرداب 4 سنوات ضيم وقهر وعذاب الله يخلص العراقيين جمبعا

[ام مشمش]

اخي قدم عن طرق un  في سوريااوعمان اوخلي اخو يسويلك فيزا زيارة اولم شمل واي وحده تصير اسرع كان بها
وموفق باذن الله