السلام عليكم
حبيت اكتب موضوع عسى وان يفيد اعضاء الجمعية او يوضح بعض الامور بخصوص الموافقات الأمنية, راح اذكر المضوع بشكل نقاط:
1- احنا شغلتنه ويه ا"لأي او ام" الي هي تمثل المنظمة الأمريكية للتوطين والهجرة USCIS .
2- أني أذكر بالمقابله الأولى والثانية بال اي او ام والي حدثت بنفس اليوم سئلت الموضفة شكيد يطول الى ان اسافر قالت احسب من تاريخ المقابله الأولى 4 الى 6 أشهر.
3- كل الي قابل بال أي او ام تقريبا كلهم قابلو المحلفين بعد شهرين من المقابلة الأولى, وهذا معناه مدة الشهرين الأولى روتينية وعلى الكل تمشي تتعلق بجداول ومواعيد المحلفين, وهسه اذا طرحنا هاي الشهرين من المدة الي ذكرته بالنقطة 2 معناها باقي من شهرين الى اربع اشهر لموعد السفر, وهي المدة الأخيره ماكو غير هي المدة الى تستغرقه الموافقة الأمنيه الى ان تطلع.
4- راجعت موقع الـ USCIS وقريت بانه كل الأسامي مالت الاجئيين والمقدمين على امريكا يدزوها الى مكتب الـ FBI والكل يعرف هذا المكتب حتى يدقق الأسامي, يعني هذا المكتب هو المسوؤل على تدقيق الاسامي وتدخل الأسامي كله برنامج حتى يدققه.
5- راجعت موقع الـ FBI يقول انه تدقيق الاسامي يمر بمرحلتين مرحله الكترونيه ومرحله يدويه والغرض من عده انه اسم الشخص مذكور عدهم باحد ملفات التحقيق, اذا ماكو فخير على خير هاي العملية اطول شهرين, المشكله وين اذا انوجداسم الشخص باحد ملفاتهم فهنا المصيبه راح ياخذ وقت اكبر للتدقيق والمصيبه الأكبر اذا صار تطابق اسم او تطابق اسم مع تاريخ الولادة راح ياخذ وقت اكثر بعد, وهنا الي متأخره الأمنية مالته كلش والى اسمه من الأسامي المتكررة هوايه او مشهورة هوايه أحتمال انه مر بهاي الحاله والى اسمه نادر او غير مكرر والأمنيه مالته كلش طولت بشكل مو طبيعي والـ أي أو أم ماينطي جواب انصحه خلي يتصل بالـ USCIS مباشر ويحجي وياهم على رقمهم المباشر الي ذاكري بموقعهم ويسأل على check on the status of my name check أني بصراحه مامجرب ومخابرهم.
6- وهاي لنكات لليحب يطلع اكثر ويعرف اكثر عن الموضوع :
http://www.fbi.gov/hq/nationalnamecheck.htmhttp://www.fbi.gov/page2/nationalnamecheck.htmيعني الي ألأمنية مالته سهله راح يسافر وره مقابله المحلفين بشهرين أو اربعه وحسب جداول السفر
وأعتقد انه اكثر واحد راح يستفاد من هذا الموضوع ستروبري الله يسهل امره أما Baguncero ماأعرف شقوله بس اني مره سمعت انه الموافقة الامنيه 3 اشهر وتسقط وانه الشخص الى تتاخر معاملته بسبب او باخر مثل التأجيل او النقل أحتمال لازم يعيدوله الأمنيه من جديد ولهذا يطلبون بصمات من جديد والله أعلم.
وأنشاء الله الموفقية للجميع
ملاحظه الي يحب يعدل او يكمل او يصحح على الموضوع أهلا وسهلا حتى تعم الفائدة على الجميع.
